Walumi 16
16
Paulo kolamusa wanhu
1Baho, nonda mvimanye kua modaha kumtogola lumbu jetu Foibe, yeli msang'hanaji mdibumbila da wamtogole Kilisito weli muikae ya Kenikilea. 2Mbokeleni kwambuli ya Mndewa kama viilondigwa kuwabokela wanhu wa Mulungu. Mtazeni vovose viyolonda kulawa kumwenu, manake munhu iyo kawataza wanhu wengi na kumwangu ivija.
3Ndamusileni kina Pilisila na Akila mulumeake, wasang'hanaji wayangu muisang'hano ya Kilisito Yesu. 4Wanhu wao watogola hata wauhonza ugima wao kwambuli yangu. Wolondeka weng'higwe hewela, sio kulawa kumwangu tu, mbali ivija kulawa kwa mabumbila gose ga wamtogole Kilisito ga wanhu haweli Wayahudi. 5Nowalamsa ivija bumbila da wanhu wamtogole Kilisito diwaiting'hanila ukae kwa Pilisila na Akila.
Mlamseni ivija mbwigaangu ng'hani Epaineto yakalile wa mosi muiisi ya Asia kumtogola Kilisito. 6Mlamseni na Malia yasang'hane sang'hano kwakuiyoha kwambuli yenu. 7Walamuseni Anduloniko na Yunia, wenekae wayangu wafungigwe mdigeleza hamwe na nie, nao watumigwa wa Mulungu wawamanya ng'hani, kaidi wao wanilongolela kumtogola Kilisito.
8Ndamusileni Ampiliato, mbwigaangu kwa kuilumba na Mndewa.
9Ndamusileni Ulubano, msang'hanaji miangu muisang'hano ya Kilisito, nomlamsa ivija na mbwigaangu Sitaku. 10Ndamusileni Apele ija yalaguse katogoligwa na Kilisito. Ndamusileni wose weli muing'anda ya Alisitobulo. 11Ndamusileni Helodiani, Muyahudi miangu, na kwa wanhu wose weli muing'anda Nalikiso womtogola Mndewa.
12Ndamusileni Tulufena na Tilifosa wanachike wasang'hanaji sang'hano kwa kuiyoha kwambuli ya Mndewa Yesu Kilisito. Mlamseni mbwigaangu Pelisisi mwanachike imwenga yasang'hane sang'hano ng'hani kwambuli ya Mndewa. 13Ndamusileni Lufo, yasaguligwe na Mndewa na ndamusileni mama yake kama mama yangu. 14Ndamusileni Asunikilito na Fulegoni na Helime na Patoloba na Helima na walukolo wose weli hamwe nao.
15Ndamusileni Filologo na Yulia na Nelea na lumbu jake, mlamuseni Olimipa hamwe na wanhu wose wa Mulungu weli hamwe nao.
16Ilamseni wenyego kwa wenyego kwa chilaguso cha kulagusa kua mnawende. Molamusigwa na wanhu wose wamtogole Kilisito weli kuno.
Paulo kokomeleza malagizo gano
17Walukolo wangu, nompulani ng'hani muwalole goya na wanhu wose wogala ndwagi na kuwatenda wanhu wamwenga kuleka mafundo gamfundigwe. Muinege nao! 18Kwavija wanhu wosang'hana ivo hawamsang'hanila Kilisito Mndewa wetu, mbali wozisang'hanila zinda zao wenyego. Kwaulonzi wao unogile na mbuli zinogile za kuswangiza wanhu na kuwagiza wanhu waja hawamanyile ubananzi. 19Chila munhu kahulika kutegeleza kwenu nanie ndeng'helela ng'hani kwambuli yenu, nolonda muwe na nzewele kwa mbuli zinogile naseke mulaumigwe kwambuli zihile. 20Nayo Mulungu yeli mgala utindiwala hakawila kumhonda Mwenembago na kuweng'ha mweye ludabwa lwa kumuhuma.
Unovu wa Mndewa wetu Yesu Kilisito ukale na mweye
21Timoteo, msang'hanaji miangu komlamseni. Ivija Wayahudi wayangu Lukio na Yasoni na Sosipateli, womlamseni.
22Nie Telitio inyandika balua ino kama viyanilongele Paulo, nomlamseni kwa zina da Mndewa.
23Nie Paulo, Gayo ija mwenekae wangu, hamwe na bumbila da wamtogole Kilisito doiting'hana hamwake, kowalamseni. Elasto, mgoga sente wa kae ino, hamwe na Kwalito, komlamseni.
24Nowapulila unovu wa Mndewa wetu Yesu Kilisito ukale na mweye mose. Pepaa.
Paulo komwing'ha nhogolwa Mulungu
25Ivo, sambi na chimwing'he hewela Mulungu! Iyo kodaha kuwagangamizeni kwa kutogola Usenga Unogile wa Yesu Kilisito kama vija vinikalile nouligula kumwenu. Umwaka mbuli izo zikala zifisigwe, 26mbali sambi ukweli uwikigwa hazelu kubitila Mayandiko ga walagusi wa Mulungu, zimanyika na wanhu wa isi zose kama viyalagize Mulungu yelibule uhelelo ili wadahe kumtogola na kumtegeleza Mndewa Yesu Kilisito.
27Mulungu yeli yaiyeka, yeli na nzewele zose, ija yotogologwa kwa nzila ya Yesu Kilisito, ukulu ni wake mazua gose galibule uhelelo! Pepaa.
Currently Selected:
Walumi 16: KBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Kami @The Word for The World International and Kami Language translation. All rights reserved.