ᒨᓯᓯ ᓯᕗᓪᓖᑦ 20
20
ᐂᑉᕋᕼᐋᒻ ᐊᐱᒥᓕᑭᓗ
1ᐂᑉᕋᕼᐋᒻᓗ ᐃᖏᕐᕋᕗᖅ ᓯᕿᓂᐅᑉ ᓇᓛᓄᑦ ᓂᒋᑉᒧᑦ, ᓄᓇᖃᓕᖅᓗᓂᓗ ᑲᑎᓯᐅᑉ ᓲᕆᐅᓪᓗ ᐊᑯᓐᓂᖓᓂ; ᑭᖑᓂᖓᒍᓪᓗ, ᓄᓇᖃᓕᖅᓗᓂ ᒋᕌᕆᒥ, 2#ᒨᓯᓯ ᓯᕗᓪᓖᑦ 12:13; 26:7.ᐂᑉᕋᕼᐋᒻᓗ ᓄᓕᐊᓂ ᓵᕋ ᐅᖃᐅᓯᕆᕚ, “ᐅᓇ ᓇᔭᒐ.” ᐊᖓᔪᖅᑳᕐᔪᐊᓪᓗ ᐊᐱᒥᓕᑭᐅᑉ ᓄᓇᒥ ᒋᕌᕆᒥ ᐊᖓᔪᖅᑳᕐᔪᐊᖑᔫᑉ ᓵᕋ ᐂᔭᐅᖁᕚ ᐂᑉᐸᕆᔪᒪᓪᓗᒍ. 3ᒎᑎᐅᓪᓕ ᐅᓐᓄᐊᒥ ᐊᐱᒥᓕᑭ ᓯᓐᓇᒃᑑᒪᒃᑯᑦ ᓴᖅᑭᕝᕕᒋᕚ, ᐅᖃᐅᑎᓪᓗᒍᓗ, “ᑕᑯᒋᑦ, ᑐᖁᒦᓕᖅᐳᑎᑦ, ᐊᕐᖕᓇᖅ ᐱᓚᐅᖅᑍᑦ ᐱᓪᓗᒍ; ᑖᓐᓇ ᐊᖑᑎᐅᑉ ᓄᓕᐊᕆᖕᒪᒍ.”
4ᐊᐱᒥᓕᑭᐅᓪᓕ ᐅᐸᓚᐅᓐᖏᓛ ᐱᖃᑎᒋᔪᒪᓗᒍ; ᑍᒤᒻᒪᑦ ᐅᖃᖅᐳᖅ, “ᐊᑕᓃᖅ, ᐃᓄᖕᓂᒃ ᐸᓯᔭᒃᓴᐅᖏᑦᑐᓂᒃ ᑐᖁᑦᓯᔪᒪᕖᑦ? 5ᑍᓐᓇ ᓇᖕᒥᓂᖅ ᐅᖃᓚᐅᓐᖏᓛᖅ ᐅᕙᓐᓄᑦ? ‘ᐅᓇ ᓇᔭᒐ.’ ᑖᓐᓇᓗ ᐊᕐᖕᓇᖅ ᓇᖕᒥᓂᖅ ᑍᒫᒃ ᐅᖃᓚᐅᕆᓪᓗᓂ, ‘ᐅᓇ ᐊᓂᒐ.’ ᐆᒻᒪᑎᒃᑯᑦ ᓱᓕᑦᓯᐊᖅᓗᖓ ᐊᒡᒐᒃᑯᓪᓗ ᐸᓯᔭᒃᓴᐅᓇᖓ ᑍᒤᓚᐅᖅᐳᖓ.”
