Walumi 1
1
1Nie Paulo, mtumigwa wa Kilisito Yesu, na msenga nisaguligwe na kukemigwa na Mulungu kwambuli ya kuligula Usenga Unogile wa Mulungu.
2Usenga Unogile ulalikigwa kulawa umwaka na Mulungu kubitila walagusi wa Mulungu, kama viyandikigwe Mmayandiko ga Mulungu. 3Usenga uno Unogile wiza kwambuli ya Mwanage mwenyego, ija yavumbuke kama munhu viyavumbuka, muulelo wa Daudi, 4na kwa udaho wa Muhe wa Mulungu, Mulungu kamlagusa kua Mwana wake haja viyamzilibule. Iyo iyo Mndewa wetu Yesu Kilisito. 5Kwa kubitila iyo Yesu Kilisito, Mulungu kaning'ha unovu wake niwe msenga, ili kwambuli yake nidahe kuwalongoza wanhu wa isi zose wadahe kumtogola na kumtegeleza. 6Mweye ivija mwaumo mwa waja wakemigwe na Mulungu muwe wanhu wake Yesu Kilisito.
7Ivo, nomwandikileni mweye mose mkala uko Loma Mulungu yeli na wende ng'hani na mweye na yamkemileni muwe wanhu wake. Nowapulila unovu wa Mulungu na utindiwala ulawa kwa Mulungu Tata yetu na Mndewa Yesu Kilisito ukale hamwe na mweye.
Paulo komwing'ha hewela Mulungu
8Mosi, nomwing'ha hewela Mulungu wangu kubitila Yesu Kilisito mlinayo wose, kwavija isi yose ihulika kutogola kwenu. 9Mulungu ija inimsang'hanila kwa moyo wangu kuligula Usenga Unogile kwambuli ya Mwanage. Mulungu koona na kovimanya kua simsemwani mazua gose hata haja nihapula. 10Nompula Mulungu yahalonda mhate nyafasi ya kwiza kuwatembelela.
11Chinilonda ng'hani nie kumuonani mweye, nidahe kuwatazeni kwambuli ya kutogola kwenu ili mgangamale. 12Chinilonga hano cheye chose nie na mweye chiigele moyo cheye kwa cheye kwa kumtogola Kilisito. 13Ndugu zangu molondeka mvimanye, mala nyingi nilonda kwiza kuwatembelela mbali kuna mbuli zokanhigiza kusang'hana ivo. Nilonda nione ganogile kulawa kumwenu ivija, kama ganionile kulawa kwa wanhu wa isi zimwenga. 14Nina sang'hano kwa mbuli ya wose, Wayunani na haweli Wayunani, weli na nzewele na walibule nzewele, weli na ilimu na haweli ilimu. 15Iyo maana nolonda kuligula Usenga Unogile kwenu mweye mkala uko Loma.
Hana udaho Muusenga Unogile
16Siona chinyala kuligula Usenga Unogile, kwavija ni udaho wa Mulungu uwalohola wanhu wose womtogola Yesu, kusongela kwa Wayahudi na waja haweli Wayahudi. 17Kwavija Usenga Unogile wolagusa vija Mulungu viyolonda chitogoligwe nayo, mbuli ino yosang'hanika kwakutogola, kulawa haichanduso mbaka hauhelelo, kama viyandikigwe, “Munhu yotogoligwa na Mulungu kokala kwa kulongozigwa na nhogola yake.”
Ubananzi wa wanhu
18Ng'hasiliki ya Mulungu iyoneka kweli kulawa kuulanga kwambuli ya wanhu womlema na kutenda ubananzi. Wanhu wao wouhinduka ukweli wake kwa ubananzi wao. 19Mulungu kawalamula wose, kwavija gaja galondeke kumanyika kwambuli ya Mulungu gahazelu kumwao, Mulungu mwenyego kageka hazelu. 20Kulawa Mulungu viyalumbile isi, wanhu wodaha kumanya Mulungu viyeli hata kama haoneka kwa meso. Wanhu wodaha kumanya kua Mulungu kana udaho mazua gose galibule uhelelo na kua iyo Mulungu yaiyeka kwambuli ya vinhu viyalumbile. Baho wanhu hawadaha kulonga kua hawammanyile Mulungu. 21Maza wommanya Mulungu, mbali hawamtegeleza hebu kumwing'ha hewela kama viilondeka. Badili yake, nhonga zao ni ubozi na hawaumanya usenga wa Mulungu. 22Woigoda wana nzewele, mbali ni wabozi, 23woleka kumfugamila Mulungu yelibule uhelelo, badili yake wofugamila nyang'iti ziigala na wanhu waja wodanganika, hamwe na wanyama na ndege hebu vilumbe vija vitambala.
