ᒨᓯᓯ ᐱᖓᔪᖏᑦ 19
19
ᐱᖁᔭᑦ ᐃᑦᔪᕐᓁᑦᑐᒃᓴᐅᓂᕐᒧᑦ ᐋᖅᑭᒃᓯᒪᑦᓯᐊᕐᓂᕐᒧᓪᓗ
1ᐊᑕᓂᖅ ᒨᓯᓯᒧᑦ ᐅᖃᕐᐳᖅ, 2#ᒨᓯᓯ ᐱᖓᔪᖏᑦ 11:44,45; 1 ᐲᑦᑐᕉᓯ 1:16.“ᐃᓴᕆᐊᓕᒥᐅᓕᒫᑦ ᐃᒫᒃ ᐅᖃᐅᑎᒃᑭᑦ, ᐃᑦᔪᕐᓁᒋᑦᓯ, ᐅᕙᖓ, ᐊᑕᓂᖅ ᒎᑎᓯ, ᐃᑦᔪᕐᓁᓐᓇᒪ. 3#ᒨᓯᓯ ᐂᑉᐸᖏᑦ 20:12; ᒨᓯᓯ ᑕᓪᓕᒪᖏᑦ 5:16; ᒨᓯᓯ ᐂᑉᐸᖏᑦ 20:8; ᒨᓯᓯ ᑕᓪᓕᒪᖏᑦ 5:12.ᑕᒪᑦᓯ ᐊᑐᓂᑦ ᐊᓈᓇᓯ ᐊᑖᑕᓯᓗ ᐅᐱᒋᑦᓯᐊᕆᐊᖃᕐᐸᓯ, ᓴᐸᑎᓗ ᑲᒪᒋᑦᓯᐊᕐᓗᒍ ᑍᒫᒃ ᐱᖁᔨᓯᒪᒐᒪ, ᐅᕙᖓ ᐊᑕᓂᐅᒐᒪ ᒎᑎᓯ.
4 #
ᒨᓯᓯ ᐱᖓᔪᖏᑦ 26:1;
ᒨᓯᓯ ᐂᑉᐸᖏᑦ 20:23; 34:17; ᒨᓯᓯ ᑕᓪᓕᒪᖏᑦ 17:2-5. “ᒎᑎᓐᖑᐊᑦ ᓵᕝᕕᒋᓂᐊᕋᓯᒋᒃ; ᒎᑎᓐᖑᐊᓂᒡᓘᓐᓃᑦ ᓴᕕᕋᔭᖕᓂᒃ ᓴᓇᔭᕆᐊᖃᓐᖏᓚᓯ ᒎᑎᒋᓂᐊᕐᑕᑦᓯᓐᓂᒃ, ᐅᕙᖓ ᐊᑕᓂᐅᒐᒪ ᒎᑎᓯ.
5“ᐊᑕᓂᕐᒧᑦ ᑐᓂᕐᕈᓯᕈᑦᓯ ᑐᖁᑕᒃᓴᒥᒃ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒥᒃ, ᑐᓂᕐᕈᑎᒋᓯᐅᒃ ᐱᖁᔭᐅᓯᒪᔪᑦ ᒪᓕᑦᓯᐊᕐᓗᒋᑦ ᐃᓚᓕᐅᕐᑕᐅᑦᓯᐊᖁᓪᓗᒍ ᐃᓕᑦᓯ ᐱᓪᓗᓯ. 6ᓂᕆᔭᐅᓗᓂ ᓄᖑᑕᐅᔭᕆᐊᖃᕐᐳᖅ ᐅᓪᓗᒥ ᑕᕝᕙᓂ ᑐᓂᕐᕈᓯᕐᕕᒋᔭᑦᓯᓐᓂ, ᐅᓪᓘᑉ ᐂᑉᐸᖓᓂᓘᓐᓃᑦ; ᐊᒥᐊᒃᑯᖃᕐᐸᑦ ᐅᓪᓗᐃᑦ ᐱᖓᔪᐊᓐᓂ, ᐃᑯᒪᒧᑦ ᓄᖑᑕᐅᔭᕆᐊᖃᕐᐳᖅ. 7ᐅᓪᓗᐃᑦ ᐱᖓᔪᐊᓐᓂ ᓂᕆᔭᐅᒃᐸᑦ, ᑕᕝᕙ ᐃᑦᔪᕐᓇᕐᓯᕗᖅ ᑐᓂᕐᕈᑕᐅᓯᒪᓂᖓᓗ ᐃᓚᓕᐅᕐᑕᐅᓂᐊᓐᖏᓚᖅ. 8ᓇᓪᓕᐊᑦ ᑍᒤᑦᑐᒥᒃ ᓂᕆᔪᖅ, ᑖᓐᓇ ᐸᓯᔭᒃᓴᐅᕗᖅ ᐃᑦᔪᕐᓇᕐᑎᑦᓯᖕᒪᑦ ᐊᑕᓂᕐᒧᑦ ᐃᑦᔪᕐᓁᑐᒥᒃ; ᑖᓐᓇᓗ ᐊᕕᑕᐅᔭᕆᐊᖃᕐᐳᖅ.
9 #
ᒨᓯᓯ ᐱᖓᔪᖏᑦ 27:15; ᒨᓯᓯ ᑕᓪᓕᒪᖏᑦ 24:19-22. “ᓄᓇᒥ ᐱᕈᕐᓯᐊᓂᒃ ᓂᕿᒃᓴᓂᒃ ᑲᑎᕐᓱᐃᒍᕕᑦ, ᓄᓇᖁᑎᕕᑦ ᑭᒡᓕᒻᒪᕆᐊᓄᑦ ᑲᑎᕐᓱᐃᔭᕆᐊᖃᓐᖏᓚᑎᑦ, ᓇᑲᑎᕐᓯᒪᖏᑦᑐᑦ ᐊᒥᐊᒃᑯᑎᑦ ᐅᑎᕐᕕᒋᔭᒃᓴᕆᓐᖏᓚᑎᑦ. 10ᐱᕈᕐᓰᕖᑦ ᐸᐅᕐᖓᓕᒃ ᑲᑎᕐᓱᐃᕕᒋᒍᕕᐅᒃ, ᕿᒪᒃᑕᑎᑦ ᐸᐅᕐᖎᑦ ᐅᑎᕐᕕᒋᔭᕆᐊᖃᓐᖏᓚᑎᑦ. ᐊᒥᐊᒃᑯᒋᓕᒃᑭᑦ ᐊᔪᕐᓴᕐᑐᓄᑦ, ᑕᒫᓂᓗ ᓄᓇᖃᖏᑦᑐᓄᑦ. ᐅᕙᖓ ᐊᑕᓂᐅᒐᒪ ᒎᑎᓯ.
