ᒨᓯᓯ ᐂᑉᐸᖏᑦ 36
36
1“ᐱᔭᓕᐅᓪ, ᐅᕼᐅᓕᐊᑉ, ᐊᓯᖏᓪᓗ ᓴᓇᓐᖑᐊᕈᓐᓇᕐᑐᑦ ᐊᑕᓂᐅᑉ ᓴᓇᔪᓐᓇᕐᓂᕐᒥᒃ#36:1 ᐱᔪᓐᓇᕐᓂᕐᒥᒃ ᐅᕝᕙᓗ ᐊᓂᕐᓂᕐᒥᒃ ᑐᓂᓯᕕᒋᓯᒪᔭᖏᑦ ᐋᖅᑭᒃᓱᐃᔪᓐᓇᕐᓂᕐᒥᒃ ᖃᐅᔨᒪᓂᕐᒥᒡᓗ, ᖃᓄᐃᑦᑐᑐᐃᓐᓇᕐᓂᒃ ᖃᓄᕐᓗ ᓴᓇᔭᕆᐊᒃᓴᖏᓐᓂᒃ ᖃᐅᔨᒪᔪᓐᓇᕐᓂᕐᒥᒃ ᖃᓄᕐᓗ ᐋᖅᑭᒃᑕᐅᔭᕆᐊᖃᕐᓂᖏᓐᓂᒃ ᑐᐱᐅᑉ ᐃᑦᔪᕐᓁᑦᑑᑉ ᓱᓇᑐᐃᓐᓇᒃᓴᓕᒫᖏᓐᓂᒃ, ᐱᓇᓱᐊᕈᓐᓇᓚᐅᕐᐳᑦ ᐊᑕᓂᐅᑉ ᓴᓇᔭᐅᖁᓚᐅᕐᑕᓕᒫᖏᓐᓂᒃ.”
ᐃᓄᐃᑦ ᑐᓂᕐᕈᓯᕐᓂᖏᑦ ᐅᓄᕐᑐᓂᒃ
2ᒨᓯᓯᐅᑉ ᐱᔭᓕᐅᓪ ᕾᖁᕚ, ᐅᕼᐅᓕᐊᑉᓗ, ᐊᓯᖏᓪᓗ ᓴᓇᔪᓐᓇᑦᓯᐊᕐᑐᑦ ᐊᖑᑎᑦ ᑖᒃᑯᓄᖓ ᐊᑕᓂᐅᑉ ᓴᓇᔪᓐᓇᕐᓂᕐᒥᒃ ᑐᓂᓯᕕᒋᓯᒪᔭᖏᓐᓄᑦ ᐃᑲᔪᕈᒪᑦᓯᐊᕐᑐᓄᓪᓗ, ᒨᓯᓯᐅᓪᓗ ᐅᖃᐅᑎᕔᑦ ᓴᓇᒋᐊᖁᓕᕐᓗᒋᑦ. 3ᒨᓯᓯᐅᑉ ᑐᓂᓯᕕᒋᓚᐅᕐᐰᑦ ᐃᓴᕆᐊᓕᒥᐅᑦ ᑐᓂᕐᕈᑎᒋᓯᒪᔭᓕᒫᖏᓐᓂᒃ ᑐᐱᓕᐅᕈᑎᒃᓴᓂᒃ ᐃᑦᔪᕐᓁᑦᑐᒥᒃ. ᐃᓴᕆᐊᓕᒥᐅᓪᓕ ᓱᓕ ᐃᓄᖏᑦ ᐅᓪᓛᑕᒫᑦ ᑐᓂᕐᕈᓯᖃᑦᑍᓐᓇᓚᐅᕐᐳᑦ. 4ᑕᕝᕙ ᓴᓇᔪᓐᓇᑦᓯᐊᕐᑐᑦ ᐊᖑᑎᑦ ᐊᑐᓂᑦ ᑐᐱᐅᑉ ᓱᓇᑐᐃᓐᓇᒃᓴᖏᓐᓂᒃ ᓴᓇᔭᕐᑐᕐᓗᑎᒃ ᕾᕗᑦ, 5ᒨᓯᓯᒧᓪᓗ ᐅᖃᕐᓗᑎᒃ, “ᐃᓄᐃᑦ ᑐᓂᕐᕈᓯᓕᕐᐳᑦ ᐊᑐᕆᐊᖃᕐᑕᑦᑕ ᐅᖓᑖᓄᓗᐊᒻᒪᕆᒃ ᑐᐱᓕᐅᕈᑎᒃᓴᓄᑦ ᐊᖏᓗᐊᒻᒪᕆᓕᕐᑐᓂᒃ ᐊᑕᓂᐅᑉ ᓴᓇᔭᐅᖁᓚᐅᕐᑕᖓᓂᒃ.”
6ᑕᕝᕙ ᒨᓯᓯ ᐱᖁᔨᓪᓗᓂ ᑎᓕᓯᓕᕐᐳᖅ ᓄᓇᓕᓕᒫᑦ ᐅᖃᐅᑦᔭᐅᖁᓪᓗᒋᑦ ᓇᓪᓕᐊᓐᓂᒡᓘᓐᓃᑦ ᑐᓂᕐᕈᓯᕐᑐᖃᕐᑐᒃᓴᐅᔪᓐᓁᕐᐳᖅ ᑐᐱᒃᓴᒧᑦ ᐃᑦᔪᕐᓁᑦᑐᒧᑦ ᑐᕌᖓᓂᐊᕐᑐᓂᒃ; ᑕᕝᕙ ᐃᓄᐃᑦ ᑐᓂᕐᕈᓯᕐᑐᖃᒃᑲᓐᓁᕈᓐᓃᕐᐳᑦ. 7ᑕᒪᒃᑯᐊ ᑐᓂᔭᐅᓯᒪᔪᑦ ᓈᒻᒪᓗᐊᒻᒪᕆᓕᓚᐅᕐᐳᑦ ᓴᓇᔭᐅᔭᕆᐊᓖᑦ ᐱᓇᓱᐊᕐᑕᐅᑦᔪᑎᒃᓴᖏᓐᓄᑦ ᐱᔭᕇᕐᑕᐅᔪᓐᓇᕈᑎᒃᓴᖏᓐᓄᓪᓗ.
