Ebikhole 5
5
Anania naSafira
1Ne omundu undi owalangwa mbu Anania, halala nende Safira omukhasiwe, yakusia omukunda, 2niyeebiishila omwene eshitonye shiobukusi, omukhasiwe yesi namanyile, naleera eshitonye nashira hamakulu kabarume. 3Naye Petero nasunga mbu Anania, mbushiina Setani niyeetsula mumwoyokwo, nobeehela Roho Omutakatifu niwibiishila eshitonye shiobukusi bwomukunda? 4Olwa kwali nikushili, shikwali nikuli okukwo? Mana nikumalile okhukusibwa, shikwali mubunyali bubwo? Kabeele karie likhuwa lino niliitsa mumwoyokwo? Shiobeeheele abandu ta, habula Nyasaye. 5Anania nahulila amakhuwa ako, nakwa hasi, nakhalikha omwoyo; mana oburii obukhongo nibubahamba bosi abahulilakhwo. 6Abasooliili nabo nibarula nibamukanyila musanda, nibamuchinga nibamurusiaho, nibamuyabila.
7Mana olunyuma Iweshise shinga eshietsisaa tsitaru, omukhasiwe niyoolaho, naramanyile akali nikakholeeshe ta. 8Petero namusunjila ari Mboolelakhwo nimuba nimwakusiye omukunda okwo obukusi nalebe nohomba. Naye naboola mbu Ee, bwabeele burio. 9Mana Petero namusunjila ari Mubeele murie nimusanga okhuteema Roho wOmwami? Lola, abamuyabiile omusaatsawo mbabo hamuliango; nawe wesi balakhuchinga nibakhurusiaho. 10Naye nakwa hamakuluke habwene nahabwene, nakhalikha omwoyo; abasooliili abo nibeenjila nibamunyoola nafwile, nibamuchinga nibamurusiaho nibamuyabila ahambi nomusaatsawe. 11Oburii obukhongo nibuhamba ikanisa yosi, nende abo bosi abahulilakhwo.
Ebilolelo nende amangalimwa ebinji biakholwa
12Ebilolelo nende amangalimwa ebinji biakholwa mubandu nende amakhono kabarume; nabo bosi balinjiho nomwoyo mulala mushitsafu shiaSulemani. 13Ne khubandi yabulaho owatsaalikha okhwiyunga khubo, nebutswa abandu babeetsoomia; 14ne abasuubili bameetekha khuMwami abanji, ari abasaatsa ari abakhasi; 15kata nibachinganga abalwale nibabayila khumihanda, nibabaalisia khubitali nende khumikeka, mbu olwa Petero yakhaba nabirayo, kata eshiiniinishie shiakhanyala okhubirakhwo khuwundi khubo. 16Khandi bali nibakhung'aanileho omukanda okwarula mumataala akarondokhana nende Yerusalemu, nibaleera abalwale bandi, nende abo abanyasibungwa nende abaroho beshifwabwi; nibahonibwa buli mundu.
Abarume basakanibwa
17Mana Omukuhani Omukhulundu, halala nende bosi aba yali ninabo, nibo abomwahukho kwabaSadukayo, bayakukha nibatiilwa imbalikha, 18nibakwa khubarume, nibababoha mumbohe. 19Ne mushilo malaika wOmwami yeekula emiliango chieicheela, nabarusiamwo, nasunga 20mbu Tsie, musinjile muhekalu, muboolele abandu amakhuwa kosi kObulamu tsana. 21Nabo olwa bahulila bario, nibeenjila muhekalu obukwe nibusheba, nibeechesia.
Ne Omukuhani Omukhulundu niyeetsa, nende abo aba yali ninabo, nibakhumg'aasia abeshiina, nende abakofu bosi babaana baIsiraeli, nibaruma abandu enanzu yeicheela mbu baleerwe. 22Ne abakhalabani abatsiayo banyoola nibahuma mucheela; nibakalukha, nibaboola 23bari Icheela khuchinyoolile niyiikaalwe habwene, abalindi nibasinjiile hamiliango; nebutswa olwa khwikuule, shikhunyoolilemwo omundu yesi ta. 24Ne olwa omuseesia owomuhekalu nende abakhulundu babakuhani bahulila amakhuwa ako, bakanakania muno, nikabaramba, mbu kakhali karie? 25Mana oundi niyeetsa, nababoolela ari Lole, abasaatsa aba mwareele mucheela bali muhekalu; basinjiilemwo nibeechesia abandu. 26Kho omuseesia yatsia halala nabakhalabani, nabaleera aharali amahababa kosi ta; okhuba baria abandu, mbu bakhalaswa namachina.
