Walumi 2
2
Ulamuzi wa Mulungu
1Ivo, mbwiga, kama vuuwalamula wamwenga, hudaha kuigombela ha Mulungu. Kwavija, kwakuwalamula wamwenga vihile, koilamula mwenyego manake gweye ivija kosang'hana gagaja gauwalamula wamwenga. 2Chivimanya ulamuzi wa Mulungu kwa waja wosang'hana mbuli kama izo ni ulamuzi uja haumuonela munhu. 3Mbali gweye mbwiga uwalamula vihile waja wosang'hana mbuli kama izo kuno gweye kozitenda mbuli izo izo, ivo kogesa kodaha kuubanga ulamuzi wa Mulungu? 4Hebu gweye kouzeleu utendagoya wake mkulu na kufunyamoyo kwake na kukala kwa kugozela kwake, bila kuvimanya kua utendagoya wake wolongoza udahe kuleka malozo na umhindukile Mulungu? 5Mbali gweye kuna udulu na kolema kuleka malozo na kulema kumhindukila Mulungu, kwaivo koikila nyinukila ng'hulu kwa zua dija Mulungu vonda yalaguse ludoko lwake na kulava ulamuzi wake uja haumuonela munhu. 6Zua ijo Mulungu komliha chila munhu kuilinga na mbuli ziyatendile. 7Mulungu koweng'ha ugima ulibule uhelelo, wanhu waja woiyoha kusang'hana ganogile, kwavija wolonda nhogolwa na kutogoligwa, Mulungu koweng'ha ugima ulibule uhelelo. 8Mbali waja wamwenga wailondele mbuli zao wenyego, waja wolema ukweli na kuwinza ubananzi, womtenda Mulungu yagwe ludoko na kuwenukila. 9Kokwiza kua na madununzo na kulumila kwa munhu yoyose yosang'hana gehile, kusongela kwa Wayahudi na waja haweli Wayahudi . 10Mbali Mulungu koweng'ha kutogoligwa na kuhongezigwa na utindiwala waja wosang'hana ganogile, kusongela kwa Wayahudi na waja hawali Wayahudi. 11Manake Mulungu hamlamula munhu yoyose kwa kumuonela.
12Wanhu wose haweli Wayahudi wosang'hana malozo bila kuimanya ndagizi ya Mulungu yamwing'ile Musa wobanangigwa hata kama hawaimanyile ndagizi iyo. Nawaja Wayahudi wosang'hana malozo kuno woimanya ndagizi ya Mulungu yamwing'ile Musa wokwiza kulamuligwa na ndagizi izo. 13Kwavija waja wotogoligwa na Mulungu sio waja woihulika tu ndagizi, ila waja woitegeleza na kusang'hana viilonda ndagizi wao wonda watogoligwe na Mulungu. 14Kamavija wanhu waja haweli Wayahudi walibule ndagizi, mbali kwakulongozigwa na nhonga zao wosang'hana kama viilonda ndagizi iyo kuno, baho yolagusa kua wosang'hana gaja galondeka na ndagizi, hata kama hawaimanya ndagizi. 15Viwotenda wolagusa kua wowinza viilonda ndagizi. Nhonga zao zolagusa ivija mbuli iyo, kwavija nhonga zao mala zimwenga zolagusa kua wobena ndagizi, na mala zimwenga zolagusa kua woiwinza ndagizi. 16Baho, kuilinga na Usenga uno Unogile uniwaligulila, ivo vonda iwe zua da kulamula Mulungu vonda yalamule mbuli za chifiso cha wanhu kubitila Yesu Kilisito.