ᑐᐱᕐᒥᒃ ᓴᓇᓂᖓᑦ ᐊᑕᓂᐅᑉ ᓇᔪᒐᒃᓴᖓᓂᒃ
ᒨᓯᓯ ᐂᑉᐸᖏᑦ 26:1-37
8ᑖᒃᑯᓇᓐᖓᑦ ᐊᖑᑎᓂᑦ ᓴᓇᑦᓯᐊᕈᓐᓇᕐᓂᕐᐹᓄᑦ ᓴᓇᔭᐅᓚᐅᕐᐳᖅ ᐊᑕᓂᐅᑉ ᓇᔪᒐᒃᓴᖓ ᑐᐱᖅ. ᓴᓇᓚᐅᕐᐳᑦ ᑐᐱᒃᓴᓂᒃ ᖁᒻᒧᑦ 10ᓂᒃ ᓴᓇᓯᒪᓪᓗᑎᒃ ᖃᓪᓗᓈᕐᑕᓕᐊᕆᓯᒪᔪᓂᑦ ᐱᐅᓂᕐᐹᖑᔪᓂᑦ ᑐᖑᔪᕐᑐᓂᒃ, ᐊᐅᐸᓪᓚᕆᒃᑐᓂᒃ, ᐊᐅᐸᕐᑐᓂᒡᓗ ᓄᕕᕐᓵᒃᓴᓂᒃ; ᑖᒃᑯᐊᓗ ᐊᑐᓂᑦ 10 ᒥᕐᓱᕐᓯᒪᔪᓂᒃ ᑕᕐᓴᓕᐅᕐᑕᐅᕗᑦ ᓯᕈᐲᒻᖑᐊᓂᒃ ᓴᓇᑦᓯᐊᕈᓐᓇᕐᑐᒧᑦ ᓴᓇᔭᐅᓯᒪᔪᓂᒃ ᓴᓇᔭᐅᕗᑦ. 9ᑖᒃᑯᐊᓗ ᐊᑐᓂᑦ ᐊᑦᔨᒌᒥᒃ ᐊᖏᓂᖃᕐᐳᑦ, ᑐᑭᒧᑦ ᑕᑭᓂᖃᕐᓗᑎᒃ 14ᓂᒃ ᐆᒃᑑᑎᓂᒃ ᓴᓂᒧᓪᓗ ᓯᓕᖕᓂᖃᕐᓗᑎᒃ ᐆᒃᑑᑏᖕᓂᒃ ᒪᕐᕉᖕᓂᒃ. 10ᑖᒃᑯᐊᓗ ᑕᓪᓕᒪᑦ ᐃᒻᒥᖕᓄᑦ ᒥᕐᓱᕐᓗᒋᑦ ᑲᑎᑉᐰᑦ; ᐂᑉᐸᖏᓪᓗ ᑕᓪᓕᒪᑦᑕᐅᖅ ᑍᒫᒃ ᒥᕐᓱᕐᓗᒋᑦ ᑲᑎᒃᑭᓪᓗᒋᑦ. 11ᐳᑐᓕᖕᓂᒡᓗ ᓴᓇᕗᑦ ᑐᖑᔪᕐᑐᓂᒃ ᓯᓈᒍᑦ ᓯᓚᑎᖔᖓᒍᑦ ᓂᕕᖓᓂᐊᕐᑐᓂᒃ, ᑍᒫᑦᓮᓐᓇᕐᑕᐅᖅ ᓂᕕᖓᓂᐊᕐᑑᑉ ᑖᓗᑕᐅᑉ ᐂᑉᐸᖓ ᓯᓈᒍᑦ ᐳᑐᓕᖕᓂᒃ ᓴᓇᒋᕗᑦ. 12ᓂᕕᖓᓂᐊᕐᑐᒥ ᑖᓗᑕᕐᒥ ᐊᑕᐅᓯᕐᒥ 50ᓂᒃ ᐳᑐᓕᖕᓂᒃ ᓴᓇᒋᕗᑦ, ᑍᒫᑦᓮᓐᓇᕐᑕᐅᖅ ᓂᕕᖓᓂᐊᕐᑑᑉ ᑖᓗᑕᐅᑉ ᐂᑉᐸᖓ 50ᓂᒃ ᐳᑐᓕᐅᕐᐰᑦ ᓯᓈᒍᑦ; ᑖᒃᑯᐊᓗ ᐳᑐᖏᑦ ᐊᑐᓂᑦ ᐊᑭᓕᕇᒃᑎᑦᓱᒋᑦ. 13ᓂᒃᓯᖕᓂᒡᓗ ᒎᓗᓂᒃ 50ᓂᒃ ᓴᓇᒋᕗᑦ, ᑖᒃᑯᐊ ᑖᓗᑕᕐᓂᒃ ᓂᕕᖓᔪᒃᓵᖕᓂᒃ ᒪᕐᕉᖕᓂᒃ ᑲᓱᕐᓯᒪᑦᔪᑕᐅᓪᓗᑎᒃ, ᑖᓐᓇ ᑐᐱᖅ ᑲᑎᓐᖓᓗᓂ ᐊᑕᐅᓯᐅᓕᖅᑲᖓᓕᖁᓪᓗᒍ.
14ᐊᒻᒪ ᑐᐱᐅᑉ ᓯᓚᑉᐱᐊᒃᓴᖓᓂᒃ ᓴᓇᒋᕗᑦ ᒎᑦᓯᐅᑉ ᒥᖅᑯᕕᓂᖏᓐᓂᒃ ᑐᐱᒃᓴᓕᐊᕆᓯᒪᔪᒥᒃ; ᑖᒃᑯᐊᓗ ᑲᑎᓯᒪᔪᑦ 11ᐅᓪᓗᑎᒃ. 15ᑖᒃᑯᐊᓗ ᐊᑦᔨᒌᓂᒃ ᐊᖏᓂᖃᕐᑎᑉᐰᑦ, ᑐᑭᒧᑦ ᑕᑭᓂᖃᕐᓗᑎᒃ ᐆᒃᑑᑎᓂᒃ 15ᓂᒃ ᓴᓂᒧᓪᓗ ᓯᓕᖕᓂᖃᕐᓗᑎᒃ ᐆᒃᑑᑏᖕᓂᒃ ᒪᕐᕉᖕᓂᒃ. 16ᑖᒃᑯᐊᓗ ᑕᓪᓕᒪᑦ ᐃᒻᒥᖕᓄᑦ ᒥᕐᓱᕐᓗᒋᑦ ᑲᑎᑉᐰᑦ, ᐂᑉᐸᖏᓪᓗ ᑲᑎᓪᓗᒋᑦ 6ᐅᓪᓗᒋᑦ ᐃᒻᒥᖕᓄᑦ ᒥᕐᓱᕐᐰᑦ. 17ᓯᓈᒍᑦ 50ᓂᒃ ᐳᑐᓕᖕᓂᒃ ᓴᓇᒋᕗᑦ ᑕᕝᕘᓇ ᑭᖑᓪᓕᕐᐸᐅᔪᒃᑯᑦ, ᑍᒫᑦᓮᓐᓇᕐᑕᐅᖅ ᐂᑉᐸᖓ 50ᓂᒃ ᐳᑐᓕᐅᕐᐰᑦ ᓯᓈᒍᑦ. 18ᑲᓐᓄᔭᓂᒃ 50ᓂᒃ ᓂᒃᓯᓕᐅᕆᕗᑦ ᑖᒃᑯᐊᓗ ᑐᐱᐅᑉ ᓯᓚᑉᐱᐊᖓᑕ ᐳᑐᖏᓐᓄᑦ ᐋᖅᑭᒃᑕᐅᓪᓗᑎᒃ, ᑖᒃᑯᐊᒃ ᒪᕐᕉᒃ ᑲᑎᓯᒪᐅᑎᒃᓴᖏᖕᓄᑦ ᐊᑕᐅᓯᐅᓕᓗᓂ ᑐᐱᕐᒧᑦ ᓯᓚᑉᐱᐊᒃᓴᐅᓕᖁᓪᓗᒍ. 19ᐅᓕᒃᓵᖕᓂᒃ ᓱᓕ ᒪᕐᕉᖕᓂᒃ ᓴᓇᒋᕗᑦ, ᐂᑉᐸᖓ ᓰᐱᐅᑉ ᐊᖑᓴᓪᓗᖓᑕ ᐊᒥᖓ ᕿᑐᒻᒪᒃᓴᕐᓯᒪᔪᖅ ᐊᐅᐸᕐᑐᖅ ᐂᐸᖓᓕ ᐊᒥᖅ ᕿᑐᒻᒪᒃᓴᑦᓯᐊᕐᓯᒪᓪᓗᓂ, ᑕᒪᓐᓇ ᓯᓚᓪᓕᕐᐹᖑᓗᓂ ᓯᓚᑉᐱᐊᓕᐊᕆᕚᑦ.
