ᒨᓯᓯ ᓯᕗᓪᓖᑦ 21
21
ᐂᓴᑭᐅᑉ ᐃᕐᖕᓂᐊᖑᓂᖓ
1ᐊᑕᓂᖅ ᓵᕋᒧᑦ ᐳᓛᕆᐊᓚᐅᖅᐳᖅ ᐅᖃᖅᓯᒪᓂᓂ ᒪᓕᒡᓗᒍ, ᐊᑕᓂᕐᓗ ᓵᕋᒧᑦ ᐱᓇᓱᐊᓚᐅᖅᐳᖅ ᐊᖏᖅᓯᒪᓂᓂ ᒪᓕᒡᓗᒍ. 2#ᐄᑉᕈᐃᓄᑦ 11:11.ᓵᕋᓗ ᓄᑕᕋᒃᓴᖃᓕᖅᐳᖅ, ᐃᕐᖕᓂᖅᑖᖅᑎᓪᓗᒍᓗ ᐂᑉᕋᕼᐋᒻ ᐃᓄᑐᖃᐅᓕᖅᑎᓪᓗᒍ, ᓯᕗᓂᖓᒍᑦ ᑕᒪᓐᓇ ᓇᓪᓕᐅᑎᓛᕐᖕᓂᕋᖅᓗᒍ ᒎᑎᐅᑉ ᐅᖃᐅᑎᓚᐅᕐᖕᒪᒍ. 3ᐂᑉᕋᕼᐋᒻᓗ ᐃᕐᖕᓂᖅᑖᓂ ᐂᓴᑭᒥᒃ ᐊᑦᓯᖅᐹ, ᑖᓐᓇ ᓵᕋᒃᑯᑦ ᐃᕐᖕᓂᖅᑖᕆᔭᓂ. 4#ᒨᓯᓯ ᓯᕗᓪᓖᑦ 17:12; ᐋᐴᓯᑕᓖᑦ 7:8.ᐂᑉᕋᕼᐋᒻᓗ ᐃᕐᖕᓂᓂ ᐂᓴᑭ ᐅᓪᓗᖃᓕᕐᖕᒪᑦ 8ᓂᒃ ᑭᐱᕚ, ᑍᒫᒃ ᒎᑎᐅᑉ ᐱᖁᔨᓚᐅᕐᖕᓂᖓ ᒪᓕᒡᓗᒍ. 5ᐂᑉᕋᕼᐋᒻᓗ 100ᓂᒃ ᐊᕐᕌᒍᖃᓕᓚᐅᖅᐳᖅ ᐃᕐᖕᓂᖓ ᐂᓴᑭ ᐃᓅᑎᓪᓗᒍ. 6ᓵᕋᓗ ᐅᖃᖅᐳᖅ, “ᒎᑎᐅᑉ ᖁᖓᒍᓐᓇᖅᓯᑎᑉᐹᖓ, ᑐᓴᖅᑐᓪᓗ ᑕᒪᕐᖕᒥᒃ ᐅᕙᓐᓄᑦ ᖁᖓᖃᑕᐅᔪᒫᓕᖅᐳᑦ.” 7ᐅᖃᒃᑲᓐᓂᕆᓪᓗᓂᓗ, “ᑭᓇᓕ ᐅᖃᕈᓐᓇᕋᔭᓚᐅᖅᐹ ᐂᑉᕋᕼᐋᒻᒧᑦ ᓵᕋ ᐊᒫᒪᒃᑎᑦᓯᔪᓐᓇᕐᖕᓂᕋᖅᓗᒍ ᓄᑕᕋᕐᖕᓂᒃ? ᑍᒤᒃᑲᓗᐊᖅᑎᓪᓗᒍ ᐂᑉᕋᕼᐋᒻ ᐃᕐᖕᓂᖅᑖᑎᓯᒪᕙᕋ ᐃᑦᑐᓕᖅᑎᓪᓗᒍ.” 8ᓱᕈᓯᕐᓗ ᐊᖏᒡᓕᕙᓪᓕᐊᕗᖅ, ᐊᒫᒪᔪᐃᖅᓗᓂᓗ; ᐅᓪᓗᕐᖕᒥᓗ ᐂᓴᑭᐅᑉ ᐊᒫᒪᔪᐃᕐᕕᐊᓂ, ᐂᑉᕋᕼᐋᒻ ᓂᕆᕕᒡᔪᐊᓕᐅᓚᐅᖅᐳᖅ.
