ᒨᓯᓯ ᐱᖓᔪᖏᑦ 21
21
ᑐᓂᕐᕈᓯᕐᑎᑦᓯᔩᑦ ᐃᑦᔪᕐᓁᓐᓂᖓ
1ᐊᑕᓂᐅᑉ ᒨᓯᓯ ᐅᖃᐅᑎᕚ, “ᑐᓂᕐᕈᓯᕐᑎᑦᓯᔩᑦ ᐂᕉᓂᐅᑉ ᐃᓚᖏᑦ ᐃᒫᒃ ᐅᖃᐅᑎᒃᑭᑦ, ᑐᓂᕐᕈᓯᕐᑎᑦᓯᔩᑦ ᓇᓪᓕᐊᑦ ᐃᒻᒥᖕᓂᒃ ᓴᓗᒤᑦᑐᓐᖑᕐᑎᑦᑐᒃᓴᐅᓐᖏᓚᖅ ᐃᓗᕕᕐᓯᔪᓂ ᑲᒪᔨᐅᖃᑕᐅᓗᓂ ᐃᓚᒋᔭᖓᓂᒃ ᑐᖁᔪᖃᕐᑎᓪᓗᒍ. 2ᑭᓯᐊᓂ ᓇᖕᒥᓂᓪᓚᕆᒋᒍᓂᐅᒃ, ᐃᒫᒃ ᐊᓈᓇᓂ ᐊᑖᑕᓂᓘᓐᓃᑦ, ᐃᕐᓂᓂᓘᓐᓃᑦ ᐸᓂᓂᓘᓐᓃᑦ, ᐅᕝᕙᓘᓐᓃᑦ ᓇᖕᒥᓂᕆᓗᒍ ᖃᑕᓐᖑᑎᒥᓂᒃ, 3ᐅᕝᕙᓘᓐᓃᑦ ᓇᔭᖕᒥᓂᒃ ᐅᐃᖃᓚᐅᕐᓯᒪᖏᑐᒥᒃ ᐃᒡᓗᒥᓂ ᓇᔪᕐᑎᒋᔭᒥᓂᒃ ᑖᓐᓇ ᐱᑦᔪᑎᒋᓗᒍ ᓴᓗᒤᑦᑐᓐᖑᕐᑎᑕᐅᑐᐃᓐᓇᕆᐊᖃᕐᐳᖅ. 4ᐃᒻᒥᖕᓂᒃ ᓴᓗᒤᑦᑐᓐᖑᕐᑎᓐᓂᐊᕋᑎᒃ ᐃᓚᒋᔭᖓᓂᒃ ᑐᖁᔪᖃᕐᐸᑦ ᐅᐃᒋᔭᐅᓂᕐᒥᒍᑦ ᐃᓚᒋᔭᒥᓂᒃ ᐃᓗᕕᕐᓯᖃᑕᐅᓂᕐᒧᑦ, ᑍᒫᒃ ᐃᒻᒥᓂᒃ ᐃᑦᔪᕐᓇᓯᑎᑦᓱᓇᕐᒪᑦ.
