Itanguriro 9
9
Imana igiriranira isezerano na Nowa
1Nuko Imana ihezagira Nowa n’abahungu biwe irababwira iti: “Nimurondoke mugwire mwuzure isi. 2Ibikoko vyose vyo kw’isi, inyoni zose zo mu kirere, ibikoko bitobito vyikwega hasi, n’amafi yose yo mu biyaga bizobatinya bicike ivutu imbere yanyu. Vyose ndabishize musi y’ububasha bwanyu. 3Ibintu vyose bigendagenda bibaho ndabibahaye kugira ngo bibabere ivyokurya, nk’uko nabahaye ibiterwa.
4Ariko ntimuze mwigere murya inyama zikirimwo ubuzima, ari yo maraso. 5Kandi uwuzosesa amaraso y’uwundi muntu nzobimuhanira; n’igikoko na co kizokwica umuntu gitegerezwa gupfa. Umuntu wese azokwica uwundi ategerezwa gupfa na we.
6Uwuzosesa amaraso y’umuntu,
amaraso yiwe na we azoseswa n’uwundi muntu;
kuko mw’ishusho y’Imana,
ni ho umuntu yaremwe.
7Mwebwe nimurondoke mugwire, mwuzure isi.”
8Imana yongera ibwira Nowa n’abahungu biwe iti: 9“Ngira ngirane isezerano namwe hamwe n’uruvyaro rwanyu, 10n’ivyaremwe vyose vyavanye namwe mu bwato: inyoni, ibikoko vy’ibitungwa, n’ibikoko vyose vyo mw’ishamba; muri make, ikintu cose kizima kiri kw’isi. 11Nshizeho iri sezerano hagati yanje namwe, ko amazi y’umwuzure atazosubira kurandura ibifise ubuzima; ntihazosubira kubaho umwuzure ngo urandure isi.”
12Imana yongerako iti: “Iki ni co kimenyetso c’isezerano ngiranye namwe n’ikintu cose kizima kiri kumwe namwe, kandi rikaba ari n’isezerano ry’abazovuka hanyuma: 13Nshizeho umunywamazi mu bicu; ni wo uzoba ikimenyetso c’isezerano ngiranye namwe n’isi yose. 14Ninarungika ibicu hejuru y’isi, maze umunywamazi ukaboneka, 15nzoca nibuka isezerano nagiranye namwe n’ivyaremwe vyose. Amazi y’umwuzure ntazosubira kurandura ivyaremwe vyose. 16Umunywamazi niwaboneka mu bicu, nzowubona maze nibuke isezerano ridata igihe hagati y’Imana n’ivyaremwe vyose biri kw’isi.”
17Imana ibwira Nowa iti: “Iki ni co kimenyetso c’isezerano ngiraniye namwe hamwe n’ivyaremwe vyose biri kw’isi.”
Abahungu ba Nowa
18Abahungu ba Nowa bavanye na we mu bwato ni Shemu, Hamu na Yafeti. Hamu ni we sekuruza wa Kanani. 19Aba ni bo bahungu batatu ba Nowa, kandi abantu bose bakwiragiye kw’isi bakomotse kuri bo.
20Inyuma y’umwuzure, Nowa yabaye umurimyi maze atera uruzabibu. 21Umusi umwe Nowa anywa umuvinyu yari yaganye, araborerwa maze aryama atambaye mw’ihema ryiwe. 22Hamu, sekuruza wa Kanani, abonye ko se ari gusa, arasohoka abibwira abavukanyi biwe. 23Nuko Shemu na Yafeti bafatira impuzu ku bitugu vyabo, bagenza umugongo binjira mw’ihema, bapfuka se. Binjiye bagenza umugongo kugira ngo ntibabone ubwambure bwa se.
24Nowa yikanguye atakiborewe akamenya ivyo umuhererezi wiwe yakoze, 25aravuga ati:
“Kanani aravumwe!
Azobera bene se
umugurano ari inyuma y’abandi.”
26Yongerako ati:
“Uhoraho Imana ya Shemu iragahezagirwa!
Kanani aze amubere umugurano.
27Imana ize yagure amatongo ya Yafeti;
Yafeti aze yibere mu mahema ya Shemu,
Kanani aze amubere umugurano.”
28Inyuma y’umwuzure, Nowa yabayeho iyindi myaka amajana atatu na mirongo itanu. 29Imyaka yose Nowa yabayeho ni amajana icenda na mirongo itanu, hanyuma arapfa.
Currently Selected:
Itanguriro 9: BKC
Highlight
Share
Copy
Want to have your highlights saved across all your devices? Sign up or sign in
Bibiliya mu Kirundi coroshe™
Uburenganzira © 2021, 2025 bwa Biblica, Inc.
Vyakoreshejwe bitangiwe uruhusha.
Uburenganzira bwose kwʼisi yose ni ubwa Biblica.
Kirundi Contemporary Bible™
Copyright © 2021, 2025 by Biblica, Inc.
