ᒨᓯᓯ ᐂᑉᐸᖏᑦ 34
34
ᐅᔭᕅᑦ ᑎᑎᕋᕐᕕᒋᓯᒪᔪᑦ ᐂᑉᐸᕆᓕᕐᑕᖏᑦ
ᒨᓯᓯ ᑕᓪᓕᒪᖏᑦ 10:1-5
1ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᐅᔭᕌᖕᓂᒃ ᒪᕐᕉᖕᓂᒃ ᐲᕐᓯᓗᑎᑦ ᓴᓇᔪᒃᓴᐅᕗᑎᑦ ᓯᕗᓪᓕᕐᒥ ᓴᓇᓚᐅᕐᑕᕐᑐᑦ, ᑖᒃᑯᑎᒎᓇᕐᓗ ᑎᑎᕋᕐᓂᐊᕐᐳᖓ ᐅᖃᐅᓯᕐᓂᒃ ᓯᕗᓪᓕᕐᒥ ᑎᑎᕋᕐᓯᒪᓚᐅᕐᑐᑎᑐᑦ, ᑖᒃᑯᑎᑐᓇᖅ ᓯᖁᒥᓚᐅᕐᑕᕐᑐᑦ. 2ᖃᐅᒃᐸᑦ ᐅᓪᓛᒃᑯᑦ ᐊᑐᐃᓐᓇᐅᓛᕐᐳᑎᑦ, ᖃᖅᑲᒧᑦ ᓮᓁᒧᑦ ᒪᔪᕋᕐᓗᑎᑦ ᖃᖅᑲᐅᑉ ᖄᖓᓂ ᐅᕙᓐᓂᒃ ᑲᑎᓯᔭᕐᑐᓛᕐᐳᑎᑦ. 3ᓇᓪᓕᐊᓐᓂᒡᓘᓐᓃᑦ ᒪᓕᒃᑕᐅᔪᒃᓴᐅᓐᖏᓚᑎᑦ ᒪᔪᕋᕐᑎᓪᓗᑎᑦ; ᑕᕝᕙᓂᓘᓐᓂᑦ ᖃᖅᑲᒥ ᓱᓇᑐᐃᓐᓇᕐᒥᒃ ᑕᑯᒃᓴᐅᔪᖃᕐᑐᒃᓴᐅᓐᖏᓚᖅ; ᓰᐱᓂᒡᓗ ᐃᒻᒧᒃᓯᐅᒐᓂᒡᓗ ᓂᕆᓇᓱᐊᕐᑐᖃᕐᑐᒃᓴᐅᓐᖏᓚᖅ ᑕᕝᕙᓂ ᖃᖅᑲᐅᑉ ᑭᒡᓕᖓᓂ.” 4ᑍᒤᒻᒪᑦ ᒨᓯᓯ ᐅᔭᕌᖕᓂᒃ ᒪᕐᕉᖕᓂᒃ ᐲᕐᓯᓕᕆᕗᖅ ᓯᕗᓪᓕᕐᑎᑐᑦ ᑍᒤᑦᑐᓂᒃ, ᖃᐅᑎᓪᓗᒍᓗ ᐅᓛᒻᒪᕆᒃᑯᑦ ᑖᒃᑯᐊᒃ ᐅᔭᕌᒃ ᓇᒃᓴᕐᓗᒋᒃ ᖃᖅᑲᒧᑦ ᓮᓁᒧᑦ ᒪᔪᕋᓕᕐᐳᖅ, ᑍᒫᒃ ᐊᑕᓂᐅᑉ ᐱᖁᓚᐅᕐᒪᒍ.
5ᑕᕝᕙ ᐊᑕᓂᖅ ᓄᕗᔭᒦᓪᓗᓂ ᐊᖅᑲᕐᐳᖅ, ᒨᓯᓯᓗ ᓇᖏᖃᑎᒋᓕᕐᓗᒍ, ᑕᕝᕙ ᐊᑎᓂ ᐃᑦᔪᕐᓁᑦᑐᖅ ᐅᖃᐅᓯᕆᕚ#34:5 ᐊᑎᓂ ᐃᑦᔪᕐᓁᑦᑐᖅ ᐅᖃᐅᓯᕆᕚ ᑐᑭᖃᕐᑐᖅ “ᐊᑕᓂᖅ” ᑕᑯᓗᒍ ᓵᑉᑕ 3:14 ᑖᑦᓱᒧᖓ. 6#ᒨᓯᓯ ᐂᑉᐸᖏᑦ 20:5,6; ᒨᓯᓯ ᓯᑕᒪᖏᑦ 14:18; ᒨᓯᓯ ᑕᓪᓕᒪᖏᑦ 5:9,10; 7:9,10.ᑕᕝᕙ ᐊᑕᓂᖅ ᒨᓯᓯᐅᑉ ᓵᖓᒎᕐᐳᖅ ᐅᖃᕐᓗᓂᓗ, “ᐅᕙᖓ ᐊᑕᓂᖅ, ᒎᑎᐅᕗᖓ ᓂᑲᒍᓱᒃᑐᖅ ᐱᑦᓯᐊᕐᓗᓂᓗ, ᓂᓐᖓᒃᓴᕅᖏᑦᑐᖅ, ᓇᒡᓕᒍᓱᖕᓂᕐᔪᐊᒥᓂᒃ ᓴᖅᑭᑎᑦᓯᔪᖅ ᓱᖁᓯᔪᐃᑦᑑᓪᓗᓂᓗ. 7ᐊᖏᕈᑎᒋᓯᒪᔭᓐᓂᒃ ᓇᒡᓕᖕᓂᒃᑯᑦ ᑲᔪᓯᑎᑦᓯᕙᒃᐳᖓ ᑭᖑᕚᕇᑦ 1,000ᐃᑦ ᑎᑭᓪᓗᒋᑦ ᐃᓱᒪᒋᔪᓐᓁᕐᓯᔪᓐᓇᕐᓗᖓᓗ ᓈᒻᒪᖏᑦᑐᓕᓂᕐᓂᒃ ᐱᖁᔭᓂᒃ ᓈᓚᖏᓐᓂᕐᓂᒃ ᐊᔪᕐᑐᓕᓂᕐᓂᒡᓗ, ᑭᓯᐊᓂᓕ ᐸᓯᔭᒃᓴᐅᔪᓂᒃ ᐊᔪᕐᑐᓕᔪᓂᒡᓗ ᓱᒋᐊᕐᓯᖏᑦᑑᓂᐊᓐᖏᓚᖓ ᕿᑐᕐᖓᖏᑦ ᐃᕐᖑᑕᖏᓪᓗ ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.”
8ᒨᓯᓯᓕ ᑕᕝᕔᓐᓇᖅ ᓄᓇᒧᑦ ᐹᒻᒪᒃᑎᕐᐳᖅ ᑐᒃᓯᐊᕐᕕᒋᓪᓗᒍᓗ. 9ᐅᖃᕐᐳᖅ, “ᐊᑕᓃᖅ ᐅᕙᓐᓂᒃ ᖁᕕᐊᓲᑎᖃᓪᓚᕆᒃᑯᕕᑦ, ᑐᒃᓯᐊᕐᕕᒋᕙᒋᑦ ᐅᕙᑦᑎᓐᓄᑦ ᐃᓚᐅᖁᓪᓗᑎᑦ, ᐅᑯᐊ ᐃᓄᐃᑦ ᓯᑎᔪᐊᓘᒐᓗᐊᕐᑎᓪᓗᒋᑦ, ᓈᒻᒪᖏᑦᑐᓕᓂᑦᑎᓐᓂᑦ ᐊᔪᕐᑐᓕᓂᑦᑎᓐᓂᓪᓗ ᐃᓱᒪᒋᔪᓐᓁᕐᕕᒋᓚᐅᕐᑎᒍᑦ, ᐃᓚᓕᐅᕐᓗᑕᓗ ᐃᓕᖕᓄᑦ ᐃᓄᖁᑎᒋᔭᐅᔪᑎᑐᑦ.”