5 #
ᒨᓯᓯ ᐱᖓᔪᖏᑦ 19:27,28; ᒨᓯᓯ ᑕᓪᓕᒪᖏᑦ 14:1. “ᑐᓂᕐᕈᓯᕐᑎᑦᓯᔩᑦ ᓂᐊᖁᑎᒃ ᓴᓕᔭᕆᐊᖃᖏᓔᑦ ᐅᒥᒃᑎᒡᓘᓐᓃᑦ ᓯᓈᒍᑦ ᑭᐱᔭᕆᐊᖃᖏᓔᑦ ᑎᒥᒥᒃᑎᒍᓪᓗ ᑭᓪᓕᐊᔪᒃᓴᐅᓐᖏᓚᑦ ᕿᒃᓵᖕᓂᕐᒥᖕᓄᑦ ᓇᓗᓁᒃᑯᑕᕆᓇᓱᐊᕐᓗᒋᑦ. 6ᑖᒃᑯᐊ ᐃᑦᔪᕐᓁᑦᑕᕆᐊᖃᕐᐳᑦ ᒎᑎᒥᖕᓄᑦ, ᓇᕐᕈᓇᕐᑎᑦᓯᓂᐊᕋᑎᒡᓗ ᒎᑎᒥ ᐊᑎᖓᓂᒃ, ᑖᒃᑯᐊ ᑐᓂᕐᕈᑎᒃᓴᓂᒃ ᐆᑕᒃᓴᓂᒃ ᐃᑯᐊᓚᑎᑦᓯᕙᖕᒪᑕ ᐊᑕᓂᕐᒧᑦ, ᒎᑎᖓᑦᑕ ᓂᕿᒃᓴᖓᓂᒃ, ᑍᒤᒻᒪᑦ ᐃᑦᔪᕐᓁᑦᓴᕆᐊᖃᕐᐳᑦ. 7ᑐᓂᕐᕈᓯᕐᑎᑦᓯᔩᑦ ᓄᓕᐊᕐᑖᕐᑐᒃᓴᐅᓐᖏᓚᑦ ᐊᕐᓇᒥᒃ ᑮᓇᐅᔭᓕᐅᕐᓂᕐᒧᑦ ᓄᓕᐊᒐᐅᕙᒃᑐᕕᓂᕐᒥᒃ, ᐅᐃᖃᕐᓯᒪᔪᒥᒡᓘᓐᓃᑦ ᐅᕝᕙᓘᓐᓃᑦ ᐅᐃᒥᓂᒃ ᐊᕕᖃᑎᖃᕐᓯᒪᔪᒥᒃ, ᑐᓂᕐᕈᓯᕐᑎᑦᓯᔩᑦ ᒎᑎᒥᖕᓄᑦ ᐃᑦᔪᕐᓁᑦᓴᕆᐊᖃᕐᒪᑕ. 8ᐃᑦᔪᕐᓁᑎᓯᒋᒃ, ᒎᑎᑦᓯ ᓂᕿᒃᓴᖏᓐᓂᒃ ᐃᑯᐊᓚᑦᓯᓂᒃᑯᑦ ᑐᓂᕐᕈᓯᖃᑕᕐᒪᑕ. ᐃᑦᔪᕐᓁᓐᓂᖏᑦ ᐃᓱᒪᒋᑦᓯᐊᕐᓯᐅᒃ, ᐅᕙᖓ ᐊᑕᓂᖅ ᐃᑦᔪᕐᓁᓐᓇᒪ, ᐃᓄᖁᑎᒃᑲᑦᑕᐅᖅ ᐃᑦᔪᕐᓁᑎᓐᓂᐊᕆᕙᒃᑲ. 9ᑐᓂᕐᕈᓯᕐᑎᑦᓯᔨᐅᑉ ᐸᓂᖓ ᐃᒻᒥᓂᒃ ᓇᕐᕈᓇᕐᓯᑎᑉᐸᑦ ᓂᐅᕕᐊᖑᓗᓂ ᓄᓕᐊᒐᐅᓕᕐᐸᑦ, ᐊᑖᑕᓂ ᑕᕝᕙ ᐅᐱᓐᓇᕈᓐᓃᕐᑎᑉᐹ; ᑖᓐᓇ ᐃᑯᐊᓪᓚᒃᑕᐅᔭᕆᐊᖃᕐᐳᖅ.
