ᒨᓯᓯ ᓯᑕᒪᖏᑦ 7
7
ᓯᕗᓕᕐᑎᑦ ᑐᓂᕐᕈᓯᕐᓂᖏᑦ
1ᐱᔪᖃᓚᐅᕐᐳᖅ, ᒨᓯᓯᐅᑉ ᑐᐱᕐᔪᐊᖅ ᐋᖅᑭᒃᓱᕇᕋᒥᐅᒃ, ᑐᒃᓯᐊᕐᓂᒃᑯᑦ ᐅᕐᓱᒧᑦ ᒥᖑᐊᕐᐹ, ᑐᒃᓯᐊᕐᓂᒃᑯᑦ ᐊᑑᑎᒃᓴᖓᓄᑦ ᐃᑦᔪᕐᓁᓕᑎᑉᐹ ᐃᓗᓕᓕᒫᖏᓪᓗ, ᑐᓂᕐᕈᓯᕐᕕᒡᓗ, ᓱᓇᓕᒫᖏᓪᓗ ᐊᑐᕐᑕᐅᔪᒃᓮᑦ; ᐅᕐᓱᒧᑦ ᒥᖑᐊᕐᐰᑦ ᑐᒃᓯᐊᕐᓂᒃᑯᓪᓗ ᐃᑦᔪᕐᓁᓕᑎᓪᓗᒋᑦ. 2ᐃᓴᕆᐊᓕᒥᐅᓪᓕ ᓯᕗᓕᕐᑎᖏᑦ, ᐃᓚᒌᑦ ᓯᕗᓕᕕᓂᖏᓐᓄᑦ ᐊᐅᓚᑦᓯᔨᐅᔪᑦ, ᑭᖑᕚᖑᖃᑎᒌᓄᑦ ᓯᕗᓕᕐᑎᐅᔪᑦ ᓈᓴᕐᑕᐅᓚᐅᕐᑐᓄᑦ ᑐᓂᕐᕈᓯᕐᐳᑦ. 3ᑐᓂᕐᕈᑎᑎᒃ ᐊᑕᓂᐅᑉ ᓵᖓᓄᑦ ᐱᑎᑉᐰᑦ, ᐊᒃᓴᓗᐊᓖᑦ ᐅᓕᒃᓯᒪᔪᑦ ᐱᖓᓲᔪᕐᑐᑦ ᐃᒻᒧᒃᓯᐅᒊᓪᓗ 12ᐃᑦ, ᐊᒃᓴᓗᐊᓕᒡᓕ ᐊᑕᐅᓯᖅ ᓯᕗᓕᕐᑎᓄᑦ ᒪᕐᕉᖕᓄᑦ ᑲᑐᑦᔭᐅᓪᓗᓂ ᑐᓂᕐᕈᑎᒃᓴᐅᕗᖅ. ᑖᒃᑯᐊ ᑐᐱᕐᔪᐊᑉ ᓵᖓᓄᑦ ᐱᑎᑉᐰᑦ.
4ᐊᑕᓂᐅᑉ ᒨᓯᓯ ᐅᖃᐅᑎᕚ, ᐅᖃᕐᓗᓂ, 5“ᑖᒃᑯᐊ ᑐᓂᕐᕈᑎᑦ ᐃᓚᓕᐅᒃᑭᑦ ᑖᒃᑯᓇᓐᖓᑦ ᐊᑐᕐᑕᐅᔪᒃᓴᐅᖁᓪᓗᒋᑦ ᑐᐱᕐᔪᐊᒥ ᐱᓇᓱᐊᕐᓂᖅ ᐱᓪᓗᒍ; ᑐᓂᔭᕆᐊᖃᕐᐸᑎᓪᓗ ᓕᕔᑎᓄᑦ, ᐊᖑᑎᑦ ᐊᑐᓂᑦ ᐱᓇᓱᐊᒐᒃᓴᖏᑦ ᒪᓕᒡᓗᒋᑦ.” 6ᑕᕝᕙ ᒨᓯᓯᐅᑉ ᐊᒃᓴᓗᐊᓖᑦ ᐃᒻᒧᒃᓯᐅᒊᓪᓗ ᐱᕔᑦ ᑐᓂᓪᓗᒋᓪᓗ ᓕᕔᑎᓄᑦ. 7ᐊᒃᓴᓗᐊᓖᒃ ᒪᕐᕉᒃ, ᐃᒻᒧᒃᓯᐅᒊᓪᓗ ᓯᑕᒪᑦ ᑐᓂᕔᑦ ᒌᕐᓲᓂᐅᑉ ᑭᖑᕚᖏᑕ ᐃᕐᓂᖏᓐᓄᑦ, ᐱᓇᓱᐊᒐᒃᓴᖏᑦ ᒪᓕᒡᓗᒋᑦ; 8ᐊᒃᓴᓗᐊᓖᓪᓗ ᓯᑕᒪᑦ, ᓯᑕᒪᐅᔪᕐᑐᓪᓗ ᐃᒻᒧᒃᓯᐅᒊᑦ ᑐᓂᕔᑦ ᒥᕋᕆᐅᑉ ᐃᕐᓂᖏᑕ ᑭᖑᕚᖏᓐᓄᑦ, ᐱᓇᓱᐊᒐᒃᓴᖏᑦ ᒪᓕᒡᓗᒋᑦ, ᑖᒃᑯᐊ ᐊᖓᔪᖅᑳᖃᕐᓗᑎᒃ ᐃᑕᒫᕐᒥᒃ ᐂᕉᓂᐅᑉ ᑐᓂᕐᕈᓯᕐᑎᑦᓯᔨᐅᑉ ᐃᕐᓂᖓᓂᒃ. 9ᑯᕼᐋᑎᐅᓪᓕ ᑭᖑᕚᖏᑕ ᐃᕐᓂᖏᑦ ᑐᓂᓯᕕᒋᓐᖏᓔᑦ, ᑖᒃᑯᐊ ᐃᑦᔪᕐᓁᓐᓂᕐᐹᓂᒃ ᐱᔭᒃᓴᖃᕐᒪᑕ, ᐊᑭᕋᕆᐊᖃᖃᑦᑕᕐᑕᒥᖕᓂᒃ.
10ᓯᕗᓕᕐᑎᑦ ᑐᓂᕐᕈᓯᓚᐅᕐᐳᑦ ᑐᓂᕐᕈᓯᕐᕕᐅᑉ ᐃᑦᔪᕐᓁᑎᑕᐅᓂᖓᑕ ᑐᓂᕐᕈᑕᐅᓂᖓᓄᑦ ᐅᕐᓱᒧᑦ ᑐᒃᓯᐅᑦᔭᐅᓂᖓᓄᑦ; ᓯᕗᓕᕐᑎᑦ ᑐᓂᕐᕈᓯᕐᕕᖕᒦᓪᓗᑎᒃ ᑐᓂᕐᕈᓯᓚᐅᕐᐳᑦ. 11ᐊᑕᓂᖅ ᐅᖃᓚᐅᕐᒪᑦ ᒨᓯᓯᒧᑦ, “ᓯᕗᓕᕐᑎᑦ ᑐᓂᕐᕈᓯᕆᐊᖃᕐᐳᑦ, ᓯᕗᓕᕐᑎᑦ ᐊᑐᓂᑦ ᑭᖑᓕᕇᒃᓗᑎᒃ ᐅᓪᓗᒧᑦ ᐊᑕᐅᓯᕐᒧᑦ ᑐᓂᕐᕈᓯᖃᑦᑕᕐᓗᑎᒃ, ᑐᓂᕐᕈᓯᕐᕕᐅᑉ ᐃᑦᔪᕐᓁᑎᑕᐅᓂᖓᓄᑦ.”
