LUK LUKA- BUU 7
7
Yeso a Kpa Vɨrendu Rinkon wa Lokpa chuwo
1Riwa Yeso a kre la tre ri nji wawa wa ki ran wou, Ka gra ri Kaparnau. 2Ri Bubu wan a, rinkon wa lokpa ri Roma ri a he riwa ivren ko wan a ran he ri si ran ka he hure ri nkon kuu. Rinkon wa lokpa ri Roma ka ran su vren ko wan-a bran bran. 3Riwa a wo tre Yeso, ka ti wa rinkon wa nji Yahuda wari ndu hi ritu no wa bre wu no ye ran no vren ndu wan si. 4Wa rinkon nji Yahuda-a waka hi ri Yeso, waka bre wu bran bran, wa ri tre ri, <<Nji nyin a a he rewa wu zon wu, 5ritu a nyime wa nji mbu hari ran mme tra Izhi rita.>>
6Mba Yeso ka hu wa hi. Riwa a he wɨreri ko-a, rinkon wa lokpa ri Roma-a ka ti wa kpanwan ndu nowa lawu ri:>> Bachi, ran kpa sron wen time ran, ritu me ran he riwa wu ye rimi ko won ran. 7Me ran tsra riwa me ye kusi wen ran ama wu tre ri nyu ka kre, ivren ndu won ri fe si. 8Ame ma me ti ndu ri gbengbren nji ri, nga ri wa lokpa kusan won, me ya tre ri ri, <Hi,> Ari hi. Iri me ya tre wu <Ye,> Ari ye. Me la ti won ri, ti kya nganyi ari ti.>>
9Ri wa Yeso a wo kamba, mamaki ka vu. ka kɨma ran la nji wawa wa hu, <<mi la yi yi, rimi Israila mi ran fe nji rimi ikpanyime ri senkpa ka rinyi zari ran.>> 10Riwa wawa wa ti wa ndu wa kɨma ran hi kamba ri ko rinkon wa lokpa ri Roma a, wa ka to ka ivren ndu a ka fe si.
Yeso a ta Vɨren Wa ri Kɨbo Shɨme.
11Aran bran vi ran, Yeso ka hi ri gbu ri wa yo ri Nyi, imirindu wan ri kpanji waka hu hi. 12Riwa wa hi hyure ri nkon gra ri mi gbu, wa ka to nji wari wa ran ye ri kɨmo vrenze ri, riwa iyi wan ngɨzhi wu wawu kankɨshi wan, iron yi wan ka kuu. Ikpanji ri gbu wa ngɨzhi wu ran tinkon. 13Ri wa Bachi a to iwa- a, ka lo sron ka la wu, <<Ran yi ran.>>
14Ka hi ran bre wo ri akpati kɨmo a, nga nji wawa wa ngɨzhi kɨmo-a, wa ka kukiri. Yeso ka tre <<Ivɨvenze, mi lawu ri, wurunde!>> 15Imba ivren riwa a kuu-a ka wurunde ran kuson, ka gbuchi ran tre. Yeso ka ka vren-a ka no yi wan.
16Sisiri ka ti wa, waka gbresan nde Izhi wa ran tre ri, <<lele, rinkon wa la tre Izhi ri ka wurunde rimi mbu, Izhi ye ritu ran zon wa nji wan.>> 17Itre kya riwa Yeso a ti-a, a hi ko kutan ri gran gbu nji Yahuda nga wa kusan mba.
Yeso Nga Yohana Nji ri vu Nji Sontu ri Mma
18Riwa imirindu nji ri vu nji son tu ri ima wa lawu kya mba, ka yo ti hari rimi mba, 19ka ti wa ndu hi ri Bachi, no wa mɨyen, <<A wu nye riwa wu ye ka ki yosi ri njo ri nkan?>>
20Iwa wa ke ri bubu Yeso, wa ka tre, <<Yohana nji ri vu nji son tu ri ima wawu ti ta ndu, ki mɨyen wu, <ka a wu nye wu ye-a, ka ki yosi ri njo ri nkan?>>
21Ri vi nyi riwa Yeso a no kpanji wawa wa he ri lilo nga Iyu meme, ran no wa nfyen wa to tsu. 22Yeso ka lawa ri, <<Bi kɨma hi ri la Yohana kya riwa bi wo, bi ri to, wa nfɨyen wa ran to tsu, wa nkpuzhu wa ka ran zɨren, wawa wa he ri lilo ntan kpa waka fe si, wa maŋgbi wa ran wo tre, wa ran ta wawa wa ku shɨme wa ran la wa dindi tre ri raro. 23Dindi ri he ritu nji riwa a ran kɨbu za ritu won ran Izhi ri ka wo wan ri dindi ka sro ko ŋnga riwa a ran ti shaka kpanyɨme wan riwa a he ri wu ritu wan ran!>>
24Wawa Yohana a tiwa ndu waka hi kamba, Yeso ka gbuchi ran la gbunji tre ritu Yohana, ran ran tre ri <<Ngye bi ka to rimi ji? Bi hi bubu to gbundo giga riwa gungu a tru wu taga? 25Ko, iya ngye nye bi hi bubu ya? Nji riwa a su tsro dindi? Aran kamba ran, wawa wa su tsro wa ti nkɨren wawa wa son ri tra bla tre chu. 26Ko, iri ngye nye bi ka ya? Nji ri la tre Izhi? Me layi mba, a han nji ri la tre Izhi. 27Rinyin nye he riwa itre wan he rimi ngha ran tre,
<Ngye ngha me ti nji ri ndu a hi kusi wen,
ri wa a ri milan nkon ti ri wu ri ko wuri ye.>
28Mi layi, rimi wawa riwa mba wa ngɨzhi, ba riwa a han Yohana, doka ri kamba riwa a han wa ti ri shu wawu ri kpanchison Izhi a han.>> 29A wu riwa wuwo ri nye, ri wawa wa kpa nkɨren ri meme, waka kpanyɨme ri nkon Izhi wawu nye a tsra ritu mba nye waka vuwa son tu ima wa Yohana. 30Ama Farisa ri wawa wa tsro doka Musa waka kamba ritu kya riwa Izhi ka zi ri wa. Waka kamba ri no Yohana no ran vuwa son tu ima ran.