10“ᑐᓂᕐᕈᓯᕐᑎᑦᓯᔨᑦ ᐊᖓᔪᖅᑳᖓᑦ, ᑖᓐᓇ ᐅᕐᓱᒧᑦ ᓂᐊᖁᐊᒍᑦ ᑯᕝᕕᕆᔭᐅᓯᒪᔪᖅ ᓂᕈᐊᕐᑕᐅᓂᕐᒧᑦ, ᐊᑐᕈᓐᓇᕐᓯᑎᑕᐅᓯᒪᔪᕐᓗ ᑐᓂᕐᕈᓯᕐᑎᑦᓯᔩᑦ ᐊᓐᓄᕌᖏᓐᓂᒃ, ᓄᔭᕙᓪᓗᓐᖑᕐᑎᓯᒪᔭᕆᐊᖃᓐᖏᓚᖅ ᐊᓐᓄᕌᒥᓂᒡᓘᓐᓃᑦ ᐊᓕᒃᓯᓯᒪᔭᕆᐊᖃᓐᖏᓚᖅ ᕿᒃᓵᖕᓂᕐᒧᑦ ᓇᓗᓁᒃᑯᑕᕆᓇᓱᐊᕐᓗᒋᑦ. 11ᐃᒡᓗᒧᑦ ᑐᖁᖓᔪᕐᑕᓕᖕᒧᑦ ᐃᑎᕐᑐᒃᓴᐅᓐᖏᓚᖅ. ᐃᒻᒥᓂᒃ ᓴᓗᒤᓕᑎᕐᑐᒃᓴᐅᓐᖏᓚᖅ, ᑐᖁᖓᔪᖅ ᐊᑖᑕᒋᒐᓗᐊᕈᓂᐅᒃ ᐊᓈᓇᒋᒐᓗᐊᕈᓂᐅᒡᓘᓐᓃᑦ, 12ᑐᐱᕐᒥᒃ ᐃᑦᔪᕐᓁᑐᕕᖁᑎᓐᓂᒃ ᓇᕐᕈᓇᕐᓯᑎᑦᓯᖁᓇᒍ ᑕᕝᕙᓐᖓᑦ ᐊᓂᓗᓂ ᑐᖁᖓᔪᕐᑕᓕᖕᒧᓪᓗ ᐃᑎᕐᒥᓗᓂ ᐃᑦᔪᕐᓇᕐᓯᑎᒃᑲᔭᕐᒪᒍ, ᑖᓐᓇ ᓂᐊᖁᐊᒍᑦ ᐅᕐᓱᒥᒃ ᑯᕝᕕᕆᔭᐅᓯᒪᖕᒪᑦ ᓂᕈᐊᕐᑕᐅᓂᕐᒥᒍᑦ ᒎᑎᒥᓄᑦ. ᐅᕙᖓ ᐊᑕᓂᐅᒐᒪ. 13ᓄᓕᐊᕐᑖᕈᓂ, ᓄᓕᐊᕐᑖᕆᐊᖃᕐᐳᖅ ᐊᕐᓇᒥᒃ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑐᒥᒃ. 14ᓄᓕᐊᕐᑖᕆᔭᖓ ᐅᐃᒡᒐᕐᓂᐅᔭᕆᐊᖃᓐᖏᓚᖅ, ᐊᕕᑕᐅᓂᑰᔭᕆᐊᖃᕋᓂᓗ, ᐊᒻᒪᓗ ᑮᓇᐅᔭᓕᐅᕋᓱᖕᓂᕐᒧᑦ ᓄᓕᐊᒐᕕᓂᐅᔭᕆᐊᖃᓐᖏᓚᖅ, ᑭᓯᐊᓂ ᓄᓕᐊᕐᑖᕆᐊᖃᕐᐳᖅ ᐃᓅᖃᑎᒥᓂᑦ ᐱᔪᒥᒃ ᐊᕐᓇᒥᒃ ᐊᖑᒻᒧᑦ ᐊᒃᑐᑕᐅᓯᒪᖏᑦᑐᒥᒃ. 15ᑍᒫᒃ ᐱᔭᕆᐊᖃᕐᐳᖅ ᕿᑐᕐᖓᖏᑦ ᐃᑦᔪᕐᓇᕐᑑᖁᓇᒋᑦ ᐃᓅᖃᑎᒥ ᐊᑯᕐᖓᓐᓂ. ᐅᕙᖓ ᐊᑕᓂᐅᒐᒪ, ᑖᓐᓇ ᐃᑦᔪᕐᓁᑎᓯᒪᒐᒃᑯ.”
