Bhalawi 3
3
Nyambiku ya lukwale
1Ngati nyambiku jaka mundu nde nyambiku ja lukwale, najombi anaabhohiki ng'ombi kuhuma mu lipogha laki, analibhi likambaku au jimbomba, aletaje chinyama changakubha na chilema palongi jaka Bambo Chapanga. 2Najombi abhekaje chiwoku chaki panani ja mmutu wa chinyama chaki na kuchichinja pundyangu wa Lihema Lihuhu. Panihapa bhapenganyambiku bhana bhaka Haluni anabhamicha mwahi wa chinyama hechi ipambala yokapi ya pandu pa kubhokeha nyambiku. 3Mahuta ghokapi ghaghayekalela matumbu na ghaghabhi panani ja hindu ya mkati ja chinyama hechi cha nyambiku jeniheji ja lukwale, anaaghajochaje ngati nyambiku ja kumbokeha Bambo Chapanga kwa moto. 4Figu yokapi ibheli ya chinyama hechi, papamu na mahuta ghokapi ghaghakamulini naku, ghaghabhi pambipi na chibhunu na ghala ghaghayekalela pandu panyahi pa imani, ambaghu anaaghabhoa papamu na figu. 5Bhela bhana bhaka Haluni anabhaghajochaje panani ja pandu pa kubhokeha nyambiku, panani ja nyambiku ja kujochakeka jela jejibhi panani ja hanju yela yeibhelela, jeniheji nde nyambiku ja kujochakeka kwa moto, unungilu unyahi wa kunyambiha Bambo Chapanga.
6Ngati mundu anabhohiki limbeleli au imbuhi kuhuma mulipogha laki ngati nyambiku ja lukwale kwaka Bambo Chapanga, abhoha lipongu au jimbomba jangakubha na chilema. 7Ngati mundu anabhohiki mwanalimbeleli, anaalileta palongi jaka Bambo Chapanga. 8Mundu hoju bhekaje chiwoku chaki panani ja mmutu wa chinyama chaki najombi anajichinja palongi ja Lihema Lihuhu. Na bhana bhaka Haluni anabhamicha mwahi wa chinyama hechi ipambala yokapi ya pandu pa kubhokeha nyambiku. 9Bhela, kuhuma mu nyambiku ja lukwali heji jeambokeha Bambo Chapanga kwa moto, anaambokiha hindu ayeyi: Mahuta ghaki, nkela waki ghoubhi na mahuta ghouhekitwi pambipi na chibhunu, papamu na mahuta ghokapi ghaghayekalela matumbu na ghaghayekalela hindu yengi ya mkati, 10figu ibheli, papamu na mahuta ghaghayekalela, ghaghabhi pambipi na chibhunu cha chinyama hechi, na ghala ghaghayekalela pandu panyahi pa imani, aghabhoha ghanihagha ghokapi. 11Mpenganyambiku anaijocha yeniheyi yokapi panani ja pandu pa kubhokeha nyambiku, ngati chilebhi cheabhohakewa Bambo Chapanga kwa moto.
12Ngati nyambiku jaki nde imbuhi, ajileta palongi jaka Bambo Chapanga. 13Mundu hoju abheka chiwoku chaki panani ja mmutu wa chinyama hechi na kujichinja palongi ja Lihema Lihuhu. Bhela bhana bhaka Haluni anabhamicha mwahi wa chinyama hechi ipambala yokapi ya pandu pa kubhokeha nyambiku. 14Bhela, kuhuma mu nyambiku jela jeabhoha, abhohaje hindu ayeyi kwaka Bambo Chapanga kwa moto: Mahuta ghokapi ghaghayekelela matumbu, na ghaghayekalela hindu yengi yokapi ya mkati, 15na figu yokapi ibheli, papamu na mahuta ghaghabhi panani jaki pambipi na chibhunu na ghaghayekalela pandu panyahi pa imani, ghanihagha ghokapi aghabhohaje. 16Mpenganyambiku anaijocha panani ja pandu pa kubhokeha nyambiku ngati chilebhi cha kumbokeha Bambo Chapanga kwa moto, na kubhoha unungilu unyahi kwaka Chapanga. Mahuta ghokapi nde ghaka Bambo Chapanga 17Lilobhi aleli analikubha amuli ja kutamakila kwa ibheleku hinu yokapi, mkati ja nyumba hinu yokapi, pandu pokapi pamwitamaje, kubha ngamwikuli mahuta wala mwahi wa chinyama ng'o.
Currently Selected:
Bhalawi 3: MpBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Mpoto Language ©The Word for the World International and Mpoto Language Translation, 2020 All rights reserved.