12ᑐᓂᕐᕈᓯᕆᐊᕐᑐᕐᑐᖅ ᐅᓪᓗᒥ ᓯᕗᓪᓕᕐᐹᒥ ᐊᑎᖃᓚᐅᕐᐳᖅ ᓈᓲᓂᒥᒃ ᐊᒥᓇᑕᐱᐅᑉ ᐃᕐᓂᖓ, ᔫᑕᐅᑉ ᑭᖑᕚᖏᓐᓂᑦ ᐱᓯᒪᔪᖅ. 13ᑐᓂᕐᕈᓯᓚᐅᕐᐳᖅ ᐸᓕᐊᕐᒥᒃ ᓯᐅᓪᕕᕆᒥᒃ, ᐅᖁᒤᓐᓂᖃᕐᑐᒥᒃ 3 1/4 ᐸᐅᓐᒥᒃ, ᐅᐊᓴᕐᕕᖕᒥᒡᓗ ᓯᐅᓪᕕᕆᒥᒃ ᐅᖁᒤᓐᓂᖃᕐᑐᒥᒃ 1 1/4 ᐸᐅᓐᒥᒃ, ᐅᖁᒤᓐᓂᕐᓂᐊᕈᑎᑦ ᐃᑦᔪᕐᓁᑦᑐᕕᖕᒥ ᒪᓕᒡᓗᒋᑦ, ᑖᒃᑯᐊᓕᒫᑦ ᑕᑕᑉᐰᑦ ᓂᐊᖂᔭᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᒃ, ᐅᕐᓱᒥᒃ ᐃᓚᓯᒪᓪᓗᒍ ᓂᐊᖂᔭᒃᓴᐅᑉ ᑐᓂᕐᕈᑕᐅᓂᖓᓄᑦ; 14ᐊᑕᐅᓯᕐᒥᒃᓗ ᐴᒍᑕᕐᒥᒃ ᒎᓗᒥᒃ 0.8 ᐊᐅᓐᓯᔅᒥᒃ ᐅᖁᒤᓐᓂᖃᕐᑐᒥᒃ, ᑕᑕᓪᓗᓂᓗ ᐃᓐᓴᓐᓯᒥᒃ ᑎᐱᑦᓯᐊᕆᒃᑐᒥᒃ; 15ᐃᓐᓇᐅᖏᑦᑐᒥᒡᓗ ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᓰᐱᐅᓪᓗ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᐊᑕᐅᓯᕐᒥᒡᓗ ᓰᐱᐅᑉ ᓄᕐᕋᖓᓂᒃ ᐊᖑᒻᒥᒃ ᐊᕐᕌᒍᖃᕐᑐᒥᒃ ᐊᑕᐅᓯᕐᒥᒃ, ᑖᒃᑯᐊ ᐆᑕᒃᓴᐅᓪᓗᑎᒃ ᑐᓂᕐᕈᑕᐅᕗᑦ. 16ᒎᑦᓯᐅᓪᓗ ᓄᕐᕋᖓᓂᒃ ᐊᑕᐅᓯᕐᒥᒃ ᑐᓂᕐᕈᑎᖃᕆᕗᖅ ᐊᔪᕐᓂᖅ ᐱᓪᓗᒍ. 17ᑐᓂᕐᕈᓯᕆᐊᖃᕆᕗᕐᓗ ᓮᒪᓂᖅ ᐱᓪᓗᒍ ᐃᒤᑦᑐᓂᒃ: ᐃᒻᒧᒃᓯᐅᒑᖕᓂᒃ ᒪᕐᕉᖕᓂᒃ, ᓰᐱᐅᑉ ᐊᖑᓴᓪᓗᖏᓐᓂᒃ ᑕᓪᓕᒪᓂᒃ, ᒎᑦᓯᓂᒡᓗ ᐊᖑᓴᓪᓗᕐᓂᒃ ᑕᓪᓕᒪᓂᒃ, ᓰᐱᐅᓪᓗ ᓄᕐᕋᖏᓐᓂᒃ ᐊᖑᑎᓂᒃ ᐊᕐᕌᒍᖃᕐᑐᓂᒃ ᐊᑕᐅᓯᕐᒥᒃ. ᑖᒃᑯᐊ ᑕᕝᕙ ᓈᓲᓂᐅᑉ ᐊᒥᓇᑕᐱᐅᑉ ᐃᕐᓂᖓᑕ ᑐᓂᕐᕈᑎᒋᓚᐅᕐᑕᖏᑦ.
18ᐅᓪᓘᑉ ᐂᑉᐸᖓᓂ ᓂᑖᓂᐅᓪ ᔪᐊᕆᐅᑉ ᐃᕐᓂᖓ, ᐃᓴᑳᕆᐅᑉ ᑭᖑᕚᖏᓐᓄᑦ ᓯᕗᓕᕐᑎᐅᔪᖅ, ᑐᓂᕐᕈᓯᕆᐊᕐᑐᓚᐅᕐᐳᖅ. 19ᑐᓂᕐᕈᓯᓚᐅᕐᐳᖅ ᐸᓕᐊᕐᒥᒃ ᓯᐅᓪᕕᕆᒥᒃ, ᐅᖁᒤᓐᓂᖃᕐᑐᒥᒃ 3 1/4 ᐸᐅᓐᒥᒃ, ᐅᐊᓴᕐᕕᖕᒥᒡᓗ ᓯᐅᓪᕕᕆᒥᒃ ᐅᖁᒤᓐᓂᖃᕐᑐᒥᒃ 1 1/4 ᐸᐅᓐᒥᒃ, ᐅᖁᒤᓐᓂᕐᓂᐊᕈᑎᑦ ᐃᑦᔪᕐᓁᑦᑐᕕᖕᒥ ᒪᓕᒡᓗᒋᑦ, ᑖᒃᑯᐊ ᑕᒪᕐᒥᒃ ᑕᑕᑉᐰᑦ ᓂᐊᖂᔭᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᒃ, ᐅᕐᓱᒥᒃ ᐃᓚᓯᒪᓪᓗᒍ ᓂᐊᖂᔭᒃᓴᐅᑉ ᑐᓂᕐᕈᑕᐅᓂᖓᓄᑦ; 20ᐊᑕᐅᓯᕐᒥᒃᓗ ᐴᒍᑕᕐᒥᒃ ᒎᓗᒥᒃ 0.8 ᐊᐅᓐᓯᔅᒥᒃ ᐅᖁᒤᓐᓂᖃᕐᑐᒥ, ᑕᑕᓪᓗᓂᓗ ᐃᓐᓴᓐᓯᒥᒃ ᑎᐱᑦᓯᐊᕆᒃᑐᒥᒃ; 21ᐃᓐᓇᐅᖏᑦᑐᒥᒃᓗ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐊᑕᐅᓯᕐᒥᒃ, ᓰᐱᐅᓪᓗ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᐊᑕᐅᓯᕐᒥᒡᓗ ᓰᐱᐅᒃ ᓄᕐᕋᖓᓂᒃ ᐊᖑᒻᒥᒃ ᐊᕐᕌᒍᖃᕐᑐᒥᒃ ᐊᑕᐅᓯᕐᒥᒃ, ᑖᒃᑯᐊ ᐆᑕᒃᓴᐅᓪᓗᑎᒃ ᑐᓂᕐᕈᑕᐅᕗᑦ. 22ᒎᑦᓯᐅᓪᓗ ᓄᕐᕋᖓᓂᒃ ᐊᑕᐅᓯᕐᒥᒃ ᑐᓂᕐᕈᑎᖃᕆᕗᖅ ᐊᔪᕐᓂᖅ ᐱᓪᓗᒍ. 23ᑐᓂᕐᕈᓯᕆᐊᖃᕆᕗᕐᓗ ᓮᒪᓂᖅ ᐱᓪᓗᒍ ᐃᒤᑦᑐᓂᒃ: ᐃᒻᒧᒃᓯᐅᒑᖕᓂᒃ ᒪᕐᕉᖕᓂᒃ, ᓰᐱᐅᑉ ᐊᖑᓴᓪᓗᖏᓐᓂᒃ ᑕᓪᓕᒪᓂᒃ, ᒎᑦᓯᓂᒡᓗ ᐊᖑᓴᓪᓗᕐᓂᒃ ᑕᓪᓕᒪᓂᒃ, ᓰᐱᐅᓪᓗ ᓄᕐᕋᖏᓐᓂᒃ ᐊᖑᑎᓂᒃ ᑕᓪᓕᒪᓂᒃ ᐊᕐᕌᒍᖃᕐᑐᓂᒃ ᐊᑕᐅᓯᕐᒥᒃ. ᑖᒃᑯᐊ ᑕᕝᕙ ᓂᑖᓂᐅᓕᐅᑉ ᔪᐊᕆᐅᑉ ᐃᕐᓂᖓᑕ ᑐᓂᕐᕈᑎᒋᓚᐅᕐᑕᖏᑦ.
