Kubhoka 29
29
Malaghalakilu gha kubhabheka kubha bhapenganyambiku Haluni na bhana bhaki
Bhalawi 8:1-36
1“Ghangani nde mambu ghawantendilaje Haluni na bhana bhaki na kubhabheka palongi jangu nepani nahuli bhanhengilaje lihengu la upenganyambiku. Utolaje litoli likambaku na mambeleli makambaku ghabheli ghangakubha na chilema, 2na mabumunda ghangakujeghaleka amila, maandazi ghangakubha na amila ghaghahunyakiki kwa mahuta, na mabumunda mapepandau ghaghapakakiki mahuta, yeniheyi yokapi ulenganakyaje kwa uhembi unyahi wa ingano. 3Ujeghalaje hilebhi yokapi heyi mkati ja chitonga na umokihaje papamu na litoli likambaku lela na mambeleli ghabheli makambaku ghala.
4“Undetaje Haluni na bhana bhaki pundyangu wa pa Lihema Lihuhu na kubhagholola kwa machi. 5Panihapa utolaje ingobhu ya chipenganyambiku heyi na unhwatikaje Haluni, unhwatikaje likanzu, na lijoho, na chizibau, na chifuku cha pachihimba, na kunkonga luhunga lolulokakiki wichu. 6Unhwatikaje mbumbu pamutu jaki na kuchibheka chibati cha zahabu chela, chikamulanaje na mbumbu heji. 7Bhela utolaje mahuta gha mzeituni, ujeghalaje panani ja mmutu waka Haluni nahuli kumbeka palongi jaka Bambo Chapanga.
8“Panihapa ubhaletaje bhana bhaka Haluni na kubhawatika makanzu. 9Ubhakongaje luhunga muibhunu, Haluni na bhana bhaki, na kubhawatika kofia yabhu. Bhenibhela nde moubhabhekilaje Haluni na bhana bhaki kubha bhapenganyambiku kwa kundumakila nepani machobha ghokapi. Kwa indela jeniheji anaubhatengaje Haluni na bhana bhaki kwa lihengu lihuhu.
10“Uletaje litoli likambaku lela palongi ja Lihema Lihuhu. Haluni na bhana bhaki anabhabhekaje mabhoku ghabhu panani ja mmutu wa ng'ombi jeniheji. 11Panihapa ulichinjaje ng'ombi heji palongi jaka Bambo Chapanga pundyangu wa pa Lihema Lihuhu. 12Witolaje pandu pa mwahi wa litoli heli na kuupaka mu manyelu gha pandu pa kubhokeha nyambiku kwa lukonji lwaku, na mwahi ghouhighalile ujitalaje pahi ja pandu pa kubhokeha nyambiku. 13Panihapa utolaje mahuta ghokapi gha litoli heli gha pandu pa mkati, ghaghayekalela imani na figo ibheli papamu na mahuta ghaki, ujochaje panani ja pandu pa kubhokeha nyambiku. 14Nambu inyama ja litoli heli papamu na chingumba na matumbu ghaki utolaje na kujocha kwa moto kunja ja likambi. Jeniheji nde nyambiku ja kubhoha mahoku.
15“Utolaje limbeleli limu likambaku pachilanda ja mambeleli ghabheli ghala, na umpwaghila Haluni na bhana bhaki bhabhekaje mabhoku ghabhu panani ja mmutu wa limbeleli likambaku heli. 16Uchinjaje limbeleli likambaku heli, na utolaje mwahi waki na kumicha ipambala yokapi ya pandu pa kubhokeha nyambiku. 17Ulihekataje limbeleli likambaku heli hipandi hipandi na ugholulaje matumbu ghaki na magholu ghaki, ubhekaje yokapi papamu na mmutu na hipandi yengi. 18Panihapa ujochaje limbeleli lokapi panani ja pandu pa kubhokeha nyambiku nahuli kubhoha nyambiku ja kujochakeka kwangu nepani Bambo Chapanga. Kunungila kunyahi kwa nyambiku jejijochakiki kwa moto heji anakunyambiha nepani Bambo Chapanga.