11 #
ᒨᓯᓯ ᐂᑉᐸᖏᑦ 20:15; ᒨᓯᓯ ᑕᓪᓕᒪᖏᑦ 5:19;
ᒨᓯᓯ ᐂᑉᐸᖏᑦ 20:16; ᒨᓯᓯ ᑕᓪᓕᒪᖏᑦ 5:20. “ᑎᒡᓕᒃᑐᒃᓴᐅᓐᖏᓚᑎᑦ, ᓴᒡᓗᔪᒃᓴᐅᓇᒃᓗ, ᓯᓔᕐᕆᒃᓯᔪᒃᓴᐅᓇᒡᓗ ᐊᓯᖕᓂᒃ. 12#ᒨᓯᓯ ᐂᑉᐸᖏᑦ 20:7; ᒨᓯᓯ ᑕᓪᓕᒪᖏᑦ 5:11; ᒫᑎᐅᓯ 5:33.ᐊᖏᕐᓗᑎᑦ ᓱᓕᓂᕋᕈᑎᖃᕆᐊᖃᓐᖏᓚᑎᑦ ᐅᕙᖓ ᐊᑎᓐᓂᒃ, ᐊᖏᕈᑎᒋᔭᕐᓂᒃ, ᓱᓕᖏᒃᑯᕕᑦ ᒎᑎᕕᑦ ᐊᑎᖓ ᓇᕐᕈᓇᕐᓯᑎᓐᓂᐊᕋᕕᐅᒃ, ᐅᕙᖓ ᐊᑕᓂᐅᒐᒪ.
13 #
ᒨᓯᓯ ᑕᓪᓕᒪᖏᑦ 24:14,15. “ᐃᓅᖃᑎᖕᓂᒃ ᓯᓔᕐᕆᒃᓯᔪᒃᓴᐅᓐᖏᓚᑎᑦ, ᐱᖁᑎᖏᓐᓂᒡᓗ ᑎᒡᓕᒡᕕᒋᔭᒃᓴᕆᓐᖏᓚᑦ ᐃᖅᑲᓁᔭᕐᑎᑕᕐᓂᒃ ᐊᑭᓖᑦᑍᓕᒪᔪᒃᓴᐅᓐᖏᓚᑎᑦ ᖃᐅᑦᓯᐊᕆᑦᑍᓕᓗᒍ ᐊᒡᓛᑦ. 14#ᒨᓯᓯ ᑕᓪᓕᒪᖏᑦ 27:18.ᑐᓵᖏᑦᑐᒥᒃ ᐅᖃᕐᓂᓘᑎᖃᕐᓂᐊᕐᓇᒃ, ᐅᕝᕙᓘᓐᓃᑦ ᑕᐅᑐᖏᑦᑐᒥᒃ ᐹᓪᓚᒍᑎᒃᓴᓕᐅᕐᓯᓂᐊᕐᓇᒃ, ᒎᑎ ᓯᕘᕋᒋᒍᒃ, ᐅᕙᖓ ᐊᑕᓂᐅᒐᒪ. 15#ᒨᓯᓯ ᐂᑉᐸᖏᑦ 23:6-8; ᒨᓯᓯ ᑕᓪᓕᒪᖏᑦ 16:19.ᓱᓕᑦᓯᐊᕐᑐᒥᒃ ᐱᓂᐊᕐᓂᖃᕆᑦ; ᐃᓔᓐᓇᕐᓯᐅᕐᓂᐊᕐᓇᒃ ᐃᓄᒃ ᐊᔪᕐᓴᕐᑐᑦ ᐱᓪᓗᒋᑦ ᐊᔪᕐᓴᖏᑦᑐᓪᓗ ᐱᓪᓗᒋᑦ, ᐃᓅᖃᑎᑎᑦ ᐊᑦᔨᒌᒃᑐᒥᒃ ᐱᓂᐊᕐᓂᖃᕐᕕᒋᔭᕆᐊᖃᕐᐸᑎᑦ. 16ᐅᖃᐅᓯᕐᓗᖕᒥᒃ ᐃᓅᖃᑎᖕᓂᒃ ᐱᐅᓐᖏᑎᑦᓯᔪᒥᒃ ᓯᐊᒻᒪᕐᑎᑦᓯᔭᕆᐊᖃᓐᖏᓚᑎᑦ ᐃᓅᖃᑎᖕᓄᑦ. ᐃᓅᖃᑎᕕᓪᓗ ᐃᓅᓯᖓᓂᒃ ᑲᑉᐱᐊᓇᕐᑐᒦᑎᑦᓯᔭᕆᐊᖃᓐᖏᓚᑎᑦ. ᐅᕙᖓ ᐊᑕᓂᐅᒐᒪ.
17 #
ᒫᑎᐅᓯ 18:15. “ᐃᓅᖃᑎᖕᓂᒃ ᐃᓗᒃᑯᑦ ᖀᒥᒍᓱᒃᑐᒃᓴᐅᓐᖏᓚᑎᑦ. ᐃᓅᖃᑏᑦ ᓱᐊᒍᓐᓇᕐᐸᑦ ᓱᓕᓗᑎᑦ ᐸᓯᔭᒃᓴᐅᓂᖓᓂᒃ ᐱᖃᓯᐅᑦᔭᐅᓯᒪᖁᓇᒃ. 18#ᒫᑎᐅᓯ 5:43; 19:19; 22:39; ᒫᑯᓯ 12:31; ᓘᑲᓯ 10:27; ᕉᒪᒥᐅᓄᑦ 13:9; ᒐᓔᑎ 5:14; ᔧᒥᓯ 2:8.ᐊᑭᓂᐊᕈᒪᔪᒃᓴᐅᓐᖏᓚᑎᑦ, ᓂᓐᖓᒃᓯᒪᕕᖃᕐᓂᐊᕐᓇᒡᓗ ᐃᓅᖃᑎᖕᓂᒃ, ᐃᓅᖃᑎᖕᓂᒡᓕ ᓇᒡᓕᒍᓱᒃᑐᒃᓴᐅᕗᑎᑦ ᐃᓕᒃᑐᑦ ᓇᒡᓕᒋᓗᒍ. ᐅᕙᖓ ᐊᑕᓂᐅᒐᒪ.
