ᒨᓯᓯ ᐱᖓᔪᖏᑦ 20
20
ᓱᒋᐊᕐᑕᐅᓂᖅ ᐊᔪᕐᓂᖅ ᐱᑦᔪᑎᒋᓪᓗᒍ
1ᐊᑕᓂᐅᑉ ᒨᓯᓯ ᐅᖃᕐᕕᒋᕚ, 2“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ᐃᓴᕆᐊᓕᒥᐅᑦ ᐃᓴᕆᐊᓕᒥᐅᖑᖏᑦᑐᓪᓘᓐᓃᑦ ᐃᓴᕆᐊᓕᒥ ᓄᓇᖃᕐᑐᑦ ᕿᑐᕐᖓᒥᖕᓂᒃ ᑐᓂᕐᕈᑎᖃᕐᑐᖅ ᒎᑎᓐᖑᐊᒧᑦ ᒧᓕᑭᒧᑦ ᑐᖁᑕᐅᔭᕆᐊᖃᕐᐳᑦ. ᓄᓇᖅᑲᑎᒌᑦ ᒥᓪᓗᕐᓗᒍ ᑐᖁᑕᒃᓴᕆᕚᑦ. 3ᑍᒤᓕᐅᕐᑐᖅ ᐃᓄᖁᑎᒋᔪᓐᓃᕐᓂᐊᕐᐸᕋ, ᐃᓅᖃᑎᖏᓐᓂᓪᓗ ᐊᕕᑕᐅᑎᓐᓂᐊᕐᐸᕋ; ᕿᑐᕐᖓᒥᓂᒃ ᑐᓂᕐᕈᑎᖃᕐᑐᖅ ᒎᑎᓐᖑᐊᒧᑦ ᒧᓕᑭᒧᑦ; ᑐᐱᕐᒥ ᑲᑎᒪᕕᖕᒥ ᐃᑦᔪᕐᓁᑦᑐᕕᖁᑎᒐ ᐃᑦᔪᕐᓇᕐᓯᑎᒻᒪᒍ, ᐊᑎᕋᓗ ᓇᕐᕈᓇᕐᓯᑎᑦᓱᓂᐅᒃ. 4ᐃᓄᐃᑦ ᓄᓇᖅᑲᑎᒌᑦ ᑲᒪᖏᑉᐸᑕ ᐃᓄᖏᑦ ᕿᑐᕐᖓᒥᖕᓂᒃ ᑐᓂᕐᕈᑎᖃᕐᑐᒥᒃ ᒎᑎᓐᖑᐊᒧᑦ ᒧᓕᑭᒧᑦ, ᑐᖁᑕᐅᖏᑉᐸᓪᓗ, 5ᐅᕙᖓ ᓇᖕᒥᓂᖅ ᐊᑭᕋᕐᑐᕐᓂᐊᕐᐸᕋ ᐃᒡᓗᒥᐅᖃᑎᖏᓪᓗ, ᐃᓄᖁᑎᓐᓂᒡᓗ ᑍᔪᓐᓁᕐᓂᐊᕐᐸᕋ ᒪᓕᒃᑎᓕᒫᖏᓪᓗ, ᐊᓯᓐᓂᐊᕐᒪᑕ ᒎᑎᓐᖑᐊᒧᑦ ᒧᓕᑭᒧᑦ.
6“ᓇᓪᓕᐊᓐᓂᒃ ᑕᑎᖃᕐᑐᖃᕐᐸᑦ ᑐᖁᖓᔪᓂᒃ ᐅᖃᖃᑎᖃᕐᐸᒃᑐᓂᒃ ᓇᓗᓇᕐᑐᓂᒡᓗ ᖃᐅᔨᒪᓇᓱᐊᕐᑎᒥᒃ ᑕᒪᒃᑯᓄᖓᓗ ᐊᓯᓐᓂᐊᕐᑎᑕᐅᓕᕐᐸᑕ, ᑍᒤᓕᐅᕐᑐᖅ ᐊᓚᕐᓂᐊᕐᐸᕋ ᐃᓄᖁᑎᒋᔪᓐᓃᕐᓗᒍᓗ. 7ᐃᓕᑦᓯᓐᓂᒃ ᐃᑦᔪᕐᓁᑎᓐᓂᐊᕆᑦᓯ, ᐅᕙᖓ ᐊᑕᓂᐅᒐᒪ ᒎᑎᓯ. 8ᒪᓕᒐᒃᓴᐅᖁᔭᒃᑲ ᐃᖅᑲᐅᒪᓯᒋᒃ ᒪᓕᒡᓗᒋᓪᓗ. ᐅᕙᖓ ᐊᑕᓂᐅᒐᒪ, ᐃᓕᑦᓯᓐᓂᒃ ᐃᑦᔪᕐᓁᑎᑦᓯᒐᒪ.
