ᒨᓯᓯ ᐂᑉᐸᖏᑦ 35
35
ᓴᐸᑎᒧᑦ ᒪᓕᒐᕆᔭᐅᔪᒃᓴᑦ
1ᒨᓯᓯ ᑕᕝᕙ ᑲᑎᖁᔨᕗᖅ ᐃᓴᕆᐊᓕᒥᐅᑦ ᐃᓄᓕᒫᖏᓐᓂᒃ ᐅᖃᐅᑎᓪᓗᒋᓪᓗ, “ᐃᒫᒃ ᑕᕝᕙ ᐊᑕᓂᖅ ᐃᓕᑦᓯᓐᓂᒃ ᐱᖁᔨᓯᒪᕗᖅ, 2#ᒨᓯᓯ ᐂᑉᐸᖏᑦ 20:8-11; 23:12; 31:15; 34:21; ᒨᓯᓯ ᐱᖓᔪᖏᑦ 23:3; ᒨᓯᓯ ᑕᓪᓕᒪᖏᑦ 5:12-14.ᐅᓪᓗᓂᒃ 6ᓂᒃ ᐱᓇᓱᐊᒐᒃᓴᑦᓯᓐᓂᒃ ᐱᓇᓱᐊᕐᑐᒃᓴᐅᕗᓯ, ᐅᓪᓗᓪᓕ 7ᖓᓐᓂ ᑕᕾᕐᓯᕐᑐᒃᓴᐅᕗᓯ ᐅᓪᓗᕐᓗ ᑖᓐᓇ ᐃᑦᔪᕐᓁᑎᓪᓗᒍ ᐊᑕᓂᐅᑉ ᐅᓪᓗᕆᖕᒪᒍ; ᓇᓪᓕᐊᑦ ᑕᕝᕙᓂ ᐅᓪᓗᒥ ᐱᓇᓱᐊᕐᑐᖅ ᑖᓐᓇ ᑐᖁᑕᐅᔪᒃᓴᐅᕗᖅ; 3ᐃᑯᒪᒥᒡᓘᓐᓃᑦ ᐃᑭᑦᓯᔪᒃᓴᐅᓐᖏᓚᓯ ᓴᐸᑎᐅᑉ ᐅᓪᓗᖓᓂ ᓇᓂᓕᒫᖅ ᐊᖏᕐᕋᑦᓯᓐᓂ.”
ᑐᓂᕐᕈᓯᕐᓂᖅ ᐃᑦᔪᕐᓁᑦᑐᒥ ᑐᐱᕐᒥ
ᒨᓯᓯ ᐂᑉᐸᖏᑦ 25:1-9
4ᒨᓯᓯ ᐃᓴᕆᐊᓕᒥᐅᓕᒫᓄᑦ ᐅᖃᕐᐳᖅ, “ᐃᒫᒃ ᑕᕝᕙ ᐊᑕᓂᖅ ᐱᖁᔨᓯᒪᕗᖅ: 5ᐊᑕᓂᕐᒧᑦ ᑐᓂᕐᕈᓯᕐᑐᒃᓴᐅᕗᓯ, ᑭᓇᒃᑯᓕᒫᑦ ᑐᓂᓯᔪᒪᔪᑦ ᑐᓂᕐᕈᓯᕐᑐᒃᓴᐅᕗᑦ; ᒪᑯᐊ ᑕᕝᕙ ᑐᓂᔭᐅᔪᓐᓇᕐᐳᑦ ᒎᓗᐃᑦ, ᓯᐅᓪᕕᕇᑦ, ᐅᕝᕙᓗ ᑲᓐᓄᔧᑦ, 6ᐅᕕᓂᕈᒃᓴᔧᓪᓗ ᓵᑦᑐᑦ; ᑐᖑᔪᕐᑐᐃᑦ ᐊᐅᐸᓪᓚᕆᒃᑐᓪᓗ#35:6 ᐊᐅᐸᓪᓚᕆᒃᑐᑦ ᐅᕝᕙᓗ ᐃᑦᑎᓐᖑᐊᑦ ᐊᐅᐸᕐᑐᓪᓗ ᓄᕕᕐᓵᒃᓮᑦ; ᐊᓐᓄᕌᓕᐊᕆᓯᒪᔪᓪᓗ ᒎᓯᐅᑉ ᒥᖅᑯᖏᓐᓂᑦ. 7ᓰᐱᐅᓪᓗ ᐊᖑᓴᓪᓗᖏᑕ ᐊᒥᖏᓐᓂᒃ ᕿᑐᒻᒪᒃᓴᕐᓯᒪᔪᓂᒃ ᐊᐅᐸᕐᑐᓂᒃ, ᐊᒥᕐᓂᒡᓗ ᕿᑐᒻᒪᒃᓴᕐᓯᒪᔪᓂᒃ, ᕿᔪᖕᓂᒡᓗ ᑎᓴᒃᑕᓂᒃ#35:7 ᑎᓴᒃᑕᓂᒃ ᐅᕝᕙᓗ ᓯᑎᔪᔭᓂᒃ ᐊᑬᑦᓯᐊᓂᒃ ᐊᑎᓕᖕᓂᒃ, 8ᓇᓂᕈᐊᓪᓗ ᐅᕐᓱᒃᓴᖏᓐᓂᒃ, ᓇᐹᕐᑑᓪᓗ ᐅᕐᓱᖓᑕ ᒥᖑᐊᕐᓯᒍᑎᐅᑉ ᑎᐱᑦᓯᐊᕆᒃᓴᐅᑎᖓᓂᒃ, ᑎᐱᑦᓯᐊᕆᒃᑐᓂᒡᓗ ᐃᓯᕐᓗᐊᕐᓂᑎᑦᓯᒍᑎᒃᓴᓂᒃ, 9ᐅᔭᕋᖕᓂᒡᓗ ᐊᑭᑐᔪᒃᓴᔭᓂᒃ ᐊᑎᖃᕐᑐᓂᒃ ᑳᕐᓂᓕᐊᓂᒃ, ᐊᓯᖏᓐᓂᒡᓗ ᐅᔭᕋᖕᓂᒃ ᐱᐅᓴᐅᑎᒋᔭᐅᔪᒃᓴᓂᒃ, ᑐᓂᕐᕈᓯᕐᑎᑦᓯᔩᑦ ᓴᒡᕕᖕᒥᐅᑕᖏᓐᓂ ᐃᐹᑎᒥᒃ ᐊᑎᓕᖕᒥᒃ.”