ᐂᒡᒐᐅᑉ ᐄᓯᒥᐅᓪᓗ ᐊᐅᓪᓚᖅᑎᑕᐅᓂᖏᒃ
9ᓵᕋᐅᓪᓕ ᐂᒡᒐᐅᑉ ᐄᑦᔨᑉᑎᒥᐅᑕᐅᑉ ᐃᕐᖕᓂᖓ ᑕᑯᓐᓇᖅᐹ, ᑖᓐᓇ ᐂᑉᕋᕼᐋᒃᑯᑦ ᐃᕐᖕᓂᖅᑖᕆᓚᐅᖅᑕᖓ, ᒥᑕᐅᑎᖃᖅᑎᓪᓗᒍ ᐂᓴᑭᒥᒃ. 10#ᒐᓔᑎ 4:29,30.ᑕᕝᕙ ᓵᕋ ᐂᑉᕋᕼᐋᒧᑦ ᐅᖃᖅᐳᖅ, “ᐅᓇ ᐊᕐᖕᓇᖅ ᐱᔨ ᐃᕐᖕᓂᖓᓗ ᐊᐅᓪᓚᖅᑎᓚᐅᒃᑭᒃ; ᑖᑦᓱᒪ ᐱᔨᐅᑉ ᐊᕐᖕᓇᐅᑉ ᐃᕐᖕᓂᖓ ᐱᖁᑎᖕᓂᒃ ᑭᖑᕐᖑᑦᔨᖃᑎᖃᕆᐊᖃᓐᖏᓚᖅ ᐃᕐᖕᓂᓐᓂᒃ ᐂᓴᑭᒥᒃ.” 11ᑕᒪᓐᓇᓗ ᐂᑉᕋᕼᐋᒻ ᖁᕕᐊᓱᒍᓐᓃᕈᑎᒋᕚ ᐊᖏᔪᒥᒃ, ᐃᕐᖕᓂᓂ ᐱᓪᓗᒍ. 12#ᕉᒪᒥᐅᓄᑦ 9:7; ᐄᑉᕈᐃᓄᑦ 11:18.ᒎᑎᐅᓪᓕ ᐂᑉᕋᕼᐋᒻ ᐅᖃᐅᑎᕚ, “ᐃᓱᒫᓘᑎᒋᓂᐊᕐᖕᓇᒋᒃ ᑖᓐᓇ ᓄᑲᑉᐱᐊᖅ ᐊᕐᖕᓇᕐᓗ ᐱᔨᒋᔧᑦ; ᐱᓇᓱᐊᓕᕆᓪᓕ ᓵᕋᐅᑉ ᐅᖃᐅᓯᖓ ᒪᓕᒡᓗᒍ; ᑖᑦᓱᒨᓇ ᐂᓴᑭᒃᑯᑦ ᑭᖑᕚᒃᓴᑎᑦ ᐊᑎᖃᕈᒫᕐᖕᒪᑕ ᐃᓕᖕᓂᒃ. 13ᑖᓐᓇᓗ ᐱᔨᕕᑦ ᐃᕐᖕᓂᖓ ᐃᓅᖃᑎᒌᒡᔪᐊᓐᖑᖅᑎᑦᓱᒫᖅᐸᕋᑦᑕᐅᖅ, ᐃᕐᖕᓂᕆᖕᒥᒐᕕᐅᒃ.”
14ᖃᐅᑎᓪᓗᒍ ᐅᓪᓛᒻᒪᕆᒃᑯᑦ ᐂᑉᕋᕼᐋᒻ ᒪᑭᑉᐳᖅ, ᐂᒡᒐ ᑐᓂᓯᕕᒋᕚ ᓂᕿᓂᒃ ᑕᖁᐊᒃᓴᖏᓐᓂᒃ ᐊᒥᕐᖕᒥᒡᓗ ᐃᒥᖃᐅᑎᒥᒃ ᑖᒃᑯᓂᖓ ᓇᖕᒪᒃᑎᓪᓗᒍ, ᓱᕈᓯᕐᓗ ᐱᖃᑎᒋᓪᓗᓂᐅᒃ ᑕᕝᕙᓐᖓᑦ ᐊᐅᓪᓚᖅᑎᑉᐹ. ᑕᕝᕙᓐᖓᓪᓗ ᐊᐅᓪᓚᕋᒥᒃ ᐃᖏᕐᕋᓚᐅᖅᐴᒃ ᐃᓄᖃᖏᑦᑐᒥ ᐱᐊᕐᓯᐸᐅᑉ ᐃᓚᖓᓂ. 15ᐃᒥᕐᓕ ᑕᖁᐊᕆᔭᖓ ᓄᖑᒻᒪᑦ, ᓱᕈᓯᖅ ᐅᖅᐱᒊᑦ ᑭᒡᓕᖓᓄᑦ ᐃᓕᕚ. 16ᐱᓱᒃᓗᓂᓗ ᐃᖏᑉᐳᖅ ᐅᖓᓯᒋᐊᕐᔪᒃᑕᖓᓄᑦ. ᐱᓯᒃᓯᐅᑉ ᖃᕐᔪᖓᑕ ᑎᑭᑦᓱᓐᓇᖅᑕᖓᓄᑦ; ᐃᒻᒥᓄᓪᓗ ᐅᖃᓕᖅᓗᓂ, “ᕿᑐᕐᖓᕋ ᑐᖁᓕᖅᑎᓪᓗᒍ ᑕᑯᓐᓇᕈᒪᓐᖏᓚᖓ.” ᐊᑭᐊᓂ ᐃᒃᓯᕚᖅᑎᓪᓗᒍ, ᓄᑲᑉᐱᐊᖅ ᓂᐱᖅᑯᖅᑐᓪᓗᓂ ᕿᐊᓯᕗᖅ.
