Walumi Ulongozi
Ulongozi
Chitabu chino cha Walumi yodahika chandikigwa na Msenga Paulo na yodahika chandikigwa mna umulao wa hamsini na nne na mulao wa hamsini na nane kulawa viyavumbuke Kilisito. Paulo kakala hana vika kabisa Loma ivo katuma balua ya malagizo kwa wamtogole Kilisito weli kae ya Loma, wose Wayahudi na haweli Wayahudi. Kandika balua ino viyakalile muikae ya Kolinto, uko kuyakalile mchipindi icho. Paulo kandika balua ino ili Wayahudi na haweli Wayahudi wamtogole na kumtegeleza Yesu Kilisito 16:26.
Chitabu cha Walumi ni chitabu chifaya ng'hani kwa wamtogole Kilisito weli chila hanhu na msimo wose kwavija Paulo viyaulongelele bila chifiso ulohozi vichidaha kuupata kubitila Yesu Kilisito. Paulo ivija kolumba hamwe Lagano da mwaka vidiilinga na Usenga Unogile wa Yesu Kilisito. Weli na ilimu wengi wolonga kua msitali ufaya ng'hani mchitabu chino ni 1:16 Ulonga, “Siona chinyala kuligula Usenga Unogile, kwavija ni udaho wa Mulungu uwalohola wanhu wose womtogola, kusongela kwa Wayahudi na waja haweli Wayahudi.”
Hanhu ha mosi mchitabu cha Walum (1-12) Yolongelela kwamgati ng'hani kwambuli ya mafundo ga kummanya Mulungu na hanhu hakaidi (13-15) ina malagizo mengi ga vija wamtogole Kilisito viwalondeka kukala.
Galiumo
Paulo kasonga balua yake kwa kuitambula iyo mwenyego na kulonga welihi yowandikila muisula 1:1-15
Amala kandika kwambuli ya wanhu weli na malozo viwali na ulohozi vuudaha kupatika kubitila Yesu Kilisito muisula 1:16-11-36
Paulo kolava malagizo kwa vija viwalondeka kukala na kusang'hana waja wamtogola Kilisito muisula 12:1-15-13
Paulo kokomeleza kwandika balua yake kwa Walumi kwa kuwalamusa wanhu wamwenga weli mmabumbila ga wamtogole Kilisito uko Lumi muisula 16.
Currently Selected:
Walumi Ulongozi: KBV
Highlight
Share
Compare
Copy
Want to have your highlights saved across all your devices? Sign up or sign in
The New Testament in Kami @The Word for The World International and Kami Language translation. All rights reserved.