Yahana 5

Yesu e rumigyatumi burumaga na awa a Betasda

1Yesu henda e kore Urushalima gagu o begenje be Yahudawa 2Na Urushalima, kusa na eso e tami, azhe mani ma mai mane maba ogo mek betasda na kare ka Yahudawa, aringaci ek na shiraye she ta. 3Na shiraye shite henda ana arumagagi amayawa rabtaga pab, aruba, na agunu, na anaswagi kingi. A absaga nezwama a bunjiga mani. 4Zwam gagu-gagu buton bo hagamba bo raga kurage bo bujinga mani. zwam henda kuchi bone bwarago esh a ta rwago bunjiga mani, bwaregi rumigya bando iri hone ne e bob buzhe. 5pate henda azhe bot mai bone bo zhe hashekara akwape tato na tutato na hono. 6Na Yesu e hya ek rabche, edaki henda e warago na hono ni, pa Yesu nyange na eb, << Bo kudage abo rumigya tumi?>> 7Bo ne bo rumagi bo chane Yesu bwangye, << Gab butusha, ai, naza bone bwana tazhikiwa na so mani gagu ab bunjiga maik. Gagu gyam ewutu wo mani maniya se bot mai bo rwage na gyam eso.>> 8Pa Yesu nyange na eb, << mashinge, o zubchi tubaro na tube, o karige!>> 9Kapaba bot bone bo rumigi, e zubuchi tubaro eshe tuhano to bob.

Oho irini e pare oho muget mo tandare ne. 10Zwam nani, Yahudawa ange na bone bwaba rumigyatumi, << ai, nare oho muget motandare ne, o shiu henda zhangi tubarna tobe ba.>> 11pa bone bo rumagi da bo chane yek bwangya, << ai, bone bo na rumigya tumi, bob bwangya ezhangi tubaro natumi e karige>> 12pa yek a kaba bone bokarumagi, << Bot bwana bwange na gab o zhangi tubaro na tobe o karige?>>.

13Bone bwaba rumigyatumi boik henda bo daki koga bo rumigi boik ba, zwam Yesu e rego e mashinge zwam udubu one oyo paba. 14Na Yesu onani Yesu e bangi ek na egeniga nyange na bob, << Hyanow, bo rumigeu! To, geshi turiya, zwam irine e hyange ete tuzuma ebo hi.>> 15pa bot bote bo kore zwama Yahudawa, Yesu ena rumigyatumi ek. 16Zwamnani, Yahudawa arwage damaga Yesu, zwam eba e shagu erini e rumigyatumi oho muget mo tandare. 17Yesu henda e chane yek nyangya << Buchi nabumi bo on enk har nare, gyam ma ushiu dole nashi enk.>> 18zwamnani, Yahudawa a kisane gembo o yena o e hono Yesu, ba zwam e ba ka chiya oho muget mo tandare suba ba, har ma zwam e be zwame nezwama onhon ushi buchi bo eb, wato, e raga kama gamaga na onhon.

Iko e Bwa

19Pa Yesu e chane yek nyange, << lelle tamahinda, bwa bo shagu ko nya bob boba ba, se ene e bob bo hya buchi bo onshi. Zwam kuchi ene e buchi bo ragashi, nani bwa bo onshi. 20zwam buch bo kudage bwa bunni, bo on henda chibaga bwa kuchio ene e buchi na reto rebob bo onshi, har ma buchi bwa chibana bwa enk ana a hyange ane, henda nyashi ya hyani. 21Ta buchi bo raga anshigyatumi ana a owagi henda ayo na muhondo, nani henda bwa bwashigyatuma bone bo kudage. 22Buch bo shagiu koga udubu ba, se de boge konya bando bwa. 23zwam koga bo pa bwa tuwaga, ta ba panga buchi tuwaga. Bone bo pagano bwa tuwaga ba, bo panga Buchi bone bo tuma bwa tuwaga ba. 24lelle tamahinda, na raga ke zwammagaa kuchi bone bwa hogo taaje numi, bo raga henda tanaga mahinda wo bone bo na tuma, bo zhe muhondo mo dududu, a shagiu boik hadoba ba, zwam bob bwarigo bwa koreu uʻu, bo wutago wo muhondo.

25Lelle tamahinda, na raga ke kame zwama ga, gagu o on kore, har ushiu, na ana a owagi a hogo bigwabo be bwa bo onhon, ana a hogo henda anya na muhonda. 26Ta Buchi nareto re bob bushi ripitu re muhondo, nani Bob bo tane bwa bushi ripitu re muhondo. 27Buchi henda bo pa bwa iko e eshara hadoba, zwam bob bushi bwa bot. 28Eta sha iye hyani o naniya, zwama gagu o on kore na kuchi ana ayo na so ha'uya a hogo bigwabo be bwa. 29yek a sher henda, ato ana a shiu iyi bura̱̱ a mashinge, owashinga o muhondo, ana ashi ene e za e bura̱̱ a mashingeu, owashinga o hadoba.

Hasheda a Yesu.

30<< Na pwashi komiba na iko nimi suba ba. Ta gyam on hoge, nani gyam on shaga hadoba, hadoba nami gyam on swabi ba, se ene e bone bona tuma bo kudage. 31Na on sheda o reto narimi, sheda numi ushi o mahinda ba. 32Azhe bone bwana shadu zagu, na daki henda sheda one o eb e raga kana shagyaga ushi mahinda. 33E tuma wo Yohana, Yohana henda e shedu mahinda. 34Kuchi namini sheda one o gyam yinsa bando ob ushi o bot ba. Na zwame nani zwam e hi e chago. 35Yohana ishi bechere bene bere, be tubanga henda, e yado henda ishi so chen denya na tubanga to eb to gagu chimu. 36Ama sheda one o gyam zhe o hyange o Yohana mahonre. zwam enk ana a Buchi bona pa e hwagi, kuchi enk ana a gyam raga shaga, ai, ab ne shedanumi nezwama, buchi ne bona tuma. 37Buchi henda bone bona tumi, bob na reto rebob bona shedu, etabo hoge bigwabo be bob ba, ko ehya e shunu bob ba. 38E enu tutom to onhon na so nuhi ba zwam e tano mahinda wo bone bo ob o tuma ba. 39E raga hirangaga hatakarda, zwam e onshi na she so nashihi pate gahi nya hi muhondo mo dududu, alhali ab on sheda numi. 40Kuchi nanami, e wondo kore wo gyam e hi muhondo. 41<< Na on gembago tuwaga wo ato ba. 42Ama name daki, eza tukudago to onhon na so nuhi. 43Gyam na kore ne na reze re Buchi na bumi, gaha̱ buna ena cheu ba. Shi bot mai bwa kore na reze re bob, bob gahi nya cheu. 44ingata gahi nyatana mahinda, gahi ana a gahi raga gembaga tuwaga wo hato nahi, tuwaga tune toyo bando onhon one oyo oba-oba henda, e on gembo tuba ba? 45E ta aza na meshibkeu hadoba wo Buchi. Azhe bone bwa me shibkeu hadoba, boba ne musa, bone bo gahi yinsa wo bob. 46kashi ta gahi yaje na Musa, kashi ka yado na gyam, zwam anabare nami Musa o herango. 47Shi yado henda ne ene Musa o henange ba, inga ta gaha̱ yado na taaje numiya?>>.

Currently Selected:

Yahana 5: UAA

Highlight

Copy