ROM ROM-BUU 9
9
Izhi Nga wa Nji wan
1Me tre kpunji; me he wa Kristo, me ran ti che ran. Rimi rimiren ri sron won riwa Iyu Tsitsri nye ri la wen kyawa, a la wen ri me ran ti che ran 2ka me tre bibi nchon shnji sron riwa me he ri wu, bibi lo riwa a he mo ri sron 3ritu wa nji won, wa miri vayi won! Ritu mba ran he ri mo mba ka Izhi ran la nyun ri mo nga ran ga wen ri Kristo. 4Wa nji Israila wa he wa nji Izhi; a kɨma wa ti miri wan nga ran nghɨran mkpen wan ri wa; a katredzi ri wa ran no wa doka; wari gbre ri kpunji; wa kpa kyawa wawa Izhi ka dzi ri wawu ri no wa; 5wa he wa gɨzhi wa zhu ri wa ti wa ti wa nji Hebruniyawa nga Kristo ka nji, a he gran mba. No Izhi, riwa a he ri kpanchison riwa kongaa, no wa gbre! No he ngamba. 6Me ran ri tre ikatredzi riwa Izhi a ran to ti-u ran; ritu a ran wawuu, wa nji Israila nye wa he wa nji Izhi ran. 7Nga a ran gran Ibrahi wawu nye wa he miri Izhi ran. Izhi a la Ibrahi ri, <<Ritu Ishaku nye wu fe gran riwa me tre ri me no-u.>> 8Ko kyena imiri wawa wa ngɨzhi wa rimi kpa wa ran he miri Izhi ran; ara, imiri wawan wa ngɨzhi bibi riwa Izhi tre dzi wawa nye wa he gran ri kpunji. 9Ikya riwa Izhi a la Ibrahi a he iri, <<Ri vi riwa a tsra me bru ye, nga Saratu ri he ri vren.>> 10Nga a ran rinyi kakre ran. Imiri Rabeka hari-a wa he miri A ti mbu Ishaku. 11-12Ama ko no wa ngɨzhi miri wamba hari, Izhi a la Rabeka ri, <<Ivren rinkon ri ti ndu ri vren ri tsitsa.>>Ikya nyi a he ri ko no wa ti kya meme ko kya riwa a bi. Izhi a tre ngamba ritu no he ri, nji riwa wa chu wu wa chu ritu bibi riwa Izhi wa no he, a ran ritu ndu ran, tsede ritu yo Izhi. 13Bibi riwa imbe Izhi tre ri, <<Me nyime Yakubu nga meri kawon ri Isuwa.>> 14Ko ingye nye ki tre? ko ki tre ri Izhi ran ti tsra ran nye mba? Aran ngamba ran. 15Izhi a la Musa ri, <<Me losron ri ko ngaa riwa me wa; Me ya losron ri ko ngaa riwa me wa.>> 16Ri ngamba, kongye ran he ritu kya riwa kita nji ki wa ki ti ran, ama a he ritu losron Izhi nye. 17Imbe Izhi a tre ri Friyona ichu Masar ri, <<Me no-u chu ritu me ri tsro gbengbren won ritu wen, nga wari la nde won ri mgbumgblume wawu.>> 18Ri ngamba nye Izhi ri losron ri nji riwa isron wan nyime-u, nga ran sentu nji riwa isron wan nyime-u bibi riwa a ran to wo ran.