9 #
ᒨᓯᓯ ᐂᑉᐸᖏᑦ 21:17; ᒫᑎᐅᓯ 15:4; ᒫᑯᓯ 7:10. “ᓇᓕᕐᓯ ᐊᑖᑕᒥᓂᒃ ᐊᓈᓇᒥᓂᒡᓘᓐᓃᑦ ᓇᕐᕈᓇᕐᓂᕅᒃᐸᑦ, ᑖᓐᓇ ᑐᖁᑕᐅᔭᕆᐊᖃᕐᐳᖅ. ᐊᑖᑕᓂ ᐊᓈᓇᓂᓗ ᓇᕐᕈᓇᕐᑎᒻᒪᒋᒃ ᓇᖕᒥᓂᖅ ᑐᖁᑕᐅᑦᔪᑎᒃᓴᒥᓂᒃ ᐱᓕᕆᖕᒪᑦ.
10 #
ᒨᓯᓯ ᐂᑉᐸᖏᑦ 20:14; ᒨᓯᓯ ᐱᖓᔪᖏᑦ 18:20; ᒨᓯᓯ ᑕᓪᓕᒪᖏᑦ 5:18. “ᐊᖑᑦ ᐊᓯᓐᓂᐊᕐᐸᑦ ᐃᓅᖃᑎᒥ ᓄᓕᐊᖓᓂᒃ, ᑖᒃᑯᐊᒃ ᐊᖑᓪᓗ ᐊᕐᓇᕐᓗ ᐊᓯᓐᓂᐊᕐᑑᒃ ᑕᒪᕐᒥᒃ ᑐᖁᑕᐅᔭᕆᐊᖃᕐᐳᒃ. 11#ᒨᓯᓯ ᐱᖓᔪᖏᑦ 18:8; ᒨᓯᓯ ᑕᓪᓕᒪᖏᑦ 22:30; 27:20.ᐊᖑᑦ ᐃᓐᓇᖓᖃᑎᖃᕐᐸᑦ ᐊᑖᑕᒥ ᓄᓕᐊᖓᓂᒃ, ᐊᑖᑕᓂ ᐅᐱᒋᖏᒻᒪᒍ ᑕᒪᕐᒥᒃ ᐊᖑᓪᓗ ᐊᕐᓇᕐᓗ ᑐᖁᑕᐅᔭᕆᐊᖃᕐᐳᒃ; ᓇᖕᒥᓂᖅ ᑐᖁᑕᐅᑦᔪᑎᒃᓴᓕᐅᕐᒪᑎᒃ. 12#ᒨᓯᓯ ᐱᖓᔪᖏᑦ 18:15.ᐊᖑᑦ ᐃᓐᓇᖓᖃᑎᖃᕐᐸᑦ ᐅᑯᐊᒥᓂᒃ, ᑖᒃᑯᐊᒃ ᑕᒪᕐᒥᒃ ᑐᖁᑕᐅᔭᕆᐊᖃᕐᐳᒃ, ᑍᒤᓕᐅᕐᓂᖓᒃ ᐱᐅᖏᑦᑐᐊᓘᖕᒪᑦ; ᓇᖕᒥᓂᖅ ᑐᖁᑕᐅᑦᔪᑎᒃᓴᓕᐅᕐᒪᑎᒃ. 13#ᒨᓯᓯ ᐱᖓᔪᖏᑦ 18:22.ᐊᖑᑦ ᐃᓐᓇᖓᖃᑎᖃᕐᐸᑦ ᐊᖑᒻᒥᒃ ᐊᕐᓇᑎᑐᑦ ᐱᓗᒍ, ᑖᒃᑯᐊᒃ ᐱᓂᐊᕐᓂᖓᒃ ᐃᑦᔪᕐᓇᕐᑐᐊᓘᕗᖅ, ᑕᒪᕐᒥᒃ ᑖᒃᑯᐊᒃ ᑐᖁᑕᐅᔭᕆᐊᖃᕐᐴᒃ; ᓇᖕᒥᓂᖅ ᑐᖁᑕᐅᑦᔪᑎᒃᓴᓕᐅᕐᒪᑎᒃ. 14#ᒨᓯᓯ ᐱᖓᔪᖏᑦ 18:17; ᒨᓯᓯ ᑕᓪᓕᒪᖏᑦ 27:23.ᐊᖑᑦ ᓄᓕᐊᕐᑖᕐᐸᑦ ᑕᒤᓐᓂᒃ ᐊᕐᓇᒥᒃ ᐊᓈᓇᖓᓂᒡᓗ, ᑕᒪᓐᓇ ᐱᐅᖏᑦᑐᐊᓘᖕᒪᑦ ᐊᖑᓪᓗ ᑖᒃᑯᐊᒡᓗ ᐊᓈᓇᒌᒃ ᐃᑯᒪᒧᑦ ᐃᑭᑕᐅᔭᕆᐊᖃᕐᐳᑦ, ᐱᐅᖏᑦᑐᓕᓂᐊᓗᒃ ᑕᒪᓐᓇ ᐃᓕᑦᓯᓐᓃᖁᓇᒍ. 15#ᒨᓯᓯ ᐂᑉᐸᖏᑦ 22:19; ᒨᓯᓯ ᐱᖓᔪᖏᑦ 18:23; ᒨᓯᓯ ᑕᓪᓕᒪᖏᑦ 27:21.ᐊᖑᑦ ᓄᓕᐊᖃᑎᖃᕐᐸᑦ ᓂᕐᔪᑎᒥᒃ, ᑍᒤᓕᐅᕐᑐᖅ ᑐᖁᑕᐅᔭᕆᐊᖃᕐᐳᖅ, ᓂᕐᔪᑎᓗ ᑖᓐᓇ ᑐᖁᑕᐅᔭᕆᐊᖃᕆᕗᖅ. 16ᐊᕐᓇᖅ ᓂᕐᔪᑎᒧᑦ ᒪᓂᒃᐸᑦ ᓄᓕᐊᕐᑕᐅᔪᒪᓗᓂ, ᑕᒪᕐᒥᒃ ᑖᒃᑯᐊᒃ ᐊᕐᓇᕐᓗ ᓂᕐᔪᑎᓗ ᑐᖁᑕᐅᔭᕆᐊᖃᕐᐳᒃ, ᓇᖕᒥᓂᖅ ᑐᖁᑕᐅᑦᔪᑎᒃᓴᒥᒃ ᐱᓕᕆᖕᒪᑎᒃ.