24ᐅᓪᓗᐃᑦ ᐱᖓᓱᖓᓐᓂᒃ ᐃᓔᐊᑉ ᕼᐃᓘᓂᐅᑉ ᐃᕐᓂᖓ, ᓯᐳᓗᓂᐅᑉ ᑭᖑᕚᖏᓐᓂ ᓯᕗᓕᕐᑎᐅᔪᖅ, ᑐᓂᕐᕈᓯᕆᐊᕐᑐᓚᐅᕐᐳᖅ. 25ᑐᓂᕐᕈᓯᓚᐅᕐᐳᖅ ᐴᒍᑕᕐᒥᒃ ᓯᐅᓪᕕᕆᒥᒃ, ᐅᖁᒤᓪᓂᖃᕐᑐᒥᒃ 3 1/4 ᐸᐅᓐᒥᒃ, ᐅᐊᓴᕐᕕᖕᒥᒃᓗ ᓯᐅᓪᕕᕆᒥᒃ ᐅᖁᒤᓐᓂᖃᕐᑐᒥᒃ 1 1/4 ᐸᐅᓐᒥᒃ, ᐅᖁᒤᓐᓂᕐᓂᐊᕈᑎᑦ ᐃᑦᔪᕐᓁᑦᑐᕕᖕᒥ ᒪᓕᒡᓗᒋᑦ, ᑖᒃᑯᐊᓕᒫᑦ ᑕᑕᑉᐳᒃ ᓂᐊᖂᔭᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᒃ, ᐅᕐᓱᒥᒃ ᐃᓚᓯᒪᓪᓗᒍ ᓂᐊᖂᔭᒃᓴᐅᑉ ᑐᓂᕐᕈᑕᐅᓂᖓᓄᑦ; 26ᐊᑕᐅᓯᕐᒥᒡᓗ ᐴᒍᑕᕐᒥᒃ ᒎᓗᒥᒃ 0.8 ᐊᐅᓐᓯᔅᒥᒃ ᐅᖁᒤᓐᓂᖃᕐᑐᒥᒃ, ᑕᑕᓪᓗᓂᓗ ᐃᓐᓴᓐᓯᒥᒃ ᑎᐱᑦᓯᐊᕆᒃᑐᒥᒃ; 27ᐃᓐᓇᐅᖏᑦᑐᒥᒡᓗ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐊᑕᐅᓯᕐᒥᒃ, ᓰᐱᐅᓪᓗ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᐊᑕᐅᓯᕐᒥᒡᓗ ᓰᐱᐅᒃ ᓄᕐᕋᖓᓂᒃ ᐊᖑᒻᒥᒃ ᐊᕐᕌᒍᖃᕐᑐᒥᒃ ᐊᑕᐅᓯᕐᒥᒃ, ᑖᒃᑯᐊ ᐆᑕᒃᓴᐅᓪᓗᑎᒃ ᑐᓂᕐᕈᑕᐅᕗᑦ. 28ᒎᑦᓯᐅᓪᓗ ᓄᕐᕋᖓᓂᒃ ᐊᑕᐅᓯᕐᒥᒃ ᑐᓂᕐᕈᑎᖃᕆᕗᖅ ᐊᔪᕐᓂᖅ ᐱᓪᓗᒍ. 29ᑐᓂᕐᕈᓯᕆᐊᖃᕆᕗᕐᓗ ᓮᒪᓂᖅ ᐱᓪᓗᒍ ᐃᒤᑦᑐᓂᒃ: ᐃᒻᒧᒃᓯᐅᒑᖕᓂᒃ ᒪᕐᕉᖕᓂᒃ, ᓰᐱᐅᑉ ᐊᖑᓴᓪᓗᖏᓐᓂᒃ ᑕᓪᓕᒪᓂᒃ, ᒎᑦᓯᓂᒡᓗ ᐊᖑᓴᓪᓗᕐᓂᒃ ᑕᓪᓕᒪᓂᒃ, ᓰᐱᐅᓪᓗ ᓄᕐᕋᖏᓐᓂᒃ ᐊᖑᑎᓂᒃ ᑕᓪᓕᒪᓂᒃ ᐊᕐᕌᒍᖃᕐᑐᓂᒃ ᐊᑕᐅᓯᕐᒥᒃ. ᑖᒃᑯᐊ ᑕᕝᕙ ᐃᓔᐊᐱᐅᑉ ᕼᐃᓘᓂᐅᑉ ᐃᕐᓂᖓᑕ ᑐᓂᕐᕈᑎᒋᓚᐅᕐᑕᖏᑦ.
30ᐅᓪᓗᐃᑦ ᓯᑕᒪᖓᓐᓂᒃ ᐃᓕᓱᕆ ᓯᑎᐅᕆᐅᑉ ᐃᕐᓂᖓ, ᕉᐱᓂᐅᑉ ᑭᖑᕚᖏᓐᓂ ᓯᕗᓕᕐᑎᐅᔪᖅ, ᑐᓂᕐᕈᓯᕆᐊᕐᑐᓚᐅᕐᐳᖅ. 31ᑐᓂᕐᕈᓯᓚᐅᕐᐳᖅ ᐸᓕᐊᕐᒥᒃ ᓯᐅᓪᕕᕆᒥᒃ, ᐅᖁᒤᓐᓂᖃᕐᑐᒥᒃ 3 1/4 ᐸᐅᓐᒥᒃ, ᐅᐊᓴᕐᕕᖕᒥᒡᓗ ᓯᐅᓪᕕᕆᒥᒃ ᐅᖁᒤᓐᓂᖃᕐᑐᒥᒃ 1 1/4 ᐸᐅᓐᒥᒃ, ᐅᖁᒤᓐᓂᕐᓂᐊᕈᑎᑦ ᐃᑦᔪᕐᓁᑦᑐᕕᖕᒥ ᒪᓕᒡᓗᒋᑦ, ᑖᒃᑯᐊᓕᒫᑦ ᑕᑕᑉᐳᒃ ᓂᐊᖂᔭᒃᓴᒥᒃ ᓯᖃᓪᓕᒃᓯᐊᕐᓯᒪᔪᒥᒃ, ᐅᕐᓱᒥᒃ ᐃᓚᓯᒪᓪᓗᒍ ᓂᐊᖂᔭᒃᓴᐅᑉ ᑐᓂᕐᕈᑕᐅᓂᖓᓄᑦ; 32ᐊᑕᐅᓯᕐᒥᒡᓗ ᐴᒍᑕᕐᒥᒃ ᒎᓗᒥᒃ 0.8 ᐊᐅᓐᓯᔅᒥᒃ ᐅᖁᒤᓐᓂᖃᕐᑐᒥ, ᑕᑕᓪᓗᓂᓗ ᐃᓐᓴᓐᓯᒥᒃ ᑎᐱᑦᓯᐊᕆᒃᑐᒥᒃ; 33ᐃᓐᓇᐅᖏᑦᑐᒥᒃᓗ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐊᑕᐅᓯᕐᒥᒃ, ᓰᐱᐅᓪᓗ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᐊᑕᐅᓯᕐᒥᒡᓗ ᓰᐱᐅᒃ ᓄᕐᕋᖓᓂᒃ ᐊᖑᒻᒥᒃ ᐊᕐᕌᒍᖃᕐᑐᒥᒃ ᐊᑕᐅᓯᕐᒥᒃ, ᑖᒃᑯᐊ ᐆᑕᒃᓴᐅᓪᓗᑎᒃ ᑐᓂᕐᕈᑕᐅᕗᑦ. 34ᒎᑦᓯᐅᓪᓗ ᓄᕐᕋᖓᓂᒃ ᐊᑕᐅᓯᕐᒥᒃ ᑐᓂᕐᕈᑎᖃᕆᕗᖅ ᐊᔪᕐᓂᖅ ᐱᓪᓗᒍ. 35ᑐᓂᕐᕈᓯᕆᐊᖃᕆᕗᕐᓗ ᓮᒪᓂᖅ ᐱᓪᓗᒍ ᐃᒤᑦᑐᓂᒃ: ᐃᒻᒧᒃᓯᐅᒑᖕᓂᒃ ᒪᕐᕉᖕᓂᒃ, ᓰᐱᐅᑉ ᐊᖑᓴᓪᓗᖏᓐᓂᒃ ᑕᓪᓕᒪᓂᒃ, ᒎᑦᓯᓂᒡᓗ ᐊᖑᓴᓪᓗᕐᓂᒃ ᑕᓪᓕᒪᓂᒃ, ᓰᐱᐅᓪᓗ ᓄᕐᕋᖏᓐᓂᒃ ᐊᖑᑎᓂᒃ ᑕᓪᓕᒪᓂᒃ ᐊᕐᕌᒍᖃᕐᑐᓂᒃ ᐊᑕᐅᓯᕐᒥᒃ. ᑖᒃᑯᐊ ᑕᕝᕙ ᐃᓕᓱᕆᐅᑉ ᓯᑎᐅᕆᐅᑉ ᐃᕐᓂᖓᑕ ᑐᓂᕐᕈᑎᒋᓚᐅᕐᑕᖏᑦ.
