Kubhoka 31
31
Mafundi bha kulenganakela Lihema Lihuhu
Kubhoka 35:30-36:1
1Bhela Bambo Chapanga akumpwaghi Musa, 2“Nepani nunhawili Bezaleli, mwana waka Uri, nchokolu waka Huri, wa likabila laka Yuda, 3nanatu nuntwelakili Roho wangu, na nuntendiki akubhaje na mbulau, uwezu, umanyi, na awezaje kuhenga mahengu gha kila ntundu, 4nahuli abyaje funde mnyahi wa kulenganakela hindu ya zahabu, madini gha feza na shaba, 5numpekihi umanyi wa kuhongola maganga gha mbija yamaheli gha kupamba, na kuhenga ufunde kwa mbau, na umanyi wa kila ntundu wa ufunde. 6Bhelabhela nunhawili Oholiabu, mwana waka Ahisamaki, wa likabila laka Dani, nahuli kunjangatila. Na mafunde bhokapi nabhapekihi umanyi wa kutenda kila chindu chenukulaghalakile wehapa: 7Bhalenganakyaje, Lihema Lihuhu na Lisanduku la Lulaghilu, papamu na chitehu cha chiha panani jaki, papamu na hindu yokapi ya Lihema, 8meza na hindu yaki, chinala cha taa cha zahabu jinyahi na hindu yaki yokapi, na chihanja cha kuhuwila ubani, 9lisanduku la kubhokeha nyambiku ja kujochakeka na hindu yaki yokapi, na liteleku la shaba na chitamilu chaki, 10papamu na ingobhu yeilokakiki wichu, na ingobhu ihuhu yaka mpenganyambiku Haluni, na ingobhu ya bhana bhaki yebhawata chikahi cha kutenda lihengu la upenganyambiku, 11na mahuta gha mzeituni na ubani ghounungila wichu ghoutumika Pandu Pahuhu. Hindu heyi yokapi ilenganikiwaje wichu ngati bhela monukulaghalakile.”
Lichobha la Sabato
12Bhela Bambo Chapanga akumpwaghi Musa, 13“Ubhapwaghilaje Bhaizilaeli, ‘Mwehapa impalika muikamulaje Sabato yangu. Jenjenu anajikubhaje nginyulila pachilanda jangu nepani na mwehapa kwa ndandi ja hibheleku hinu yokapi yeihika, nahuli mpata kumanya kubha nepani nde Bambo Chapanga, nenuntenda mwehapa kubha bhahuhu. 14Mkamulaje Sabato, kwa ndandi nde jihuhu kwinu. Mundu jokapi joalijeghela uhakau lichobha heli ipalika akomakikeje, na mundu jokapi joanahengaje lihengu mu lichobha heli anatengakikaje kutali na bhandu bhaki. 15Mtendaje lihengu kwa machobha sita, nambu lichobha la saba nde Sabato, lichobha la kupomulela, lihuhu kwangu nepani Bambo Chapanga. Mundu jokapi joanahengaje lihengu lokapi lela mu lichobha leniheli ipalika akomakikaje. 16Bhaizilaeli anabhajikamulaje Sabato, na kujihekalela kwa hibheleku yabhu yokapi yeihika kubha Lulaghilu lwa mileli. 17Lijambu heli analikubhaje nginyulila pachilanda jangu nepani na Bhaizilaeli mileli, kwa ndandi kwa machobha sita nepani Bambo Chapanga nakabhombiki mbengu na ndema, na lichobha la saba nakakotwiki kuhenga lihengu, na kupomulela.’ ”
18Bambo Chapanga paakajomwili kulongela na Musa panani ja Chitombi cha Sinai, Chapanga akumpekihi hibau ibheli yeilembakiki Amuli, hibau ya maganga yeyalembakiki kwa lukonji lwaki mweni Chapanga.
Currently Selected:
Kubhoka 31: MpBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Mpoto Language ©The Word for the World International and Mpoto Language Translation, 2020 All rights reserved.
