ᒨᓯᓯ ᐂᑉᐸᖏᑦ 3
3
ᒎᑎᐅᑉ ᑎᓕᓯᓂᖓ ᒨᓯᓯᒥᒃ
1ᐅᓪᓗᓪᓕ ᐃᓚᖓᓐᓂ ᒨᓯᓯ ᑲᒪᑎᓪᓗᒍ ᓴᑭᒥ ᔨᑐᕉᑉ ᓰᐱᖁᑎᖏᓐᓂᒃ ᑖᑦᓱᒪ ᑐᓂᕐᕈᓯᕐᑎᑦᓯᔨᐅᔫᑉ ᒥᑎᐊᓂᒥ, ᓰᐱᖁᑎᖏᑦ ᓄᓇᖃᕐᕕᐅᖏᑦᑐᒃᑯᑦ ᓯᐅᕌᓗᒃᑯᑦ ᐃᑳᕈᑎᓪᓗᓂᒋᑦ ᖃᖅᑳᓗᖕᒧᐊᕐᐳᖅ ᐃᑦᔪᕐᓁᓐᓂᕋᕐᑕᐅᔪᒧᑦ ᕼᐆᕆᑉᒥᒃ ᐊᑎᓕᖕᒧᑦ, ᒎᑎᐅᑉ ᖃᖅᑲᖁᑎᖓᓄᑦ. 2#ᐋᐴᓯᑕᓖᑦ 7:30-34.ᑕᕝᕙᓂᓗ ᐊᑕᓂᐅᑉ ᐂᖏᓖᖓᑕ ᓴᖅᑭᕝᕕᒋᕚ ᐃᑯᐊᓚᔪᑎᑐᑦ ᐅᕐᐱᒊᑦ ᕿᑎᖓᓐᓂᑦ. ᒨᓯᓯᐅᓪᓗ ᐅᕐᐱᒊᑦ ᐃᑯᐊᓚᔪᑦ ᑕᐅᑐᒃᑲᓗᐊᕐᐰᑦ ᐃᑭᑉᐸᓕᐊᖏᑦᑐᑦ. 3ᒨᓯᓯᓗ ᐃᓱᒪᓕᕐᐳᖅ, ᖃᓄᐃᒻᒪᑦ ᐅᕐᐱᒊᑦ ᐃᑭᑉᐸᓪᓕᐊᓐᖏᓚᑦ ᖃᒡᓕᑲᓐᓂᕐᓗᒋᑦ ᑕᑯᓚᐅᕐᓚᒃᑲ.
4ᐊᑕᓂᐅᓪᓗ ᒨᓯᓯ ᑕᑯᒐᒥᐅᑉ ᖃᒡᓕᕙᓪᓕᐊᔪᖅ, ᒎᑎᐅᑉ ᐅᖃᐅᑎᕚ ᐅᕐᐱᒊᑦ ᕿᑎᖓᓐᓂᖔᕐᓗᓂ, “ᒨᓯᓯ, ᒨᓯᓯ!”
ᒨᓯᓯᐅᓪᓗ ᑭᐅᕚ, “ᐅᕝᕙᐅᕗᖓ.”
5ᒎᑎᐅᓪᓗ ᐅᖃᐅᑎᕚ, “ᖃᒡᓕᒃᑲᓐᓂᕐᑍᓕᒋᑦ ᐃᑎᒐᒍᑏᒃᑭᒃ ᐲᒃᑭᒃ ᓄᓇ ᑐᓪᓕᕋᕐᑍᑦ ᐃᑦᔪᕐᓁᑦᑑᖕᒪᑦ. 6ᓯᕗᓕᑦᓯ ᒎᑎᒋᕚᖓ; ᐂᑉᕋᕼᐋᒻ, ᐂᓴᑭᐅᑉ, ᔧᑰᓪᓗ ᒎᑎᒋᕚᖓ.” ᒨᓯᓯᐅᑉ ᑮᓇᓂ ᒪᑐᕚ ᒎᑎᒥᒃ ᑕᐅᑐᒋᐊᒃᓴᖅ ᓯᕘᕋᒐᒥ.