16ᐊᑕᓂᐅᑉ ᒨᓯᓯ ᐃᒫᒃ ᐅᖃᐅᑎᕚ, 17“ᐂᕉᓂ ᐅᖃᐅᑎᒍᒃ: ‘ᑍᒪᓐᖓᓕᒫᖅ ᑭᖑᕚᑎᑦ ᑎᒥᒥᒃᑎᒍᑦ ᐱᐅᓯᕐᓘᑎᓖᑦ ᒎᑎᒧᑦ ᓂᕿᒃᓴᒥ ᑐᓂᕐᕈᓯᕐᑐᒃᓴᐅᓐᖏᓚᑦ. 18ᓇᓪᓕᐊᑦ ᐱᐅᓯᕐᓘᑎᓕᒃ ᑐᓂᕐᕈᓯᕐᑎᑦᓯᔪᒃᓴᐅᓐᖏᓚᖅ: ᐃᒤᑦᑐᑦ; ᑕᐅᑐᖏᑦᑐᖅ, ᑐᓯᐊᑦᑐᕐᓘᓐᓃᑦ, ᑕᐅᑦᑐᖓᓘᓐᓃᑦ ᐱᐅᓯᕐᓱᖏᑦᑐᖅ, ᑎᒥᖓᓘᓐᓃᑦ ᐋᖅᑭᑦᓯᐊᕐᓯᒪᖏᑦᑐᖅ; 19ᓇᓪᓕᐊᓪᓘᓐᓃᑦ ᐃᑎᒐᒥᒍᑦ ᐃᓚᑯᓕᒃ ᐊᒡᒐᒥᒍᓪᓘᓐᓃᑦ ᐃᓚᑯᓕᒃ, 20ᓇᓪᓕᐊᓪᓘᓐᓃᑦ ᐱᕆᖓᔪᖅ, ᐱᕈᔪᐃᑦᑐᕐᓘᓐᓃᑦ, ᐃᔨᓗᒃᑐᕐᓘᓐᓃᑦ, ᐊᒥᕐᓗᒃᑐᕐᓘᓐᓃᑦ ᒪᕿᔪᓂᒡᓘᓐᓃᑦ ᐊᔪᐊᕐᑐᖅ, ᐃᒡᔪᐃᕐᓯᒪᔪᕐᓘᓐᓃᑦ. 21ᐂᕉᓂᐅᑉ ᑐᓂᕐᕈᓯᕐᑎᑦᓯᔨᐅᑉ ᑭᖑᕚᖏᑦ ᐱᐅᓯᑐᖃᕐᒥᑐᑦ ᐃᓕᖅᑯᓯᖃᖏᑦᑐᖅ ᐃᑭᑕᒃᓴᓂᒃ ᑐᓂᕐᕈᓯᕐᑎᑦᓯᔭᕆᐊᖃᓐᖏᓚᑦ ᐊᑕᓂᕐᒧᑦ. ᑎᒥᒥᒍᑦ ᐱᐅᓯᕐᓱᖏᒻᒪᑦ, ᒎᑎᒥ ᓂᕿᒃᓴᖓᓂᒃ ᑐᓂᕐᕈᓯᕆᐊᖃᓐᖏᓚᖅ ᓇᔪᒐᖓᓅᕆᐊᖃᓐᖏᓚᕐᓗ. 22ᑍᒤᑦᑐᑦ ᓂᕆᔪᓐᓇᕐᐳᑦ ᑐᓂᕐᕈᑎᕕᓂᕐᓂᒃ ᒎᑎᒧᑦ, ᐃᑦᔪᕐᓁᑦᑐᓂᒃ ᓂᕿᒃᓴᓂᒃ ᑐᓂᕐᕈᑕᐅᓯᒪᔪᓂᒃ, ᐊᒻᒪᓗ ᐃᑦᔪᕐᓁᓐᓂᕐᓴᓂᒃ ᓂᕿᒃᓴᓂᒃ; 23ᑎᒥᒥᒍᑦ ᐱᐅᓯᕐᓘᑎᖃᕋᒥ, ᐃᑦᔪᕐᓁᑦᑐᕕᐅᑉ ᑕᓗᕐᔪᐊᖓᓄᑦ ᖃᒡᓕᔭᕆᐊᖃᓐᖏᓚᖅ, ᑐᓂᕐᕈᓯᕐᕕᒡᓘᓐᓃᑦ ᐅᐸᒋᐊᖃᓐᖏᓛ, ᓈᓚᖏᒃᑯᓂ ᐃᑦᔪᕐᓁᑦᑐᕕᖁᑎᒐ ᐃᑦᔪᕐᓇᓯᑎᓐᓂᐊᕐᐹ. ᐅᕙᖓ ᐊᑕᓂᐅᒐᒪ, ᑖᒃᑯᓂᖓᓗ ᐃᑦᔪᕐᓁᑎᑦᓯᕗᖓ.’”
24ᑕᒪᒃᑯᓂᖓ ᒨᓯᓯᐅᑉ ᐂᕉᓂ ᐃᕐᓂᖏᓪᓗ ᐃᓴᕆᐊᓕᒥᐅᓕᒫᓪᓗ ᐅᖃᐅᑎᕔᑦ.
