ROM ROM-BUU 7
7
Bibi ti rimi gran
1Biyi wa vayi won bi to kya riwa me wa meri tre nyi ritu wawu mbi to doka Musa nyi, doka ri han mgbemgren nji ka nji he si nye kakre. 2To ri waa riwa a gran ari hu doka ron wan riwa a he si; ama ka iron wan kuu doka ri gran riwa a he wa imba ron wan-a ran he ngaran. 3Ri ngamba ka a gran nji ri nkan riwa iron wan he ri si ri, wa yo-u ri iwaa ri kru ri ron waa njo ama bru gran njo ri rimba ran ran he ku ron waa njo ran nye mba. 4Wa miri vayi won, ngamba nye a he ri yi biyi ngawen bi kuu ritu bi kabru tu ri kpa Kristo nga zizan bi he wa ma riwa a tashime ri kuu ritu bi ri he kya ndindi rimi ndu Izhi. 5Ritu ka ki son bibi riwa kpa mbu doka ri ran shogon meme riwa ki ti kre ri kuu. 6Zizan wa kpa ta chuwo riwo doka ritu ki kuu ritu kya riwa a kɨma ta ti gran ki ran ri ti kyawa wa sen riwa wa ngan-a ngaran ama bibi ti ri sisa riwa wu.
Doka nga Memeti
7Ko ki tre mbaron ri doka he meme ti nye mba? Aran ngamba ran! Ama doka nye a no wen me to meme ti. Wari tre ri,<<Ran ti mbye kyari riwa a he wa njo ri nkan ran.>>Meri ran to imbye mba ran. 8Ama ritu doka nye meme ti fe nkon riwa ran tru wen nchi rimi mbye ri kpa won. Wari tre doka Musa ran he ran meme ti ran ran he ri gbengbren ran. 9Riwa me ran to doka Musa ri ran, me ran he ri si, ama riwa doka Musa a ye meme ti ka tashime ri si, 10nga me kuu. Nga doka riwa a he ritu ran ngɨzhi vri ye, riwa mo a ngɨzhi kuu ye ri mo. 11Memeti a fe nkon wan nga ritu doka nye a gyuru wen ran wuu wen. 12Ritu ngamba itsro kyuwan he tsitsri, nga doka he tstsri, ti ndindi ti nga ran bi. 13Ama ko mba ikya riwa ndindi ti nye ngɨzhi kuu won ye? A ran ngamba ran a he meme ti nye ngɨzhi kuu wen ye a ti ndu ri kya riwa a he ndindi meme ti ngɨzhi kuu ye rimo ritu ran no wa to bibi riwa meme ti he, nga ritu doka nye meme ti zhi ri ngawen ka meme ti-a
Iku Memeti rimi sronmbu
14Ki to rinyi ri doka Izhi he kya ri Yuu nye, ama ame me ti kya riwa kpa me he gran riwo meme ti. 15Me ran to tu kya riwa me ti ran, me ran ri ti kya riwa me wa ti ran, ame me ti kya riwa me kawon ri wu. 16Riwa a he ri me ti kya riwa me ran wa ti-u ran ri nyi tsro ri me nyime ri doka tsra. 17Ko mba a ran ame ri tuwon nye me ti-u ran, a he meme ti riwa a he rimi sron won nye. 18Me to ri dindi ti ran he rimi sron won ran me miyen kpa won riwa nji ko ri riwa mbye ri ti ndiditi he ri mo rimi sron ama me ran ri to ti-u ran. 19Me ran ri ti ndindi ti riwa me wa ti-a ran, ara me ti meme ti riwa me kawon ri wu-a nye. 20Ka me ti kya riwa me ra wa ti-u ran, ko mba a ran he ame nye me ti-u ran; Me to ri a he meme ti riwa a he rimi sron won nye ti-u. 21Imba me to ri doka nye ri ti ndu ka me wa me ri ti kya ndindi ikya meme nye ka he mo ri sron. 22Rimi sron won me nyime doka Izhi. 23Ama me to doka ri nkan nye ri ti ndu ri sron won, doka riwa ari kawan ri doka Musa riwa isron won nyime-u, a lo wen yo rimi doka meme ti riwa wawu nye ri ti ndu sron won. 24Iyaa won! Ingaa nye ri kpa wen chuwo rimi kpa nye riwa a ngɨzhi wen i hi ri kuu? 25Me ngiri ri Izhi riwa a ti rinye hu ri Bachi Yeso Kristo!
Ri ngamba; ame rimi sron won me wa meri hu doka Izhi, ama ikpa won riwa nji ri hu doka meme ti.
Currently Selected:
ROM ROM-BUU 7: BUU
Highlight
Copy
Compare
Share
Want to have your highlights saved across all your devices? Sign up or sign in
The word for the World International and The word for the World Nigeria
