Ebikhole 6
6
Abandu musaafu baahulilwa obukhalabani
1Haho mundaalo tsienetsio, olwa obunji bwabeechi bwali nibumeetekhanga, abaYahudi beshiYunani bachaaka okhubuutsuluulila abeshiHeburania, shichila abakhasi abalekhwa babwe bamaayibungwa mubukabi bwabuli nyanga. 2Abo Ekhuminababili nibalanga omukanda kwosi kwabeechi, nibabasunjila bari Shikakhoyeele ifwe okhulekha likhuwa liaNyasaye nikhukhalabana khumeesa tawe. 3Kho abaana beefwe, mwele mwinywe abeene abandu musaafu beifuma indayi, abeetsuulemwo Roho khandi nende obuchesi, aba khuraho khwikhuwa lino. 4Nebutswa ifwe khulalumilila muno mukhusaaya khandi mubukhalabani bwelikhuwa.
5Amakhuwa ako nikachamisia omukanda kwosi; nibalobola Sitefano, omundu oweetsulamwo obusuubili khandi nende Roho Omutakatifu, naFilipo, naPurokoro, naNikanori, naTimoni, naParamena, naNikolao omushiukhani oweAndiokia; 6nibabara imbeli wabarume; nabo olwa bali nibamalile okhusaaya, babarakhwo emikhono.
7Likhuwa liaNyasaye nilimeetekha; obunji bwabeechi nibumeetekha muno muYerusalemu; abanji khubakuhani bahulilanga nibakhola akObusuubili obwo.
Sitefano yahambwa
8Naye Sitefano, niyeetsuulemwo obukoosia nende obunyali, yakhola amangalimwa amakhongo nende ebilolelo mubandu. 9Nebutswa abandi babuukha khubeisinagogi eyalangungwa mbu eyAbalekhuule, neyabeKirene, neyabeAlekisanderia, nende eya abo beKilikia nende Asia, nibayingana nende Sitefano. 10Ne bakhaywa okhufukula obuchesibwe nende Roho oyo owa yasunjilangamwo. 11Mana nibatsuuba abandu okhusunga mbu Khumuhuliile naboola amakhuwa akokhunyeka Musa, nende Nyasaye. 12Nibayakula abandu, nabakofu, nabahandiichi, nibamunyoola nibamuhamba nibamuyila mushiina, 13nibaraho abarumbusi bobubeeyi, abasunga bari Omundu uno shiakonelanga tawe okhuboola amakhuwa akokhufukula habundu hano ahatakatifu, nende amalako; 14okhuba khwahuliile nasunga mbu Yesu uno weNazareti alamulula habundu hano, nakalukhasia ebiima ebia Musa yakhuheelesia. 15Nabo bosi abali nibeekhaale mushiina nibamuumisiakhwo tsimoni, nibalola obwenibwe nibuli shinga obweni bwamalaika.
Currently Selected:
Ebikhole 6: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Ebikhole 6
6
Abandu musaafu baahulilwa obukhalabani
1Haho mundaalo tsienetsio, olwa obunji bwabeechi bwali nibumeetekhanga, abaYahudi beshiYunani bachaaka okhubuutsuluulila abeshiHeburania, shichila abakhasi abalekhwa babwe bamaayibungwa mubukabi bwabuli nyanga. 2Abo Ekhuminababili nibalanga omukanda kwosi kwabeechi, nibabasunjila bari Shikakhoyeele ifwe okhulekha likhuwa liaNyasaye nikhukhalabana khumeesa tawe. 3Kho abaana beefwe, mwele mwinywe abeene abandu musaafu beifuma indayi, abeetsuulemwo Roho khandi nende obuchesi, aba khuraho khwikhuwa lino. 4Nebutswa ifwe khulalumilila muno mukhusaaya khandi mubukhalabani bwelikhuwa.
5Amakhuwa ako nikachamisia omukanda kwosi; nibalobola Sitefano, omundu oweetsulamwo obusuubili khandi nende Roho Omutakatifu, naFilipo, naPurokoro, naNikanori, naTimoni, naParamena, naNikolao omushiukhani oweAndiokia; 6nibabara imbeli wabarume; nabo olwa bali nibamalile okhusaaya, babarakhwo emikhono.
7Likhuwa liaNyasaye nilimeetekha; obunji bwabeechi nibumeetekha muno muYerusalemu; abanji khubakuhani bahulilanga nibakhola akObusuubili obwo.
Sitefano yahambwa
8Naye Sitefano, niyeetsuulemwo obukoosia nende obunyali, yakhola amangalimwa amakhongo nende ebilolelo mubandu. 9Nebutswa abandi babuukha khubeisinagogi eyalangungwa mbu eyAbalekhuule, neyabeKirene, neyabeAlekisanderia, nende eya abo beKilikia nende Asia, nibayingana nende Sitefano. 10Ne bakhaywa okhufukula obuchesibwe nende Roho oyo owa yasunjilangamwo. 11Mana nibatsuuba abandu okhusunga mbu Khumuhuliile naboola amakhuwa akokhunyeka Musa, nende Nyasaye. 12Nibayakula abandu, nabakofu, nabahandiichi, nibamunyoola nibamuhamba nibamuyila mushiina, 13nibaraho abarumbusi bobubeeyi, abasunga bari Omundu uno shiakonelanga tawe okhuboola amakhuwa akokhufukula habundu hano ahatakatifu, nende amalako; 14okhuba khwahuliile nasunga mbu Yesu uno weNazareti alamulula habundu hano, nakalukhasia ebiima ebia Musa yakhuheelesia. 15Nabo bosi abali nibeekhaale mushiina nibamuumisiakhwo tsimoni, nibalola obwenibwe nibuli shinga obweni bwamalaika.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975