ᓱᓇᑐᐃᓐᓇᒃᓮᑦ ᐊᑕᓂᐅᑉ ᓇᔪᒐᖓᓄᑦ ᑐᐱᕐᒧᑦ
ᒨᓯᓯ ᐂᑉᐸᖏᑦ 39:32-43
10“ᑕᒪᕐᒥᑦᓯᐊᖅ ᓴᓇᔪᓐᓇᑦᓯᐊᕐᑐᑦ ᐃᓕᑦᓯᓐᓃᑦᑐᑦ ᓴᓇᔪᒃᓴᐅᕗᑦ ᑐᐱᐅᑉ ᐃᓗᐊᓃᑦᑐᒃᓴᓕᒫᓂᒃ ᐊᑕᓂᐅᑉ ᓴᓇᔭᐅᖁᓯᒪᔭᖏᓐᓂᒃ: 11ᑐᐱᖅ ᓯᓚᑉᐱᐊᖓᓗ, ᓂᒃᓯᖏᓪᓗ ᓯᓇᕐᔪᒃᓯᐅᑎᖏᓪᓗ, ᐃᑳᖓᔪᖏᓪᓗ, ᓇᐸᔪᖏᓪᓗ, ᓇᐸᔪᖏᑕᓗ ᑐᓐᖓᕕᒃᓴᖏᑦ; 12ᐊᖏᖃᑎᒌᖕᓂᐅᓪᓗ ᐃᒃᓯᕐᕕᖁᑎᒃᓴᖓ, ᓇᐸᔪᒃᓴᖏᓪᓗ, ᒪᑐᒃᓴᖓᓗ, ᐊᕙᑖᒍᓪᓗ ᑖᓗᑕᒃᓴᖏᑦ; 13ᓵᓗ, ᓂᐅᒃᓴᖏᓪᓗ, ᓱᓇᑐᐃᓐᓇᒃᓴᓕᒫᖏᓪᓗ; ᓂᐊᑰᔭᓪᓗ ᑐᓂᔭᐅᔪᒃᓴᑦ ᒎᑎᒧᑦ; 14ᓇᓂᕈᐊᓪᓗ ᑐᓐᖓᕕᒃᓴᖏᑦ ᖃᐅᒻᒪᖅᑯᑎᒃᓮᓪᓗ, ᓱᓇᑐᐃᓐᓇᒃᓴᓕᒫᖏᓪᓗ; ᓇᓂᕈᐊᒃᓮᓪᓗ, ᓇᓂᕈᐊᓪᓗ ᐅᕐᓱᒃᓴᖏᑦ; 15ᑐᓂᕐᕈᓯᕐᕕᒃᓮᑦ ᐃᓯᕐᓗᐊᕐᓂᑎᑦᓯᕕᒃᓮᓪᓗ ᓂᐅᒃᓴᖏᓪᓗ; ᓇᐹᕐᑑᓪᓗ ᐅᕐᓱᖏᑦ ᒥᖑᐊᕐᓯᒍᑎᒃᓮᑦ; ᑎᐱᑦᓯᐊᕆᒃᑐᓪᓗ ᐃᓯᕐᓗᐊᕐᓂᑎᑦᓯᒍᑎᒃᓮᑦ; ᐃᑎᕐᑕᕐᕕᖓᑕᓗ ᑖᓗᑕᒃᓴᖓ, ᑐᐱᐅᓪᓗ ᒪᑐᒃᓴᖓ; 16ᑐᓂᕐᕈᓯᕐᕕᖕᒥᒃ ᑐᓂᕐᕈᑎᒃᓴᓄᑦ ᐃᑯᐊᓚᑎᑕᒃᓴᓄᑦ, ᐃᑯᐊᓚᑦᓯᕕᒃᓴᖏᓐᓂᒡᓗ ᐃᑳᖓᔪᓂᒃ ᑲᓐᓄᔭᓂᒃ, ᐊᓯᖏᓪᓗ ᓱᓇᑐᐃᓐᓇᒃᓴᓕᒫᖏᑦ, ᐴᒍᑕᕐᓗ ᐅᐊᓴᕐᕕᒃᓴᖅ ᐊᓪᓕᕋᒃᓴᖓᓗ; 17ᑐᐱᐅᓪᓗ ᓯᓚᓪᓕᐅᔭᖓᑕ ᐊᕙᓗᒃᓴᖏᑦ, ᓇᐸᔪᒃᓴᖏᑦ ᑐᓐᖓᕕᒃᓴᖏᓪᓗ; ᑐᐱᐅᓪᓗ ᓯᓚᓪᓕᐅᔭᖓᑕ ᐃᑎᕐᑕᕐᕕᖓᑕ ᑖᓗᑕᒃᓴᖏᑦ; 18ᑐᐱᐅᓪᓗ ᓄᖃᕐᑑᑎᖏᑕ ᐸᐅᒍᐊᒃᓴᖏᑦ ᓄᖃᕐᑑᑎᒃᓴᖏᓪᓗ; ᑐᐱᐅᓪᓗ ᓯᓚᓪᓕᐅᔭᖓᑕ ᓄᖃᕐᑑᑎᖏᑕ ᐸᐅᒍᐊᒃᓴᖏᑦ ᓄᖃᕐᑑᑎᒃᓴᖏᓪᓗ; 19ᑐᓂᕐᕈᓯᕐᑎᑦᓯᔩᓪᓗ ᐊᓐᓄᕌᒃᓴᖏᑦ ᐃᑦᔪᕐᓁᑦᑑᔪᑦ ᐊᑐᖃᑦᑕᕆᐊᓕᖏᑦ ᐱᓇᓱᐊᕐᓂᐊᓕᕅᒍᑎᒃ ᐃᑦᔪᕐᓁᑦᑐᕕᖕᒥ, ᐂᕉᓂᐅᓪᓗ ᐊᓐᓄᕌᒃᓴᖏᑦ ᐃᕐᓂᖏᑕᓗ ᐊᓐᓄᕌᒃᓴᖏᑦ ᐃᑦᔪᕐᓁᑦᑐᑦ ᑐᓂᕐᕈᓯᕐᑎᑦᓯᔨᓯᐅᑎᒃᓮᑦ.”
