ᒨᓯᓯ ᐱᖓᔪᖏᑦ 22
22
ᑐᓂᕐᕈᑎᒃᓮᑦ ᐃᑦᔪᕐᓁᓐᓂᖓᑦ
1ᐊᑕᓂᐅᑉ ᒨᓯᓯ ᐅᖃᐅᑎᕚ, 2“ᐂᕉᓂ ᐃᕐᓂᖏᓪᓗ ᐅᖃᐅᑎᒃᑭᑦ, ᑲᒪᑦᓯᐊᖁᓪᓗᒋᑦ ᑐᓂᕐᕈᑎᓂᒃ ᐃᑦᔪᕐᓁᑦᑐᓂᒃ ᐃᓴᕆᐊᓕᒥᐅᓂᑦ ᑐᓂᕐᕈᑕᐅᔪᓂᒃ ᐅᕙᓐᓄᑦ, ᐊᑎᕋ ᓇᕐᕈᓇᕐᓯᑎᑕᐅᖁᓇᒍ. ᐅᕙᖓ ᐊᑕᓂᐅᒐᒪ. 3ᓇᓪᓕᐊᑦ ᑭᖑᕚᓯ ᓴᓗᒪᖏᓪᓗᓂ, ᐃᓴᕆᐊᓕᒥᐅᑦ ᑐᓂᕐᕈᑎᖏᓐᓄᑦ ᐃᑦᔪᕐᓁᑦᑐᓄᑦ ᐅᕙᓐᓄᑦ ᑐᓂᔭᐅᓯᒪᔪᓄᑦ ᖃᒡᓕᑐᐊᕐᐸᑦ, ᑖᓐᓇ ᓇᔪᒐᓐᓂᑦ ᐲᕐᑕᐅᔪᒃᓴᐅᕗᖅ: ᐅᕙᖓ ᐊᑕᓂᐅᒐᒪ.
4“ᓇᓪᓕᐊᑦ ᐂᕉᓂᐅᑉ ᑭᖑᕚᖓ ᑲᑉᐱᐊᓇᕐᑐᒥᒃ ᐊᒥᕐᓗᒃᑐᖅ, ᒪᕿᕙᒡᓗᓂ ᑎᒥᒥᒍᑦ ᓇᐅᑯᑐᐃᓐᓇᖅ, ᓂᕆᔭᕆᐊᖃᓐᖏᓚᖅ ᑐᓂᕐᕈᑎᕕᓂᕐᓂᒃ ᐃᑦᔪᕐᓁᑦᑐᓂᒃ, ᓴᓗᒻᒪᓚᐅᖏᓐᓂᕐᒥᓂ. ᓇᓪᓕᐊᑐᐃᓐᓇᖅ ᑐᓂᕐᕈᓯᕐᑎᑦᓯᔨ ᓴᓗᒤᑦᑐᓐᖑᕐᐳᖅ ᐊᒃᑐᐃᒃᐸᑦ ᓴᓗᒤᑎᑕᐅᓯᒪᔪᒥᒃ ᑐᖁᖓᔪᒧᑦ ᐅᕝᕙᓘᓐᓃᑦ ᖃᐹᕿᒃᐸᑦ. 5ᐅᕝᕙᓘᓐᓃᑦ ᓂᕐᔪᑎᒥᒃ ᓴᓗᒤᑦᑐᒥᒃ ᐊᒃᑐᐃᒃᐸᑦ, ᓱᓇᑐᐃᓐᓇᕐᒥᒃ ᓴᓗᒤᑦᔪᑎᓕᖕᒥᒃ, ᐃᓄᖕᒥᒡᓘᓐᓃᑦ ᓴᓗᒤᑦᑐᒥᒃ ᐊᒃᑐᐃᒃᐸᑦ, ᓱᓇᑐᐃᓐᓇᕐᒥᒃ ᓴᓗᒤᑦᔪᑎᖃᕐᑐᒥᒃ. 6ᑐᓂᕐᕈᓯᕐᑎᑦᓯᔨᑦ ᓇᓪᓕᐊᑦ ᓴᓗᒤᓕᔪᖅ ᓴᓗᒤᑦᑑᓂᐊᕐᐳᖅ ᐅᓐᓄᒃ ᑎᑭᓪᓗᒍ. ᑖᓐᓇᓗ ᑐᓂᕐᕈᑎᓂᒃ ᐃᑦᔪᕐᓁᑦᑐᓂᒃ ᓂᕆᔪᒃᓴᐅᓐᖏᓚᖅ ᑭᓯᐊᓂ ᐃᒥᕐᒧᑦ ᑎᒥᒥᓂᒃ ᐅᐊᓴᓚᐅᖄᕐᓗᓂ. 7ᓯᕿᓂᕐᓕ ᓂᐱᒃᐸᑦ, ᑕᕝᕙ ᓴᓗᒻᒪᕐᓂᐊᕐᐳᖅ, ᓂᕆᔪᓐᓇᕐᓯᓂᐊᕐᐳᕐᓗ ᑐᓂᕐᕈᑎᕕᓂᕐᓂᒃ ᐃᑦᔪᕐᓁᑦᑐᓂᒃ, ᑖᑦᓱᒪ ᓂᕿᒃᓴᕆᖕᒪᒋᑦ. 8ᓂᕆᔭᕆᐊᖃᓐᖏᓚᕐᓕ ᓂᕐᔪᑎᒥᒃ ᐃᒻᒥᓂᒃ ᑐᖁᔪᕕᓂᕐᒥᒃ, ᓂᕐᔪᑎᐅᖃᑎᒥᓂᓪᓘᓐᓃᑦ ᑐᖁᑕᐅᔪᕕᓂᕐᒥᒃ; ᑍᒤᑦᑐᒥᒃ ᓂᕆᒃᐸᑦ ᑕᕝᕙ ᓴᓗᒤᓕᓂᐊᕐᐳᖅ. ᐅᕙᖓ ᐊᑕᓂᐅᒐᒪ.