19 #
ᒨᓯᓯ ᑕᓪᓕᒪᖏᑦ 22:9-11. “ᒪᓕᒐᒃᓴᐅᖁᔭᒃᑲ ᐃᖅᑲᐅᒪᓯᒋᒃ ᓂᕐᔪᑎᓂᒃ ᐊᑦᔨᒌᖏᑦᑐᓂᒃ ᓄᓕᐊᕐᑎᑦᓯᔪᒃᓴᐅᓐᖏᓚᓯ. ᓄᓇᖁᑏᑦ ᐱᕈᕐᓰᕕᒋᔭᕆᐊᖃᓐᖏᓚᑦ ᐱᕈᕐᓯᐊᒃᓵᖕᓂᒃ ᒪᕐᕉᖕᓂᒃ ᐊᑦᔨᒌᖏᑦᑑᖕᓂᒃ ᑲᑎᓐᖓᓗᒋᑦ. ᐊᓐᓄᕌᕐᓯᒪᔭᕆᐊᖃᓐᖏᓚᑎᑦ ᖃᓪᓗᓈᕐᑕᓂᒃ ᐊᑦᔨᒌᖏᑦᑐᓂᒃ ᐊᑕᐅᑦᓯᒃᑯᑦ.
20“ᐊᖑᑦ ᓄᓕᐊᕐᐸᑦ ᐊᕐᓇᒥᒃ ᐱᔨᒥᒃ ᓂᐅᕕᐊᖑᓯᒪᓂᒃᑯᑦ, ᐊᓯᐊᑕᓗ ᓄᓕᐊᒃᓴᕆᓗᓂᐅᒃ ᐊᕐᓇᖅ ᐊᑭᓕᕐᑕᐅᓯᒪᖏᓪᓗᓂ, ᐃᒡᓗᒥᓪᓗ ᐊᓂᑎᑕᐅᓯᒪᖏᓪᓗᓂ, ᑖᒃᑯᐊᒃ ᓱᒋᐊᕐᑕᐅᔭᕆᐊᖃᕐᐴᒃ ᑭᓯᐊᓂᓕ ᑐᖁᑕᐅᔭᕆᐊᖃᓐᖏᓚᒃ ᐊᕐᓇᖅ ᓯᐊᓛᖑᖕᒪᑦ ᓂᐅᕕᐊᖑᓯᒪᓪᓗᓂ. 21ᐊᖑᓪᓕ ᑖᓐᓇ ᓰᐱᐅᑉ ᐊᖑᓴᓪᓗᖓᓂᒃ ᕾᑦᓯᔭᕆᐊᖃᕐᐳᖅ ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓄᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᖅ ᑐᓂᕐᕈᑎᒋᓗᒍ ᐊᑕᓂᕐᒧᑦ. 22ᓰᐱᐅᑉ ᐊᖑᓴᓪᓗᖓᓄᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒧᑦ ᑐᓂᕐᕈᑎᒥᒃ ᑐᓂᕐᕈᓯᕐᑎᑦᓯᔨ ᐃᓱᒪᒋᔭᐅᔪᓐᓁᕐᕕᐅᑎᑦᓯᔭᕆᐊᖃᕐᐳᖅ ᐃᓄᖕᒥᒃ ᑖᑦᓱᒥᖓ ᐊᑕᓂᐅᑉ ᓵᖓᓂ ᐊᔪᕐᑐᓕᕆᓚᐅᕐᑕᖏᓐᓂᑦ, ᐊᔪᕐᓂᖏᑦ ᑕᕝᕙ ᐃᓱᒪᒋᔪᓐᓁᕐᑕᐅᓂᐊᕐᐳᑦ.
23“ᓄᓇᒃᓴᑦᓯᓐᓄᑦ ᑎᑭᒃᑯᕕᑦ ᓇᐹᕐᑐᒥᒡᓗ ᐸᐅᕐᖓᓕᒃᓴᒥᒃ ᐱᕈᕐᓰᒍᕕᑦ, ᐸᐅᕐᖓᖏᑦ ᓂᕆᔭᒃᓴᐅᔭᕆᐊᖃᓐᖏᓚᑦ; ᐊᕐᕌᒍᓂᒃ ᐱᖓᓱᓂᒃ ᐸᐅᕐᖓᖏᑦ ᓂᕆᔭᒃᓴᐅᔭᕆᐊᖃᓐᖏᓚᑦ. 24ᐊᕐᕌᒍᑦ ᓯᑕᒪᖓᓐᓂ ᐸᐅᕐᖓᖏᑦ ᐃᑦᔪᕐᓁᑦᑑᓕᕐᐳᑦ, ᑐᓂᕐᕈᑎᒃᓴᐅᓪᓗᑎᒃ ᐊᑕᓂᐅᑉ ᓂᕐᑐᕐᓴᐅᑦᔪᑎᒃᓴᖓᓄᑦ. 25ᐊᕐᕌᒍᓪᓕ ᑕᓪᓕᒪᖓᓐᓂ ᑕᕝᕙ ᓇᐹᕐᑑᑉ ᐸᐅᕐᖓᖏᑦ ᓂᕿᒃᓴᐅᕗᑦ, ᑍᒤᓕᐅᕈᑦᓯ ᐱᕈᕐᑎᑕᓯ ᐅᓄᕐᓂᕐᓴᐅᓂᐊᕐᐳᑦ, ᐅᕙᖓ ᐊᑕᓂᐅᒐᒪ ᒎᑎᓯ.
26 #
ᒨᓯᓯ ᓯᕗᓪᓖᑦ 9:4; ᒨᓯᓯ ᐱᖓᔪᖏᑦ 7:26,27; 17:10-14; ᒨᓯᓯ ᑕᓪᓕᒪᖏᑦ 12:16,23; 15:23;
ᒨᓯᓯ ᑕᓪᓕᒪᖏᑦ 18:10. “ᓂᕿᒥᒃ ᐊᐅᖏᕐᓯᒪᖏᑦᑐᒥᒃ ᓂᕆᔪᒃᓴᐅᓐᖏᓚᓯ. ᓇᓗᓇᕐᑐᓂᒃ ᖃᐅᔨᒪᓇᓱᐊᕐᓂᕐᒥᒃ ᐊᖓᒃᑰᓇᓱᐊᕐᓂᕐᒥᒡᓗ ᐊᑐᕐᑐᒃᓴᐅᓐᖏᓚᓯ. 27#ᒨᓯᓯ ᐱᖓᔪᖏᑦ 21:5; ᒨᓯᓯ ᑕᓪᓕᒪᖏᑦ 14:1.ᓄᔭᕐᐱᑦ ᓴᓂᕋᖏᒃ ᑭᐱᔭᕆᐊᖃᓐᖏᓚᑎᑦ ᐅᒥᒃᐱᓪᓘᓐᓃᑦ ᓯᓂᖏᑦ ᑭᐱᔭᕆᐊᖃᓐᖏᓚᑎᑦ. 28ᑎᒥᓯ ᕿᓕᕈᓕᕐᓱᕆᐊᖃᓐᖏᓚᓯ ᑐᖁᖓᔪᑦ ᐱᑦᔪᑎᒋᓗᒋᑦ, ᑲᑭᓂᓕᐅᕆᐊᖃᓐᖏᓚᓯᓘᓐᓃᑦ ᑎᒥᑦᓯᓐᓂ. ᐅᕙᖓ ᐊᑕᓂᐅᒐᒪ.