ᐃᓄᐃᑦ ᑐᓂᕐᕈᑎᒥᖕᓂᒃ ᐋᑦᓯᕐᓂᖏᑦ
20ᑕᕝᕙ ᐃᓴᕆᐊᓕᒥᐅᑦ ᐃᓄᓕᒫᖏᑦ ᒨᓯᓯᒥᑦ ᕿᒪᕉᑎᕗᑦ. 21ᕾᓚᐅᕐᐳᓪᓗ, ᐆᒻᒪᑎᒥᒍᑦ ᐊᐅᓚᑦᔭᒃᑕᐅᔪᓕᒫᑦ, ᐊᓂᕐᓂᖓᓄᓪᓗ ᐃᒃᐱᒋᑎᑕᐅᔪᑦ, ᑐᓂᕐᕈᓯᕈᒪᓪᓗᑎᒃ ᐊᑕᓂᕐᒧᑦ ᑐᐱᓕᐅᕐᑐᓄᑦ ᑲᑎᒪᕕᒃᓴᒥᒃ ᐊᑐᕐᑕᐅᔪᒃᓴᓂᒃ, ᑐᓂᓯᓚᐅᕐᐳᑦ ᑭᓐᖒᒪᒋᔭᐅᔪᓕᒫᓂᒃ ᑐᒃᓯᐊᕐᓂᕐᒧᑦ ᐊᑐᕐᑕᐅᔪᒃᓴᓕᒫᓂᒃ ᑐᓂᕐᕈᓯᕐᑎᑦᓯᔨᓄᓪᓗ ᐊᓐᓄᕌᒃᓴᓂᒃ ᐃᑦᔪᕐᓁᑦᑐᓂᒃ. 22ᑍᒤᒻᒪᑦ ᐊᖑᑎᑦ ᐊᕐᓁᓪᓗ ᕾᓚᐅᕐᐳᑦ; ᐆᒻᒪᑎᒥᒍᑦ ᑲᑦᓱᖎᓕᔪᓕᒫᑦ ᑐᓂᕐᕈᓯᓚᐅᕐᐳᑦ ᐱᐅᓴᕐᓯᒪᔪᓂᒃ ᑲᒃᑯᑎᓂᒃ,#35:22 ᑲᒃᑯᑎᓂᒃ ᐅᕝᕙᓗ ᖃᑭᖅᑯᐊᓂᒃ ᓯᐅᑎᒥᐅᑕᕐᓂᒃ, ᓇᒡᒍᐊᕐᒥᖕᓂᒃ,#35:22 ᓇᒡᒍᐊᕐᒥᒃ ᐅᕝᕙᓗ ᕿᑎᕐᓯᕐᒥᒃ ᐅᕝᕙᓗ ᐊᒡᒐᖕᒥᒃ ᐅᔭᒥᖕᓂᒃ ᖃᓄᐃᑦᑐᑐᐃᓐᓇᓂᒡᓗ ᐱᐅᓴᐅᑎᓂᒃ ᒎᓗᓂᒃ; ᑕᒪᒃᑯᐊᓗ ᒎᓗᐃᑦ ᑐᓂᕐᕈᑕᐅᓚᐅᕐᐳᑦ ᐊᑕᓂᕐᒧᑦ. 23ᖃᓪᓗᓈᕐᑕᑦᓯᐊᖁᑎᓕᓕᒫᓪᓗ; ᑐᖑᔪᕐᑕᓂᒃ, ᐊᐅᐸᓪᓚᕆᒃᑐᓂᒃ, ᓄᕕᕐᓵᒃᓴᓂᒡᓗ ᐊᐅᐸᕐᑐᓂᒃ; ᐊᓐᓄᕌᓕᐊᕆᓯᒪᔪᓂᒡᓗ ᒎᑦᓯᐅᑉ ᒥᖅᑯᕕᓂᖏᓐᓂᑦ, ᓰᐱᐅᓪᓗ ᐊᖑᓴᓪᓗᖏᑕ ᐊᒥᖏᓐᓂᒃ ᕿᑐᒻᒪᒃᓴᕐᓯᒪᔪᓂᒃ ᐊᐅᐸᕐᑐᓂᒃ, ᐊᒥᕐᓂᒡᓗ ᕿᑐᒻᒪᒃᓴᑦᓯᐊᕐᓯᒪᔪᓂᒃ, ᑕᒪᒃᑯᐊ ᑐᓂᔭᐅᓚᐅᕐᐳᑦ. 24ᑐᓂᔭᐅᔪᓐᓇᕐᑐᓕᒫᓂᒡᓗ ᓯᐅᓪᕕᕆᓂᒃ ᑲᓐᓄᔭᓂᒡᓘᓐᓃᑦ ᑐᓂᓯᓚᐅᕐᐳᑦ ᐊᑕᓂᕐᒧᑦ, ᕿᔪᖕᓂᒡᓗ ᑎᓴᒃᑕᓂᒃ ᐱᖁᑎᓖᑦ ᐊᑬᑦᓯᐊᓂᒃ ᐊᑎᓕᖕᓂᒃ ᖃᓄᑐᐃᓐᓇᖅ ᐊᑐᕐᑕᐅᔪᓐᓇᕋᔭᕐᑐᓂᒃ ᐱᓇᓱᐊᕈᑕᐅᔪᓐᓇᕋᔭᕐᑐᓂᒡᓗ ᑕᒤᓐᓂᒃ ᑐᓂᓯᓚᐅᕐᐳᑦ. 25ᐊᕐᓁᓪᓗ ᑕᒪᕐᒥᒃ ᐱᓇᓱᐊᕈᓐᓇᑦᓯᐊᕐᑐᑦ ᖃᓪᓗᓈᕐᑕᑦᓯᐊᕙᖕᓂᒃ ᐃᕙᓗᒃᓴᔭᓂᒃ ᑐᓂᕐᕈᓯᕐᐳᑦ ᐃᕙᓗᒃᓴᓂᒡᓗ ᑐᖑᔪᕐᑐᓂᒃ, ᐊᐅᐸᓪᓚᕆᒃᑐᓂᒡᓗ, ᐊᐅᐸᕐᑐᓂᒡᓗ ᓄᕕᕐᓵᒃᓴᓂᒃ, ᑕᒪᒃᑯᓂᖓ ᓴᓇᓯᒪᔭᒥᖕᓂᒃ. 26ᐊᕐᓁᓪᓗ ᑕᒪᕐᒥᒃ ᓄᕕᕐᓵᒃᓴᓕᐅᕈᓐᓇᕐᑐᑦ ᐆᒻᒪᑎᒥᒍᑦ ᐃᒃᐱᒋᑎᑕᐅᔪᑦ ᒎᑦᓯᐅᑉ ᒥᖅᑯᖏᓐᓂᒃ ᓄᕕᕐᓵᒃᓴᓕᐅᓚᐅᕐᐳᑦ. 27ᐊᖓᔪᖅᑳᖑᔪᓪᓕ ᑐᓂᓯᕗᑦ ᐅᔭᕋᖕᓂᒃ ᐱᐅᔫᑎᐊᓗᖕᓂᒃ ᐅᓂᒃᓯᓂᒃ ᐊᑎᓕᖕᓂᒃ ᐊᓯᖏᓐᓂᒡᓗ ᐅᔭᕋᖕᓂᒃ ᐊᑐᕐᑐᒃᓴᓂᒃ 28ᑎᐱᑦᓯᐊᕆᒃᓴᐅᑎᓂᒡᓗ ᓇᓂᕈᐊᓪᓗ ᐅᕐᓱᒃᓴᖏᓐᓂᒃ, ᓇᐹᕐᑑᓪᓗ ᐅᕐᓱᖏᑦ ᒥᖑᐊᕐᓯᒍᑎᒃᓮᑦ, ᑎᐱᑦᓯᐊᕆᒃᓴᐅᑎᓪᓗ ᐃᓯᕐᓗᐊᕐᓂᕐᑎᑕᒃᓮᑦ. 29ᐃᓴᕆᐊᓕᒥᐅᓪᓗ ᐃᓄᖏᑦ ᑕᒪᕐᒥᒃ ᐆᒻᒪᑎᒥᒍᑦ ᐃᒃᐱᒋᑎᑕᐅᔪᓕᒫᑦ ᑐᓂᕐᕈᓯᕆᐊᕐᑐᓚᐅᕐᐳᑦ ᓴᓇᔭᒃᓴᐅᒐᔭᕐᑐᓂᒃ ᐊᑕᓂᐅᑉ ᒨᓯᓯᒧᑦ ᓴᓇᔭᐅᖁᓚᐅᕐᑕᖏᑦ ᒪᓕᒡᓗᒋᑦ.