9“ᑐᓂᕐᕈᓯᕐᑎᑦᓯᔨᓕᒫᑦ ᓈᓚᑦᓯᐊᕆᐊᖃᕐᐳᑦ ᐊᑐᕐᑕᐅᖁᔭᓐᓂᒃ, ᐸᓯᔭᒃᓴᐅᓕᖁᓇᒋᑦ ᑐᖁᖁᓇᒋᓪᓗ ᓇᕐᕈᓇᕐᓯᑎᑦᓯᓂᕐᒧᑦ ᒪᓕᒐᒃᓴᐅᑎᑕᓐᓂᒃ ᐃᑦᔪᕐᓁᑦᑐᓂᒃ. ᐅᕙᖓ ᐊᑕᓂᐅᒐᒪ, ᑖᒃᑯᐊ ᐃᑦᔪᕐᓁᑦᑐᓐᖑᕐᑎᓯᒪᒐᒃᑭᑦ.
10“ᑐᓂᕐᕈᓯᕐᑎᑦᓯᔨᐅᑉ ᐃᓚᒌᖕᓂᒃᑯᑦ ᓇᖕᒥᓂᕆᓐᖏᑕᖏᑦ ᓂᕆᔪᒃᓴᐅᓐᖏᓚᑦ ᑐᓂᕐᕈᑎᕕᓂᕐᓂᒃ ᐃᑦᔪᕐᓁᑦᑐᓂᒃ, ᑐᔪᕐᒥᐊᖏᓪᓘᓐᓃᑦ, ᐃᖅᑲᓁᔭᕐᑎᖏᓪᓘᓐᓃᑦ ᑐᓂᕐᕈᑎᕕᓂᕐᓂᒃ ᓂᕆᔭᕆᐊᖃᓐᖏᓚᑦ. 11ᑐᓂᕐᕈᓯᕐᑎᑦᓯᔨᓕ ᑮᓇᐅᔭᒥᓄᑦ ᓂᐅᕕᕐᐸᑦ ᓯᐊᓛᒃᓴᒥᓂᒃ, ᐅᕝᕙᓘᓐᓃᑦ ᓯᐊᓛᖓ ᑕᕝᕙᓂ ᐃᓅᔪᕕᓂᐅᒃᐸᑦ, ᑕᕝᕙ ᓯᐊᓛᖓ ᓂᕆᔪᓐᓇᕐᐳᖅ ᑐᓂᕐᕈᓯᕐᑎᑦᓯᔨᐅᑉ ᓂᕿᖏᓐᓂᒃ. 12ᑐᓂᕐᕈᓯᕐᑎᑦᓯᔨᐅᓪᓕ ᐸᓂᖓ ᐅᐃᓂᒃᐸᑦ ᑐᓂᕐᕈᓯᕐᑎᑦᓯᔨᐅᖏᑦᑐᒥᒃ, ᑕᕝᕙ ᓂᕆᔪᒃᓴᐅᔪᓐᓃᕐᐳᖅ ᑐᓂᕐᕈᑎᕕᓂᕐᓂᒃ ᐃᑦᔪᕐᓁᑦᑐᓂᒃ. 13ᑐᓂᕐᕈᓯᕐᑎᑦᓯᔨᐅᓪᓕ ᐸᓂᖓ ᐅᐃᒡᒐᕐᐸᑦ, ᐅᐃᒥᓂᓪᓘᓐᓃᑦ ᐊᕕᑉᐸᑦ, ᕿᑐᕐᖓᕐᑖᓚᐅᖏᓪᓗᓂ, ᐊᑖᑕᒥᓗ ᐃᒡᓗᖓᓄᑦ ᐅᑎᕐᓗᓂ ᐃᓅᓱᒃᑑᑦᔪᓯᕕᓂᕐᒥᑐᑦ ᑕᕝᕙ ᓂᕆᖃᑕᐅᔪᓐᓇᕐᓯᕗᖅ ᐊᑖᑕᒥ ᓂᕿᖏᓐᓂᒃ. ᓇᖕᒥᓂᕆᓐᖏᑕᖏᓪᓕ ᑐᓂᕐᕈᑎᕕᓂᕐᓂᒃ ᓂᕆᔪᒃᓴᐅᓐᖏᓚᑦ.
14“ᓇᓪᓕᐊᑦᓕ ᓂᕆᔪᖅ ᑐᓂᕐᕈᑎᕕᓂᕐᓂᒃ ᐃᑦᔪᕐᓁᑦᑐᓂᒃ ᐱᔮᕆᖏᓪᓗᓂ, ᐅᑎᕐᑎᑦᓯᔪᒃᓴᐅᕗᖅ ᑐᓂᕐᕈᓯᕐᑎᑦᓯᔨᒧᑦ ᐊᑭᓪᓗᐊᖓᓂᒃ ᐃᓚᓗᒍᓗ 20ᐳᓴᖓᓂᒃ. 15ᑐᓂᕐᕈᓯᕐᑎᓯᔩᑦ ᐃᑦᔪᕐᓇᕐᓯᑎᑦᓯᔭᕆᐊᖃᓐᖏᓚᑦ ᐃᓴᕆᐊᓕᒥᐅᑦ ᑐᓂᕐᕈᑎᖏᓐᓂᒃ ᐊᑕᓂᕐᒧᑦ ᐃᑦᔪᕐᓁᑦᑐᓂᒃ. 16ᐱᑎᑕᐅᔭᕆᐊᖃᖏᑦᑐᓂᒃ ᓂᕆᑎᑦᓯᖃᑦᑕᕐᐸᑕ ᑍᒤᑦᑐᓂᒡᓗ ᐸᓯᔭᒃᓴᐅᓕᕐᑎᓯᖁᓇᒋᑦ ᓱᒋᐊᕐᑕᐅᔭᕆᐊᖃᓕᕐᓗᑎᒃ. ᐅᕙᖓ ᐊᑕᓂᐅᒐᒪ ᐃᑦᔪᕐᓁᑎᑦᓯᔪᖅ.”
