ROM ROM-BUU 14
14
Ran Bla tre ri vayi wen ran
1Biyi kpa nji riwa yosron wan ran senkpa ran, ama ran wa wa ri yɨba si ran i irimiren wan ran he riri ri wa mbi ran. 2Iyosro nji wa ri to no wa ri kya riwa a bi ri wa, ama nji riwa yosron wan ran senkpa ran ara nvunvu nye ari ri. 3Inji riwa a ri ri ko ri ri bibitan no ran tsri njo riwa a ran ri ri ndandan ran, no ran tre riwa ari ri ndandan-a ri a yɨba si ran, ritu Izhi kpa-e.
4A wu ngan riwa wu bla tre ri gran njo ri a yɨba si ko gran ti ndu ndin a, ko a ran ti tsra ran a, rimba he tre nji ri ko wan nye wausu ri ri mgbe wan ritu Bachi ri to no no ri mgbe.
5Inji ri ye ka to ri ivi ri bi han mgbron vi wari, ama ri to nji ri wa ivi wawu wa he bibi riri nye ko ngan ri fe wama rimi sron wan, 6Inji riwa ari to vi tinkan ari ti ngamba ritu no Bachi mkpen, nji riwa ari ri ndandan ari ti ngamba ritu riwa ari no Bachi mkpen ritu ari ngiri ri Izhi ritu ri-a, nji riwa a ran ri ri ndandan-a ran ari ti ngamba ritu riwa ari no Bachi mkpen nye ritu wawu ngawen ri ye ka ye ngiri ri Izhi. 7Rimi mbu injo ran ri he ritu ngawan ri kakshi wan ran ara ritu tu wan nye ari kuu ran. 8I ki he ritu Bachi nye, ki he i a he kuu nye ki ti ritu Bachi nye ki kuu, ritu ngamba ko ki he nye ko kuu kita ki he wa Bachi nye. 9Ritu Kristo kuu ran tashme ri vri ritu a he Bachi wawa wa kuu ri wawa wa ri sii. 10A wu fa ingye ti ko wuto vayi wen ri kunyiren nga a wu ingye ti ko wu tsiri vayi wen, wawu mbu ki ki kusi Izhi riwa wawu nye ri bla tre ri ta. 11A he rimi ngan riwa Bachi a tre ri,
<<Bachi tre ri, riwa me he,
ko mgbazhu ritan ri kɨbu ri meme kusi won.>>
12To ko ngan rimi mbu ri bla kya riwa a ti kusi Izhi.
Ran no vayi wen no kɨbu dza ran
13Ritu ngamba no ta ki ka ya ku nyiren ngambu chuwo iki ti ngamba a he riwa ko ngha ka yosron riwa a ran he nji riwa ari no vayi wan joku ka no ti meme ti ran. 14Me to me he ri yosron bran bran rimi Bachi Yeso ri ikya ri ran he riwa a he riwa a he ri sisiri ran ritu wan ama injo ban ri a he kya riwa a ran he ri tsitsri ran to riwu nye a ran he ri tsitsri ran. 15I wu kpa sron vayi wen ri time ritu iri riwa wu ri, ka a ran he inyime nye wu tsro ran nye mba. Ran no ri riwa wu ri no he nkon ri wa wu kpa vayi wen riwa Kristo kuu itu time ran. 16Ran no kya riwa a tsra riwu ri to wen no he kya riwa a ran bi ri wari ran.
17Ritu kpanchison Izhi ran he ri nga so ran, a he tre ri ti tsra nye ri son ri sisron ri kinklan sron rimi Yuu ri Tsitsri.
18Ngha i nji riwa ari tindu ri Kristo dzu i nkon nyi ari he nji riwa nji wa nyiem-u. 19Ritu ngmba no ta ki ti kya riwa ki to ti kiri ti kya riwa ari ngiji son ri sikpa ye nga nghɨron ngambu. 20Ran dzi ndu Izhi ritu tre ri la lele wa to ri ko bibi ri ri bibi tan. Ama a ran he kya ri bi ran i iri riwa wa ri nye ri no wari no wa joku ran 21A bi han riwa wuran tan nɨma ran ko ka wu so ima i a bi ka wu ti ko ngye riwa ari no vayi wen no yɨba si. 22No tre riwa wu he ri wu ritu shan nyi no he ri tsutsu wen imbi Izhi ndindi ti ri he wanji riwa isron wan ranno ti meme ti ran ritu kya riwa wawu ritu wan ban ri a tsra! 23Ama nji riwa a he ri rimiren hari ritu kya riwa ari ri ka a ngiji fu Izhi ri ye ri ngawan nye, i ari ritu izren wan riwa ari zren a ran yosron rimi kpanyime ran, nga nji riwa a ran yo sron ri kpa nyime ran a he meme ti nye.
Currently Selected:
ROM ROM-BUU 14: BUU
Highlight
Copy
Compare
Share
Want to have your highlights saved across all your devices? Sign up or sign in
The word for the World International and The word for the World Nigeria
