LUK LUKA- BUU 23
23
1Ikpanji-a waka wulunde kusi wari ngɨzhi Yeso hi kusi Bilatu. 2Mba wa ka gbuchi wa wu ri tre ran tre,<<ki fe nji nyi a kpa nji mbu ri pisi ran ri lawa nowa ran han nkɨren meme no Kaisar nga ran tre ri wawu a he Bachi, Chu.>> 3Bilatu ka miyen Yeso ri,<<A wu nye wu he chu nji Yahuda?>>Yeso ka nyime ran tre, kamba nye bi tre.>> 4Bilatu ka la ri rinkoŋ wa ndu Izhi nga kpanji.<<Ame me ran fe kya meme ritu nji nyin ran.>> 5Ama waka kamba tre,<<A kpa wa ran pisi ri tsro wan ri meme nji Yahuda, ri tsro wan. A gbu chi ri meme Galili ran ye nyi.>> 6Riwa a wo ngamba, Bilatu ka mɨyen ri ka nji a he nji Galili nye. 7Riwa a to ri Yeso zhu ri bubu riwa Hirudus he ri kpanchison, ka tru Yeso hi ri Hirudus, riwa wawu ngawen a he ri Urushelima. 8Riwa Hirudus a to Yeso, a ngɨri bran, ritu sisen mu a ran gben ran to wu. Ritu kya riwa a wo ri tu wan, a yo sron ran to wu ri ti kya riwa ari de sisɨri. 9Hirudus ka ran miyen wu mɨyen kigbu, ama Yeso ka ran kpanyɨme ri wu ran. 10Wa rinkon wa tsro tre Izhi nga wa tsro doka Musa waka zhu ye kusi wa ri wa wari wuu ri tre. 11Hirudus nga wa lokpa wan wa ka kpa tsɨri, wari ban nchon tsro chu ka su ri wu, wa ri ngɨzhi wu bru hi ri Bilatu.
12Chachu nyin nye riwa Hirudus nga Bilatu wa he kpan ngamba, riwa wa ran he kpan nfu kamba. 13Bilatu a vu wa rinkon wa tsro tre Izhi nga wa rinkon nji nga gbunji wawu, 14A la riwa ri, <<Bi ngɨzhi nji nyin ye no wen ri a kpanji ri pisi. Ko me ya to ri kusi mbi, me ran fe wu ri meme ti riwa bi tre ritu wan ran. 15Hirudus ngawen kyari ngawen ran. Ikya riwa a sa ka bru ngɨzhi wu ye rita; Ba kya riwa nji mba ti riwa a ke riwa wa wuu. 16Ritu ngamba me tsi ri gbagba me ri chu wu wo.>> 17Ko kabru ro ri rugran bibi tan Bilatu ri ka nji ri rimi wawa wa vu wa tren ri bubu tren nji. 18Wawu mba waka kpagɨro wari tre,<<Ri no wa ngɨzhi wu hi wuu, wa ri ka Barabas chuwo ta!>> 19Barabas a he nji ri riwa wa kawu ta yo ri tra tren nji, ritu wa nyu riwa a he rimi gbu ri, waka wuu nji. 20Bilatu ka ran bru tre riwa ritu a ran su ran ka yeso chuwo. 21Mba wa ka ran kpagɨro wa ran tre,<<No wa kpan wu ri tu konkron! No wa kpan wu ri tu konkron!>> 22Bilatu ka bru la riwa, ri la ri tra,<<Ri nkon ri tan? Meme ti ritan a ti? Ko me ran fe wu ri meme ti kya ran. Ritu ngamba, me tsi ri gbagba me ri chu wu wo.>> 23Ama waka ran fu wulu, ikpanji-a wa kamba ran tre ŋgbangban ri, nowa kpan wu ri tu konkron, ikuzinba ka wɨrewa. 24Mba Bilatu ka ka zi ri nowa ti kya riwa wa su riwu. 25A chu nji riwa wa vu tren ritu a ran wa nyu ran wuu nji, Ama ran ka Yeso no wa ri nowa to kya riwa wa ti riwu.
Wa vu Yeso Kpan ritu Konkron.