17ᐊᑕᓂᖅ ᐅᖃᕐᐳᖅ ᒨᓯᓯᒧᑦ, 18“ᐂᕉᓂ ᐃᕐᓂᖏᓪᓗ ᐃᓴᕆᐊᓕᒥᐅᓕᒫᓪᓗ ᐅᖃᐅᑎᒃᑭᑦ: ᓇᓕᕐᓯ ᑐᓂᕐᕈᓯᕐᐸᑦ ᐆᑕᒃᓴᒥᒃ ᐊᑕᓂᕐᒧᑦ, ᐃᓴᕆᐊᓕᐅᒍᕕᑦ ᐃᓴᕆᐊᓕᐅᖏᒃᑲᓗᐊᕈᕕᓪᓘᓐᓃᑦ ᐃᓴᕆᐊᓕᒥ ᓄᓇᖃᕐᓗᑎᑦ, ᐊᖏᕈᑎᒥᓂᒡᓘᓐᓃᑦ ᑐᓂᕐᕈᓯᕈᒪᑐᐃᓐᓇᕐᓂᕐᒧᓪᓘᓐᓃᑦ ᑐᓂᕐᕈᓯᕈᕕᑦ, 19ᑐᓂᕐᕈᑏᑦ ᐃᓚᓕᐅᕐᑕᐅᖁᓪᓗᒍ ᐱᑦᔪᑎᒋᓗᑎᑦ, ᐆᒪᔪᖅ ᓇᓪᓕᐊᑐᐃᓐᓇᐅᓗᓂ ᐊᖑᓴᓪᓘᔭᕆᐊᖃᕐᐳᖅ ᑕᒤᑎᒍᑦ ᖃᓄᐃᑦᔪᑎᖃᖏᑦᓯᐊᕐᓗᓂ. 20#ᒨᓯᓯ ᑕᓪᓕᒪᖏᑦ 17:1.ᖃᓄᐃᑦᔪᑎᖃᕐᑐᒥᒃ ᑕᕐᓴᓕᖕᒥᒡᓘᓐᓃᑦ ᑐᓂᕐᕈᓯᕆᐊᑐᕐᑐᒃᓴᐅᓐᖏᓚᑎᑦ, ᑍᒤᑦᑐᑦ ᐊᑕᓂᐅᑉ ᐃᓚᓕᐅᕐᓂᐊᖏᒻᒪᒋᑦ. 21ᓇᓪᓕᐊᑦ ᓂᕐᔪᑎᒥᒃ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᓯᕐᐸᑦ ᐊᑕᓂᕐᒧᑦ, ᐊᖏᕈᑎᒋᓯᒪᔭᒥᓂᒃ ᐱᑦᔪᑎᖃᕐᓗᓂ ᐅᕝᕙᓘᓐᓃᑦ ᑐᓂᕐᕈᓯᕈᒪᓂᑐᐃᓐᓇᕐᒧᑦ, ᑐᓂᕐᕈᑎᖓ ᖃᓄᐃᑦᔪᑎᖃᕆᐊᖃᓐᖏᓚᖅ ᑕᕐᓴᖃᖏᓪᓗᓂᓗ ᐃᓚᓕᐅᕐᑕᐅᑦᓯᐊᖁᓪᓗᒍ. 22ᓂᕐᔪᑎᒥᒃ ᑕᐅᑐᖏᑦᑐᒥᒃ ᑐᓂᕐᕈᓯᕆᐊᖃᓐᖏᓚᓯ ᐊᑕᓂᕐᒧᑦ, ᐋᓐᓂᕐᓯᒪᔪᒥᒡᓘᓐᓃᑦ, ᐃᓚᑯᓕᖕᒥᒡᓘᓐᓃᑦ ᐅᓐᖑᓕᖕᒥᒡᓘᓐᓃᑦ ᐊᒥᕐᓗᒃᑐᒥᒡᓘᓐᓃᑦ ᒪᕿᔪᒥᒡᓘᓐᓃᑦ.#22:22 ᒪᕿᔪᒥᒡᓘᓐᓃᑦ ᐅᕝᕙᓗ ᒪᕐᓯᔪᒥᒡᓘᓐᓃᑦ ᑍᒤᑦᑐᑦ ᓇᓪᓕᐊᑐᐃᓐᓇᖅ ᐃᑯᐊᓚᑎᑕᐅᓗᑎᒃ ᑐᓂᕐᕈᑕᐅᔭᕆᐊᖃᓐᖏᓚᑦ ᑐᓂᕐᕈᓯᕐᕕᖕᒥ ᐊᑕᓂᕐᒧᑦ. 23ᑭᓯᐊᓂᓕ ᑐᓂᕐᕈᓯᕈᒪᑐᐃᓐᓇᕐᓂᕐᒧᑦ ᑐᓂᕐᕈᓯᕈᓐᓇᕋᓗᐊᕐᐳᓯ ᓂᕐᔪᑎᒥᒃ ᐱᕈᕈᓐᓇᖏᓐᓂᑯᒥᒃ ᐃᓗᓯᕐᓗᒃᑐᒥᒡᓘᓐᓃᑦ, ᑭᓯᐊᓂ ᐃᓚᓕᐅᕐᑕᐅᒐᔭᓐᖏᓚᖅ ᐊᖏᕈᑎᒋᓇᓱᐊᕐᑕᓕᒫᑦᓯᓐᓄᑦ. 24ᐊᑕᓂᕐᒧᑦ ᑐᓂᕐᕈᓯᕆᐊᖃᓐᖏᓚᓯ ᓂᕐᔪᑎᒥᒃ ᐃᒡᔪᖃᕐᑐᒥᒃ ᖄᕐᓯᒪᔫᖕᓂᒃ ᐳᓪᓕᕐᑑᖕᓂᒡᓘᓐᓃᑦ ᑭᓕᕐᓯᒪᔫᖕᓂᒡᓘᓐᓃᑦ ᐲᕐᓯᒪᔫᖕᓂᒡᓘᓐᓃᑦ. ᓄᓇᒋᔭᑦᓯᓐᓂ ᑍᒤᑦᑐᓂᒃ ᑐᓂᕐᕈᓯᕆᐊᖃᓐᖏᓚᓯ.
