ROM ROM-BUU 3
3
1Ringye nye wa nji Yahuda wa han wawa wa ran he wa nji Yahuda ran? Ingye nye he bi wan rimi fon nji? 2A he bran ri ko ri nkon ritan ri mimilan wa nji Yahuda nye wawa Izhi ritu wan nye a ka tre wan-a riwa a he wa Izhi ka no wa no wa milan ya. 3Ama i wari mba wa ran he ri yosron ran fa? Rimba ri tsro ri Izhi ran he ri kpunji ran? 4Aran he ngamba ran! ko wari tre ri nji wawu wa ti che Izhi ran ran ri ti che ran. Bibi riwa imbe Izhi tre ri,
<<Wu tsro ri wu tre wuka tsro ri wu tre tsra;
wuka han gbengbren ko ngaa i wa miyen tre ritu wen.>>
5Ama ari he ri se i meme ti mbu tsro ndindi ti bibi riwa Izhi he? ki tre ri Izhi ran ti tsra ran ka a no ta yaa? me tre bibi riwa nji ri tre nye. 6Aran ngamba ran! Ran he ngamba Izhi ri ti se ran bla tre ri nji mgbumglume?
7Ama i meme ti won no ndindi ti nkpen Izhi zhu ri rira, ari he ri se? Ritu ngye ko wa bla tre rimo ritu me he nji ri meme ti? 8Ritu ngye ko ki ran tre ri,<<No ta ki ran ti meme ti bibi riwa no Izhi no ye ran?>> Inji wari wa tre tre ri kpande time, ri ngamba nye me tre wa no wa yaa bibi riwa a tsro no wa ti riwa.
Inji wawu wa he wa meme ti
9Ko ka kita wa nji Yahuda ki han wawa wa ran he wan nji Yahuda ran? Aran he ngamba ran ki gbu chi tsro-e ri wa nji Yahuda ran, wa ti meme ti nga wa he ri ndodza gbengbren meme.
10Bibi riwa Imbe Izhi tre ri
<<Injo ran he riwa a ti ndindi ti ran,
11Injo ran he ri wiwiri ran
ko injo ran gbre Izhi ran
12Ko ngaa kɨma gon ti Izhi
wawu mba wa ran ti tsra ran
Ko njo ri mba ran ti tsra ran,
13Itre mba he ka juju bubu gru riwa a he hwo,
Irɨme mba sho ri che,
nga itre mba he ka intson meme manzɨrama,
14Itre mba sho ri meme tre ri fu
15Wa chichi kpa sron nji time, wari wuu nji,
16ko kutan riwa wa hi, wa wuu nji wari no nji yaa,
17Wa ran to nkon son sisron ran
18wa ran he ri sisri Izhi ri sron mba ran.<< 19Zizan ki to ri kongye riwa doka Musa ri tre ari tre ri wawa wa he ri ndodza wan nye, ritu no wa wa nkon ritu meme ti mba no wa ran fe ran nga no wa tsro ri mgbumgblume wawu wa he ri ndodza bla tre Izhi 20Injo ran hon he ri meme ti kusi Izhi ran, ri nkon ti kya riwa doka Musa tre no wa ran ikya riwa doka ri tsro ta he ritu ki ti meme ti.
Inji wa ti ndidi hu ri Yeso Kristo
21Ama zizan wa tsro ta nkon bibi riwa ki ti tsra ri Izhi ititsra nyi ran he ri doka musa ran ko riwa doka Musa nga mbe wawa wa la tre ri kusi wa tre ritu wan. 22Ndinditi nyi riwa nji wa fe rimi yosron ri Yeso Kristo, wa kpanyime ri Kristo ritu iti nkan ran he rimi wan ran: 23ko ngaa ti meme ti, nga ki ri ran he ri tsitsri ri kusi Izhi ran. 24Ama ritu ndindi ti Izhi, ko ngaa son a ran he ri meme ti ran, ritu Yeso Kristo riwa a kpa wa chuwo. 25Izhi ka Yeso de ritu ri yii wan no he nkon riwa wa ka meme ti nji rega ritu kpanyime mba ri wu, 26Izhi a ti rinyi ritu ri sen a he ri vu sron nga ran ran yo si ri meme ti nji ran, ama zizan ari yosi ri wa ritu ran tsro ri wawu kyuwan he ti tsra nga ran no ko ngaa riwa a kpanyime ri no ti tsra ri Yeso.
27Ko ingye ki kpongambu ri wu? ba kya! Rinyi he ritu ngye nye? onhon ama ritu ki yosron. 28Kinyime ri ri yosron nye nji ri ti tsra ri Izhi a ran ri hu kya riwa doka tre ran. 29Ko ka Izhi he Izhi wa nji Yahuda nye kare? Aran he Izhi wawa wa ran he nji Yahuda ngawen ran? 30Izhi he riri nga ari no nji Yahuda no wa ti tsra ri wawu ritu yosron mba, wawa nga wawa wa ran he wa nji Yahuda ran ngawen ritu yosron mba. 31Ko mba ri Yosron ki ka doka Musa rega nye mba? Aran ngaamba ran ki milan-u ngɨzhi.
Currently Selected:
ROM ROM-BUU 3: BUU
Highlight
Copy
Compare
Share
Want to have your highlights saved across all your devices? Sign up or sign in
The word for the World International and The word for the World Nigeria
