ROM ROM-BUU 8
8
Ison rimi Yuu
1Ritu ngamba wa ran wuu nji zizan ran ritu wawa wa he rimi kabrutu ri Kristo Yeso. 2Ritu doka riwa Yuu riwa a ngɨzhi a kpa wen chu wo ri wo doka meme ti nga kuu. 3Ikya riwa doka ran to ti ran ritu ikpa riwa nji a ran senkpa ran, Izhi a ti-u a kpa meme ti ri kpa riwa nji time riwa a tru kpa bibi wambu ri meme ti no ban meme ti zho. 4Izhi a ti rinyi ritu ndu ri ndindi riwa doka ri wa no ye ri ta wawa ki sonson bibi riwa Iyu nga a ran bibi wa nji ran.
5Wawa wa hu kya riwa ikpa mba la wa no wa ti wa ka sron mba no kpa mba riwa, nji wawa wa ti kya riwa Iyu la wa no wa ti wawa wa ka sron mba no wu Tsitsri. 6Ika ngangawen no kpa riwa nji ari ngɨzhi nji hi nkon kuu, ama ika ngawen no Yuu ri ngɨzhi vri nga sisron ye. 7Nga ngamba nye nji wa kɨma he kpan fu Izhi ka wa ka sron mba no kpa ri wa nji wa ran hu tre Izhi ran nga kpunji tre wa ran hu tre wan ran. 8Wawa wa hu kpa mba riwa nji wa ran si Izhi sron ran. 9Ama a wu ran sonson bibi riwa ikpa wen la-u no ti ran ara bi ti kya riwa iyu la yi no yi ti ka iyu Izhi he ri wu nji riwa a ran he ri Yuu riwa Kristo ran a ran he wa ma ran. 10Ama I Kristo he ri wu Iyu-a ri he vri wen ritu wu ti ndindi ti ri kusi Izhi ko ri riwa wa kpa wen wa kuu ritu meme ti. 11I Iyu Izhi riwa a ta Yeso shime ri bubu gru a son rimi kpa wen nga wawu riwa a ta Kristo shime ri bubu gru ri no kpa wen riwa nji ngawen ritu Iyu wan he rimi sron wen.
12Ritu ngamba biyi wa miri vayi won, ki he ri yaa ri tu wen ama ki ran sonson bibi riwa ikpa mbu ri wa ki son ran. 13Ritu ka wu sonson bibi riwa kpa wen riwa nji ri wa wu hi bubu kuu, ama i a he gbengbren Yuu nye bi ka meme ti mbi rega bi son ri si. 14Nji wawa wa hu tre Yuu Izhi wa he miri Izhi. 15Ritu Iyu riwa wa no yi he gran ran nga ran no yi he sisri ran, ama Iyu-a ri kɨma yi bi he miri Izhi nga ri Yuu-a gbengbren ri nzu raan ri,<<A ti! A ti won!>> 16Iyu Izhi ri kabru ri Yuu mba ran la ri ki he miri Izhi. 17Riwa ki he miri wan, ki fe tilibu riwa a ka dzi ri wa nji wan, nga ki fe kya rimi kya riwa Izhi kadzi ri Kristo; I ki kabru wo rimi so ya ri Kristo, ki kabru wo rimi mkpen wan ngawen.
Imkpen ri kusi
18Bibi yaa riwa ki so zizan a ran ka ngawan kabru ri mkpen riwa wa nghɨran ri ta kusi ran. 19Mgbumgblume wa son ri gben no Izhi no nghɨran wa ngha wa he miri wan. 20Mgbumgblume a ran to ti kya riwa a ran wa ran ti ran, a ran he ti wan nye ran, ama Izhi a no no he ngamba. Kau ri ngamba yosron ka he. 21Iri mgbumgblume kyuwan ri kpa kpangawan chuwo ri wo ndu gran ri kuu nga wa kabru wo rimi fe sontu ri mkpen riwa miri Izhi. 22Ritu ki to ri sisenmu ye ri vi ri zizan mgbumgblume ri kpachu ritu lo ka iwaa ri ngɨzhi. 23Ama a ran he mgbumgblume nye kakre ri kpachu ran; kita wawa ki he ri Yuu bibi de ri mimilan riwa Izhi a de ngawen ki kpachu rimi ngambu riwa ki ki ri gben Izhi no kɨma ta ti miri wan ran kpa ta chuwo rimi kpa. 24A he ritu yosron nye ki fe kpachuwa; ama i ki to kya riwa ki yosron ritu wan, imba ran he yosron ran. Ingaa rimi mbu ri yosron rimi kya riwa ki to? 25Ama i ki yosron ri kya riwa ki ran to ran, ki ki ran gben ri vu sron. 26Ngamba nye mee Iyu Izhi ngawen ri ye dzon ta, riwa ikpa mbu ran senkpa ran. Ki ran to bibi riwa ki bre Izhi ran; Iyu kyuwan ri bre Izhi ritu mbu rimi kpachu riwa iwɨlo tre ran ri to tre ran. 27Nga Izhi riwa a to mi sron mbu, ran to kya riwa Iyu ri rimiren ritu wan; ritu Iyu ri bre Izhi ritu wa nji wan nga bibi riwa a wa ran ti. 28Ki to rimi ko ngye Izhi ri ti ndu ndindi ri wawa wa nyime-u, wawa a yo wa bibi riwa isron wan su. 29Wawa Izhi gbuchi chu wa ran kɨma wa ki ri gran no wa he ka miri wan, ritu Ivren wan ri he ri mimilan rimi ikigbu wa hu Izhi. 30Nga wawa Izhi kɨma wa ki ri gran, a yo wa; a kɨma wa ti wawa wa ran ti meme ti kusi wan ran, nga ran no wa mkpen.