17ᒎᑎᐅᓪᓗ ᓄᑲᑉᐱᐊᑉ ᓂᐱᖓ ᑐᓴᖅᐹ; ᕿᓚᖕᒥᓪᓗ ᒎᑎᐅᑉ ᐂᖏᓖᖓᑕ ᐂᒡᒐ ᐅᖃᕐᕕᒋᕚ, “ᐂᒡᒑ, ᓱᓇᒥᒃ ᖁᕕᐊᓱᖏᑦᔪᑎᖃᖅᐲᑦ? ᑲᑉᐱᐊᓱᖕᓂᐊᕐᖕᓇᒃ, ᒎᑎᐅᑉ ᓄᑲᑉᐱᐊᑉ ᕿᐊᓂᖓ ᑐᓴᕐᖕᒪᒍ. 18ᒪᑭᓪᓗᑎᑦ, ᐅᐸᓚᐅᕈᒃ ᑎᒍᓗᒍ, ᐃᕿᓚᐅᕈᒃ; ᑖᓐᓇ ᐃᓅᖃᑎᒌᒡᔪᐊᓐᖑᖅᑎᑦᓱᒫᕋᒃᑯ.” 19ᐂᒡᒐᐅᓪᓗ ᐃᔨᖏᒃ ᒎᑎᐅᑉ ᑕᑯᑎᒻᒪᒋᒃ, ᑕᑯᕗᖅ ᐃᒥᖅᑕᕐᕕᖕᒥᒃ; ᑕᕝᕗᓐᖓᕋᒥᓗ ᐃᒥᖃᐅᑎᓂ ᐊᒥᖅ ᐃᒻᒥᖅᐹ ᐃᒥᕐᖕᒥᒃ; ᓄᑲᑉᐱᐊᕐᓗ ᐃᒥᖅᑎᓪᓗᒍ. 20ᒎᑎᐅᓪᓗ ᐃᓚᒋᕚ ᓄᑲᑉᐱᐊᖅ, ᐱᕈᕇᓚᐅᖅᐳᖅ; ᓄᓇᖃᓚᐅᖅᐳᕐᓗ ᐃᓄᖃᖏᑦᑐᒥ, ᐱᑎᒃᓯᒧᓪᓗ ᐊᔪᖏᑦᓯᐊᓕᓚᐅᖅᐳᖅ. 21ᓄᓇᖃᓚᐅᖅᐳᕐᓗ ᐸᕌᓐ ᐃᓄᖃᖏᑦᑐᖓᓂ; ᐊᓈᓇᖓᑕᓗ ᓄᓕᐊᓂᒃᑎᑉᐹ ᐄᑦᔨᑉᑎᒥᐅᑕᕐᖕᒥᒃ.
ᐂᑉᕋᕼᐋᒻᓗ ᐊᐱᒥᓕᑭᐅᓪᓗ ᐊᖏᖃᑎᒌᖕᓂᖏᒃ
22 #
ᒨᓯᓯ ᓯᕗᓪᓖᑦ 26:26. ᑍᑦᓱᒪᓂᐅᑎᓪᓗᒍ ᐊᐱᒥᓕᑭ ᐱᖃᑎᖃᖅᓗᓂ ᐱᑰᓕᒥᒃ, ᐅᓇᑕᖅᑐᒃᓴᖁᑎᖏᑕ ᐊᖓᔪᖅᑳᖓᓂᒃ, ᐂᑉᕋᕼᐋᒻᒧᑦ ᐅᖃᖅᐳᖅ, “ᒎᑎᐅᑉ ᐃᓚᒋᕚᑎᑦ ᐱᓇᓱᐊᖅᑕᓕᒫᕐᖕᓂ; 23ᑍᒤᒻᒪᑦ ᐊᖏᒻᒪᕆᒃᓗᑎᑦ ᐅᖃᕕᓚᐅᕆᑦ ᒎᑎᐅᑉ ᓵᖓᓂ ᓇᓗᓁᖅᓯᓗᑎᑦ ᐅᕙᓐᓄᑦ ᓱᓕᖏᓐᓂᒃᑯᑦ ᐱᓂᐊᖏᓐᓂᕋᖅᓗᑎᑦ, ᕿᑐᕐᖓᓐᓄᓪᓘᓐᓃᑦ, ᐃᓕᖕᓄᑦ ᐱᑦᓯᐊᖅᓯᒪᒐᒪ, ᑍᒫᑦᓮᓐᓇᖅ ᐱᓇᓱᐊᕐᕕᒋᓚᐅᓐᖓ, ᓄᓇᑦᑎᓐᓄᓪᓗ ᑕᒪᐅᖓᓗ ᓇᔪᖅᑕᕐᖕᓄᑦ.”
24ᐂᑉᕋᕼᐋᒻᓗ ᐅᖃᖅᐳᖅ, “ᐅᖃᕕᒃᓗᖓ ᐊᖏᕐᖕᓂᐊᖅᐳᖓ.”