27Ne olwa bali nibabaleerile, babaleera imbeli weshiina. Omukuhani Omukhulundu nabareeba 28ari Shikhwamukaaniye obutinyu obureechesia muliira lino ta? Ne lole, mwitsusiye Yerusalemu yosi ameechesio keenywe, nimwenya okhuleera amatsayi komundu oyo khwifwe. 29Nabo Petero nende abarume nibakalusia nibasunga bari Khukhoyile okhuhulila akaNyasaye okhushila akabandu. 30Nyasaye wabakuuka beefwe yamulamusil Yesu, owa mweera inywe, nimumufunga khumusaala. 31Omwenoyo, Nyasaye yamwemeshela hamukhonokwe musaatsa abe Omukhulundu khandi Omuhonia, khulwa okhuheelesia Isiraeli obwikalukhasii nende obuleshelwi bwebionoono. 32Neefu khuli abaloli bamakhuwa kano; khandi Roho Omutakatifu yesi ario, owa Nyasaye yabaheelesiye abo abamuhulilanga.
33Nabo olwa bahulila amakhuwa ako, bayia munda, nibeenya okhubeera. 34Habula oundi yasinjila mushiina, omuFarisayo, oweliira mbu Gamalieli, omwechesia weitorati, owali noluyali mubandu bosi, nalaka mbu abandu abo barusibwekhwomwo. 35Nabasunjila ari AbaIsiraeli abashianje, mwiyile kahala khumakhuwa kabandu bano, aka muli okhubakholela. 36Okhuba ekulo Tseuda yabuukha, niyeefumia shinga olwa ali omundu owobunyali; abandu abanji, shinga ebikhumi bine, nibeeyunga khuye; mana niyeerwa; nabo bosi, buli mundu owamusuubililanga, nibasalaasibwa butswa. 37Inyuma womundu oyo Yuda weGalilaya yabuukha, mundaalo etsiokhuhandiikwa khulwanzilo, nakhwesa abandu bandi munyumawe; khandi yesi yatiba; nabo bosi, buli mundu owamusuubililanga, nibasalaasibwa hosi hosi. 38Ne bulaano emusunjila mbu Rule khubandu bano, mubaleshe babe; okhuba obuchesi buno kata emilimo chino nibiba nibili biabandu, bilasikha. 39Ne nibiba nibili biaNyasaye, shimulanyala okhubisishia tawe; mwakhanyoolekha nimukhupana nende Nyasaye.
40Nibafuchiilila akeke; ne olwa bali nibalanjile abarume, babanywekha, nibabakaania barasunga muliira liaYesu ta, nibabalekhuula. 41Nabo nibarula mushiina nibeekhoya shinga olwa babasibwa mbu nabakwanile okhuchaywa khulwa Eliira elo. 42Ne buli nyanga, kata muhekalu kata mungo, shibakonelanga okhwechesia nende okhwilwatsa akaYesu shinga olwa ali Kristo ta.
Currently Selected:
Ebikhole 5: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Ebikhole 5
5
Anania naSafira
1Ne omundu undi owalangwa mbu Anania, halala nende Safira omukhasiwe, yakusia omukunda, 2niyeebiishila omwene eshitonye shiobukusi, omukhasiwe yesi namanyile, naleera eshitonye nashira hamakulu kabarume. 3Naye Petero nasunga mbu Anania, mbushiina Setani niyeetsula mumwoyokwo, nobeehela Roho Omutakatifu niwibiishila eshitonye shiobukusi bwomukunda? 4Olwa kwali nikushili, shikwali nikuli okukwo? Mana nikumalile okhukusibwa, shikwali mubunyali bubwo? Kabeele karie likhuwa lino niliitsa mumwoyokwo? Shiobeeheele abandu ta, habula Nyasaye. 5Anania nahulila amakhuwa ako, nakwa hasi, nakhalikha omwoyo; mana oburii obukhongo nibubahamba bosi abahulilakhwo. 6Abasooliili nabo nibarula nibamukanyila musanda, nibamuchinga nibamurusiaho, nibamuyabila.
7Mana olunyuma Iweshise shinga eshietsisaa tsitaru, omukhasiwe niyoolaho, naramanyile akali nikakholeeshe ta. 8Petero namusunjila ari Mboolelakhwo nimuba nimwakusiye omukunda okwo obukusi nalebe nohomba. Naye naboola mbu Ee, bwabeele burio. 9Mana Petero namusunjila ari Mubeele murie nimusanga okhuteema Roho wOmwami? Lola, abamuyabiile omusaatsawo mbabo hamuliango; nawe wesi balakhuchinga nibakhurusiaho. 10Naye nakwa hamakuluke habwene nahabwene, nakhalikha omwoyo; abasooliili abo nibeenjila nibamunyoola nafwile, nibamuchinga nibamurusiaho nibamuyabila ahambi nomusaatsawe. 11Oburii obukhongo nibuhamba ikanisa yosi, nende abo bosi abahulilakhwo.
Ebilolelo nende amangalimwa ebinji biakholwa
12Ebilolelo nende amangalimwa ebinji biakholwa mubandu nende amakhono kabarume; nabo bosi balinjiho nomwoyo mulala mushitsafu shiaSulemani. 13Ne khubandi yabulaho owatsaalikha okhwiyunga khubo, nebutswa abandu babeetsoomia; 14ne abasuubili bameetekha khuMwami abanji, ari abasaatsa ari abakhasi; 15kata nibachinganga abalwale nibabayila khumihanda, nibabaalisia khubitali nende khumikeka, mbu olwa Petero yakhaba nabirayo, kata eshiiniinishie shiakhanyala okhubirakhwo khuwundi khubo. 16Khandi bali nibakhung'aanileho omukanda okwarula mumataala akarondokhana nende Yerusalemu, nibaleera abalwale bandi, nende abo abanyasibungwa nende abaroho beshifwabwi; nibahonibwa buli mundu.