Ifu Izhi Nga Losron wan
19Ama iri rimi mbi ri tre mo ri, <<I a he ngamba nye, ko Izhi ri ti rise ran fe njo ri meme ti? Ingaa ri kawan ri ti Izhi?>> 20Ama a wu wu he ngaa nye ikpan won, riwa wu janyu ri Izhi? Irii ntime ran ri miyen nji riwa ari mee ri, <<Ritu ngye ko wu ti wen nganyi?>> 21Kugon kongye, nji riwa ari mme ri-a he ri gbengbren riwa ari ti ndu ri ntime bibi riwa isron wan su, nga ran mme ri hari rimi ntme-a, iri ri he riwa chanchon vi roo nga ri wan riwa wa tindu riwu bla vi. 22Nga ikya riwa Izhi ti a tsra. A wa ran tsro fu wan ri kongaa nga ran wa no ko ngaa no to gbengbren wan. Ama a he ri vu sron ri wawa wawa nye wa kpa sron wan time, wawa wa sondu ran dzi tsu. 23Ngha a wa ran nghɨran nchi mkpen wan, riwa wa ka bwa ta wawa ari losron ri ta,wari mbu wawa ki milan ki riwa ki kpa mkpen wan. 24Ritu ki he wa nji wawa a yo ta, a ran rimi wa nji Yahuda kakre ran ama kau ri wari rimi wawa wa ran he wa nji Yahuda ran ngawen. 25Ngye kya riwa Izhi a tre rimi mbe Hosiya een:
<<Inji wawa wa ran he wa nji won ran me ran yo wa ri wa he wa mo ran.>
Igbu riwa me ran nyime-u ran me yo wa ri wawa me nyime wa.>
26Nga ri bubu riwa wa la wa ri, <Bi ran he wa nji won ran,>
ri bubu wan nye wa yo wa ri imiri Izhi riwa ari vri.>>
27Nga Ishaya a yii ritu wa nji Israila:<<Ko wari tre ri wa nji Israila wa kigbu ka meme nzan ri nyu nne, ari he tsawen gyen rimi mba nye wa fe kpachuwo; 28ritu Bachi ri chichi kre tre wan ri mgbumgblume.>> 29A he bibi riwa Ishaya a tre ri sen ri,<<Wari tre ri Bachi Kristo ran ka ta gɨzhi wari don ran, ki ri he ka wa nji Sadom, imba Gomora.>>
Israila Nga Tre Izhi
30Nghamba nye ki tre ritu wawa wa ran he wan Yahuda ran, wawa wa ran wa wari milan son mba ti ri Izhi ran, wa milan son mba ti ri Izhi ritu yosron; 31ama wa nji Izhi wawa wawa wa ran wa doka riwa ari no wa ti tsra ri Izhi, wa ran fe wu ran. 32Nga ritu ngye? Ritu wa ran ka tu mba yo rimi yosron ran ama rimi kya riwa wa ti. Nga ngamba nye wa kɨbu dza ritu<<Ku wo tav>> 33Rimba nye imbe Izhi tre ritu wan ri:
<<Ya, me ka tita ri yo ri Siyona riwa ari no nji no wa kɨbu dza, tita riwa ari no wa joku.
Ama nji riwa a kpanyime ri tita-a ishan ran ti-u ran.>>
Currently Selected:
ROM ROM-BUU 9: BUU
Highlight
Copy
Compare
Share
Want to have your highlights saved across all your devices? Sign up or sign in
The word for the World International and The word for the World Nigeria
ROM ROM-BUU 9
9
Izhi Nga wa Nji wan
1Me tre kpunji; me he wa Kristo, me ran ti che ran. Rimi rimiren ri sron won riwa Iyu Tsitsri nye ri la wen kyawa, a la wen ri me ran ti che ran 2ka me tre bibi nchon shnji sron riwa me he ri wu, bibi lo riwa a he mo ri sron 3ritu wa nji won, wa miri vayi won! Ritu mba ran he ri mo mba ka Izhi ran la nyun ri mo nga ran ga wen ri Kristo. 4Wa nji Israila wa he wa nji Izhi; a kɨma wa ti miri wan nga ran nghɨran mkpen wan ri wa; a katredzi ri wa ran no wa doka; wari gbre ri kpunji; wa kpa kyawa wawa Izhi ka dzi ri wawu ri no wa; 5wa he wa gɨzhi wa zhu ri wa ti wa ti wa nji Hebruniyawa nga Kristo ka nji, a he gran mba. No Izhi, riwa a he ri kpanchison riwa kongaa, no wa gbre! No he ngamba. 6Me ran ri tre ikatredzi riwa Izhi a ran to ti-u ran; ritu a ran wawuu, wa nji Israila nye wa he wa nji Izhi ran. 7Nga a ran gran Ibrahi wawu nye wa he miri Izhi ran. Izhi a la Ibrahi ri, <<Ritu Ishaku nye wu fe gran riwa me tre ri me no-u.>> 8Ko kyena imiri wawa wa ngɨzhi wa rimi kpa wa ran he miri Izhi ran; ara, imiri wawan wa ngɨzhi bibi riwa Izhi tre dzi wawa nye wa he gran ri kpunji. 9Ikya riwa Izhi a la Ibrahi a he iri, <<Ri vi riwa a tsra me bru ye, nga Saratu ri he ri vren.>> 10Nga a ran rinyi kakre ran. Imiri Rabeka hari-a wa he miri A ti mbu Ishaku. 11-12Ama ko no wa ngɨzhi miri wamba hari, Izhi a la Rabeka ri, <<Ivren rinkon ri ti ndu ri vren ri tsitsa.>>Ikya nyi a he ri ko no wa ti kya meme ko kya riwa a bi. Izhi a tre ngamba ritu no he ri, nji riwa wa chu wu wa chu ritu bibi riwa Izhi wa no he, a ran ritu ndu ran, tsede ritu yo Izhi. 13Bibi riwa imbe Izhi tre ri, <<Me nyime Yakubu nga meri kawon ri Isuwa.>> 14Ko ingye nye ki tre? ko ki tre ri Izhi ran ti tsra ran nye mba? Aran ngamba ran. 15Izhi a la Musa ri, <<Me losron ri ko ngaa riwa me wa; Me ya losron ri ko ngaa riwa me wa.>> 16Ri ngamba, kongye ran he ritu kya riwa kita nji ki wa ki ti ran, ama a he ritu losron Izhi nye. 17Imbe Izhi a tre ri Friyona ichu Masar ri, <<Me no-u chu ritu me ri tsro gbengbren won ritu wen, nga wari la nde won ri mgbumgblume wawu.>> 18Ri ngamba nye Izhi ri losron ri nji riwa isron wan nyime-u, nga ran sentu nji riwa isron wan nyime-u bibi riwa a ran to wo ran.