6ᒎᑎᐅᑉ ᑭᐅᕚ ᓯᓐᓇᒃᑑᒪᒃᑯᑦ, “ᐄᓛᒃ, ᖃᐅᔨᒪᕙᒋᑦ ᑍᒫᒃ ᐱᓚᐅᖏᓐᓇᕕᑦ ᐆᒻᒪᑎᕕᑦ ᓱᓕᑦᓯᐊᕐᖕᓂᖓᓄᑦ, ᐅᕙᖓᓗ ᐊᔪᖅᑐᓕᑎᑦᑍᓕᓚᐅᖅᐸᒋᑦ ᐅᕙᓐᓄᑦ; ᑍᒤᒻᒪᑦ ᑖᑦᓱᒥᖓ ᐊᒃᑐᐃᑎᓚᐅᓐᖏᓚᒋᑦ. 7ᒫᓐᓇᓕ, ᐊᕐᖕᓇᖅ ᐅᐃᖓᓄᑦ ᐅᑎᖅᑎᓕᕈᒃ; ᑖᑦᓱᒪ ᐅᐃᖓ ᒎᑎᒧᑦ ᐅᖃᖅᑎᒋᔭᐅᖕᒪᑦ, ᑖᑦᓱᒪᓗ ᑐᒃᓯᐅᑎᓂᐊᖅᐹᑎᑦ ᐃᓅᓂᐊᖅᐳᑎᓪᓗ. ᐅᑎᖅᑎᓐᓂᐊᖏᒃᑯᕕᐅᒡᓕ, ᖃᐅᔨᒪᓕᕆᑦ ᓱᓕᓪᓗᖓ ᐅᖃᐅᑎᕙᒋᑦ ᑐᖁᓂᐊᕋᕕᑦ, ᐃᓚᑎᓪᓗ ᑕᒪᕐᖕᒥᒃ.”
8ᐊᐱᒥᓕᑭ ᐅᓪᓛᒻᒪᕆᒃᑯᑦ ᒪᑭᑉᐳᖅ, ᐱᔨᓂᓗ ᑕᒪᕐᖕᒥᒃ ᕾᖁᕔᑦ, ᑕᒪᒃᑯᓂᖓᓗ ᑕᒤᓐᓂᒃ ᐅᓂᒃᑳᕐᕕᒋᓪᓗᒋᑦ, ᑖᒃᑯᐊᓗ ᐊᖏᔪᒥᒃ ᑲᑉᐱᐊᓱᓕᖅᐳᑦ. 9ᑕᕝᕙ ᐊᐱᒥᓕᑭᐅᑉ ᐂᑉᕋᕼᐋᒻ ᕾᖁᕚ, ᐊᐱᕆᓪᓗᒍᓗ, “ᐅᕙᑦᑎᓐᓄᑦ ᖃᓄᐃᓕᐅᓕᖅᐱᑦ? ᖃᓄᕐᓗ ᐊᔪᖅᑐᓕᓯᒪᕗᖓ ᐃᓕᖕᓄᑦ, ᑎᑭᑎᑦᓯᒐᕕᑦ ᐅᕙᓐᓄᑦ ᐊᖓᔪᖅᑲᐅᕕᓐᓄᓪᓗ ᐊᔪᖅᑐᓕᓂᕐᖕᒥᒃ ᐊᖏᔪᒥᒃ? ᐱᓂᐊᕐᖕᓂᖃᓚᐅᕋᕕᑦ ᐅᕙᓐᓄᑦ ᐱᓂᐊᕐᖕᓂᐅᔭᕆᐊᖃᖏᑦᑐᒥᒃ.” 10ᐊᐱᒥᓕᑭ ᐂᑉᕋᕼᐋᒧᑦ ᐅᖃᖅᐳᖅ, “ᓱᓇᒥᒃ ᐃᓱᒪᓚᐅᕋᕕᑦ ᑍᒤᓕᐅᓚᐅᖅᐲᑦ?”
11ᐂᑉᕋᕼᐋᒻ ᑭᐅᕚ, “ᑍᒤᓕᐅᓚᐅᖅᐳᖓ ᐃᓱᒪᖃᓚᐅᕋᒪ, ᐅᕙᓂ ᓄᓇᒥ ᒎᑎᒥᒃ ᓯᕘᕋᔪᖃᕋᓱᒋᓇᒍ, ᑐᖁᑕᐅᓂᐊᕋᓱᒋᓚᐅᕋᒪ ᓄᓕᐊᓐᓂᒃ ᐱᔪᒪᔪᓄᑦ. 12ᐃᓛᒡᓕ ᓱᓕᔪᒥᒃ ᓇᔭᓪᓚᕆᒋᒐᓗᐊᖅᐸᕋ, ᐊᑖᑕᒪ ᐸᓂᒋᖕᒪᒍ, ᐊᓈᓇᒪᓕ ᐸᓂᖏᓇᓂᐅᒃ; ᑖᓐᓇᓗ ᓄᓕᐊᖅᑖᕆᓚᐅᖅᐸᕋ. 13ᒎᑎᐅᓪᓕ ᐊᑖᑕᒪ ᓇᔪᖅᑕᖓᓂᑦ ᑎᓕᓕᕐᖕᒪᖓ ᓄᓇᒧᑦ ᓄᓇᒋᓐᖏᑕᓐᓄᑦ, ᐊᕐᖕᓇᖅ ᐅᖃᐅᑎᓚᐅᖅᐸᕋ, ‘ᐅᕙᓐᓂᒃ ᐱᑦᓯᐊᖁᕙᒋᑦ ᐃᒫᒃ: ᓄᓇᓕᖕᓄᑦ ᑕᒤᓐᓄᑦ ᐅᐸᒃᑕᑦᑎᓐᓄᑦ ᐅᕙᓐᓂᒃ ᐊᓂᖃᕐᖕᓂᕋᖃᑦᑕᖁᕙᒋᑦ.’”
