LUK LUKA- BUU 21
21
Iwa ri kɨbo a de kya Riwa a he wu Wawu
1Yeso a nzu si ya shu, ran to nji wa wa he kya ri wo wa sro nkɨren Izhi mba rimi bubu zi nkɨren ri tra Izhi. 2Ran to ngawen iwa ri kɨbo riwa a ran he kya ran ka sro nini hari. 3Yeso a tre,<< Me la yi kpunji Iwa ri kɨbo nyi a sro bran han ngbron nji. 4Wawunji wa de rimi bran riwa wa he wu; wa ri kɨbo a de rimi kya riwa a ran he wu rimi nfan riwa ma ran.>>
Yeso a Tre Bibi zi Riwa ari fe Tɨra Izhi
5Imiri ndu wan wari wa taka tre dindi ritu tra riwa wa mme nga kya riwa wa de ritu Bachi ama Yeso ka tre, 6<<Wu to tita wa nyi? Ivi ri ye riwa ko riri wa ran ka don ritu ri ran; wawu mba wa kawa ta rega.>> 7Nji wa miyen Yeso ri<<Nji ri tsro,>>Wa ka mɨyen, <<shitan kya wa nyi wa ti? Ngye nye ri he riwa ki to ri kyawa wa nyin wa ti?>> 8Yeso ka tre: <<Mɨlan ya ran no wa njo gyuru yi ran. Wari wa ye rimi nde won, wari tre ri <wa he ame,> Nga, <Ivi ye hyure.> Ran hu wa ran. 9Ka bi wo tre ku ri wa nyu, ran ti sisɨri ran kyawa wa nyi wa gbuchi he ri, ama ikre vi ran ye rina. 10Imba Yeso ka tre riwa: Mgbungbɨlume ri wulunde ri mgbungbɨlume, kpanchison ri wulunde ri kpanchison. 11Meme wa ri bran a ri chu iyon ri lilo kan kan, nga kya wa ti sisɨri nga alamu bran ri shuwulu. 12Ri kya wa nyin no wa gbuchi ti wa vu yi wa ri no yi ya. Wa ka yi no wa rɨra bla tre nga tre riwa tre nji wa ngɨzhi ye ri chu nga wa rinkon wa gbu wawu ri nde won. 13Rinyi ri he nkon la tre won. 14Nghamba ran no sron mbi time ran ri wa bi tre bi ri kpa ngambi chuwo ran. 15Me no yi la tre ri whiwuri, ri wa wa kpan fu mbi wa ran to ran. 16Wa ti mbi, wa yi mbi, wa vayi mbi ri igi mbi, wa kpan mbi wa kayi de, wa wu wari rimi mbi. 17Nji wawu wa kamba ri yi ritu won. 18Ama mfu tu mbi ri a ran ti kya ran. 19Kɨri gbegbe ari kpayi chuwo. 20Ka bi to wa lokpa wa kagon Urushelima, bi ka to ri ikre wan ye hyure. 21Ri wawa wa he ri meme Yudiya, no wa wulutsu hi ri tu ngbɨlu, no wawa wa he ri gbu nowa tsirinkon, nga no wawa wa he ri nchon gbu ran hi ri gbu tsisa ran. 22Ivi ri tsra riwa wa de ya Izhi bibi riwa wa ngha ri mbe Izhi. 23Ari he ri ya riwa wa he nne nga wawa wa sho vren rigon. Iya ri ye bran ri nji ŋgbugbɨlume. 24Wa wuu wa ri ku nga wa ri vu wa yo ri tra wa tren ri mgbungbɨlume. Urushelima wa he ri wo wa gran hi ri vi mba. 25<<Alamu wa he ri ji, iwua nga ntsen nga wa gbungblume wa so ya ri tu shinkpin ima. 26Nji wa kukɨwon ritu sisɨri nga joku sron kya ri wa gbungblu me ri ran chu. 27Ri vi mba wato vren nji riye rimi kpa wulu ri gbengbren nga gbre. 28Idan kya wamba wa gbuchi he, wu walunde wuri nzu woban shu, ritu ikpa wan chuwo a ye hyure.>>
29A lawa tre kɨbu ri,<< Bi ya nchi konkron mbwa ri ngbron inchi konkron. 30Idan wa gbuchi zhu mbe, biyi ritu mbi bi to ri isuu ye hyure. 31Ko ri ngamba, idan wu to kya wamba wa ti, Wu to ri kpanchi son ri shu he hyure. 32<< Me la yi kpunji, nzan wa nyi a ran kuu ran se wawu kya wamba wa ti. 33Ishu ri meme ri kre ama itre won ran kre ran. 34<<Mɨlan ya, no sron mbi ran yɨba ri so wa kpi ri huwa, ri kya wa meme nyi, ivi-a ri kre ritu wen ama wu ran to ran ka tɨroku. 35A ri ye ku ri tu wawu nji riwa wa son ri si ŋgbuŋbɨlu me. 36Kɨma vi mbi ran ya, bi ri ibreko bi to jɨbu wo wawu kya ri wa a ri wa ran ti, nga bi riya kri kusi Vɨren Nji.>> 37Bla vi riwa Yeso a ran tsro ri tra bre Izhi, nga ko wani yawulu a ran zhu ri ra ran tsro nji ran kru mibreŋŋran ritu gashi Zaitun. 38nga wawu nji wa ka ye ri bu mibrewa ri wawu ri tra bre Izhi.
Currently Selected:
LUK LUKA- BUU 21: BUU
Highlight
Share
Compare
Copy
Want to have your highlights saved across all your devices? Sign up or sign in
The word for the World International and The word for the World Nigeria