Inyime Izhi Rimi Kristo Yeso
31Ri ya kyawa wanyi wawu, ingye nye ki tre? Ka Izhi he kusan mbu, ingaa nye ri yo ta kusi? 32Izhi ran ka vren wan nnyo ta ran, ama a ka-u no ta wawu! A ka vɨren wan no ta ko a ran ka kongye no ta ran? 33Ingaa ri ngaa nji wawa Izhi ju wa ri meme ti? Izhi kyuwan kɨma wa ti wawa wa ran ti meme ti ran! 34Ko inga ri wuu wa? Aran Kristo Yeso ran, riwa a kuu, ko ka riwa a tashime ri kuu nga ran son ri kuwo ri Izhi, ran ri bre wu ritu mbu! 35Inga nye ri ga ta ri nyime Kristo? Ka iwanyu, ka iyaa, ka iyon, ka ika he ri kya, ka ikya meme ka ikuu? 36Bibi riwa imbe Izhi tre ri,
<<Ritu wen nye bla vi ki he ri bubu meme ri kuu;
wa no ta yaa ka ki he ntɨma wawa wa ngɨzhi wa ri hi bubu han.>>
37Onhon, rimi kyawa wa nyi wawu ki he ri hangbengbɨren hu ri wawu riwa a nyime ta! 38Ritu me to ri ikyari ran ga ta ri nyime Izhi ran: ka ikuu ka ivri, ko ka miri ko Izhi ka wa kpanchi ri shu ka gbengbren riwa a he, ka zizan ka kusi, 39ka mgbumgblume ri shu ka ri meme, ikya ri ran he rimi mgbumgblume riwa ari to ga ta rimi Izhi riwa a he wambu hu ri Bachi mbu Kristo Yeso.
Currently Selected:
ROM ROM-BUU 8: BUU
Highlight
Copy
Compare
Share
Want to have your highlights saved across all your devices? Sign up or sign in
The word for the World International and The word for the World Nigeria
ROM ROM-BUU 8
8
Ison rimi Yuu
1Ritu ngamba wa ran wuu nji zizan ran ritu wawa wa he rimi kabrutu ri Kristo Yeso. 2Ritu doka riwa Yuu riwa a ngɨzhi a kpa wen chu wo ri wo doka meme ti nga kuu. 3Ikya riwa doka ran to ti ran ritu ikpa riwa nji a ran senkpa ran, Izhi a ti-u a kpa meme ti ri kpa riwa nji time riwa a tru kpa bibi wambu ri meme ti no ban meme ti zho. 4Izhi a ti rinyi ritu ndu ri ndindi riwa doka ri wa no ye ri ta wawa ki sonson bibi riwa Iyu nga a ran bibi wa nji ran.
5Wawa wa hu kya riwa ikpa mba la wa no wa ti wa ka sron mba no kpa mba riwa, nji wawa wa ti kya riwa Iyu la wa no wa ti wawa wa ka sron mba no wu Tsitsri. 6Ika ngangawen no kpa riwa nji ari ngɨzhi nji hi nkon kuu, ama ika ngawen no Yuu ri ngɨzhi vri nga sisron ye. 7Nga ngamba nye nji wa kɨma he kpan fu Izhi ka wa ka sron mba no kpa ri wa nji wa ran hu tre Izhi ran nga kpunji tre wa ran hu tre wan ran. 8Wawa wa hu kpa mba riwa nji wa ran si Izhi sron ran. 9Ama a wu ran sonson bibi riwa ikpa wen la-u no ti ran ara bi ti kya riwa iyu la yi no yi ti ka iyu Izhi he ri wu nji riwa a ran he ri Yuu riwa Kristo ran a ran he wa ma ran. 10Ama I Kristo he ri wu Iyu-a ri he vri wen ritu wu ti ndindi ti ri kusi Izhi ko ri riwa wa kpa wen wa kuu ritu meme ti. 11I Iyu Izhi riwa a ta Yeso shime ri bubu gru a son rimi kpa wen nga wawu riwa a ta Kristo shime ri bubu gru ri no kpa wen riwa nji ngawen ritu Iyu wan he rimi sron wen.