ᐊᖏᖃᑎᒌᖕᓂᐅᑉ ᓄᑖᓐᖑᕆᐊᕐᑎᑕᐅᓂᖓ
ᒨᓯᓯ ᐂᑉᐸᖏᑦ 23:14-19; ᒨᓯᓯ ᑕᓪᓕᒪᖏᑦ 7:1-5; 16:1-17
10ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᑕᑯᒋᑦ ᒫᓐᓇ ᐃᓴᕆᐊᓕᒥᐅᑦ ᐃᓄᖏᓐᓄᑦ ᐊᖏᖃᑎᒌᒍᑎᓕᐅᕐᓂᐊᕐᐳᖓ. ᑖᒃᑯᐊᓗ ᑕᒃᑯᐊᓂ ᑲᒪᓇᕐᑐᓕᔪᒫᕐᐳᖓ ᑕᒪᑐᒪ ᓯᕗᓂᖓᓂ ᓇᓂᑐᐃᓐᓇᖅ ᓯᓚᕐᔪᐊᕐᒥ ᐃᓅᖃᑎᒌᒡᔪᐊᓪᓗ ᐊᓯᖏᓐᓂ ᐊᑐᕐᑕᐅᓚᐅᕐᓯᒪᖏᑦᑐᒥᒃ. ᐃᓄᓕᒫᑦ ᖃᓄᖅ ᐊᖏᑎᒋᔪᒥᒃ ᐅᕙᖓ ᐊᑕᓂᐅᔪᖓ ᐱᓇᓱᐊᕈᓐᓇᕐᒪᖔᕐᒪ ᑕᑯᓂᐊᕐᐳᑦ, ᐱᓇᓱᐊᕐᓂᐊᕋᒪ ᑲᒪᓇᕐᑐᐊᓗᖕᓂᒃ ᐃᕝᕕᑦ ᐊᖅᑯᑎᒋᓗᑎᑦ. 11ᐅᓪᓗᒥ ᐱᖁᔧᑦ ᐃᓕᖕᓄᑦ ᑐᓂᔭᒃᑲ ᒪᓕᖕᓂᐊᕐᐸᑎᑦ. ᐃᓅᖃᑎᒌᑦ ᐊᐅᓪᓚᕐᑎᓐᓂᐊᕐᐸᒃᑲ ᒪᑯᐊ ᐊᒧᕅᑎᒃᑯᑦ, ᑬᓇᓂᒥᐅᓪᓗ, ᕼᐃᑍᑎᒥᐅᓪᓗ, ᐱᕆᔧᑎᒥᐅᓪᓗ, ᕼᐃᕔᑎᒥᐅᓪᓗ, ᔨᐳᓮᑎᒥᐅᓪᓗ, ᐃᕝᕕᑦ ᐊᖅᑯᑎᒋᓗᑎᑦ. 12ᐃᓅᖃᑎᒌᓂᒃ ᑕᒫᓂ ᐅᐸᖕᓂᐊᕐᑕᑦᓯᓐᓂ ᓄᓇᖃᕐᑐᓂᒃ ᐃᒤᓕᐅᕐᓂᐊᕈᑦᓯ ᐃᒤᓕᐅᕐᓂᐊᕐᐳᒎᕐᓗᓯ ᐊᖏᖃᑎᖃᕋᓱᐊᕐᑐᒃᓴᐅᓐᖏᓚᓯ, ᑍᒤᒐᓱᐊᑐᐊᕈᑦᓯ ᓯᓔᕐᕆᔭᐅᑐᐃᓐᓇᕆᐊᖃᕋᑦᓯ. 13#ᒨᓯᓯ ᑕᓪᓕᒪᖏᑦ 16:21.ᑐᓂᕐᕈᓯᕐᕕᖁᑎᖏᓪᓕ ᓯᖁᒥᑕᒃᓴᕆᕙᓯ, ᓇᐸᔪᖁᑎᖏᓪᓗ ᐱᓪᓚᕆᑯᑎᖏᑦ ᐅᔭᕅᑦ ᓄᖑᑎᓪᓗᒋᑦ, ᒎᑎᓐᖑᐊᕆᔭᖏᓪᓗ ᐊᕐᓇᓐᖑᐊᑦ ᐊᓯᕋᒥᒃ ᐊᑎᓖᑦ ᓯᖁᒥᓪᓗᒋᑦ.
14“ᒎᑎᒋᔭᐅᔪᓂᒃ ᓇᓪᓕᐊᓐᓂᒡᓘᓐᓃᑦ ᑐᒃᓯᐊᕐᕕᖃᕐᑐᒃᓴᐅᓐᖏᓚᓯ, ᐅᕙᖓ ᐊᑕᓂᐅᔪᖓ, ᐊᓯᓐᓂᒃ ᑲᒪᒋᔭᐅᖁᔨᖏᓐᓇᒪ ᓯᖕᓇᑐᔫᓪᓗᖓᓗ. 15ᐃᓅᖃᑎᒌᓂᒃ ᑕᒫᓂ ᓄᓇᖃᕐᑐᓂᒃ ᐃᒤᓕᐅᕐᓂᐊᕈᑦᓯ ᐃᒤᓕᐅᕐᓂᐊᕐᐳᒎᕐᓗᓯ ᐊᖏᖃᑎᖃᕋᓱᐊᕐᑐᒃᓴᐅᓐᖏᓚᓯ, ᒎᑎᓐᖑᐊᒥᖕᓄᑦ ᑐᒃᓯᐊᓕᕐᑎᓪᓗᒋᑦ ᑐᓂᕐᕈᓯᓕᕐᑎᓪᓗᒋᓪᓗ ᑖᒃᑯᓄᖓ, ᑖᒃᑯᓇᓐᖓᑦ ᐃᓇᑕᐅᓂᐊᕋᑦᓯ ᐱᖃᑕᐅᖁᔭᐅᓗᓯ, ᓂᕿᓂᒡᓗ ᑐᓂᕐᕈᑕᐅᓯᒪᔪᓂᒃ ᒎᑎᓐᖑᐊᒥᖕᓄᑦ ᐊᑐᐃᓐᓇᕈᐃᕕᐅᒍᑦᓯ ᐃᒃᓯᒍᓱᓕᑐᐃᓐᓇᕆᐊᖃᕋᑦᓯ. 16ᐃᕐᓂᓯᓗ ᑖᒃᑯᓇᓐᖓᑦ ᓄᓇᖃᑎᒃᓴᔭᕆᓐᖏᑕᑦᓯᓐᓂᑦ ᓄᓕᐊᓂᑐᐃᓐᓇᕆᐊᖃᕐᒪᑕ, ᓄᓕᐊᒥᓄᓪᓗ ᑕᓯᐅᕐᑕᐅᓕᕋᔭᕐᓗᑎᒃ ᐅᕙᓐᓂᒃ ᑲᒪᔪᓐᓃᕐᑎᑕᐅᓗᑎᒃ ᒎᑎᓐᖑᐊᖏᓐᓄᑦ ᑐᒃᓯᐊᕐᕕᖃᖔᓕᕐᓗᑎᒃ.
17 #
ᒨᓯᓯ ᐂᑉᐸᖏᑦ 20:4; ᒨᓯᓯ ᐱᖓᔪᖏᑦ 19:4; ᒨᓯᓯ ᑕᓪᓕᒪᖏᑦ 5:8; 27:15. “ᒎᑎᓐᖑᐊᓂᒃ ᓴᕕᕋᔭᖕᓂᒃ ᓴᓇᔪᒃᓴᐅᓐᖏᓚᓯ ᑐᒃᓯᐊᕐᕕᖃᕐᑐᒃᓴᐅᓇᓯᓗ.