7ᐊᑕᓂᕐᓗ ᐅᖃᕐᐳᖅ, “ᑕᑯᓯᒪᒐᒪ ᐃᓄᖁᑎᒪ ᐃᓖᔭᕆᔭᐅᓂᖏᓐᓂᒃ ᐄᑦᔨᑉᑎᒥ, ᓴᐳᑎᔭᐅᔪᒪᓂᖏᑦ ᐃᓖᔭᕐᓱᐃᔨᒋᔭᒥᖕᓂᑦ ᑐᓴᕋᒃᑭᑦ, ᐃᓗᖏᕐᓱᕐᓂᖏᑦ ᖃᐅᔨᒪᑦᓯᐊᕐᐸᒃᑲ. 8ᑕᒪᐅᓐᖓᕐᓯᒪᕗᖓ ᓴᐳᑎᔭᕐᑐᕈᒪᓪᓗᒋᑦ ᐄᑦᔨᑉᑎᒥᐅᓂᑦ, ᑕᕝᕙᓐᖓᓪᓗ ᐊᐅᓪᓚᕈᑎᔭᕐᑐᕐᓗᒋᑦ ᓄᓇᒧᑦ ᓄᓇᑦᓯᐊᕙᐅᔪᒧᑦ ᐊᔪᕐᓴᕐᓇᖏᑦᑐᒧᓪᓗ ᓈᒪᔪᒧᑦ, ᑖᒃᑯᐊ ᑬᓇᓂᒥᐅᑦ, ᕼᐃᑍᑎᒥᐅᓪᓗ, ᐊᒧᕅᑎᒥᐅᓪᓗ, ᐱᕆᔧᑎᒥᐅᓪᓗ, ᕼᐃᕔᑎᒥᐅᓪᓗ ᔨᐳᓮᑎᒥᐅᓪᓗ ᒫᓐᓇ ᓄᓇᖃᕐᕕᖏᔭᖓᓐᓂ. 9ᐃᓴᕆᐊᓕᒥᐅᑦ ᕿᓄᓂᖏᑦ ᑐᓴᕐᓯᒪᕙᒃᑲ, ᖃᐅᔨᓪᓗᖓᓗ ᐄᑦᔨᑉᑎᒥᐅᑦ ᐊᒃᓱᕈᕐᑎᑦᓯᓂᖏᓐᓂᒃ ᑖᒃᑯᓂᖓ. 10ᑎᓕᔪᒪᓕᕐᐸᒋᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓄᑦ ᐃᓄᖁᑎᒃᑲ ᐃᓴᕆᐊᓕᐅᑉ ᑭᖑᕚᖏᑦ ᐊᐅᓪᓚᕐᑎᑕᐅᖁᓪᓗᒋᑦ ᓄᓇᖁᑎᖓᓐᓂᑦ.”
11ᒨᓯᓯᓕ ᒎᑎᒧᑦ ᐅᖃᕐᐳᖅ, “ᐃᓄᑐᐃᓐᓇᕈᓘᔪᖓᓕ ᖃᓄᕐᓕ ᐊᖓᔪᖅᑳᕐᔪᐊᒨᕈᓐᓇᕐᓂᐊᕋᒪ ᐃᓴᕆᐊᓕᒥᐅᓪᓗ ᐄᑦᔨᑉᑎᒥᑦ ᐊᐅᓪᓚᕐᑎᓪᓗᒌᑦ?”
12ᒎᑎᐅᓪᓗ ᑭᐅᕙ, “ᐱᖃᑎᒋᓂᐊᕐᐸᒋᑦ, ᐃᓄᐃᓪᓗ ᐄᑦᔨᑉᑎᒥᑦ ᐊᐅᓪᓚᕈᑎᒍᕕᒋᑦ ᑕᕝᕙᓂ ᖃᖅᑲᒥ ᑐᒃᓯᐊᕐᕕᒋᔪᒫᕐᐸᕐᒪ; ᑖᓐᓇ ᓇᓗᓁᒃᑯᑕᐅᓛᕐᒪᑦ ᐅᕙᓐᓄᑦ ᑎᓕᔭᐅᓯᒪᒐᕕᑦ.”
