ᒨᓯᓯ ᐂᑉᐸᖏᑦ 1
1
ᐃᓴᕆᐊᓕᒥᐅᑦ ᐱᑦᓯᐊᕐᑕᐅᖏᓐᓂᖓᑦ ᐄᑦᔨᑉᑎᒥ
1 #
ᒨᓯᓯ ᓯᕗᓪᓖᑦ 46:8-27. ᐃᓴᕆᐊᓕᐅᑉ ᐃᕐᓂᖏᑦ ᔧᑰᑉ ᐄᑦᔨᑉᑎᒧᐊᖃᑎᒋᓚᐅᕐᑕᖏᑦ ᐅᑯᐊᖑᓚᐅᕐᐳᑦ, ᓇᖕᒥᓂᖅ ᐃᓚᒋᔭᒥᖕᓂᒃ ᐃᓚᖃᕐᓗᑎᒃ, 2ᕉᐱᓂ, ᓯᒥᐅᓂ, ᓕᕔ, ᔫᑕ, 3ᐃᓴᑳᕆ, ᓯᐳᓗᓂ, ᐱᓐᔭᒥᓂ, 4ᑖᓐ, ᓈᑉᑕᓕ, ᒑᑎ, ᐋᓱᕆᓗ. 5ᑖᒃᑯᐊᓕᒫᑦ ᐃᓄᐃᑦ ᑲᑎᓪᓗᒋᑦ ᔧᑰᑉ ᑭᖑᕚᖏᑦ 70ᐅᓚᐅᕐᐳᑦ. ᐃᕐᓂᖓᓕ ᔫᓯᐱ ᐄᑦᔨᑉᑎᒦᓕᕇᓚᐅᕐᒪᑦ. 6ᑭᖑᓂᑲᓪᓚᖓᒍᑦ ᔫᓯᐱ, ᖃᑕᓐᖑᑎᖏᓪᓗ ᐃᓚᓕᒫᖏᓪᓗ ᑐᖁᓯᒪᓕᓚᐅᕐᐳᑦ. 7#ᐋᐴᓯᑕᓖᑦ 7:17.ᑭᓯᐊᓂᓕ ᑭᖑᕚᖏᑦ ᐃᓴᕆᐊᓕᒥᐅᑦ ᕿᑐᕐᖓᕐᑖᖃᑦᑕᕐᓂᕐᒧᑦ ᐅᓄᕐᓯᓚᐅᕐᐳᑦ ᓲᖑᓂᖃᕐᓗᑎᒡᓗ ᐄᑦᔨᑉᑎᓗ ᐃᓄᒋᐊᒃᓯᓚᐅᕐᐳᖅ ᑖᒃᑯᓄᖓ.
8 #
ᐋᐴᓯᑕᓖᑦ 7:18. ᑕᕝᕙᓕ ᓄᑖᒥᒃ ᐊᖓᔪᖅᑳᕐᔪᐊᕐᑖᓚᐅᕐᐳᑦ ᐄᑦᔨᑉᑎᒥ, ᑖᓐᓇ ᔫᓯᐱᒥᒃ ᖃᐅᔨᓯᒪᓚᐅᓐᖏᓚᖅ. 9ᐃᓄᖁᑎᓂᓗ ᐅᖃᐅᑎᕔᑦ, ᒪᑯᐊ ᐃᓴᕆᐊᓕᒥᐅᑦ ᐅᓄᓗᐊᓕᕐᒪᑕ ᐱᔪᓐᓇᕐᓂᖃᓗᐊᕐᓗᑎᒡᓗ ᐃᓕᒪᓇᕐᓯᓕᕐᐳᑦ. 