36ᐅᓪᓗᐃᑦ ᑕᓪᓕᒪᖓᓐᓂᒃ ᓯᓘᒥᐅᓕ ᔪᕆᓴᑍᑉ ᐃᕐᓂᖓ, ᓯᒥᐅᓂᐅᑉ ᑭᖑᕚᖏᓐᓂ ᓯᕗᓕᕐᑎᐅᔪᖅ, ᑐᓂᕐᕈᓯᕆᐊᕐᑐᓚᐅᕐᐳᖅ. 37ᑐᓂᕐᕈᓯᓚᐅᕐᐳᖅ ᐸᓕᐊᕐᒥᒃ ᓯᐅᓪᕕᕆᒥᒃ, ᐅᖁᒤᓐᓂᖃᕐᑐᒥᒃ 3 1/4 ᐸᐅᓐᒥᒃ, ᐅᐊᓴᕐᕕᖕᒥᒡᓗ ᓯᐅᓪᕕᕆᒥᒃ ᐅᖁᒤᓐᓂᖃᕐᑐᒥᒃ 1 1/4 ᐸᐅᓐᒥᒃ, ᐅᖁᒤᓐᓂᕐᓂᐊᕈᑎᑦ ᐃᑦᔪᕐᓁᑦᑐᕕᖕᒥ ᒪᓕᒡᓗᒋᑦ, ᑖᒃᑯᐊᓕᒫᑦ ᑕᑕᑉᐳᒃ ᓂᐊᖂᔭᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᒃ, ᐅᕐᓱᒥᒃ ᐃᓚᓯᒪᓪᓗᒍ ᓂᐊᖂᔭᒃᓴᐅᑉ ᑐᓂᕐᕈᑕᐅᓂᖓᓄᑦ; 38ᐊᑕᐅᓯᕐᒥᒡᓗ ᐴᒍᑕᕐᒥᒃ ᒎᓗᒥᒃ 0.8 ᐊᐅᓐᓯᔅᒥᒃ ᐅᖁᒤᓐᓂᖃᕐᑐᒥᒃ, ᑕᑕᓪᓗᓂᓗ ᐃᓐᓴᓐᓯᒥᒃ ᑎᐱᑦᓯᐊᕆᒃᑐᒥᒃ; 39ᐃᓐᓇᐅᖏᑦᑐᒥᒡᓗ ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᓰᐱᐅᓪᓗ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᐊᑕᐅᓯᕐᒥᒡᓗ ᓰᐱᐅᒃ ᓄᕐᕋᖓᓂᒃ ᐊᖑᒻᒥᒃ ᐊᕐᕌᒍᖃᕐᑐᒥᒃ ᐊᑕᐅᓯᕐᒥᒃ, ᑖᒃᑯᐊ ᐆᑕᒃᓴᐅᓪᓗᑎᒃ ᑐᓂᕐᕈᑕᐅᕗᑦ. 40ᒎᑦᓯᐅᓪᓗ ᓄᕐᕋᖓᓂᒃ ᐊᑕᐅᓯᕐᒥᒃ ᑐᓂᕐᕈᑎᖃᕆᕗᖅ ᐊᔪᕐᓂᖅ ᐱᓪᓗᒍ. 41ᑐᓂᕐᕈᓯᕆᐊᖃᕆᕗᕐᓗ ᓮᒪᓂᖅ ᐱᓪᓗᒍ ᐃᒤᑦᑐᓂᒃ: ᐃᒻᒧᒃᓯᐅᒑᖕᓂᒃ ᒪᕐᕉᖕᓂᒃ, ᓰᐱᐅᑉ ᐊᖑᓴᓪᓗᖏᓐᓂᒃ ᑕᓪᓕᒪᓂᒃ, ᒎᑦᓯᓂᒡᓗ ᐊᖑᓴᓪᓗᕐᓂᒃ ᑕᓪᓕᒪᓂᒃ, ᓰᐱᐅᓪᓗ ᓄᕐᕋᖏᓐᓂᒃ ᐊᖑᑎᓂᒃ ᑕᓪᓕᒪᓂᒃ ᐊᕐᕌᒍᖃᕐᑐᓂᒃ ᐊᑕᐅᓯᕐᒥᒃ. ᑖᒃᑯᐊ ᑕᕝᕙ ᓯᓘᒥᐅᑉ ᔪᕆᓴᑍᑉ ᐃᕐᓂᖓᑕ ᑐᓂᕐᕈᑎᒋᓚᐅᕐᑕᖏᑦ.
42ᐅᓪᓗᐃᑦ ᐱᖓᓲᔪᕐᑐᖓᓐᓂᒃ ᐃᓔᐊᓴᐱ ᑎᐅᐃᓕᐅᑉ ᐃᕐᓂᖓ, ᒑᑦ ᑭᖑᕚᖏᓐᓂ ᓯᕗᓕᕐᑎᐅᔪᖅ, ᑐᓂᕐᕈᓯᕆᐊᕐᑐᓚᐅᕐᐳᖅ. 43ᑐᓂᕐᕈᓯᓚᐅᕐᐳᖅ ᐸᓕᐊᕐᒥᒃ ᓯᐅᓪᕕᕆᒥᒃ, ᐅᖁᒤᓐᓂᖃᕐᑐᒥᒃ 3 1/4 ᐸᐅᓐᒥᒃ, ᐅᐊᓴᕐᕕᖕᒥᒡᓗ ᓯᐅᓪᕕᕆᒥᒃ ᐅᖁᒤᓐᓂᖃᕐᑐᒥᒃ 1 1/4 ᐸᐅᓐᒥᒃ, ᐅᖁᒤᓐᓂᕐᓂᐊᕈᑎᑦ ᐃᑦᔪᕐᓁᑦᑐᕕᖕᒥ ᒪᓕᒡᓗᒋᑦ, ᑖᒃᑯᐊᓕᒫᑦ ᑕᑕᑉᐳᒃ ᓂᐊᖂᔭᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᒃ, ᐅᕐᓱᒥᒃ ᐃᓚᓯᒪᓪᓗᒍ ᓂᐊᖂᔭᒃᓴᐅᑉ ᑐᓂᕐᕈᑕᐅᓂᖓᓄᑦ; 44ᐊᑕᐅᓯᕐᒥᒡᓗ ᐴᒍᑕᕐᒥᒃ ᒎᓗᒥᒃ 0.8 ᐊᐅᓐᓯᔅᒥᒃ ᐅᖁᒤᓐᓂᖃᕐᑐᒥᒃ, ᑕᑕᓪᓗᓂᓗ ᐃᓐᓴᓐᓯᒥᒃ ᑎᐱᑦᓯᐊᕆᒃᑐᒥᒃ; 45ᐃᓐᓇᐅᖏᑦᑐᒥᒡᓗ ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᓰᐱᐅᓪᓗ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᐊᑕᐅᓯᕐᒥᒡᓗ ᓰᐱᐅᑉ ᓄᕐᕋᖓᓂᒃ ᐊᖑᒻᒥᒃ ᐊᕐᕌᒍᖃᕐᑐᒥᒃ ᐊᑕᐅᓯᕐᒥᒃ, ᑖᒃᑯᐊ ᐆᑕᒃᓴᐅᓪᓗᑎᒃ ᑐᓂᕐᕈᑕᐅᕗᑦ. 46ᒎᑦᓯᐅᓪᓗ ᓄᕐᕋᖓᓂᒃ ᐊᑕᐅᓯᕐᒥᒃ ᑐᓂᕐᕈᑎᖃᕆᕗᖅ ᐊᔪᕐᓂᖅ ᐱᓪᓗᒍ. 47ᑐᓂᕐᕈᓯᕆᐊᖃᕆᕗᕐᓗ ᓮᒪᓂᖅ ᐱᓪᓗᒍ ᐃᒤᑦᑐᓂᒃ: ᐃᒻᒧᒃᓯᐅᒑᖕᓂᒃ ᒪᕐᕉᖕᓂᒃ, ᓰᐱᐅᑉ ᐊᖑᓴᓪᓗᖏᓐᓂᒃ ᑕᓪᓕᒪᓂᒃ, ᒎᑦᓯᓂᒡᓗ ᐊᖑᓴᓪᓗᕐᓂᒃ ᑕᓪᓕᒪᓂᒃ, ᓰᐱᐅᓪᓗ ᓄᕐᕋᖏᓐᓂᒃ ᐊᖑᑎᓂᒃ ᑕᓪᓕᒪᓂᒃ ᐊᕐᕌᒍᖃᕐᑐᓂᒃ ᐊᑕᐅᓯᕐᒥᒃ. ᑖᒃᑯᐊ ᑕᕝᕙ ᐃᓔᐊᓴᐱᐅᑉ ᑎᐅᐃᓕᐅᑉ ᐃᕐᓂᖓᑕ ᑐᓂᕐᕈᑎᒋᓚᐅᕐᑕᖏᑦ.