20ᕿᔪᖕᓂᒃ ᑎᓴᒃᑕᓂᒃ#36:20 ᑎᓴᒃᑕᓂᒃ ᐅᕝᕙᓗ ᓯᑎᔪᔭᓂᒃ ᑐᐱᐅᑉ ᐊᕙᓗᒃᓴᖏᓐᓂᒃ ᓴᓇᒋᕗᑦ ᐊᑬᑦᓯᐊᓂᒃ ᐊᑎᓕᖕᓂᒃ. 21ᑖᒃᑯᐊᓗ ᐊᕙᓗᖏᑦ ᑐᑭᒧᑦ ᑕᑭᓂᖃᕐᐳᑦ ᓯᑕᒪᓂᒃ ᒦᑕᓂᒃ, ᓴᓂᒧᓪᓗ ᓯᓕᖕᓂᖃᕐᓗᑎᒃ 66ᓂᒃ ᓯᓐᑎᒦᑕᓂᒃ, 22ᑖᒃᑯᐊᓗ ᐊᑐᓂᑦ ᐊᑦᔨᒌᒥᒃ ᑲᐱᒃᑎᕝᕕᓕᐅᕐᑕᐅᕗᑦ, ᑖᒃᑯᐊ ᐊᕙᓗᒃᓮᑦ ᐃᒻᒥᖕᓄᑦ ᑲᓱᕐᑎᑕᐅᕗᑦ ᑲᐱᒃᑎᓯᒪᑦᓯᐊᕐᓗᑎᒃ. ᑖᒃᑯᐊᓗ ᕿᔪᐃᑦ ᐊᕙᓗᒃᓮᑦ ᑍᒫᒃ ᑲᐱᑎᕝᕕᓕᐅᕐᓯᒪᕗᑦ. 23ᑐᐱᕐᓗ ᑖᓐᓇ ᐊᕙᓗᖃᕐᐳᖅ 20ᓂᒃ ᓯᕿᓂᐅᑉ ᓇᓛᓃᑦᑐᓂᒃ; 24ᑖᒃᑯᐊᓗ 20 ᐊᕙᓗᒃᓮᑦ ᑐᓐᖓᕕᒃᓴᖏᓐᓂᒃ ᑐᓐᖓᕕᓕᐅᕐᐳᑦ ᓯᐅᓪᕕᕆᓂᒃ 40ᓂᒃ, ᐊᑐᓂᑦ ᐊᕙᓗᒃᓴᖅ ᐊᑕᐅᓯᖅ ᒪᕐᕉᖕᓂᒃ ᑐᓐᖓᕕᖃᕐᑎᑉᐹᑦ ᑲᐱᒃᑎᓯᒪᓂᖏᖕᓄᑦ ᑐᓐᖓᕕᖏᒃ ᐋᖅᑭᑦᓯᐊᕐᓯᒪᖁᓪᓗᒋᒃ. 25ᐊᒻᒪᑦᑕᐅᖅ ᑐᐱᐅᑉ ᐃᒡᓗᐊ ᐅᓐᓄᐊᓪᓗᐊᑉ ᓇᓛᓃᑦᑐᖅ ᐊᕙᓗᖃᕐᑎᑉᐹᑦ 20ᓂᒃ, 26ᑖᒃᑯᐊᓗ ᑐᓐᖓᕕᖃᕐᐳᑦ ᓯᐅᓪᕕᕆᓂᒃ 40ᓂᒃ, ᐊᑕᐅᓯᖅ ᐊᕙᓗᒃᓴᖅ ᒪᕐᕉᖕᓂᒃ ᑐᓐᖓᕕᖃᕐᓗᓂ, ᐊᓯᐊᓗ ᐊᕙᓗᒃᓴᖅ ᒪᕐᕉᖕᓂᒃ ᑐᓐᖓᕕᖃᕆᓪᓗᓂ. 27ᑐᐱᐅᓪᓕ ᑐᓄᐊ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᖅ ᐊᕙᓗᓕᐅᕐᑕᐅᕗᖅ ᐊᕙᓗᒃᓴᓂᒃ 6ᓂᒃ. 28ᑐᐱᐅᓪᓗ ᑎᕆᖅᑯᐊ ᑐᓄᐊᓃᑦᑐᖅ ᒪᕐᕉᖕᓂᒃ ᐊᕙᓗᓕᐅᑕᐅᒋᕗᖅ. 29ᑖᒃᑯᐊᒡᓗ ᐊᕙᓗᒃᓵᒃ ᑎᕆᖅᑯᒃᓴᓕᐅᕐᑕᐅᕘᒃ ᐊᑖᒍᑦ ᑲᓱᕐᑎᑕᐅᓪᓗᑎᒃ ᑕᑉᐸᐅᖓ ᖁᓛᓄᑦ ᑎᑭᓪᓗᒋᒃ. ᐊᑐᓂᓪᓗ ᐊᕙᓗᒃᓵᒃ ᑎᕆᒃᑯᒃᓴᓕᐅᕐᑕᐅᕗᑦ ᑍᒫᑦᓮᓐᓇᖅ ᐋᖅᑭᒃᓯᒪᔪᒥᒃ. 30ᑍᒫᒃ ᑕᕝᕙ 8ᓂᒃ ᐊᕙᓗᒃᓴᓕᐅᕐᐳᑦ, ᑐᓐᖓᕕᖃᕐᓗᑎᒃ 16ᓂᒃ ᓯᐅᓪᕕᕆᓂᒃ; ᒪᕐᕉᖕᓂᒃ ᑐᓐᖓᕕᖃᕐᓗᓂ ᐊᕙᓗᒃᓴᖅ ᐊᑕᐅᓯᖅ.
