PHP - BUU 3
3
Ngiri ri kpa nyɨme
1Ri kre wan, tre miri vayi won, ngiri rimi kabrutu mbi ri Bachi. Me wa me ri bru ngha bibi kya riwa me ngha dzari, nga ari dzon yi ka me ngha. 2Milan ya wawa wa ti kyawa wa meme ti, yawu wa mu, wawa wa sondu ri fon kpa. 3A he kita, a ran wawa ran, wawa wa fon wa nju ri kpunji, ritu ki gbre Izhi ritu Yuu wan takpe rimi son mbu rimi kabrutu ri Kristo Yeso. Ki ran yo sron mbu rimi ti riwa nji ran. 4Ko riwa me to yo sron rimi kyawa wamba. I iri mbi to ri wawu ri yo sron rimi bibi ti nji, ame me to yo sron han. 5Wa fon wen nju ka me ke sati riri gyen, ame me he ngɨzhi Israila nye, riwa rɨme Benjami, ivren Ibraniyawa ri kpunji. Ritu hu doka Musa ame me he ngɨzhi nji Farisa nye, 6nga me ran yo sron ritu no wa hu Izhi yaa. Kau no wa tre ri nji wan ri ti ndindi ti ri hu tre Doka Musa, Ame me ran ti meme ti ran. 7Ama ikya riwa a ran he ndindi ri mo ri sen ama zizan me ban wu a ran he kya ri mo ran ritu Kristo. 8Aran he kyawa wamba nye ka kre ran; Me ban kongye ri a he kya ri ran ritu kya riwa a he ndindi, ito riwa Bachi won Kristo Yeso. Ritu wan me ka kongye rega; Me ban wa wana he kya ri ran, ritu me ri fe Kristo, 9nga me ri kabrutu ri wu ri kongye. me ran he ri ndiditi ri wa mo ran, bibi riwa wa fe wu ritu hu Doka Musa. Me ran he ri ndindi ti riwa wa de hu ri yosron ri Kristo ran, ndindi ti riwa a zhu ri Izhi nga a he ritu yosron. 10Ikya riwa me wa a he me ri to Kristo nga me ri to gbengbren ri tashime wan, me dzon wu rimi so yaa wan nga me ri he ka wawu rimi kuu, 11ri yosron ri ame kyuwon me tashime ri kuu.
Itsutsu hu kuwa riwa wu yo kusi
12Me ran ban mba ri me tari ko ri kongye won tsra ran. Me sondu ri dzran ta ri kya riwa Kristo Yeso a ta ri ri me he ri ngawan. 13To biyi wa kpan won, me ran taka ri me tari-e mbana; Ikya riri riwa me ti, a he riwa me kpawulusu ri kyawa riwa a he kugon won nga me ri ti bibi riwa me vu kya riwa a he kusi won. 14Ri ngamba, me tsutsu hi ndri ritu me ri fe kya riwa a he kusi won bibi riwa me ri tari kya riwa wa kadzi, riwa a he yo Izhi hu ri Kristo Yeso he ri vri ri shu. 15Wawumbu wawa ki gbron rimi wu ki he ri bibi ti riri-a. Ama i wari mbi wa he ri bibi ti rinkan, Izhi ri nghɨran yo ri yi. 16Ikya ri bran rimi wan a he no ta ki hu bibi nkon riwa ki hu ye zizan. 17Sondu ran hu bibi ti won, biyi wa kpan won. srenton ri wawa wa hu bibi ti riwa a tsra riwa ki yo ri yi. 18Me la yi kyanyi kigbu ri sen, nga zizan me bru ri la yi ri ima si: wari wa kigbu wawa ison kɨma wa he kpanfu kuu Kristo ri to konkron. 19Ikre mba ri he ri ko wulu, ritu wa zhi mba nye wa he kya riwa wa nyime wa. wa kpo ngamba ritu kya riwa a he shan riwa, nga wa taka ritu kyawa riwa a he wa gbungblume. 20Kita ki he wa nji wa shu, nga ki ki ri gben nji ri kpata chuwo, Bachi mbu Yeso Kristo, no zhu ri shu ye. 21Ari sran kpa mbu riwa nji nga ran kɨma-u he ka riwa ma ri kpen, ari ti ndu ri gbengbren riwa ari to ngɨzhi ko ngye ye ri kpanchison wan.
Currently Selected:
PHP - BUU 3: BUU
Highlight
Copy
Compare
Share
Want to have your highlights saved across all your devices? Sign up or sign in
The word for the World International and The word for the World Nigeria