13 #
ᒨᓯᓯ ᐂᑉᐸᖏᑦ 6:2,3. ᑕᕝᕙ ᒨᓯᓯ ᑭᐅᕗᖅ, “ᐃᓴᕆᐊᓕᒥᐅᓄᐊᕈᒪᓕ ᐅᖃᕐᓗᖓᓗ, ᓯᕗᓪᓕᓯ ᒎᑎᖓᑦᑕ ᑎᓕᖕᒪᖓ ᐃᓕᑦᓯᓐᓄᑦ, ᐊᐱᕆᓂᐊᕐᒪᑕ ᐅᕙᓐᓂᒃ ᖃᓄᖅ ᐊᑎᖃᕐᐹ? ᑍᒤᓕᔭᐅᒍᒪ ᖃᓄᕐᓕ ᑭᐅᒐᔭᕐᐸᒃᑲ?”
14 #
ᑕᑯᑎ 1:4,8. ᒎᑎ ᒨᓯᓯᒧᑦ ᐅᖃᕐᐳᖅ, “ᐅᕙᖓᐅᕗᖓ ᐊᓯᖃᖏᑦᑐᖅ; ᑍᒫᒃ ᐃᓴᕆᐊᓕᒥᐅᑦ ᐅᖃᐅᑎᓂᐊᕐᐸᑎᑦ ᑖᑦᓱᒪ ᑍᔭᐅᔫᑉ ᐅᕙᖓᐅᔪᒥᒃ ᑖᑦᓱᒪ ᑎᓕᕚᖓ ᐃᓕᑦᓯᓐᓄᑦ.” 15ᒎᑎᓗ ᐅᖃᕆᕗᖅ ᒨᓯᓯᒧᑦ, “ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ᐅᕙᖓ ᐊᑕᓂᖅ ᓯᕗᓪᓕᖏᑦᑕ ᒎᑎᖓᑦ; ᐂᑉᕋᕼᐋᒻ, ᐂᓴᑭᐅᑉ, ᔧᑰᓪᓗ ᒎᑎᖓᑕ ᑎᓕᕚᑎᑦ ᑍᒃᑯᓄᖓ ᑍᒪᓐᓇ ᐊᑎᕾᓐᓇᕐᓂᐊᕐᐳᖓ ᐃᓱᖃᖏᑦᑐᒧᑦ, ᑍᒫᒃ ᑕᕝᕙ ᑭᖑᕚᑦᓯ ᑍᖃᑦᑕᕆᐊᖃᓛᕐᐹᖓ. 16ᐊᑏ ᐃᓴᕆᐊᓕᒥᐅᑦ ᐊᖓᔪᖅᑳᖏᑦ ᑲᑎᒪᑎᑦᓴᕐᑐᓚᐅᒃᑭᑦ ᐅᖃᐅᑎᓗᒋᓪᓗ, ᐅᕙᖓ ᐊᑕᓂᖅ ᓯᕗᓕᖏᑦᑕ ᒎᑎᖓᑦ; ᐂᑉᕋᕼᐋᒻ, ᐂᓴᑭᐅᑉ, ᔧᑰᓪᓗ ᒎᑎᖓ ᓴᖅᑭᓚᐅᕐᓂᕋᕐᓗᖑ ᐃᓕᖕᓄᑦ. ᐅᖃᐅᑎᓗᒋᓪᓗ ᑎᑭᕝᕕᒋᕙᒃᑲ ᖃᐅᔨᓪᓗᖓᓗ ᐄᑦᔨᑉᑎᒥᐅᓄᑦ ᖃᓄᐃᓕᐅᕐᑕᐅᓂᖏᓐᓂᒃ. 17ᐄᑦᔨᑉᑎᒥᑦ ᐊᐅᓪᓚᕐᑎᑦᓱᒪᓕᕋᒃᑭᑦ ᐃᓖᔭᕆᔭᐅᕕᒋᔭᖓᓐᓂᑦ ᓄᓇᒧᓪᓗ ᐊᔪᕐᓴᕐᓇᖏᑦᑐᒧᓐᖓᐅᑎᓗᒋᑦ, ᑖᓐᓇ ᓄᓇᒋᔭᐅᔪᖅ; ᑬᓇᓂᒥᐅᓄᑦ, ᕼᐃᑍᑎᒥᐅᓄᑦ, ᐊᒧᕅᑎᒥᐅᓄᑦ, ᐱᕆᔧᑎᒥᐅᓄᑦ, ᕼᐃᕔᑎᒥᐅᓄᓪᓗ, ᔨᐳᓮᑎᒥᐅᓄᓪᓗ.