31ᕿᔪᑯᑖᓂᒃ ᕿᕋᑦᑕᖅᑯᑎᒃᓴᓂᒃ 15ᓂᒃ ᓴᓇᒋᕗᑦ ᕿᔪᖕᓂᒃ ᑎᓴᒃᑕᓂᒃ ᐊᑬᑦᓯᐊᓂᒃ ᐊᑎᓕᖕᓂᒃ, ᑐᐱᐅᑉ ᐊᕙᓗᐊᑕ ᐃᒡᓗᐊ ᑕᓪᓕᒪᓂᒃ ᕿᕋᑦᑕᖅᑯᓯᕐᓗᒍ, 32ᑕᓪᓕᒪᐅᒋᓪᓗᑎᒃ ᑐᐱᐅᑉ ᐃᒡᓗᐊᒍᑦ ᕿᕋᑦᑕᖅᑯᓯᐅᑎᔭᖏᑦ ᐊᕙᓗᖏᑎᒍᑦ, ᐊᒻᒪ ᑐᐱᐅᑉ ᑐᓄᐊᒍᑦ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᒃᑯᑦ ᑕᓪᓕᒪᐅᒋᓪᓗᑎᒃ ᐊᕙᓗᖏᑎᒍᑦ ᕿᕋᑦᑕᖅᑯᓯᐅᑎᔪᑦ. 33ᐊᕙᓗᖏᑕᓕ ᕿᑎᖓᒍᑦ ᕿᕋᑦᑕᖅᑯᓯᕐᑕᐅᒋᕗᖅ, ᖁᒻᒧᖓᔫᑉ ᓇᐸᔪᖓᑕ ᕿᑎᖓᒎᕐᑐᒥᒃ, ᑐᐱᐅᑉ ᐃᓱᐊᓂᑦ ᐃᓱᐊᓄᑦ ᓯᕗᒧᖓᔪᒥᒃ. 34ᐊᕙᓗᒃᓮᓪᓗ ᓯᓚᑉᐱᐊᕐᑕᐅᕗᑦ ᒎᓗᒥᒃ, ᓱᓪᓗᓕᖕᓂᒡᓗ ᒎᓗᓂᒃ ᕿᕋᑦᑕᖅᑯᑎᖏᓐᓄᑦ ᓇᔪᒻᒪᖅᑯᑎᒃᓴᓂᒃ ᐋᖅᑭᒃᓯᕗᑦ, ᑖᒃᑯᐊᑦᑕᐅᖅ ᕿᕋᑦᑕᖅᑯᑎᒃᓮᑦ ᓯᓚᑉᐱᐊᕐᑕᐅᒋᕗᑦ ᒎᓗᒥᒃ.
35ᑖᓗᑕᒃᓴᒥᒡᓗ ᓴᓇᒋᕗᑦ ᕿᐱᐅᕋᕐᓯᒪᔪᒥᒃ ᖃᓪᓗᓈᕐᑕᑦᓯᐊᕙᖕᒥᒃ ᑐᖑᔪᕐᑐᒥᒃ ᐊᐅᐸᓪᓚᕆᒃᑐᒥᒡᓗ, ᐊᐅᐸᕐᑐᒥᒡᓗ ᓄᕕᕐᓵᒃᓴᒥᒃ ᓴᓇᑦᓯᐊᕈᓐᓇᕐᑐᒧᓪᓗ ᓴᓇᔭᐅᓯᒪᕗᑦ ᓯᕈᐲᒻᖑᐊᖅ ᐃᓴᕈᖃᕐᑐᖅ. 36ᑖᒃᑯᐊᓗ ᓂᕕᓐᖓᕐᑕᐅᕗᑦ ᓯᑕᒪᓄᑦ ᕿᔪᖕᓄᑦ ᑎᓴᒃᑕᓄᑦ ᐊᑬᑦᓯᐊᓂᒃ ᐊᑎᓕᖕᓄᑦ, ᒎᓗᓂᒃ ᓯᓚᑉᐱᐊᓕᕐᓯᒪᔪᓄᑦ, ᓂᒃᓯᖕᓄᑦ ᒎᓗᓄᑦ ᖃᖓᑕᑦᔪᑎᖃᕐᓗᑎᒃ, ᑕᕝᕙ ᑐᓐᖓᕕᓕᐅᕆᕗᑦ ᓯᑕᒪᓂᒃ ᓯᐅᓪᕕᕆᓂᒃ ᓇᐸᔪᐃᑦ ᓇᐸᑦᔪᑎᒃᓴᖏᓐᓂᒃ. 37ᑐᐱᐅᓪᓕ ᐃᑎᕐᑕᕐᕕᖓ ᑖᓗᑕᓕᐅᕐᑕᐅᒋᕗᖅ ᖃᓪᓗᓈᕐᑕᑦᓯᐊᕙᖕᒥᒃ ᓵᑦᑐᒥᒃ ᑐᖑᔪᕐᑐᒥᒃ, ᐊᐅᐸᓪᓚᕆᒃᑐᒥᒡᓗ, ᐊᐅᐸᕐᑐᒥᒡᓗ ᓄᕕᕐᓵᒃᓴᒥᒃ ᑕᕐᓯᕐᓱᕐᓯᒪᓗᓂᓗ ᒥᕐᓱᕐᓯᒪᔪᓂᒃ. 38ᑖᒃᑯᐊ ᑖᓗᑍᑦ ᓇᑉᐸᖅᑯᑕᓕᐅᕐᑕᐅᕗᑦ ᕿᔪᖕᓂᒃ ᑎᓴᒃᑕᓂᒃ ᐊᑬᑦᓯᐊᓂᒃ ᐊᑎᓕᖕᓂᒃ, ᑖᒃᑯᐊᓗ ᓯᓚᑉᐱᐊᕐᓯᒪᓪᓗᑎᒃ ᒎᓗᒥᒃ ᓂᒃᓯᖕᓄᓪᓗ ᒎᓗᓄᑦ ᖃᖓᑕᑎᑕᐅᓪᓗᑎᒃ; ᓇᐸᔪᐃᓪᓗ ᑐᓐᖓᕕᓕᐅᕐᐹᑦ ᐊᑐᓂᑦ ᑲᓐᓄᔭᓂᒃ ᑕᓪᓕᒪᓂᒃ.