29 #
ᒨᓯᓯ ᑕᓪᓕᒪᖏᑦ 23:17. “ᐸᓂᓯ ᓇᕐᕈᓇᕐᓯᑎᓐᓂᐊᕐᓇᒋᑦ ᒎᑎᓐᖑᐊᖃᕐᕕᖕᒥ ᓄᓕᐊᒐᓐᖑᕐᑎᓪᓗᒋᑦ; ᑍᒤᓕᐅᕈᑦᓯ ᓄᓇ ᓄᓕᐊᒐᕐᓂᒃ ᓂᐅᕕᐊᒃᓴᓂᒃ ᐃᓄᖃᓕᕐᓂᐊᕐᒪᑦ ᐱᐅᖏᑦᑐᓕᓂᐊᓗᖕᒥᒡᓗ ᑕᑕᓕᕐᓗᓂ. 30#ᒨᓯᓯ ᐱᖓᔪᖏᑦ 26:2.ᓴᐸᑎᓕᐊᕆᓯᒪᔭᒃᑲ ᑲᒪᒋᑦᓯᐊᕐᓯᒋᑦ ᐃᑦᔪᕐᓁᑎᑕᒃᑲᓗ ᑐᒃᓯᐊᕐᕖᑦ ᐅᐱᒋᑦᓯᐊᕐᓯᐅᒃ. ᐅᕙᖓ ᐊᑕᓂᐅᒐᒪ.
31 #
ᒨᓯᓯ ᑕᓪᓕᒪᖏᑦ 18:11; ᓴᒧᐃᓕ ᓯᕗᓪᓖᑦ 28:3; ᐊᑕᓃᑦ ᐂᑉᐸᖏᑦ 23:4; ᐂᓮᐊᓯ 8:19. “ᐊᖓᒃᑰᓇᓱᐊᕐᑐᓂᒃ ᑕᑎᖃᕐᓂᐊᕋᓯ, ᑐᖁᖓᔪᓂᒡᓗ ᐅᖃᖃᑎᖃᕐᐸᒃᑐᑦ ᑕᑎᒋᓂᐊᕐᓇᒋᑦ, ᑍᒤᓕᐅᕈᑦᓯ ᑖᒃᑯᓄᖓ ᐃᑦᔪᕐᓇᕐᑎᑕᐅᓂᐊᕋᑦᓯ. ᐅᕙᖓ ᐊᑕᓂᐅᒐᒪ ᒎᑎᓯ.
32“ᐃᓄᑐᕾᑦ ᐅᐱᒋᑦᓯᐊᕐᓯᐅᒃ, ᐃᓐᓇᑐᕾᓪᓗ ᑲᒪᒋᑦᓯᐊᕐᓗᒋᑦ, ᒎᑎᓯ ᓯᕘᕋᒋᓗᒍ. ᐅᕙᖓ ᐊᑕᓂᐅᒐᒪ.
33 #
ᒨᓯᓯ ᐂᑉᐸᖏᑦ 22:21; ᒨᓯᓯ ᑕᓪᓕᒪᖏᑦ 24:17,18; 27:19. “ᐃᓴᕆᐊᓕᒥᐅᖑᖏᑦᑐᖅ ᓄᓇᑦᓯᓐᓂ ᓄᓇᖃᕐᐸᑦ, ᐱᑦᓯᐊᕐᕕᒋᓯᐅᒃ. 34ᐃᓴᕆᐊᓕᒥᐅᖑᖏᑦᑐᑦ ᓄᓇᑦᓯᓐᓂ ᓄᓇᖃᕐᐸᑕ, ᐃᓴᕆᐊᓕᒥᐅᖑᖃᑎᑦᓯᑐᑦ ᐱᔭᐅᔭᕆᐊᖃᕐᐳᑦ, ᓇᒡᓕᒋᓗᒋᑦ ᐃᓕᑦᓯᑐᑦ ᐃᓕᑦᓯᑦᑕᐅᖅ ᓄᓇᒋᓐᖏᑕᑦᓯᓐᓃᓚᐅᕋᑦᓯ ᐄᑦᔨᑉᑎᒥ; ᐅᕙᖓ ᐊᑕᓂᐅᒐᒪ ᒎᑎᓯ.
35 #
ᒨᓯᓯ ᑕᓪᓕᒪᖏᑦ 25:13-16; ᓲᓗᒨᓂ 20:10; ᐃᓯᑭᐊᓕ 45:10. “ᓱᓕᖏᑦᑐᓂᒃ ᐆᒃᑑᑎᓂᒃ ᐊᑐᕐᓂᐊᕋᓯ, ᓱᓇᑐᐃᓇᐅᑉ ᑕᑭᓂᖓᓂᒃ ᐆᒃᑐᕐᓯᒍᑦᓯ, ᐅᖁᒤᓐᓂᕐᓯᐅᑎᓂᒡᓘᓐᓃᑦ, ᐅᓄᕐᑐᓂᒃ ᓈᓮᑦᔪᑎᓂᒡᓘᓐᓃᑦ. 36ᑕᑭᓂᕐᓯᐅᑎᓂᒃ ᐆᒃᑑᑎᓂᒃ ᓱᓕᔪᓂᒃ ᐊᑐᖃᑦᑕᕆᐊᖃᕐᐳᓯ, ᐅᖁᒤᓐᓂᕐᓯᐅᑎᓂᒡᓗ ᓱᓕᑦᓯᐊᕐᑐᓂᒃ, ᐸᓂᕐᑐᒥᒡᓗ ᐅᖁᒤᓐᓂᕐᓯᐅᑎᓂᒃ, ᐃᒥᕐᒧᓪᓗ ᐆᒃᑑᑎᓂᒃ ᓱᓕᑦᓯᐊᕐᑐᓂᒃ. ᐅᕙᖓ ᐊᑕᓂᐅᒐᒪ ᒎᑎᓯ, ᐅᕙᖓ ᐊᐅᓪᓚᕐᑎᓚᐅᕐᐸᑦᓯ ᐄᑦᔨᑉᑎᒥᑦ. 37ᒪᓕᒐᒃᓴᐅᖁᔭᒃᑲ ᐃᖅᑲᐅᒪᑦᓯᐊᕐᓯᒋᑦ ᐱᖁᔭᒃᑲᓗ ᒪᓕᑦᓯᐊᕐᓗᒋᑦ, ᐅᕙᖓ ᐊᑕᓂᐅᒐᒪ.”