18 #
ᒨᓯᓯ ᐂᑉᐸᖏᑦ 12:14-20; ᒨᓯᓯ ᐱᖓᔪᖏᑦ 23:6-8; ᒨᓯᓯ ᓯᑕᒪᖏᑦ 28:16-25. “ᓂᐊᑰᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓇᓪᓕᐅᓐᓂᕐᓯᐅᕐᕕᒃ ᑲᒪᒋᓯᐊᖏᓐᓇᕋᒃᓴᕆᕙᓯ, ᑕᒪᓐᓇ ᐃᓕᑦᓯᓐᓄᑦ ᐊᑐᕐᑕᐅᖁᓯᒪᒐᒃᑯ, ᓂᐊᖂᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᕿᖃᕐᑐᒃᓴᐅᕗᓯ ᐅᓪᓗᓂᒃ 7ᓂᒃ ᑕᖅᑭᖅ ᐊᐱᑉᒥᒃ ᐊᑎᓕᒃ ᐊᑐᕐᑎᓪᓗᒍ; ᑕᕝᕙᓂ ᑕᖅᑭᒥ ᐊᐱᑉᒥ ᐄᑦᔨᑉᑎᒥᑦ ᐊᐅᓪᓚᓚᐅᕋᑦᓯ.
19 #
ᒨᓯᓯ ᐂᑉᐸᖏᑦ 13:2. “ᐊᖑᑏᑦ ᓯᕗᓪᓕᕐᐹᒥᒃ ᐊᓈᓇᒥᖕᓂᑦ ᐃᕐᓂᐊᖑᔪᑦ ᐆᒪᔪᖁᑎᑦᓯᓐᓂᓗ ᐃᕐᓂᐊᕆᔭᐅᖅᑳᕐᓯᒪᔪᑦ ᐊᖑᑎᓕᒫᑦ ᑕᒪᒃᑯᐊ ᐱᖁᑎᒋᕙᒃᑲ, 20#ᒨᓯᓯ ᐂᑉᐸᖏᑦ 13:13.ᓯᐅᑎᖅᑯᕐᑐᔫᓪᓕ ᐃᕐᓂᐊᕆᖅᑳᕐᑕᖏᑦ ᑕᐅᕐᓯᐅᑎᔪᓐᓇᕐᐸᓯ ᓰᐱᐅᑉ ᓄᕐᕋᖓᓂᒃ ᑐᓂᕐᕈᓯᖔᕐᓗᓯ ᑖᑦᓱᒥᖓ ᐃᓇᖐᑎᖔᕐᓗᒍ, ᑭᓯᐊᓂᓕ ᑕᐅᕐᓯᐅᑎᓂᐊᖏᒃᑯᑦᓯᐅᒃ, ᖁᖓᓯᖓ ᓇᑲᑕᒃᓴᕆᕙᓯ, ᐊᖑᑎᓕᒫᑦ ᐃᕐᓂᐊᖑᖅᑳᕐᑐᑦ ᑕᐅᕐᓯᒐᒃᓴᕆᕙᓯ.
“ᓇᓪᓕᐊᓐᓂᒡᓘᓐᓃᑦ ᑐᓂᕐᕈᓯᖏᑦᑐᒥᒃ ᓵᓐᓄᑦ ᓴᖅᑭᑦᑐᖃᕐᑐᒃᓴᐅᓐᖏᓚᖅ.
21 #
ᒨᓯᓯ ᐂᑉᐸᖏᑦ 20:9,10; 23:12; 31:15; 35:2; ᒨᓯᓯ ᐱᖓᔪᖏᑦ 23:3; ᒨᓯᓯ ᑕᓪᓕᒪᖏᑦ 5:13,14. “ᐅᓪᓗᓂᒃ ᐱᖓᓲᔪᕐᑐᓂᒃ ᐱᓇᓱᐊᒐᒃᓴᑦᓯᓐᓂᒃ ᓴᓇᔪᒃᓴᐅᕗᓯ, ᐅᓪᓗᓪᓕ 7ᖓᓐᓂ ᑕᕾᕐᓯᕐᑐᒃᓴᐅᕗᓯ; ᐊᒡᓛᑦ ᓄᓇᒥᒃ ᐱᕈᕐᓰᕕᒃᓴᒥᒃ ᒪᒃᐱᑎᕆᔭᕆᐊᖃᕋᓗᐊᕈᕕᑦ ᐱᕈᕐᑐᓂᒡᓗ ᑲᑎᕐᓱᐃᒋᐊᖃᕋᓗᐊᕈᕕᑦ.
22 #
ᒨᓯᓯ ᐱᖓᔪᖏᑦ 23:15-21; ᒨᓯᓯ ᓯᑕᒪᖏᑦ 28:26-31;
ᒨᓯᓯ ᐱᖓᔪᖏᑦ 23:39-43. “ᐱᕈᕐᑐᓂᒃ ᑲᑎᕐᓱᐃᕕᖕᒥᒃ ᓇᓪᓕᐅᓐᓂᕐᓯᐅᕐᕕᑦᓯᓐᓂᒃ ᑲᒪᑦᓯᐊᕐᑐᒃᓴᐅᕗᓯ ᓂᐊᖂᔭᒃᓴᓂᒃ ᐱᕈᕐᓰᕕᑦᓯᓐᓂᑦ ᓯᕗᓪᓕᕐᐹᒥᒃ ᐱᕈᕐᑎᑕᕕᓂᑦᓯᓐᓂᒃ ᑲᑎᕐᓱᐃᕕᒃᓯ ᓇᓪᓕᐅᓐᓂᖓ ᓇᓪᓕᐅᑎᓯᒪᑎᓪᓗᒍ, ᐅᑭᐊᒃᓵᒃᑯᓪᓗ ᓇᓪᓕᐅᓐᓂᕐᓯᐅᕐᕕᒃ ᑐᐱᑐᐃᓐᓇᖃᕐᑎᓪᓗᓯ ᐱᕈᕐᑐᓂᒃ ᑲᑎᕐᓱᐃᕕᓯ ᓇᓪᓕᐅᑎᕕᖓᓂ.
23“ᐊᕐᕌᒍᒥ ᐊᑕᐅᓯᕐᒥ ᐊᖑᑎᓕᒫᑦ ᐱᖓᓱᐃᕐᑐᕐᓗᑎᒃ ᑐᒃᓯᐊᕆᐊᕐᑐᒃᓴᐅᕗᑦ ᐅᕙᓐᓄᑦ, ᐊᑕᓂᕐᒧᑦ, ᐃᓴᕆᐊᓕᒥᐅᑦ ᒎᑎᖓᓐᓄᑦ. 24ᐃᓅᖃᑎᒌᒡᔪᐊᑦ ᓯᕗᓂᑦᓯᓐᓂ ᐊᐅᓪᓚᕐᑎᓐᓂᐊᕐᐸᒃᑲ ᓄᓇᒋᔭᓯ ᑭᒡᓕᖓ ᐊᖏᓂᕐᓴᐅᔪᓐᓇᖁᓪᓗᒍ, ᓇᓪᓕᐊᓐᓄᓪᓘᓐᓃᑦ ᐃᓅᖃᑎᒌᒡᔪᐊᓄᑦ ᐅᓇᖕᒥᔭᐅᓂᐊᓐᖏᓚᓯ ᓄᓇᒋᔭᓯ ᐱᓪᓗᒍ ᐊᕐᕌᒍᒥ ᐱᖓᓱᕕᒡᓗᓯ ᐊᑕᓂᕐᒧᑦ ᒎᑎᒧᑦ, ᐃᓴᕆᐊᓕᒥᐅᑦ ᒎᑎᖓᓄᑦ, ᑐᒃᓯᐊᕆᐊᖃᑦᑕᕐᓂᑦᓯᓐᓂᒃ ᑲᒪᑦᓯᐊᑐᐊᕈᑦᓯ.