48ᐅᓪᓗᐃᑦ 7ᖓᓐᓂᒃ ᐃᓔᓴᒪ ᐊᒥᕼᐆᑎᐅᑉ ᐃᕐᓂᖓ, ᐃᕗᕅᒥᐅᑉ ᑭᖑᕚᖏᓐᓂ ᓯᕗᓕᕐᑎᐅᔪᖅ, ᑐᓂᕐᕈᓯᕆᐊᕐᑐᓚᐅᕐᐳᖅ. 49ᑐᓂᕐᕈᓯᓚᐅᕐᐳᖅ ᐸᓕᐊᕐᒥᒃ ᓯᐅᓪᕕᕆᒥᒃ, ᐅᖁᒤᓐᓂᖃᕐᑐᒥᒃ 3 1/4 ᐸᐅᓐᒥᒃ, ᐅᐊᓴᕐᕕᖕᒥᒡᓗ ᓯᐅᓪᕕᕆᒥᒃ ᐅᖁᒤᓐᓂᖃᕐᑐᒥᒃ 1 1/4 ᐸᐅᓐᒥᒃ, ᐅᖁᒤᓐᓂᕐᓂᐊᕈᑎᑦ ᐃᑦᔪᕐᓁᑦᑐᕕᖕᒥ ᒪᓕᒡᓗᒋᑦ, ᑖᒃᑯᐊᓕᒫᑦ ᑕᑕᑉᐳᒃ ᓂᐊᖂᔭᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᒃ, ᐅᕐᓱᒥᒃ ᐃᓚᓯᒪᓪᓗᒍ ᓂᐊᖂᔭᒃᓴᐅᑉ ᑐᓂᕐᕈᑕᐅᓂᖓᓄᑦ; 50ᐊᑕᐅᓯᕐᒥᒡᓗ ᐴᒍᑕᕐᒥᒃ ᒎᓗᒥᒃ 0.8 ᐊᐅᓐᓯᔅᒥᒃ ᐅᖁᒤᓐᓂᖃᕐᑐᒥ, ᑕᑕᓪᓗᓂᓗ ᐃᓐᓴᓐᓯᒥᒃ ᑎᐱᑦᓯᐊᕆᒃᑐᒥᒃ; 51ᐃᓐᓇᐅᖏᑦᑐᒥᒡᓗ ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᓰᐱᐅᓪᓗ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᐊᑕᐅᓯᕐᒥᒡᓗ ᓰᐱᐅᑉ ᓄᕐᕋᖓᓂᒃ ᐊᖑᒻᒥᒃ ᐊᕐᕌᒍᖃᕐᑐᒥᒃ ᐊᑕᐅᓯᕐᒥᒃ, ᑖᒃᑯᐊ ᐆᑕᒃᓴᐅᓪᓗᑎᒃ ᑐᓂᕐᕈᑕᐅᕗᑦ. 52ᒎᑦᓯᐅᓪᓗ ᓄᕐᕋᖓᓂᒃ ᐊᑕᐅᓯᕐᒥᒃ ᑐᓂᕐᕈᑎᖃᕆᕗᖅ ᐊᔪᕐᓂᖅ ᐱᓪᓗᒍ. 53ᑐᓂᕐᕈᓯᕆᐊᖃᕆᕗᕐᓗ ᓮᒪᓂᖅ ᐱᓪᓗᒍ ᐃᒤᑦᑐᓂᒃ: ᐃᒻᒧᒃᓯᐅᒑᖕᓂᒃ ᒪᕐᕉᖕᓂᒃ, ᓰᐱᐅᑉ ᐊᖑᓴᓪᓗᖏᓐᓂᒃ ᑕᓪᓕᒪᓂᒃ, ᒎᑦᓯᓂᒡᓗ ᐊᖑᓴᓪᓗᕐᓂᒃ ᑕᓪᓕᒪᓂᒃ, ᓰᐱᐅᓪᓗ ᓄᕐᕋᖏᓐᓂᒃ ᐊᖑᑎᓂᒃ ᑕᓪᓕᒪᓂᒃ ᐊᕐᕌᒍᖃᕐᑐᓂᒃ ᐊᑕᐅᓯᕐᒥᒃ. ᑖᒃᑯᐊ ᑕᕝᕙ ᐃᓔᓴᒪᐅᑉ ᐊᒥᕼᐆᑎᐅᑉ ᐃᕐᓂᖓᑕ ᑐᓂᕐᕈᑎᒋᓚᐅᕐᑕᖏᑦ.
54ᐅᓪᓗᐃᑦ 8ᖓᓐᓂᒃ ᒐᒤᓕ ᐱᑕᔪᕆᐅᑉ ᐃᕐᓂᖓ, ᒫᓇᓯᐅᑉ ᑭᖑᕚᖏᓐᓂ ᓯᕗᓕᕐᑎᐅᔪᖅ, ᑐᓂᕐᕈᓯᕆᐊᕐᑐᓚᐅᕐᐳᖅ. 55ᑐᓂᕐᕈᓯᓚᐅᕐᐳᖅ ᐴᒍᑕᕐᒥᒃ ᓯᐅᓪᕕᕆᒥᒃ, ᐅᖁᒤᓐᓂᖃᕐᑐᒥᒃ 3 1/4 ᐸᐅᓐᒥᒃ, ᐅᐊᓴᕐᕕᖕᒥᒡᓗ ᓯᐅᓪᕕᕆᒥᒃ ᐅᖁᒤᓐᓂᖃᕐᑐᒥᒃ 1 1/4 ᐸᐅᓐᒥᒃ, ᐃᑦᔪᕐᓁᑦᑐᕕᖕᒥ ᐅᖁᒤᓐᓂᕐᓂᐊᕈᑎᑦ ᒪᓕᒡᓗᒋᑦ, ᑖᒃᑯᐊᓕᒫᑦ ᑕᑕᑉᐳᒃ ᓂᐊᖂᔭᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᒃ, ᐅᕐᓱᒥᒃ ᐃᓚᓯᒪᓪᓗᒍ ᓂᐊᖂᔭᒃᓴᐅᑉ ᑐᓂᕐᕈᑕᐅᓂᖓᓄᑦ; 56ᐊᑕᐅᓯᕐᒥᒡᓗ ᐴᒍᑕᕐᒥᒃ ᒎᓗᒥᒃ 0.8 ᐊᐅᓐᓯᔅᒥᒃ ᐅᖁᒤᓐᓂᖃᕐᑐᒥᒃ, ᑕᑕᓪᓗᓂᓗ ᐃᓐᓴᓐᓯᒥᒃ ᑎᐱᑦᓯᐊᕆᒃᑐᒥᒃ; 57ᐃᓐᓇᐅᖏᑦᑐᒥᒡᓗ ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᓰᐱᐅᓪᓗ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᐊᑕᐅᓯᕐᒥᒡᓗ ᓰᐱᐅᒃ ᓄᕐᕋᖓᓂᒃ ᐊᖑᒻᒥᒃ ᐊᕐᕌᒍᖃᕐᑐᒥᒃ ᐊᑕᐅᓯᕐᒥᒃ, ᑖᒃᑯᐊ ᐆᑕᒃᓴᐅᓪᓗᑎᒃ ᑐᓂᕐᕈᑕᐅᕗᑦ. 58ᒎᑦᓯᐅᓪᓗ ᓄᕐᕋᖓᓂᒃ ᐊᑕᐅᓯᕐᒥᒃ ᑐᓂᕐᕈᑎᖃᕆᕗᖅ ᐊᔪᕐᓂᖅ ᐱᓪᓗᒍ. 59ᑐᓂᕐᕈᓯᕆᐊᖃᕆᕗᕐᓗ ᓮᒪᓂᖅ ᐱᓪᓗᒍ ᐃᒤᑦᑐᓂᒃ: ᐃᒻᒧᒃᓯᐅᒑᖕᓂᒃ ᒪᕐᕉᖕᓂᒃ, ᓰᐱᐅᑉ ᐊᖑᓴᓪᓗᖏᓐᓂᒃ ᑕᓪᓕᒪᓂᒃ, ᒎᑦᓯᓂᒡᓗ ᐊᖑᓴᓪᓗᕐᓂᒃ ᑕᓪᓕᒪᓂᒃ, ᓰᐱᐅᓪᓗ ᓄᕐᕋᖏᓐᓂᒃ ᐊᖑᑎᓂᒃ ᑕᓪᓕᒪᓂᒃ ᐊᕐᕌᒍᖃᕐᑐᓂᒃ ᐊᑕᐅᓯᕐᒥᒃ. ᑖᒃᑯᐊ ᑕᕝᕙ ᒐᒤᓕᐅᑉ ᐱᑕᔪᕆᐅᑉ ᐃᕐᓂᖓᑕ ᑐᓂᕐᕈᑎᒋᓚᐅᕐᑕᖏᑦ.
