Ebikhole 7
7
Obwiteetsi bwaSitefano
1Omukuhani Omukhulundu namureeba ari Amakhuwa kano kali kario noho? 2Naye naboola mbu Abaana beefwe nende bapapa, mu mbulile. Nyasaye woluyali yaloleshela kuuka weefwe Aburahamu olwa yali eMesopotamia, narashiamenya eHarani ta, 3namusunjila ari Rula mushialoshio, nende mubeebulwabo, wule mushialo eshia ndalakhumanyia. 4Kho yarula mushialo shiabaKalidayo, namenya eHarani; nokhurula yaho olwa samwana yali nafwile, Nyasaye yamuhuyia namuusia mushialo shino eshia mumenyangamwo bulaano; 5ne shiyamuheelesia obulaame mushio ta, kata aha yakhaseena eshilenje shionyene tawe; ne yamusuubisia mbu yakhamuheelesia shibe eshishie nende eshiolwibulolwe munyumawe, olwa yali narashiabakhwo nomwana yesi ta. 6Khandi Nyasaye yamuboolela ari nanwa, mbu olwibulolwe lwakhamenyakhwo mushialo eshicheni, khandi mbu bakhabakhola abasumba, nibabamiina, emiyika ebikhumi bine. 7Khandi Nyasaye yasunga ari Lihanga elo elilibakhola abasumba, ndililikhalachila eshiina; mana olunyumakhwo balirulayo, niba'khalabanila habundu hano. 8Ne yamuheelesia indakano yeshishebo; kho Aburahamu niyeebula Isaka namusheba inyanga yomunaane; Isaka niyeebula Yakobo, naye Yakobo niyeebula abakuuka abakhulundu ekhumi nababili abo.
9Mana abakuuka abakhulundu abo batiililwa Yusufu imbalikha, nibamukusia okhuyilwa eMisiri; ne Nyasaye naba ninaye halala, 10namuhonokosia mubusandibwibwe bwosi; namuheelesia obuchesi nende okhukoosibwa imbeli waFarao omuruchi waMisiri; namukhola kafuna waMisiri nende oweinzuye yosi.
11Haho inzala niyibaho eMisiri nende Kanaani, nende obusandii obunji; kata abakuuka beefwe nibaranyoolakhwo ebiliibwa ta. 12Ne olwa Yakobo yahulila mbu ebiliibwa biliho eMisiri, yarumayo abakuuka beefwe oluchendo olwambeli; 13ne khulwakhabili Yusufu yabeebisushila abasiani babwe; mana oluyia lwaYusufu nilumanyishila Farao. 14Yusufu naruma abandu nalanga Yakobo samwana, nende abeshilibwashie bosi, abandu amakhumi musaafu nabaraano. 15Naye Yakobo nakholomokha natsia eMisiri; ne yamala nafwa, ye omwene nende abakuuka beefwe; 16nibachingwa nibayilwa eShekhemu, nibayabilwa mushilindwa eshia Aburahamu yakula obukusi bwetsifeetsa nende abaana baHamori eShekhemu.
17Ne olwa induukho yeshisuubisie eshia Nyasaye yamwitsubila Aburahamu yali ahambi okhuula, abandu bameetekha nibeenjihayo muMisiri, 18okhuula olwa omuruchi undi yabuukha okhuruka Misiri, ouramumanya Yusufu ta. 19Omwenoyo yabakholela abolubeela Iweefwe akobuchesichesi, nabakholela abakuuka beefwe amabii, mbu basukune abaana babwe abatoro, baleshe okhuba mwoyo. 20Ne induukho eyo niyo eya Musa yeebulilwamwo, nali omukaasu muno; nalelwa emiesi chitaru munzu yasamwana; 21ne olwa yasukunwa, omukhaana waFarao yamutoola, namwola ' abe omwana wuwe omwene. 22Kho Musa yeechesibwa akobuchesi bwosi bwabaMisiri; ne yali owamaani mumasungoke nende ebikholebie.
23Ne olwa yali nali ahambi okhuba owemiyika amakhumi kane, omwoyokwe nikumuchelela okhukoonya abaana babwe, nibo abaana baIsiraeli. 24Ne olwa yalola mulala khubo namiinwa, yamuhabina, namumalila eshikwoli oyo owasandibwa, namuupa omuMisiri oyo. 25Ne yakaala mbu abaluyiabe bamanya shinga Nyasaye olwa yali nabaleerelanga obuhonia mumukhonokwe; ne shibamanya ta. 26Mana mukamba nabafutushila nibakhupananga, niyeenya okhubasaasania, naboola ari Abaami banje, muli aboluyia lulala; musandaninjia murio mbushi? 27Ne oyo owamusandia owashie yamusindikha eyo, ari Niwina owakhukhola iwe omuruchi kata omukhalachi weshiina khwifwe? 28Khane wenya okhunzira, shinga olwa wayeerile omuMisiri oyo eshiabeele? 29Mana khwikhuwa elo Musa yeelukha, naba omumenyibwa mushialo shiaMidiani, ewa yeebulila abaana abasiani babili.