17 #
ᒨᓯᓯ ᐱᖓᔪᖏᑦ 18:9; ᒨᓯᓯ ᑕᓪᓕᒪᖏᑦ 27:22. “ᐊᖑᑦ ᓄᓕᐊᓂᒃᐸᑦ ᓇᔭᖕᒥᓂᒃ, ᐊᑖᑕᒥ ᐸᓂᖓᓂᒡᓘᓐᓃᑦ, ᐊᓈᓇᒥ ᐸᓂᖓᓂᒡᓘᓐᓃᑦ, ᑖᒃᑯᐊᒃ ᐱᖃᑎᒌᒃᐸᑎᒃ, ᑕᒪᓐᓇ ᓇᕐᕈᓇᕐᓂᐅᕗᖅ ᐃᓄᐃᑦ ᑕᒃᑯᐊᓂ ᐃᓅᖃᑎᒌᓂᑦ ᐊᕕᑕᐅᔭᕆᐊᖃᕐᐳᒃ; ᐊᖑᑎᐅᑉ ᓇᔭᓂ ᐅᐱᒋᖏᒻᒪᒍ ᑖᓐᓇᓗ ᐸᓯᔭᒃᓴᐅᕗᖅ. 18#ᒨᓯᓯ ᐱᖓᔪᖏᑦ 18:19.ᐊᖑᑦ ᐃᓐᓇᖓᓗᓂ ᐱᖃᑎᖃᕐᐸᑦ ᐊᕐᓇᒥᒃ ᐊᐅᓈᕐᑐᒥᒃ, ᑕᒪᕐᒥᒃ ᑖᒃᑯᐊᒃ ᐃᓅᖃᑎᒌᓂᑦ ᐃᓚᒋᔭᐅᔪᓐᓃᕆᐊᖃᕐᐴᒃ.
19 #
ᒨᓯᓯ ᐱᖓᔪᖏᑦ 18:12-14. “ᐊᖑᑦ ᐃᓐᓇᖓᖃᑎᖃᕐᐸᑦ ᐊᓈᓇᖓᑕ ᓄᑲᖓᓂᒃ ᐊᖓᔪᐊᓂᒡᓘᓐᓃᑦ ᐊᑖᑕᖓᑕᓘᓐᓃᑦ ᓇᔭᖓᓂᒃ, ᐃᓚᒋᔭᒥᓂᒃ ᓇᕐᕈᓇᕐᓯᑎᑦᓯᕗᖅ, ᑕᒪᕐᒥᒃ ᑕᕝᕙ ᐸᓯᔭᒃᓴᐅᓕᕐᓂᐊᕐᐳᑦ. 20ᐊᖑᑦ ᐃᓐᓇᖓᖃᑎᖃᕐᐸᑦ ᐊᒃᑲᖕᒥ ᐊᖓᖕᒥᓘᓐᓃᑦ ᓄᓕᐊᖓᓂᒃ, ᐊᒃᑲᓂ ᐊᖓᓂᓘᓐᓃᑦ ᐅᐱᓐᓇᕐᑎᓐᖏᓛ, ᑍᒤᓕᐅᕐᑐᖅ ᐸᓯᔭᒃᓴᐅᕗᖅ; ᕿᑐᕐᖓᕐᑖᖏᓪᓗᑎᒃ ᑐᖁᔪᒫᕐᐴᒃ. 21#ᒨᓯᓯ ᐱᖓᔪᖏᑦ 18:16.ᐊᖑᑦ ᓄᓕᐊᕐᑖᕐᐸᑦ ᓄᑲᕐᒥ ᐊᖓᔪᒥᓘᓐᓃᑦ ᓄᓕᐊᖓᓂᒃ ᑕᒪᓐᓇ ᐃᑦᔪᕐᓇᕐᒪᑦ, ᓄᑲᓂ ᐊᖓᔪᓂᓘᓐᓃᑦ ᐅᐱᒋᖏᒻᒪᒍ, ᑖᒃᑯᐊᒃ ᕿᑐᕐᖓᕐᑖᕐᓂᐊᓐᖏᓚᒃ.