25“ᑍᒤᑦᑐᓂᒃ ᓂᕐᔪᑎᓂᒃ ᐃᓚᓕᐅᕆᔭᕆᐊᖃᓐᖏᓚᓯ ᐃᓴᕆᐊᓕᒥᐅᖑᖏᑦᑐᓂᑦ ᓂᕿᒃᓴᐅᓗᑎᒃ ᒎᑎᒧᑦ ᑐᓂᕐᕈᑎᒋᔭᐅᓇᓱᐊᕐᑐᓂᒃ. ᑍᒤᑦᑐᑦ ᐃᓚᓕᐅᕐᑕᐅᓂᐊᓐᖏᓚᑦ ᐃᓕᑦᓯ ᐱᑦᔪᑎᒋᓗᓯ, ᑎᒥᖏᑦ ᐱᐅᓯᕐᓗᖕᒪᑕ ᐃᓗᓯᕐᓗᒡᓗᑎᒡᓗ.”
26ᐊᑕᓂᖅ ᐅᖃᕐᐳᖅ ᒨᓯᓯᒧᑦ, 27“ᐃᒻᒧᒃᓯᐅᒐᐅᑉ ᓄᕐᕋᖓ ᓰᐱᐅᓪᓘᓐᓃᑦ ᓄᕐᕋᖓ ᒎᑦᓯᐅᓪᓘᓐᓃᑦ ᓄᕐᕋᖓ ᐃᕐᓂᐊᖑᕋᑖᕐᑎᓪᓗᒍ, ᐊᓈᓇᒥᓃᑦᓴᕆᐊᖃᕐᐳᖅ ᐅᓪᓗᓂᒃ 7ᓂᒃ. ᐅᓪᓗᐃᓪᓕ 8ᖓᓂ ᐅᖓᑖᓂᓗ ᑕᕝᕙ ᐃᓚᓕᐅᕐᑕᐅᔪᓐᓇᕐᓯᕗᖅ ᐃᑯᐊᓚᑦᓯᓂᒃᑯᑦ ᑐᓂᕐᕈᑕᐅᒃᐸᑦ ᐊᑕᓂᕐᒧᑦ. 28ᓇᓪᓕᐊᓐᓂᑐᐃᓐᓇᖅ ᐊᑕᐅᑦᓯᒃᑰᕐᓗᒋᑦ ᑐᖁᑦᓯᔪᒃᓴᐅᓐᖏᓚᓯ ᑐᓂᕐᕈᑎᒃᓴᒥᒃ ᐃᒻᒧᒃᓯᐅᒐᕐᒥᒃ ᓄᕐᕋᖓᓂᒡᓗ, ᐅᕝᕙᓘᓐᓃᑦ ᓰᐱᒥᒃ ᓄᕐᕋᖓᓂᒡᓗ ᐅᓪᓗᒥ ᑕᕝᕙᓂᑦᓮᓐᓇᖅ. 29ᑐᓂᕐᕈᓯᕈᑦᓯ ᐆᑕᒃᓴᒥ ᖁᔭᓕᑦᔪᑎᒥᒃ ᐊᑕᓂᕐᒧᑦ, ᑐᓂᕐᕈᓯᕐᑐᒃᓴᐅᕗᓯ ᐱᖁᔭᐅᔪᓂᒃ ᒪᓕᑦᓯᐊᕐᓗᓯ ᐃᓚᓕᐅᕐᑕᐅᑦᓯᐊᖁᓪᓗᓯ; 30ᑐᓂᕐᕈᑎᓯ ᓂᕆᔭᐅᔭᕆᐊᖃᕐᐳᑦ ᐅᓪᓗᒥ ᑕᕝᕙᓂᑦᓮᓐᓇᖅ; ᐅᓪᓘᑉ ᐂᑉᐸᖓᓄᑦ ᐊᒥᐊᒃᑯᖃᕐᑎᑦᑍᓕᓗᒍ. ᐅᕙᖓ ᐊᑕᓂᐅᒐᒪ.”
31ᐊᑕᓂᖅ ᐅᖃᕐᐳᖅ, “ᐱᖁᔭᒃᑲ ᑲᒪᒋᑦᓯᐊᕐᓯᒋᒃ ᒪᓕᑦᓯᐊᕐᓗᒋᓪᓗ. ᐅᕙᖓ ᐊᑕᓂᐅᒐᒪ. 32ᐊᑎᕋ ᐃᑦᔪᕐᓁᑦᑐᖅ ᓇᕐᕈᓇᕐᓯᑎᓐᓂᐊᕋᓯᐅᒃ; ᐃᑦᔪᕐᓁᑦᑑᓂᕋ ᐅᖃᐅᓯᕆᔭᐅᑦᓯᐊᕐᑐᒃᓴᐅᕗᖅ ᐃᓴᕆᐊᓕᒥᐅᓕᒫᓄᑦ. ᐅᕙᖓ ᐊᑕᓂᐅᒐᒪ, ᐅᕙᖓ ᐃᑦᔪᕐᓁᑦᑑᑎᑉᐸᑦᓯ. 33ᐅᕙᖓᓗ ᐊᐅᓪᓚᕐᑎᓚᐅᕐᐸᑦᓯ ᐄᑦᔨᑉᑎᒥᑦ ᐃᓕᑦᓯᓐᓄᑦ ᒎᑎᒋᔭᐅᔪᒪᓪᓗᖓ. ᐅᕙᖓ ᐊᑕᓂᐅᒐᒪ.”
