San Mateo 3
3
U Wan ajb'nal qasna' xub'ij utzij Dios
(Mr 1:18; Lc 3:1-17; Jn 1:19-28)
1Chpam taq ije', xpi nachi Wan ub'i'. Re kitjin che u'anik qasna' chke mnaq chpam jun lyar che xa chqi'j ulew, o pukwent tinmit Judea. Xuya ub'ixik utzij Dios chla'. 2Xub'ij: «Chik'xa ichomnik chpam iwanma'. Chiy'a kan u'anik imak, mal xa nqaj chik k'wi utzlaj atb'altzij rech Dios kpi chla' chkaj», xcha'. 3Nachi ri', jarewa xub'ij kan najb'il utzij Dios ujer che Isaías ub'i'. Re xub'ij kanoq:
«K'aljan uch'ab'al jun kusik'b'aj rib' chpam jun lyar che xa chqi'j ulew, kub'ij:
“¡China utz che ub'e jachi kb'in Qajaw;
chisuk'b'a', chinojsaj jumpa nk'aj jul o chpam ub'e Qajaw!”» (Is 40:3)
Jare utzij Dios utz'ib'am kan u Isaías ujer.
4Le ritz'yaq u Wan kukojo antajnaq ruk' rismal jun nim uy', camello ub'i'. Ni nuximb'al ukjom, xa tz'um. Xa sak', xa u'al taq kab' kutij che uwa. 5Ik'i nk'aj mnaq xipitik, iy'o iyaj Jerusalén rich'il jumpa tinmit o pukwent Judea, soq rich'il mnaq iy'o ptaq tinmit chuchi' jun ja', Jordán ub'i'. Kunjel ke xiyo'pan ruk' u Wan che utatb'xik sutaq kub'ij. 6Echi' xb'itaj kmak kmal, x'an qasna' chke rmal u Wan chpam un ja' Jordán.
7Per echi' xurilo che jwert ik'i nk'aj fariseo rich'il nk'aj saduceo ipitnaq ruk' rech k'an qasna' chke, xub'ij chke: «¡Ix mas xib'al'ib' iwilik, peche ixralk'al itzel taq kmatz! ¿Chin xub'ij chiwe che kixanmaj chjuch k'ejsb'al iwuch kuya Dios? ¿Le kichomaj ix che kixkunik kixanmaj chjuch k'ejsb'al iwuch kuya na Dios chiwe? 8China utzil kuk' mnaq rech k'alnik che xik'ex ichomnik chpam iwanma', y xiya kan u'anik imak. 9Xaq mib'ij pik'u'x: “Qo'j mas uj'utz, Dios kuk'ejsaj t qawuch, mal qo'j ujri'y umam u Abraham”, kixcha'. Jala taj kib'ij, mal wet kraj Dios, kikunik ku'on ri'y umam u Abraham chke nk'aj ab'aji'. Dios, ixinmister taj ix che. 10Nk'aj mnaq xaq ijnam ruk' nk'aj che'. Yijb'am chik nikej#3:10 Nikej rech Dios. rech kket nk'aj che'. Chinchke jun che' che kuya t utzlaj taq uwuch, kketik y kti' p'a'. Jala kikriq mnaq che xa ustaj kik'ano peche kikriq nk'aj che' le'. 11In kin'an qasna' chiwe xaq ruk' ja', rech k'alnik che xik'ex ichomnik chpam iwanma'. Kpi chna jun achi che mas nim u'ij chinwuch in. Tqal t chwe kink'am b'i uxjab'. Ni Re kuqasaj Tyoxlaj Uxlab'xel pijlom, soq rich'il a', peche qasna' ku'on che. 12Re ku'on atb'altzij pkijlom mnaq. Kyuchay nk'aj che i'utz, soq kyuchay nk'aj che xa i'ustaj. Jala ku'ono peche ku'on jun ajchak che o upala pu'ab'. Kujos'ij nk'aj uch'el nk'aj kna',#3:12 Tyox Wuj kch'aw chrij triko. kuresaj chpam rij. Tik'ri kumolo, kuya chpam uk'olb'al. Per ni nk'aj rij xa kuti'o. Soq jala ku'on chke mnaq. Kyutas nk'aj che i'utz, kyuya ruk'. Ni nk'aj che xa i'ustaj, kyuti' chpam jun a' che kchup taj». Jala xub'ij u Wan chke.
U Wan xu'on qasna' che Jesús
(Mr 1:9-11; Lc 3:21-22; Jn 1:31-34)
13Ri Jesús xel b'i chpam un lyar Galilea y x'e chuchi' un ja' Jordán rech k'an qasna' che rmal u Wan. 14Per nu Wan kraj taj ku'on qasna' che Jesús, mal kuchomaj che tqal taj che. Ena xub'ij che:
—Jare nmister che at ka'an qasna' chwi'n, ni le' su mow che xa in kin'an qasna' chawe, —xche che.
15Ni Jesús xub'ij che:
—Chewa chanim o mow we jawa kqa'ano rech puro jala k'antjik peche kraj Dios, —xche che.
Tik'ri utz xuta u Wan che jala k'antjik. 16Echi' x'antaj qasna' che Jesús, xel loq chpam ja'. Echi' kitjinik kel loq chpam ja', xtortaj kaj, y xurilo che xqaj loq Tyoxlaj Uxlab'xel pujlom, peche unom jun tz'kin paloma ub'i'. 17Tik'ri x'aljan uch'ab'al Jun xch'aw loq chkaj, xub'ij:
«Jarewa ri Walk'al che mas kwaj. Mas kinki'kat che», xcha'.
Currently Selected:
San Mateo 3: qucSAS
Highlight
Share
Copy
Want to have your highlights saved across all your devices? Sign up or sign in
El Nuevo Testamento
en K'iche' de San Andrés Sajcabajá
© 2024 Asociación Educativa y Cultural Maya (AECM)
en colaboración con SIL Global