19“Utolaje limbeleli lengi likambaku lela, najombi Haluni na bhana bhaki bhabhekaje mabhoku ghaghu panani ja mmutu wa limbeleli heli. 20Uchinjaje limbeleli heli, na utolaje pandu pa mwahi waki na kuupaka munkeghi ja makutu gha kumalelelu ghaka Haluni na bhana bhaki, mu ngonji ikolongwa ya mumabhoku ghabhu gha kumalelelu, kabheti mu ngonji ikolongwa ya mumagholu ghabhu gha kumalelelu. Na mwahi ghouhighili hoghu umichaje ipambala yokapi ya pandu pa kubhokeha nyambiku. 21Kabheti utolaje pandu pa mwahi ghoubhili panani ja pandu pa kubhokeha nyambiku na pandu pa mahuta gha mzeituni, ummichilaje Haluni na ingobhu yaki, bhelabhela ubhamichilaje bhana bhaka Haluni na ingobhu yabhu. Panihapa Haluni na bhana bhaki papamu na ingobhu yabhu anabhakubhaje tayali bhabhekakiki palongi jangu nepani Bambo Chapanga.
22“Panihapa utolaje mahuta gha limbeleli likambaku heli, mahuta gha nkela waki, mahuta ghaghayekalela matumbu na pandu panyahi pa imani, figo yaki ibheli na mahuta ghaki, papamu na lipaja la kumalelelu. Limbeleli heli analikubhaje kwa ndandi ja kubhabheka bhapenganyambiku palongi jangu nepani Bambo Chapanga. 23Kuhuma mu chitonga chela chechibhili na mabumunda ghangakujeghaleka amila, chechibhekakiki palongi jangu nepani Bambo Chapanga, utolaje libumunda limu, na liandazi limu lelijeghaliki mahuta na libumunda lipepandau limu. 24Hilebhi yokapi heyi umpekyaje Haluni na bhana bhaki nabhombi bhaikwehaje kunani na kuilangiha kubha nginyulila ja kumokeha nyambiku palongi jangu nepani Bambo Chapanga. 25Panihapa utolaje hindu heyi kuhuma mumabhoku ghabhu, ujochaje panani ja pandu pa kubhokeha nyambiku papamu na nyambiku ja kuyochakeka, ikubhaje unungalilu unyahi palongi jaka Bambo Chapanga. Jeniheji nde nyambiku jejibhohakiki kwangu nepani Bambo Chapanga kwa moto.
26“Utolaje chidali cha limbeleli likambaku heli kwa ndandi ja kumbeka Haluni palongi jaka Bambo Chapanga, uchikwehaje kunani palongi jangu nepani Bambo Chapanga kubha nde nyambiku jihuhu, na chidali hechi anachikubha chako.
27“Mpenganyambiku pahimikwa kuntumakila Bambo Chapanga, chidali na lipaja la limbeleli likambaku lelitumika mu lihengu la kunhimika, anachikwehakikaje kunani palongi jangu nepani Bambo Chapanga ngati nginyulila ja kumokeha nyambiku, lela lelakabhili kwa ndandi jaka Haluni na bhana bhaki. Inyama heji jokapi apekiwaje Haluni na bhana bhaki. 28Bhela, chikahi chokapi Bhaizilaeli anabhabhohaje pandu pa hindu yeniheyi mu nyambiku yabhu ya kutama kwa lukwale yebhamokeha nepani Bambo Chapanga, na kumpekeha Haluni na bhana bhaki. Jeniheji anajikubhaje nde nyambiku jabhu kwangu nepani Bambao Chapanga.
29“Payipotilaje Haluni, ingobhu yaki ya kipenganyambiku anabhapekahiwaje bhana bhaki, nabhombi anabhawataje mu lichobha lela la kujeghalewa mahuta, na kubhekakeka kubha bhapenganyambiku. 30Mwana waka Haluni joanakubhaje mpenganyambiku pandu paka tati waki anahwataje ingobhu heye machobha saba mu Lihema Lihuhu, nahuli atumikaje Pandu pa Pahuhu.