12Ritu ngamba biyi wa miri vayi won, ki he ri yaa ri tu wen ama ki ran sonson bibi riwa ikpa mbu ri wa ki son ran. 13Ritu ka wu sonson bibi riwa kpa wen riwa nji ri wa wu hi bubu kuu, ama i a he gbengbren Yuu nye bi ka meme ti mbi rega bi son ri si. 14Nji wawa wa hu tre Yuu Izhi wa he miri Izhi. 15Ritu Iyu riwa wa no yi he gran ran nga ran no yi he sisri ran, ama Iyu-a ri kɨma yi bi he miri Izhi nga ri Yuu-a gbengbren ri nzu raan ri,<<A ti! A ti won!>> 16Iyu Izhi ri kabru ri Yuu mba ran la ri ki he miri Izhi. 17Riwa ki he miri wan, ki fe tilibu riwa a ka dzi ri wa nji wan, nga ki fe kya rimi kya riwa Izhi kadzi ri Kristo; I ki kabru wo rimi so ya ri Kristo, ki kabru wo rimi mkpen wan ngawen.
Imkpen ri kusi
18Bibi yaa riwa ki so zizan a ran ka ngawan kabru ri mkpen riwa wa nghɨran ri ta kusi ran. 19Mgbumgblume wa son ri gben no Izhi no nghɨran wa ngha wa he miri wan. 20Mgbumgblume a ran to ti kya riwa a ran wa ran ti ran, a ran he ti wan nye ran, ama Izhi a no no he ngamba. Kau ri ngamba yosron ka he. 21Iri mgbumgblume kyuwan ri kpa kpangawan chuwo ri wo ndu gran ri kuu nga wa kabru wo rimi fe sontu ri mkpen riwa miri Izhi. 22Ritu ki to ri sisenmu ye ri vi ri zizan mgbumgblume ri kpachu ritu lo ka iwaa ri ngɨzhi. 23Ama a ran he mgbumgblume nye kakre ri kpachu ran; kita wawa ki he ri Yuu bibi de ri mimilan riwa Izhi a de ngawen ki kpachu rimi ngambu riwa ki ki ri gben Izhi no kɨma ta ti miri wan ran kpa ta chuwo rimi kpa. 24A he ritu yosron nye ki fe kpachuwa; ama i ki to kya riwa ki yosron ritu wan, imba ran he yosron ran. Ingaa rimi mbu ri yosron rimi kya riwa ki to? 25Ama i ki yosron ri kya riwa ki ran to ran, ki ki ran gben ri vu sron. 26Ngamba nye mee Iyu Izhi ngawen ri ye dzon ta, riwa ikpa mbu ran senkpa ran. Ki ran to bibi riwa ki bre Izhi ran; Iyu kyuwan ri bre Izhi ritu mbu rimi kpachu riwa iwɨlo tre ran ri to tre ran. 27Nga Izhi riwa a to mi sron mbu, ran to kya riwa Iyu ri rimiren ritu wan; ritu Iyu ri bre Izhi ritu wa nji wan nga bibi riwa a wa ran ti. 28Ki to rimi ko ngye Izhi ri ti ndu ndindi ri wawa wa nyime-u, wawa a yo wa bibi riwa isron wan su. 29Wawa Izhi gbuchi chu wa ran kɨma wa ki ri gran no wa he ka miri wan, ritu Ivren wan ri he ri mimilan rimi ikigbu wa hu Izhi. 30Nga wawa Izhi kɨma wa ki ri gran, a yo wa; a kɨma wa ti wawa wa ran ti meme ti kusi wan ran, nga ran no wa mkpen.
Inyime Izhi Rimi Kristo Yeso
31Ri ya kyawa wanyi wawu, ingye nye ki tre? Ka Izhi he kusan mbu, ingaa nye ri yo ta kusi? 32Izhi ran ka vren wan nnyo ta ran, ama a ka-u no ta wawu! A ka vɨren wan no ta ko a ran ka kongye no ta ran? 33Ingaa ri ngaa nji wawa Izhi ju wa ri meme ti? Izhi kyuwan kɨma wa ti wawa wa ran ti meme ti ran! 34Ko inga ri wuu wa? Aran Kristo Yeso ran, riwa a kuu, ko ka riwa a tashime ri kuu nga ran son ri kuwo ri Izhi, ran ri bre wu ritu mbu! 35Inga nye ri ga ta ri nyime Kristo? Ka iwanyu, ka iyaa, ka iyon, ka ika he ri kya, ka ikya meme ka ikuu? 36Bibi riwa imbe Izhi tre ri,
<<Ritu wen nye bla vi ki he ri bubu meme ri kuu;
wa no ta yaa ka ki he ntɨma wawa wa ngɨzhi wa ri hi bubu han.>>
37Onhon, rimi kyawa wa nyi wawu ki he ri hangbengbɨren hu ri wawu riwa a nyime ta! 38Ritu me to ri ikyari ran ga ta ri nyime Izhi ran: ka ikuu ka ivri, ko ka miri ko Izhi ka wa kpanchi ri shu ka gbengbren riwa a he, ka zizan ka kusi, 39ka mgbumgblume ri shu ka ri meme, ikya ri ran he rimi mgbumgblume riwa ari to ga ta rimi Izhi riwa a he wambu hu ri Bachi mbu Kristo Yeso.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The word for the World International and The word for the World Nigeria