Currently Selected:
ᒨᓯᓯ ᐱᖓᔪᖏᑦ 22: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.
ᒨᓯᓯ ᐱᖓᔪᖏᑦ 22
22
ᑐᓂᕐᕈᑎᒃᓮᑦ ᐃᑦᔪᕐᓁᓐᓂᖓᑦ
1ᐊᑕᓂᐅᑉ ᒨᓯᓯ ᐅᖃᐅᑎᕚ, 2“ᐂᕉᓂ ᐃᕐᓂᖏᓪᓗ ᐅᖃᐅᑎᒃᑭᑦ, ᑲᒪᑦᓯᐊᖁᓪᓗᒋᑦ ᑐᓂᕐᕈᑎᓂᒃ ᐃᑦᔪᕐᓁᑦᑐᓂᒃ ᐃᓴᕆᐊᓕᒥᐅᓂᑦ ᑐᓂᕐᕈᑕᐅᔪᓂᒃ ᐅᕙᓐᓄᑦ, ᐊᑎᕋ ᓇᕐᕈᓇᕐᓯᑎᑕᐅᖁᓇᒍ. ᐅᕙᖓ ᐊᑕᓂᐅᒐᒪ. 3ᓇᓪᓕᐊᑦ ᑭᖑᕚᓯ ᓴᓗᒪᖏᓪᓗᓂ, ᐃᓴᕆᐊᓕᒥᐅᑦ ᑐᓂᕐᕈᑎᖏᓐᓄᑦ ᐃᑦᔪᕐᓁᑦᑐᓄᑦ ᐅᕙᓐᓄᑦ ᑐᓂᔭᐅᓯᒪᔪᓄᑦ ᖃᒡᓕᑐᐊᕐᐸᑦ, ᑖᓐᓇ ᓇᔪᒐᓐᓂᑦ ᐲᕐᑕᐅᔪᒃᓴᐅᕗᖅ: ᐅᕙᖓ ᐊᑕᓂᐅᒐᒪ.
4“ᓇᓪᓕᐊᑦ ᐂᕉᓂᐅᑉ ᑭᖑᕚᖓ ᑲᑉᐱᐊᓇᕐᑐᒥᒃ ᐊᒥᕐᓗᒃᑐᖅ, ᒪᕿᕙᒡᓗᓂ ᑎᒥᒥᒍᑦ ᓇᐅᑯᑐᐃᓐᓇᖅ, ᓂᕆᔭᕆᐊᖃᓐᖏᓚᖅ ᑐᓂᕐᕈᑎᕕᓂᕐᓂᒃ ᐃᑦᔪᕐᓁᑦᑐᓂᒃ, ᓴᓗᒻᒪᓚᐅᖏᓐᓂᕐᒥᓂ. ᓇᓪᓕᐊᑐᐃᓐᓇᖅ ᑐᓂᕐᕈᓯᕐᑎᑦᓯᔨ ᓴᓗᒤᑦᑐᓐᖑᕐᐳᖅ ᐊᒃᑐᐃᒃᐸᑦ ᓴᓗᒤᑎᑕᐅᓯᒪᔪᒥᒃ ᑐᖁᖓᔪᒧᑦ ᐅᕝᕙᓘᓐᓃᑦ ᖃᐹᕿᒃᐸᑦ. 5ᐅᕝᕙᓘᓐᓃᑦ ᓂᕐᔪᑎᒥᒃ ᓴᓗᒤᑦᑐᒥᒃ ᐊᒃᑐᐃᒃᐸᑦ, ᓱᓇᑐᐃᓐᓇᕐᒥᒃ ᓴᓗᒤᑦᔪᑎᓕᖕᒥᒃ, ᐃᓄᖕᒥᒡᓘᓐᓃᑦ ᓴᓗᒤᑦᑐᒥᒃ ᐊᒃᑐᐃᒃᐸᑦ, ᓱᓇᑐᐃᓐᓇᕐᒥᒃ ᓴᓗᒤᑦᔪᑎᖃᕐᑐᒥᒃ. 6ᑐᓂᕐᕈᓯᕐᑎᑦᓯᔨᑦ ᓇᓪᓕᐊᑦ ᓴᓗᒤᓕᔪᖅ ᓴᓗᒤᑦᑑᓂᐊᕐᐳᖅ ᐅᓐᓄᒃ ᑎᑭᓪᓗᒍ. ᑖᓐᓇᓗ ᑐᓂᕐᕈᑎᓂᒃ ᐃᑦᔪᕐᓁᑦᑐᓂᒃ ᓂᕆᔪᒃᓴᐅᓐᖏᓚᖅ ᑭᓯᐊᓂ ᐃᒥᕐᒧᑦ ᑎᒥᒥᓂᒃ ᐅᐊᓴᓚᐅᖄᕐᓗᓂ. 7ᓯᕿᓂᕐᓕ ᓂᐱᒃᐸᑦ, ᑕᕝᕙ ᓴᓗᒻᒪᕐᓂᐊᕐᐳᖅ, ᓂᕆᔪᓐᓇᕐᓯᓂᐊᕐᐳᕐᓗ ᑐᓂᕐᕈᑎᕕᓂᕐᓂᒃ ᐃᑦᔪᕐᓁᑦᑐᓂᒃ, ᑖᑦᓱᒪ ᓂᕿᒃᓴᕆᖕᒪᒋᑦ. 8ᓂᕆᔭᕆᐊᖃᓐᖏᓚᕐᓕ ᓂᕐᔪᑎᒥᒃ ᐃᒻᒥᓂᒃ ᑐᖁᔪᕕᓂᕐᒥᒃ, ᓂᕐᔪᑎᐅᖃᑎᒥᓂᓪᓘᓐᓃᑦ ᑐᖁᑕᐅᔪᕕᓂᕐᒥᒃ; ᑍᒤᑦᑐᒥᒃ ᓂᕆᒃᐸᑦ ᑕᕝᕙ ᓴᓗᒤᓕᓂᐊᕐᐳᖅ. ᐅᕙᖓ ᐊᑕᓂᐅᒐᒪ.