14ᑕᕝᕙ ᐊᐱᒥᓕᑭ ᓰᐱᓂᒃ ᑎᒍᓯᕗᖅ, ᐃᒻᒧᒃᓯᐅᒐᕐᖕᓂᒡᓗ, ᐊᖑᑎᓂᒃ ᐊᕐᖕᓇᓂᒡᓗ ᐱᔨᓂᒃ, ᑐᓂᓪᓗᒋᓪᓗ ᐂᑉᕋᕼᐋᒧᑦ, ᓵᕋᓗ ᐅᑎᖅᑎᓪᓗᒍ ᑖᑦᓱᒪ ᓄᓕᐊᖓ. 15ᐊᐱᒥᓕᑭᓗ ᐅᖃᖅᐳᖅ, “ᑕᑯᒋᑦ, ᓄᓇᖁᑎᒐ ᑕᒪᓐᓇ ᑕᑯᓐᓇᖅᑍᑦ; ᓇᓂᑐᐃᓐᓇᑦᓯᐊᖅ ᓄᓇᒋᔪᒪᔭᕐᖕᓂ ᓄᓇᖃᕈᓐᓇᖅᐳᑎᑦ.” 16ᓵᕋᒧᓪᓗ ᐅᖃᕆᕗᖅ, “ᑕᑯᒋᑦ, ᐊᓃᑦ ᑐᓂᓯᕕᒋᕙᕋ ᓯᐅᓪᕕᕆᓂᒃ 1,000ᓂᒃ; ᑕᒪᓐᓇ ᑕᕝᕙ ᓴᐳᑎᔭᐅᓃᑦ ᐸᓯᔭᒃᓴᐅᖏᓐᓂᕐᖕᓄᑦ ᑕᒪᕐᖕᒥᒃ ᐃᓚᒋᔭᑎᑦ ᖃᐅᔨᑎᓪᓗᒋᑦ; ᐸᓯᔭᒃᓴᐅᖏᓐᓂᕐᖕᓂᒃ ᑕᒪᕐᖕᒥᒃ ᖃᐅᔨᖁᓪᓗᒋᑦ.”
17ᐂᑉᕋᕼᐋᒻᓗ ᒎᑎᒧᑦ ᑐᒃᓯᐊᖅᐳᖅ; ᒎᑎᐅᓪᓗ ᐊᐱᒥᓕᑭ ᓄᓕᐊᖓᓗ ᐋᖅᑭᒃᐹᒃ, ᐱᔨᖏᓪᓗ ᐊᕐᖕᓁᑦ ᐋᖅᑭᒃᑭᕔᑦ, ᑕᕝᕙ ᕿᑐᕐᖓᖅᑖᕈᓐᓇᖅᓯᓚᐅᖅᐳᑦ. 18ᐊᑕᓂᐅᑉ ᕿᑐᕐᖓᖅᑖᕈᓐᓁᓪᓕᑎᓚᐅᕐᖕᒪᒋᑦ ᐊᐱᒥᓕᑭᐅᑉ ᐃᒡᓗᒥᐅᖃᑎᖏᑦ ᓵᕋ ᐱᓪᓗᒍ, ᐂᑉᕋᕼᐋᒻ ᓄᓕᐊᖓ.