26Riwa wa ngɨzhi Yeso ran hi, mba wa ka to nji ri wa yo wu ri Saminu, a zhu ri gbu mba ran ye, waka ban konkron ka lo ri wu no ngɨzhi ran hu Yeso. 27Ikpanji waka ran hu Yeso, nga mba wari riwa wa ran yi, wa ran ti shnji sron ri tu wan. 28Yeso ka kɨma si ya wa ran la wa ri,<<Bi yi mirimba Urushelima, ran yi ritu won ran; Yi ri nga mbi nga miri mbi. 29Ivi ri ye riwa bi tre, <Iwo dindi he ritu mba wawa wa kuu ngɨzhi, wa ran ngɨzhi zari to ran, wa ran so sisan mba to zari ran!> 30Nghamba nye wa la gblu,<Ku joku ritu mbu!> Nga no ngbɨlu, <No ka ta!> 31Idan bi ti kya wamba ka konkron wa he ri shushu ri, a ri he ri se ka konkɨron-a kɨlu?>> 32Nji hari riwa wa yɨwi, wa kawa kabru wa ri ngɨzhi wa hi ri bubu wuu. 33Riwa wa ke ri bubu riwa wa yo ri ŋgboro tu, mba nye waka kpan Yeso nga wa yɨbi hari-a, iri ku wori nga ri ku wota 34Yeso ka tre ri,<<A ti, ka meme ti mba chuwo ri wa, ritu wa ran to kya riwa wa ti ran.>>Waka gbon tsro wan ran ta ngbe ritu wan. 35Nji riwa wa ki ri bubu wan, wa ran ya. Wa rinkon waka wɨyen no, wari tre,<<A kpa wari chuwo, ko, no kpa ngawan chuwo mana, idan a he kristo riwa Izhi riwa a chu wu!>> 36Wa lokpa waka wɨyen no, wa ri chiwi hi ran, 37wa ri tre, <<Idan a wu wu he chu nji Yahuda nye, ko, wuka kpa ngawen chuwo ran!>> 38Waka ŋnga zi ritu wan riwa a tre ri, <<Ri nyin nye a he chu nji Yahuda.>> 39Rimi wa yɨbi hari riwa wa kpan wa ka tre ri,<<Wawu-a, a ran a wu nye wu he Bachi ran? Ko, wu ran kpa ngawen chuwo wu ri kpata chuwo me ran!>>
40Ama ri hari wan ka nyɨme ran tre vayi wan, ran tre, <<A wu ko sisiri Izhi wu ran ri ti ran? Ka tre, a wu riwa wu fe hukunchi riri mbi wu. 41Iwa mbu tsira ri ta, ri tu meme ti ri wa ki ti. Ko wawu nji mba a ran ti ko kya ran.>> 42A ran bru tre, <<A wu Yeso, taka won ka wu hi ri kpanchison wen.>> 43Yeso ka la wu ri,<<Me la wu kpunji, luwa wu son ri me ri bubu ri raro.>>
Ikuu Yeso
44Ri gbege ji, ibu a ka gbungblu me wa wu, hari hi ri krefi tra ri yawulu. 45Ikpantsu ka kɨma ti bu, itsɨro riwa wa ka nkon ri tra Izhi ka yɨra ti hari. 46Yeso ka bu nyu tre,<<A ti! Ri wo wen me ka ivɨri won ri de.>> Riwa a tre ngamba , ran vɨri ri wawu ran kuu. 47Riwa rinkon wa lokpa Roma ka to kya riwa a he, ran gbresan nde Izhi ran tre,<< Kpunji tre nji nyi ran ti meme ti kya ran!>> 48Riwa ikpanji wawa wa he ri bubu wan, ri wawa wa ye bubu ya wa to kya riwa a he, waka kɨma ran hi kamba wari ran wuruwo ri gbobre. 49Wawu nji riwa wa to Yeso nga mba hari riwa wa hu zhu ri Galili, wa ki kpata wari ran ya kya riwa a ri hi.
Iban Yeso no yɨbi
50Nji ri wa yo wu ri Yusufu, nji Arimatiya, a he gbu nji Yahuda, a he nji rinkon rimi wa rinkon gbu, a he nji dindi. 51Wawu a ran yɨme ri kya riwa wa ti ran, a zhu ri gbu Yudiya ri gbu Arimatiya a ran gben ye kpanchison riwa Izhi. 52Yusufu nye a hi ri Bilatu ran wa nowa ka kɨmo Yeso no wawu kpa hi no yɨwi. 53A ngɨzhi wu ye ri me ran nyewu ri tsro, ran ngɨzhi wu ka no yɨbi ri bubu ben ri bwo tita riwa wa ran no njo yɨbi ri bubu wan to ran. 54A he ri yawulu chachu vi ri ton, nga ivi ri sonviri a ran ye 55Mba riwa wa hu zhu ri Galili, waka hu Yusufu wa ri to bubu riwa wa ka Yeso no yɨwi nga wari to bibi riwa wa kakɨmo Yeso yo rimi wan. 56Waka bru hi ngamba wari ka wa nye ri miwi raro.
Ama Chachu son vɨri-a waka ki vɨri bibi riwa wa tre-a.
Currently Selected:
LUK LUKA- BUU 23: BUU
Highlight
Share
Compare
Copy
Want to have your highlights saved across all your devices? Sign up or sign in
The word for the World International and The word for the World Nigeria