Abarume basakanibwa
17Mana Omukuhani Omukhulundu, halala nende bosi aba yali ninabo, nibo abomwahukho kwabaSadukayo, bayakukha nibatiilwa imbalikha, 18nibakwa khubarume, nibababoha mumbohe. 19Ne mushilo malaika wOmwami yeekula emiliango chieicheela, nabarusiamwo, nasunga 20mbu Tsie, musinjile muhekalu, muboolele abandu amakhuwa kosi kObulamu tsana. 21Nabo olwa bahulila bario, nibeenjila muhekalu obukwe nibusheba, nibeechesia.
Ne Omukuhani Omukhulundu niyeetsa, nende abo aba yali ninabo, nibakhumg'aasia abeshiina, nende abakofu bosi babaana baIsiraeli, nibaruma abandu enanzu yeicheela mbu baleerwe. 22Ne abakhalabani abatsiayo banyoola nibahuma mucheela; nibakalukha, nibaboola 23bari Icheela khuchinyoolile niyiikaalwe habwene, abalindi nibasinjiile hamiliango; nebutswa olwa khwikuule, shikhunyoolilemwo omundu yesi ta. 24Ne olwa omuseesia owomuhekalu nende abakhulundu babakuhani bahulila amakhuwa ako, bakanakania muno, nikabaramba, mbu kakhali karie? 25Mana oundi niyeetsa, nababoolela ari Lole, abasaatsa aba mwareele mucheela bali muhekalu; basinjiilemwo nibeechesia abandu. 26Kho omuseesia yatsia halala nabakhalabani, nabaleera aharali amahababa kosi ta; okhuba baria abandu, mbu bakhalaswa namachina.
27Ne olwa bali nibabaleerile, babaleera imbeli weshiina. Omukuhani Omukhulundu nabareeba 28ari Shikhwamukaaniye obutinyu obureechesia muliira lino ta? Ne lole, mwitsusiye Yerusalemu yosi ameechesio keenywe, nimwenya okhuleera amatsayi komundu oyo khwifwe. 29Nabo Petero nende abarume nibakalusia nibasunga bari Khukhoyile okhuhulila akaNyasaye okhushila akabandu. 30Nyasaye wabakuuka beefwe yamulamusil Yesu, owa mweera inywe, nimumufunga khumusaala. 31Omwenoyo, Nyasaye yamwemeshela hamukhonokwe musaatsa abe Omukhulundu khandi Omuhonia, khulwa okhuheelesia Isiraeli obwikalukhasii nende obuleshelwi bwebionoono. 32Neefu khuli abaloli bamakhuwa kano; khandi Roho Omutakatifu yesi ario, owa Nyasaye yabaheelesiye abo abamuhulilanga.
33Nabo olwa bahulila amakhuwa ako, bayia munda, nibeenya okhubeera. 34Habula oundi yasinjila mushiina, omuFarisayo, oweliira mbu Gamalieli, omwechesia weitorati, owali noluyali mubandu bosi, nalaka mbu abandu abo barusibwekhwomwo. 35Nabasunjila ari AbaIsiraeli abashianje, mwiyile kahala khumakhuwa kabandu bano, aka muli okhubakholela. 36Okhuba ekulo Tseuda yabuukha, niyeefumia shinga olwa ali omundu owobunyali; abandu abanji, shinga ebikhumi bine, nibeeyunga khuye; mana niyeerwa; nabo bosi, buli mundu owamusuubililanga, nibasalaasibwa butswa. 37Inyuma womundu oyo Yuda weGalilaya yabuukha, mundaalo etsiokhuhandiikwa khulwanzilo, nakhwesa abandu bandi munyumawe; khandi yesi yatiba; nabo bosi, buli mundu owamusuubililanga, nibasalaasibwa hosi hosi. 38Ne bulaano emusunjila mbu Rule khubandu bano, mubaleshe babe; okhuba obuchesi buno kata emilimo chino nibiba nibili biabandu, bilasikha. 39Ne nibiba nibili biaNyasaye, shimulanyala okhubisishia tawe; mwakhanyoolekha nimukhupana nende Nyasaye.
40Nibafuchiilila akeke; ne olwa bali nibalanjile abarume, babanywekha, nibabakaania barasunga muliira liaYesu ta, nibabalekhuula. 41Nabo nibarula mushiina nibeekhoya shinga olwa babasibwa mbu nabakwanile okhuchaywa khulwa Eliira elo. 42Ne buli nyanga, kata muhekalu kata mungo, shibakonelanga okhwechesia nende okhwilwatsa akaYesu shinga olwa ali Kristo ta.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975