25ᐂᑉᕋᕼᐋᒻᓗ ᐊᐱᒥᓕᑭᒧᑦ ᓈᒻᒪᒃᓴᖏᑦᔪᑎᒥᓂᒃ ᐅᖃᐅᓯᖃᓕᖅᐳᖅ ᐃᒥᖅᑕᕐᕕᖕᒥᒃ ᐊᐱᒥᓕᑭᐅᑉ ᐱᔨᖏᓐᓄᑦ ᑎᒍᔭᐅᓚᐅᖅᑐᒥᒃ. 26ᐊᐱᒥᓕᑭᓗ ᐅᖃᓕᖅᐳᖅ, “ᖃᐅᔨᒪᓐᖏᓚᖓ ᑭᓇ ᑍᒤᓕᐅᕐᖕᓂᕐᖕᒪᖔᑦ; ᐅᖃᐅᑎᓚᐅᖏᓐᓇᕕᖓ, ᑕᕝᕙ ᓯᕗᓪᓕᖅᐹᒥᒃ ᑐᓴᓕᑍᓐᓇᖅᐸᕋ.” 27ᑕᕝᕙ ᐂᑉᕋᕼᐋᒻ ᑐᓂᓯᓕᖅᐳᖅ ᓰᐱᓂᒃ ᐃᒻᒧᒃᓯᐅᒐᓂᒡᓗ ᐊᐱᒥᓕᑭᒧᑦ, ᑖᒃᑯᐊᒡᓗ ᐃᒻᒥᖕᓄᑦ ᐊᖏᖃᑎᒌᒃᐴᒃ. 28ᐂᑉᕋᕼᐋᒻᓗ ᓰᐱᐅᑉ ᓄᕐᕋᖏᓐᓂᒃ ᐊᕐᖕᓇᓪᓗᖕᓂᒃ 7ᓂᒃ ᓴᓂᕐᕔᕗᖅ ᓰᐱᖁᑎᒥᓂᑦ, 29ᐊᐱᒥᓕᑭᐅᓪᓗ ᐂᑉᕋᕼᐋᒻ ᐊᐱᕆᕚ, “ᖃᓄᐃᓕᐅᖅᐲᑦ ᐅᑯᓄᖓ 7ᓄᑦ ᓰᐱᐅᑉ ᓄᕐᕋᖏᓐᓄᑦ ᓴᓂᕐᕙᒃᑕᕐᖕᓄᑦ?”
30ᑖᑦᓱᒪ ᑭᐅᕚ, “ᐅᑯᐊ ᓰᐱᐅᑉ ᓄᕐᕋᖏᑦ ᐊᕐᖕᓇᓪᓗᐃᑦ 7ᐃᑦ ᑎᒍᒃᑭᑦ ᐅᕙᓐᓂᑦ, ᖃᐅᔨᓂᐊᕋᕕᑦ ᐅᕙᖓ ᑖᑦᓱᒥᖓ ᐃᒥᖅᑕᕐᕕᖕᒥᒃ ᐃᑎᖅᓴᓕᐅᕆᓯᒪᓂᓐᓂᒃ.” 31ᑕᕝᕙᓗ ᑖᓐᓇ ᐃᒥᖅᑕᕐᕕᒃ ᐊᑎᖃᓕᖅᐳᖅ ᐱᐊᕐᓯᐸᒥᒃ;#21:31 ᐱᐊᕐᓯᐸ ᐄᑉᕉᑎᑐᑦ ᑐᑭᖃᖅᑐᖅ “ᐃᒥᖅᑕᕐᕕᒃ ᐊᖏᖃᑎᒌᒍᑕᐅᓯᒪᔪᖅ” ᐅᕝᕙᓗ “ᐃᒥᖅᑕᕐᕕᒃ 7ᓂᒃ ᓇᓗᓁᒃᑯᑕᓕᒃ” ᐱᑦᔪᑎᖃᖅᓗᓂ ᑕᕝᕙᓂ ᑖᒃᑯᐊᒃ ᐅᖃᕕᒃᓗᑎᒃ ᐊᖏᖃᑎᒌᓚᐅᕐᖕᒪᑎᒃ.
32ᑕᕝᕙᓂᓕ ᐊᖏᖃᑎᒌᖕᓂᕐᖕᒥᒃ ᐱᔭᕇᕋᒥᒃ ᐱᐊᕐᓯᐸᒥ. ᐊᐱᒥᓕᑭ ᐱᑰᓕᓗ ᐅᓇᑕᖅᑐᒃᓴᖁᑎᖏᑕ ᐊᖓᔪᖅᑳᖓᑦ ᒪᑭᑉᐴᒃ ᐅᑎᓕᖅᓗᑎᒃ ᐱᓕᔅᑍᓂᒧᑦ. 33ᑭᖑᓂᖓᒍᓪᓗ ᐂᑉᕋᕼᐋᒻ ᓇᐹᖅᑐᒃᓴᒥᒃ ᑕᒪᕆᔅᑭᒥᒃ ᐊᑎᓕᖕᒥᒃ ᓇᑉᐸᖅᓯᕗᖅ ᐱᐊᕐᓯᐸᒥ, ᐊᑕᓂᕐᓗ ᑕᕝᕙᓂ ᑐᒃᓯᐊᕐᕕᒋᕚ, ᒎᑎᐅᔪᖅ ᐃᓱᖃᖏᑦᑐᒧᑦ. 34ᐂᑉᕋᕼᐋᒻᓗ ᑕᕝᕙᓃᓚᐅᖅᐳᖅ ᐱᓕᔅᑍᓂᒥ ᐅᓪᓗᓂᒃ ᐅᓄᖅᑐᓂᒃ.