Wayahudi na ndagizi
17Nagweye vilihi? Gweye mwenyego koikema Muyahudi, koitumanila ndagizi na koigodela kua gweye kwa munhu wa Mulungu, 18kogamanya goyolonda Mulungu na kodaha kusagula dija dilondeka kwavija kofundigwa na ndagizi, 19gweye koiona kua chilongozi wa vipofu na bung'hulo kwa waja weli mdiziza, 20koiona kua mfundaji wa wabozi na mfundaji wa waja hawamanyile ukweli wa Mulungu. Kunao ubala wenele wa ilimu na kweli, kwavija kuna ndagizi yokwing'ha kumanya nzewele na ubala. 21Baho, gweye kowafunda wamwenga, habali huifunda gweye mwenyego? Kowaligulila wamwenga sekewebe, kumbe na gweye kokwiba. 22Kolonga, “Sekeutende ugoni,” na kuno gweye kotenda ugoni, koihila milungu ya nyang'iti kuno gweye kokwiba mzing'anda za kufugamila milungu. 23Kwa kuigoda ati koimanya ndagizi ya Mulungu, ivo huona kua kwa kutoitegeleza ndagizi komzeleu Mulungu? 24Kamavija Mayandiko ga Mulungu vigalonga, “Wanhu wa isi zimwenga womliga Mulungu kwambuli yenu mweye Wayahudi!” 25Kwingizigwa kumbi kumwako konoga ng'hani uhaitegeleza ndagizi ya Musa. Mbali kama huitegeleza ndagizi, baho, ihanogile ng'hani kama uhakalile bila kwingila kumbi. 26Kama munhu wa isi zimwenga hengile kumbi yahaita goya kama ndagizi viilonda, Mulungu komtogola munhu iyo kama kengila kumbi. 27Wanhu wa isi zimwenga waja hawengile kumbi mbali woitegeleza ndagizi, wokulamula gweye Muyahudi huitegeleza ndagizi, kuno kunago Mayandiko ga ndagizi na kwingila kumbi. 28Iyo kulonga, sio chila yaleligwe na Muyahudi kokua Muyahudi wa kweli, ivija munhu hawa Muyahudi wa kweli kwambuli ya kwingila kumbi, 29Myahudi wa kweli ni ija yeli Muyahudi kwa mmoyo, manake ija yengile kumbi mmoyo. Ino ni mbuli ya Muhe, na sio mbuli ya Mayandiko ga ndagizi. Munhu yeli ivo, habokela nhogolwa kulawa kwa wanhu, mbali kulawa kwa Mulungu mwenyego.
Currently Selected:
Walumi 2: KBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Kami @The Word for The World International and Kami Language translation. All rights reserved.
Walumi 2
2
Ulamuzi wa Mulungu
1Ivo, mbwiga, kama vuuwalamula wamwenga, hudaha kuigombela ha Mulungu. Kwavija, kwakuwalamula wamwenga vihile, koilamula mwenyego manake gweye ivija kosang'hana gagaja gauwalamula wamwenga. 2Chivimanya ulamuzi wa Mulungu kwa waja wosang'hana mbuli kama izo ni ulamuzi uja haumuonela munhu. 3Mbali gweye mbwiga uwalamula vihile waja wosang'hana mbuli kama izo kuno gweye kozitenda mbuli izo izo, ivo kogesa kodaha kuubanga ulamuzi wa Mulungu? 4Hebu gweye kouzeleu utendagoya wake mkulu na kufunyamoyo kwake na kukala kwa kugozela kwake, bila kuvimanya kua utendagoya wake wolongoza udahe kuleka malozo na umhindukile Mulungu? 5Mbali gweye kuna udulu na kolema kuleka malozo na kulema kumhindukila Mulungu, kwaivo koikila nyinukila ng'hulu kwa zua dija Mulungu vonda yalaguse ludoko lwake na kulava ulamuzi wake uja haumuonela munhu. 6Zua ijo Mulungu komliha chila munhu kuilinga na mbuli ziyatendile. 7Mulungu koweng'ha ugima ulibule uhelelo, wanhu waja woiyoha kusang'hana ganogile, kwavija wolonda nhogolwa na kutogoligwa, Mulungu koweng'ha ugima ulibule uhelelo. 8Mbali waja wamwenga wailondele mbuli zao wenyego, waja wolema ukweli na kuwinza ubananzi, womtenda Mulungu yagwe ludoko na kuwenukila. 9Kokwiza kua na madununzo na kulumila kwa munhu yoyose yosang'hana gehile, kusongela kwa Wayahudi na waja haweli Wayahudi . 10Mbali Mulungu koweng'ha kutogoligwa na kuhongezigwa na utindiwala waja wosang'hana ganogile, kusongela kwa Wayahudi na waja hawali Wayahudi. 11Manake Mulungu hamlamula munhu yoyose kwa kumuonela.