9“ᑐᓂᕐᕈᓯᕐᑎᑦᓯᔨᓕᒫᑦ ᓈᓚᑦᓯᐊᕆᐊᖃᕐᐳᑦ ᐊᑐᕐᑕᐅᖁᔭᓐᓂᒃ, ᐸᓯᔭᒃᓴᐅᓕᖁᓇᒋᑦ ᑐᖁᖁᓇᒋᓪᓗ ᓇᕐᕈᓇᕐᓯᑎᑦᓯᓂᕐᒧᑦ ᒪᓕᒐᒃᓴᐅᑎᑕᓐᓂᒃ ᐃᑦᔪᕐᓁᑦᑐᓂᒃ. ᐅᕙᖓ ᐊᑕᓂᐅᒐᒪ, ᑖᒃᑯᐊ ᐃᑦᔪᕐᓁᑦᑐᓐᖑᕐᑎᓯᒪᒐᒃᑭᑦ.
10“ᑐᓂᕐᕈᓯᕐᑎᑦᓯᔨᐅᑉ ᐃᓚᒌᖕᓂᒃᑯᑦ ᓇᖕᒥᓂᕆᓐᖏᑕᖏᑦ ᓂᕆᔪᒃᓴᐅᓐᖏᓚᑦ ᑐᓂᕐᕈᑎᕕᓂᕐᓂᒃ ᐃᑦᔪᕐᓁᑦᑐᓂᒃ, ᑐᔪᕐᒥᐊᖏᓪᓘᓐᓃᑦ, ᐃᖅᑲᓁᔭᕐᑎᖏᓪᓘᓐᓃᑦ ᑐᓂᕐᕈᑎᕕᓂᕐᓂᒃ ᓂᕆᔭᕆᐊᖃᓐᖏᓚᑦ. 11ᑐᓂᕐᕈᓯᕐᑎᑦᓯᔨᓕ ᑮᓇᐅᔭᒥᓄᑦ ᓂᐅᕕᕐᐸᑦ ᓯᐊᓛᒃᓴᒥᓂᒃ, ᐅᕝᕙᓘᓐᓃᑦ ᓯᐊᓛᖓ ᑕᕝᕙᓂ ᐃᓅᔪᕕᓂᐅᒃᐸᑦ, ᑕᕝᕙ ᓯᐊᓛᖓ ᓂᕆᔪᓐᓇᕐᐳᖅ ᑐᓂᕐᕈᓯᕐᑎᑦᓯᔨᐅᑉ ᓂᕿᖏᓐᓂᒃ. 12ᑐᓂᕐᕈᓯᕐᑎᑦᓯᔨᐅᓪᓕ ᐸᓂᖓ ᐅᐃᓂᒃᐸᑦ ᑐᓂᕐᕈᓯᕐᑎᑦᓯᔨᐅᖏᑦᑐᒥᒃ, ᑕᕝᕙ ᓂᕆᔪᒃᓴᐅᔪᓐᓃᕐᐳᖅ ᑐᓂᕐᕈᑎᕕᓂᕐᓂᒃ ᐃᑦᔪᕐᓁᑦᑐᓂᒃ. 13ᑐᓂᕐᕈᓯᕐᑎᑦᓯᔨᐅᓪᓕ ᐸᓂᖓ ᐅᐃᒡᒐᕐᐸᑦ, ᐅᐃᒥᓂᓪᓘᓐᓃᑦ ᐊᕕᑉᐸᑦ, ᕿᑐᕐᖓᕐᑖᓚᐅᖏᓪᓗᓂ, ᐊᑖᑕᒥᓗ ᐃᒡᓗᖓᓄᑦ ᐅᑎᕐᓗᓂ ᐃᓅᓱᒃᑑᑦᔪᓯᕕᓂᕐᒥᑐᑦ ᑕᕝᕙ ᓂᕆᖃᑕᐅᔪᓐᓇᕐᓯᕗᖅ ᐊᑖᑕᒥ ᓂᕿᖏᓐᓂᒃ. ᓇᖕᒥᓂᕆᓐᖏᑕᖏᓪᓕ ᑐᓂᕐᕈᑎᕕᓂᕐᓂᒃ ᓂᕆᔪᒃᓴᐅᓐᖏᓚᑦ.
14“ᓇᓪᓕᐊᑦᓕ ᓂᕆᔪᖅ ᑐᓂᕐᕈᑎᕕᓂᕐᓂᒃ ᐃᑦᔪᕐᓁᑦᑐᓂᒃ ᐱᔮᕆᖏᓪᓗᓂ, ᐅᑎᕐᑎᑦᓯᔪᒃᓴᐅᕗᖅ ᑐᓂᕐᕈᓯᕐᑎᑦᓯᔨᒧᑦ ᐊᑭᓪᓗᐊᖓᓂᒃ ᐃᓚᓗᒍᓗ 20ᐳᓴᖓᓂᒃ. 15ᑐᓂᕐᕈᓯᕐᑎᓯᔩᑦ ᐃᑦᔪᕐᓇᕐᓯᑎᑦᓯᔭᕆᐊᖃᓐᖏᓚᑦ ᐃᓴᕆᐊᓕᒥᐅᑦ ᑐᓂᕐᕈᑎᖏᓐᓂᒃ ᐊᑕᓂᕐᒧᑦ ᐃᑦᔪᕐᓁᑦᑐᓂᒃ. 16ᐱᑎᑕᐅᔭᕆᐊᖃᖏᑦᑐᓂᒃ ᓂᕆᑎᑦᓯᖃᑦᑕᕐᐸᑕ ᑍᒤᑦᑐᓂᒡᓗ ᐸᓯᔭᒃᓴᐅᓕᕐᑎᓯᖁᓇᒋᑦ ᓱᒋᐊᕐᑕᐅᔭᕆᐊᖃᓕᕐᓗᑎᒃ. ᐅᕙᖓ ᐊᑕᓂᐅᒐᒪ ᐃᑦᔪᕐᓁᑎᑦᓯᔪᖅ.”