18“ᐃᓄᖁᑎᒃᑲᓗ ᓈᓚᖕᓂᐊᕐᐳᑦ ᐅᖃᐅᓯᕆᔭᓐᓂᒃ ᐃᓴᕆᐊᓕᒥᐅᓪᓗ ᐊᖓᔪᖅᑳᖏᑦ ᐱᖃᑎᒋᓗᒋᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄ ᐂᓂᐊᕐᐳᓯ, ᐅᖃᐅᑎᓗᒍᓗ, ᐊᑕᓂᖅ ᐄᑉᕉᒥᐅᑦ ᒎᑎᖓᑦᑕ ᓴᖅᑭᕝᕕᒋᓯᒪᖕᒪᑎᒍᑦ ᐊᐅᓪᓚᕈᓐᓇᕐᑎᑎᒍᑦ ᐃᖏᕐᕋᔭᕆᐊᖃᕋᑦᑕ ᐅᓪᓗᓂᒃ ᐱᖓᓱᓂᒃ ᐃᓄᖃᖏᑦᑐᒧᑦ ᑐᓂᕐᕈᓯᕆᐊᕐᑐᕐᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ. 19ᖃᐅᔨᒪᔪᖓ ᐄᑦᔨᑉᑎᒥᐅᑉ ᐊᖓᔪᖅᑳᕐᔪᐊᖓᑦᑕ ᐊᐅᓪᓚᕐᑎᑦᔮᓐᖏᑖᓯ ᐱᕕᒃᓮᕈᑎᓚᐅᖅᑳᖏᓐᓂᕐᒥᓂ. 20ᐱᔪᓐᓇᕐᓂᓐᓄᓪᓕ ᐱᓇᓱᐊᕐᓂᐊᕐᐳᖓ ᐄᑦᔨᑉᑎᒥᐅᑦ ᐋᖅᑭᒋᐊᕐᓗᒋᑦ ᐱᔪᒥᓇᖏᑦᑐᐊᓗᖕᓂᒃ ᐱᓂᐊᕐᕕᒋᓗᒋᑦ ᑭᖑᓂᖓᒍᓪᓕ ᐊᐅᓪᓚᕐᑎᓐᓂᐊᕐᐹᓯ.
21 #
ᒨᓯᓯ ᐂᑉᐸᖏᑦ 12:35,36. “ᐄᑦᔨᑉᑎᒥᐅᑦ ᖁᕕᐊᓲᑎᖃᕐᑎᓐᓂᐊᕐᐸᒃᑲ ᐃᓕᑦᓯᓐᓂᒃ ᐃᓄᖁᑎᒃᑲ ᐊᐅᓪᓚᕐᐸᑕ ᐱᒃᓴᖃᖁᓪᓗᒋᑦ. 22ᐃᓴᕆᐊᓕᒥᐅᑦ ᐊᕐᓇᖁᑎᓕᒫᖏᑦ ᓯᓚᖅᑲᑎᒥᖕᓄᑦ ᐄᑦᔨᑉᑎᒥᐅᓄᑦ ᐅᕝᕙᓘᓐᓃᑦ ᐄᑦᔨᑉᑎᒥᐅᑕᕐᒥᒃ ᐊᕐᓇᐅᖃᑎᖃᕈᓂ ᐃᒡᓗᒥᓂ ᑐᒃᓯᕋᕐᕕᒋᔭᒃᓴᕆᕚ ᐊᓐᓄᕌᓂᒃ, ᒎᓗᒥᒃ, ᓯᐅᓪᕕᕆᒥᒡᓘᓐᓃᑦ. ᐃᓴᕆᐊᓕᒥᐅᓪᓗ ᐃᕐᓂᕐᒥᖕᓄᑦ ᐸᓂᖕᒥᖕᓄᓪᓗ ᑕᒪᒃᑯᐊ ᐊᒡᔭᕐᑕᐅᑎᑕᒃᓴᕆᕔᑦ ᐄᑦᔨᑉᑎᒥᐅᑦ ᐊᔪᕐᓴᖏᑦᔪᑎᖏᓐᓂᒃ ᐊᐅᓪᓚᕈᑦᔨᖁᓪᓗᒋᑦ.”
Currently Selected:
ᒨᓯᓯ ᐂᑉᐸᖏᑦ 3: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