22“ᒪᓕᒐᒃᓴᐅᖁᔭᒃᑲ ᐱᖁᔭᒃᑲᓗ ᐃᖅᑲᐅᒪᑦᓯᐊᕐᓗᒋᑦ ᒪᓕᑦᓯᐊᕐᓯᐅᒃ ᐃᓕᑦᓯᓐᓄᑦ ᓄᓇᑖᕆᑎᑕᓐᓂ ᐃᓂᖃᑦᓯᐊᖁᓪᓗᓯ ᐊᐅᓪᓚᕐᑎᑕᐅᖁᓇᓯᓗ. 23ᓄᓇᖃᕐᑐᑦ ᑕᒫᓂ ᐃᓅᖃᑎᒌᒡᔪᐊᑦ ᐱᐅᓯᑐᖃᖏᓐᓂᒃ ᐃᓕᖅᑯᓯᖃᖁᓐᖏᓚᑦᓯ, ᑍᒃᑯᐊ ᑕᒫᓐᖓᑦ ᐊᐅᓪᓚᕐᑎᓐᓂᐊᕐᐸᒃᑲ, ᐱᐅᖏᑦᑐᐊᓗᖕᓂᒃ ᑕᒪᒃᑯᓂᖓ ᐱᐅᓯᖃᓚᐅᕐᒪᑕ. ᖁᕕᐊᒋᓐᖏᑕᓐᓂᒃ ᐊᑐᓚᐅᕐᒪᑕ. 24ᐃᓕᑦᓯᓕ ᐅᖃᐅᑎᕙᑦᓯ ᓄᓇ ᐱᑖᕆᓂᐊᕋᓯᐅᒃ; ᐃᓕᑦᓯᓐᓄᑦ ᑐᓂᓂᐊᕋᒃᑯ, ᓄᓇ ᐊᔪᕐᓴᕐᓇᖏᑦᑐᖅ ᐱᕈᕐᕕᐅᑦᓯᐊᕈᓐᓇᕐᑐᕐᓗ ᐱᑖᕆᓂᐊᕋᑦᓯᐅᒃ. ᐅᕙᖓ ᐊᑕᓂᐅᒐᒪ ᒎᑎᓯ, ᓴᓂᕐᕙᒃᑎᓯᒪᒐᑦᓯ ᐃᓅᖃᑎᒌᒡᔪᐊᓂᑦ. 25ᑍᒤᒻᒪᑦ ᐅᑦᔨᕈᓱᑦᓯᐊᓕᕆᑦᓯ ᓂᕐᔪᑎᓂᒃ ᓴᓗᒪᔪᓂᒃ ᓴᓗᒤᑦᑐᓂᒡᓗ, ᑎᖕᒥᐊᓂᒡᓗ ᓴᓗᒪᔪᓂᒃ ᓴᓗᒤᑦᑐᓂᒡᓗ, ᐃᓕᑦᓯᓐᓂᒃ ᐃᑦᔪᕐᓇᕐᓯᑎᓐᓂᐊᕋᓯ ᓂᕐᔪᑎᑦ ᓄᓇᒦᑦᑐᑦ ᐱᓪᓗᒋᑦ ᑎᖕᒥᐊᓪᓘᓐᓃᑦ ᓄᓇᒥᓘᓐᓃᑦ ᐹᕐᖑᕐᑐᑦ ᐱᑦᔪᑎᒋᓗᒋᑦ ᑕᒪᒃᑯᐊ ᐅᖃᐅᓯᕆᓗᒋᑦ ᐊᕕᒃᑐᑦᓯᐊᓚᐅᕋᒃᑭᑦ ᐃᑦᔪᕐᓇᕐᑐᑦ ᐃᓕᑦᓯᓐᓄᑦ. 26ᐃᓕᑦᓯᓐᓂᒃ ᐃᑦᔪᕐᓁᑎᒋᑦᓯ ᐅᕙᖓ ᐊᑕᓂᐅᒐᒪ ᐃᑦᔪᕐᓁᑦᑐᖅ. ᐃᓅᖃᑎᒌᒡᔪᐊᓂᑦ ᑎᒍᓚᐅᕋᑦᓯ ᓇᖕᒥᓂᕆᔪᒪᓪᓗᓯ.
27“ᐊᖑᑦ ᐊᕐᓇᕐᓘᓐᓃᑦ ᑐᖁᖓᔪᓂᒃ ᐅᖃᖃᑎᖃᕈᓐᓇᕋᓱᐊᕐᑐᖅ ᓇᓗᓇᕐᑐᓂᒡᓘᓐᓃᑦ ᖃᐅᔨᒪᑦᔪᑎᖃᕋᓱᐊᕐᑐᖅ ᓄᓇᑦᓯᓐᓃᑦᑐᖅ, ᑐᖁᑕᐅᔭᕆᐊᖃᕐᐳᖅ ᐅᔭᖅᑲᓄᑦ ᒥᓪᓗᕐᑕᐅᓗᓂ ᑐᖁᑕᐅᓕ. ᓇᖕᒥᓂᖅ ᑐᖁᑕᐅᑦᔪᑎᒃᓴᒥᓂᒃ ᐱᓇᓱᐊᕐᒪᑦ.”