Currently Selected:
ᒨᓯᓯ ᓯᕗᓪᓖᑦ 20: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᒨᓯᓯ ᓯᕗᓪᓖᑦ 20
20
ᐂᑉᕋᕼᐋᒻ ᐊᐱᒥᓕᑭᓗ
1ᐂᑉᕋᕼᐋᒻᓗ ᐃᖏᕐᕋᕗᖅ ᓯᕿᓂᐅᑉ ᓇᓛᓄᑦ ᓂᒋᑉᒧᑦ, ᓄᓇᖃᓕᖅᓗᓂᓗ ᑲᑎᓯᐅᑉ ᓲᕆᐅᓪᓗ ᐊᑯᓐᓂᖓᓂ; ᑭᖑᓂᖓᒍᓪᓗ, ᓄᓇᖃᓕᖅᓗᓂ ᒋᕌᕆᒥ, 2#ᒨᓯᓯ ᓯᕗᓪᓖᑦ 12:13; 26:7.ᐂᑉᕋᕼᐋᒻᓗ ᓄᓕᐊᓂ ᓵᕋ ᐅᖃᐅᓯᕆᕚ, “ᐅᓇ ᓇᔭᒐ.” ᐊᖓᔪᖅᑳᕐᔪᐊᓪᓗ ᐊᐱᒥᓕᑭᐅᑉ ᓄᓇᒥ ᒋᕌᕆᒥ ᐊᖓᔪᖅᑳᕐᔪᐊᖑᔫᑉ ᓵᕋ ᐂᔭᐅᖁᕚ ᐂᑉᐸᕆᔪᒪᓪᓗᒍ. 3ᒎᑎᐅᓪᓕ ᐅᓐᓄᐊᒥ ᐊᐱᒥᓕᑭ ᓯᓐᓇᒃᑑᒪᒃᑯᑦ ᓴᖅᑭᕝᕕᒋᕚ, ᐅᖃᐅᑎᓪᓗᒍᓗ, “ᑕᑯᒋᑦ, ᑐᖁᒦᓕᖅᐳᑎᑦ, ᐊᕐᖕᓇᖅ ᐱᓚᐅᖅᑍᑦ ᐱᓪᓗᒍ; ᑖᓐᓇ ᐊᖑᑎᐅᑉ ᓄᓕᐊᕆᖕᒪᒍ.”
4ᐊᐱᒥᓕᑭᐅᓪᓕ ᐅᐸᓚᐅᓐᖏᓛ ᐱᖃᑎᒋᔪᒪᓗᒍ; ᑍᒤᒻᒪᑦ ᐅᖃᖅᐳᖅ, “ᐊᑕᓃᖅ, ᐃᓄᖕᓂᒃ ᐸᓯᔭᒃᓴᐅᖏᑦᑐᓂᒃ ᑐᖁᑦᓯᔪᒪᕖᑦ? 5ᑍᓐᓇ ᓇᖕᒥᓂᖅ ᐅᖃᓚᐅᓐᖏᓛᖅ ᐅᕙᓐᓄᑦ? ‘ᐅᓇ ᓇᔭᒐ.’ ᑖᓐᓇᓗ ᐊᕐᖕᓇᖅ ᓇᖕᒥᓂᖅ ᑍᒫᒃ ᐅᖃᓚᐅᕆᓪᓗᓂ, ‘ᐅᓇ ᐊᓂᒐ.’ ᐆᒻᒪᑎᒃᑯᑦ ᓱᓕᑦᓯᐊᖅᓗᖓ ᐊᒡᒐᒃᑯᓪᓗ ᐸᓯᔭᒃᓴᐅᓇᖓ ᑍᒤᓚᐅᖅᐳᖓ.”