Currently Selected:
ᒨᓯᓯ ᐱᖓᔪᖏᑦ 19: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᒨᓯᓯ ᐱᖓᔪᖏᑦ 19
19
ᐱᖁᔭᑦ ᐃᑦᔪᕐᓁᑦᑐᒃᓴᐅᓂᕐᒧᑦ ᐋᖅᑭᒃᓯᒪᑦᓯᐊᕐᓂᕐᒧᓪᓗ
1ᐊᑕᓂᖅ ᒨᓯᓯᒧᑦ ᐅᖃᕐᐳᖅ, 2#ᒨᓯᓯ ᐱᖓᔪᖏᑦ 11:44,45; 1 ᐲᑦᑐᕉᓯ 1:16.“ᐃᓴᕆᐊᓕᒥᐅᓕᒫᑦ ᐃᒫᒃ ᐅᖃᐅᑎᒃᑭᑦ, ᐃᑦᔪᕐᓁᒋᑦᓯ, ᐅᕙᖓ, ᐊᑕᓂᖅ ᒎᑎᓯ, ᐃᑦᔪᕐᓁᓐᓇᒪ. 3#ᒨᓯᓯ ᐂᑉᐸᖏᑦ 20:12; ᒨᓯᓯ ᑕᓪᓕᒪᖏᑦ 5:16; ᒨᓯᓯ ᐂᑉᐸᖏᑦ 20:8; ᒨᓯᓯ ᑕᓪᓕᒪᖏᑦ 5:12.ᑕᒪᑦᓯ ᐊᑐᓂᑦ ᐊᓈᓇᓯ ᐊᑖᑕᓯᓗ ᐅᐱᒋᑦᓯᐊᕆᐊᖃᕐᐸᓯ, ᓴᐸᑎᓗ ᑲᒪᒋᑦᓯᐊᕐᓗᒍ ᑍᒫᒃ ᐱᖁᔨᓯᒪᒐᒪ, ᐅᕙᖓ ᐊᑕᓂᐅᒐᒪ ᒎᑎᓯ.
4 #
ᒨᓯᓯ ᐱᖓᔪᖏᑦ 26:1;
ᒨᓯᓯ ᐂᑉᐸᖏᑦ 20:23; 34:17; ᒨᓯᓯ ᑕᓪᓕᒪᖏᑦ 17:2-5. “ᒎᑎᓐᖑᐊᑦ ᓵᕝᕕᒋᓂᐊᕋᓯᒋᒃ; ᒎᑎᓐᖑᐊᓂᒡᓘᓐᓃᑦ ᓴᕕᕋᔭᖕᓂᒃ ᓴᓇᔭᕆᐊᖃᓐᖏᓚᓯ ᒎᑎᒋᓂᐊᕐᑕᑦᓯᓐᓂᒃ, ᐅᕙᖓ ᐊᑕᓂᐅᒐᒪ ᒎᑎᓯ.
5“ᐊᑕᓂᕐᒧᑦ ᑐᓂᕐᕈᓯᕈᑦᓯ ᑐᖁᑕᒃᓴᒥᒃ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒥᒃ, ᑐᓂᕐᕈᑎᒋᓯᐅᒃ ᐱᖁᔭᐅᓯᒪᔪᑦ ᒪᓕᑦᓯᐊᕐᓗᒋᑦ ᐃᓚᓕᐅᕐᑕᐅᑦᓯᐊᖁᓪᓗᒍ ᐃᓕᑦᓯ ᐱᓪᓗᓯ. 6ᓂᕆᔭᐅᓗᓂ ᓄᖑᑕᐅᔭᕆᐊᖃᕐᐳᖅ ᐅᓪᓗᒥ ᑕᕝᕙᓂ ᑐᓂᕐᕈᓯᕐᕕᒋᔭᑦᓯᓐᓂ, ᐅᓪᓘᑉ ᐂᑉᐸᖓᓂᓘᓐᓃᑦ; ᐊᒥᐊᒃᑯᖃᕐᐸᑦ ᐅᓪᓗᐃᑦ ᐱᖓᔪᐊᓐᓂ, ᐃᑯᒪᒧᑦ ᓄᖑᑕᐅᔭᕆᐊᖃᕐᐳᖅ. 7ᐅᓪᓗᐃᑦ ᐱᖓᔪᐊᓐᓂ ᓂᕆᔭᐅᒃᐸᑦ, ᑕᕝᕙ ᐃᑦᔪᕐᓇᕐᓯᕗᖅ ᑐᓂᕐᕈᑕᐅᓯᒪᓂᖓᓗ ᐃᓚᓕᐅᕐᑕᐅᓂᐊᓐᖏᓚᖅ. 8ᓇᓪᓕᐊᑦ ᑍᒤᑦᑐᒥᒃ ᓂᕆᔪᖅ, ᑖᓐᓇ ᐸᓯᔭᒃᓴᐅᕗᖅ ᐃᑦᔪᕐᓇᕐᑎᑦᓯᖕᒪᑦ ᐊᑕᓂᕐᒧᑦ ᐃᑦᔪᕐᓁᑐᒥᒃ; ᑖᓐᓇᓗ ᐊᕕᑕᐅᔭᕆᐊᖃᕐᐳᖅ.
9 #
ᒨᓯᓯ ᐱᖓᔪᖏᑦ 27:15; ᒨᓯᓯ ᑕᓪᓕᒪᖏᑦ 24:19-22. “ᓄᓇᒥ ᐱᕈᕐᓯᐊᓂᒃ ᓂᕿᒃᓴᓂᒃ ᑲᑎᕐᓱᐃᒍᕕᑦ, ᓄᓇᖁᑎᕕᑦ ᑭᒡᓕᒻᒪᕆᐊᓄᑦ ᑲᑎᕐᓱᐃᔭᕆᐊᖃᓐᖏᓚᑎᑦ, ᓇᑲᑎᕐᓯᒪᖏᑦᑐᑦ ᐊᒥᐊᒃᑯᑎᑦ ᐅᑎᕐᕕᒋᔭᒃᓴᕆᓐᖏᓚᑎᑦ. 10ᐱᕈᕐᓰᕖᑦ ᐸᐅᕐᖓᓕᒃ ᑲᑎᕐᓱᐃᕕᒋᒍᕕᐅᒃ, ᕿᒪᒃᑕᑎᑦ ᐸᐅᕐᖎᑦ ᐅᑎᕐᕕᒋᔭᕆᐊᖃᓐᖏᓚᑎᑦ. ᐊᒥᐊᒃᑯᒋᓕᒃᑭᑦ ᐊᔪᕐᓴᕐᑐᓄᑦ, ᑕᒫᓂᓗ ᓄᓇᖃᖏᑦᑐᓄᑦ. ᐅᕙᖓ ᐊᑕᓂᐅᒐᒪ ᒎᑎᓯ.