Currently Selected:
ᒨᓯᓯ ᐱᖓᔪᖏᑦ 21: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᒨᓯᓯ ᐱᖓᔪᖏᑦ 21
21
ᑐᓂᕐᕈᓯᕐᑎᑦᓯᔩᑦ ᐃᑦᔪᕐᓁᓐᓂᖓ
1ᐊᑕᓂᐅᑉ ᒨᓯᓯ ᐅᖃᐅᑎᕚ, “ᑐᓂᕐᕈᓯᕐᑎᑦᓯᔩᑦ ᐂᕉᓂᐅᑉ ᐃᓚᖏᑦ ᐃᒫᒃ ᐅᖃᐅᑎᒃᑭᑦ, ᑐᓂᕐᕈᓯᕐᑎᑦᓯᔩᑦ ᓇᓪᓕᐊᑦ ᐃᒻᒥᖕᓂᒃ ᓴᓗᒤᑦᑐᓐᖑᕐᑎᑦᑐᒃᓴᐅᓐᖏᓚᖅ ᐃᓗᕕᕐᓯᔪᓂ ᑲᒪᔨᐅᖃᑕᐅᓗᓂ ᐃᓚᒋᔭᖓᓂᒃ ᑐᖁᔪᖃᕐᑎᓪᓗᒍ. 2ᑭᓯᐊᓂ ᓇᖕᒥᓂᓪᓚᕆᒋᒍᓂᐅᒃ, ᐃᒫᒃ ᐊᓈᓇᓂ ᐊᑖᑕᓂᓘᓐᓃᑦ, ᐃᕐᓂᓂᓘᓐᓃᑦ ᐸᓂᓂᓘᓐᓃᑦ, ᐅᕝᕙᓘᓐᓃᑦ ᓇᖕᒥᓂᕆᓗᒍ ᖃᑕᓐᖑᑎᒥᓂᒃ, 3ᐅᕝᕙᓘᓐᓃᑦ ᓇᔭᖕᒥᓂᒃ ᐅᐃᖃᓚᐅᕐᓯᒪᖏᑐᒥᒃ ᐃᒡᓗᒥᓂ ᓇᔪᕐᑎᒋᔭᒥᓂᒃ ᑖᓐᓇ ᐱᑦᔪᑎᒋᓗᒍ ᓴᓗᒤᑦᑐᓐᖑᕐᑎᑕᐅᑐᐃᓐᓇᕆᐊᖃᕐᐳᖅ. 4ᐃᒻᒥᖕᓂᒃ ᓴᓗᒤᑦᑐᓐᖑᕐᑎᓐᓂᐊᕋᑎᒃ ᐃᓚᒋᔭᖓᓂᒃ ᑐᖁᔪᖃᕐᐸᑦ ᐅᐃᒋᔭᐅᓂᕐᒥᒍᑦ ᐃᓚᒋᔭᒥᓂᒃ ᐃᓗᕕᕐᓯᖃᑕᐅᓂᕐᒧᑦ, ᑍᒫᒃ ᐃᒻᒥᓂᒃ ᐃᑦᔪᕐᓇᓯᑎᑦᓱᓇᕐᒪᑦ.
