Kubhoka 30
30
Lisanduku la kuhukila ubani
Kubhoka 37:25-28
1“Lenganakyaje lisanduku kwa nkongu wa mshita kwa ndandi ja kuhukila ubani. 2Lisanduku heli lilenganaje ipambala yokapi, ulachu na upana waki sentimita alobaini na nhwanu, na kimu chaki sentimita tisini. Manyelu ghaki anaghakubhaje chindu chimu na lisanduku heli. 3Na wehapa ulihyekaje lisanduku heli kwa zahabu jinyahi, upambala waki wa kunani, ipambala yaki yokapi ya muluteta na manyelu ghaki, kabheti uyongaluhaje ukengu wa zahabu munkeghi jaki. 4Ulenganakyaje peti ibheli ya zahabu kwa ndandi ja lisanduku pahi paukeghi, yengi ibheli upambala wa kabheli nahuli kukamulila mipeku heji chikahi cha kulitotola. 5Mipeku heji jikubhaje ja mkongu wa mshita na ujiyekaje kwa zahabu. 6Lisanduku heli ulibhekaje palongi ja lipazia paukeghi ja Lisanduku la Lulaghilu, palongi ja chitehu cha chiha chechibhili panani ja Lisanduku la Lulaghilu, pandu panihapa nde panihimanganaje na wehapa. 7Kila lukela Haluni pajingila kuibheka wichu taa yeibhili panihapa, anahuwaje ubani ghoubhili na unungalilu unyahi panani ja lisanduku heli. 8Impalika Haluni kuhuwa ubani chikahi cha pakamihi paapambakila taa. Nhupu ja ubani jenu anajihuwakikaje chikahi chokapi palongi jangu nepani Bambo Chapanga kwa hibheleku hinu yokapi. 9Ngawihuwa ubani wangakujetakalewa palongi jangu panani ja lisanduku heli ng'o, wala nyambiku yengi yokapi ya kujochakeka, wala nhupu ya uhembi, wala ngawijeghela nhupu ya kunywa panani jaki. 10Mala nunkamu kwa chaka Haluni anatendaje ugholuleku panani ja manyelu gha lisanduku heli. Ugholuleku hoghu wa chaka upalika utendakikaje kwa mwahi wa nyambiku ja ugholuleku kwa ndandi ja mahoku kwa hibheleku hinu yokapi. Nde jihuhu namaa kwangu nepani Bambo Chapanga.”
Kode kwa ndandi ja Lihema Lihuhu
11Bambo Chapanga akumpwaghi Musa, 12“Pawikubhaje ubhabhalanga Bhaizilaeli, kila jumu analepaje mbija kwa ndandi ja kukengalela matamu ghaki palongi jangu nepani Bambo Chapanga, nahuli ngabhikubha na hitamu ihakau pachilanda jabhu chikahi cha kubhalangika. 13Kila jumu joanabhalangikaje anabhohaje nusu shekeli ja madini gha feza kulengana na ipemu yeitumika Pandu Pahuhu. Nhupu jeniheji amokeha nepani Bambo Chapanga. 14Bhokapi bhala bhabhabhili na umule wa hyaka ishilini na kupetalela, anabhamokihaje nhupu jeniheji nepani Bambo Chapanga. 15Bhanahindu yamaheli na akakahochu, bhokapi anabhalepaje chipemu chelachela cha nusu shekeli cha madini gha feza, chikahi pabhilepaje mbija heji nahuli kughakengalela matamu ghabhu kwangu nepani Bambo Chapanga. 16Wehapa anaujopaje mbija ja kughakengalela matamu ghabhu heji kuhuma kwa Bhaizilaeli, na wehapa ujitumilaje kwa ndandi ja lihengu la mu Lihema Lihuhu. Anajikubhaje nde ukombukelu kwa Bhaizilaeli palongi jangu nepani Bambo Chapanga, nahuli nepani naghakengalyaje matamu ghinu.”
