Kubhoka 32
32
Chimong'umong'u cha litoli la zahabu
Kombukombu la Tolati 9:6-29
1Bhandu pabhakaweni kubha Musa akabhakili namaa kuhelela kuhuma kuchitombi, bhakalibhongini palongi jaka Haluni na kumpwaghila, “Hikaje utulenganakyaje ichapanga yutulonguhaje, maghambu ngachetumanyi lelumpatiki Musa hoju joatubhohiki kuhuma ku inchi ja Misili.”
2Haluni akabhayangike, “Mtolaje ndolowa ya zahabu mu makutu gha akabhahanu bhinu, bhana bhinu bha chikambaku na akakamwali bhinu, na mnetilaje.” 3Bhela bhandu bhokapi bhakabhohiki ndolowa yokapi ya zahabu mu makutu ghabhu, na kundetela Haluni. 4Najombi akaitoliki na kuiyeyusha, akalenganakili litoli la chikambaku la zahabu.
Bhakapwaghiki kwa sauti, “Wenga wa Izilaeli, jonjoni nde chapanga witu joatubhohiki kuhuma ku inchi ja Misili.”
5Haluni paakaweni lijambu leniheli, akachengiki pandu pa kubhokeha nyambiku palongi ja litoli lela na kutangaza, “Chilabhu anakukubhaje na uwangalalu kwa ndandi jaka Bambo Chapanga.” 6Chilabhu jaki bhandu bhakajumwiki lukela pachibhombu bhakabhohiki nyambiku ya kujochakeka, na nyambiku ya kutama kwa lukwali. Bhandu bhakatemi pahi kula na kunywa, nabhombi bhakajemiki na kukina.
7Bhela Bambo Chapanga akumpwaghi Musa, “Uhelalaje pahi manyata, kwa ndandi bhandu bhaku wawaletiki kuhuma ku inchi ja ku Misili, bhatehi kuhobha. 8Bhajilekiki manyata indela jenakabhalaghalakili na kulenganakela litoli la ng'ombi kwa kuyeyusha, nabhombi bhakalihobhalili na kulibhokeha nyambiku, bhakapwaghaje, ‘Wenga wa Izilaeli, jonjoni nde chapanga witu joatubhohiki kuhuma ku inchi ja Misili.’ ” 9Bambo Chapanga akumpwaghi Musa, “Nepani nabhamanyi bhandu abhabha, nabhombi nde bhandu bhabhabhili na hingu yeinonwipe. 10Sajenu unekaje, nahuli inyela yangu ikabhelalaje panani jabhu, na kubhayonanga. Bhela nepani ananukutendaje wehapa kubha litaifa likolongwa.”
11Nambu Musa akumpembalili Bambo Chapanga, Chapanga waki, akapwaghaje, “Wenga wa Bambo Chapanga, maghambu kiki inyela yaku ibhelela panani ja bhandu bhako, bhala wawabhohiki ku Misili kwa uwezu waku ukolongwa na chiwoku chaku chechibhili na makile? 12Anautendiki bhenibhela, Bhamisili anabhapwaghaje, ‘Bho, Chapanga wabhu le akabhabhohiki mu inchi jitu ja Misili nahuli abhakomaje pachitombi na kubhahungula pamihu ja ndema?’ Wenga wa Bambo Chapanga, ngaubhayomela kwa inyela yaku ikali, ubhabhonilaje chiha na kukotoka kuhenga lijambu leniheli lihakau leupala kubhahengela bhandu bhako. 13Ubhakombukaje bhatumika bhaku Ibulahimu, Isaka na Izilaeli, ambabhu ukabhalapili wamwete kwa kupwagha, ‘Anandendaje lubheleku lwinu lukubhaje lwamaheli ngati ndondwa ya kunani, nanatu ananabhapekyaje bhabhelakeka bhinu inchi jenu jokapi ambaju nakabhalapili ananabhapekyaje, jikubhaje upwelelu wabhu mileli.’ ” 14Bhela, Bambo Chapanga akabhabhonili chiha, akakotwiki kubhatendela bhandu bhaki lijambu lihakau lela leakapaliki kubhahengela.
15Musa akang'anambwiki, na kuhelela kuhuma pachitombi akabya na hibau ibheli yeyalembakiki Amuli mu mabhoku ghaki. Ikabhili ilembakiki Amuli yaka Bambo Chapanga ipambala yokapi ibheli, kulongi na kunyuma. 16Hibau heyi yakalenganakiki na Chapanga mweni. Malembu ghakabhili ghalembakiki na Chapanga mweni, ghakalembakiki ngati muhuli panani ja hibau.