5 #
ᒨᓯᓯ ᐱᖓᔪᖏᑦ 19:27,28; ᒨᓯᓯ ᑕᓪᓕᒪᖏᑦ 14:1. “ᑐᓂᕐᕈᓯᕐᑎᑦᓯᔩᑦ ᓂᐊᖁᑎᒃ ᓴᓕᔭᕆᐊᖃᖏᓔᑦ ᐅᒥᒃᑎᒡᓘᓐᓃᑦ ᓯᓈᒍᑦ ᑭᐱᔭᕆᐊᖃᖏᓔᑦ ᑎᒥᒥᒃᑎᒍᓪᓗ ᑭᓪᓕᐊᔪᒃᓴᐅᓐᖏᓚᑦ ᕿᒃᓵᖕᓂᕐᒥᖕᓄᑦ ᓇᓗᓁᒃᑯᑕᕆᓇᓱᐊᕐᓗᒋᑦ. 6ᑖᒃᑯᐊ ᐃᑦᔪᕐᓁᑦᑕᕆᐊᖃᕐᐳᑦ ᒎᑎᒥᖕᓄᑦ, ᓇᕐᕈᓇᕐᑎᑦᓯᓂᐊᕋᑎᒡᓗ ᒎᑎᒥ ᐊᑎᖓᓂᒃ, ᑖᒃᑯᐊ ᑐᓂᕐᕈᑎᒃᓴᓂᒃ ᐆᑕᒃᓴᓂᒃ ᐃᑯᐊᓚᑎᑦᓯᕙᖕᒪᑕ ᐊᑕᓂᕐᒧᑦ, ᒎᑎᖓᑦᑕ ᓂᕿᒃᓴᖓᓂᒃ, ᑍᒤᒻᒪᑦ ᐃᑦᔪᕐᓁᑦᓴᕆᐊᖃᕐᐳᑦ. 7ᑐᓂᕐᕈᓯᕐᑎᑦᓯᔩᑦ ᓄᓕᐊᕐᑖᕐᑐᒃᓴᐅᓐᖏᓚᑦ ᐊᕐᓇᒥᒃ ᑮᓇᐅᔭᓕᐅᕐᓂᕐᒧᑦ ᓄᓕᐊᒐᐅᕙᒃᑐᕕᓂᕐᒥᒃ, ᐅᐃᖃᕐᓯᒪᔪᒥᒡᓘᓐᓃᑦ ᐅᕝᕙᓘᓐᓃᑦ ᐅᐃᒥᓂᒃ ᐊᕕᖃᑎᖃᕐᓯᒪᔪᒥᒃ, ᑐᓂᕐᕈᓯᕐᑎᑦᓯᔩᑦ ᒎᑎᒥᖕᓄᑦ ᐃᑦᔪᕐᓁᑦᓴᕆᐊᖃᕐᒪᑕ. 8ᐃᑦᔪᕐᓁᑎᓯᒋᒃ, ᒎᑎᑦᓯ ᓂᕿᒃᓴᖏᓐᓂᒃ ᐃᑯᐊᓚᑦᓯᓂᒃᑯᑦ ᑐᓂᕐᕈᓯᖃᑕᕐᒪᑕ. ᐃᑦᔪᕐᓁᓐᓂᖏᑦ ᐃᓱᒪᒋᑦᓯᐊᕐᓯᐅᒃ, ᐅᕙᖓ ᐊᑕᓂᖅ ᐃᑦᔪᕐᓁᓐᓇᒪ, ᐃᓄᖁᑎᒃᑲᑦᑕᐅᖅ ᐃᑦᔪᕐᓁᑎᓐᓂᐊᕆᕙᒃᑲ. 9ᑐᓂᕐᕈᓯᕐᑎᑦᓯᔨᐅᑉ ᐸᓂᖓ ᐃᒻᒥᓂᒃ ᓇᕐᕈᓇᕐᓯᑎᑉᐸᑦ ᓂᐅᕕᐊᖑᓗᓂ ᓄᓕᐊᒐᐅᓕᕐᐸᑦ, ᐊᑖᑕᓂ ᑕᕝᕙ ᐅᐱᓐᓇᕈᓐᓃᕐᑎᑉᐹ; ᑖᓐᓇ ᐃᑯᐊᓪᓚᒃᑕᐅᔭᕆᐊᖃᕐᐳᖅ.