Currently Selected:
ᒨᓯᓯ ᐱᖓᔪᖏᑦ 20: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᒨᓯᓯ ᐱᖓᔪᖏᑦ 20
20
ᓱᒋᐊᕐᑕᐅᓂᖅ ᐊᔪᕐᓂᖅ ᐱᑦᔪᑎᒋᓪᓗᒍ
1ᐊᑕᓂᐅᑉ ᒨᓯᓯ ᐅᖃᕐᕕᒋᕚ, 2“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ᐃᓴᕆᐊᓕᒥᐅᑦ ᐃᓴᕆᐊᓕᒥᐅᖑᖏᑦᑐᓪᓘᓐᓃᑦ ᐃᓴᕆᐊᓕᒥ ᓄᓇᖃᕐᑐᑦ ᕿᑐᕐᖓᒥᖕᓂᒃ ᑐᓂᕐᕈᑎᖃᕐᑐᖅ ᒎᑎᓐᖑᐊᒧᑦ ᒧᓕᑭᒧᑦ ᑐᖁᑕᐅᔭᕆᐊᖃᕐᐳᑦ. ᓄᓇᖅᑲᑎᒌᑦ ᒥᓪᓗᕐᓗᒍ ᑐᖁᑕᒃᓴᕆᕚᑦ. 3ᑍᒤᓕᐅᕐᑐᖅ ᐃᓄᖁᑎᒋᔪᓐᓃᕐᓂᐊᕐᐸᕋ, ᐃᓅᖃᑎᖏᓐᓂᓪᓗ ᐊᕕᑕᐅᑎᓐᓂᐊᕐᐸᕋ; ᕿᑐᕐᖓᒥᓂᒃ ᑐᓂᕐᕈᑎᖃᕐᑐᖅ ᒎᑎᓐᖑᐊᒧᑦ ᒧᓕᑭᒧᑦ; ᑐᐱᕐᒥ ᑲᑎᒪᕕᖕᒥ ᐃᑦᔪᕐᓁᑦᑐᕕᖁᑎᒐ ᐃᑦᔪᕐᓇᕐᓯᑎᒻᒪᒍ, ᐊᑎᕋᓗ ᓇᕐᕈᓇᕐᓯᑎᑦᓱᓂᐅᒃ. 4ᐃᓄᐃᑦ ᓄᓇᖅᑲᑎᒌᑦ ᑲᒪᖏᑉᐸᑕ ᐃᓄᖏᑦ ᕿᑐᕐᖓᒥᖕᓂᒃ ᑐᓂᕐᕈᑎᖃᕐᑐᒥᒃ ᒎᑎᓐᖑᐊᒧᑦ ᒧᓕᑭᒧᑦ, ᑐᖁᑕᐅᖏᑉᐸᓪᓗ, 5ᐅᕙᖓ ᓇᖕᒥᓂᖅ ᐊᑭᕋᕐᑐᕐᓂᐊᕐᐸᕋ ᐃᒡᓗᒥᐅᖃᑎᖏᓪᓗ, ᐃᓄᖁᑎᓐᓂᒡᓗ ᑍᔪᓐᓁᕐᓂᐊᕐᐸᕋ ᒪᓕᒃᑎᓕᒫᖏᓪᓗ, ᐊᓯᓐᓂᐊᕐᒪᑕ ᒎᑎᓐᖑᐊᒧᑦ ᒧᓕᑭᒧᑦ.
6“ᓇᓪᓕᐊᓐᓂᒃ ᑕᑎᖃᕐᑐᖃᕐᐸᑦ ᑐᖁᖓᔪᓂᒃ ᐅᖃᖃᑎᖃᕐᐸᒃᑐᓂᒃ ᓇᓗᓇᕐᑐᓂᒡᓗ ᖃᐅᔨᒪᓇᓱᐊᕐᑎᒥᒃ ᑕᒪᒃᑯᓄᖓᓗ ᐊᓯᓐᓂᐊᕐᑎᑕᐅᓕᕐᐸᑕ, ᑍᒤᓕᐅᕐᑐᖅ ᐊᓚᕐᓂᐊᕐᐸᕋ ᐃᓄᖁᑎᒋᔪᓐᓃᕐᓗᒍᓗ. 7ᐃᓕᑦᓯᓐᓂᒃ ᐃᑦᔪᕐᓁᑎᓐᓂᐊᕆᑦᓯ, ᐅᕙᖓ ᐊᑕᓂᐅᒐᒪ ᒎᑎᓯ. 8ᒪᓕᒐᒃᓴᐅᖁᔭᒃᑲ ᐃᖅᑲᐅᒪᓯᒋᒃ ᒪᓕᒡᓗᒋᓪᓗ. ᐅᕙᖓ ᐊᑕᓂᐅᒐᒪ, ᐃᓕᑦᓯᓐᓂᒃ ᐃᑦᔪᕐᓁᑎᑦᓯᒐᒪ.