Currently Selected:
ᒨᓯᓯ ᐂᑉᐸᖏᑦ 36: EAIB
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᒨᓯᓯ ᐂᑉᐸᖏᑦ 36
36
1“ᐱᔭᓕᐅᓪ, ᐅᕼᐅᓕᐊᑉ, ᐊᓯᖏᓪᓗ ᓴᓇᓐᖑᐊᕈᓐᓇᕐᑐᑦ ᐊᑕᓂᐅᑉ ᓴᓇᔪᓐᓇᕐᓂᕐᒥᒃ#36:1 ᐱᔪᓐᓇᕐᓂᕐᒥᒃ ᐅᕝᕙᓗ ᐊᓂᕐᓂᕐᒥᒃ ᑐᓂᓯᕕᒋᓯᒪᔭᖏᑦ ᐋᖅᑭᒃᓱᐃᔪᓐᓇᕐᓂᕐᒥᒃ ᖃᐅᔨᒪᓂᕐᒥᒡᓗ, ᖃᓄᐃᑦᑐᑐᐃᓐᓇᕐᓂᒃ ᖃᓄᕐᓗ ᓴᓇᔭᕆᐊᒃᓴᖏᓐᓂᒃ ᖃᐅᔨᒪᔪᓐᓇᕐᓂᕐᒥᒃ ᖃᓄᕐᓗ ᐋᖅᑭᒃᑕᐅᔭᕆᐊᖃᕐᓂᖏᓐᓂᒃ ᑐᐱᐅᑉ ᐃᑦᔪᕐᓁᑦᑑᑉ ᓱᓇᑐᐃᓐᓇᒃᓴᓕᒫᖏᓐᓂᒃ, ᐱᓇᓱᐊᕈᓐᓇᓚᐅᕐᐳᑦ ᐊᑕᓂᐅᑉ ᓴᓇᔭᐅᖁᓚᐅᕐᑕᓕᒫᖏᓐᓂᒃ.”
ᐃᓄᐃᑦ ᑐᓂᕐᕈᓯᕐᓂᖏᑦ ᐅᓄᕐᑐᓂᒃ
2ᒨᓯᓯᐅᑉ ᐱᔭᓕᐅᓪ ᕾᖁᕚ, ᐅᕼᐅᓕᐊᑉᓗ, ᐊᓯᖏᓪᓗ ᓴᓇᔪᓐᓇᑦᓯᐊᕐᑐᑦ ᐊᖑᑎᑦ ᑖᒃᑯᓄᖓ ᐊᑕᓂᐅᑉ ᓴᓇᔪᓐᓇᕐᓂᕐᒥᒃ ᑐᓂᓯᕕᒋᓯᒪᔭᖏᓐᓄᑦ ᐃᑲᔪᕈᒪᑦᓯᐊᕐᑐᓄᓪᓗ, ᒨᓯᓯᐅᓪᓗ ᐅᖃᐅᑎᕔᑦ ᓴᓇᒋᐊᖁᓕᕐᓗᒋᑦ. 3ᒨᓯᓯᐅᑉ ᑐᓂᓯᕕᒋᓚᐅᕐᐰᑦ ᐃᓴᕆᐊᓕᒥᐅᑦ ᑐᓂᕐᕈᑎᒋᓯᒪᔭᓕᒫᖏᓐᓂᒃ ᑐᐱᓕᐅᕈᑎᒃᓴᓂᒃ ᐃᑦᔪᕐᓁᑦᑐᒥᒃ. ᐃᓴᕆᐊᓕᒥᐅᓪᓕ ᓱᓕ ᐃᓄᖏᑦ ᐅᓪᓛᑕᒫᑦ ᑐᓂᕐᕈᓯᖃᑦᑍᓐᓇᓚᐅᕐᐳᑦ. 4ᑕᕝᕙ ᓴᓇᔪᓐᓇᑦᓯᐊᕐᑐᑦ ᐊᖑᑎᑦ ᐊᑐᓂᑦ ᑐᐱᐅᑉ ᓱᓇᑐᐃᓐᓇᒃᓴᖏᓐᓂᒃ ᓴᓇᔭᕐᑐᕐᓗᑎᒃ ᕾᕗᑦ, 5ᒨᓯᓯᒧᓪᓗ ᐅᖃᕐᓗᑎᒃ, “ᐃᓄᐃᑦ ᑐᓂᕐᕈᓯᓕᕐᐳᑦ ᐊᑐᕆᐊᖃᕐᑕᑦᑕ ᐅᖓᑖᓄᓗᐊᒻᒪᕆᒃ ᑐᐱᓕᐅᕈᑎᒃᓴᓄᑦ ᐊᖏᓗᐊᒻᒪᕆᓕᕐᑐᓂᒃ ᐊᑕᓂᐅᑉ ᓴᓇᔭᐅᖁᓚᐅᕐᑕᖓᓂᒃ.”
6ᑕᕝᕙ ᒨᓯᓯ ᐱᖁᔨᓪᓗᓂ ᑎᓕᓯᓕᕐᐳᖅ ᓄᓇᓕᓕᒫᑦ ᐅᖃᐅᑦᔭᐅᖁᓪᓗᒋᑦ ᓇᓪᓕᐊᓐᓂᒡᓘᓐᓃᑦ ᑐᓂᕐᕈᓯᕐᑐᖃᕐᑐᒃᓴᐅᔪᓐᓁᕐᐳᖅ ᑐᐱᒃᓴᒧᑦ ᐃᑦᔪᕐᓁᑦᑐᒧᑦ ᑐᕌᖓᓂᐊᕐᑐᓂᒃ; ᑕᕝᕙ ᐃᓄᐃᑦ ᑐᓂᕐᕈᓯᕐᑐᖃᒃᑲᓐᓁᕈᓐᓃᕐᐳᑦ. 7ᑕᒪᒃᑯᐊ ᑐᓂᔭᐅᓯᒪᔪᑦ ᓈᒻᒪᓗᐊᒻᒪᕆᓕᓚᐅᕐᐳᑦ ᓴᓇᔭᐅᔭᕆᐊᓖᑦ ᐱᓇᓱᐊᕐᑕᐅᑦᔪᑎᒃᓴᖏᓐᓄᑦ ᐱᔭᕇᕐᑕᐅᔪᓐᓇᕈᑎᒃᓴᖏᓐᓄᓪᓗ.