17Yoshua paakajowini sauti ya bhandu bhakahona njobhela, akumpwaghi Musa, “Kubhili na sauti ja ngondo kulikambi.”
18Musa akayangike, “Nga sauti ja ushinde, wala nga sauti ja kulepalela, nambu nyowana sauti ya bhandu bhabhajemba.”
19Musa paakaheghalili palikambi akaliweni litoli la zahabu lela na bhandu bhakakinaje, panihapa inyela yaka Musa yakabhelili ngati moto, akailekili pahi hibau yela kuhuma mu mabhoku ghaki na kuikajula pahi pa chitombi pala. 20Musa akatoliki litoli la zahabu lela akalijochiki moto, akaliyaghiki mbaka lakabhi uhembi, akaukolwighi uhembi hoghu mu machi na kubhajomalakela Bhaizilaeli bhakunywaje. 21Musa akundalukili Haluni, “Bho, bhandu abhabha bhakutendiki kike, mbaka ubhalongoha kutenda lihoku likolongwa bhenibhela?”
22Haluni akayangike, “Ngawiyoma bambo wango. Wehapa umanyi ntundu bhandu abhabha mobhabhelili tayali kwa kuhenga mahakau. 23Bhombi bhakambwaghile, ‘Utulenganakyaje ichapanga yeyatulonguhaje. Maghambu Musa hoju, joakatubhohiki kuhuma mu inchi ja Misili, ngachetumanyi ghaghumpatike.’ 24Bhela nakabhapwaghile, ‘Mundu jokapi jola joabhili na chindu cha zahabu, ahulaje.’ Panihapa bhakambekihi zahabu heyi, nanatu nakajibhekiki pa moto, na likapitalili litoli likambaku aleli!”
25Musa paakaweni kubha bhandu bhatehi kuasi, kwa ndandi Haluni akabhili abhalekiki bhandu bhatendaje kuasi, na kutenda ngati mobhapalilaje, na kupata iyoni palongi ja adui bhabhu, 26panihapa Musa akajemiki palongi ja ndyangu wa likambi, akapwaghaje, “Mundu jokapi joabhili upambala waka Bamabo Chapanga, na ahikaje kwangu.” Bhalawi bhokapi bhakunjendile. 27Akabhapwaghile, “Lendenu nde leapwagha Bambo Chapanga, Chapanga wa Izilaeli, ‘Kila mundu na alikongaje lipanga laki muchibhunu, na akayongalutaje kila pandu palikambi, akapetaje akoku na akoku, kuhuma ndyangu ghumu mbaka ndyangu ghongi, na kila mundu akunkomaje ndongu waki, nkochi waki na njaki.’ ” 28Bhalawi bhakatendiki ngati Musa moakalaghalakile, na mu lichobha lela bhakakomakiki ngati bhandu elufu itatu. 29Musa akapwaghike, “Lalenu mulibhekiki kutumika palongi jaka Bambo Chapanga, kwa kubha mkabhili chihanganyuma na kubhakoma bhana bhinu na bhalongu bhinu, Chapanga ampekyaje mbengalelu lalenu jenu.”
30Chilabhu jaki Musa akabhapwaghi bhandu, “Mtendiki mahoku makolongwa. Nambu sajenu anangwelaje panani pachitombi kwaka Bambo Chapanga, pangi nhweza kutenda ujonganeshu kwa ndandi ja mahoku ghino.” 31Bhela Musa akakelawiki kwaka Bambo Chapanga, na kumpwaghila, “Umina mtima namaa! Bhandu abhabha bhatendiki mahoku makolongwa! Bhalilenganakili bheni ichapanga ya zahabu. 32Nambu sajenu nukulobha, ubhalekakyaje mahoku ghabhu. Ngati nangakubhalekakela, nukulobha unhungulaje kuhuma mu chitabu chaku cheubhalembiki mahina gha bhandu bhako.”
33Nambu Bambo Chapanga akamuyangiki Musa, “Mundu jokapi joandendili mahoku nde joananunhungulaje kuhuma mu chitabu changu. 34Sajenu ujendaje, ukabhalonguhaje bhandu abhabha mbaka pandu pala panukupwaghile malobhi ghake. Lingalyaje, mtumika wangu wa kunani anaakulongulyaje. Hata bhela, chikahi panabhahikilaje nepani kubhalapula, ananabhalapulaje kwa ndandi ja mahoku ghabhu.”
35Bhela Bambo Chapanga akabhalapwili bhandu kwa chitamu chihakau, maghambu bhakundobhiki Haluni abhalenganakyaje litoli likambaku la zahabu lela, na Haluni akabhalenganakile.
Currently Selected:
Kubhoka 32: MpBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Mpoto Language ©The Word for the World International and Mpoto Language Translation, 2020 All rights reserved.