17ᐊᑕᓂᖅ ᐅᖃᕐᐳᖅ ᒨᓯᓯᒧᑦ, 18“ᐂᕉᓂ ᐃᕐᓂᖏᓪᓗ ᐃᓴᕆᐊᓕᒥᐅᓕᒫᓪᓗ ᐅᖃᐅᑎᒃᑭᑦ: ᓇᓕᕐᓯ ᑐᓂᕐᕈᓯᕐᐸᑦ ᐆᑕᒃᓴᒥᒃ ᐊᑕᓂᕐᒧᑦ, ᐃᓴᕆᐊᓕᐅᒍᕕᑦ ᐃᓴᕆᐊᓕᐅᖏᒃᑲᓗᐊᕈᕕᓪᓘᓐᓃᑦ ᐃᓴᕆᐊᓕᒥ ᓄᓇᖃᕐᓗᑎᑦ, ᐊᖏᕈᑎᒥᓂᒡᓘᓐᓃᑦ ᑐᓂᕐᕈᓯᕈᒪᑐᐃᓐᓇᕐᓂᕐᒧᓪᓘᓐᓃᑦ ᑐᓂᕐᕈᓯᕈᕕᑦ, 19ᑐᓂᕐᕈᑏᑦ ᐃᓚᓕᐅᕐᑕᐅᖁᓪᓗᒍ ᐱᑦᔪᑎᒋᓗᑎᑦ, ᐆᒪᔪᖅ ᓇᓪᓕᐊᑐᐃᓐᓇᐅᓗᓂ ᐊᖑᓴᓪᓘᔭᕆᐊᖃᕐᐳᖅ ᑕᒤᑎᒍᑦ ᖃᓄᐃᑦᔪᑎᖃᖏᑦᓯᐊᕐᓗᓂ. 20#ᒨᓯᓯ ᑕᓪᓕᒪᖏᑦ 17:1.ᖃᓄᐃᑦᔪᑎᖃᕐᑐᒥᒃ ᑕᕐᓴᓕᖕᒥᒡᓘᓐᓃᑦ ᑐᓂᕐᕈᓯᕆᐊᑐᕐᑐᒃᓴᐅᓐᖏᓚᑎᑦ, ᑍᒤᑦᑐᑦ ᐊᑕᓂᐅᑉ ᐃᓚᓕᐅᕐᓂᐊᖏᒻᒪᒋᑦ. 21ᓇᓪᓕᐊᑦ ᓂᕐᔪᑎᒥᒃ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᓯᕐᐸᑦ ᐊᑕᓂᕐᒧᑦ, ᐊᖏᕈᑎᒋᓯᒪᔭᒥᓂᒃ ᐱᑦᔪᑎᖃᕐᓗᓂ ᐅᕝᕙᓘᓐᓃᑦ ᑐᓂᕐᕈᓯᕈᒪᓂᑐᐃᓐᓇᕐᒧᑦ, ᑐᓂᕐᕈᑎᖓ ᖃᓄᐃᑦᔪᑎᖃᕆᐊᖃᓐᖏᓚᖅ ᑕᕐᓴᖃᖏᓪᓗᓂᓗ ᐃᓚᓕᐅᕐᑕᐅᑦᓯᐊᖁᓪᓗᒍ. 22ᓂᕐᔪᑎᒥᒃ ᑕᐅᑐᖏᑦᑐᒥᒃ ᑐᓂᕐᕈᓯᕆᐊᖃᓐᖏᓚᓯ ᐊᑕᓂᕐᒧᑦ, ᐋᓐᓂᕐᓯᒪᔪᒥᒡᓘᓐᓃᑦ, ᐃᓚᑯᓕᖕᒥᒡᓘᓐᓃᑦ ᐅᓐᖑᓕᖕᒥᒡᓘᓐᓃᑦ ᐊᒥᕐᓗᒃᑐᒥᒡᓘᓐᓃᑦ ᒪᕿᔪᒥᒡᓘᓐᓃᑦ.#22:22 ᒪᕿᔪᒥᒡᓘᓐᓃᑦ ᐅᕝᕙᓗ ᒪᕐᓯᔪᒥᒡᓘᓐᓃᑦ ᑍᒤᑦᑐᑦ ᓇᓪᓕᐊᑐᐃᓐᓇᖅ ᐃᑯᐊᓚᑎᑕᐅᓗᑎᒃ ᑐᓂᕐᕈᑕᐅᔭᕆᐊᖃᓐᖏᓚᑦ ᑐᓂᕐᕈᓯᕐᕕᖕᒥ ᐊᑕᓂᕐᒧᑦ. 23ᑭᓯᐊᓂᓕ ᑐᓂᕐᕈᓯᕈᒪᑐᐃᓐᓇᕐᓂᕐᒧᑦ ᑐᓂᕐᕈᓯᕈᓐᓇᕋᓗᐊᕐᐳᓯ ᓂᕐᔪᑎᒥᒃ ᐱᕈᕈᓐᓇᖏᓐᓂᑯᒥᒃ ᐃᓗᓯᕐᓗᒃᑐᒥᒡᓘᓐᓃᑦ, ᑭᓯᐊᓂ ᐃᓚᓕᐅᕐᑕᐅᒐᔭᓐᖏᓚᖅ ᐊᖏᕈᑎᒋᓇᓱᐊᕐᑕᓕᒫᑦᓯᓐᓄᑦ. 24ᐊᑕᓂᕐᒧᑦ ᑐᓂᕐᕈᓯᕆᐊᖃᓐᖏᓚᓯ ᓂᕐᔪᑎᒥᒃ ᐃᒡᔪᖃᕐᑐᒥᒃ ᖄᕐᓯᒪᔫᖕᓂᒃ ᐳᓪᓕᕐᑑᖕᓂᒡᓘᓐᓃᑦ ᑭᓕᕐᓯᒪᔫᖕᓂᒡᓘᓐᓃᑦ ᐲᕐᓯᒪᔫᖕᓂᒡᓘᓐᓃᑦ. ᓄᓇᒋᔭᑦᓯᓐᓂ ᑍᒤᑦᑐᓂᒃ ᑐᓂᕐᕈᓯᕆᐊᖃᓐᖏᓚᓯ.