9 #
ᒨᓯᓯ ᐂᑉᐸᖏᑦ 21:17; ᒫᑎᐅᓯ 15:4; ᒫᑯᓯ 7:10. “ᓇᓕᕐᓯ ᐊᑖᑕᒥᓂᒃ ᐊᓈᓇᒥᓂᒡᓘᓐᓃᑦ ᓇᕐᕈᓇᕐᓂᕅᒃᐸᑦ, ᑖᓐᓇ ᑐᖁᑕᐅᔭᕆᐊᖃᕐᐳᖅ. ᐊᑖᑕᓂ ᐊᓈᓇᓂᓗ ᓇᕐᕈᓇᕐᑎᒻᒪᒋᒃ ᓇᖕᒥᓂᖅ ᑐᖁᑕᐅᑦᔪᑎᒃᓴᒥᓂᒃ ᐱᓕᕆᖕᒪᑦ.
10 #
ᒨᓯᓯ ᐂᑉᐸᖏᑦ 20:14; ᒨᓯᓯ ᐱᖓᔪᖏᑦ 18:20; ᒨᓯᓯ ᑕᓪᓕᒪᖏᑦ 5:18. “ᐊᖑᑦ ᐊᓯᓐᓂᐊᕐᐸᑦ ᐃᓅᖃᑎᒥ ᓄᓕᐊᖓᓂᒃ, ᑖᒃᑯᐊᒃ ᐊᖑᓪᓗ ᐊᕐᓇᕐᓗ ᐊᓯᓐᓂᐊᕐᑑᒃ ᑕᒪᕐᒥᒃ ᑐᖁᑕᐅᔭᕆᐊᖃᕐᐳᒃ. 11#ᒨᓯᓯ ᐱᖓᔪᖏᑦ 18:8; ᒨᓯᓯ ᑕᓪᓕᒪᖏᑦ 22:30; 27:20.ᐊᖑᑦ ᐃᓐᓇᖓᖃᑎᖃᕐᐸᑦ ᐊᑖᑕᒥ ᓄᓕᐊᖓᓂᒃ, ᐊᑖᑕᓂ ᐅᐱᒋᖏᒻᒪᒍ ᑕᒪᕐᒥᒃ ᐊᖑᓪᓗ ᐊᕐᓇᕐᓗ ᑐᖁᑕᐅᔭᕆᐊᖃᕐᐳᒃ; ᓇᖕᒥᓂᖅ ᑐᖁᑕᐅᑦᔪᑎᒃᓴᓕᐅᕐᒪᑎᒃ. 12#ᒨᓯᓯ ᐱᖓᔪᖏᑦ 18:15.ᐊᖑᑦ ᐃᓐᓇᖓᖃᑎᖃᕐᐸᑦ ᐅᑯᐊᒥᓂᒃ, ᑖᒃᑯᐊᒃ ᑕᒪᕐᒥᒃ ᑐᖁᑕᐅᔭᕆᐊᖃᕐᐳᒃ, ᑍᒤᓕᐅᕐᓂᖓᒃ ᐱᐅᖏᑦᑐᐊᓘᖕᒪᑦ; ᓇᖕᒥᓂᖅ ᑐᖁᑕᐅᑦᔪᑎᒃᓴᓕᐅᕐᒪᑎᒃ. 13#ᒨᓯᓯ ᐱᖓᔪᖏᑦ 18:22.ᐊᖑᑦ ᐃᓐᓇᖓᖃᑎᖃᕐᐸᑦ ᐊᖑᒻᒥᒃ ᐊᕐᓇᑎᑐᑦ ᐱᓗᒍ, ᑖᒃᑯᐊᒃ ᐱᓂᐊᕐᓂᖓᒃ ᐃᑦᔪᕐᓇᕐᑐᐊᓘᕗᖅ, ᑕᒪᕐᒥᒃ ᑖᒃᑯᐊᒃ ᑐᖁᑕᐅᔭᕆᐊᖃᕐᐴᒃ; ᓇᖕᒥᓂᖅ ᑐᖁᑕᐅᑦᔪᑎᒃᓴᓕᐅᕐᒪᑎᒃ. 14#ᒨᓯᓯ ᐱᖓᔪᖏᑦ 18:17; ᒨᓯᓯ ᑕᓪᓕᒪᖏᑦ 27:23.ᐊᖑᑦ ᓄᓕᐊᕐᑖᕐᐸᑦ ᑕᒤᓐᓂᒃ ᐊᕐᓇᒥᒃ ᐊᓈᓇᖓᓂᒡᓗ, ᑕᒪᓐᓇ ᐱᐅᖏᑦᑐᐊᓘᖕᒪᑦ ᐊᖑᓪᓗ ᑖᒃᑯᐊᒡᓗ ᐊᓈᓇᒌᒃ ᐃᑯᒪᒧᑦ ᐃᑭᑕᐅᔭᕆᐊᖃᕐᐳᑦ, ᐱᐅᖏᑦᑐᓕᓂᐊᓗᒃ ᑕᒪᓐᓇ ᐃᓕᑦᓯᓐᓃᖁᓇᒍ. 15#ᒨᓯᓯ ᐂᑉᐸᖏᑦ 22:19; ᒨᓯᓯ ᐱᖓᔪᖏᑦ 18:23; ᒨᓯᓯ ᑕᓪᓕᒪᖏᑦ 27:21.ᐊᖑᑦ ᓄᓕᐊᖃᑎᖃᕐᐸᑦ ᓂᕐᔪᑎᒥᒃ, ᑍᒤᓕᐅᕐᑐᖅ ᑐᖁᑕᐅᔭᕆᐊᖃᕐᐳᖅ, ᓂᕐᔪᑎᓗ ᑖᓐᓇ ᑐᖁᑕᐅᔭᕆᐊᖃᕆᕗᖅ. 16ᐊᕐᓇᖅ ᓂᕐᔪᑎᒧᑦ ᒪᓂᒃᐸᑦ ᓄᓕᐊᕐᑕᐅᔪᒪᓗᓂ, ᑕᒪᕐᒥᒃ ᑖᒃᑯᐊᒃ ᐊᕐᓇᕐᓗ ᓂᕐᔪᑎᓗ ᑐᖁᑕᐅᔭᕆᐊᖃᕐᐳᒃ, ᓇᖕᒥᓂᖅ ᑐᖁᑕᐅᑦᔪᑎᒃᓴᒥᒃ ᐱᓕᕆᖕᒪᑎᒃ.