25 #
ᒨᓯᓯ ᐂᑉᐸᖏᑦ 12:10. “ᓂᐊᖂᔭᒥᒃ ᐳᕙᓪᓚᕐᓴᐅᑎᓕᖕᒥᒃ ᑐᓂᕐᕈᓯᕐᑐᒃᓴᐅᓐᖏᓚᓯ ᐆᒪᔪᒥᒃ ᐊᐅᓕᖕᒥᒃ ᑐᓂᕐᕈᓯᓕᕐᑎᓪᓗᓯ ᐅᕙᓐᓄᑦ, ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᒃ ᓇᓪᓕᐅᑎᓯᒪᑎᓪᓗᒍ ᐆᒪᔫᑉ ᑐᓂᕐᕈᑎᕕᓂᐅᑉ ᐃᓚᖓᓂᒃ ᐅᓪᓛᒧᑦ ᑎᑭᓪᓗᒍ ᐊᒥᐊᒃᑯᖃᕐᑐᒃᓴᐅᓐᖏᓚᓯ.
26 #
ᒨᓯᓯ ᑕᓪᓕᒪᖏᑦ 26:2;
ᒨᓯᓯ ᑕᓪᓕᒪᖏᑦ 14:21. “ᐱᕈᕐᓰᕕᖁᑎᕕᑦ ᓯᕗᓪᓕᕐᐹᒥᒃ ᐱᕈᕐᑎᑕᖏᑦ ᑲᑎᕐᓱᓕᕈᕕᖏᑦ ᐊᕐᕌᒍᑕᒫᑦ ᐊᑕᓂᐅᑉ ᒎᑎᕕᑦ ᐃᒡᓗᖓᓄᑦ ᑐᓂᕐᕈᑎᒋᔭᒃᓴᕆᕙᑎᑦ.
“ᓰᐱᐅᑉ ᓄᕐᕋᖓᓂᒃ ᐅᕝᕙᓗ ᒎᑦᓯᒥᒃ ᐆᔪᓕᐅᕐᑐᒃᓴᐅᓐᖏᓚᑎᑦ ᐊᓈᓇᖓᑕ ᐃᒻᒧᖓᓄᑦ.”
27ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᑕᒪᒃᑯᐊ ᐅᖃᐅᓰᑦ ᑎᑎᕋᕐᑕᒃᓴᕆᕙᑎᑦ, ᑕᒪᒃᑯᐊ ᐅᖃᐅᓰᑦ ᑐᓐᖓᕕᒋᓗᒋᑦ ᐊᖏᖃᑎᒌᖕᓂᕐᒥᒃ ᐋᖅᑭᒃᓯᓂᐊᕋᒪ ᐃᓕᖕᓄᑦ ᐃᓴᕆᐊᓕᐅᒥᐅᓄᓪᓗ.” 28ᒨᓯᓯᓗ ᑕᕝᕙᓃᑉᐳᖅ ᐊᑕᓂᕐᒥ ᐅᓪᓗᓂᒃ ᐅᓐᓄᐊᓂᒡᓗ 40ᓂᒃ, ᓂᕆᓚᐅᕋᓂ ᐃᒥᓚᐅᕋᓂᓗ. ᐅᖃᐅᓰᓪᓗ ᐊᖏᖃᑎᒌᒍᑏᑦ ᑎᑎᕋᓚᐅᕐᐰᑦ ᐅᔭᕋᒃᑯᑦ, ᐱᖁᔭᑦ ᖁᓕᑦ.
ᒨᓯᓯᐅᑉ ᐊᖅᑲᕐᓂᖓ ᖃᖅᑲᒥᑦ ᓮᓁᒥᑦ
29 #
2 ᑯᕆᓐᑎ 3:7-16. ᒨᓯᓯᓕ ᖃᖅᑲᒥᑦ ᓮᓁᒥᑦ ᐊᖅᑲᓕᕐᐳᖅ ᐅᔭᕋᒃᑯᑦ ᑎᑎᕋᕐᓯᒪᔫᖕᓂᒃ ᒪᕐᕉᖕᓂᒃ ᓇᒃᓴᕐᓗᓂ, ᒨᓯᓯᓕ ᖃᐅᔨᒪᓚᐅᓐᖏᓚᖅ ᑮᓇᖓᑕ ᐅᕕᓂᖓ ᖃᐅᒻᒪᒃᓯᒪᓂᖓᓂᒃ, ᒎᑎᒥᒃ ᐅᖃᖃᑎᖃᕐᓯᒪᓂᕐᒥᓄᑦ. 30ᐂᕉᓂᓕ ᐃᓴᕆᐊᓕᒥᐅᓪᓗ ᐃᓄᖏᑦ ᑕᑯᒐᒥᒃ ᒨᓯᓯᒥᒃ, ᑕᑯᓚᐅᕐᐳᑦ ᑮᓇᖓᑕ ᖃᐅᒻᒪᒃᓯᒪᓂᖓᓂᒃ, ᑖᑦᓱᒧᖓᓗ ᖃᒡᓕᔭᕆᐊᒃᓴᖅ ᑲᑉᐱᐊᓱᓕᕐᓗᑎᒃ. 31ᒨᓯᓯᐅᓪᓕ ᕾᖁᕔᑦ, ᐂᕉᓂᓗ ᓄᓇᓕᖕᓂᓗ ᑕᓯᐅᕐᑎᐅᔪᓕᒫᑦ ᑖᑦᓱᒧᓐᖓᕐᐳᑦ, ᒨᓯᓯᐅᓪᓗ ᐅᖃᕐᕕᒋᓕᕐᐰᑦ. 32ᑭᖑᓂᖓᒍᓪᓕ ᐃᓴᕆᐊᓕᒥᐅᑦ ᐃᓄᓕᒫᖏᑦ ᑕᕝᕗᓐᖓᓕᕐᐳᑦ, ᒨᓯᓯᐅᓪᓗ ᑐᓂᓯᕕᒋᓕᕐᐰᑦ ᐱᖁᔭᓕᒫᓂᒃ ᐊᑕᓂᐅᑉ ᑐᓂᓚᐅᕐᑕᖏᓐᓂᒃ ᒨᓯᓯᒧᑦ ᖃᖅᑲᒥ ᓮᓁᒥ. 33ᒨᓯᓯᓕ ᑖᒃᑯᓄᖓ ᐅᖃᓪᓚᒌᕋᒥ, ᑮᓇᓂ ᒪᑐᐊᕐᒧᑦ ᐅᓕᒃᐹ; 34ᒨᓯᓯᓕ ᐊᑕᓂᕐᒧᑦ ᐅᖃᓪᓚᒋᐊᕐᑐᓕᑐᐊᕌᖓᒥ ᑮᓇᕐᒥᓄᑦ ᐅᓕᒋᔭᓂ ᐲᖃᑦᑕᕐᐹ, ᑕᕝᕙᓐᖓᑦ ᐊᓂᓚᐅᖏᓐᓂᕐᒥᓂ; ᑕᕝᕙᓐᖓᓪᓕ ᐊᓂᔭᕌᖓᒥ ᐃᓴᕆᐊᓕᒥᐅᑦ ᐃᓄᖏᓐᓄᑦ ᐅᖃᐅᓯᖃᖃᑦᑕᕐᐳᖅ ᐱᖁᔭᐅᑦᔪᑎᓕᒫᒥᓂᒃ, 35ᐃᓴᕆᐊᓕᒥᐅᓂᓪᓕ ᒨᓯᓯᐅᑉ ᑮᓇᖓ ᑕᑯᔭᐅᓚᐅᕐᐳᖅ, ᑮᓇᖓᑕ ᖃᐅᒪᓂᖓ, ᑕᕝᕙ ᒨᓯᓯᐅᑉ ᑮᓇᓂ ᒪᑐᐊᕐᒧᑦ ᐅᓕᒃᑲᓐᓂᖃᑦᑕᕐᐹ, ᑕᕝᕗᖓ ᐊᑕᓂᕐᒥᒃ ᐅᖃᖃᑎᖃᕆᐊᕐᑐᕐᓗᓂ ᐅᑎᓚᐅᖏᓐᓂᕐᒥᓂ.