11 #
ᒨᓯᓯ ᐂᑉᐸᖏᑦ 20:15; ᒨᓯᓯ ᑕᓪᓕᒪᖏᑦ 5:19;
ᒨᓯᓯ ᐂᑉᐸᖏᑦ 20:16; ᒨᓯᓯ ᑕᓪᓕᒪᖏᑦ 5:20. “ᑎᒡᓕᒃᑐᒃᓴᐅᓐᖏᓚᑎᑦ, ᓴᒡᓗᔪᒃᓴᐅᓇᒃᓗ, ᓯᓔᕐᕆᒃᓯᔪᒃᓴᐅᓇᒡᓗ ᐊᓯᖕᓂᒃ. 12#ᒨᓯᓯ ᐂᑉᐸᖏᑦ 20:7; ᒨᓯᓯ ᑕᓪᓕᒪᖏᑦ 5:11; ᒫᑎᐅᓯ 5:33.ᐊᖏᕐᓗᑎᑦ ᓱᓕᓂᕋᕈᑎᖃᕆᐊᖃᓐᖏᓚᑎᑦ ᐅᕙᖓ ᐊᑎᓐᓂᒃ, ᐊᖏᕈᑎᒋᔭᕐᓂᒃ, ᓱᓕᖏᒃᑯᕕᑦ ᒎᑎᕕᑦ ᐊᑎᖓ ᓇᕐᕈᓇᕐᓯᑎᓐᓂᐊᕋᕕᐅᒃ, ᐅᕙᖓ ᐊᑕᓂᐅᒐᒪ.
13 #
ᒨᓯᓯ ᑕᓪᓕᒪᖏᑦ 24:14,15. “ᐃᓅᖃᑎᖕᓂᒃ ᓯᓔᕐᕆᒃᓯᔪᒃᓴᐅᓐᖏᓚᑎᑦ, ᐱᖁᑎᖏᓐᓂᒡᓗ ᑎᒡᓕᒡᕕᒋᔭᒃᓴᕆᓐᖏᓚᑦ ᐃᖅᑲᓁᔭᕐᑎᑕᕐᓂᒃ ᐊᑭᓖᑦᑍᓕᒪᔪᒃᓴᐅᓐᖏᓚᑎᑦ ᖃᐅᑦᓯᐊᕆᑦᑍᓕᓗᒍ ᐊᒡᓛᑦ. 14#ᒨᓯᓯ ᑕᓪᓕᒪᖏᑦ 27:18.ᑐᓵᖏᑦᑐᒥᒃ ᐅᖃᕐᓂᓘᑎᖃᕐᓂᐊᕐᓇᒃ, ᐅᕝᕙᓘᓐᓃᑦ ᑕᐅᑐᖏᑦᑐᒥᒃ ᐹᓪᓚᒍᑎᒃᓴᓕᐅᕐᓯᓂᐊᕐᓇᒃ, ᒎᑎ ᓯᕘᕋᒋᒍᒃ, ᐅᕙᖓ ᐊᑕᓂᐅᒐᒪ. 15#ᒨᓯᓯ ᐂᑉᐸᖏᑦ 23:6-8; ᒨᓯᓯ ᑕᓪᓕᒪᖏᑦ 16:19.ᓱᓕᑦᓯᐊᕐᑐᒥᒃ ᐱᓂᐊᕐᓂᖃᕆᑦ; ᐃᓔᓐᓇᕐᓯᐅᕐᓂᐊᕐᓇᒃ ᐃᓄᒃ ᐊᔪᕐᓴᕐᑐᑦ ᐱᓪᓗᒋᑦ ᐊᔪᕐᓴᖏᑦᑐᓪᓗ ᐱᓪᓗᒋᑦ, ᐃᓅᖃᑎᑎᑦ ᐊᑦᔨᒌᒃᑐᒥᒃ ᐱᓂᐊᕐᓂᖃᕐᕕᒋᔭᕆᐊᖃᕐᐸᑎᑦ. 16ᐅᖃᐅᓯᕐᓗᖕᒥᒃ ᐃᓅᖃᑎᖕᓂᒃ ᐱᐅᓐᖏᑎᑦᓯᔪᒥᒃ ᓯᐊᒻᒪᕐᑎᑦᓯᔭᕆᐊᖃᓐᖏᓚᑎᑦ ᐃᓅᖃᑎᖕᓄᑦ. ᐃᓅᖃᑎᕕᓪᓗ ᐃᓅᓯᖓᓂᒃ ᑲᑉᐱᐊᓇᕐᑐᒦᑎᑦᓯᔭᕆᐊᖃᓐᖏᓚᑎᑦ. ᐅᕙᖓ ᐊᑕᓂᐅᒐᒪ.
17 #
ᒫᑎᐅᓯ 18:15. “ᐃᓅᖃᑎᖕᓂᒃ ᐃᓗᒃᑯᑦ ᖀᒥᒍᓱᒃᑐᒃᓴᐅᓐᖏᓚᑎᑦ. ᐃᓅᖃᑏᑦ ᓱᐊᒍᓐᓇᕐᐸᑦ ᓱᓕᓗᑎᑦ ᐸᓯᔭᒃᓴᐅᓂᖓᓂᒃ ᐱᖃᓯᐅᑦᔭᐅᓯᒪᖁᓇᒃ. 18#ᒫᑎᐅᓯ 5:43; 19:19; 22:39; ᒫᑯᓯ 12:31; ᓘᑲᓯ 10:27; ᕉᒪᒥᐅᓄᑦ 13:9; ᒐᓔᑎ 5:14; ᔧᒥᓯ 2:8.ᐊᑭᓂᐊᕈᒪᔪᒃᓴᐅᓐᖏᓚᑎᑦ, ᓂᓐᖓᒃᓯᒪᕕᖃᕐᓂᐊᕐᓇᒡᓗ ᐃᓅᖃᑎᖕᓂᒃ, ᐃᓅᖃᑎᖕᓂᒡᓕ ᓇᒡᓕᒍᓱᒃᑐᒃᓴᐅᕗᑎᑦ ᐃᓕᒃᑐᑦ ᓇᒡᓕᒋᓗᒍ. ᐅᕙᖓ ᐊᑕᓂᐅᒐᒪ.