Kubhoka 31
31
Mafundi bha kulenganakela Lihema Lihuhu
Kubhoka 35:30-36:1
1Bhela Bambo Chapanga akumpwaghi Musa, 2“Nepani nunhawili Bezaleli, mwana waka Uri, nchokolu waka Huri, wa likabila laka Yuda, 3nanatu nuntwelakili Roho wangu, na nuntendiki akubhaje na mbulau, uwezu, umanyi, na awezaje kuhenga mahengu gha kila ntundu, 4nahuli abyaje funde mnyahi wa kulenganakela hindu ya zahabu, madini gha feza na shaba, 5numpekihi umanyi wa kuhongola maganga gha mbija yamaheli gha kupamba, na kuhenga ufunde kwa mbau, na umanyi wa kila ntundu wa ufunde. 6Bhelabhela nunhawili Oholiabu, mwana waka Ahisamaki, wa likabila laka Dani, nahuli kunjangatila. Na mafunde bhokapi nabhapekihi umanyi wa kutenda kila chindu chenukulaghalakile wehapa: 7Bhalenganakyaje, Lihema Lihuhu na Lisanduku la Lulaghilu, papamu na chitehu cha chiha panani jaki, papamu na hindu yokapi ya Lihema, 8meza na hindu yaki, chinala cha taa cha zahabu jinyahi na hindu yaki yokapi, na chihanja cha kuhuwila ubani, 9lisanduku la kubhokeha nyambiku ja kujochakeka na hindu yaki yokapi, na liteleku la shaba na chitamilu chaki, 10papamu na ingobhu yeilokakiki wichu, na ingobhu ihuhu yaka mpenganyambiku Haluni, na ingobhu ya bhana bhaki yebhawata chikahi cha kutenda lihengu la upenganyambiku, 11na mahuta gha mzeituni na ubani ghounungila wichu ghoutumika Pandu Pahuhu. Hindu heyi yokapi ilenganikiwaje wichu ngati bhela monukulaghalakile.”
Lichobha la Sabato
12Bhela Bambo Chapanga akumpwaghi Musa, 13“Ubhapwaghilaje Bhaizilaeli, ‘Mwehapa impalika muikamulaje Sabato yangu. Jenjenu anajikubhaje nginyulila pachilanda jangu nepani na mwehapa kwa ndandi ja hibheleku hinu yokapi yeihika, nahuli mpata kumanya kubha nepani nde Bambo Chapanga, nenuntenda mwehapa kubha bhahuhu. 14Mkamulaje Sabato, kwa ndandi nde jihuhu kwinu. Mundu jokapi joalijeghela uhakau lichobha heli ipalika akomakikeje, na mundu jokapi joanahengaje lihengu mu lichobha heli anatengakikaje kutali na bhandu bhaki. 15Mtendaje lihengu kwa machobha sita, nambu lichobha la saba nde Sabato, lichobha la kupomulela, lihuhu kwangu nepani Bambo Chapanga. Mundu jokapi joanahengaje lihengu lokapi lela mu lichobha leniheli ipalika akomakikaje. 16Bhaizilaeli anabhajikamulaje Sabato, na kujihekalela kwa hibheleku yabhu yokapi yeihika kubha Lulaghilu lwa mileli. 17Lijambu heli analikubhaje nginyulila pachilanda jangu nepani na Bhaizilaeli mileli, kwa ndandi kwa machobha sita nepani Bambo Chapanga nakabhombiki mbengu na ndema, na lichobha la saba nakakotwiki kuhenga lihengu, na kupomulela.’ ”
18Bambo Chapanga paakajomwili kulongela na Musa panani ja Chitombi cha Sinai, Chapanga akumpekihi hibau ibheli yeilembakiki Amuli, hibau ya maganga yeyalembakiki kwa lukonji lwaki mweni Chapanga.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
The New Testament in Mpoto Language ©The Word for the World International and Mpoto Language Translation, 2020 All rights reserved.