60ᐅᓪᓗᐃᑦ 9ᖓᓐᓂᒃ ᐊᐱᑖᓂ ᒋᑎᐅᓂᐅᑉ ᐃᕐᓂᖓ, ᐱᓐᔭᒥᓂᐅᑉ ᑭᖑᕚᖏᓐᓂ ᓯᕗᓕᕐᑎᐅᔪᖅ, ᑐᓂᕐᕈᓯᕆᐊᕐᑐᓚᐅᕐᐳᖅ. 61ᑐᓂᕐᕈᓯᓚᐅᕐᐳᖅ ᐸᓕᐊᕐᒥᒃ ᓯᐅᓪᕕᕆᒥᒃ, ᐅᖁᒤᓐᓂᖃᕐᑐᒥᒃ 3 1/4 ᐸᐅᓐᒥᒃ, ᐅᐊᓴᕐᕕᖕᒥᒡᓗ ᓯᐅᓪᕕᕆᒥᒃ ᐅᖁᒤᓐᓂᖃᕐᑐᒥᒃ 1 1/4 ᐸᐅᓐᒥᒃ, ᐅᖁᒤᓐᓂᕐᓂᐊᕈᑎᑦ ᐃᑦᔪᕐᓁᑦᑐᕕᖕᒥ ᒪᓕᒡᓗᒋᑦ, ᑖᒃᑯᐊᓕᒫᑦ ᑕᑕᑉᐳᒃ ᓂᐊᖂᔭᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᒃ, ᐅᕐᓱᒥᒃ ᐃᓚᓯᒪᓪᓗᒍ ᓂᐊᖂᔭᒃᓴᐅᑉ ᑐᓂᕐᕈᑕᐅᓂᖓᓄᑦ; 62ᐊᑕᐅᓯᕐᒥᒡᓗ ᐴᒍᑕᕐᒥᒃ ᒎᓗᒥᒃ 0.8 ᐊᐅᓐᓯᔅᒥᒃ ᐅᖁᒤᓐᓂᖃᕐᑐᒥᒃ, ᑕᑕᓪᓗᓂᓗ ᐃᓐᓴᓐᓯᒥᒃ ᑎᐱᑦᓯᐊᕆᒃᑐᒥᒃ; 63ᐃᓐᓇᐅᖏᑦᑐᒥᒡᓗ ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᓰᐱᐅᓪᓗ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᐊᑕᐅᓯᕐᒥᒡᓗ ᓰᐱᐅᒃ ᓄᕐᕋᖓᓂᒃ ᐊᖑᒻᒥᒃ ᐊᕐᕌᒍᖃᕐᑐᒥᒃ ᐊᑕᐅᓯᕐᒥᒃ, ᑖᒃᑯᐊ ᐆᑕᒃᓴᐅᓪᓗᑎᒃ ᑐᓂᕐᕈᑕᐅᕗᑦ. 64ᒎᑦᓯᐅᓪᓗ ᓄᕐᕋᖓᓂᒃ ᐊᑕᐅᓯᕐᒥᒃ ᑐᓂᕐᕈᑎᖃᕆᕗᖅ ᐊᔪᕐᓂᖅ ᐱᓪᓗᒍ. 65ᑐᓂᕐᕈᓯᕆᐊᖃᕆᕗᕐᓗ ᓮᒪᓂᖅ ᐱᓪᓗᒍ ᐃᒤᑦᑐᓂᒃ: ᐃᒻᒧᒃᓯᐅᒑᖕᓂᒃ ᒪᕐᕉᖕᓂᒃ, ᓰᐱᐅᑉ ᐊᖑᓴᓪᓗᖏᓐᓂᒃ ᑕᓪᓕᒪᓂᒃ, ᒎᑦᓯᓂᒡᓗ ᐊᖑᓴᓪᓗᕐᓂᒃ ᑕᓪᓕᒪᓂᒃ, ᓰᐱᐅᓪᓗ ᓄᕐᕋᖏᓐᓂᒃ ᐊᖑᑎᓂᒃ ᑕᓪᓕᒪᓂᒃ ᐊᕐᕌᒍᖃᕐᑐᓂᒃ ᐊᑕᐅᓯᕐᒥᒃ. ᑖᒃᑯᐊ ᑕᕝᕙ ᐊᐱᑖᓂᐅᑉ ᒋᑎᐅᓂᐅᑉ ᐃᕐᓂᖓᑕ ᑐᓂᕐᕈᑎᒋᓚᐅᕐᑕᖏᑦ.
66ᐅᓪᓗᐃᑦ 10ᖓᓐᓂᒃ ᐊᕼᐂᓱᕆᐅᑉ ᐊᒥᓴᑍᑉ ᐃᕐᓂᖓ, ᑖᓐ ᑭᖑᕚᖏᓐᓂ ᓯᕗᓕᕐᑎᐅᔪᖅ, ᑐᓂᕐᕈᓯᕆᐊᕐᑐᓚᐅᕐᐳᖅ. 67ᑐᓂᕐᕈᓯᓚᐅᕐᐳᖅ ᐸᓕᐊᕐᒥᒃ ᓯᐅᓪᕕᕆᒥᒃ, ᐅᖁᒤᓐᓂᖃᕐᑐᒥᒃ 3 1/4 ᐸᐅᓐᒥᒃ, ᐅᐊᓴᕐᕕᖕᒥᒡᓗ ᓯᐅᓪᕕᕆᒥᒃ ᐅᖁᒤᓐᓂᖃᕐᑐᒥᒃ 1 1/4 ᐸᐅᓐᒥᒃ, ᐅᖁᒤᓐᓂᕐᓂᐊᕈᑎᑦ ᐃᑦᔪᕐᓁᑦᑐᕕᖕᒥ ᒪᓕᒡᓗᒋᑦ, ᑖᒃᑯᐊᓕᒫᑦ ᑕᑕᑉᐳᒃ ᓂᐊᖂᔭᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᒃ, ᐅᕐᓱᒥᒃ ᐃᓚᓯᒪᓪᓗᒍ ᓂᐊᖂᔭᒃᓴᐅᑉ ᑐᓂᕐᕈᑕᐅᓂᖓᓄᑦ; 68ᐊᑕᐅᓯᕐᒥᒡᓗ ᐴᒍᑕᕐᒥᒃ ᒎᓗᒥᒃ 0.8 ᐊᐅᓐᓯᔅᒥᒃ ᐅᖁᒤᓐᓂᖃᕐᑐᒥᒃ, ᑕᑕᓪᓗᓂᓗ ᐃᓐᓴᓐᓯᒥᒃ ᑎᐱᑦᓯᐊᕆᒃᑐᒥᒃ; 69ᐃᓐᓇᐅᖏᑦᑐᒥᒡᓗ ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᓰᐱᐅᓪᓗ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᐊᑕᐅᓯᕐᒥᒡᓗ ᓰᐱᐅᒃ ᓄᕐᕋᖓᓂᒃ ᐊᖑᒻᒥᒃ ᐊᕐᕌᒍᖃᕐᑐᒥᒃ ᐊᑕᐅᓯᕐᒥᒃ, ᑖᒃᑯᐊ ᐆᑕᒃᓴᐅᓪᓗᑎᒃ ᑐᓂᕐᕈᑕᐅᕗᑦ. 70ᒎᑦᓯᐅᓪᓗ ᓄᕐᕋᖓᓂᒃ ᐊᑕᐅᓯᕐᒥᒃ ᑐᓂᕐᕈᑎᖃᕆᕗᖅ ᐊᔪᕐᓂᖅ ᐱᓪᓗᒍ. 71ᑐᓂᕐᕈᓯᕆᐊᖃᕆᕗᕐᓗ ᓮᒪᓂᖅ ᐱᓪᓗᒍ ᐃᒤᑦᑐᓂᒃ: ᐃᒻᒧᒃᓯᐅᒑᖕᓂᒃ ᒪᕐᕉᖕᓂᒃ, ᓰᐱᐅᑉ ᐊᖑᓴᓪᓗᖏᓐᓂᒃ ᑕᓪᓕᒪᓂᒃ, ᒎᑦᓯᓂᒡᓗ ᐊᖑᓴᓪᓗᕐᓂᒃ ᑕᓪᓕᒪᓂᒃ, ᓰᐱᐅᓪᓗ ᓄᕐᕋᖏᓐᓂᒃ ᐊᖑᑎᓂᒃ ᑕᓪᓕᒪᓂᒃ ᐊᕐᕌᒍᖃᕐᑐᓂᒃ ᐊᑕᐅᓯᕐᒥᒃ. ᑖᒃᑯᐊ ᑕᕝᕙ ᐊᕼᐂᓱᕆᐅᑉ ᐊᒥᓴᑍᑉ ᐃᕐᓂᖓᑕ ᑐᓂᕐᕈᑎᒋᓚᐅᕐᑕᖏᑦ.