Currently Selected:
ᒨᓯᓯ ᓯᕗᓪᓖᑦ 21: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᒨᓯᓯ ᓯᕗᓪᓖᑦ 21
21
ᐂᓴᑭᐅᑉ ᐃᕐᖕᓂᐊᖑᓂᖓ
1ᐊᑕᓂᖅ ᓵᕋᒧᑦ ᐳᓛᕆᐊᓚᐅᖅᐳᖅ ᐅᖃᖅᓯᒪᓂᓂ ᒪᓕᒡᓗᒍ, ᐊᑕᓂᕐᓗ ᓵᕋᒧᑦ ᐱᓇᓱᐊᓚᐅᖅᐳᖅ ᐊᖏᖅᓯᒪᓂᓂ ᒪᓕᒡᓗᒍ. 2#ᐄᑉᕈᐃᓄᑦ 11:11.ᓵᕋᓗ ᓄᑕᕋᒃᓴᖃᓕᖅᐳᖅ, ᐃᕐᖕᓂᖅᑖᖅᑎᓪᓗᒍᓗ ᐂᑉᕋᕼᐋᒻ ᐃᓄᑐᖃᐅᓕᖅᑎᓪᓗᒍ, ᓯᕗᓂᖓᒍᑦ ᑕᒪᓐᓇ ᓇᓪᓕᐅᑎᓛᕐᖕᓂᕋᖅᓗᒍ ᒎᑎᐅᑉ ᐅᖃᐅᑎᓚᐅᕐᖕᒪᒍ. 3ᐂᑉᕋᕼᐋᒻᓗ ᐃᕐᖕᓂᖅᑖᓂ ᐂᓴᑭᒥᒃ ᐊᑦᓯᖅᐹ, ᑖᓐᓇ ᓵᕋᒃᑯᑦ ᐃᕐᖕᓂᖅᑖᕆᔭᓂ. 4#ᒨᓯᓯ ᓯᕗᓪᓖᑦ 17:12; ᐋᐴᓯᑕᓖᑦ 7:8.ᐂᑉᕋᕼᐋᒻᓗ ᐃᕐᖕᓂᓂ ᐂᓴᑭ ᐅᓪᓗᖃᓕᕐᖕᒪᑦ 8ᓂᒃ ᑭᐱᕚ, ᑍᒫᒃ ᒎᑎᐅᑉ ᐱᖁᔨᓚᐅᕐᖕᓂᖓ ᒪᓕᒡᓗᒍ. 5ᐂᑉᕋᕼᐋᒻᓗ 100ᓂᒃ ᐊᕐᕌᒍᖃᓕᓚᐅᖅᐳᖅ ᐃᕐᖕᓂᖓ ᐂᓴᑭ ᐃᓅᑎᓪᓗᒍ. 6ᓵᕋᓗ ᐅᖃᖅᐳᖅ, “ᒎᑎᐅᑉ ᖁᖓᒍᓐᓇᖅᓯᑎᑉᐹᖓ, ᑐᓴᖅᑐᓪᓗ ᑕᒪᕐᖕᒥᒃ ᐅᕙᓐᓄᑦ ᖁᖓᖃᑕᐅᔪᒫᓕᖅᐳᑦ.” 7ᐅᖃᒃᑲᓐᓂᕆᓪᓗᓂᓗ, “ᑭᓇᓕ ᐅᖃᕈᓐᓇᕋᔭᓚᐅᖅᐹ ᐂᑉᕋᕼᐋᒻᒧᑦ ᓵᕋ ᐊᒫᒪᒃᑎᑦᓯᔪᓐᓇᕐᖕᓂᕋᖅᓗᒍ ᓄᑕᕋᕐᖕᓂᒃ? ᑍᒤᒃᑲᓗᐊᖅᑎᓪᓗᒍ ᐂᑉᕋᕼᐋᒻ ᐃᕐᖕᓂᖅᑖᑎᓯᒪᕙᕋ ᐃᑦᑐᓕᖅᑎᓪᓗᒍ.” 8ᓱᕈᓯᕐᓗ ᐊᖏᒡᓕᕙᓪᓕᐊᕗᖅ, ᐊᒫᒪᔪᐃᖅᓗᓂᓗ; ᐅᓪᓗᕐᖕᒥᓗ ᐂᓴᑭᐅᑉ ᐊᒫᒪᔪᐃᕐᕕᐊᓂ, ᐂᑉᕋᕼᐋᒻ ᓂᕆᕕᒡᔪᐊᓕᐅᓚᐅᖅᐳᖅ.