25“ᑍᒤᑦᑐᓂᒃ ᓂᕐᔪᑎᓂᒃ ᐃᓚᓕᐅᕆᔭᕆᐊᖃᓐᖏᓚᓯ ᐃᓴᕆᐊᓕᒥᐅᖑᖏᑦᑐᓂᑦ ᓂᕿᒃᓴᐅᓗᑎᒃ ᒎᑎᒧᑦ ᑐᓂᕐᕈᑎᒋᔭᐅᓇᓱᐊᕐᑐᓂᒃ. ᑍᒤᑦᑐᑦ ᐃᓚᓕᐅᕐᑕᐅᓂᐊᓐᖏᓚᑦ ᐃᓕᑦᓯ ᐱᑦᔪᑎᒋᓗᓯ, ᑎᒥᖏᑦ ᐱᐅᓯᕐᓗᖕᒪᑕ ᐃᓗᓯᕐᓗᒡᓗᑎᒡᓗ.”
26ᐊᑕᓂᖅ ᐅᖃᕐᐳᖅ ᒨᓯᓯᒧᑦ, 27“ᐃᒻᒧᒃᓯᐅᒐᐅᑉ ᓄᕐᕋᖓ ᓰᐱᐅᓪᓘᓐᓃᑦ ᓄᕐᕋᖓ ᒎᑦᓯᐅᓪᓘᓐᓃᑦ ᓄᕐᕋᖓ ᐃᕐᓂᐊᖑᕋᑖᕐᑎᓪᓗᒍ, ᐊᓈᓇᒥᓃᑦᓴᕆᐊᖃᕐᐳᖅ ᐅᓪᓗᓂᒃ 7ᓂᒃ. ᐅᓪᓗᐃᓪᓕ 8ᖓᓂ ᐅᖓᑖᓂᓗ ᑕᕝᕙ ᐃᓚᓕᐅᕐᑕᐅᔪᓐᓇᕐᓯᕗᖅ ᐃᑯᐊᓚᑦᓯᓂᒃᑯᑦ ᑐᓂᕐᕈᑕᐅᒃᐸᑦ ᐊᑕᓂᕐᒧᑦ. 28ᓇᓪᓕᐊᓐᓂᑐᐃᓐᓇᖅ ᐊᑕᐅᑦᓯᒃᑰᕐᓗᒋᑦ ᑐᖁᑦᓯᔪᒃᓴᐅᓐᖏᓚᓯ ᑐᓂᕐᕈᑎᒃᓴᒥᒃ ᐃᒻᒧᒃᓯᐅᒐᕐᒥᒃ ᓄᕐᕋᖓᓂᒡᓗ, ᐅᕝᕙᓘᓐᓃᑦ ᓰᐱᒥᒃ ᓄᕐᕋᖓᓂᒡᓗ ᐅᓪᓗᒥ ᑕᕝᕙᓂᑦᓮᓐᓇᖅ. 29ᑐᓂᕐᕈᓯᕈᑦᓯ ᐆᑕᒃᓴᒥ ᖁᔭᓕᑦᔪᑎᒥᒃ ᐊᑕᓂᕐᒧᑦ, ᑐᓂᕐᕈᓯᕐᑐᒃᓴᐅᕗᓯ ᐱᖁᔭᐅᔪᓂᒃ ᒪᓕᑦᓯᐊᕐᓗᓯ ᐃᓚᓕᐅᕐᑕᐅᑦᓯᐊᖁᓪᓗᓯ; 30ᑐᓂᕐᕈᑎᓯ ᓂᕆᔭᐅᔭᕆᐊᖃᕐᐳᑦ ᐅᓪᓗᒥ ᑕᕝᕙᓂᑦᓮᓐᓇᖅ; ᐅᓪᓘᑉ ᐂᑉᐸᖓᓄᑦ ᐊᒥᐊᒃᑯᖃᕐᑎᑦᑍᓕᓗᒍ. ᐅᕙᖓ ᐊᑕᓂᐅᒐᒪ.”
31ᐊᑕᓂᖅ ᐅᖃᕐᐳᖅ, “ᐱᖁᔭᒃᑲ ᑲᒪᒋᑦᓯᐊᕐᓯᒋᒃ ᒪᓕᑦᓯᐊᕐᓗᒋᓪᓗ. ᐅᕙᖓ ᐊᑕᓂᐅᒐᒪ. 32ᐊᑎᕋ ᐃᑦᔪᕐᓁᑦᑐᖅ ᓇᕐᕈᓇᕐᓯᑎᓐᓂᐊᕋᓯᐅᒃ; ᐃᑦᔪᕐᓁᑦᑑᓂᕋ ᐅᖃᐅᓯᕆᔭᐅᑦᓯᐊᕐᑐᒃᓴᐅᕗᖅ ᐃᓴᕆᐊᓕᒥᐅᓕᒫᓄᑦ. ᐅᕙᖓ ᐊᑕᓂᐅᒐᒪ, ᐅᕙᖓ ᐃᑦᔪᕐᓁᑦᑑᑎᑉᐸᑦᓯ. 33ᐅᕙᖓᓗ ᐊᐅᓪᓚᕐᑎᓚᐅᕐᐸᑦᓯ ᐄᑦᔨᑉᑎᒥᑦ ᐃᓕᑦᓯᓐᓄᑦ ᒎᑎᒋᔭᐅᔪᒪᓪᓗᖓ. ᐅᕙᖓ ᐊᑕᓂᐅᒐᒪ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.