Liteleku la shaba
17Bhela Bambo Chapanga akumpwaghi Musa, 18“Lenganakyaje liteleku la shaba, lelibhili na chitamilu cha shaba kwa ndandi ja kuchambila. Libhekaje pachilanda ja Lihema Lihuhu na pandu pa kubhokeha nyambiku ya kujochakeka, na ujeghalaje machi mkati jaki. 19Haluni na bhana bhaki anabhachambaje mabhoku na magholu ghabhu kwa machi ghaghabhi monihomu, 20na chikahi chokapi mangani ja kujingila mu Lihema Lihuhu, anabhachambaje machi nahuli ngabhihika kupotela. Bhelabhela pabhiheghalyaje pandu pa kubhokeha nyambiku nahuli kumokeha nepani Bambo Chapanga nyambiku jejijochakiki kwa moto. 21Anabhachambaje mabhoku na magholu ghabhu nahuli ngabhihika kupotela. Jenjenu anajikubhaje nde amuli ja mileli kwa ndandi jaka Haluni na bhana bhaki kwa hibheleku yokapi yeihika.”
Ntundu wa kulenganakela mahuta gha mzeituni
22Bhela Bambo Chapanga akumpwaghi Musa, 23“Utolaje hiungu inyahi ngati yenjeno, manemane jibhei kilu sita, uhembi wa mdalasini ghounungila wichu kilu itatu, uhembi wa mikota jejinungila wichu kilu itatu, 24na ntundu ghongi wa mdalasini ghoulowakeka kida kilu sita, hipemu yokapi heyi ikubhaje ya kulengana na hipemu ya Lihema Lihuhu. Bhelabhela utolaje lita nchechi ya mahuta gha zeituni. 25Kubhokana na ihungu heyi ulenganakyaje mahuta mahuhu ughahangaghanaje ngati moatendela ndenganakela wa manungilu. Mahuta ghanihagha anaghatumikaje kwa ndandi ja kuibheka hindu yeitumika palongi jangu nepani. 26Panihapa ulipakaje mahuta Lihema Lihuhu heli, na Lisanduku la Lulaghilu, 27meza na hindu yaki yokapi, chinala cha taa na hindu yaki, lisanduku la kuhuwila ubani, 28lisanduku la kubhokeha nyambiku ja kujochakeka na hindu yaki yokapi, na liteleku la shaba papamu na chitamilu chaki. 29Waitendaje hindu yeniheyi kubha yangu nepani, nahuli ikubhaje ihuhu nakanopi, na kila cheanachigusaje hindu yeniheyi anachikubhaje chihuhu. 30Bhela ubhaghalaje mahuta Haluni na bhana bhaki, na kubhahimika palongi jangu nepani Bambo Chapanga nahuli bhandumakyaje ngati bhapenganyambiku. 31Ubhapwaghilaje Bhaizilaeli, ‘Ghangani anaghakubhaje mahuta ghangu mahuhu gha kujeghalewa kwa hibheleku hinu yokapi. 32Mahuta ghanihagha ngaunjeghela mundu jokapi jwangakupalika ng'o, wala ngaghilenganakeka mahuta ghangi gha ntundu ghoni. Nde mahuta mahuhu na ipalika mughabhonaje kubha nde mahuhu. 33Mundu jokapi joanalenganakyaje mahuta ghaghalengana na aghagha, au kunjeghela mundu jwangakupalika kujeghalewa mahuta ghanihagha, mundu hoju anatengakikaje kutali na bhandu bhaki.’ ”
Ntundu wa kulenganakela ubani
34Bhela Bambo Chapanga akumpwaghi Musa, “Utolaje hiungu yeinungila wichi ngati yenjeno, ulibhalibha wa natafi, na ulibhalibha wa shekeleti, na ulibhalibha wa kelibena, hiungu yeinungila wichu na ubani unyahi, yokapi ikubhaje na chipemu chechilengana. 35Tumilaje hindu heyi kulenganakela ubani ngati moulenganakewa na ndenganakela wa manungilu, ujeghalaje mwinyu nahuli upata kubha unyahi na uhuhu. 36Uyaghaje hindu yeniheyi kubha uhembi laini na ubhekaje palongi ja Lisanduku la Lulaghilu mkati ja Lihema Lihuhu, pandu panihimanganaje na wehapa. Ghonihoghu anaukubhaje ubani uhuhu nakanopi kwinu. 37Ngawilenganakela ubani naghongi wa ntundu aghogho kwa ndandi jinu mabhete. Mubhonaje kubha nde uhuhu kwangu nepani Bambo Chapanga. 38Mundu jokapi joanalenganakyaje ubani wa ntundu ghonihoghu nahuli kuhekalela unungilu waki unyahi, ipalika abhekakikaje kutali na bhandu bhaki.”
Currently Selected:
Kubhoka 30: MpBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Mpoto Language ©The Word for the World International and Mpoto Language Translation, 2020 All rights reserved.