31“Utolaje inyama ya limbeleli likambaku heli la kubhekakeka palongi jaka Bambo Chapanga ujitelakaje mu Pandu Pahuhu. 32Pundyangu wa Lihema Lihuhu heli, Haluni na bhana bhaki anabhakulaje inyama ja limbeleli likambaku heli papamu na mabumunda ghala ghaghahighalili mu chitonga hechi. 33Anabhakulaje hilebhi heyi yeibhohakiki kwa ndandi ja kubhahimika Haluni na bhana bhaki kwa ndandi ja lihengu langu, na kwa ndandi ja kubhatendela ujonganeshu, nambu mundu jongi ngacheapalika kula maghambu nde hindu ihuhu. 34Ngati inyama jokapi jela ja limbeleli likambaku heli au libumunda lokapi lela analihighalile mbaka lukela jaki, ujochaje kwa moto. Hilebhi heyi ngayileleka maghambu nde hindu ihuhu.
35“Anana nde mowabhatendilaje Haluni na bhana bhaki kubhokana na ghala ghokapi ghanukulaghalakile, na utumilaje machobha saba kwa lihengu la kubhahimika kubha bhapenganyambiku. 36Kila lichobha anaubhohaje litoli likambaku kubha nyambiku ja kubhabhokeha bhandu mahoku ghabhu nahuli kutenda ujonganeshu. Na kwa kutenda bhenibhela anaupagholulaje pandu pa kubhokeha nyambiku, na wehapa wijeghalaje mahuta nahuli kupagholola. 37Kwa machobha saba utendeje ugholuleku kwa ndandi ja pandu pa kubhokeha nyambiku na kupabheka palongi jangu. Panihapa pandu pa kubhokeha nyambiku hapa anapakubhaje pahuhu namaa, kila chindu cheanachigusaje pandu pa kubhokeha nyambiku hapa anachikubhaje chihuhu.
Nyambiku ya kila lichobha
Hesabu 28:1-8
38“Henu nyambiku yeanaubhohaje panani ja pandu pa kubhokeha nyambiku kila lichobha nde yenjeno, bhanambeleli bhabheli bhabhabhili na chaka chimu. 39Mwanambeleli jumu anaumboha nyambiku chikahi cha lukela na jongi pakamihi. 40Papamu na mwanambeleli wa kutumbula, ubhohaje njipulila ghumu wa uhembi laini wa inganu ghouhangangini na lita jimu ja mahuta ghaghajenguliwi gha zeituni papamu na lita jimu ja divai kubha nyambiku ja kunywa. 41Mwanambeleli jongi hoju umbohaje nyambiku chikahi cha pakamihi papamu na nyambiku ya uhembi na chakunywa ngati mowatendile lukela, unungilu unyahi wa nyambiku jejijochakiki kwa moto heji, anaunyambihaje nepani Bambo Chapanga. 42Kwa hibheleku yokapi yeihika anaukubhaje ntetu kubhoha nyambiku heji ja kujochakeka kila chikahi pundyangu wa Lihema Lihuhu palongi jangu nepani Bambo Chapanga. Panihapa nde nepani panihimanganaje na mwehapa, nahuli kulongela na mwehapa. 43Konihoku nde konihimanganaje na Bhaizilaeli, na Lihema Lihuhu heli analigholulikaje kwa ulumbalilu wangu. 44Lihema Lihuhu na pandu pa kubhokeha nyambiku ananitendaje kubha ihuhu, nanatu ananabhahimikaje Haluni na bhana bhaki nahuli bhandumakyaje ngati bhapenganyambiku. 45Anandamaje pachilanda ja Bhaizilaeli, na nepani anangubhaje Chapanga wabhu. 46Nabhombi anabhamanyaje kubha nepani nde Bambo Chapanga, Chapanga wabhu, nenabhabhohiki kuhuma ku inchi ja Misili nahuli mbataje kutenda matamu papamu na bhombi. Nepani nde Bambo Chapanga, Chapanga wabhu.
Currently Selected:
Kubhoka 29: MpBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Mpoto Language ©The Word for the World International and Mpoto Language Translation, 2020 All rights reserved.