ᐂᒡᒐᐅᑉ ᐄᓯᒥᐅᓪᓗ ᐊᐅᓪᓚᖅᑎᑕᐅᓂᖏᒃ
9ᓵᕋᐅᓪᓕ ᐂᒡᒐᐅᑉ ᐄᑦᔨᑉᑎᒥᐅᑕᐅᑉ ᐃᕐᖕᓂᖓ ᑕᑯᓐᓇᖅᐹ, ᑖᓐᓇ ᐂᑉᕋᕼᐋᒃᑯᑦ ᐃᕐᖕᓂᖅᑖᕆᓚᐅᖅᑕᖓ, ᒥᑕᐅᑎᖃᖅᑎᓪᓗᒍ ᐂᓴᑭᒥᒃ. 10#ᒐᓔᑎ 4:29,30.ᑕᕝᕙ ᓵᕋ ᐂᑉᕋᕼᐋᒧᑦ ᐅᖃᖅᐳᖅ, “ᐅᓇ ᐊᕐᖕᓇᖅ ᐱᔨ ᐃᕐᖕᓂᖓᓗ ᐊᐅᓪᓚᖅᑎᓚᐅᒃᑭᒃ; ᑖᑦᓱᒪ ᐱᔨᐅᑉ ᐊᕐᖕᓇᐅᑉ ᐃᕐᖕᓂᖓ ᐱᖁᑎᖕᓂᒃ ᑭᖑᕐᖑᑦᔨᖃᑎᖃᕆᐊᖃᓐᖏᓚᖅ ᐃᕐᖕᓂᓐᓂᒃ ᐂᓴᑭᒥᒃ.” 11ᑕᒪᓐᓇᓗ ᐂᑉᕋᕼᐋᒻ ᖁᕕᐊᓱᒍᓐᓃᕈᑎᒋᕚ ᐊᖏᔪᒥᒃ, ᐃᕐᖕᓂᓂ ᐱᓪᓗᒍ. 12#ᕉᒪᒥᐅᓄᑦ 9:7; ᐄᑉᕈᐃᓄᑦ 11:18.ᒎᑎᐅᓪᓕ ᐂᑉᕋᕼᐋᒻ ᐅᖃᐅᑎᕚ, “ᐃᓱᒫᓘᑎᒋᓂᐊᕐᖕᓇᒋᒃ ᑖᓐᓇ ᓄᑲᑉᐱᐊᖅ ᐊᕐᖕᓇᕐᓗ ᐱᔨᒋᔧᑦ; ᐱᓇᓱᐊᓕᕆᓪᓕ ᓵᕋᐅᑉ ᐅᖃᐅᓯᖓ ᒪᓕᒡᓗᒍ; ᑖᑦᓱᒨᓇ ᐂᓴᑭᒃᑯᑦ ᑭᖑᕚᒃᓴᑎᑦ ᐊᑎᖃᕈᒫᕐᖕᒪᑕ ᐃᓕᖕᓂᒃ. 13ᑖᓐᓇᓗ ᐱᔨᕕᑦ ᐃᕐᖕᓂᖓ ᐃᓅᖃᑎᒌᒡᔪᐊᓐᖑᖅᑎᑦᓱᒫᖅᐸᕋᑦᑕᐅᖅ, ᐃᕐᖕᓂᕆᖕᒥᒐᕕᐅᒃ.”
14ᖃᐅᑎᓪᓗᒍ ᐅᓪᓛᒻᒪᕆᒃᑯᑦ ᐂᑉᕋᕼᐋᒻ ᒪᑭᑉᐳᖅ, ᐂᒡᒐ ᑐᓂᓯᕕᒋᕚ ᓂᕿᓂᒃ ᑕᖁᐊᒃᓴᖏᓐᓂᒃ ᐊᒥᕐᖕᒥᒡᓗ ᐃᒥᖃᐅᑎᒥᒃ ᑖᒃᑯᓂᖓ ᓇᖕᒪᒃᑎᓪᓗᒍ, ᓱᕈᓯᕐᓗ ᐱᖃᑎᒋᓪᓗᓂᐅᒃ ᑕᕝᕙᓐᖓᑦ ᐊᐅᓪᓚᖅᑎᑉᐹ. ᑕᕝᕙᓐᖓᓪᓗ ᐊᐅᓪᓚᕋᒥᒃ ᐃᖏᕐᕋᓚᐅᖅᐴᒃ ᐃᓄᖃᖏᑦᑐᒥ ᐱᐊᕐᓯᐸᐅᑉ ᐃᓚᖓᓂ. 15ᐃᒥᕐᓕ ᑕᖁᐊᕆᔭᖓ ᓄᖑᒻᒪᑦ, ᓱᕈᓯᖅ ᐅᖅᐱᒊᑦ ᑭᒡᓕᖓᓄᑦ ᐃᓕᕚ. 16ᐱᓱᒃᓗᓂᓗ ᐃᖏᑉᐳᖅ ᐅᖓᓯᒋᐊᕐᔪᒃᑕᖓᓄᑦ. ᐱᓯᒃᓯᐅᑉ ᖃᕐᔪᖓᑕ ᑎᑭᑦᓱᓐᓇᖅᑕᖓᓄᑦ; ᐃᒻᒥᓄᓪᓗ ᐅᖃᓕᖅᓗᓂ, “ᕿᑐᕐᖓᕋ ᑐᖁᓕᖅᑎᓪᓗᒍ ᑕᑯᓐᓇᕈᒪᓐᖏᓚᖓ.” ᐊᑭᐊᓂ ᐃᒃᓯᕚᖅᑎᓪᓗᒍ, ᓄᑲᑉᐱᐊᖅ ᓂᐱᖅᑯᖅᑐᓪᓗᓂ ᕿᐊᓯᕗᖅ.