Kubhoka 32
32
Chimong'umong'u cha litoli la zahabu
Kombukombu la Tolati 9:6-29
1Bhandu pabhakaweni kubha Musa akabhakili namaa kuhelela kuhuma kuchitombi, bhakalibhongini palongi jaka Haluni na kumpwaghila, “Hikaje utulenganakyaje ichapanga yutulonguhaje, maghambu ngachetumanyi lelumpatiki Musa hoju joatubhohiki kuhuma ku inchi ja Misili.”
2Haluni akabhayangike, “Mtolaje ndolowa ya zahabu mu makutu gha akabhahanu bhinu, bhana bhinu bha chikambaku na akakamwali bhinu, na mnetilaje.” 3Bhela bhandu bhokapi bhakabhohiki ndolowa yokapi ya zahabu mu makutu ghabhu, na kundetela Haluni. 4Najombi akaitoliki na kuiyeyusha, akalenganakili litoli la chikambaku la zahabu.
Bhakapwaghiki kwa sauti, “Wenga wa Izilaeli, jonjoni nde chapanga witu joatubhohiki kuhuma ku inchi ja Misili.”
5Haluni paakaweni lijambu leniheli, akachengiki pandu pa kubhokeha nyambiku palongi ja litoli lela na kutangaza, “Chilabhu anakukubhaje na uwangalalu kwa ndandi jaka Bambo Chapanga.” 6Chilabhu jaki bhandu bhakajumwiki lukela pachibhombu bhakabhohiki nyambiku ya kujochakeka, na nyambiku ya kutama kwa lukwali. Bhandu bhakatemi pahi kula na kunywa, nabhombi bhakajemiki na kukina.
7Bhela Bambo Chapanga akumpwaghi Musa, “Uhelalaje pahi manyata, kwa ndandi bhandu bhaku wawaletiki kuhuma ku inchi ja ku Misili, bhatehi kuhobha. 8Bhajilekiki manyata indela jenakabhalaghalakili na kulenganakela litoli la ng'ombi kwa kuyeyusha, nabhombi bhakalihobhalili na kulibhokeha nyambiku, bhakapwaghaje, ‘Wenga wa Izilaeli, jonjoni nde chapanga witu joatubhohiki kuhuma ku inchi ja Misili.’ ” 9Bambo Chapanga akumpwaghi Musa, “Nepani nabhamanyi bhandu abhabha, nabhombi nde bhandu bhabhabhili na hingu yeinonwipe. 10Sajenu unekaje, nahuli inyela yangu ikabhelalaje panani jabhu, na kubhayonanga. Bhela nepani ananukutendaje wehapa kubha litaifa likolongwa.”
11Nambu Musa akumpembalili Bambo Chapanga, Chapanga waki, akapwaghaje, “Wenga wa Bambo Chapanga, maghambu kiki inyela yaku ibhelela panani ja bhandu bhako, bhala wawabhohiki ku Misili kwa uwezu waku ukolongwa na chiwoku chaku chechibhili na makile? 12Anautendiki bhenibhela, Bhamisili anabhapwaghaje, ‘Bho, Chapanga wabhu le akabhabhohiki mu inchi jitu ja Misili nahuli abhakomaje pachitombi na kubhahungula pamihu ja ndema?’ Wenga wa Bambo Chapanga, ngaubhayomela kwa inyela yaku ikali, ubhabhonilaje chiha na kukotoka kuhenga lijambu leniheli lihakau leupala kubhahengela bhandu bhako. 13Ubhakombukaje bhatumika bhaku Ibulahimu, Isaka na Izilaeli, ambabhu ukabhalapili wamwete kwa kupwagha, ‘Anandendaje lubheleku lwinu lukubhaje lwamaheli ngati ndondwa ya kunani, nanatu ananabhapekyaje bhabhelakeka bhinu inchi jenu jokapi ambaju nakabhalapili ananabhapekyaje, jikubhaje upwelelu wabhu mileli.’ ” 14Bhela, Bambo Chapanga akabhabhonili chiha, akakotwiki kubhatendela bhandu bhaki lijambu lihakau lela leakapaliki kubhahengela.
15Musa akang'anambwiki, na kuhelela kuhuma pachitombi akabya na hibau ibheli yeyalembakiki Amuli mu mabhoku ghaki. Ikabhili ilembakiki Amuli yaka Bambo Chapanga ipambala yokapi ibheli, kulongi na kunyuma. 16Hibau heyi yakalenganakiki na Chapanga mweni. Malembu ghakabhili ghalembakiki na Chapanga mweni, ghakalembakiki ngati muhuli panani ja hibau.