Currently Selected:
ᒨᓯᓯ ᐂᑉᐸᖏᑦ 34: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᒨᓯᓯ ᐂᑉᐸᖏᑦ 34
34
ᐅᔭᕅᑦ ᑎᑎᕋᕐᕕᒋᓯᒪᔪᑦ ᐂᑉᐸᕆᓕᕐᑕᖏᑦ
ᒨᓯᓯ ᑕᓪᓕᒪᖏᑦ 10:1-5
1ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᐅᔭᕌᖕᓂᒃ ᒪᕐᕉᖕᓂᒃ ᐲᕐᓯᓗᑎᑦ ᓴᓇᔪᒃᓴᐅᕗᑎᑦ ᓯᕗᓪᓕᕐᒥ ᓴᓇᓚᐅᕐᑕᕐᑐᑦ, ᑖᒃᑯᑎᒎᓇᕐᓗ ᑎᑎᕋᕐᓂᐊᕐᐳᖓ ᐅᖃᐅᓯᕐᓂᒃ ᓯᕗᓪᓕᕐᒥ ᑎᑎᕋᕐᓯᒪᓚᐅᕐᑐᑎᑐᑦ, ᑖᒃᑯᑎᑐᓇᖅ ᓯᖁᒥᓚᐅᕐᑕᕐᑐᑦ. 2ᖃᐅᒃᐸᑦ ᐅᓪᓛᒃᑯᑦ ᐊᑐᐃᓐᓇᐅᓛᕐᐳᑎᑦ, ᖃᖅᑲᒧᑦ ᓮᓁᒧᑦ ᒪᔪᕋᕐᓗᑎᑦ ᖃᖅᑲᐅᑉ ᖄᖓᓂ ᐅᕙᓐᓂᒃ ᑲᑎᓯᔭᕐᑐᓛᕐᐳᑎᑦ. 3ᓇᓪᓕᐊᓐᓂᒡᓘᓐᓃᑦ ᒪᓕᒃᑕᐅᔪᒃᓴᐅᓐᖏᓚᑎᑦ ᒪᔪᕋᕐᑎᓪᓗᑎᑦ; ᑕᕝᕙᓂᓘᓐᓂᑦ ᖃᖅᑲᒥ ᓱᓇᑐᐃᓐᓇᕐᒥᒃ ᑕᑯᒃᓴᐅᔪᖃᕐᑐᒃᓴᐅᓐᖏᓚᖅ; ᓰᐱᓂᒡᓗ ᐃᒻᒧᒃᓯᐅᒐᓂᒡᓗ ᓂᕆᓇᓱᐊᕐᑐᖃᕐᑐᒃᓴᐅᓐᖏᓚᖅ ᑕᕝᕙᓂ ᖃᖅᑲᐅᑉ ᑭᒡᓕᖓᓂ.” 4ᑍᒤᒻᒪᑦ ᒨᓯᓯ ᐅᔭᕌᖕᓂᒃ ᒪᕐᕉᖕᓂᒃ ᐲᕐᓯᓕᕆᕗᖅ ᓯᕗᓪᓕᕐᑎᑐᑦ ᑍᒤᑦᑐᓂᒃ, ᖃᐅᑎᓪᓗᒍᓗ ᐅᓛᒻᒪᕆᒃᑯᑦ ᑖᒃᑯᐊᒃ ᐅᔭᕌᒃ ᓇᒃᓴᕐᓗᒋᒃ ᖃᖅᑲᒧᑦ ᓮᓁᒧᑦ ᒪᔪᕋᓕᕐᐳᖅ, ᑍᒫᒃ ᐊᑕᓂᐅᑉ ᐱᖁᓚᐅᕐᒪᒍ.
5ᑕᕝᕙ ᐊᑕᓂᖅ ᓄᕗᔭᒦᓪᓗᓂ ᐊᖅᑲᕐᐳᖅ, ᒨᓯᓯᓗ ᓇᖏᖃᑎᒋᓕᕐᓗᒍ, ᑕᕝᕙ ᐊᑎᓂ ᐃᑦᔪᕐᓁᑦᑐᖅ ᐅᖃᐅᓯᕆᕚ#34:5 ᐊᑎᓂ ᐃᑦᔪᕐᓁᑦᑐᖅ ᐅᖃᐅᓯᕆᕚ ᑐᑭᖃᕐᑐᖅ “ᐊᑕᓂᖅ” ᑕᑯᓗᒍ ᓵᑉᑕ 3:14 ᑖᑦᓱᒧᖓ. 6#ᒨᓯᓯ ᐂᑉᐸᖏᑦ 20:5,6; ᒨᓯᓯ ᓯᑕᒪᖏᑦ 14:18; ᒨᓯᓯ ᑕᓪᓕᒪᖏᑦ 5:9,10; 7:9,10.ᑕᕝᕙ ᐊᑕᓂᖅ ᒨᓯᓯᐅᑉ ᓵᖓᒎᕐᐳᖅ ᐅᖃᕐᓗᓂᓗ, “ᐅᕙᖓ ᐊᑕᓂᖅ, ᒎᑎᐅᕗᖓ ᓂᑲᒍᓱᒃᑐᖅ ᐱᑦᓯᐊᕐᓗᓂᓗ, ᓂᓐᖓᒃᓴᕅᖏᑦᑐᖅ, ᓇᒡᓕᒍᓱᖕᓂᕐᔪᐊᒥᓂᒃ ᓴᖅᑭᑎᑦᓯᔪᖅ ᓱᖁᓯᔪᐃᑦᑑᓪᓗᓂᓗ. 7ᐊᖏᕈᑎᒋᓯᒪᔭᓐᓂᒃ ᓇᒡᓕᖕᓂᒃᑯᑦ ᑲᔪᓯᑎᑦᓯᕙᒃᐳᖓ ᑭᖑᕚᕇᑦ 1,000ᐃᑦ ᑎᑭᓪᓗᒋᑦ ᐃᓱᒪᒋᔪᓐᓁᕐᓯᔪᓐᓇᕐᓗᖓᓗ ᓈᒻᒪᖏᑦᑐᓕᓂᕐᓂᒃ ᐱᖁᔭᓂᒃ ᓈᓚᖏᓐᓂᕐᓂᒃ ᐊᔪᕐᑐᓕᓂᕐᓂᒡᓗ, ᑭᓯᐊᓂᓕ ᐸᓯᔭᒃᓴᐅᔪᓂᒃ ᐊᔪᕐᑐᓕᔪᓂᒡᓗ ᓱᒋᐊᕐᓯᖏᑦᑑᓂᐊᓐᖏᓚᖓ ᕿᑐᕐᖓᖏᑦ ᐃᕐᖑᑕᖏᓪᓗ ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.”
8ᒨᓯᓯᓕ ᑕᕝᕔᓐᓇᖅ ᓄᓇᒧᑦ ᐹᒻᒪᒃᑎᕐᐳᖅ ᑐᒃᓯᐊᕐᕕᒋᓪᓗᒍᓗ. 9ᐅᖃᕐᐳᖅ, “ᐊᑕᓃᖅ ᐅᕙᓐᓂᒃ ᖁᕕᐊᓲᑎᖃᓪᓚᕆᒃᑯᕕᑦ, ᑐᒃᓯᐊᕐᕕᒋᕙᒋᑦ ᐅᕙᑦᑎᓐᓄᑦ ᐃᓚᐅᖁᓪᓗᑎᑦ, ᐅᑯᐊ ᐃᓄᐃᑦ ᓯᑎᔪᐊᓘᒐᓗᐊᕐᑎᓪᓗᒋᑦ, ᓈᒻᒪᖏᑦᑐᓕᓂᑦᑎᓐᓂᑦ ᐊᔪᕐᑐᓕᓂᑦᑎᓐᓂᓪᓗ ᐃᓱᒪᒋᔪᓐᓁᕐᕕᒋᓚᐅᕐᑎᒍᑦ, ᐃᓚᓕᐅᕐᓗᑕᓗ ᐃᓕᖕᓄᑦ ᐃᓄᖁᑎᒋᔭᐅᔪᑎᑐᑦ.”