19 #
ᒨᓯᓯ ᑕᓪᓕᒪᖏᑦ 22:9-11. “ᒪᓕᒐᒃᓴᐅᖁᔭᒃᑲ ᐃᖅᑲᐅᒪᓯᒋᒃ ᓂᕐᔪᑎᓂᒃ ᐊᑦᔨᒌᖏᑦᑐᓂᒃ ᓄᓕᐊᕐᑎᑦᓯᔪᒃᓴᐅᓐᖏᓚᓯ. ᓄᓇᖁᑏᑦ ᐱᕈᕐᓰᕕᒋᔭᕆᐊᖃᓐᖏᓚᑦ ᐱᕈᕐᓯᐊᒃᓵᖕᓂᒃ ᒪᕐᕉᖕᓂᒃ ᐊᑦᔨᒌᖏᑦᑑᖕᓂᒃ ᑲᑎᓐᖓᓗᒋᑦ. ᐊᓐᓄᕌᕐᓯᒪᔭᕆᐊᖃᓐᖏᓚᑎᑦ ᖃᓪᓗᓈᕐᑕᓂᒃ ᐊᑦᔨᒌᖏᑦᑐᓂᒃ ᐊᑕᐅᑦᓯᒃᑯᑦ.
20“ᐊᖑᑦ ᓄᓕᐊᕐᐸᑦ ᐊᕐᓇᒥᒃ ᐱᔨᒥᒃ ᓂᐅᕕᐊᖑᓯᒪᓂᒃᑯᑦ, ᐊᓯᐊᑕᓗ ᓄᓕᐊᒃᓴᕆᓗᓂᐅᒃ ᐊᕐᓇᖅ ᐊᑭᓕᕐᑕᐅᓯᒪᖏᓪᓗᓂ, ᐃᒡᓗᒥᓪᓗ ᐊᓂᑎᑕᐅᓯᒪᖏᓪᓗᓂ, ᑖᒃᑯᐊᒃ ᓱᒋᐊᕐᑕᐅᔭᕆᐊᖃᕐᐴᒃ ᑭᓯᐊᓂᓕ ᑐᖁᑕᐅᔭᕆᐊᖃᓐᖏᓚᒃ ᐊᕐᓇᖅ ᓯᐊᓛᖑᖕᒪᑦ ᓂᐅᕕᐊᖑᓯᒪᓪᓗᓂ. 21ᐊᖑᓪᓕ ᑖᓐᓇ ᓰᐱᐅᑉ ᐊᖑᓴᓪᓗᖓᓂᒃ ᕾᑦᓯᔭᕆᐊᖃᕐᐳᖅ ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓄᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᖅ ᑐᓂᕐᕈᑎᒋᓗᒍ ᐊᑕᓂᕐᒧᑦ. 22ᓰᐱᐅᑉ ᐊᖑᓴᓪᓗᖓᓄᑦ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒧᑦ ᑐᓂᕐᕈᑎᒥᒃ ᑐᓂᕐᕈᓯᕐᑎᑦᓯᔨ ᐃᓱᒪᒋᔭᐅᔪᓐᓁᕐᕕᐅᑎᑦᓯᔭᕆᐊᖃᕐᐳᖅ ᐃᓄᖕᒥᒃ ᑖᑦᓱᒥᖓ ᐊᑕᓂᐅᑉ ᓵᖓᓂ ᐊᔪᕐᑐᓕᕆᓚᐅᕐᑕᖏᓐᓂᑦ, ᐊᔪᕐᓂᖏᑦ ᑕᕝᕙ ᐃᓱᒪᒋᔪᓐᓁᕐᑕᐅᓂᐊᕐᐳᑦ.
23“ᓄᓇᒃᓴᑦᓯᓐᓄᑦ ᑎᑭᒃᑯᕕᑦ ᓇᐹᕐᑐᒥᒡᓗ ᐸᐅᕐᖓᓕᒃᓴᒥᒃ ᐱᕈᕐᓰᒍᕕᑦ, ᐸᐅᕐᖓᖏᑦ ᓂᕆᔭᒃᓴᐅᔭᕆᐊᖃᓐᖏᓚᑦ; ᐊᕐᕌᒍᓂᒃ ᐱᖓᓱᓂᒃ ᐸᐅᕐᖓᖏᑦ ᓂᕆᔭᒃᓴᐅᔭᕆᐊᖃᓐᖏᓚᑦ. 24ᐊᕐᕌᒍᑦ ᓯᑕᒪᖓᓐᓂ ᐸᐅᕐᖓᖏᑦ ᐃᑦᔪᕐᓁᑦᑑᓕᕐᐳᑦ, ᑐᓂᕐᕈᑎᒃᓴᐅᓪᓗᑎᒃ ᐊᑕᓂᐅᑉ ᓂᕐᑐᕐᓴᐅᑦᔪᑎᒃᓴᖓᓄᑦ. 25ᐊᕐᕌᒍᓪᓕ ᑕᓪᓕᒪᖓᓐᓂ ᑕᕝᕙ ᓇᐹᕐᑑᑉ ᐸᐅᕐᖓᖏᑦ ᓂᕿᒃᓴᐅᕗᑦ, ᑍᒤᓕᐅᕈᑦᓯ ᐱᕈᕐᑎᑕᓯ ᐅᓄᕐᓂᕐᓴᐅᓂᐊᕐᐳᑦ, ᐅᕙᖓ ᐊᑕᓂᐅᒐᒪ ᒎᑎᓯ.
26 #
ᒨᓯᓯ ᓯᕗᓪᓖᑦ 9:4; ᒨᓯᓯ ᐱᖓᔪᖏᑦ 7:26,27; 17:10-14; ᒨᓯᓯ ᑕᓪᓕᒪᖏᑦ 12:16,23; 15:23;
ᒨᓯᓯ ᑕᓪᓕᒪᖏᑦ 18:10. “ᓂᕿᒥᒃ ᐊᐅᖏᕐᓯᒪᖏᑦᑐᒥᒃ ᓂᕆᔪᒃᓴᐅᓐᖏᓚᓯ. ᓇᓗᓇᕐᑐᓂᒃ ᖃᐅᔨᒪᓇᓱᐊᕐᓂᕐᒥᒃ ᐊᖓᒃᑰᓇᓱᐊᕐᓂᕐᒥᒡᓗ ᐊᑐᕐᑐᒃᓴᐅᓐᖏᓚᓯ. 27#ᒨᓯᓯ ᐱᖓᔪᖏᑦ 21:5; ᒨᓯᓯ ᑕᓪᓕᒪᖏᑦ 14:1.ᓄᔭᕐᐱᑦ ᓴᓂᕋᖏᒃ ᑭᐱᔭᕆᐊᖃᓐᖏᓚᑎᑦ ᐅᒥᒃᐱᓪᓘᓐᓃᑦ ᓯᓂᖏᑦ ᑭᐱᔭᕆᐊᖃᓐᖏᓚᑎᑦ. 28ᑎᒥᓯ ᕿᓕᕈᓕᕐᓱᕆᐊᖃᓐᖏᓚᓯ ᑐᖁᖓᔪᑦ ᐱᑦᔪᑎᒋᓗᒋᑦ, ᑲᑭᓂᓕᐅᕆᐊᖃᓐᖏᓚᓯᓘᓐᓃᑦ ᑎᒥᑦᓯᓐᓂ. ᐅᕙᖓ ᐊᑕᓂᐅᒐᒪ.