17Yoshua paakajowini sauti ya bhandu bhakahona njobhela, akumpwaghi Musa, “Kubhili na sauti ja ngondo kulikambi.”
18Musa akayangike, “Nga sauti ja ushinde, wala nga sauti ja kulepalela, nambu nyowana sauti ya bhandu bhabhajemba.”
19Musa paakaheghalili palikambi akaliweni litoli la zahabu lela na bhandu bhakakinaje, panihapa inyela yaka Musa yakabhelili ngati moto, akailekili pahi hibau yela kuhuma mu mabhoku ghaki na kuikajula pahi pa chitombi pala. 20Musa akatoliki litoli la zahabu lela akalijochiki moto, akaliyaghiki mbaka lakabhi uhembi, akaukolwighi uhembi hoghu mu machi na kubhajomalakela Bhaizilaeli bhakunywaje. 21Musa akundalukili Haluni, “Bho, bhandu abhabha bhakutendiki kike, mbaka ubhalongoha kutenda lihoku likolongwa bhenibhela?”
22Haluni akayangike, “Ngawiyoma bambo wango. Wehapa umanyi ntundu bhandu abhabha mobhabhelili tayali kwa kuhenga mahakau. 23Bhombi bhakambwaghile, ‘Utulenganakyaje ichapanga yeyatulonguhaje. Maghambu Musa hoju, joakatubhohiki kuhuma mu inchi ja Misili, ngachetumanyi ghaghumpatike.’ 24Bhela nakabhapwaghile, ‘Mundu jokapi jola joabhili na chindu cha zahabu, ahulaje.’ Panihapa bhakambekihi zahabu heyi, nanatu nakajibhekiki pa moto, na likapitalili litoli likambaku aleli!”
25Musa paakaweni kubha bhandu bhatehi kuasi, kwa ndandi Haluni akabhili abhalekiki bhandu bhatendaje kuasi, na kutenda ngati mobhapalilaje, na kupata iyoni palongi ja adui bhabhu, 26panihapa Musa akajemiki palongi ja ndyangu wa likambi, akapwaghaje, “Mundu jokapi joabhili upambala waka Bamabo Chapanga, na ahikaje kwangu.” Bhalawi bhokapi bhakunjendile. 27Akabhapwaghile, “Lendenu nde leapwagha Bambo Chapanga, Chapanga wa Izilaeli, ‘Kila mundu na alikongaje lipanga laki muchibhunu, na akayongalutaje kila pandu palikambi, akapetaje akoku na akoku, kuhuma ndyangu ghumu mbaka ndyangu ghongi, na kila mundu akunkomaje ndongu waki, nkochi waki na njaki.’ ” 28Bhalawi bhakatendiki ngati Musa moakalaghalakile, na mu lichobha lela bhakakomakiki ngati bhandu elufu itatu. 29Musa akapwaghike, “Lalenu mulibhekiki kutumika palongi jaka Bambo Chapanga, kwa kubha mkabhili chihanganyuma na kubhakoma bhana bhinu na bhalongu bhinu, Chapanga ampekyaje mbengalelu lalenu jenu.”
30Chilabhu jaki Musa akabhapwaghi bhandu, “Mtendiki mahoku makolongwa. Nambu sajenu anangwelaje panani pachitombi kwaka Bambo Chapanga, pangi nhweza kutenda ujonganeshu kwa ndandi ja mahoku ghino.” 31Bhela Musa akakelawiki kwaka Bambo Chapanga, na kumpwaghila, “Umina mtima namaa! Bhandu abhabha bhatendiki mahoku makolongwa! Bhalilenganakili bheni ichapanga ya zahabu. 32Nambu sajenu nukulobha, ubhalekakyaje mahoku ghabhu. Ngati nangakubhalekakela, nukulobha unhungulaje kuhuma mu chitabu chaku cheubhalembiki mahina gha bhandu bhako.”
33Nambu Bambo Chapanga akamuyangiki Musa, “Mundu jokapi joandendili mahoku nde joananunhungulaje kuhuma mu chitabu changu. 34Sajenu ujendaje, ukabhalonguhaje bhandu abhabha mbaka pandu pala panukupwaghile malobhi ghake. Lingalyaje, mtumika wangu wa kunani anaakulongulyaje. Hata bhela, chikahi panabhahikilaje nepani kubhalapula, ananabhalapulaje kwa ndandi ja mahoku ghabhu.”
35Bhela Bambo Chapanga akabhalapwili bhandu kwa chitamu chihakau, maghambu bhakundobhiki Haluni abhalenganakyaje litoli likambaku la zahabu lela, na Haluni akabhalenganakile.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
The New Testament in Mpoto Language ©The Word for the World International and Mpoto Language Translation, 2020 All rights reserved.