Kubhoka 29
29
Malaghalakilu gha kubhabheka kubha bhapenganyambiku Haluni na bhana bhaki
Bhalawi 8:1-36
1“Ghangani nde mambu ghawantendilaje Haluni na bhana bhaki na kubhabheka palongi jangu nepani nahuli bhanhengilaje lihengu la upenganyambiku. Utolaje litoli likambaku na mambeleli makambaku ghabheli ghangakubha na chilema, 2na mabumunda ghangakujeghaleka amila, maandazi ghangakubha na amila ghaghahunyakiki kwa mahuta, na mabumunda mapepandau ghaghapakakiki mahuta, yeniheyi yokapi ulenganakyaje kwa uhembi unyahi wa ingano. 3Ujeghalaje hilebhi yokapi heyi mkati ja chitonga na umokihaje papamu na litoli likambaku lela na mambeleli ghabheli makambaku ghala.
4“Undetaje Haluni na bhana bhaki pundyangu wa pa Lihema Lihuhu na kubhagholola kwa machi. 5Panihapa utolaje ingobhu ya chipenganyambiku heyi na unhwatikaje Haluni, unhwatikaje likanzu, na lijoho, na chizibau, na chifuku cha pachihimba, na kunkonga luhunga lolulokakiki wichu. 6Unhwatikaje mbumbu pamutu jaki na kuchibheka chibati cha zahabu chela, chikamulanaje na mbumbu heji. 7Bhela utolaje mahuta gha mzeituni, ujeghalaje panani ja mmutu waka Haluni nahuli kumbeka palongi jaka Bambo Chapanga.
8“Panihapa ubhaletaje bhana bhaka Haluni na kubhawatika makanzu. 9Ubhakongaje luhunga muibhunu, Haluni na bhana bhaki, na kubhawatika kofia yabhu. Bhenibhela nde moubhabhekilaje Haluni na bhana bhaki kubha bhapenganyambiku kwa kundumakila nepani machobha ghokapi. Kwa indela jeniheji anaubhatengaje Haluni na bhana bhaki kwa lihengu lihuhu.
10“Uletaje litoli likambaku lela palongi ja Lihema Lihuhu. Haluni na bhana bhaki anabhabhekaje mabhoku ghabhu panani ja mmutu wa ng'ombi jeniheji. 11Panihapa ulichinjaje ng'ombi heji palongi jaka Bambo Chapanga pundyangu wa pa Lihema Lihuhu. 12Witolaje pandu pa mwahi wa litoli heli na kuupaka mu manyelu gha pandu pa kubhokeha nyambiku kwa lukonji lwaku, na mwahi ghouhighalile ujitalaje pahi ja pandu pa kubhokeha nyambiku. 13Panihapa utolaje mahuta ghokapi gha litoli heli gha pandu pa mkati, ghaghayekalela imani na figo ibheli papamu na mahuta ghaki, ujochaje panani ja pandu pa kubhokeha nyambiku. 14Nambu inyama ja litoli heli papamu na chingumba na matumbu ghaki utolaje na kujocha kwa moto kunja ja likambi. Jeniheji nde nyambiku ja kubhoha mahoku.
15“Utolaje limbeleli limu likambaku pachilanda ja mambeleli ghabheli ghala, na umpwaghila Haluni na bhana bhaki bhabhekaje mabhoku ghabhu panani ja mmutu wa limbeleli likambaku heli. 16Uchinjaje limbeleli likambaku heli, na utolaje mwahi waki na kumicha ipambala yokapi ya pandu pa kubhokeha nyambiku. 17Ulihekataje limbeleli likambaku heli hipandi hipandi na ugholulaje matumbu ghaki na magholu ghaki, ubhekaje yokapi papamu na mmutu na hipandi yengi. 18Panihapa ujochaje limbeleli lokapi panani ja pandu pa kubhokeha nyambiku nahuli kubhoha nyambiku ja kujochakeka kwangu nepani Bambo Chapanga. Kunungila kunyahi kwa nyambiku jejijochakiki kwa moto heji anakunyambiha nepani Bambo Chapanga.