ᓴᓇᓐᖑᐊᕐᑏᑦ ᑐᐱᕐᒥ ᐊᑕᓂᐅᑉ ᓇᔪᒐᖓᓂ ᓴᓇᔪᒃᓮᑦ
30ᑕᕝᕙ ᒨᓯᓯ ᐅᖃᕐᐳᖅ ᐃᓴᕆᐊᓕᒥᐅᓄᑦ, “ᐊᑕᓂᖅ ᓂᕈᐊᕐᓯᒪᕗᖅ ᐱᔭᓕᐅᓪᒥᒃ, ᐅᕆᐅᑉ ᐃᕐᓂᖓᓂᒃ ᕼᐊᕆᐅᑉ ᐃᕐᖑᑕᖓᓂᒃ, ᔫᑕᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ. 31ᒎᑎᐅᑉ ᐃᓗᒻᒥᕐᑎᓯᒪᖕᒪᒍ ᐱᔪᓐᓇᕐᓂᕐᒥᒃ ᓴᓇᒃᑲᐅᓂᕐᒥᒡᓗ, ᐱᓇᓱᐊᕈᓐᓇᕐᓂᕐᒥᒡᓗ, ᖃᐅᔨᒪᓂᕐᒥᒡᓗ ᖃᓄᑐᐃᓐᓇᖅ ᐃᓱᒪᒐᓱᒍᓐᓇᕐᓂᕐᒥᒃ ᖃᓄᐃᓕᐅᕆᐊᒃᓴᒥᒃ, 32ᐋᖅᑭᑦᓯᐊᕐᓯᒪᔪᐊᓗᖕᓂᒡᓗ ᐃᓱᒪᒃᓴᕐᓯᐅᕈᓐᓇᕐᓂᕐᒥᒃ, ᒎᓗᓂᒃ ᓯᐅᓪᕕᕆᓂᒡᓗ ᑲᓐᓄᔭᓂᒡᓗ ᐱᓇᓱᐊᕈᓐᓇᕐᓂᕐᒥᒃ; 33ᐅᔭᕋᖕᓂᒡᓗ ᑕᑯᒥᓇᕐᓴᐅᑎᓕᐅᕈᓐᓇᕐᓂᕐᒥᒃ; ᕿᔪᖕᓂᒡᓗ ᓴᓇᓐᖑᐊᕈᓐᓇᕐᓂᕐᒥᒃ; ᐊᓯᓕᒫᖏᓐᓂᒡᓗ ᖃᓄᐃᑦᑐᑐᐃᓐᓇᕐᓂᒃ ᓴᓇᔭᒃᓴᓂᒃ ᐋᖅᑭᑦᓯᐊᕐᓯᔪᓐᓇᕐᓂᕐᓂᒃ. 34ᑖᓐᓇᓗ ᐊᑕᓂᐅᑉ ᐃᓱᒪᑖᕐᑎᓯᒪᕚ ᐊᓯᒥᓂᒃ ᐃᓕᓮᒍᓐᓇᕐᓂᕐᒥᒃ ᐃᑲᔪᕐᑎᖃᕐᓗᓂ ᐅᕼᐅᓕᐊᑉᒥᒃ ᐊᕼᐃᓴᒪᑭᐅᑉ ᐃᕐᓂᖓᓂᒃ, ᑖᓐ ᑭᖑᕚᖏᓐᓂᑦ ᐱᓯᒪᔪᒥᒃ. 35ᑖᒃᑯᐊᓗ ᐃᓗᒻᒥᕐᑎᓯᒪᕔᑦ ᓱᓇᑐᐃᓐᓇᓕᒫᓂᒃ ᓴᓇᔪᓐᓇᕐᓂᕐᓂᒃ ᓴᓇᓐᖑᐊᕈᓐᓇᕐᓂᕐᓂᒡᓗ, ᐃᒤᓕᖓᓂᒃᓴᖏᓐᓂᒡᓗ ᐋᖅᑭᒃᓱᐃᔪᓐᓇᕐᓂᕐᓂᒃ, ᖃᓪᓗᓈᕐᑕᑦᓯᐊᓂᒡᓗ ᓄᕕᓴᕈᓐᓇᕐᓂᕐᓂᒃ; ᑐᖑᔪᕐᑐᓂᒃ, ᐊᐅᐸᓪᓚᕆᒃᑐᓂᒃ, ᓄᕕᕐᓵᒃᓴᓂᒡᓗ ᐊᐅᐸᕐᑐᓂᒃ; ᐊᓯᖏᓐᓂᒡᓗ ᖃᓪᓗᓈᕐᑕᓂᒃ. ᑖᒃᑯᐊᓗ ᓴᓇᔪᓐᓇᕐᐳᑦ ᖃᓄᐃᑦᑐᑐᐃᓐᓇᑦᓯᐊᓂᒃ ᐋᖅᑭᑦᓯᐊᕐᓯᒪᔪᐊᓗᖕᓂᒃ ᐃᒤᓕᖓᓂᒃᓴᖏᓐᓂᒃ ᐋᖅᑭᒃᓱᐃᔪᓐᓇᕐᓗᑎᒃ.”