30Ne olwa emiyika amakhumi kane chiali nichihweele, malaika yamuloleshela mushitsiimi shieshikulu shiaSinai mulumemu Iwomulilo mushitsakha shindi. 31Ne olwa Musa yalulola, yachenyela eshilolelo eshio; ne olwa yasita ahambi okhuhenga, omwoyo kwOmwami nikumwitsila, 32kuri Isie nisie Nyasaye wabakuukabo, Nyasaye waAburahamu, naIsaka, nende Yakobo. Musa natechela, kata shiyatsaalikha okhuhengakhwo ta. 33Omwami namusunjila ari Wifwalule ebilaaro mubilenjebio, okhuba liloba elia osinjiilekhwo nahabundu hobutakatifu. 34Toto mwene, ndaluutsinji okhumiinwa khwabandu banje abali eMisiri, khandi embuliile okhubinda khwabwe, ne enzishile okhubahabina; kho bulaano yitsa, ekhurume eMisiri.
35Musa uno owa bafukula, bari Niwina owakhukhola iwe omuruchi kata omukhalachi weshiina? Neniye owa Nyasaye yaruma abe omuruchi khandi omununuli, khulwa omukhono kwamalaika owamuloleshela mushitsakha eshio. 36Omundu uno yabeemilila nabarusia, olwa yali nakholile amangaliimwa nende ebilolelo eMisiri, nende muNyanza Inzakhanyu, nende mushitsiimi, emiyika amakhumi kane. 37Uno niye Musa watsana owasunjila abaana baIsiraeli ari Nyasaye alamubuusilia omunabii okhurula mubaluyia beenywe, owingana isie. 38Uno neniye owali nali mukanisa tsana mushitsiimi, halala nende malaika owasungana ninaye mushikulu shiaSinai, khandi nende abakuuka beefwe; neniye owabukula amasungo amalamu okhukhuheelesia.
39Ne abakuuka beefwe bakhaya okhumuhuila, nibamusindikha ehale, ne mumioyo chiabwe bakalukha eMisiri, 40nibasunjila Haruni bari Okhukholele abanyasaye bakhwimilile; shichila Musa oyo, owakhwimilila nakhurusia mushialo shiaMisiri, shikhumanyile akamwikholilekhwo ta. 41Mana nibakhola eshimoosi mundaalo etsio, nibaleerela eshifwanani tsana omusango, nibeekhoyela emilimo chiamakhono kabwe. 42Ne Nyasaye yabafutarila, nabalekha bakhalabanile amahe kelikulu; shinga olwa kahandiikwa mushitabu shiabanabii, mbu
Shimwayambinilia emiruko echisinzilwe nende emisango
emiyika amakhumi kane mushitsiimi, inywe abeinzu yaIsiraeli?
43Khandi mwabukula liheema liaMoleki,
nende inyininyini yomunyasaye Refani,
ebifwanani tsana ebia mwakhola mbu mubiinamile;
nasi ndalamwatisia ehale okhubira eBabeli.
44Abakuuka beefwe bali nende liheema lioburumbusi mushitsiimi, shinga owasungana nende Musa olwa yalachilisia, mbu alikhole shinga omufwano okwa yali naluutsi. 45Abakuuka beefwe nabo balilaamilwa nibaliinjisia halala nende Yoswa olwa balia obulaame bwamahanga aka Nyasaye yeelusia imbeli wabakuuka beefwe okhuula khundaalo tsiaDaudi. 46Ye yachamwa nende Nyasaye, mana nasaba mbu amunyoolele Nyasaye waYakobo eshimenyo. 47Naye Sulemani yamuumbashila inzu. 48Habula Oyo Ouli Ikulu Muno shiamenyanga munzu etsioombakhwa namakhono ta; shinga omunabii olwa yaboola, 49mbu
Likulu nilio eshifumbi shianje shiobwami,
eshialo nashio nishio eshia enambisinjiakhwo ebilenje;
mwakhanyumbashila inzu yeimbia shi?
Nilwo olwa Omwami areeba;
kata nihabundu shiina ahaba obuhuluushilo bwanje?
50Shikwali omukhono kwanje okwakhola ebindu bino biosi?
51Inywe abamakosi amoomu, ababula eshishebo mumwoyo kata amarwi ta, mukhayanga Roho Omutakatifu; shinga abakuuka beenywe olwa bakhola, nolwa mukholanga murio. 52Ali heena khubanabii owa abakuuka beenywe barasandia ta? Kata babeeranga abo abalakulanga akokhwitsa khwOmulunjishi oyo; owa inywe bulaano mwikholile abakhobi nende abeeribe. 53Inywe ninywe abaheebwa amalako mumakhono kabamalaika, ne shimwakahulila ta.