72ᐅᓪᓗᐃᑦ 11ᖓᓐᓂᒃ ᐸᒊᓕ ᐆᑯᕌᓂᐅᑉ ᐃᕐᓂᖓ, ᐋᓱᕆᐅᑉ ᑭᖑᕚᖏᓐᓂ ᓯᕗᓕᕐᑎᐅᔪᖅ, ᑐᓂᕐᕈᓯᕆᐊᕐᑐᓚᐅᕐᐳᖅ. 73ᑐᓂᕐᕈᓯᓚᐅᕐᐳᖅ ᐸᓕᐊᕐᒥᒃ ᓯᐅᓪᕕᕆᒥᒃ, ᐅᖁᒤᓐᓂᖃᕐᑐᒥᒃ 3 1/4 ᐸᐅᓐᒥᒃ, ᐅᐊᓴᕐᕕᖕᒥᒡᓗ ᓯᐅᓪᕕᕆᒥᒃ ᐅᖁᒤᓐᓂᖃᕐᑐᒥᒃ 1 1/4 ᐸᐅᓐᒥᒃ, ᐅᖁᒤᓐᓂᕐᓂᐊᕈᑎᑦ ᐃᑦᔪᕐᓁᑦᑐᕕᖕᒥ ᒪᓕᒡᓗᒋᑦ, ᑖᒃᑯᐊᓕᒫᑦ ᑕᑕᑉᐳᒃ ᓂᐊᖂᔭᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᒃ, ᐅᕐᓱᒥᒃ ᐃᓚᓯᒪᓪᓗᒍ ᓂᐊᖂᔭᒃᓴᐅᑉ ᑐᓂᕐᕈᑕᐅᓂᖓᓄᑦ; 74ᐊᑕᐅᓯᕐᒥᒡᓗ ᐴᒍᑕᕐᒥᒃ ᒎᓗᒥᒃ 0.8 ᐊᐅᓐᓯᔅᒥᒃ ᐅᖁᒤᓐᓂᖃᕐᑐᒥᒃ, ᑕᑕᓪᓗᓂᓗ ᐃᓐᓴᓐᓯᒥᒃ ᑎᐱᑦᓯᐊᕆᒃᑐᒥᒃ; 75ᐃᓐᓇᐅᖏᑦᑐᒥᒡᓗ ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᓰᐱᐅᓪᓗ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᐊᑕᐅᓯᕐᒥᒡᓗ ᓰᐱᐅᒃ ᓄᕐᕋᖓᓂᒃ ᐊᖑᒻᒥᒃ ᐊᕐᕌᒍᖃᕐᑐᒥᒃ ᐊᑕᐅᓯᕐᒥᒃ, ᑖᒃᑯᐊ ᐆᑕᒃᓴᐅᓪᓗᑎᒃ ᑐᓂᕐᕈᑕᐅᕗᑦ. 76ᒎᑦᓯᐅᓪᓗ ᓄᕐᕋᖓᓂᒃ ᐊᑕᐅᓯᕐᒥᒃ ᑐᓂᕐᕈᑎᖃᕆᕗᖅ ᐊᔪᕐᓂᖅ ᐱᓪᓗᒍ. 77ᑐᓂᕐᕈᓯᕆᐊᖃᕆᕗᕐᓗ ᓮᒪᓂᖅ ᐱᓪᓗᒍ ᐃᒤᑦᑐᓂᒃ: ᐃᒻᒧᒃᓯᐅᒑᖕᓂᒃ ᒪᕐᕉᖕᓂᒃ, ᓰᐱᐅᑉ ᐊᖑᓴᓪᓗᖏᓐᓂᒃ ᑕᓪᓕᒪᓂᒃ, ᒎᑦᓯᓂᒡᓗ ᐊᖑᓴᓪᓗᕐᓂᒃ ᑕᓪᓕᒪᓂᒃ, ᓰᐱᐅᓪᓗ ᓄᕐᕋᖏᓐᓂᒃ ᐊᖑᑎᓂᒃ ᑕᓪᓕᒪᓂᒃ ᐊᕐᕌᒍᖃᕐᑐᓂᒃ ᐊᑕᐅᓯᕐᒥᒃ. ᑖᒃᑯᐊ ᑕᕝᕙ ᐸᒊᓕᐅᑉ ᐆᑯᕌᓂᐅᑉ ᐃᕐᓂᖓᑕ ᑐᓂᕐᕈᑎᒋᓚᐅᕐᑕᖏᑦ.
78ᐅᓪᓗᐃᑦ 12ᖓᓐᓂᒃ ᐊᕼᐂᕋ ᐃᓈᓂᐅᑉ ᐃᕐᓂᖓ, ᓈᑉᑕᓕᐅᑉ ᑭᖑᕚᖏᓐᓂ ᓯᕗᓕᕐᑎᐅᔪᖅ, ᑐᓂᕐᕈᓯᕆᐊᕐᑐᓚᐅᕐᐳᖅ. 79ᑐᓂᕐᕈᓯᓚᐅᕐᐳᖅ ᐸᓕᐊᕐᒥᒃ ᓯᐅᓪᕕᕆᒥᒃ, ᐅᖁᒤᓐᓂᖃᕐᑐᒥᒃ 3 1/4 ᐸᐅᓐᒥᒃ, ᐅᐊᓴᕐᕕᖕᒥᒡᓗ ᓯᐅᓪᕕᕆᒥᒃ ᐅᖁᒤᓐᓂᖃᕐᑐᒥᒃ 1 1/4 ᐸᐅᓐᒥᒃ, ᐅᖁᒤᓐᓂᕐᓂᐊᕈᑎᑦ ᐃᑦᔪᕐᓁᑦᑐᕕᖕᒥ ᒪᓕᒡᓗᒋᑦ, ᑖᒃᑯᐊᓕᒫᑦ ᑕᑕᑉᐳᒃ ᓂᐊᖂᔭᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᒃ, ᐅᕐᓱᒥᒃ ᐃᓚᓯᒪᓪᓗᒍ ᓂᐊᖂᔭᒃᓴᐅᑉ ᑐᓂᕐᕈᑕᐅᓂᖓᓄᑦ; 80ᐊᑕᐅᓯᕐᒥᒡᓗ ᐴᒍᑕᕐᒥᒃ ᒎᓗᒥᒃ 0.8 ᐊᐅᓐᓯᔅᒥᒃ ᐅᖁᒤᓐᓂᖃᕐᑐᒥᒃ, ᑕᑕᓪᓗᓂᓗ ᐃᓐᓴᓐᓯᒥᒃ ᑎᐱᑦᓯᐊᕆᒃᑐᒥᒃ; 81ᐃᓐᓇᐅᖏᑦᑐᒥᒡᓗ ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᓰᐱᐅᓪᓗ ᐊᖑᓴᓪᓗᖓᓂᒃ ᐊᑕᐅᓯᕐᒥᒃ, ᐊᑕᐅᓯᕐᒥᒡᓗ ᓰᐱᐅᒃ ᓄᕐᕋᖓᓂᒃ ᐊᖑᒻᒥᒃ ᐊᕐᕌᒍᖃᕐᑐᒥᒃ ᐊᑕᐅᓯᕐᒥᒃ, ᑖᒃᑯᐊ ᐆᑕᒃᓴᐅᓪᓗᑎᒃ ᑐᓂᕐᕈᑕᐅᕗᑦ. 82ᒎᑦᓯᐅᓪᓗ ᓄᕐᕋᖓᓂᒃ ᐊᑕᐅᓯᕐᒥᒃ ᑐᓂᕐᕈᑎᖃᕆᕗᖅ ᐊᔪᕐᓂᖅ ᐱᓪᓗᒍ. 83ᑐᓂᕐᕈᓯᕆᐊᖃᕆᕗᕐᓗ ᓮᒪᓂᖅ ᐱᓪᓗᒍ ᐃᒤᑦᑐᓂᒃ: ᐃᒻᒧᒃᓯᐅᒑᖕᓂᒃ ᒪᕐᕉᖕᓂᒃ, ᓰᐱᐅᑉ ᐊᖑᓴᓪᓗᖏᓐᓂᒃ ᑕᓪᓕᒪᓂᒃ, ᒎᑦᓯᓂᒡᓗ ᐊᖑᓴᓪᓗᕐᓂᒃ ᑕᓪᓕᒪᓂᒃ, ᓰᐱᐅᓪᓗ ᓄᕐᕋᖏᓐᓂᒃ ᐊᖑᑎᓂᒃ ᑕᓪᓕᒪᓂᒃ ᐊᕐᕌᒍᖃᕐᑐᓂᒃ ᐊᑕᐅᓯᕐᒥᒃ. ᑖᒃᑯᐊ ᑕᕝᕙ ᐊᕼᐂᕋᐅᑉ ᐃᓈᓂᐅᑉ ᐃᕐᓂᖓᑕ ᑐᓂᕐᕈᑎᒋᓚᐅᕐᑕᖏᑦ.