Currently Selected:
ᒨᓯᓯ ᐂᑉᐸᖏᑦ 35: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᒨᓯᓯ ᐂᑉᐸᖏᑦ 35
35
ᓴᐸᑎᒧᑦ ᒪᓕᒐᕆᔭᐅᔪᒃᓴᑦ
1ᒨᓯᓯ ᑕᕝᕙ ᑲᑎᖁᔨᕗᖅ ᐃᓴᕆᐊᓕᒥᐅᑦ ᐃᓄᓕᒫᖏᓐᓂᒃ ᐅᖃᐅᑎᓪᓗᒋᓪᓗ, “ᐃᒫᒃ ᑕᕝᕙ ᐊᑕᓂᖅ ᐃᓕᑦᓯᓐᓂᒃ ᐱᖁᔨᓯᒪᕗᖅ, 2#ᒨᓯᓯ ᐂᑉᐸᖏᑦ 20:8-11; 23:12; 31:15; 34:21; ᒨᓯᓯ ᐱᖓᔪᖏᑦ 23:3; ᒨᓯᓯ ᑕᓪᓕᒪᖏᑦ 5:12-14.ᐅᓪᓗᓂᒃ 6ᓂᒃ ᐱᓇᓱᐊᒐᒃᓴᑦᓯᓐᓂᒃ ᐱᓇᓱᐊᕐᑐᒃᓴᐅᕗᓯ, ᐅᓪᓗᓪᓕ 7ᖓᓐᓂ ᑕᕾᕐᓯᕐᑐᒃᓴᐅᕗᓯ ᐅᓪᓗᕐᓗ ᑖᓐᓇ ᐃᑦᔪᕐᓁᑎᓪᓗᒍ ᐊᑕᓂᐅᑉ ᐅᓪᓗᕆᖕᒪᒍ; ᓇᓪᓕᐊᑦ ᑕᕝᕙᓂ ᐅᓪᓗᒥ ᐱᓇᓱᐊᕐᑐᖅ ᑖᓐᓇ ᑐᖁᑕᐅᔪᒃᓴᐅᕗᖅ; 3ᐃᑯᒪᒥᒡᓘᓐᓃᑦ ᐃᑭᑦᓯᔪᒃᓴᐅᓐᖏᓚᓯ ᓴᐸᑎᐅᑉ ᐅᓪᓗᖓᓂ ᓇᓂᓕᒫᖅ ᐊᖏᕐᕋᑦᓯᓐᓂ.”
ᑐᓂᕐᕈᓯᕐᓂᖅ ᐃᑦᔪᕐᓁᑦᑐᒥ ᑐᐱᕐᒥ
ᒨᓯᓯ ᐂᑉᐸᖏᑦ 25:1-9
4ᒨᓯᓯ ᐃᓴᕆᐊᓕᒥᐅᓕᒫᓄᑦ ᐅᖃᕐᐳᖅ, “ᐃᒫᒃ ᑕᕝᕙ ᐊᑕᓂᖅ ᐱᖁᔨᓯᒪᕗᖅ: 5ᐊᑕᓂᕐᒧᑦ ᑐᓂᕐᕈᓯᕐᑐᒃᓴᐅᕗᓯ, ᑭᓇᒃᑯᓕᒫᑦ ᑐᓂᓯᔪᒪᔪᑦ ᑐᓂᕐᕈᓯᕐᑐᒃᓴᐅᕗᑦ; ᒪᑯᐊ ᑕᕝᕙ ᑐᓂᔭᐅᔪᓐᓇᕐᐳᑦ ᒎᓗᐃᑦ, ᓯᐅᓪᕕᕇᑦ, ᐅᕝᕙᓗ ᑲᓐᓄᔧᑦ, 6ᐅᕕᓂᕈᒃᓴᔧᓪᓗ ᓵᑦᑐᑦ; ᑐᖑᔪᕐᑐᐃᑦ ᐊᐅᐸᓪᓚᕆᒃᑐᓪᓗ#35:6 ᐊᐅᐸᓪᓚᕆᒃᑐᑦ ᐅᕝᕙᓗ ᐃᑦᑎᓐᖑᐊᑦ ᐊᐅᐸᕐᑐᓪᓗ ᓄᕕᕐᓵᒃᓮᑦ; ᐊᓐᓄᕌᓕᐊᕆᓯᒪᔪᓪᓗ ᒎᓯᐅᑉ ᒥᖅᑯᖏᓐᓂᑦ. 7ᓰᐱᐅᓪᓗ ᐊᖑᓴᓪᓗᖏᑕ ᐊᒥᖏᓐᓂᒃ ᕿᑐᒻᒪᒃᓴᕐᓯᒪᔪᓂᒃ ᐊᐅᐸᕐᑐᓂᒃ, ᐊᒥᕐᓂᒡᓗ ᕿᑐᒻᒪᒃᓴᕐᓯᒪᔪᓂᒃ, ᕿᔪᖕᓂᒡᓗ ᑎᓴᒃᑕᓂᒃ#35:7 ᑎᓴᒃᑕᓂᒃ ᐅᕝᕙᓗ ᓯᑎᔪᔭᓂᒃ ᐊᑬᑦᓯᐊᓂᒃ ᐊᑎᓕᖕᓂᒃ, 8ᓇᓂᕈᐊᓪᓗ ᐅᕐᓱᒃᓴᖏᓐᓂᒃ, ᓇᐹᕐᑑᓪᓗ ᐅᕐᓱᖓᑕ ᒥᖑᐊᕐᓯᒍᑎᐅᑉ ᑎᐱᑦᓯᐊᕆᒃᓴᐅᑎᖓᓂᒃ, ᑎᐱᑦᓯᐊᕆᒃᑐᓂᒡᓗ ᐃᓯᕐᓗᐊᕐᓂᑎᑦᓯᒍᑎᒃᓴᓂᒃ, 9ᐅᔭᕋᖕᓂᒡᓗ ᐊᑭᑐᔪᒃᓴᔭᓂᒃ ᐊᑎᖃᕐᑐᓂᒃ ᑳᕐᓂᓕᐊᓂᒃ, ᐊᓯᖏᓐᓂᒡᓗ ᐅᔭᕋᖕᓂᒃ ᐱᐅᓴᐅᑎᒋᔭᐅᔪᒃᓴᓂᒃ, ᑐᓂᕐᕈᓯᕐᑎᑦᓯᔩᑦ ᓴᒡᕕᖕᒥᐅᑕᖏᓐᓂ ᐃᐹᑎᒥᒃ ᐊᑎᓕᖕᒥᒃ.”
