Kubhoka 11
11
Lilapuliku la komi: Kukomakeka kwa bhabhelakeka bha kutumbula bha bhandu na hinyama
1Bhela Bambo Chapanga akumpwaghi Musa, “Ananeta lilapuliku limu nakanope lenanundetila Falao na bhandu bha inchi ja Misili. Analijomwiki leniheli, anaandeka mbokaje pambane. Kabhete anaanjetakile mbokaje, anaambengaje mbokaje mu inchi jaki kabisa. 2Ubhapwaghila Bhaizilaeli bhabhalobhaje Bhamisili bhabhatama pambipi jabhu hindu ya madini gha feza na hindu ya zahabu.” 3Bambo Chapanga akabhatendiki Bhamisili bhakubhaje na mtima wa kubhajangatila Bhaizilaeli, najombi Musa akabhi mundu wa kutopela namaa mu inchi ja Misili, kwa bhatumika bhaka Falao na bhandu bhaki bhokapi.
4Musa akumpwaghi Falao, “Bambo Chapanga apwagha anana, ‘Pakwihika ikilu pamahiku nepani anambetaje pachilanda ja inchi ja Misili. 5Panipetaje kila mbelakeka wa kutumbula mu inchi ja Misili anapotilaje, mbelakeka wa kutumbula wa chikambaku waku wehapa wa Falao, joatama pachiteu cha kikolongwa, mbaka mbelakeka wa kutumbula wa chikambaku waka mtumwa waku wa chimbomba, joayagha chilebhi kwa liganga, papamu na kila mbelakeka wa kutumbula wa hinyama. 6Anakukubhaje na chilelu chikolongwa namaa mu inchi jokapi ja Misili, chilelu chenihechi ngachechilabhali kupitalila, wala ngachipitalile kabhete ng'o. 7Nambu pachilanda ja bhandu bha Bhaizilaeli, njeta hata nakawa jejibumaje kwaka mundu wala chinyama chokapi. Panihapa nde pamwimanyaje kubha Bambo Chapanga abhekiki ulekanganu pachilanda ja Bhamisili na Bhaizilaeli.’ ” 8Musa akajomulili kwa kumpwaghila Falao, “Bhatumika bhaku bhokapi anabhanhikilaje, na kunjikamila palongi jangu, bhakapwaghaje, ‘Ubhokaje, wehapa papamu na bhandu bhaku bhokapi bhabhukujengalela!’ Paghijomukaje ghanihagha anamokaje.” Panihapa Musa, koni akabhya na inyela namaa, akabhokiki kwaka Falao.
9Bambo Chapanga akumpwaghi Musa, “Falao anaajendalyaje kukana kukujowanela, nahuli ngangachu jangu jipata kujonjukeka mu inchi ja Misili.” 10Musa na Haluni bhakatendiki ngangachu yokapi heyi palongi jaka Falao, nambu Bambo Chapanga akautendiki mtima waka Falao kubha wa kunonopa, akakaniki kubhaleka Bhaizilaeli bhabhokaje mu inchi jaki.
Currently Selected:
Kubhoka 11: MpBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Mpoto Language ©The Word for the World International and Mpoto Language Translation, 2020 All rights reserved.