19“Utolaje limbeleli lengi likambaku lela, najombi Haluni na bhana bhaki bhabhekaje mabhoku ghaghu panani ja mmutu wa limbeleli heli. 20Uchinjaje limbeleli heli, na utolaje pandu pa mwahi waki na kuupaka munkeghi ja makutu gha kumalelelu ghaka Haluni na bhana bhaki, mu ngonji ikolongwa ya mumabhoku ghabhu gha kumalelelu, kabheti mu ngonji ikolongwa ya mumagholu ghabhu gha kumalelelu. Na mwahi ghouhighili hoghu umichaje ipambala yokapi ya pandu pa kubhokeha nyambiku. 21Kabheti utolaje pandu pa mwahi ghoubhili panani ja pandu pa kubhokeha nyambiku na pandu pa mahuta gha mzeituni, ummichilaje Haluni na ingobhu yaki, bhelabhela ubhamichilaje bhana bhaka Haluni na ingobhu yabhu. Panihapa Haluni na bhana bhaki papamu na ingobhu yabhu anabhakubhaje tayali bhabhekakiki palongi jangu nepani Bambo Chapanga.
22“Panihapa utolaje mahuta gha limbeleli likambaku heli, mahuta gha nkela waki, mahuta ghaghayekalela matumbu na pandu panyahi pa imani, figo yaki ibheli na mahuta ghaki, papamu na lipaja la kumalelelu. Limbeleli heli analikubhaje kwa ndandi ja kubhabheka bhapenganyambiku palongi jangu nepani Bambo Chapanga. 23Kuhuma mu chitonga chela chechibhili na mabumunda ghangakujeghaleka amila, chechibhekakiki palongi jangu nepani Bambo Chapanga, utolaje libumunda limu, na liandazi limu lelijeghaliki mahuta na libumunda lipepandau limu. 24Hilebhi yokapi heyi umpekyaje Haluni na bhana bhaki nabhombi bhaikwehaje kunani na kuilangiha kubha nginyulila ja kumokeha nyambiku palongi jangu nepani Bambo Chapanga. 25Panihapa utolaje hindu heyi kuhuma mumabhoku ghabhu, ujochaje panani ja pandu pa kubhokeha nyambiku papamu na nyambiku ja kuyochakeka, ikubhaje unungalilu unyahi palongi jaka Bambo Chapanga. Jeniheji nde nyambiku jejibhohakiki kwangu nepani Bambo Chapanga kwa moto.
26“Utolaje chidali cha limbeleli likambaku heli kwa ndandi ja kumbeka Haluni palongi jaka Bambo Chapanga, uchikwehaje kunani palongi jangu nepani Bambo Chapanga kubha nde nyambiku jihuhu, na chidali hechi anachikubha chako.
27“Mpenganyambiku pahimikwa kuntumakila Bambo Chapanga, chidali na lipaja la limbeleli likambaku lelitumika mu lihengu la kunhimika, anachikwehakikaje kunani palongi jangu nepani Bambo Chapanga ngati nginyulila ja kumokeha nyambiku, lela lelakabhili kwa ndandi jaka Haluni na bhana bhaki. Inyama heji jokapi apekiwaje Haluni na bhana bhaki. 28Bhela, chikahi chokapi Bhaizilaeli anabhabhohaje pandu pa hindu yeniheyi mu nyambiku yabhu ya kutama kwa lukwale yebhamokeha nepani Bambo Chapanga, na kumpekeha Haluni na bhana bhaki. Jeniheji anajikubhaje nde nyambiku jabhu kwangu nepani Bambao Chapanga.
29“Payipotilaje Haluni, ingobhu yaki ya kipenganyambiku anabhapekahiwaje bhana bhaki, nabhombi anabhawataje mu lichobha lela la kujeghalewa mahuta, na kubhekakeka kubha bhapenganyambiku. 30Mwana waka Haluni joanakubhaje mpenganyambiku pandu paka tati waki anahwataje ingobhu heye machobha saba mu Lihema Lihuhu, nahuli atumikaje Pandu pa Pahuhu.