10#ᐋᐴᓯᑕᓖᑦ 7:19.ᐅᓇᑕᓯᑲᓪᓚᒃᑯᑦᑕ ᐊᑭᕋᑦᑎᓐᓄᑦ ᑕᑉᐱᐅᑎᑐᐃᓇᕆᐊᖃᕐᐳᑦ ᐅᕙᑦᑎᓐᓂᒃ ᐅᓇᑕᕈᒪᓗᑎᒃ, ᓄᓇᑦᑎᓐᓂᓪᓗ ᐊᐅᓪᓚᕋᔭᕐᐳᑦ ᐋᖅᑭᒃᓯᔭᕆᐊᖃᕐᐳᒍᑦ ᐅᓄᕐᕙᓪᓕᐊᓗᐊᖁᓇᒋᑦ. 11ᐊᓱᐃᓛᒃ ᐄᑦᔨᑉᑎᒥᐅᑦ ᐃᓖᔭᕐᓱᐃᔨᓂᒃ ᑎᓕᓯᓚᐅᕐᐳᑦ ᑖᒃᑯᓂᖓ ᐊᒃᓱᐊᓗᒃ ᓴᓇᑎᓪᓗᓂᑦᔪᒃ ᖁᕕᐊᓱᒍᓐᓃᖁᓪᓗᒋᑦ; ᐃᓴᕆᐊᓕᒥᐅᑦ ᐃᒡᓗᒐᓴᒡᔪᐊᓂᒃ ᓴᓇᓚᐅᕐᐳᑦ ᐰᑕᒥᒥᒃ ᕌᒥᓯᓯᒥᒡᓗ ᐊᑎᖃᕐᑐᓂᒃ, ᑖᒃᑯᐊᒃ ᐊᖓᔪᖅᑳᕐᔪᐊᑉ ᐱᖁᑎᒃᑯᕕᒃᓴᕆᔭᖏᒃ. 12ᑭᓯᐊᓂᓕ ᐄᑦᔨᑉᑎᒥᐅᑦ ᐊᒃᓱᕈᕐᑎᑦᓯᕙᓪᓕᐊᓂᖓᑦ ᐃᓴᕆᐊᓕᒥᐅᓂᒃ ᒪᓕᒡᓗᒍ, ᐃᓴᕆᐊᓕᒥᐅᑦ ᐅᓄᕐᓯᕙᓪᓕᐊᑐᐃᓐᓇᓚᐅᕐᐳᑦ; ᐄᑦᔨᑉᑎᒥᐅᓪᓗ ᓄᓇᖓᓐᓂ ᓈᔨᕙᓪᓕᐊᑐᐃᓐᓇᕐᒪᑕ ᐄᑦᔨᑉᑎᒥᐅᑦ ᓯᕘᕋᓕᕐᐸᓪᓕᐊᓚᐅᕐᐳᑦ ᐃᓴᕆᐊᓕᒥᐅᓂᒃ. 13ᐄᑦᔨᑉᑎᒥᐅᓪᓗ ᐃᓴᕆᐊᓕᒥᐅᑦ ᐃᓖᔭᕆᓪᓗᒋᑦ ᖁᕕᐊᓱᒍᓐᓃᕐᑎᓚᐅᕐᐰᑦ, 14ᐃᒡᓗᓂᒃ ᓴᓇᑎᓪᓗᓂᑦᔪᒃ ᐱᕈᕐᓰᕕᖕᓂᒡᓗ, ᐊᑦᑕᕆᓚᐅᓐᖏᓔᓪᓗ.
15ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᐅᖃᓕᕐᐳᖅ ᐄᑉᕉᒥᐅᑦ ᓄᓕᐊᖏᓐᓄᑦ ᓯᑉᕋᒧᑦ ᐳᐊᒧᓪᓗ ᑖᒃᑯᐊᒃ ᐃᕐᓂᓱᒃᓰᔨᐅᔪᑦ ᐃᓴᕆᐊᓕᒥᐅᑦ ᐊᕐᓇᖏᓐᓂᒃ ᐃᑲᔪᖃᑦᑕᕐᒥᔫᒃ. 16ᐄᑉᕉᒥᐅᑦ ᐊᕐᓇᖏᓐᓂᒃ ᐃᕐᓂᓱᒃᓰᖃᑕᐅᔭᕌᖓᑦᓯᒃ ᕿᑐᕐᖓᕐᑖᖏᑦ ᑐᖁᑉᐸᖕᓂᐊᕐᐸᓯᒃ ᐊᖑᑕᐅᔭᕌᖓᑕ, ᐊᕐᓇᐅᔭᕌᖓᑕᓕ ᐆᒪᑎᑉᐸᒡᓗᒋᑦ. 17ᑖᒃᑯᐊᒡᓕ ᐃᕐᓂᓱᒃᓰᔩᒃ ᒎᑎᒥᒃ ᓯᕘᕋᒐᒥᒃ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓂᒃ ᓈᓚᓚᐅᓐᖏᓛᒃ. ᕿᑐᕐᖓᕐᑖᖑᔪᑦ ᐊᖑᑕᐅᒐᓗᐊᕌᖓᑕ ᐆᒪᑎᑦᓯᖃᑦᑕᓚᐅᕐᐴᒃ. 18ᐄᑦᔨᑉᑎᐅᓪᓗ ᐊᖓᔪᖅᑳᕐᔪᐊᖓᑕ ᐃᕐᓂᓱᒃᓰᔩᒃ ᕾᖁᔭᐅᒃᑲᕐᐹᒃ, ᐊᐱᕆᓪᓗᓂᒋᒡᓗ, “ᓱᖕᒪᑦ ᑍᒤᓕᐅᕐᐱᓰᒃ? ᓱᖕᒪᑦ ᐊᖑᑕᐅᓂᖏᓐᓂᒃ ᐆᒪᑎᑦᓯᖃᑦᑕᕐᐱᓰᒃ?”
19ᑖᒃᑯᐊᒡᓗ ᑭᐅᕘᒃ, ᐄᑉᕉᒥᐅᑦ ᐊᕐᓇᖏᑦ ᐄᑦᔨᑉᑎᒥᐅᑦ ᐊᕐᓇᖏᑎᑐᑦ ᑍᒤᖏᒻᒪᑕ, ᐃᕐᓂᓴᕅᓐᓂᕐᓴᐅᖕᒪᑕ ᐃᕐᓂᓱᒃᓯᐊᕆᓂᐊᕐᑕᑦᑎᓐᓄᑦ ᑎᑭᓚᐅᕐᑎᓐᓇᓄᒃ ᓱᓕ ᐃᕐᓂᔭᕇᖃᑕᕐᒪᑕ. 20ᑖᒃᑯᐊᒡᓗ ᐃᕐᓂᓱᒃᓰᔩᒃ ᒎᑎᒥᒃ ᓯᕘᕋᒋᔭᖃᕐᒪᑎᒃ ᐊᖓᔪᖅᑳᕐᔪᐊᑉ ᐱᑦᓯᐊᕐᕕᒋᓚᐅᕐᐹᒃ ᕿᑐᕐᖓᖃᕈᓐᓇᕐᑎᓪᓗᓂᒋᒡᓗ. 21ᐃᓴᕆᐊᓕᒥᐅᓪᓗ ᐅᓄᕐᓯᕙᓪᓕᐊᑐᐃᓐᓇᓚᐅᕐᐳᑦ ᐃᕐᓂᓱᒃᓰᔩᑦ ᒎᑎᒥᒃ ᓯᕘᕋᒋᔭᖃᓚᐅᕐᒪᑕ. 22#ᐋᐴᓯᑕᓖᑦ 7:19.ᐊᓱᐃᓛᒃ ᐊᖓᔪᖅᑳᕐᔪᐊᖅ ᐃᓄᖁᑎᒥᓄᑦ ᐊᑐᕐᑕᐅᖁᔭᒥᓂᒃ ᑐᓴᕐᑎᑦᓯᓕᕐᐳᖅ ᐃᒫᒃ, “ᐄᑉᕉᒥᐅᑦ ᕿᑐᕐᖓᕐᑖᕌᖓᑕ ᓄᑲᑉᐱᐊᓂᒃ ᑰᖕᒧᑦ ᓁᓕᒧᑦ ᐃᒋᖃᑦᑕᕐᓂᐊᕐᐸᓯ, ᐊᕐᓇᐅᓂᖏᓪᓕ ᑕᒪᕐᒥᒃ ᐆᒪᑎᖃᑦᑕᕐᓗᒋᑦ.”
Currently Selected:
ᒨᓯᓯ ᐂᑉᐸᖏᑦ 1: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