10“ᑐᓂᕐᕈᓯᕐᑎᑦᓯᔨᑦ ᐊᖓᔪᖅᑳᖓᑦ, ᑖᓐᓇ ᐅᕐᓱᒧᑦ ᓂᐊᖁᐊᒍᑦ ᑯᕝᕕᕆᔭᐅᓯᒪᔪᖅ ᓂᕈᐊᕐᑕᐅᓂᕐᒧᑦ, ᐊᑐᕈᓐᓇᕐᓯᑎᑕᐅᓯᒪᔪᕐᓗ ᑐᓂᕐᕈᓯᕐᑎᑦᓯᔩᑦ ᐊᓐᓄᕌᖏᓐᓂᒃ, ᓄᔭᕙᓪᓗᓐᖑᕐᑎᓯᒪᔭᕆᐊᖃᓐᖏᓚᖅ ᐊᓐᓄᕌᒥᓂᒡᓘᓐᓃᑦ ᐊᓕᒃᓯᓯᒪᔭᕆᐊᖃᓐᖏᓚᖅ ᕿᒃᓵᖕᓂᕐᒧᑦ ᓇᓗᓁᒃᑯᑕᕆᓇᓱᐊᕐᓗᒋᑦ. 11ᐃᒡᓗᒧᑦ ᑐᖁᖓᔪᕐᑕᓕᖕᒧᑦ ᐃᑎᕐᑐᒃᓴᐅᓐᖏᓚᖅ. ᐃᒻᒥᓂᒃ ᓴᓗᒤᓕᑎᕐᑐᒃᓴᐅᓐᖏᓚᖅ, ᑐᖁᖓᔪᖅ ᐊᑖᑕᒋᒐᓗᐊᕈᓂᐅᒃ ᐊᓈᓇᒋᒐᓗᐊᕈᓂᐅᒡᓘᓐᓃᑦ, 12ᑐᐱᕐᒥᒃ ᐃᑦᔪᕐᓁᑐᕕᖁᑎᓐᓂᒃ ᓇᕐᕈᓇᕐᓯᑎᑦᓯᖁᓇᒍ ᑕᕝᕙᓐᖓᑦ ᐊᓂᓗᓂ ᑐᖁᖓᔪᕐᑕᓕᖕᒧᓪᓗ ᐃᑎᕐᒥᓗᓂ ᐃᑦᔪᕐᓇᕐᓯᑎᒃᑲᔭᕐᒪᒍ, ᑖᓐᓇ ᓂᐊᖁᐊᒍᑦ ᐅᕐᓱᒥᒃ ᑯᕝᕕᕆᔭᐅᓯᒪᖕᒪᑦ ᓂᕈᐊᕐᑕᐅᓂᕐᒥᒍᑦ ᒎᑎᒥᓄᑦ. ᐅᕙᖓ ᐊᑕᓂᐅᒐᒪ. 13ᓄᓕᐊᕐᑖᕈᓂ, ᓄᓕᐊᕐᑖᕆᐊᖃᕐᐳᖅ ᐊᕐᓇᒥᒃ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑐᒥᒃ. 14ᓄᓕᐊᕐᑖᕆᔭᖓ ᐅᐃᒡᒐᕐᓂᐅᔭᕆᐊᖃᓐᖏᓚᖅ, ᐊᕕᑕᐅᓂᑰᔭᕆᐊᖃᕋᓂᓗ, ᐊᒻᒪᓗ ᑮᓇᐅᔭᓕᐅᕋᓱᖕᓂᕐᒧᑦ ᓄᓕᐊᒐᕕᓂᐅᔭᕆᐊᖃᓐᖏᓚᖅ, ᑭᓯᐊᓂ ᓄᓕᐊᕐᑖᕆᐊᖃᕐᐳᖅ ᐃᓅᖃᑎᒥᓂᑦ ᐱᔪᒥᒃ ᐊᕐᓇᒥᒃ ᐊᖑᒻᒧᑦ ᐊᒃᑐᑕᐅᓯᒪᖏᑦᑐᒥᒃ. 15ᑍᒫᒃ ᐱᔭᕆᐊᖃᕐᐳᖅ ᕿᑐᕐᖓᖏᑦ ᐃᑦᔪᕐᓇᕐᑑᖁᓇᒋᑦ ᐃᓅᖃᑎᒥ ᐊᑯᕐᖓᓐᓂ. ᐅᕙᖓ ᐊᑕᓂᐅᒐᒪ, ᑖᓐᓇ ᐃᑦᔪᕐᓁᑎᓯᒪᒐᒃᑯ.”