ᑐᐱᕐᒥᒃ ᓴᓇᓂᖓᑦ ᐊᑕᓂᐅᑉ ᓇᔪᒐᒃᓴᖓᓂᒃ
ᒨᓯᓯ ᐂᑉᐸᖏᑦ 26:1-37
8ᑖᒃᑯᓇᓐᖓᑦ ᐊᖑᑎᓂᑦ ᓴᓇᑦᓯᐊᕈᓐᓇᕐᓂᕐᐹᓄᑦ ᓴᓇᔭᐅᓚᐅᕐᐳᖅ ᐊᑕᓂᐅᑉ ᓇᔪᒐᒃᓴᖓ ᑐᐱᖅ. ᓴᓇᓚᐅᕐᐳᑦ ᑐᐱᒃᓴᓂᒃ ᖁᒻᒧᑦ 10ᓂᒃ ᓴᓇᓯᒪᓪᓗᑎᒃ ᖃᓪᓗᓈᕐᑕᓕᐊᕆᓯᒪᔪᓂᑦ ᐱᐅᓂᕐᐹᖑᔪᓂᑦ ᑐᖑᔪᕐᑐᓂᒃ, ᐊᐅᐸᓪᓚᕆᒃᑐᓂᒃ, ᐊᐅᐸᕐᑐᓂᒡᓗ ᓄᕕᕐᓵᒃᓴᓂᒃ; ᑖᒃᑯᐊᓗ ᐊᑐᓂᑦ 10 ᒥᕐᓱᕐᓯᒪᔪᓂᒃ ᑕᕐᓴᓕᐅᕐᑕᐅᕗᑦ ᓯᕈᐲᒻᖑᐊᓂᒃ ᓴᓇᑦᓯᐊᕈᓐᓇᕐᑐᒧᑦ ᓴᓇᔭᐅᓯᒪᔪᓂᒃ ᓴᓇᔭᐅᕗᑦ. 9ᑖᒃᑯᐊᓗ ᐊᑐᓂᑦ ᐊᑦᔨᒌᒥᒃ ᐊᖏᓂᖃᕐᐳᑦ, ᑐᑭᒧᑦ ᑕᑭᓂᖃᕐᓗᑎᒃ 14ᓂᒃ ᐆᒃᑑᑎᓂᒃ ᓴᓂᒧᓪᓗ ᓯᓕᖕᓂᖃᕐᓗᑎᒃ ᐆᒃᑑᑏᖕᓂᒃ ᒪᕐᕉᖕᓂᒃ. 10ᑖᒃᑯᐊᓗ ᑕᓪᓕᒪᑦ ᐃᒻᒥᖕᓄᑦ ᒥᕐᓱᕐᓗᒋᑦ ᑲᑎᑉᐰᑦ; ᐂᑉᐸᖏᓪᓗ ᑕᓪᓕᒪᑦᑕᐅᖅ ᑍᒫᒃ ᒥᕐᓱᕐᓗᒋᑦ ᑲᑎᒃᑭᓪᓗᒋᑦ. 11ᐳᑐᓕᖕᓂᒡᓗ ᓴᓇᕗᑦ ᑐᖑᔪᕐᑐᓂᒃ ᓯᓈᒍᑦ ᓯᓚᑎᖔᖓᒍᑦ ᓂᕕᖓᓂᐊᕐᑐᓂᒃ, ᑍᒫᑦᓮᓐᓇᕐᑕᐅᖅ ᓂᕕᖓᓂᐊᕐᑑᑉ ᑖᓗᑕᐅᑉ ᐂᑉᐸᖓ ᓯᓈᒍᑦ ᐳᑐᓕᖕᓂᒃ ᓴᓇᒋᕗᑦ. 12ᓂᕕᖓᓂᐊᕐᑐᒥ ᑖᓗᑕᕐᒥ ᐊᑕᐅᓯᕐᒥ 50ᓂᒃ ᐳᑐᓕᖕᓂᒃ ᓴᓇᒋᕗᑦ, ᑍᒫᑦᓮᓐᓇᕐᑕᐅᖅ ᓂᕕᖓᓂᐊᕐᑑᑉ ᑖᓗᑕᐅᑉ ᐂᑉᐸᖓ 50ᓂᒃ ᐳᑐᓕᐅᕐᐰᑦ ᓯᓈᒍᑦ; ᑖᒃᑯᐊᓗ ᐳᑐᖏᑦ ᐊᑐᓂᑦ ᐊᑭᓕᕇᒃᑎᑦᓱᒋᑦ. 13ᓂᒃᓯᖕᓂᒡᓗ ᒎᓗᓂᒃ 50ᓂᒃ ᓴᓇᒋᕗᑦ, ᑖᒃᑯᐊ ᑖᓗᑕᕐᓂᒃ ᓂᕕᖓᔪᒃᓵᖕᓂᒃ ᒪᕐᕉᖕᓂᒃ ᑲᓱᕐᓯᒪᑦᔪᑕᐅᓪᓗᑎᒃ, ᑖᓐᓇ ᑐᐱᖅ ᑲᑎᓐᖓᓗᓂ ᐊᑕᐅᓯᐅᓕᖅᑲᖓᓕᖁᓪᓗᒍ.
14ᐊᒻᒪ ᑐᐱᐅᑉ ᓯᓚᑉᐱᐊᒃᓴᖓᓂᒃ ᓴᓇᒋᕗᑦ ᒎᑦᓯᐅᑉ ᒥᖅᑯᕕᓂᖏᓐᓂᒃ ᑐᐱᒃᓴᓕᐊᕆᓯᒪᔪᒥᒃ; ᑖᒃᑯᐊᓗ ᑲᑎᓯᒪᔪᑦ 11ᐅᓪᓗᑎᒃ. 15ᑖᒃᑯᐊᓗ ᐊᑦᔨᒌᓂᒃ ᐊᖏᓂᖃᕐᑎᑉᐰᑦ, ᑐᑭᒧᑦ ᑕᑭᓂᖃᕐᓗᑎᒃ ᐆᒃᑑᑎᓂᒃ 15ᓂᒃ ᓴᓂᒧᓪᓗ ᓯᓕᖕᓂᖃᕐᓗᑎᒃ ᐆᒃᑑᑏᖕᓂᒃ ᒪᕐᕉᖕᓂᒃ. 16ᑖᒃᑯᐊᓗ ᑕᓪᓕᒪᑦ ᐃᒻᒥᖕᓄᑦ ᒥᕐᓱᕐᓗᒋᑦ ᑲᑎᑉᐰᑦ, ᐂᑉᐸᖏᓪᓗ ᑲᑎᓪᓗᒋᑦ 6ᐅᓪᓗᒋᑦ ᐃᒻᒥᖕᓄᑦ ᒥᕐᓱᕐᐰᑦ. 17ᓯᓈᒍᑦ 50ᓂᒃ ᐳᑐᓕᖕᓂᒃ ᓴᓇᒋᕗᑦ ᑕᕝᕘᓇ ᑭᖑᓪᓕᕐᐸᐅᔪᒃᑯᑦ, ᑍᒫᑦᓮᓐᓇᕐᑕᐅᖅ ᐂᑉᐸᖓ 50ᓂᒃ ᐳᑐᓕᐅᕐᐰᑦ ᓯᓈᒍᑦ. 18ᑲᓐᓄᔭᓂᒃ 50ᓂᒃ ᓂᒃᓯᓕᐅᕆᕗᑦ ᑖᒃᑯᐊᓗ ᑐᐱᐅᑉ ᓯᓚᑉᐱᐊᖓᑕ ᐳᑐᖏᓐᓄᑦ ᐋᖅᑭᒃᑕᐅᓪᓗᑎᒃ, ᑖᒃᑯᐊᒃ ᒪᕐᕉᒃ ᑲᑎᓯᒪᐅᑎᒃᓴᖏᖕᓄᑦ ᐊᑕᐅᓯᐅᓕᓗᓂ ᑐᐱᕐᒧᑦ ᓯᓚᑉᐱᐊᒃᓴᐅᓕᖁᓪᓗᒍ. 19ᐅᓕᒃᓵᖕᓂᒃ ᓱᓕ ᒪᕐᕉᖕᓂᒃ ᓴᓇᒋᕗᑦ, ᐂᑉᐸᖓ ᓰᐱᐅᑉ ᐊᖑᓴᓪᓗᖓᑕ ᐊᒥᖓ ᕿᑐᒻᒪᒃᓴᕐᓯᒪᔪᖅ ᐊᐅᐸᕐᑐᖅ ᐂᐸᖓᓕ ᐊᒥᖅ ᕿᑐᒻᒪᒃᓴᑦᓯᐊᕐᓯᒪᓪᓗᓂ, ᑕᒪᓐᓇ ᓯᓚᓪᓕᕐᐹᖑᓗᓂ ᓯᓚᑉᐱᐊᓕᐊᕆᕚᑦ.