ᓱᓇᑐᐃᓐᓇᒃᓮᑦ ᐊᑕᓂᐅᑉ ᓇᔪᒐᖓᓄᑦ ᑐᐱᕐᒧᑦ
ᒨᓯᓯ ᐂᑉᐸᖏᑦ 39:32-43
10“ᑕᒪᕐᒥᑦᓯᐊᖅ ᓴᓇᔪᓐᓇᑦᓯᐊᕐᑐᑦ ᐃᓕᑦᓯᓐᓃᑦᑐᑦ ᓴᓇᔪᒃᓴᐅᕗᑦ ᑐᐱᐅᑉ ᐃᓗᐊᓃᑦᑐᒃᓴᓕᒫᓂᒃ ᐊᑕᓂᐅᑉ ᓴᓇᔭᐅᖁᓯᒪᔭᖏᓐᓂᒃ: 11ᑐᐱᖅ ᓯᓚᑉᐱᐊᖓᓗ, ᓂᒃᓯᖏᓪᓗ ᓯᓇᕐᔪᒃᓯᐅᑎᖏᓪᓗ, ᐃᑳᖓᔪᖏᓪᓗ, ᓇᐸᔪᖏᓪᓗ, ᓇᐸᔪᖏᑕᓗ ᑐᓐᖓᕕᒃᓴᖏᑦ; 12ᐊᖏᖃᑎᒌᖕᓂᐅᓪᓗ ᐃᒃᓯᕐᕕᖁᑎᒃᓴᖓ, ᓇᐸᔪᒃᓴᖏᓪᓗ, ᒪᑐᒃᓴᖓᓗ, ᐊᕙᑖᒍᓪᓗ ᑖᓗᑕᒃᓴᖏᑦ; 13ᓵᓗ, ᓂᐅᒃᓴᖏᓪᓗ, ᓱᓇᑐᐃᓐᓇᒃᓴᓕᒫᖏᓪᓗ; ᓂᐊᑰᔭᓪᓗ ᑐᓂᔭᐅᔪᒃᓴᑦ ᒎᑎᒧᑦ; 14ᓇᓂᕈᐊᓪᓗ ᑐᓐᖓᕕᒃᓴᖏᑦ ᖃᐅᒻᒪᖅᑯᑎᒃᓮᓪᓗ, ᓱᓇᑐᐃᓐᓇᒃᓴᓕᒫᖏᓪᓗ; ᓇᓂᕈᐊᒃᓮᓪᓗ, ᓇᓂᕈᐊᓪᓗ ᐅᕐᓱᒃᓴᖏᑦ; 15ᑐᓂᕐᕈᓯᕐᕕᒃᓮᑦ ᐃᓯᕐᓗᐊᕐᓂᑎᑦᓯᕕᒃᓮᓪᓗ ᓂᐅᒃᓴᖏᓪᓗ; ᓇᐹᕐᑑᓪᓗ ᐅᕐᓱᖏᑦ ᒥᖑᐊᕐᓯᒍᑎᒃᓮᑦ; ᑎᐱᑦᓯᐊᕆᒃᑐᓪᓗ ᐃᓯᕐᓗᐊᕐᓂᑎᑦᓯᒍᑎᒃᓮᑦ; ᐃᑎᕐᑕᕐᕕᖓᑕᓗ ᑖᓗᑕᒃᓴᖓ, ᑐᐱᐅᓪᓗ ᒪᑐᒃᓴᖓ; 16ᑐᓂᕐᕈᓯᕐᕕᖕᒥᒃ ᑐᓂᕐᕈᑎᒃᓴᓄᑦ ᐃᑯᐊᓚᑎᑕᒃᓴᓄᑦ, ᐃᑯᐊᓚᑦᓯᕕᒃᓴᖏᓐᓂᒡᓗ ᐃᑳᖓᔪᓂᒃ ᑲᓐᓄᔭᓂᒃ, ᐊᓯᖏᓪᓗ ᓱᓇᑐᐃᓐᓇᒃᓴᓕᒫᖏᑦ, ᐴᒍᑕᕐᓗ ᐅᐊᓴᕐᕕᒃᓴᖅ ᐊᓪᓕᕋᒃᓴᖓᓗ; 17ᑐᐱᐅᓪᓗ ᓯᓚᓪᓕᐅᔭᖓᑕ ᐊᕙᓗᒃᓴᖏᑦ, ᓇᐸᔪᒃᓴᖏᑦ ᑐᓐᖓᕕᒃᓴᖏᓪᓗ; ᑐᐱᐅᓪᓗ ᓯᓚᓪᓕᐅᔭᖓᑕ ᐃᑎᕐᑕᕐᕕᖓᑕ ᑖᓗᑕᒃᓴᖏᑦ; 18ᑐᐱᐅᓪᓗ ᓄᖃᕐᑑᑎᖏᑕ ᐸᐅᒍᐊᒃᓴᖏᑦ ᓄᖃᕐᑑᑎᒃᓴᖏᓪᓗ; ᑐᐱᐅᓪᓗ ᓯᓚᓪᓕᐅᔭᖓᑕ ᓄᖃᕐᑑᑎᖏᑕ ᐸᐅᒍᐊᒃᓴᖏᑦ ᓄᖃᕐᑑᑎᒃᓴᖏᓪᓗ; 19ᑐᓂᕐᕈᓯᕐᑎᑦᓯᔩᓪᓗ ᐊᓐᓄᕌᒃᓴᖏᑦ ᐃᑦᔪᕐᓁᑦᑑᔪᑦ ᐊᑐᖃᑦᑕᕆᐊᓕᖏᑦ ᐱᓇᓱᐊᕐᓂᐊᓕᕅᒍᑎᒃ ᐃᑦᔪᕐᓁᑦᑐᕕᖕᒥ, ᐂᕉᓂᐅᓪᓗ ᐊᓐᓄᕌᒃᓴᖏᑦ ᐃᕐᓂᖏᑕᓗ ᐊᓐᓄᕌᒃᓴᖏᑦ ᐃᑦᔪᕐᓁᑦᑐᑦ ᑐᓂᕐᕈᓯᕐᑎᑦᓯᔨᓯᐅᑎᒃᓮᑦ.”
