Mlk 11
11
Yeesu washwela mu Yelusalemu kwa mbundu
(Mat 21.1-11; Luk 19.28-40; Yoh 12.12-19)
1Haŋa Yeesu na mitonge habe tuluka tonono na mukola wa Yelusalemu, busu bwa mukola wa Bethfage na Bethania tonono na kituulu kya Mizeituni. Yesu bya yiisha badingisi baye babidi. 2Na kubasaudila: «Mwena mumukola udi kumbala yiinu. Haŋa hamushwela muwoo mukola, mubanga mwana wa punda muzitikibwe, haulu haye ndee bandibwa na mundu nee yumo. Mumu zitule na mungu vishileye. 3Itu mundu yumo wamuyuujya ti: ‹Kwakaayi mwata beebya?› Mumu saudile: ‹Vidi-nyambi udi naye sungu, umualusha hakeaŋa bila kuloa.›»
4Baba badingisi haba yena na kuka banga mwana wapunda muzitikibwe hangondo ha zila, tonono na kibelo kya kyende, habe somba kumuzitula, 5bandu bamo bavanange haŋa haba bayuzya ti: «Yoo! Mukita kayi? Kwakayi mwazitula yowa mwana wapunda?» 6Baa badingisi haba bayaka beebya bye basaudila Yeesu, na baa bandu haba batabukila kuyeena. 7Haŋo haba muvishila Yeesu yowa mwaana wapunda, na kubaza ngubu yaabo haulu yaye, na Yeesu bya yakana haulu yaye. 8Bandu babule haba baza ngubu yaabo haulu ha zila; na bangi haba baza matabi mamiti mabava temba muma kunda. 9Bandu babule beyenanga busu bwa Yeesu, na baba beeva kumujyanga kunyuma yaye haba bajya miuya yaabo na kuboya ti:
«Hosana!#11.9 Hozana mu kiebalania ni kuboya utufuule hano" lola. Zabuli 86.2 Yelemia 31.7
Wafiyudibwe iye uvanga muzina dya Vidi-nyambi!#11.9 Lola Zab 118.25-26
10Na Kabejya wafiyudile butangala bwa shitu mukulu Daudi buvanga.
Kabejya watumbibwe yidi haulu!»
11Yeesu bya shwela mu Yelusalema. Na kuyena kulubunga lwa Kabejya,* na kulola bee byooso byenange haŋa. Kumona yene ndayite kyoolwa, bya nyomoka, na kuyena kumukola wa Betania kukumo na baaba mitonge baye kumi nababidi.
Yeesu wa loa muti umo washenange na bimuka
(Mat 21.18-19)
12Mwesa waye, habenange muku nyomoka Betania, Yeesu bya teezya zala. 13Bya mona mu munonga muti ukitaanibwa mutini udi na mabizi, bya yena kukalola itu kuyakana bimuka kudi wowa muti. Ila he tulukeye tonono na wowa mutu, bya ubanga na bishoshwa bobo, kumona nda kyene kindi kya iwo kuta bimuka. 14Haŋo haya jyongodela wowa mutini: «Kusomba leelo mundu nee yumo ndabanga bimuka bya kudya kyoobe!» Na badingisi baye be teejya mama mauya me yakuleye.
Yeesu wazyanga bandu beudishanga bindu mu lubunga lwa Kabejya*
(Mat 21.12-17; Luk 19.45-48; Yoh 2.13-22)
15Nyuma ya haŋa Yeesu na badingisi baye haba fika ku kisi kya Yelusalemu, Yeesu haya shwela munda mwa lubunga lwa Kabejya, bya somba kujyanga baba bandu bavanange mukuula na kuudisha bindu munda mwa lubunga. Haya fululujya biibikilo bya bandu bya bavanange muku fululujya mona yaabo, na bikala bya baba bavanange mukuta ma ngudimba#11.15 Ngudimba ni mukwaye ao kilongo kikimo na Kininga, Kutikuti na Katiti muulu. 16Na ndavasama mundu nee yumo kushwala kindu munda mwa lubunga lwa Kabejya.
17Ibobwa hekilu lula bandu na uboya: «Mahuya ga Kabejya galuboyanga ti:
‹Yendi kyaami bakitaŋananga yendi kya bandu booso umuhajya Kabejya.›#11.17 Lola Isaya 56.7 lola baanyu mwakifululujya lumba dya bakiyiba #11.17 Lola Yer 7.11 Habobwa baanyu mwakifululujya ekyu, kyayani buga dya fyaminu dya baluyiba»!