Used with permission. All rights reserved worldwide.
Itanguriro 9
9
Imana igiriranira isezerano na Nowa
1Nuko Imana ihezagira Nowa n’abahungu biwe irababwira iti: “Nimurondoke mugwire mwuzure isi. 2Ibikoko vyose vyo kw’isi, inyoni zose zo mu kirere, ibikoko bitobito vyikwega hasi, n’amafi yose yo mu biyaga bizobatinya bicike ivutu imbere yanyu. Vyose ndabishize musi y’ububasha bwanyu. 3Ibintu vyose bigendagenda bibaho ndabibahaye kugira ngo bibabere ivyokurya, nk’uko nabahaye ibiterwa.
4Ariko ntimuze mwigere murya inyama zikirimwo ubuzima, ari yo maraso. 5Kandi uwuzosesa amaraso y’uwundi muntu nzobimuhanira; n’igikoko na co kizokwica umuntu gitegerezwa gupfa. Umuntu wese azokwica uwundi ategerezwa gupfa na we.
6Uwuzosesa amaraso y’umuntu,
amaraso yiwe na we azoseswa n’uwundi muntu;
kuko mw’ishusho y’Imana,
ni ho umuntu yaremwe.
7Mwebwe nimurondoke mugwire, mwuzure isi.”
8Imana yongera ibwira Nowa n’abahungu biwe iti: 9“Ngira ngirane isezerano namwe hamwe n’uruvyaro rwanyu, 10n’ivyaremwe vyose vyavanye namwe mu bwato: inyoni, ibikoko vy’ibitungwa, n’ibikoko vyose vyo mw’ishamba; muri make, ikintu cose kizima kiri kw’isi. 11Nshizeho iri sezerano hagati yanje namwe, ko amazi y’umwuzure atazosubira kurandura ibifise ubuzima; ntihazosubira kubaho umwuzure ngo urandure isi.”
12Imana yongerako iti: “Iki ni co kimenyetso c’isezerano ngiranye namwe n’ikintu cose kizima kiri kumwe namwe, kandi rikaba ari n’isezerano ry’abazovuka hanyuma: 13Nshizeho umunywamazi mu bicu; ni wo uzoba ikimenyetso c’isezerano ngiranye namwe n’isi yose. 14Ninarungika ibicu hejuru y’isi, maze umunywamazi ukaboneka, 15nzoca nibuka isezerano nagiranye namwe n’ivyaremwe vyose. Amazi y’umwuzure ntazosubira kurandura ivyaremwe vyose. 16Umunywamazi niwaboneka mu bicu, nzowubona maze nibuke isezerano ridata igihe hagati y’Imana n’ivyaremwe vyose biri kw’isi.”
17Imana ibwira Nowa iti: “Iki ni co kimenyetso c’isezerano ngiraniye namwe hamwe n’ivyaremwe vyose biri kw’isi.”
Abahungu ba Nowa
18Abahungu ba Nowa bavanye na we mu bwato ni Shemu, Hamu na Yafeti. Hamu ni we sekuruza wa Kanani. 19Aba ni bo bahungu batatu ba Nowa, kandi abantu bose bakwiragiye kw’isi bakomotse kuri bo.
20Inyuma y’umwuzure, Nowa yabaye umurimyi maze atera uruzabibu. 21Umusi umwe Nowa anywa umuvinyu yari yaganye, araborerwa maze aryama atambaye mw’ihema ryiwe. 22Hamu, sekuruza wa Kanani, abonye ko se ari gusa, arasohoka abibwira abavukanyi biwe. 23Nuko Shemu na Yafeti bafatira impuzu ku bitugu vyabo, bagenza umugongo binjira mw’ihema, bapfuka se. Binjiye bagenza umugongo kugira ngo ntibabone ubwambure bwa se.
24Nowa yikanguye atakiborewe akamenya ivyo umuhererezi wiwe yakoze, 25aravuga ati:
“Kanani aravumwe!
Azobera bene se
umugurano ari inyuma y’abandi.”
26Yongerako ati:
“Uhoraho Imana ya Shemu iragahezagirwa!
Kanani aze amubere umugurano.
27Imana ize yagure amatongo ya Yafeti;
Yafeti aze yibere mu mahema ya Shemu,
Kanani aze amubere umugurano.”
28Inyuma y’umwuzure, Nowa yabayeho iyindi myaka amajana atatu na mirongo itanu. 29Imyaka yose Nowa yabayeho ni amajana icenda na mirongo itanu, hanyuma arapfa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bibiliya mu Kirundi coroshe™
Uburenganzira © 2021, 2025 bwa Biblica, Inc.
Vyakoreshejwe bitangiwe uruhusha.
Uburenganzira bwose kwʼisi yose ni ubwa Biblica.
Kirundi Contemporary Bible™
Copyright © 2021, 2025 by Biblica, Inc.
Used with permission. All rights reserved worldwide.