20ᕿᔪᖕᓂᒃ ᑎᓴᒃᑕᓂᒃ#36:20 ᑎᓴᒃᑕᓂᒃ ᐅᕝᕙᓗ ᓯᑎᔪᔭᓂᒃ ᑐᐱᐅᑉ ᐊᕙᓗᒃᓴᖏᓐᓂᒃ ᓴᓇᒋᕗᑦ ᐊᑬᑦᓯᐊᓂᒃ ᐊᑎᓕᖕᓂᒃ. 21ᑖᒃᑯᐊᓗ ᐊᕙᓗᖏᑦ ᑐᑭᒧᑦ ᑕᑭᓂᖃᕐᐳᑦ ᓯᑕᒪᓂᒃ ᒦᑕᓂᒃ, ᓴᓂᒧᓪᓗ ᓯᓕᖕᓂᖃᕐᓗᑎᒃ 66ᓂᒃ ᓯᓐᑎᒦᑕᓂᒃ, 22ᑖᒃᑯᐊᓗ ᐊᑐᓂᑦ ᐊᑦᔨᒌᒥᒃ ᑲᐱᒃᑎᕝᕕᓕᐅᕐᑕᐅᕗᑦ, ᑖᒃᑯᐊ ᐊᕙᓗᒃᓮᑦ ᐃᒻᒥᖕᓄᑦ ᑲᓱᕐᑎᑕᐅᕗᑦ ᑲᐱᒃᑎᓯᒪᑦᓯᐊᕐᓗᑎᒃ. ᑖᒃᑯᐊᓗ ᕿᔪᐃᑦ ᐊᕙᓗᒃᓮᑦ ᑍᒫᒃ ᑲᐱᑎᕝᕕᓕᐅᕐᓯᒪᕗᑦ. 23ᑐᐱᕐᓗ ᑖᓐᓇ ᐊᕙᓗᖃᕐᐳᖅ 20ᓂᒃ ᓯᕿᓂᐅᑉ ᓇᓛᓃᑦᑐᓂᒃ; 24ᑖᒃᑯᐊᓗ 20 ᐊᕙᓗᒃᓮᑦ ᑐᓐᖓᕕᒃᓴᖏᓐᓂᒃ ᑐᓐᖓᕕᓕᐅᕐᐳᑦ ᓯᐅᓪᕕᕆᓂᒃ 40ᓂᒃ, ᐊᑐᓂᑦ ᐊᕙᓗᒃᓴᖅ ᐊᑕᐅᓯᖅ ᒪᕐᕉᖕᓂᒃ ᑐᓐᖓᕕᖃᕐᑎᑉᐹᑦ ᑲᐱᒃᑎᓯᒪᓂᖏᖕᓄᑦ ᑐᓐᖓᕕᖏᒃ ᐋᖅᑭᑦᓯᐊᕐᓯᒪᖁᓪᓗᒋᒃ. 25ᐊᒻᒪᑦᑕᐅᖅ ᑐᐱᐅᑉ ᐃᒡᓗᐊ ᐅᓐᓄᐊᓪᓗᐊᑉ ᓇᓛᓃᑦᑐᖅ ᐊᕙᓗᖃᕐᑎᑉᐹᑦ 20ᓂᒃ, 26ᑖᒃᑯᐊᓗ ᑐᓐᖓᕕᖃᕐᐳᑦ ᓯᐅᓪᕕᕆᓂᒃ 40ᓂᒃ, ᐊᑕᐅᓯᖅ ᐊᕙᓗᒃᓴᖅ ᒪᕐᕉᖕᓂᒃ ᑐᓐᖓᕕᖃᕐᓗᓂ, ᐊᓯᐊᓗ ᐊᕙᓗᒃᓴᖅ ᒪᕐᕉᖕᓂᒃ ᑐᓐᖓᕕᖃᕆᓪᓗᓂ. 27ᑐᐱᐅᓪᓕ ᑐᓄᐊ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᖅ ᐊᕙᓗᓕᐅᕐᑕᐅᕗᖅ ᐊᕙᓗᒃᓴᓂᒃ 6ᓂᒃ. 28ᑐᐱᐅᓪᓗ ᑎᕆᖅᑯᐊ ᑐᓄᐊᓃᑦᑐᖅ ᒪᕐᕉᖕᓂᒃ ᐊᕙᓗᓕᐅᑕᐅᒋᕗᖅ. 29ᑖᒃᑯᐊᒡᓗ ᐊᕙᓗᒃᓵᒃ ᑎᕆᖅᑯᒃᓴᓕᐅᕐᑕᐅᕘᒃ ᐊᑖᒍᑦ ᑲᓱᕐᑎᑕᐅᓪᓗᑎᒃ ᑕᑉᐸᐅᖓ ᖁᓛᓄᑦ ᑎᑭᓪᓗᒋᒃ. ᐊᑐᓂᓪᓗ ᐊᕙᓗᒃᓵᒃ ᑎᕆᒃᑯᒃᓴᓕᐅᕐᑕᐅᕗᑦ ᑍᒫᑦᓮᓐᓇᖅ ᐋᖅᑭᒃᓯᒪᔪᒥᒃ. 30ᑍᒫᒃ ᑕᕝᕙ 8ᓂᒃ ᐊᕙᓗᒃᓴᓕᐅᕐᐳᑦ, ᑐᓐᖓᕕᖃᕐᓗᑎᒃ 16ᓂᒃ ᓯᐅᓪᕕᕆᓂᒃ; ᒪᕐᕉᖕᓂᒃ ᑐᓐᖓᕕᖃᕐᓗᓂ ᐊᕙᓗᒃᓴᖅ ᐊᑕᐅᓯᖅ.