12Wanhu wose haweli Wayahudi wosang'hana malozo bila kuimanya ndagizi ya Mulungu yamwing'ile Musa wobanangigwa hata kama hawaimanyile ndagizi iyo. Nawaja Wayahudi wosang'hana malozo kuno woimanya ndagizi ya Mulungu yamwing'ile Musa wokwiza kulamuligwa na ndagizi izo. 13Kwavija waja wotogoligwa na Mulungu sio waja woihulika tu ndagizi, ila waja woitegeleza na kusang'hana viilonda ndagizi wao wonda watogoligwe na Mulungu. 14Kamavija wanhu waja haweli Wayahudi walibule ndagizi, mbali kwakulongozigwa na nhonga zao wosang'hana kama viilonda ndagizi iyo kuno, baho yolagusa kua wosang'hana gaja galondeka na ndagizi, hata kama hawaimanya ndagizi. 15Viwotenda wolagusa kua wowinza viilonda ndagizi. Nhonga zao zolagusa ivija mbuli iyo, kwavija nhonga zao mala zimwenga zolagusa kua wobena ndagizi, na mala zimwenga zolagusa kua woiwinza ndagizi. 16Baho, kuilinga na Usenga uno Unogile uniwaligulila, ivo vonda iwe zua da kulamula Mulungu vonda yalamule mbuli za chifiso cha wanhu kubitila Yesu Kilisito.
Wayahudi na ndagizi
17Nagweye vilihi? Gweye mwenyego koikema Muyahudi, koitumanila ndagizi na koigodela kua gweye kwa munhu wa Mulungu, 18kogamanya goyolonda Mulungu na kodaha kusagula dija dilondeka kwavija kofundigwa na ndagizi, 19gweye koiona kua chilongozi wa vipofu na bung'hulo kwa waja weli mdiziza, 20koiona kua mfundaji wa wabozi na mfundaji wa waja hawamanyile ukweli wa Mulungu. Kunao ubala wenele wa ilimu na kweli, kwavija kuna ndagizi yokwing'ha kumanya nzewele na ubala. 21Baho, gweye kowafunda wamwenga, habali huifunda gweye mwenyego? Kowaligulila wamwenga sekewebe, kumbe na gweye kokwiba. 22Kolonga, “Sekeutende ugoni,” na kuno gweye kotenda ugoni, koihila milungu ya nyang'iti kuno gweye kokwiba mzing'anda za kufugamila milungu. 23Kwa kuigoda ati koimanya ndagizi ya Mulungu, ivo huona kua kwa kutoitegeleza ndagizi komzeleu Mulungu? 24Kamavija Mayandiko ga Mulungu vigalonga, “Wanhu wa isi zimwenga womliga Mulungu kwambuli yenu mweye Wayahudi!” 25Kwingizigwa kumbi kumwako konoga ng'hani uhaitegeleza ndagizi ya Musa. Mbali kama huitegeleza ndagizi, baho, ihanogile ng'hani kama uhakalile bila kwingila kumbi. 26Kama munhu wa isi zimwenga hengile kumbi yahaita goya kama ndagizi viilonda, Mulungu komtogola munhu iyo kama kengila kumbi. 27Wanhu wa isi zimwenga waja hawengile kumbi mbali woitegeleza ndagizi, wokulamula gweye Muyahudi huitegeleza ndagizi, kuno kunago Mayandiko ga ndagizi na kwingila kumbi. 28Iyo kulonga, sio chila yaleligwe na Muyahudi kokua Muyahudi wa kweli, ivija munhu hawa Muyahudi wa kweli kwambuli ya kwingila kumbi, 29Myahudi wa kweli ni ija yeli Muyahudi kwa mmoyo, manake ija yengile kumbi mmoyo. Ino ni mbuli ya Muhe, na sio mbuli ya Mayandiko ga ndagizi. Munhu yeli ivo, habokela nhogolwa kulawa kwa wanhu, mbali kulawa kwa Mulungu mwenyego.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
The New Testament in Kami @The Word for The World International and Kami Language translation. All rights reserved.