17ᒎᑎᐅᓪᓗ ᓄᑲᑉᐱᐊᑉ ᓂᐱᖓ ᑐᓴᖅᐹ; ᕿᓚᖕᒥᓪᓗ ᒎᑎᐅᑉ ᐂᖏᓖᖓᑕ ᐂᒡᒐ ᐅᖃᕐᕕᒋᕚ, “ᐂᒡᒑ, ᓱᓇᒥᒃ ᖁᕕᐊᓱᖏᑦᔪᑎᖃᖅᐲᑦ? ᑲᑉᐱᐊᓱᖕᓂᐊᕐᖕᓇᒃ, ᒎᑎᐅᑉ ᓄᑲᑉᐱᐊᑉ ᕿᐊᓂᖓ ᑐᓴᕐᖕᒪᒍ. 18ᒪᑭᓪᓗᑎᑦ, ᐅᐸᓚᐅᕈᒃ ᑎᒍᓗᒍ, ᐃᕿᓚᐅᕈᒃ; ᑖᓐᓇ ᐃᓅᖃᑎᒌᒡᔪᐊᓐᖑᖅᑎᑦᓱᒫᕋᒃᑯ.” 19ᐂᒡᒐᐅᓪᓗ ᐃᔨᖏᒃ ᒎᑎᐅᑉ ᑕᑯᑎᒻᒪᒋᒃ, ᑕᑯᕗᖅ ᐃᒥᖅᑕᕐᕕᖕᒥᒃ; ᑕᕝᕗᓐᖓᕋᒥᓗ ᐃᒥᖃᐅᑎᓂ ᐊᒥᖅ ᐃᒻᒥᖅᐹ ᐃᒥᕐᖕᒥᒃ; ᓄᑲᑉᐱᐊᕐᓗ ᐃᒥᖅᑎᓪᓗᒍ. 20ᒎᑎᐅᓪᓗ ᐃᓚᒋᕚ ᓄᑲᑉᐱᐊᖅ, ᐱᕈᕇᓚᐅᖅᐳᖅ; ᓄᓇᖃᓚᐅᖅᐳᕐᓗ ᐃᓄᖃᖏᑦᑐᒥ, ᐱᑎᒃᓯᒧᓪᓗ ᐊᔪᖏᑦᓯᐊᓕᓚᐅᖅᐳᖅ. 21ᓄᓇᖃᓚᐅᖅᐳᕐᓗ ᐸᕌᓐ ᐃᓄᖃᖏᑦᑐᖓᓂ; ᐊᓈᓇᖓᑕᓗ ᓄᓕᐊᓂᒃᑎᑉᐹ ᐄᑦᔨᑉᑎᒥᐅᑕᕐᖕᒥᒃ.
ᐂᑉᕋᕼᐋᒻᓗ ᐊᐱᒥᓕᑭᐅᓪᓗ ᐊᖏᖃᑎᒌᖕᓂᖏᒃ
22 #
ᒨᓯᓯ ᓯᕗᓪᓖᑦ 26:26. ᑍᑦᓱᒪᓂᐅᑎᓪᓗᒍ ᐊᐱᒥᓕᑭ ᐱᖃᑎᖃᖅᓗᓂ ᐱᑰᓕᒥᒃ, ᐅᓇᑕᖅᑐᒃᓴᖁᑎᖏᑕ ᐊᖓᔪᖅᑳᖓᓂᒃ, ᐂᑉᕋᕼᐋᒻᒧᑦ ᐅᖃᖅᐳᖅ, “ᒎᑎᐅᑉ ᐃᓚᒋᕚᑎᑦ ᐱᓇᓱᐊᖅᑕᓕᒫᕐᖕᓂ; 23ᑍᒤᒻᒪᑦ ᐊᖏᒻᒪᕆᒃᓗᑎᑦ ᐅᖃᕕᓚᐅᕆᑦ ᒎᑎᐅᑉ ᓵᖓᓂ ᓇᓗᓁᖅᓯᓗᑎᑦ ᐅᕙᓐᓄᑦ ᓱᓕᖏᓐᓂᒃᑯᑦ ᐱᓂᐊᖏᓐᓂᕋᖅᓗᑎᑦ, ᕿᑐᕐᖓᓐᓄᓪᓘᓐᓃᑦ, ᐃᓕᖕᓄᑦ ᐱᑦᓯᐊᖅᓯᒪᒐᒪ, ᑍᒫᑦᓮᓐᓇᖅ ᐱᓇᓱᐊᕐᕕᒋᓚᐅᓐᖓ, ᓄᓇᑦᑎᓐᓄᓪᓗ ᑕᒪᐅᖓᓗ ᓇᔪᖅᑕᕐᖕᓄᑦ.”
24ᐂᑉᕋᕼᐋᒻᓗ ᐅᖃᖅᐳᖅ, “ᐅᖃᕕᒃᓗᖓ ᐊᖏᕐᖕᓂᐊᖅᐳᖓ.”