ᐊᖏᖃᑎᒌᖕᓂᐅᑉ ᓄᑖᓐᖑᕆᐊᕐᑎᑕᐅᓂᖓ
ᒨᓯᓯ ᐂᑉᐸᖏᑦ 23:14-19; ᒨᓯᓯ ᑕᓪᓕᒪᖏᑦ 7:1-5; 16:1-17
10ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᑕᑯᒋᑦ ᒫᓐᓇ ᐃᓴᕆᐊᓕᒥᐅᑦ ᐃᓄᖏᓐᓄᑦ ᐊᖏᖃᑎᒌᒍᑎᓕᐅᕐᓂᐊᕐᐳᖓ. ᑖᒃᑯᐊᓗ ᑕᒃᑯᐊᓂ ᑲᒪᓇᕐᑐᓕᔪᒫᕐᐳᖓ ᑕᒪᑐᒪ ᓯᕗᓂᖓᓂ ᓇᓂᑐᐃᓐᓇᖅ ᓯᓚᕐᔪᐊᕐᒥ ᐃᓅᖃᑎᒌᒡᔪᐊᓪᓗ ᐊᓯᖏᓐᓂ ᐊᑐᕐᑕᐅᓚᐅᕐᓯᒪᖏᑦᑐᒥᒃ. ᐃᓄᓕᒫᑦ ᖃᓄᖅ ᐊᖏᑎᒋᔪᒥᒃ ᐅᕙᖓ ᐊᑕᓂᐅᔪᖓ ᐱᓇᓱᐊᕈᓐᓇᕐᒪᖔᕐᒪ ᑕᑯᓂᐊᕐᐳᑦ, ᐱᓇᓱᐊᕐᓂᐊᕋᒪ ᑲᒪᓇᕐᑐᐊᓗᖕᓂᒃ ᐃᕝᕕᑦ ᐊᖅᑯᑎᒋᓗᑎᑦ. 11ᐅᓪᓗᒥ ᐱᖁᔧᑦ ᐃᓕᖕᓄᑦ ᑐᓂᔭᒃᑲ ᒪᓕᖕᓂᐊᕐᐸᑎᑦ. ᐃᓅᖃᑎᒌᑦ ᐊᐅᓪᓚᕐᑎᓐᓂᐊᕐᐸᒃᑲ ᒪᑯᐊ ᐊᒧᕅᑎᒃᑯᑦ, ᑬᓇᓂᒥᐅᓪᓗ, ᕼᐃᑍᑎᒥᐅᓪᓗ, ᐱᕆᔧᑎᒥᐅᓪᓗ, ᕼᐃᕔᑎᒥᐅᓪᓗ, ᔨᐳᓮᑎᒥᐅᓪᓗ, ᐃᕝᕕᑦ ᐊᖅᑯᑎᒋᓗᑎᑦ. 12ᐃᓅᖃᑎᒌᓂᒃ ᑕᒫᓂ ᐅᐸᖕᓂᐊᕐᑕᑦᓯᓐᓂ ᓄᓇᖃᕐᑐᓂᒃ ᐃᒤᓕᐅᕐᓂᐊᕈᑦᓯ ᐃᒤᓕᐅᕐᓂᐊᕐᐳᒎᕐᓗᓯ ᐊᖏᖃᑎᖃᕋᓱᐊᕐᑐᒃᓴᐅᓐᖏᓚᓯ, ᑍᒤᒐᓱᐊᑐᐊᕈᑦᓯ ᓯᓔᕐᕆᔭᐅᑐᐃᓐᓇᕆᐊᖃᕋᑦᓯ. 13#ᒨᓯᓯ ᑕᓪᓕᒪᖏᑦ 16:21.ᑐᓂᕐᕈᓯᕐᕕᖁᑎᖏᓪᓕ ᓯᖁᒥᑕᒃᓴᕆᕙᓯ, ᓇᐸᔪᖁᑎᖏᓪᓗ ᐱᓪᓚᕆᑯᑎᖏᑦ ᐅᔭᕅᑦ ᓄᖑᑎᓪᓗᒋᑦ, ᒎᑎᓐᖑᐊᕆᔭᖏᓪᓗ ᐊᕐᓇᓐᖑᐊᑦ ᐊᓯᕋᒥᒃ ᐊᑎᓖᑦ ᓯᖁᒥᓪᓗᒋᑦ.
14“ᒎᑎᒋᔭᐅᔪᓂᒃ ᓇᓪᓕᐊᓐᓂᒡᓘᓐᓃᑦ ᑐᒃᓯᐊᕐᕕᖃᕐᑐᒃᓴᐅᓐᖏᓚᓯ, ᐅᕙᖓ ᐊᑕᓂᐅᔪᖓ, ᐊᓯᓐᓂᒃ ᑲᒪᒋᔭᐅᖁᔨᖏᓐᓇᒪ ᓯᖕᓇᑐᔫᓪᓗᖓᓗ. 15ᐃᓅᖃᑎᒌᓂᒃ ᑕᒫᓂ ᓄᓇᖃᕐᑐᓂᒃ ᐃᒤᓕᐅᕐᓂᐊᕈᑦᓯ ᐃᒤᓕᐅᕐᓂᐊᕐᐳᒎᕐᓗᓯ ᐊᖏᖃᑎᖃᕋᓱᐊᕐᑐᒃᓴᐅᓐᖏᓚᓯ, ᒎᑎᓐᖑᐊᒥᖕᓄᑦ ᑐᒃᓯᐊᓕᕐᑎᓪᓗᒋᑦ ᑐᓂᕐᕈᓯᓕᕐᑎᓪᓗᒋᓪᓗ ᑖᒃᑯᓄᖓ, ᑖᒃᑯᓇᓐᖓᑦ ᐃᓇᑕᐅᓂᐊᕋᑦᓯ ᐱᖃᑕᐅᖁᔭᐅᓗᓯ, ᓂᕿᓂᒡᓗ ᑐᓂᕐᕈᑕᐅᓯᒪᔪᓂᒃ ᒎᑎᓐᖑᐊᒥᖕᓄᑦ ᐊᑐᐃᓐᓇᕈᐃᕕᐅᒍᑦᓯ ᐃᒃᓯᒍᓱᓕᑐᐃᓐᓇᕆᐊᖃᕋᑦᓯ. 16ᐃᕐᓂᓯᓗ ᑖᒃᑯᓇᓐᖓᑦ ᓄᓇᖃᑎᒃᓴᔭᕆᓐᖏᑕᑦᓯᓐᓂᑦ ᓄᓕᐊᓂᑐᐃᓐᓇᕆᐊᖃᕐᒪᑕ, ᓄᓕᐊᒥᓄᓪᓗ ᑕᓯᐅᕐᑕᐅᓕᕋᔭᕐᓗᑎᒃ ᐅᕙᓐᓂᒃ ᑲᒪᔪᓐᓃᕐᑎᑕᐅᓗᑎᒃ ᒎᑎᓐᖑᐊᖏᓐᓄᑦ ᑐᒃᓯᐊᕐᕕᖃᖔᓕᕐᓗᑎᒃ.
17 #
ᒨᓯᓯ ᐂᑉᐸᖏᑦ 20:4; ᒨᓯᓯ ᐱᖓᔪᖏᑦ 19:4; ᒨᓯᓯ ᑕᓪᓕᒪᖏᑦ 5:8; 27:15. “ᒎᑎᓐᖑᐊᓂᒃ ᓴᕕᕋᔭᖕᓂᒃ ᓴᓇᔪᒃᓴᐅᓐᖏᓚᓯ ᑐᒃᓯᐊᕐᕕᖃᕐᑐᒃᓴᐅᓇᓯᓗ.