84ᑕᒪᑦᔭ ᐃᓴᕆᐊᓕᒥᐅᑦ ᓯᕗᓕᕐᑎᖏᓐᓂᑦ ᑐᓂᕐᕈᓯᕐᕕᐅᑉ ᐃᑦᔪᕐᓁᑎᑕᐅᓂᖓᓄᑦ ᑐᓂᕐᕈᑎᒋᔭᐅᓚᐅᕐᑐᑦ, ᑐᒃᓯᐊᕐᓂᒃᑯᑦ ᐅᕐᓱᒧᑦ ᒥᖑᐊᕐᑕᐅᑎᓪᓗᒍ: 12 ᐴᒍᑍᑦ ᓯᐅᓪᕕᕇᑦ, 12 ᓯᐅᓪᕕᕇᑦ ᐅᐊᓴᕐᕖᑦ, 12ᓗ ᐴᒍᑍᑦ ᒎᓗᐃᑦ. 85ᐴᒍᑍᑦ ᐊᑐᓂᑦ 3 1/4 ᐸᐅᓐᒥᒃ ᐅᖁᒤᓐᓂᖃᓚᐅᕐᐳᑦ, ᐅᐊᓴᕐᕖᓪᓗ 1 3/4 ᐸᐅᓐᒥᒃ ᐅᖁᒤᓐᓂᖃᓚᐅᕐᐳᑦ. ᓯᐅᓪᕕᕆᑦ ᐊᑕᖏᕐᓗᑎᒃ 60ᐸᐅᓐᒥᒃ ᐅᖁᒤᓐᓂᖃᓚᐅᕐᐳᑦ, ᐃᑦᔪᕐᓁᑦᑐᕕᐅᑉ ᐅᖁᒤᓐᓂᕐᓂᐊᕈᑎᖏᑦ ᒪᓕᒡᓗᒋᑦ. 86ᒍᓗᐃᑦ 12 ᐴᒍᑍᑦ ᐃᓐᓴᓯᒥᒃ ᑕᑕᑦᑐᑦ 0.8 ᐊᐅᓐᓯᔅᒥᒃ ᐅᖁᒤᓐᓂᖃᓚᐅᕐᐳᑦ ᐊᑐᓂᑦ, ᐃᑦᔪᕐᓁᑦᑐᕕᐅᑉ ᐅᖁᒤᓐᓂᕐᓯᐅᑎᖓ ᒪᓕᒡᓗᒍ; ᒎᓗᐃᑦ ᐅᖁᒤᓐᓂᖏᑦ ᑲᑎᓪᓗᒋᑦ 3ᐸᐅᓐᒥᒃ ᐅᖁᒤᓐᓂᖃᓚᐅᕐᐳᑦ. 87ᐃᒻᒧᒃᓯᐅᒊᑦ ᐆᑕᒃᓮᑦ 12ᓚᐅᕐᐳᑦ ᐸᖕᓃᑦ ᐃᓐᓇᐅᖏᑦᑐᑦ, ᓰᐱᐅᓪᓗ ᐊᖑᓴᓪᓗᖏᑦ 12ᓗᑎᒃ, ᓰᐱᐅᓪᓗ ᓄᕐᕋᖏᑦ ᐊᖑᑎᑦ ᐊᑕᐅᓯᕐᒥᒃ ᐊᕐᕌᒍᖃᕐᑐᑦ, ᓂᐊᖂᔭᒃᓮᓪᓗ ᑐᓂᕐᕈᑏᑦ, ᒎᑦᓰᓪᓗ ᓄᕐᕋᖏᑦ ᐊᔪᕐᓂᖅ ᐱᓪᓗᒍ ᑐᓂᕐᕈᑕᐅᔪᑦ 12ᓚᐅᕆᕗᑦ. 88ᐃᒻᒧᒃᓯᐅᒊᑦ ᓮᒻᒪᕐᑎᑕᐅᓂᖅ ᐱᓪᓗᒍ ᑐᓂᕐᕈᑕᐅᔪᑦ ᐅᓄᕐᓂᖏᑦ 24ᖑᓚᐅᕐᐳᑦ, ᓰᐱᑦ ᐊᖑᓴᓪᓗᐃᑦ 60ᐅᓚᐅᕐᐳᑦ, ᒎᑦᓯᑦ ᐊᖑᓴᓪᓗᐃᑦ 60ᐅᓚᐅᕐᐳᑦ, ᓰᐱᐅᓪᓗ ᓄᕐᕋᖏᑦ ᐊᑕᐅᓯᕐᒥᒃ ᐊᕐᕌᒍᖃᕐᑐᑦ 60ᐅᓚᐅᕐᐳᑦ. ᑖᒃᑯᐊ ᑕᕝᕙ ᐃᑦᔪᕐᓁᑎᑦᓯᓂᕐᒧᑦ ᑐᓂᕐᕈᓯᕐᕕᖕᒥᒃ ᑐᓂᕐᕈᑕᐅᓚᐅᕐᑐᑦ ᐅᕐᓱᒧᑦ ᑐᒃᓯᐊᕐᓂᒃᑯᑦ ᒥᖑᐊᕐᑕᐅᑎᓪᓗᒍ.
89ᒨᓯᓯᓕ ᑐᐱᕐᔪᐊᒧᑦ ᐃᑎᓚᐅᕐᐳᖅ ᐊᑕᓂᖅ ᐅᖃᖃᑎᒋᔭᕐᑐᕐᓗᒍ, ᓂᐱᖓᓂᒡᓗ ᑐᓴᓚᐅᕐᐳᖅ ᐃᒻᒥᓄᑦ ᐅᖃᕐᑐᒥᒃ ᓂᑲᒋᔭᐅᕕᐅᑉ ᐃᒃᓯᕙᐅᑕᕐᔪᐊᑉ ᖁᓛᓂᑦ ᐱᔪᒥᒃ, ᑖᓐᓇᓗ ᐃᒃᓯᕐᕕᐅᑉ ᐊᖏᕈᑎᑕᓕᐅᑉ ᖄᖓᓂ ᐃᓂᖃᓚᐅᕐᐳᖅ, ᐂᓐᖏᓕᖑᐊᒃ ᓯᐅᕋᐱᒥᒃ ᐊᑎᖃᕐᑑᒃ ᐊᑯᓐᓂᖓᓃᑦᑐᖅ; ᑖᑦᓱᒪᓗ ᐅᖃᖃᑎᒋᓚᐅᕐᐹ.
Currently Selected:
ᒨᓯᓯ ᓯᑕᒪᖏᑦ 7: EAIB
Highlight
Copy
Compare
Share
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.