Kubhoka 30
30
Lisanduku la kuhukila ubani
Kubhoka 37:25-28
1“Lenganakyaje lisanduku kwa nkongu wa mshita kwa ndandi ja kuhukila ubani. 2Lisanduku heli lilenganaje ipambala yokapi, ulachu na upana waki sentimita alobaini na nhwanu, na kimu chaki sentimita tisini. Manyelu ghaki anaghakubhaje chindu chimu na lisanduku heli. 3Na wehapa ulihyekaje lisanduku heli kwa zahabu jinyahi, upambala waki wa kunani, ipambala yaki yokapi ya muluteta na manyelu ghaki, kabheti uyongaluhaje ukengu wa zahabu munkeghi jaki. 4Ulenganakyaje peti ibheli ya zahabu kwa ndandi ja lisanduku pahi paukeghi, yengi ibheli upambala wa kabheli nahuli kukamulila mipeku heji chikahi cha kulitotola. 5Mipeku heji jikubhaje ja mkongu wa mshita na ujiyekaje kwa zahabu. 6Lisanduku heli ulibhekaje palongi ja lipazia paukeghi ja Lisanduku la Lulaghilu, palongi ja chitehu cha chiha chechibhili panani ja Lisanduku la Lulaghilu, pandu panihapa nde panihimanganaje na wehapa. 7Kila lukela Haluni pajingila kuibheka wichu taa yeibhili panihapa, anahuwaje ubani ghoubhili na unungalilu unyahi panani ja lisanduku heli. 8Impalika Haluni kuhuwa ubani chikahi cha pakamihi paapambakila taa. Nhupu ja ubani jenu anajihuwakikaje chikahi chokapi palongi jangu nepani Bambo Chapanga kwa hibheleku hinu yokapi. 9Ngawihuwa ubani wangakujetakalewa palongi jangu panani ja lisanduku heli ng'o, wala nyambiku yengi yokapi ya kujochakeka, wala nhupu ya uhembi, wala ngawijeghela nhupu ya kunywa panani jaki. 10Mala nunkamu kwa chaka Haluni anatendaje ugholuleku panani ja manyelu gha lisanduku heli. Ugholuleku hoghu wa chaka upalika utendakikaje kwa mwahi wa nyambiku ja ugholuleku kwa ndandi ja mahoku kwa hibheleku hinu yokapi. Nde jihuhu namaa kwangu nepani Bambo Chapanga.”
Kode kwa ndandi ja Lihema Lihuhu
11Bambo Chapanga akumpwaghi Musa, 12“Pawikubhaje ubhabhalanga Bhaizilaeli, kila jumu analepaje mbija kwa ndandi ja kukengalela matamu ghaki palongi jangu nepani Bambo Chapanga, nahuli ngabhikubha na hitamu ihakau pachilanda jabhu chikahi cha kubhalangika. 13Kila jumu joanabhalangikaje anabhohaje nusu shekeli ja madini gha feza kulengana na ipemu yeitumika Pandu Pahuhu. Nhupu jeniheji amokeha nepani Bambo Chapanga. 14Bhokapi bhala bhabhabhili na umule wa hyaka ishilini na kupetalela, anabhamokihaje nhupu jeniheji nepani Bambo Chapanga. 15Bhanahindu yamaheli na akakahochu, bhokapi anabhalepaje chipemu chelachela cha nusu shekeli cha madini gha feza, chikahi pabhilepaje mbija heji nahuli kughakengalela matamu ghabhu kwangu nepani Bambo Chapanga. 16Wehapa anaujopaje mbija ja kughakengalela matamu ghabhu heji kuhuma kwa Bhaizilaeli, na wehapa ujitumilaje kwa ndandi ja lihengu la mu Lihema Lihuhu. Anajikubhaje nde ukombukelu kwa Bhaizilaeli palongi jangu nepani Bambo Chapanga, nahuli nepani naghakengalyaje matamu ghinu.”