18 #
ᒨᓯᓯ ᐂᑉᐸᖏᑦ 12:14-20; ᒨᓯᓯ ᐱᖓᔪᖏᑦ 23:6-8; ᒨᓯᓯ ᓯᑕᒪᖏᑦ 28:16-25. “ᓂᐊᑰᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓇᓪᓕᐅᓐᓂᕐᓯᐅᕐᕕᒃ ᑲᒪᒋᓯᐊᖏᓐᓇᕋᒃᓴᕆᕙᓯ, ᑕᒪᓐᓇ ᐃᓕᑦᓯᓐᓄᑦ ᐊᑐᕐᑕᐅᖁᓯᒪᒐᒃᑯ, ᓂᐊᖂᔭᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᕿᖃᕐᑐᒃᓴᐅᕗᓯ ᐅᓪᓗᓂᒃ 7ᓂᒃ ᑕᖅᑭᖅ ᐊᐱᑉᒥᒃ ᐊᑎᓕᒃ ᐊᑐᕐᑎᓪᓗᒍ; ᑕᕝᕙᓂ ᑕᖅᑭᒥ ᐊᐱᑉᒥ ᐄᑦᔨᑉᑎᒥᑦ ᐊᐅᓪᓚᓚᐅᕋᑦᓯ.
19 #
ᒨᓯᓯ ᐂᑉᐸᖏᑦ 13:2. “ᐊᖑᑏᑦ ᓯᕗᓪᓕᕐᐹᒥᒃ ᐊᓈᓇᒥᖕᓂᑦ ᐃᕐᓂᐊᖑᔪᑦ ᐆᒪᔪᖁᑎᑦᓯᓐᓂᓗ ᐃᕐᓂᐊᕆᔭᐅᖅᑳᕐᓯᒪᔪᑦ ᐊᖑᑎᓕᒫᑦ ᑕᒪᒃᑯᐊ ᐱᖁᑎᒋᕙᒃᑲ, 20#ᒨᓯᓯ ᐂᑉᐸᖏᑦ 13:13.ᓯᐅᑎᖅᑯᕐᑐᔫᓪᓕ ᐃᕐᓂᐊᕆᖅᑳᕐᑕᖏᑦ ᑕᐅᕐᓯᐅᑎᔪᓐᓇᕐᐸᓯ ᓰᐱᐅᑉ ᓄᕐᕋᖓᓂᒃ ᑐᓂᕐᕈᓯᖔᕐᓗᓯ ᑖᑦᓱᒥᖓ ᐃᓇᖐᑎᖔᕐᓗᒍ, ᑭᓯᐊᓂᓕ ᑕᐅᕐᓯᐅᑎᓂᐊᖏᒃᑯᑦᓯᐅᒃ, ᖁᖓᓯᖓ ᓇᑲᑕᒃᓴᕆᕙᓯ, ᐊᖑᑎᓕᒫᑦ ᐃᕐᓂᐊᖑᖅᑳᕐᑐᑦ ᑕᐅᕐᓯᒐᒃᓴᕆᕙᓯ.
“ᓇᓪᓕᐊᓐᓂᒡᓘᓐᓃᑦ ᑐᓂᕐᕈᓯᖏᑦᑐᒥᒃ ᓵᓐᓄᑦ ᓴᖅᑭᑦᑐᖃᕐᑐᒃᓴᐅᓐᖏᓚᖅ.
21 #
ᒨᓯᓯ ᐂᑉᐸᖏᑦ 20:9,10; 23:12; 31:15; 35:2; ᒨᓯᓯ ᐱᖓᔪᖏᑦ 23:3; ᒨᓯᓯ ᑕᓪᓕᒪᖏᑦ 5:13,14. “ᐅᓪᓗᓂᒃ ᐱᖓᓲᔪᕐᑐᓂᒃ ᐱᓇᓱᐊᒐᒃᓴᑦᓯᓐᓂᒃ ᓴᓇᔪᒃᓴᐅᕗᓯ, ᐅᓪᓗᓪᓕ 7ᖓᓐᓂ ᑕᕾᕐᓯᕐᑐᒃᓴᐅᕗᓯ; ᐊᒡᓛᑦ ᓄᓇᒥᒃ ᐱᕈᕐᓰᕕᒃᓴᒥᒃ ᒪᒃᐱᑎᕆᔭᕆᐊᖃᕋᓗᐊᕈᕕᑦ ᐱᕈᕐᑐᓂᒡᓗ ᑲᑎᕐᓱᐃᒋᐊᖃᕋᓗᐊᕈᕕᑦ.
22 #
ᒨᓯᓯ ᐱᖓᔪᖏᑦ 23:15-21; ᒨᓯᓯ ᓯᑕᒪᖏᑦ 28:26-31;
ᒨᓯᓯ ᐱᖓᔪᖏᑦ 23:39-43. “ᐱᕈᕐᑐᓂᒃ ᑲᑎᕐᓱᐃᕕᖕᒥᒃ ᓇᓪᓕᐅᓐᓂᕐᓯᐅᕐᕕᑦᓯᓐᓂᒃ ᑲᒪᑦᓯᐊᕐᑐᒃᓴᐅᕗᓯ ᓂᐊᖂᔭᒃᓴᓂᒃ ᐱᕈᕐᓰᕕᑦᓯᓐᓂᑦ ᓯᕗᓪᓕᕐᐹᒥᒃ ᐱᕈᕐᑎᑕᕕᓂᑦᓯᓐᓂᒃ ᑲᑎᕐᓱᐃᕕᒃᓯ ᓇᓪᓕᐅᓐᓂᖓ ᓇᓪᓕᐅᑎᓯᒪᑎᓪᓗᒍ, ᐅᑭᐊᒃᓵᒃᑯᓪᓗ ᓇᓪᓕᐅᓐᓂᕐᓯᐅᕐᕕᒃ ᑐᐱᑐᐃᓐᓇᖃᕐᑎᓪᓗᓯ ᐱᕈᕐᑐᓂᒃ ᑲᑎᕐᓱᐃᕕᓯ ᓇᓪᓕᐅᑎᕕᖓᓂ.
23“ᐊᕐᕌᒍᒥ ᐊᑕᐅᓯᕐᒥ ᐊᖑᑎᓕᒫᑦ ᐱᖓᓱᐃᕐᑐᕐᓗᑎᒃ ᑐᒃᓯᐊᕆᐊᕐᑐᒃᓴᐅᕗᑦ ᐅᕙᓐᓄᑦ, ᐊᑕᓂᕐᒧᑦ, ᐃᓴᕆᐊᓕᒥᐅᑦ ᒎᑎᖓᓐᓄᑦ. 24ᐃᓅᖃᑎᒌᒡᔪᐊᑦ ᓯᕗᓂᑦᓯᓐᓂ ᐊᐅᓪᓚᕐᑎᓐᓂᐊᕐᐸᒃᑲ ᓄᓇᒋᔭᓯ ᑭᒡᓕᖓ ᐊᖏᓂᕐᓴᐅᔪᓐᓇᖁᓪᓗᒍ, ᓇᓪᓕᐊᓐᓄᓪᓘᓐᓃᑦ ᐃᓅᖃᑎᒌᒡᔪᐊᓄᑦ ᐅᓇᖕᒥᔭᐅᓂᐊᓐᖏᓚᓯ ᓄᓇᒋᔭᓯ ᐱᓪᓗᒍ ᐊᕐᕌᒍᒥ ᐱᖓᓱᕕᒡᓗᓯ ᐊᑕᓂᕐᒧᑦ ᒎᑎᒧᑦ, ᐃᓴᕆᐊᓕᒥᐅᑦ ᒎᑎᖓᓄᑦ, ᑐᒃᓯᐊᕆᐊᖃᑦᑕᕐᓂᑦᓯᓐᓂᒃ ᑲᒪᑦᓯᐊᑐᐊᕈᑦᓯ.