6ᒎᑎᐅᑉ ᑭᐅᕚ ᓯᓐᓇᒃᑑᒪᒃᑯᑦ, “ᐄᓛᒃ, ᖃᐅᔨᒪᕙᒋᑦ ᑍᒫᒃ ᐱᓚᐅᖏᓐᓇᕕᑦ ᐆᒻᒪᑎᕕᑦ ᓱᓕᑦᓯᐊᕐᖕᓂᖓᓄᑦ, ᐅᕙᖓᓗ ᐊᔪᖅᑐᓕᑎᑦᑍᓕᓚᐅᖅᐸᒋᑦ ᐅᕙᓐᓄᑦ; ᑍᒤᒻᒪᑦ ᑖᑦᓱᒥᖓ ᐊᒃᑐᐃᑎᓚᐅᓐᖏᓚᒋᑦ. 7ᒫᓐᓇᓕ, ᐊᕐᖕᓇᖅ ᐅᐃᖓᓄᑦ ᐅᑎᖅᑎᓕᕈᒃ; ᑖᑦᓱᒪ ᐅᐃᖓ ᒎᑎᒧᑦ ᐅᖃᖅᑎᒋᔭᐅᖕᒪᑦ, ᑖᑦᓱᒪᓗ ᑐᒃᓯᐅᑎᓂᐊᖅᐹᑎᑦ ᐃᓅᓂᐊᖅᐳᑎᓪᓗ. ᐅᑎᖅᑎᓐᓂᐊᖏᒃᑯᕕᐅᒡᓕ, ᖃᐅᔨᒪᓕᕆᑦ ᓱᓕᓪᓗᖓ ᐅᖃᐅᑎᕙᒋᑦ ᑐᖁᓂᐊᕋᕕᑦ, ᐃᓚᑎᓪᓗ ᑕᒪᕐᖕᒥᒃ.”
8ᐊᐱᒥᓕᑭ ᐅᓪᓛᒻᒪᕆᒃᑯᑦ ᒪᑭᑉᐳᖅ, ᐱᔨᓂᓗ ᑕᒪᕐᖕᒥᒃ ᕾᖁᕔᑦ, ᑕᒪᒃᑯᓂᖓᓗ ᑕᒤᓐᓂᒃ ᐅᓂᒃᑳᕐᕕᒋᓪᓗᒋᑦ, ᑖᒃᑯᐊᓗ ᐊᖏᔪᒥᒃ ᑲᑉᐱᐊᓱᓕᖅᐳᑦ. 9ᑕᕝᕙ ᐊᐱᒥᓕᑭᐅᑉ ᐂᑉᕋᕼᐋᒻ ᕾᖁᕚ, ᐊᐱᕆᓪᓗᒍᓗ, “ᐅᕙᑦᑎᓐᓄᑦ ᖃᓄᐃᓕᐅᓕᖅᐱᑦ? ᖃᓄᕐᓗ ᐊᔪᖅᑐᓕᓯᒪᕗᖓ ᐃᓕᖕᓄᑦ, ᑎᑭᑎᑦᓯᒐᕕᑦ ᐅᕙᓐᓄᑦ ᐊᖓᔪᖅᑲᐅᕕᓐᓄᓪᓗ ᐊᔪᖅᑐᓕᓂᕐᖕᒥᒃ ᐊᖏᔪᒥᒃ? ᐱᓂᐊᕐᖕᓂᖃᓚᐅᕋᕕᑦ ᐅᕙᓐᓄᑦ ᐱᓂᐊᕐᖕᓂᐅᔭᕆᐊᖃᖏᑦᑐᒥᒃ.” 10ᐊᐱᒥᓕᑭ ᐂᑉᕋᕼᐋᒧᑦ ᐅᖃᖅᐳᖅ, “ᓱᓇᒥᒃ ᐃᓱᒪᓚᐅᕋᕕᑦ ᑍᒤᓕᐅᓚᐅᖅᐲᑦ?”