ᐃᓄᐃᑦ ᑐᓂᕐᕈᑎᒥᖕᓂᒃ ᐋᑦᓯᕐᓂᖏᑦ
20ᑕᕝᕙ ᐃᓴᕆᐊᓕᒥᐅᑦ ᐃᓄᓕᒫᖏᑦ ᒨᓯᓯᒥᑦ ᕿᒪᕉᑎᕗᑦ. 21ᕾᓚᐅᕐᐳᓪᓗ, ᐆᒻᒪᑎᒥᒍᑦ ᐊᐅᓚᑦᔭᒃᑕᐅᔪᓕᒫᑦ, ᐊᓂᕐᓂᖓᓄᓪᓗ ᐃᒃᐱᒋᑎᑕᐅᔪᑦ, ᑐᓂᕐᕈᓯᕈᒪᓪᓗᑎᒃ ᐊᑕᓂᕐᒧᑦ ᑐᐱᓕᐅᕐᑐᓄᑦ ᑲᑎᒪᕕᒃᓴᒥᒃ ᐊᑐᕐᑕᐅᔪᒃᓴᓂᒃ, ᑐᓂᓯᓚᐅᕐᐳᑦ ᑭᓐᖒᒪᒋᔭᐅᔪᓕᒫᓂᒃ ᑐᒃᓯᐊᕐᓂᕐᒧᑦ ᐊᑐᕐᑕᐅᔪᒃᓴᓕᒫᓂᒃ ᑐᓂᕐᕈᓯᕐᑎᑦᓯᔨᓄᓪᓗ ᐊᓐᓄᕌᒃᓴᓂᒃ ᐃᑦᔪᕐᓁᑦᑐᓂᒃ. 22ᑍᒤᒻᒪᑦ ᐊᖑᑎᑦ ᐊᕐᓁᓪᓗ ᕾᓚᐅᕐᐳᑦ; ᐆᒻᒪᑎᒥᒍᑦ ᑲᑦᓱᖎᓕᔪᓕᒫᑦ ᑐᓂᕐᕈᓯᓚᐅᕐᐳᑦ ᐱᐅᓴᕐᓯᒪᔪᓂᒃ ᑲᒃᑯᑎᓂᒃ,#35:22 ᑲᒃᑯᑎᓂᒃ ᐅᕝᕙᓗ ᖃᑭᖅᑯᐊᓂᒃ ᓯᐅᑎᒥᐅᑕᕐᓂᒃ, ᓇᒡᒍᐊᕐᒥᖕᓂᒃ,#35:22 ᓇᒡᒍᐊᕐᒥᒃ ᐅᕝᕙᓗ ᕿᑎᕐᓯᕐᒥᒃ ᐅᕝᕙᓗ ᐊᒡᒐᖕᒥᒃ ᐅᔭᒥᖕᓂᒃ ᖃᓄᐃᑦᑐᑐᐃᓐᓇᓂᒡᓗ ᐱᐅᓴᐅᑎᓂᒃ ᒎᓗᓂᒃ; ᑕᒪᒃᑯᐊᓗ ᒎᓗᐃᑦ ᑐᓂᕐᕈᑕᐅᓚᐅᕐᐳᑦ ᐊᑕᓂᕐᒧᑦ. 23ᖃᓪᓗᓈᕐᑕᑦᓯᐊᖁᑎᓕᓕᒫᓪᓗ; ᑐᖑᔪᕐᑕᓂᒃ, ᐊᐅᐸᓪᓚᕆᒃᑐᓂᒃ, ᓄᕕᕐᓵᒃᓴᓂᒡᓗ ᐊᐅᐸᕐᑐᓂᒃ; ᐊᓐᓄᕌᓕᐊᕆᓯᒪᔪᓂᒡᓗ ᒎᑦᓯᐅᑉ ᒥᖅᑯᕕᓂᖏᓐᓂᑦ, ᓰᐱᐅᓪᓗ ᐊᖑᓴᓪᓗᖏᑕ ᐊᒥᖏᓐᓂᒃ ᕿᑐᒻᒪᒃᓴᕐᓯᒪᔪᓂᒃ ᐊᐅᐸᕐᑐᓂᒃ, ᐊᒥᕐᓂᒡᓗ ᕿᑐᒻᒪᒃᓴᑦᓯᐊᕐᓯᒪᔪᓂᒃ, ᑕᒪᒃᑯᐊ ᑐᓂᔭᐅᓚᐅᕐᐳᑦ. 24ᑐᓂᔭᐅᔪᓐᓇᕐᑐᓕᒫᓂᒡᓗ ᓯᐅᓪᕕᕆᓂᒃ ᑲᓐᓄᔭᓂᒡᓘᓐᓃᑦ ᑐᓂᓯᓚᐅᕐᐳᑦ ᐊᑕᓂᕐᒧᑦ, ᕿᔪᖕᓂᒡᓗ ᑎᓴᒃᑕᓂᒃ ᐱᖁᑎᓖᑦ ᐊᑬᑦᓯᐊᓂᒃ ᐊᑎᓕᖕᓂᒃ ᖃᓄᑐᐃᓐᓇᖅ ᐊᑐᕐᑕᐅᔪᓐᓇᕋᔭᕐᑐᓂᒃ ᐱᓇᓱᐊᕈᑕᐅᔪᓐᓇᕋᔭᕐᑐᓂᒡᓗ ᑕᒤᓐᓂᒃ ᑐᓂᓯᓚᐅᕐᐳᑦ. 25ᐊᕐᓁᓪᓗ ᑕᒪᕐᒥᒃ ᐱᓇᓱᐊᕈᓐᓇᑦᓯᐊᕐᑐᑦ ᖃᓪᓗᓈᕐᑕᑦᓯᐊᕙᖕᓂᒃ ᐃᕙᓗᒃᓴᔭᓂᒃ ᑐᓂᕐᕈᓯᕐᐳᑦ ᐃᕙᓗᒃᓴᓂᒡᓗ ᑐᖑᔪᕐᑐᓂᒃ, ᐊᐅᐸᓪᓚᕆᒃᑐᓂᒡᓗ, ᐊᐅᐸᕐᑐᓂᒡᓗ ᓄᕕᕐᓵᒃᓴᓂᒃ, ᑕᒪᒃᑯᓂᖓ ᓴᓇᓯᒪᔭᒥᖕᓂᒃ. 26ᐊᕐᓁᓪᓗ ᑕᒪᕐᒥᒃ ᓄᕕᕐᓵᒃᓴᓕᐅᕈᓐᓇᕐᑐᑦ ᐆᒻᒪᑎᒥᒍᑦ ᐃᒃᐱᒋᑎᑕᐅᔪᑦ ᒎᑦᓯᐅᑉ ᒥᖅᑯᖏᓐᓂᒃ ᓄᕕᕐᓵᒃᓴᓕᐅᓚᐅᕐᐳᑦ. 27ᐊᖓᔪᖅᑳᖑᔪᓪᓕ ᑐᓂᓯᕗᑦ ᐅᔭᕋᖕᓂᒃ ᐱᐅᔫᑎᐊᓗᖕᓂᒃ ᐅᓂᒃᓯᓂᒃ ᐊᑎᓕᖕᓂᒃ ᐊᓯᖏᓐᓂᒡᓗ ᐅᔭᕋᖕᓂᒃ ᐊᑐᕐᑐᒃᓴᓂᒃ 28ᑎᐱᑦᓯᐊᕆᒃᓴᐅᑎᓂᒡᓗ ᓇᓂᕈᐊᓪᓗ ᐅᕐᓱᒃᓴᖏᓐᓂᒃ, ᓇᐹᕐᑑᓪᓗ ᐅᕐᓱᖏᑦ ᒥᖑᐊᕐᓯᒍᑎᒃᓮᑦ, ᑎᐱᑦᓯᐊᕆᒃᓴᐅᑎᓪᓗ ᐃᓯᕐᓗᐊᕐᓂᕐᑎᑕᒃᓮᑦ. 29ᐃᓴᕆᐊᓕᒥᐅᓪᓗ ᐃᓄᖏᑦ ᑕᒪᕐᒥᒃ ᐆᒻᒪᑎᒥᒍᑦ ᐃᒃᐱᒋᑎᑕᐅᔪᓕᒫᑦ ᑐᓂᕐᕈᓯᕆᐊᕐᑐᓚᐅᕐᐳᑦ ᓴᓇᔭᒃᓴᐅᒐᔭᕐᑐᓂᒃ ᐊᑕᓂᐅᑉ ᒨᓯᓯᒧᑦ ᓴᓇᔭᐅᖁᓚᐅᕐᑕᖏᑦ ᒪᓕᒡᓗᒋᑦ.