17 #
ᒨᓯᓯ ᐱᖓᔪᖏᑦ 18:9; ᒨᓯᓯ ᑕᓪᓕᒪᖏᑦ 27:22. “ᐊᖑᑦ ᓄᓕᐊᓂᒃᐸᑦ ᓇᔭᖕᒥᓂᒃ, ᐊᑖᑕᒥ ᐸᓂᖓᓂᒡᓘᓐᓃᑦ, ᐊᓈᓇᒥ ᐸᓂᖓᓂᒡᓘᓐᓃᑦ, ᑖᒃᑯᐊᒃ ᐱᖃᑎᒌᒃᐸᑎᒃ, ᑕᒪᓐᓇ ᓇᕐᕈᓇᕐᓂᐅᕗᖅ ᐃᓄᐃᑦ ᑕᒃᑯᐊᓂ ᐃᓅᖃᑎᒌᓂᑦ ᐊᕕᑕᐅᔭᕆᐊᖃᕐᐳᒃ; ᐊᖑᑎᐅᑉ ᓇᔭᓂ ᐅᐱᒋᖏᒻᒪᒍ ᑖᓐᓇᓗ ᐸᓯᔭᒃᓴᐅᕗᖅ. 18#ᒨᓯᓯ ᐱᖓᔪᖏᑦ 18:19.ᐊᖑᑦ ᐃᓐᓇᖓᓗᓂ ᐱᖃᑎᖃᕐᐸᑦ ᐊᕐᓇᒥᒃ ᐊᐅᓈᕐᑐᒥᒃ, ᑕᒪᕐᒥᒃ ᑖᒃᑯᐊᒃ ᐃᓅᖃᑎᒌᓂᑦ ᐃᓚᒋᔭᐅᔪᓐᓃᕆᐊᖃᕐᐴᒃ.
19 #
ᒨᓯᓯ ᐱᖓᔪᖏᑦ 18:12-14. “ᐊᖑᑦ ᐃᓐᓇᖓᖃᑎᖃᕐᐸᑦ ᐊᓈᓇᖓᑕ ᓄᑲᖓᓂᒃ ᐊᖓᔪᐊᓂᒡᓘᓐᓃᑦ ᐊᑖᑕᖓᑕᓘᓐᓃᑦ ᓇᔭᖓᓂᒃ, ᐃᓚᒋᔭᒥᓂᒃ ᓇᕐᕈᓇᕐᓯᑎᑦᓯᕗᖅ, ᑕᒪᕐᒥᒃ ᑕᕝᕙ ᐸᓯᔭᒃᓴᐅᓕᕐᓂᐊᕐᐳᑦ. 20ᐊᖑᑦ ᐃᓐᓇᖓᖃᑎᖃᕐᐸᑦ ᐊᒃᑲᖕᒥ ᐊᖓᖕᒥᓘᓐᓃᑦ ᓄᓕᐊᖓᓂᒃ, ᐊᒃᑲᓂ ᐊᖓᓂᓘᓐᓃᑦ ᐅᐱᓐᓇᕐᑎᓐᖏᓛ, ᑍᒤᓕᐅᕐᑐᖅ ᐸᓯᔭᒃᓴᐅᕗᖅ; ᕿᑐᕐᖓᕐᑖᖏᓪᓗᑎᒃ ᑐᖁᔪᒫᕐᐴᒃ. 21#ᒨᓯᓯ ᐱᖓᔪᖏᑦ 18:16.ᐊᖑᑦ ᓄᓕᐊᕐᑖᕐᐸᑦ ᓄᑲᕐᒥ ᐊᖓᔪᒥᓘᓐᓃᑦ ᓄᓕᐊᖓᓂᒃ ᑕᒪᓐᓇ ᐃᑦᔪᕐᓇᕐᒪᑦ, ᓄᑲᓂ ᐊᖓᔪᓂᓘᓐᓃᑦ ᐅᐱᒋᖏᒻᒪᒍ, ᑖᒃᑯᐊᒃ ᕿᑐᕐᖓᕐᑖᕐᓂᐊᓐᖏᓚᒃ.