31ᕿᔪᑯᑖᓂᒃ ᕿᕋᑦᑕᖅᑯᑎᒃᓴᓂᒃ 15ᓂᒃ ᓴᓇᒋᕗᑦ ᕿᔪᖕᓂᒃ ᑎᓴᒃᑕᓂᒃ ᐊᑬᑦᓯᐊᓂᒃ ᐊᑎᓕᖕᓂᒃ, ᑐᐱᐅᑉ ᐊᕙᓗᐊᑕ ᐃᒡᓗᐊ ᑕᓪᓕᒪᓂᒃ ᕿᕋᑦᑕᖅᑯᓯᕐᓗᒍ, 32ᑕᓪᓕᒪᐅᒋᓪᓗᑎᒃ ᑐᐱᐅᑉ ᐃᒡᓗᐊᒍᑦ ᕿᕋᑦᑕᖅᑯᓯᐅᑎᔭᖏᑦ ᐊᕙᓗᖏᑎᒍᑦ, ᐊᒻᒪ ᑐᐱᐅᑉ ᑐᓄᐊᒍᑦ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᒃᑯᑦ ᑕᓪᓕᒪᐅᒋᓪᓗᑎᒃ ᐊᕙᓗᖏᑎᒍᑦ ᕿᕋᑦᑕᖅᑯᓯᐅᑎᔪᑦ. 33ᐊᕙᓗᖏᑕᓕ ᕿᑎᖓᒍᑦ ᕿᕋᑦᑕᖅᑯᓯᕐᑕᐅᒋᕗᖅ, ᖁᒻᒧᖓᔫᑉ ᓇᐸᔪᖓᑕ ᕿᑎᖓᒎᕐᑐᒥᒃ, ᑐᐱᐅᑉ ᐃᓱᐊᓂᑦ ᐃᓱᐊᓄᑦ ᓯᕗᒧᖓᔪᒥᒃ. 34ᐊᕙᓗᒃᓮᓪᓗ ᓯᓚᑉᐱᐊᕐᑕᐅᕗᑦ ᒎᓗᒥᒃ, ᓱᓪᓗᓕᖕᓂᒡᓗ ᒎᓗᓂᒃ ᕿᕋᑦᑕᖅᑯᑎᖏᓐᓄᑦ ᓇᔪᒻᒪᖅᑯᑎᒃᓴᓂᒃ ᐋᖅᑭᒃᓯᕗᑦ, ᑖᒃᑯᐊᑦᑕᐅᖅ ᕿᕋᑦᑕᖅᑯᑎᒃᓮᑦ ᓯᓚᑉᐱᐊᕐᑕᐅᒋᕗᑦ ᒎᓗᒥᒃ.
35ᑖᓗᑕᒃᓴᒥᒡᓗ ᓴᓇᒋᕗᑦ ᕿᐱᐅᕋᕐᓯᒪᔪᒥᒃ ᖃᓪᓗᓈᕐᑕᑦᓯᐊᕙᖕᒥᒃ ᑐᖑᔪᕐᑐᒥᒃ ᐊᐅᐸᓪᓚᕆᒃᑐᒥᒡᓗ, ᐊᐅᐸᕐᑐᒥᒡᓗ ᓄᕕᕐᓵᒃᓴᒥᒃ ᓴᓇᑦᓯᐊᕈᓐᓇᕐᑐᒧᓪᓗ ᓴᓇᔭᐅᓯᒪᕗᑦ ᓯᕈᐲᒻᖑᐊᖅ ᐃᓴᕈᖃᕐᑐᖅ. 36ᑖᒃᑯᐊᓗ ᓂᕕᓐᖓᕐᑕᐅᕗᑦ ᓯᑕᒪᓄᑦ ᕿᔪᖕᓄᑦ ᑎᓴᒃᑕᓄᑦ ᐊᑬᑦᓯᐊᓂᒃ ᐊᑎᓕᖕᓄᑦ, ᒎᓗᓂᒃ ᓯᓚᑉᐱᐊᓕᕐᓯᒪᔪᓄᑦ, ᓂᒃᓯᖕᓄᑦ ᒎᓗᓄᑦ ᖃᖓᑕᑦᔪᑎᖃᕐᓗᑎᒃ, ᑕᕝᕙ ᑐᓐᖓᕕᓕᐅᕆᕗᑦ ᓯᑕᒪᓂᒃ ᓯᐅᓪᕕᕆᓂᒃ ᓇᐸᔪᐃᑦ ᓇᐸᑦᔪᑎᒃᓴᖏᓐᓂᒃ. 37ᑐᐱᐅᓪᓕ ᐃᑎᕐᑕᕐᕕᖓ ᑖᓗᑕᓕᐅᕐᑕᐅᒋᕗᖅ ᖃᓪᓗᓈᕐᑕᑦᓯᐊᕙᖕᒥᒃ ᓵᑦᑐᒥᒃ ᑐᖑᔪᕐᑐᒥᒃ, ᐊᐅᐸᓪᓚᕆᒃᑐᒥᒡᓗ, ᐊᐅᐸᕐᑐᒥᒡᓗ ᓄᕕᕐᓵᒃᓴᒥᒃ ᑕᕐᓯᕐᓱᕐᓯᒪᓗᓂᓗ ᒥᕐᓱᕐᓯᒪᔪᓂᒃ. 38ᑖᒃᑯᐊ ᑖᓗᑍᑦ ᓇᑉᐸᖅᑯᑕᓕᐅᕐᑕᐅᕗᑦ ᕿᔪᖕᓂᒃ ᑎᓴᒃᑕᓂᒃ ᐊᑬᑦᓯᐊᓂᒃ ᐊᑎᓕᖕᓂᒃ, ᑖᒃᑯᐊᓗ ᓯᓚᑉᐱᐊᕐᓯᒪᓪᓗᑎᒃ ᒎᓗᒥᒃ ᓂᒃᓯᖕᓄᓪᓗ ᒎᓗᓄᑦ ᖃᖓᑕᑎᑕᐅᓪᓗᑎᒃ; ᓇᐸᔪᐃᓪᓗ ᑐᓐᖓᕕᓕᐅᕐᐹᑦ ᐊᑐᓂᑦ ᑲᓐᓄᔭᓂᒃ ᑕᓪᓕᒪᓂᒃ.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.