25 #
ᒨᓯᓯ ᐂᑉᐸᖏᑦ 12:10. “ᓂᐊᖂᔭᒥᒃ ᐳᕙᓪᓚᕐᓴᐅᑎᓕᖕᒥᒃ ᑐᓂᕐᕈᓯᕐᑐᒃᓴᐅᓐᖏᓚᓯ ᐆᒪᔪᒥᒃ ᐊᐅᓕᖕᒥᒃ ᑐᓂᕐᕈᓯᓕᕐᑎᓪᓗᓯ ᐅᕙᓐᓄᑦ, ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᒃ ᓇᓪᓕᐅᑎᓯᒪᑎᓪᓗᒍ ᐆᒪᔫᑉ ᑐᓂᕐᕈᑎᕕᓂᐅᑉ ᐃᓚᖓᓂᒃ ᐅᓪᓛᒧᑦ ᑎᑭᓪᓗᒍ ᐊᒥᐊᒃᑯᖃᕐᑐᒃᓴᐅᓐᖏᓚᓯ.
26 #
ᒨᓯᓯ ᑕᓪᓕᒪᖏᑦ 26:2;
ᒨᓯᓯ ᑕᓪᓕᒪᖏᑦ 14:21. “ᐱᕈᕐᓰᕕᖁᑎᕕᑦ ᓯᕗᓪᓕᕐᐹᒥᒃ ᐱᕈᕐᑎᑕᖏᑦ ᑲᑎᕐᓱᓕᕈᕕᖏᑦ ᐊᕐᕌᒍᑕᒫᑦ ᐊᑕᓂᐅᑉ ᒎᑎᕕᑦ ᐃᒡᓗᖓᓄᑦ ᑐᓂᕐᕈᑎᒋᔭᒃᓴᕆᕙᑎᑦ.
“ᓰᐱᐅᑉ ᓄᕐᕋᖓᓂᒃ ᐅᕝᕙᓗ ᒎᑦᓯᒥᒃ ᐆᔪᓕᐅᕐᑐᒃᓴᐅᓐᖏᓚᑎᑦ ᐊᓈᓇᖓᑕ ᐃᒻᒧᖓᓄᑦ.”
27ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᑕᒪᒃᑯᐊ ᐅᖃᐅᓰᑦ ᑎᑎᕋᕐᑕᒃᓴᕆᕙᑎᑦ, ᑕᒪᒃᑯᐊ ᐅᖃᐅᓰᑦ ᑐᓐᖓᕕᒋᓗᒋᑦ ᐊᖏᖃᑎᒌᖕᓂᕐᒥᒃ ᐋᖅᑭᒃᓯᓂᐊᕋᒪ ᐃᓕᖕᓄᑦ ᐃᓴᕆᐊᓕᐅᒥᐅᓄᓪᓗ.” 28ᒨᓯᓯᓗ ᑕᕝᕙᓃᑉᐳᖅ ᐊᑕᓂᕐᒥ ᐅᓪᓗᓂᒃ ᐅᓐᓄᐊᓂᒡᓗ 40ᓂᒃ, ᓂᕆᓚᐅᕋᓂ ᐃᒥᓚᐅᕋᓂᓗ. ᐅᖃᐅᓰᓪᓗ ᐊᖏᖃᑎᒌᒍᑏᑦ ᑎᑎᕋᓚᐅᕐᐰᑦ ᐅᔭᕋᒃᑯᑦ, ᐱᖁᔭᑦ ᖁᓕᑦ.
ᒨᓯᓯᐅᑉ ᐊᖅᑲᕐᓂᖓ ᖃᖅᑲᒥᑦ ᓮᓁᒥᑦ
29 #
2 ᑯᕆᓐᑎ 3:7-16. ᒨᓯᓯᓕ ᖃᖅᑲᒥᑦ ᓮᓁᒥᑦ ᐊᖅᑲᓕᕐᐳᖅ ᐅᔭᕋᒃᑯᑦ ᑎᑎᕋᕐᓯᒪᔫᖕᓂᒃ ᒪᕐᕉᖕᓂᒃ ᓇᒃᓴᕐᓗᓂ, ᒨᓯᓯᓕ ᖃᐅᔨᒪᓚᐅᓐᖏᓚᖅ ᑮᓇᖓᑕ ᐅᕕᓂᖓ ᖃᐅᒻᒪᒃᓯᒪᓂᖓᓂᒃ, ᒎᑎᒥᒃ ᐅᖃᖃᑎᖃᕐᓯᒪᓂᕐᒥᓄᑦ. 30ᐂᕉᓂᓕ ᐃᓴᕆᐊᓕᒥᐅᓪᓗ ᐃᓄᖏᑦ ᑕᑯᒐᒥᒃ ᒨᓯᓯᒥᒃ, ᑕᑯᓚᐅᕐᐳᑦ ᑮᓇᖓᑕ ᖃᐅᒻᒪᒃᓯᒪᓂᖓᓂᒃ, ᑖᑦᓱᒧᖓᓗ ᖃᒡᓕᔭᕆᐊᒃᓴᖅ ᑲᑉᐱᐊᓱᓕᕐᓗᑎᒃ. 31ᒨᓯᓯᐅᓪᓕ ᕾᖁᕔᑦ, ᐂᕉᓂᓗ ᓄᓇᓕᖕᓂᓗ ᑕᓯᐅᕐᑎᐅᔪᓕᒫᑦ ᑖᑦᓱᒧᓐᖓᕐᐳᑦ, ᒨᓯᓯᐅᓪᓗ ᐅᖃᕐᕕᒋᓕᕐᐰᑦ. 32ᑭᖑᓂᖓᒍᓪᓕ ᐃᓴᕆᐊᓕᒥᐅᑦ ᐃᓄᓕᒫᖏᑦ ᑕᕝᕗᓐᖓᓕᕐᐳᑦ, ᒨᓯᓯᐅᓪᓗ ᑐᓂᓯᕕᒋᓕᕐᐰᑦ ᐱᖁᔭᓕᒫᓂᒃ ᐊᑕᓂᐅᑉ ᑐᓂᓚᐅᕐᑕᖏᓐᓂᒃ ᒨᓯᓯᒧᑦ ᖃᖅᑲᒥ ᓮᓁᒥ. 33ᒨᓯᓯᓕ ᑖᒃᑯᓄᖓ ᐅᖃᓪᓚᒌᕋᒥ, ᑮᓇᓂ ᒪᑐᐊᕐᒧᑦ ᐅᓕᒃᐹ; 34ᒨᓯᓯᓕ ᐊᑕᓂᕐᒧᑦ ᐅᖃᓪᓚᒋᐊᕐᑐᓕᑐᐊᕌᖓᒥ ᑮᓇᕐᒥᓄᑦ ᐅᓕᒋᔭᓂ ᐲᖃᑦᑕᕐᐹ, ᑕᕝᕙᓐᖓᑦ ᐊᓂᓚᐅᖏᓐᓂᕐᒥᓂ; ᑕᕝᕙᓐᖓᓪᓕ ᐊᓂᔭᕌᖓᒥ ᐃᓴᕆᐊᓕᒥᐅᑦ ᐃᓄᖏᓐᓄᑦ ᐅᖃᐅᓯᖃᖃᑦᑕᕐᐳᖅ ᐱᖁᔭᐅᑦᔪᑎᓕᒫᒥᓂᒃ, 35ᐃᓴᕆᐊᓕᒥᐅᓂᓪᓕ ᒨᓯᓯᐅᑉ ᑮᓇᖓ ᑕᑯᔭᐅᓚᐅᕐᐳᖅ, ᑮᓇᖓᑕ ᖃᐅᒪᓂᖓ, ᑕᕝᕙ ᒨᓯᓯᐅᑉ ᑮᓇᓂ ᒪᑐᐊᕐᒧᑦ ᐅᓕᒃᑲᓐᓂᖃᑦᑕᕐᐹ, ᑕᕝᕗᖓ ᐊᑕᓂᕐᒥᒃ ᐅᖃᖃᑎᖃᕆᐊᕐᑐᕐᓗᓂ ᐅᑎᓚᐅᖏᓐᓂᕐᒥᓂ.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.