31“Utolaje inyama ya limbeleli likambaku heli la kubhekakeka palongi jaka Bambo Chapanga ujitelakaje mu Pandu Pahuhu. 32Pundyangu wa Lihema Lihuhu heli, Haluni na bhana bhaki anabhakulaje inyama ja limbeleli likambaku heli papamu na mabumunda ghala ghaghahighalili mu chitonga hechi. 33Anabhakulaje hilebhi heyi yeibhohakiki kwa ndandi ja kubhahimika Haluni na bhana bhaki kwa ndandi ja lihengu langu, na kwa ndandi ja kubhatendela ujonganeshu, nambu mundu jongi ngacheapalika kula maghambu nde hindu ihuhu. 34Ngati inyama jokapi jela ja limbeleli likambaku heli au libumunda lokapi lela analihighalile mbaka lukela jaki, ujochaje kwa moto. Hilebhi heyi ngayileleka maghambu nde hindu ihuhu.
35“Anana nde mowabhatendilaje Haluni na bhana bhaki kubhokana na ghala ghokapi ghanukulaghalakile, na utumilaje machobha saba kwa lihengu la kubhahimika kubha bhapenganyambiku. 36Kila lichobha anaubhohaje litoli likambaku kubha nyambiku ja kubhabhokeha bhandu mahoku ghabhu nahuli kutenda ujonganeshu. Na kwa kutenda bhenibhela anaupagholulaje pandu pa kubhokeha nyambiku, na wehapa wijeghalaje mahuta nahuli kupagholola. 37Kwa machobha saba utendeje ugholuleku kwa ndandi ja pandu pa kubhokeha nyambiku na kupabheka palongi jangu. Panihapa pandu pa kubhokeha nyambiku hapa anapakubhaje pahuhu namaa, kila chindu cheanachigusaje pandu pa kubhokeha nyambiku hapa anachikubhaje chihuhu.
Nyambiku ya kila lichobha
Hesabu 28:1-8
38“Henu nyambiku yeanaubhohaje panani ja pandu pa kubhokeha nyambiku kila lichobha nde yenjeno, bhanambeleli bhabheli bhabhabhili na chaka chimu. 39Mwanambeleli jumu anaumboha nyambiku chikahi cha lukela na jongi pakamihi. 40Papamu na mwanambeleli wa kutumbula, ubhohaje njipulila ghumu wa uhembi laini wa inganu ghouhangangini na lita jimu ja mahuta ghaghajenguliwi gha zeituni papamu na lita jimu ja divai kubha nyambiku ja kunywa. 41Mwanambeleli jongi hoju umbohaje nyambiku chikahi cha pakamihi papamu na nyambiku ya uhembi na chakunywa ngati mowatendile lukela, unungilu unyahi wa nyambiku jejijochakiki kwa moto heji, anaunyambihaje nepani Bambo Chapanga. 42Kwa hibheleku yokapi yeihika anaukubhaje ntetu kubhoha nyambiku heji ja kujochakeka kila chikahi pundyangu wa Lihema Lihuhu palongi jangu nepani Bambo Chapanga. Panihapa nde nepani panihimanganaje na mwehapa, nahuli kulongela na mwehapa. 43Konihoku nde konihimanganaje na Bhaizilaeli, na Lihema Lihuhu heli analigholulikaje kwa ulumbalilu wangu. 44Lihema Lihuhu na pandu pa kubhokeha nyambiku ananitendaje kubha ihuhu, nanatu ananabhahimikaje Haluni na bhana bhaki nahuli bhandumakyaje ngati bhapenganyambiku. 45Anandamaje pachilanda ja Bhaizilaeli, na nepani anangubhaje Chapanga wabhu. 46Nabhombi anabhamanyaje kubha nepani nde Bambo Chapanga, Chapanga wabhu, nenabhabhohiki kuhuma ku inchi ja Misili nahuli mbataje kutenda matamu papamu na bhombi. Nepani nde Bambo Chapanga, Chapanga wabhu.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
The New Testament in Mpoto Language ©The Word for the World International and Mpoto Language Translation, 2020 All rights reserved.