24Kwambuli iyo, Mulungu kawaleka wawinze maya zihile na kuitendela mbuli za chinyala wenyego kwa wenyego. 25Wauleka ukweli wa Mulungu na kuwinza uvwizi, wovifugamila vilumbe na kuvisang'hanila badili ya Mulungu mwenyego yavilumbile, ija yolondeka kwing'higwa nhogolwa ilibule uhelelo! Pepaa.
26Kwaivo, Mulungu kawaleka wawinze maya zao zihile. Hata wanachike wohindula sang'hano za ng'huli zao wowaleka walume woisola wenyego kwa wenyego. 27Ivija na walume nao waleka kuwinza nzila inogile ya malumbo ga muke na mulume na woingilila wenyego kwa wenyego. Walume woigela chinyala wenyego, kwaivo wailondela wenyego kulamuligwa hakulu vija viilondeka kwa mbuli zao zihile ziwasang'hana.
28Kwavija wanhu walema kummanya Mulungu, Mulungu kawaleka mzinhonga zao zihile, wasang'hane gaja hagalondeke kusang'hanigwa nao. 29Wamema ubananzi wa chila mbuli, luhadu na malozo na maya yakulonda chila chinhu chiwe chao, maya ihile na migongo na ukomaji na ndwagi na uvwizi na kutonga gehile na kuwalongeleza wayao, 30na weli na maligo na womwihila Mulungu, wanhu hawagesa mbuli za wayao weli na zeleu, wanhu weli na magoda na woiona magalu. Wanhu wao mazua gose wolonda nzila ya kusang'hana ubananzi na hawawategeleza tata na mami zao. 31Wabozi, hawakomeleza gaja gawalalika na wabule unovu hebu bazi kwa wamwenga. 32Wovimanya kua ndagizi ya Mulungu yolonga kua wanhu wosang'hana ivo, wolondeka kudanganika. Chikulu ng'hani sio tu kua wosang'hana gago wao wenyego, mbali wowagweka hata waja wosang'hana gago.
Currently Selected:
Walumi 1: KBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Kami @The Word for The World International and Kami Language translation. All rights reserved.
Walumi 1
1
1Nie Paulo, mtumigwa wa Kilisito Yesu, na msenga nisaguligwe na kukemigwa na Mulungu kwambuli ya kuligula Usenga Unogile wa Mulungu.
2Usenga Unogile ulalikigwa kulawa umwaka na Mulungu kubitila walagusi wa Mulungu, kama viyandikigwe Mmayandiko ga Mulungu. 3Usenga uno Unogile wiza kwambuli ya Mwanage mwenyego, ija yavumbuke kama munhu viyavumbuka, muulelo wa Daudi, 4na kwa udaho wa Muhe wa Mulungu, Mulungu kamlagusa kua Mwana wake haja viyamzilibule. Iyo iyo Mndewa wetu Yesu Kilisito. 5Kwa kubitila iyo Yesu Kilisito, Mulungu kaning'ha unovu wake niwe msenga, ili kwambuli yake nidahe kuwalongoza wanhu wa isi zose wadahe kumtogola na kumtegeleza. 6Mweye ivija mwaumo mwa waja wakemigwe na Mulungu muwe wanhu wake Yesu Kilisito.
7Ivo, nomwandikileni mweye mose mkala uko Loma Mulungu yeli na wende ng'hani na mweye na yamkemileni muwe wanhu wake. Nowapulila unovu wa Mulungu na utindiwala ulawa kwa Mulungu Tata yetu na Mndewa Yesu Kilisito ukale hamwe na mweye.
Paulo komwing'ha hewela Mulungu
8Mosi, nomwing'ha hewela Mulungu wangu kubitila Yesu Kilisito mlinayo wose, kwavija isi yose ihulika kutogola kwenu. 9Mulungu ija inimsang'hanila kwa moyo wangu kuligula Usenga Unogile kwambuli ya Mwanage. Mulungu koona na kovimanya kua simsemwani mazua gose hata haja nihapula. 10Nompula Mulungu yahalonda mhate nyafasi ya kwiza kuwatembelela.