16ᐊᑕᓂᐅᑉ ᒨᓯᓯ ᐃᒫᒃ ᐅᖃᐅᑎᕚ, 17“ᐂᕉᓂ ᐅᖃᐅᑎᒍᒃ: ‘ᑍᒪᓐᖓᓕᒫᖅ ᑭᖑᕚᑎᑦ ᑎᒥᒥᒃᑎᒍᑦ ᐱᐅᓯᕐᓘᑎᓖᑦ ᒎᑎᒧᑦ ᓂᕿᒃᓴᒥ ᑐᓂᕐᕈᓯᕐᑐᒃᓴᐅᓐᖏᓚᑦ. 18ᓇᓪᓕᐊᑦ ᐱᐅᓯᕐᓘᑎᓕᒃ ᑐᓂᕐᕈᓯᕐᑎᑦᓯᔪᒃᓴᐅᓐᖏᓚᖅ: ᐃᒤᑦᑐᑦ; ᑕᐅᑐᖏᑦᑐᖅ, ᑐᓯᐊᑦᑐᕐᓘᓐᓃᑦ, ᑕᐅᑦᑐᖓᓘᓐᓃᑦ ᐱᐅᓯᕐᓱᖏᑦᑐᖅ, ᑎᒥᖓᓘᓐᓃᑦ ᐋᖅᑭᑦᓯᐊᕐᓯᒪᖏᑦᑐᖅ; 19ᓇᓪᓕᐊᓪᓘᓐᓃᑦ ᐃᑎᒐᒥᒍᑦ ᐃᓚᑯᓕᒃ ᐊᒡᒐᒥᒍᓪᓘᓐᓃᑦ ᐃᓚᑯᓕᒃ, 20ᓇᓪᓕᐊᓪᓘᓐᓃᑦ ᐱᕆᖓᔪᖅ, ᐱᕈᔪᐃᑦᑐᕐᓘᓐᓃᑦ, ᐃᔨᓗᒃᑐᕐᓘᓐᓃᑦ, ᐊᒥᕐᓗᒃᑐᕐᓘᓐᓃᑦ ᒪᕿᔪᓂᒡᓘᓐᓃᑦ ᐊᔪᐊᕐᑐᖅ, ᐃᒡᔪᐃᕐᓯᒪᔪᕐᓘᓐᓃᑦ. 21ᐂᕉᓂᐅᑉ ᑐᓂᕐᕈᓯᕐᑎᑦᓯᔨᐅᑉ ᑭᖑᕚᖏᑦ ᐱᐅᓯᑐᖃᕐᒥᑐᑦ ᐃᓕᖅᑯᓯᖃᖏᑦᑐᖅ ᐃᑭᑕᒃᓴᓂᒃ ᑐᓂᕐᕈᓯᕐᑎᑦᓯᔭᕆᐊᖃᓐᖏᓚᑦ ᐊᑕᓂᕐᒧᑦ. ᑎᒥᒥᒍᑦ ᐱᐅᓯᕐᓱᖏᒻᒪᑦ, ᒎᑎᒥ ᓂᕿᒃᓴᖓᓂᒃ ᑐᓂᕐᕈᓯᕆᐊᖃᓐᖏᓚᖅ ᓇᔪᒐᖓᓅᕆᐊᖃᓐᖏᓚᕐᓗ. 22ᑍᒤᑦᑐᑦ ᓂᕆᔪᓐᓇᕐᐳᑦ ᑐᓂᕐᕈᑎᕕᓂᕐᓂᒃ ᒎᑎᒧᑦ, ᐃᑦᔪᕐᓁᑦᑐᓂᒃ ᓂᕿᒃᓴᓂᒃ ᑐᓂᕐᕈᑕᐅᓯᒪᔪᓂᒃ, ᐊᒻᒪᓗ ᐃᑦᔪᕐᓁᓐᓂᕐᓴᓂᒃ ᓂᕿᒃᓴᓂᒃ; 23ᑎᒥᒥᒍᑦ ᐱᐅᓯᕐᓘᑎᖃᕋᒥ, ᐃᑦᔪᕐᓁᑦᑐᕕᐅᑉ ᑕᓗᕐᔪᐊᖓᓄᑦ ᖃᒡᓕᔭᕆᐊᖃᓐᖏᓚᖅ, ᑐᓂᕐᕈᓯᕐᕕᒡᓘᓐᓃᑦ ᐅᐸᒋᐊᖃᓐᖏᓛ, ᓈᓚᖏᒃᑯᓂ ᐃᑦᔪᕐᓁᑦᑐᕕᖁᑎᒐ ᐃᑦᔪᕐᓇᓯᑎᓐᓂᐊᕐᐹ. ᐅᕙᖓ ᐊᑕᓂᐅᒐᒪ, ᑖᒃᑯᓂᖓᓗ ᐃᑦᔪᕐᓁᑎᑦᓯᕗᖓ.’”
24ᑕᒪᒃᑯᓂᖓ ᒨᓯᓯᐅᑉ ᐂᕉᓂ ᐃᕐᓂᖏᓪᓗ ᐃᓴᕆᐊᓕᒥᐅᓕᒫᓪᓗ ᐅᖃᐅᑎᕔᑦ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.