29 #
ᒨᓯᓯ ᑕᓪᓕᒪᖏᑦ 23:17. “ᐸᓂᓯ ᓇᕐᕈᓇᕐᓯᑎᓐᓂᐊᕐᓇᒋᑦ ᒎᑎᓐᖑᐊᖃᕐᕕᖕᒥ ᓄᓕᐊᒐᓐᖑᕐᑎᓪᓗᒋᑦ; ᑍᒤᓕᐅᕈᑦᓯ ᓄᓇ ᓄᓕᐊᒐᕐᓂᒃ ᓂᐅᕕᐊᒃᓴᓂᒃ ᐃᓄᖃᓕᕐᓂᐊᕐᒪᑦ ᐱᐅᖏᑦᑐᓕᓂᐊᓗᖕᒥᒡᓗ ᑕᑕᓕᕐᓗᓂ. 30#ᒨᓯᓯ ᐱᖓᔪᖏᑦ 26:2.ᓴᐸᑎᓕᐊᕆᓯᒪᔭᒃᑲ ᑲᒪᒋᑦᓯᐊᕐᓯᒋᑦ ᐃᑦᔪᕐᓁᑎᑕᒃᑲᓗ ᑐᒃᓯᐊᕐᕖᑦ ᐅᐱᒋᑦᓯᐊᕐᓯᐅᒃ. ᐅᕙᖓ ᐊᑕᓂᐅᒐᒪ.
31 #
ᒨᓯᓯ ᑕᓪᓕᒪᖏᑦ 18:11; ᓴᒧᐃᓕ ᓯᕗᓪᓖᑦ 28:3; ᐊᑕᓃᑦ ᐂᑉᐸᖏᑦ 23:4; ᐂᓮᐊᓯ 8:19. “ᐊᖓᒃᑰᓇᓱᐊᕐᑐᓂᒃ ᑕᑎᖃᕐᓂᐊᕋᓯ, ᑐᖁᖓᔪᓂᒡᓗ ᐅᖃᖃᑎᖃᕐᐸᒃᑐᑦ ᑕᑎᒋᓂᐊᕐᓇᒋᑦ, ᑍᒤᓕᐅᕈᑦᓯ ᑖᒃᑯᓄᖓ ᐃᑦᔪᕐᓇᕐᑎᑕᐅᓂᐊᕋᑦᓯ. ᐅᕙᖓ ᐊᑕᓂᐅᒐᒪ ᒎᑎᓯ.
32“ᐃᓄᑐᕾᑦ ᐅᐱᒋᑦᓯᐊᕐᓯᐅᒃ, ᐃᓐᓇᑐᕾᓪᓗ ᑲᒪᒋᑦᓯᐊᕐᓗᒋᑦ, ᒎᑎᓯ ᓯᕘᕋᒋᓗᒍ. ᐅᕙᖓ ᐊᑕᓂᐅᒐᒪ.
33 #
ᒨᓯᓯ ᐂᑉᐸᖏᑦ 22:21; ᒨᓯᓯ ᑕᓪᓕᒪᖏᑦ 24:17,18; 27:19. “ᐃᓴᕆᐊᓕᒥᐅᖑᖏᑦᑐᖅ ᓄᓇᑦᓯᓐᓂ ᓄᓇᖃᕐᐸᑦ, ᐱᑦᓯᐊᕐᕕᒋᓯᐅᒃ. 34ᐃᓴᕆᐊᓕᒥᐅᖑᖏᑦᑐᑦ ᓄᓇᑦᓯᓐᓂ ᓄᓇᖃᕐᐸᑕ, ᐃᓴᕆᐊᓕᒥᐅᖑᖃᑎᑦᓯᑐᑦ ᐱᔭᐅᔭᕆᐊᖃᕐᐳᑦ, ᓇᒡᓕᒋᓗᒋᑦ ᐃᓕᑦᓯᑐᑦ ᐃᓕᑦᓯᑦᑕᐅᖅ ᓄᓇᒋᓐᖏᑕᑦᓯᓐᓃᓚᐅᕋᑦᓯ ᐄᑦᔨᑉᑎᒥ; ᐅᕙᖓ ᐊᑕᓂᐅᒐᒪ ᒎᑎᓯ.
35 #
ᒨᓯᓯ ᑕᓪᓕᒪᖏᑦ 25:13-16; ᓲᓗᒨᓂ 20:10; ᐃᓯᑭᐊᓕ 45:10. “ᓱᓕᖏᑦᑐᓂᒃ ᐆᒃᑑᑎᓂᒃ ᐊᑐᕐᓂᐊᕋᓯ, ᓱᓇᑐᐃᓇᐅᑉ ᑕᑭᓂᖓᓂᒃ ᐆᒃᑐᕐᓯᒍᑦᓯ, ᐅᖁᒤᓐᓂᕐᓯᐅᑎᓂᒡᓘᓐᓃᑦ, ᐅᓄᕐᑐᓂᒃ ᓈᓮᑦᔪᑎᓂᒡᓘᓐᓃᑦ. 36ᑕᑭᓂᕐᓯᐅᑎᓂᒃ ᐆᒃᑑᑎᓂᒃ ᓱᓕᔪᓂᒃ ᐊᑐᖃᑦᑕᕆᐊᖃᕐᐳᓯ, ᐅᖁᒤᓐᓂᕐᓯᐅᑎᓂᒡᓗ ᓱᓕᑦᓯᐊᕐᑐᓂᒃ, ᐸᓂᕐᑐᒥᒡᓗ ᐅᖁᒤᓐᓂᕐᓯᐅᑎᓂᒃ, ᐃᒥᕐᒧᓪᓗ ᐆᒃᑑᑎᓂᒃ ᓱᓕᑦᓯᐊᕐᑐᓂᒃ. ᐅᕙᖓ ᐊᑕᓂᐅᒐᒪ ᒎᑎᓯ, ᐅᕙᖓ ᐊᐅᓪᓚᕐᑎᓚᐅᕐᐸᑦᓯ ᐄᑦᔨᑉᑎᒥᑦ. 37ᒪᓕᒐᒃᓴᐅᖁᔭᒃᑲ ᐃᖅᑲᐅᒪᑦᓯᐊᕐᓯᒋᑦ ᐱᖁᔭᒃᑲᓗ ᒪᓕᑦᓯᐊᕐᓗᒋᑦ, ᐅᕙᖓ ᐊᑕᓂᐅᒐᒪ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.