22“ᒪᓕᒐᒃᓴᐅᖁᔭᒃᑲ ᐱᖁᔭᒃᑲᓗ ᐃᖅᑲᐅᒪᑦᓯᐊᕐᓗᒋᑦ ᒪᓕᑦᓯᐊᕐᓯᐅᒃ ᐃᓕᑦᓯᓐᓄᑦ ᓄᓇᑖᕆᑎᑕᓐᓂ ᐃᓂᖃᑦᓯᐊᖁᓪᓗᓯ ᐊᐅᓪᓚᕐᑎᑕᐅᖁᓇᓯᓗ. 23ᓄᓇᖃᕐᑐᑦ ᑕᒫᓂ ᐃᓅᖃᑎᒌᒡᔪᐊᑦ ᐱᐅᓯᑐᖃᖏᓐᓂᒃ ᐃᓕᖅᑯᓯᖃᖁᓐᖏᓚᑦᓯ, ᑍᒃᑯᐊ ᑕᒫᓐᖓᑦ ᐊᐅᓪᓚᕐᑎᓐᓂᐊᕐᐸᒃᑲ, ᐱᐅᖏᑦᑐᐊᓗᖕᓂᒃ ᑕᒪᒃᑯᓂᖓ ᐱᐅᓯᖃᓚᐅᕐᒪᑕ. ᖁᕕᐊᒋᓐᖏᑕᓐᓂᒃ ᐊᑐᓚᐅᕐᒪᑕ. 24ᐃᓕᑦᓯᓕ ᐅᖃᐅᑎᕙᑦᓯ ᓄᓇ ᐱᑖᕆᓂᐊᕋᓯᐅᒃ; ᐃᓕᑦᓯᓐᓄᑦ ᑐᓂᓂᐊᕋᒃᑯ, ᓄᓇ ᐊᔪᕐᓴᕐᓇᖏᑦᑐᖅ ᐱᕈᕐᕕᐅᑦᓯᐊᕈᓐᓇᕐᑐᕐᓗ ᐱᑖᕆᓂᐊᕋᑦᓯᐅᒃ. ᐅᕙᖓ ᐊᑕᓂᐅᒐᒪ ᒎᑎᓯ, ᓴᓂᕐᕙᒃᑎᓯᒪᒐᑦᓯ ᐃᓅᖃᑎᒌᒡᔪᐊᓂᑦ. 25ᑍᒤᒻᒪᑦ ᐅᑦᔨᕈᓱᑦᓯᐊᓕᕆᑦᓯ ᓂᕐᔪᑎᓂᒃ ᓴᓗᒪᔪᓂᒃ ᓴᓗᒤᑦᑐᓂᒡᓗ, ᑎᖕᒥᐊᓂᒡᓗ ᓴᓗᒪᔪᓂᒃ ᓴᓗᒤᑦᑐᓂᒡᓗ, ᐃᓕᑦᓯᓐᓂᒃ ᐃᑦᔪᕐᓇᕐᓯᑎᓐᓂᐊᕋᓯ ᓂᕐᔪᑎᑦ ᓄᓇᒦᑦᑐᑦ ᐱᓪᓗᒋᑦ ᑎᖕᒥᐊᓪᓘᓐᓃᑦ ᓄᓇᒥᓘᓐᓃᑦ ᐹᕐᖑᕐᑐᑦ ᐱᑦᔪᑎᒋᓗᒋᑦ ᑕᒪᒃᑯᐊ ᐅᖃᐅᓯᕆᓗᒋᑦ ᐊᕕᒃᑐᑦᓯᐊᓚᐅᕋᒃᑭᑦ ᐃᑦᔪᕐᓇᕐᑐᑦ ᐃᓕᑦᓯᓐᓄᑦ. 26ᐃᓕᑦᓯᓐᓂᒃ ᐃᑦᔪᕐᓁᑎᒋᑦᓯ ᐅᕙᖓ ᐊᑕᓂᐅᒐᒪ ᐃᑦᔪᕐᓁᑦᑐᖅ. ᐃᓅᖃᑎᒌᒡᔪᐊᓂᑦ ᑎᒍᓚᐅᕋᑦᓯ ᓇᖕᒥᓂᕆᔪᒪᓪᓗᓯ.
27“ᐊᖑᑦ ᐊᕐᓇᕐᓘᓐᓃᑦ ᑐᖁᖓᔪᓂᒃ ᐅᖃᖃᑎᖃᕈᓐᓇᕋᓱᐊᕐᑐᖅ ᓇᓗᓇᕐᑐᓂᒡᓘᓐᓃᑦ ᖃᐅᔨᒪᑦᔪᑎᖃᕋᓱᐊᕐᑐᖅ ᓄᓇᑦᓯᓐᓃᑦᑐᖅ, ᑐᖁᑕᐅᔭᕆᐊᖃᕐᐳᖅ ᐅᔭᖅᑲᓄᑦ ᒥᓪᓗᕐᑕᐅᓗᓂ ᑐᖁᑕᐅᓕ. ᓇᖕᒥᓂᖅ ᑐᖁᑕᐅᑦᔪᑎᒃᓴᒥᓂᒃ ᐱᓇᓱᐊᕐᒪᑦ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.