18Ba ngana batagadi* na balangidijyi ba mahuya buta habatelegejya byebya Yeesu bwebuta na habakilukeba zila yomuhegesha. Haboobwa babwanangi mumutiina, manee igandu kyoso ibuhanunu'a na ndangizyu yaayi. 19Haŋa hababufi'a mugela wa yogolwa, Yeesu hamonga na mitakibwa yaayi habahuma mu goowa moola.
Langidijyo kukidila muti wee kasa
(Mat 21.20-22)
20Hakeelu pupu, Yeesu na mitongi yaayi haŋa haba bwanaangi akilaanga mu zila, haba mona goowa muti wa mutini wakasa na mizi na mizi. 21Ihani Petelo haya geza byeebya Yeesu byeebuloba goowa mti, na haya musawiila Yeesu: «Mulangidijyi lola guugu muti wa mutini goobuloga wakasa!»
22Habobwa Yeesu haya basawiila mitakiibwa yaayi: «Muyaani na ulungidila udi Kabejya! 23Namisawiila unindu, mundu gulubengeneena usagula yoowa gooso mundu wasawiila ki'i ibanjwa: ‹Ziiku'a hadihanhu na inanga na waitaashi munda mwa iziba.› Watabu'a, byooso byeedi muhazya byateebwanga munda mwa tima dyoobe, ihani, byayananga bebya byobuhajya. 24Ukidila bibi namisawiila ti: bindu, byooso byamwahajyanga udi Kabejya, mutabu'i ti, Kabejya wamigabila na hanha Kabejya wanibilanga unindu. 25Na ishu mudi muuhaajya Kabejya, ishu mundu yumu gubumiteela bubi, mumufwidi lusa. Koboya ti, shiinu ghudi u lububi wamifwiidi na banyu lusa mu bubi bwiinu byanga byeeba. [26Na ishu ndamooyana mumumona bandu bangi lusa, shiinu gudi u lububi ndyoo mifwila lusa mu bubi bwamudi mumuteela.»]
Butangala bwa Yeesu bubu huma uni
(Mat 21.23-27; Luk 20.1-8)
27Yeesu na ndingisi* yaayi haba galu'a lungi u issi kya Yeluzalema. Mukyee'a ihindu Yeesu kyebwa nangi musumu'a munda mwa lubunga, ba mupelu batagadi, na balangidijyi ba Buta na banunu babu weena#11.27 Balangidijyi ba Buta na banunu uyu'a butangala bwa Yeesu bubu huma uni? Ngu kidila biibi bibuta Yeesu itu twa lola Malako 11.1-26. udi Yeesu, haba sheenena udi Yeesu, 28na haba kidi mumu yuujya biibi: «Buubu butangala boobi, bubu vueya uni? Inani fuku gabila butangala boota biibi?» 29Yeesu haya balunga biibi: «Na mimi shaami yujyanga indu kiimu ye. Ishu mwani lunga, na miimi na misawiilanga ubu vueya butangala bwaami. 30Muni sawiidi, butangala bwa Yohane boo bayabi'a bandu mu meema, bubu huma udi Kabejya ao u bandu? Muni lungi»!
31Baaba banunu habakidi muuyi yujyijyeena ebu banindu, na haba boya: «Ishu twa mulunga tii: ‹Boobwa butangala bubu huma udi Kabejya›, watu sawiilanga ti: ‹Haboobwa ngyaayi kya mushibu tabwiila Yowani?› 32Ishu gungi twabo'a ti: ‹Butangala buvanyomoka ku bandu›, haba tiina bungi bwa bandu manee bandu booso babu tabu'a ti Yohane unindu gubwa nangi mubushi wa Kabejya.» 33Haboobwa haba mu lunga Yeesu ti: «Baashu ndatulu yu'a.» Yeesu haya ba sawiila: «Ishu mbyeebya, na miimi, shomi sawiila nguni ubu vueya butangala mwandi muuta nabu mwambu».
Currently Selected:
Mlk 11: bnx
Highlight
Copy
Compare
Share
Want to have your highlights saved across all your devices? Sign up or sign in
2025 Forum Communautairre des Traducteurs de la bible et Alphabetisation