Liteleku la shaba
17Bhela Bambo Chapanga akumpwaghi Musa, 18“Lenganakyaje liteleku la shaba, lelibhili na chitamilu cha shaba kwa ndandi ja kuchambila. Libhekaje pachilanda ja Lihema Lihuhu na pandu pa kubhokeha nyambiku ya kujochakeka, na ujeghalaje machi mkati jaki. 19Haluni na bhana bhaki anabhachambaje mabhoku na magholu ghabhu kwa machi ghaghabhi monihomu, 20na chikahi chokapi mangani ja kujingila mu Lihema Lihuhu, anabhachambaje machi nahuli ngabhihika kupotela. Bhelabhela pabhiheghalyaje pandu pa kubhokeha nyambiku nahuli kumokeha nepani Bambo Chapanga nyambiku jejijochakiki kwa moto. 21Anabhachambaje mabhoku na magholu ghabhu nahuli ngabhihika kupotela. Jenjenu anajikubhaje nde amuli ja mileli kwa ndandi jaka Haluni na bhana bhaki kwa hibheleku yokapi yeihika.”
Ntundu wa kulenganakela mahuta gha mzeituni
22Bhela Bambo Chapanga akumpwaghi Musa, 23“Utolaje hiungu inyahi ngati yenjeno, manemane jibhei kilu sita, uhembi wa mdalasini ghounungila wichu kilu itatu, uhembi wa mikota jejinungila wichu kilu itatu, 24na ntundu ghongi wa mdalasini ghoulowakeka kida kilu sita, hipemu yokapi heyi ikubhaje ya kulengana na hipemu ya Lihema Lihuhu. Bhelabhela utolaje lita nchechi ya mahuta gha zeituni. 25Kubhokana na ihungu heyi ulenganakyaje mahuta mahuhu ughahangaghanaje ngati moatendela ndenganakela wa manungilu. Mahuta ghanihagha anaghatumikaje kwa ndandi ja kuibheka hindu yeitumika palongi jangu nepani. 26Panihapa ulipakaje mahuta Lihema Lihuhu heli, na Lisanduku la Lulaghilu, 27meza na hindu yaki yokapi, chinala cha taa na hindu yaki, lisanduku la kuhuwila ubani, 28lisanduku la kubhokeha nyambiku ja kujochakeka na hindu yaki yokapi, na liteleku la shaba papamu na chitamilu chaki. 29Waitendaje hindu yeniheyi kubha yangu nepani, nahuli ikubhaje ihuhu nakanopi, na kila cheanachigusaje hindu yeniheyi anachikubhaje chihuhu. 30Bhela ubhaghalaje mahuta Haluni na bhana bhaki, na kubhahimika palongi jangu nepani Bambo Chapanga nahuli bhandumakyaje ngati bhapenganyambiku. 31Ubhapwaghilaje Bhaizilaeli, ‘Ghangani anaghakubhaje mahuta ghangu mahuhu gha kujeghalewa kwa hibheleku hinu yokapi. 32Mahuta ghanihagha ngaunjeghela mundu jokapi jwangakupalika ng'o, wala ngaghilenganakeka mahuta ghangi gha ntundu ghoni. Nde mahuta mahuhu na ipalika mughabhonaje kubha nde mahuhu. 33Mundu jokapi joanalenganakyaje mahuta ghaghalengana na aghagha, au kunjeghela mundu jwangakupalika kujeghalewa mahuta ghanihagha, mundu hoju anatengakikaje kutali na bhandu bhaki.’ ”
Ntundu wa kulenganakela ubani
34Bhela Bambo Chapanga akumpwaghi Musa, “Utolaje hiungu yeinungila wichi ngati yenjeno, ulibhalibha wa natafi, na ulibhalibha wa shekeleti, na ulibhalibha wa kelibena, hiungu yeinungila wichu na ubani unyahi, yokapi ikubhaje na chipemu chechilengana. 35Tumilaje hindu heyi kulenganakela ubani ngati moulenganakewa na ndenganakela wa manungilu, ujeghalaje mwinyu nahuli upata kubha unyahi na uhuhu. 36Uyaghaje hindu yeniheyi kubha uhembi laini na ubhekaje palongi ja Lisanduku la Lulaghilu mkati ja Lihema Lihuhu, pandu panihimanganaje na wehapa. Ghonihoghu anaukubhaje ubani uhuhu nakanopi kwinu. 37Ngawilenganakela ubani naghongi wa ntundu aghogho kwa ndandi jinu mabhete. Mubhonaje kubha nde uhuhu kwangu nepani Bambo Chapanga. 38Mundu jokapi joanalenganakyaje ubani wa ntundu ghonihoghu nahuli kuhekalela unungilu waki unyahi, ipalika abhekakikaje kutali na bhandu bhaki.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
The New Testament in Mpoto Language ©The Word for the World International and Mpoto Language Translation, 2020 All rights reserved.