Walumi 10
10
1Mbwiga zangu, chinilonda ng'hani mmoyo na chiniwapulila ng'hani kwa Mulungu ni kua Waizilaeli wayangu waloholigwe! 2Nodaha kulonga kweli kwambuli yao kua wanhu wano wotenda kila viidahika kumzambwila Mulungu, mbali sio muumanyi wa kweli. 3Iyo kulonga hawamanyile vija Mulungu viyowatenda wanhu watogoligwe nayo, na wageza kusonga nzila yao wenyego naivo wailema nzila iyo ya Mulungu ya kuwatenda wanhu watogoligwe nayo. 4Kwakwiza Yesu Kilisito, kazitenda ndagizi zioneke sio chinhu cha kutumanila ng'hani kwa waja watogoligwe na Mulungu, ila wanhu wotogoligwa na Mulungu kwa nzila ya kumtogola Kilisito.
Ulohozi ni kwambuli ya wanhu wose
5Kwambuli ya kutogoligwa na Mulungu kwa kuitegeleza ndagizi, Musa kandika vino, “Munhu yoyose yosang'hana viilonda ndagizi kokala kwa kuwinza ndagizi iyo.” 6Mbali kwakua wakutogoligwa na Mulungu kwanzila ya kutogola, yandikigwa vino, “Sekeulonge mmoyo wako, ‘Yelihi yokwela mbaka kuulanga kwa Mulungu?’ Iyo kulonga kumgala Kilisito hasi. 7Hebu sekeulonge, ‘Yelihi yohulumuka mbaka isi ya wanhu wafile?’ Iyo kulonga kumzilibula Kilisito,” 8Mayandiko ga Mulungu golonga vino,“Usenga uo wa Mulungu wahabehi nagweye, wammulomo wako na mmoyo wako“ nayo iyo mbuli ichiligula kwambuli ya kumtogola Yesu. 9Kama uhalonga kwamlomo wako kua Yesu ni Mndewa na kotogola mmoyo wako kua Mulungu kamzilibula, koloholigwa. 10Kwavija munhu kodaha kutogoligwa na Mulungu kwakutogola muumoyo wake, na kwakulonga kwa mulomo wake kuloholigwa. 11Mayandiko ga Mulungu golonga, “Chila yomtogola hageligwa chinyala.”
12Mbuli ino ni ya wose, kwani habule tafauti kati ya Wayahudi na waja haweli Wayahudi, Mndewa wa wose ni imwe, nayo ni munhu wa nying'ha ng'hani kwao wose wompula. 13Kama Mayandiko ga Mulungu vigalonga, “Chila munhu yopula kwa zina da Mndewa, koloholigwa.”
14Baho, wompulaze iyo hawamtogole? Kaidi womtogolaze kama hawanapata kuhulika mbuli zake? Nao wohulikaze mbuli zake kama habule munhu wa kuligula? 15Nao wanhu woligulaze kama hawatumigwe? Kama vigalonga Mayandiko ga Mulungu, “Ni mbuli inogile ng'hani kumuona munhu yoligula Usenga Unogile!” 16Mbali wose hawaibokele iyo mbuli inogile. Hata Isaya viyalongile, “Mndewa, yelihi yautogole usenga wetu?” 17Uko kutogola kolawila kwa kuhulika mbuli, na mbuli iyo yolawa kwa Usenga wa Kilisito.
18Mbali nouza, ivo, hawauhulike usenga uo? Enaa, wauhulika, kama Mayandiko ga Mulungu vigalonga,
“Wanhu wahulika usenga wao chila hanhu mziisi zose.
Mbuli zao zenela mbaka muuhelelo mwa isi.”
19Kaidi nouza, ivo, wanhu wa Izilaeli hawamanyile? Musa mwenyego iyo munhu wa mosi kuidika mbuli iyo,
“Nomkemeni mweye wanhu wa isi yangu
muwaonele maya wanhu wa isi zimwenga,
nomtendani muwe na ludoko
kwa wanhu wa isi ya wabozi.”
20Amala Isaya kalonga kwa ugalu,
“Wanhu waja hawanilondile wamhata
niilagusa kumwao waja hawauza mbuli zangu.”
21Mbali kwambuli ya Izilaeli kolonga, “Mazua gose nilonda kuilumba na wanhu wangu mbali wao walema kunitegeleza na wanileka.”
Currently Selected:
Walumi 10: KBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Kami @The Word for The World International and Kami Language translation. All rights reserved.