25ᐂᑉᕋᕼᐋᒻᓗ ᐊᐱᒥᓕᑭᒧᑦ ᓈᒻᒪᒃᓴᖏᑦᔪᑎᒥᓂᒃ ᐅᖃᐅᓯᖃᓕᖅᐳᖅ ᐃᒥᖅᑕᕐᕕᖕᒥᒃ ᐊᐱᒥᓕᑭᐅᑉ ᐱᔨᖏᓐᓄᑦ ᑎᒍᔭᐅᓚᐅᖅᑐᒥᒃ. 26ᐊᐱᒥᓕᑭᓗ ᐅᖃᓕᖅᐳᖅ, “ᖃᐅᔨᒪᓐᖏᓚᖓ ᑭᓇ ᑍᒤᓕᐅᕐᖕᓂᕐᖕᒪᖔᑦ; ᐅᖃᐅᑎᓚᐅᖏᓐᓇᕕᖓ, ᑕᕝᕙ ᓯᕗᓪᓕᖅᐹᒥᒃ ᑐᓴᓕᑍᓐᓇᖅᐸᕋ.” 27ᑕᕝᕙ ᐂᑉᕋᕼᐋᒻ ᑐᓂᓯᓕᖅᐳᖅ ᓰᐱᓂᒃ ᐃᒻᒧᒃᓯᐅᒐᓂᒡᓗ ᐊᐱᒥᓕᑭᒧᑦ, ᑖᒃᑯᐊᒡᓗ ᐃᒻᒥᖕᓄᑦ ᐊᖏᖃᑎᒌᒃᐴᒃ. 28ᐂᑉᕋᕼᐋᒻᓗ ᓰᐱᐅᑉ ᓄᕐᕋᖏᓐᓂᒃ ᐊᕐᖕᓇᓪᓗᖕᓂᒃ 7ᓂᒃ ᓴᓂᕐᕔᕗᖅ ᓰᐱᖁᑎᒥᓂᑦ, 29ᐊᐱᒥᓕᑭᐅᓪᓗ ᐂᑉᕋᕼᐋᒻ ᐊᐱᕆᕚ, “ᖃᓄᐃᓕᐅᖅᐲᑦ ᐅᑯᓄᖓ 7ᓄᑦ ᓰᐱᐅᑉ ᓄᕐᕋᖏᓐᓄᑦ ᓴᓂᕐᕙᒃᑕᕐᖕᓄᑦ?”
30ᑖᑦᓱᒪ ᑭᐅᕚ, “ᐅᑯᐊ ᓰᐱᐅᑉ ᓄᕐᕋᖏᑦ ᐊᕐᖕᓇᓪᓗᐃᑦ 7ᐃᑦ ᑎᒍᒃᑭᑦ ᐅᕙᓐᓂᑦ, ᖃᐅᔨᓂᐊᕋᕕᑦ ᐅᕙᖓ ᑖᑦᓱᒥᖓ ᐃᒥᖅᑕᕐᕕᖕᒥᒃ ᐃᑎᖅᓴᓕᐅᕆᓯᒪᓂᓐᓂᒃ.” 31ᑕᕝᕙᓗ ᑖᓐᓇ ᐃᒥᖅᑕᕐᕕᒃ ᐊᑎᖃᓕᖅᐳᖅ ᐱᐊᕐᓯᐸᒥᒃ;#21:31 ᐱᐊᕐᓯᐸ ᐄᑉᕉᑎᑐᑦ ᑐᑭᖃᖅᑐᖅ “ᐃᒥᖅᑕᕐᕕᒃ ᐊᖏᖃᑎᒌᒍᑕᐅᓯᒪᔪᖅ” ᐅᕝᕙᓗ “ᐃᒥᖅᑕᕐᕕᒃ 7ᓂᒃ ᓇᓗᓁᒃᑯᑕᓕᒃ” ᐱᑦᔪᑎᖃᖅᓗᓂ ᑕᕝᕙᓂ ᑖᒃᑯᐊᒃ ᐅᖃᕕᒃᓗᑎᒃ ᐊᖏᖃᑎᒌᓚᐅᕐᖕᒪᑎᒃ.
32ᑕᕝᕙᓂᓕ ᐊᖏᖃᑎᒌᖕᓂᕐᖕᒥᒃ ᐱᔭᕇᕋᒥᒃ ᐱᐊᕐᓯᐸᒥ. ᐊᐱᒥᓕᑭ ᐱᑰᓕᓗ ᐅᓇᑕᖅᑐᒃᓴᖁᑎᖏᑕ ᐊᖓᔪᖅᑳᖓᑦ ᒪᑭᑉᐴᒃ ᐅᑎᓕᖅᓗᑎᒃ ᐱᓕᔅᑍᓂᒧᑦ. 33ᑭᖑᓂᖓᒍᓪᓗ ᐂᑉᕋᕼᐋᒻ ᓇᐹᖅᑐᒃᓴᒥᒃ ᑕᒪᕆᔅᑭᒥᒃ ᐊᑎᓕᖕᒥᒃ ᓇᑉᐸᖅᓯᕗᖅ ᐱᐊᕐᓯᐸᒥ, ᐊᑕᓂᕐᓗ ᑕᕝᕙᓂ ᑐᒃᓯᐊᕐᕕᒋᕚ, ᒎᑎᐅᔪᖅ ᐃᓱᖃᖏᑦᑐᒧᑦ. 34ᐂᑉᕋᕼᐋᒻᓗ ᑕᕝᕙᓃᓚᐅᖅᐳᖅ ᐱᓕᔅᑍᓂᒥ ᐅᓪᓗᓂᒃ ᐅᓄᖅᑐᓂᒃ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.