31Yeso ka tre,<<Ko ringye, nye, me ka yi nji wa zizan kabru? Wa he nji bibi tan? 32Wa he ka imiri wawa waki ri richu, wa ri yo kamba ri,
<<<Ki nvɨri ngba ri yi,
bi ran ngulu ran,
ki chuse kuu ri yi,
bi ka mbi ri yi.>
33Riwa Yohana ri vu nji son tu ri ima a ye a ran ri ri ran, a ran so nfrihi ran, Ama bi ran tre ri, <Ai a he ri ibɨji.> 34Ama riwa Ivren Nji a ye ran ran ri, ran ran so, bi ran tre ri, <Bi to a ri ri ran so bran bran, ikpan wa kpa nkɨren ri meme ri wa ti meme ti!> 35Ama wiwiri wa tou tsra ritu imiri wan.>>
Iwa ri ti Memeti a Gban Yeso Nyen
36Nji Farisa ri a yo Yeso ri no hi ran riri ri ko wan, Yeso ka hi ran kuson riwa a ri riri a. 37Ri gbu a, iwa ri a he ri ti meme ti riwa a wo ri Yeso ri ri ri ko nji Farisa, ka ngɨzhi vi gbanran ima ri miwi raro wati wu ri tita onis ri nye ri miwi raro riwa a ti nkɨren bran bran. 38A ye ran kukri kugon Yeso, ri bubu za wan, ran ran yi. Riwa ima si wan a wɨyen ran ku ri za wan, mba ka ka nfu tu wan ran gban ri za Yeso, a ran gban za wan ran ka nyu wan ran bre ri za wan, rimba ka gban nye riro- a ri wu.
39Riwa nji Farisa ka to kya riwa iwa-a a ran ti, ka tre ri sironwa, <<Nji nyin ran he nji ri la tre Izhi nye ran to ko iwa nyi a he ngha nye. Iwa nyi a he ri wa a ri bre wu wo ran kuma to ri a he iwa ri ti meme ti.>>
40Yeso ka la ri nji Farisa, <<Siman, mi he ri kya riwa misu miri lawu.>>
Wawu ka tre ri, <<No la, nji ri tsro.>>
41Yeso ka tre, <<wati nji ri a ran hu nji hari wari ila nkɨren, iri wana hu gbigba ton, nga iri wa ran hu ise ton. 42Riwa wa ran to han ran, mba ka kadon ri wa haha mba. Ko, ri to wen ŋnga ri suwu han?>>
43Siman ka la wu ri, <<Ri to won, riwa wa ka nkɨren ri bran don ri wu,>> Yeso ka tre wu, <<Ri wu la tsra.>>
44Ka nzu si ya wa-a, ran la Siman, <<Wu to iwa nyi? Me gra ri ko wen, wu ran nowen ima me ngɨla kpɨreran, ama wa wu a ngɨla za rimo ri ima si wan ran seu ri nfutu wan. 45Wu ran so nyu won riwa me gra ko wen ran, Ama riwa mi gra ri nyi a ran ka ŋnga nyu ri za won chuwo ran. 46Wu ran gban nye ri mo ri tu ran, ama wawu a gban nye ri mɨui raro rimo ri za. 47Ritu kamba me lawu, meme ti wan wa ri bran a, wa ka rega riwu. ritu a ti su ri bran bran. Riwa wa kadon ri wu tsitsa wan, wawu isu wan a he tsawen.>>
48Mba Yeso ka la wa-a ri, <<Wa ka meme ti wen rega riwu.>>
49Nji riwa wa ran ri ri wawa wa ka ran tre ri kamba ri<< Nyin a he ŋnga nye riwa a ri ka meme ti nji rega?>>
50Ama Yeso ka tre ri wa-a, <<Ikpanyɨme wen kpa wu chuwo, hi ngawen, no Izhi nowu sisiron.>>
Currently Selected:
LUK LUKA- BUU 7: BUU
Highlight
Share
Compare
Copy
Want to have your highlights saved across all your devices? Sign up or sign in
The word for the World International and The word for the World Nigeria