ᓴᓇᓐᖑᐊᕐᑏᑦ ᑐᐱᕐᒥ ᐊᑕᓂᐅᑉ ᓇᔪᒐᖓᓂ ᓴᓇᔪᒃᓮᑦ
30ᑕᕝᕙ ᒨᓯᓯ ᐅᖃᕐᐳᖅ ᐃᓴᕆᐊᓕᒥᐅᓄᑦ, “ᐊᑕᓂᖅ ᓂᕈᐊᕐᓯᒪᕗᖅ ᐱᔭᓕᐅᓪᒥᒃ, ᐅᕆᐅᑉ ᐃᕐᓂᖓᓂᒃ ᕼᐊᕆᐅᑉ ᐃᕐᖑᑕᖓᓂᒃ, ᔫᑕᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ. 31ᒎᑎᐅᑉ ᐃᓗᒻᒥᕐᑎᓯᒪᖕᒪᒍ ᐱᔪᓐᓇᕐᓂᕐᒥᒃ ᓴᓇᒃᑲᐅᓂᕐᒥᒡᓗ, ᐱᓇᓱᐊᕈᓐᓇᕐᓂᕐᒥᒡᓗ, ᖃᐅᔨᒪᓂᕐᒥᒡᓗ ᖃᓄᑐᐃᓐᓇᖅ ᐃᓱᒪᒐᓱᒍᓐᓇᕐᓂᕐᒥᒃ ᖃᓄᐃᓕᐅᕆᐊᒃᓴᒥᒃ, 32ᐋᖅᑭᑦᓯᐊᕐᓯᒪᔪᐊᓗᖕᓂᒡᓗ ᐃᓱᒪᒃᓴᕐᓯᐅᕈᓐᓇᕐᓂᕐᒥᒃ, ᒎᓗᓂᒃ ᓯᐅᓪᕕᕆᓂᒡᓗ ᑲᓐᓄᔭᓂᒡᓗ ᐱᓇᓱᐊᕈᓐᓇᕐᓂᕐᒥᒃ; 33ᐅᔭᕋᖕᓂᒡᓗ ᑕᑯᒥᓇᕐᓴᐅᑎᓕᐅᕈᓐᓇᕐᓂᕐᒥᒃ; ᕿᔪᖕᓂᒡᓗ ᓴᓇᓐᖑᐊᕈᓐᓇᕐᓂᕐᒥᒃ; ᐊᓯᓕᒫᖏᓐᓂᒡᓗ ᖃᓄᐃᑦᑐᑐᐃᓐᓇᕐᓂᒃ ᓴᓇᔭᒃᓴᓂᒃ ᐋᖅᑭᑦᓯᐊᕐᓯᔪᓐᓇᕐᓂᕐᓂᒃ. 34ᑖᓐᓇᓗ ᐊᑕᓂᐅᑉ ᐃᓱᒪᑖᕐᑎᓯᒪᕚ ᐊᓯᒥᓂᒃ ᐃᓕᓮᒍᓐᓇᕐᓂᕐᒥᒃ ᐃᑲᔪᕐᑎᖃᕐᓗᓂ ᐅᕼᐅᓕᐊᑉᒥᒃ ᐊᕼᐃᓴᒪᑭᐅᑉ ᐃᕐᓂᖓᓂᒃ, ᑖᓐ ᑭᖑᕚᖏᓐᓂᑦ ᐱᓯᒪᔪᒥᒃ. 35ᑖᒃᑯᐊᓗ ᐃᓗᒻᒥᕐᑎᓯᒪᕔᑦ ᓱᓇᑐᐃᓐᓇᓕᒫᓂᒃ ᓴᓇᔪᓐᓇᕐᓂᕐᓂᒃ ᓴᓇᓐᖑᐊᕈᓐᓇᕐᓂᕐᓂᒡᓗ, ᐃᒤᓕᖓᓂᒃᓴᖏᓐᓂᒡᓗ ᐋᖅᑭᒃᓱᐃᔪᓐᓇᕐᓂᕐᓂᒃ, ᖃᓪᓗᓈᕐᑕᑦᓯᐊᓂᒡᓗ ᓄᕕᓴᕈᓐᓇᕐᓂᕐᓂᒃ; ᑐᖑᔪᕐᑐᓂᒃ, ᐊᐅᐸᓪᓚᕆᒃᑐᓂᒃ, ᓄᕕᕐᓵᒃᓴᓂᒡᓗ ᐊᐅᐸᕐᑐᓂᒃ; ᐊᓯᖏᓐᓂᒡᓗ ᖃᓪᓗᓈᕐᑕᓂᒃ. ᑖᒃᑯᐊᓗ ᓴᓇᔪᓐᓇᕐᐳᑦ ᖃᓄᐃᑦᑐᑐᐃᓐᓇᑦᓯᐊᓂᒃ ᐋᖅᑭᑦᓯᐊᕐᓯᒪᔪᐊᓗᖕᓂᒃ ᐃᒤᓕᖓᓂᒃᓴᖏᓐᓂᒃ ᐋᖅᑭᒃᓱᐃᔪᓐᓇᕐᓗᑎᒃ.”
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.