11ᐂᑉᕋᕼᐋᒻ ᑭᐅᕚ, “ᑍᒤᓕᐅᓚᐅᖅᐳᖓ ᐃᓱᒪᖃᓚᐅᕋᒪ, ᐅᕙᓂ ᓄᓇᒥ ᒎᑎᒥᒃ ᓯᕘᕋᔪᖃᕋᓱᒋᓇᒍ, ᑐᖁᑕᐅᓂᐊᕋᓱᒋᓚᐅᕋᒪ ᓄᓕᐊᓐᓂᒃ ᐱᔪᒪᔪᓄᑦ. 12ᐃᓛᒡᓕ ᓱᓕᔪᒥᒃ ᓇᔭᓪᓚᕆᒋᒐᓗᐊᖅᐸᕋ, ᐊᑖᑕᒪ ᐸᓂᒋᖕᒪᒍ, ᐊᓈᓇᒪᓕ ᐸᓂᖏᓇᓂᐅᒃ; ᑖᓐᓇᓗ ᓄᓕᐊᖅᑖᕆᓚᐅᖅᐸᕋ. 13ᒎᑎᐅᓪᓕ ᐊᑖᑕᒪ ᓇᔪᖅᑕᖓᓂᑦ ᑎᓕᓕᕐᖕᒪᖓ ᓄᓇᒧᑦ ᓄᓇᒋᓐᖏᑕᓐᓄᑦ, ᐊᕐᖕᓇᖅ ᐅᖃᐅᑎᓚᐅᖅᐸᕋ, ‘ᐅᕙᓐᓂᒃ ᐱᑦᓯᐊᖁᕙᒋᑦ ᐃᒫᒃ: ᓄᓇᓕᖕᓄᑦ ᑕᒤᓐᓄᑦ ᐅᐸᒃᑕᑦᑎᓐᓄᑦ ᐅᕙᓐᓂᒃ ᐊᓂᖃᕐᖕᓂᕋᖃᑦᑕᖁᕙᒋᑦ.’”
14ᑕᕝᕙ ᐊᐱᒥᓕᑭ ᓰᐱᓂᒃ ᑎᒍᓯᕗᖅ, ᐃᒻᒧᒃᓯᐅᒐᕐᖕᓂᒡᓗ, ᐊᖑᑎᓂᒃ ᐊᕐᖕᓇᓂᒡᓗ ᐱᔨᓂᒃ, ᑐᓂᓪᓗᒋᓪᓗ ᐂᑉᕋᕼᐋᒧᑦ, ᓵᕋᓗ ᐅᑎᖅᑎᓪᓗᒍ ᑖᑦᓱᒪ ᓄᓕᐊᖓ. 15ᐊᐱᒥᓕᑭᓗ ᐅᖃᖅᐳᖅ, “ᑕᑯᒋᑦ, ᓄᓇᖁᑎᒐ ᑕᒪᓐᓇ ᑕᑯᓐᓇᖅᑍᑦ; ᓇᓂᑐᐃᓐᓇᑦᓯᐊᖅ ᓄᓇᒋᔪᒪᔭᕐᖕᓂ ᓄᓇᖃᕈᓐᓇᖅᐳᑎᑦ.” 16ᓵᕋᒧᓪᓗ ᐅᖃᕆᕗᖅ, “ᑕᑯᒋᑦ, ᐊᓃᑦ ᑐᓂᓯᕕᒋᕙᕋ ᓯᐅᓪᕕᕆᓂᒃ 1,000ᓂᒃ; ᑕᒪᓐᓇ ᑕᕝᕙ ᓴᐳᑎᔭᐅᓃᑦ ᐸᓯᔭᒃᓴᐅᖏᓐᓂᕐᖕᓄᑦ ᑕᒪᕐᖕᒥᒃ ᐃᓚᒋᔭᑎᑦ ᖃᐅᔨᑎᓪᓗᒋᑦ; ᐸᓯᔭᒃᓴᐅᖏᓐᓂᕐᖕᓂᒃ ᑕᒪᕐᖕᒥᒃ ᖃᐅᔨᖁᓪᓗᒋᑦ.”
17ᐂᑉᕋᕼᐋᒻᓗ ᒎᑎᒧᑦ ᑐᒃᓯᐊᖅᐳᖅ; ᒎᑎᐅᓪᓗ ᐊᐱᒥᓕᑭ ᓄᓕᐊᖓᓗ ᐋᖅᑭᒃᐹᒃ, ᐱᔨᖏᓪᓗ ᐊᕐᖕᓁᑦ ᐋᖅᑭᒃᑭᕔᑦ, ᑕᕝᕙ ᕿᑐᕐᖓᖅᑖᕈᓐᓇᖅᓯᓚᐅᖅᐳᑦ. 18ᐊᑕᓂᐅᑉ ᕿᑐᕐᖓᖅᑖᕈᓐᓁᓪᓕᑎᓚᐅᕐᖕᒪᒋᑦ ᐊᐱᒥᓕᑭᐅᑉ ᐃᒡᓗᒥᐅᖃᑎᖏᑦ ᓵᕋ ᐱᓪᓗᒍ, ᐂᑉᕋᕼᐋᒻ ᓄᓕᐊᖓ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.