Ifu Izhi Nga Losron wan
19Ama iri rimi mbi ri tre mo ri, <<I a he ngamba nye, ko Izhi ri ti rise ran fe njo ri meme ti? Ingaa ri kawan ri ti Izhi?>> 20Ama a wu wu he ngaa nye ikpan won, riwa wu janyu ri Izhi? Irii ntime ran ri miyen nji riwa ari mee ri, <<Ritu ngye ko wu ti wen nganyi?>> 21Kugon kongye, nji riwa ari mme ri-a he ri gbengbren riwa ari ti ndu ri ntime bibi riwa isron wan su, nga ran mme ri hari rimi ntme-a, iri ri he riwa chanchon vi roo nga ri wan riwa wa tindu riwu bla vi. 22Nga ikya riwa Izhi ti a tsra. A wa ran tsro fu wan ri kongaa nga ran wa no ko ngaa no to gbengbren wan. Ama a he ri vu sron ri wawa wawa nye wa kpa sron wan time, wawa wa sondu ran dzi tsu. 23Ngha a wa ran nghɨran nchi mkpen wan, riwa wa ka bwa ta wawa ari losron ri ta,wari mbu wawa ki milan ki riwa ki kpa mkpen wan. 24Ritu ki he wa nji wawa a yo ta, a ran rimi wa nji Yahuda kakre ran ama kau ri wari rimi wawa wa ran he wa nji Yahuda ran ngawen. 25Ngye kya riwa Izhi a tre rimi mbe Hosiya een:
<<Inji wawa wa ran he wa nji won ran me ran yo wa ri wa he wa mo ran.>
Igbu riwa me ran nyime-u ran me yo wa ri wawa me nyime wa.>
26Nga ri bubu riwa wa la wa ri, <Bi ran he wa nji won ran,>
ri bubu wan nye wa yo wa ri imiri Izhi riwa ari vri.>>
27Nga Ishaya a yii ritu wa nji Israila:<<Ko wari tre ri wa nji Israila wa kigbu ka meme nzan ri nyu nne, ari he tsawen gyen rimi mba nye wa fe kpachuwo; 28ritu Bachi ri chichi kre tre wan ri mgbumgblume.>> 29A he bibi riwa Ishaya a tre ri sen ri,<<Wari tre ri Bachi Kristo ran ka ta gɨzhi wari don ran, ki ri he ka wa nji Sadom, imba Gomora.>>
Israila Nga Tre Izhi
30Nghamba nye ki tre ritu wawa wa ran he wan Yahuda ran, wawa wa ran wa wari milan son mba ti ri Izhi ran, wa milan son mba ti ri Izhi ritu yosron; 31ama wa nji Izhi wawa wawa wa ran wa doka riwa ari no wa ti tsra ri Izhi, wa ran fe wu ran. 32Nga ritu ngye? Ritu wa ran ka tu mba yo rimi yosron ran ama rimi kya riwa wa ti. Nga ngamba nye wa kɨbu dza ritu<<Ku wo tav>> 33Rimba nye imbe Izhi tre ritu wan ri:
<<Ya, me ka tita ri yo ri Siyona riwa ari no nji no wa kɨbu dza, tita riwa ari no wa joku.
Ama nji riwa a kpanyime ri tita-a ishan ran ti-u ran.>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The word for the World International and The word for the World Nigeria