Utumbulilu 10
10
Ibheluku yaka Nuhu
1 Mambu gha Chikahi 1:5-23
1Bhana bhaka Nuhu bhakabhi, Shemu, Hamu na Yafeti, ambabhu pajajomwiki ghalika bhakabheliki bhana bha chikambaku.
2Bhana bha chikambaku bhaka Yafeti bhakabhi, Gomeli, Magogu, Madai, Yavani, Tubali, Meshaki na Tilasi. 3Bhana bha chikambaku bhaka Gomeli bhakabhi, Ashikenazi, Lifati na Togama. 4Bhana bha chikambaku bhaka Yavani bhakabhi Elisha, Tashishi, Kitimu na Bhalodani. 5Abhabha nde utumbulilu wa kujaghanila kwa bhandu pandu pa mumaheku na mchilu, kila bhandu kwa lukolu lwabhu, kwa lugha jabhu na kwa inchi yabhu.
6Bhana bha chikambaku bhaka Hamu bhakabhi Kushi, Misili, Putu na Kanaani. 7Bhana bha chikambaku bhaka Kushi bhakabhi Seba, Havila, Sabuta, Laama na Sabuteka. Bhana bha chikambaku bhaka Laama bhakabhi Sheba na Dedani. 8Kushi akumbeliki Nimulodi, ambaju akabhi wa kutumbula kumanyikana kuwa makili ghaki. 9Akabhi mwana makili kwa kubhenga hinyama palongi jaka Bambo. Nde ndandi bhandu bhapwagha, “Ngati Nimulodi, mwana makili kwa kubhenga hinyama palongi jaka Bambo.” 10Michi ja kutumbula ja utawala waki jakabhi Babeli, Eleki, Akadi na Kaline mu inchi ja Shinali. 11Kuhuma ku inchi jeniheji akapiti ku Ashulu, ambaku akauchengiki muchi wa Ninawi, Leoboti Ili, na Kala, 12na Leseni ghoubhi pachilanda ja Ninawi na Kala, ambau nde muchi ukolongwa.
13Misili akabhabheliki Bhaludi, Bhaanami, Bhalehabi, Bhanafutuhi, 14na Bhapatilusi, Bhakasiluhi, bhanihabha bhakakabhi nde utumbulilu wa Bhafilisti na Bhakafutoli.
15Kanaani akumbeliki Sodoni, mwana waki wa kutumbula, na Hesi, 16na Bhayebusi, Bhaamoli, Bhagiligashi, 17na Bhahivi, Bhaaliki, Bhasini, 18na Baalivadi, Bhasemali na Bhahamati. Palongi lukolu ya bhandu bha Kanaani lukaghatawanyike. 19Malindakanilu gha Bhakanaani ghakajaghanili kuhuma ku Sidoni kujenda ku Gelali mbaka ku Gaza, na kujendalela upambala wa kolipita lyobha wa ku Sodoma na Gomola, ku Adima na ku Seboimu mbaka ku Lasha. 20Abhabha nde bhabhelakeka bha chikambaku bhaka Hamu, kujengalanela na lukolu yabhu, lugha yabhu, mu inchi yabhu na mataifa ghabhu.
21Shemu ambaju nde mbeli waka Yafeti, akabhi tati wa Bhaebulania bhokapi. 22Bhana bha chikambaku bhaka Shemu bhakabhi Elamu, Ashulu, Alifakisadi, Ludi na Alamu. 23Bhana bha chikambaku bhaka Alamu bhakabhi Usi, Huli, Geseli na Mashi. 24Alifakisadi akumbeliki Sela, na Sela akumbeliki Ebeli. 25Ebeli akabhabheliki bhana bhabheli bha chikambaku: Wa kutumbula akalowakiki Pelegi maghambu chikahi chenihechi bhandu bha pundema bhakatei kughabhanika, na wa kabheli akalowakiki Yokitani. 26Yokitani akabhabheliki Alimodadi, Shelefu, Hasalimawesi, Yela, 27Hadolamu, Uzali na Dikila, 28Obali, Abimaeli na Seba, 29Ofili, na Havila na Yobabi. Abhabha bhokapi bhakabhi bhana bha chikambaku bhaka Yokitani. 30Bhandu bhanihabha bhakatami ku inchi ja Mesha mbaka ku Sefali ku inchi ja itombi, jejibhi upambala wa kolipita lyobha. 31Bhanihabha nde bhana bhaka Shemu, kujengalanela na lukolu yabhu, lugha yabhu, mu inchi yabhu na mataifa ghabhu.
32Hayeyi nde ibheleku yaka Nuhu, kujengalanela na ibheleku yabhu, mu mataifa ghabhu. Kubhokana na bhanihabha mataifa ghakajaghanili kundema wokapi kutumbu pajajomwiki ghalika.
Currently Selected:
Utumbulilu 10: MpBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Mpoto Language ©The Word for the World International and Mpoto Language Translation, 2020 All rights reserved.