11Chinilonda ng'hani nie kumuonani mweye, nidahe kuwatazeni kwambuli ya kutogola kwenu ili mgangamale. 12Chinilonga hano cheye chose nie na mweye chiigele moyo cheye kwa cheye kwa kumtogola Kilisito. 13Ndugu zangu molondeka mvimanye, mala nyingi nilonda kwiza kuwatembelela mbali kuna mbuli zokanhigiza kusang'hana ivo. Nilonda nione ganogile kulawa kumwenu ivija, kama ganionile kulawa kwa wanhu wa isi zimwenga. 14Nina sang'hano kwa mbuli ya wose, Wayunani na haweli Wayunani, weli na nzewele na walibule nzewele, weli na ilimu na haweli ilimu. 15Iyo maana nolonda kuligula Usenga Unogile kwenu mweye mkala uko Loma.
Hana udaho Muusenga Unogile
16Siona chinyala kuligula Usenga Unogile, kwavija ni udaho wa Mulungu uwalohola wanhu wose womtogola Yesu, kusongela kwa Wayahudi na waja haweli Wayahudi. 17Kwavija Usenga Unogile wolagusa vija Mulungu viyolonda chitogoligwe nayo, mbuli ino yosang'hanika kwakutogola, kulawa haichanduso mbaka hauhelelo, kama viyandikigwe, “Munhu yotogoligwa na Mulungu kokala kwa kulongozigwa na nhogola yake.”
Ubananzi wa wanhu
18Ng'hasiliki ya Mulungu iyoneka kweli kulawa kuulanga kwambuli ya wanhu womlema na kutenda ubananzi. Wanhu wao wouhinduka ukweli wake kwa ubananzi wao. 19Mulungu kawalamula wose, kwavija gaja galondeke kumanyika kwambuli ya Mulungu gahazelu kumwao, Mulungu mwenyego kageka hazelu. 20Kulawa Mulungu viyalumbile isi, wanhu wodaha kumanya Mulungu viyeli hata kama haoneka kwa meso. Wanhu wodaha kumanya kua Mulungu kana udaho mazua gose galibule uhelelo na kua iyo Mulungu yaiyeka kwambuli ya vinhu viyalumbile. Baho wanhu hawadaha kulonga kua hawammanyile Mulungu. 21Maza wommanya Mulungu, mbali hawamtegeleza hebu kumwing'ha hewela kama viilondeka. Badili yake, nhonga zao ni ubozi na hawaumanya usenga wa Mulungu. 22Woigoda wana nzewele, mbali ni wabozi, 23woleka kumfugamila Mulungu yelibule uhelelo, badili yake wofugamila nyang'iti ziigala na wanhu waja wodanganika, hamwe na wanyama na ndege hebu vilumbe vija vitambala.
24Kwambuli iyo, Mulungu kawaleka wawinze maya zihile na kuitendela mbuli za chinyala wenyego kwa wenyego. 25Wauleka ukweli wa Mulungu na kuwinza uvwizi, wovifugamila vilumbe na kuvisang'hanila badili ya Mulungu mwenyego yavilumbile, ija yolondeka kwing'higwa nhogolwa ilibule uhelelo! Pepaa.
26Kwaivo, Mulungu kawaleka wawinze maya zao zihile. Hata wanachike wohindula sang'hano za ng'huli zao wowaleka walume woisola wenyego kwa wenyego. 27Ivija na walume nao waleka kuwinza nzila inogile ya malumbo ga muke na mulume na woingilila wenyego kwa wenyego. Walume woigela chinyala wenyego, kwaivo wailondela wenyego kulamuligwa hakulu vija viilondeka kwa mbuli zao zihile ziwasang'hana.
28Kwavija wanhu walema kummanya Mulungu, Mulungu kawaleka mzinhonga zao zihile, wasang'hane gaja hagalondeke kusang'hanigwa nao. 29Wamema ubananzi wa chila mbuli, luhadu na malozo na maya yakulonda chila chinhu chiwe chao, maya ihile na migongo na ukomaji na ndwagi na uvwizi na kutonga gehile na kuwalongeleza wayao, 30na weli na maligo na womwihila Mulungu, wanhu hawagesa mbuli za wayao weli na zeleu, wanhu weli na magoda na woiona magalu. Wanhu wao mazua gose wolonda nzila ya kusang'hana ubananzi na hawawategeleza tata na mami zao. 31Wabozi, hawakomeleza gaja gawalalika na wabule unovu hebu bazi kwa wamwenga. 32Wovimanya kua ndagizi ya Mulungu yolonga kua wanhu wosang'hana ivo, wolondeka kudanganika. Chikulu ng'hani sio tu kua wosang'hana gago wao wenyego, mbali wowagweka hata waja wosang'hana gago.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
The New Testament in Kami @The Word for The World International and Kami Language translation. All rights reserved.