Sitefano yalaswa namachina
54Haho olwa bahulila amakhuwa ako, bayia munda, nibamulumaasilia ameeno. 55Habula ye, niyeetsuulemwo Roho Omutakatifu, yoomisia tsimoni okhuhenga mwikulu, nalola oluyali lwaNyasaye, nende Yesu nasinjiile khumukhono musaatsa kwaNyasaye, 56naboola mbu Lole, endola likulu niliikuushe, nende Omwana wOmundu nasinjiile khumukhono musaatsa kwaNyasaye! 57Nabo nibayiiba nende omwoyo omukhongo, nibasiba amarwi. Nibamukwakhwo tsimbilo nomwoyo mulala, 58nibamurusia mwitookho nibamulasa namachina. Nabo abaloli nibara tsingubo tsiabwe hamakulu komusooliili undi oulangwa mbu Saulo. 59Nibamulasa Sitefano namachina, nalanjisia Omwami, nasunga ari Omwami Yesu, obukule roho yanje. 60Nasikama hasi, nalanga nomwoyo omukhongo, ari Omwami, orababasiliakhwo eshionoono shino ta.
Currently Selected:
Ebikhole 7: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Ebikhole 7
7
Obwiteetsi bwaSitefano
1Omukuhani Omukhulundu namureeba ari Amakhuwa kano kali kario noho? 2Naye naboola mbu Abaana beefwe nende bapapa, mu mbulile. Nyasaye woluyali yaloleshela kuuka weefwe Aburahamu olwa yali eMesopotamia, narashiamenya eHarani ta, 3namusunjila ari Rula mushialoshio, nende mubeebulwabo, wule mushialo eshia ndalakhumanyia. 4Kho yarula mushialo shiabaKalidayo, namenya eHarani; nokhurula yaho olwa samwana yali nafwile, Nyasaye yamuhuyia namuusia mushialo shino eshia mumenyangamwo bulaano; 5ne shiyamuheelesia obulaame mushio ta, kata aha yakhaseena eshilenje shionyene tawe; ne yamusuubisia mbu yakhamuheelesia shibe eshishie nende eshiolwibulolwe munyumawe, olwa yali narashiabakhwo nomwana yesi ta. 6Khandi Nyasaye yamuboolela ari nanwa, mbu olwibulolwe lwakhamenyakhwo mushialo eshicheni, khandi mbu bakhabakhola abasumba, nibabamiina, emiyika ebikhumi bine. 7Khandi Nyasaye yasunga ari Lihanga elo elilibakhola abasumba, ndililikhalachila eshiina; mana olunyumakhwo balirulayo, niba'khalabanila habundu hano. 8Ne yamuheelesia indakano yeshishebo; kho Aburahamu niyeebula Isaka namusheba inyanga yomunaane; Isaka niyeebula Yakobo, naye Yakobo niyeebula abakuuka abakhulundu ekhumi nababili abo.
9Mana abakuuka abakhulundu abo batiililwa Yusufu imbalikha, nibamukusia okhuyilwa eMisiri; ne Nyasaye naba ninaye halala, 10namuhonokosia mubusandibwibwe bwosi; namuheelesia obuchesi nende okhukoosibwa imbeli waFarao omuruchi waMisiri; namukhola kafuna waMisiri nende oweinzuye yosi.
11Haho inzala niyibaho eMisiri nende Kanaani, nende obusandii obunji; kata abakuuka beefwe nibaranyoolakhwo ebiliibwa ta. 12Ne olwa Yakobo yahulila mbu ebiliibwa biliho eMisiri, yarumayo abakuuka beefwe oluchendo olwambeli; 13ne khulwakhabili Yusufu yabeebisushila abasiani babwe; mana oluyia lwaYusufu nilumanyishila Farao. 14Yusufu naruma abandu nalanga Yakobo samwana, nende abeshilibwashie bosi, abandu amakhumi musaafu nabaraano. 15Naye Yakobo nakholomokha natsia eMisiri; ne yamala nafwa, ye omwene nende abakuuka beefwe; 16nibachingwa nibayilwa eShekhemu, nibayabilwa mushilindwa eshia Aburahamu yakula obukusi bwetsifeetsa nende abaana baHamori eShekhemu.
17Ne olwa induukho yeshisuubisie eshia Nyasaye yamwitsubila Aburahamu yali ahambi okhuula, abandu bameetekha nibeenjihayo muMisiri, 18okhuula olwa omuruchi undi yabuukha okhuruka Misiri, ouramumanya Yusufu ta. 19Omwenoyo yabakholela abolubeela Iweefwe akobuchesichesi, nabakholela abakuuka beefwe amabii, mbu basukune abaana babwe abatoro, baleshe okhuba mwoyo. 20Ne induukho eyo niyo eya Musa yeebulilwamwo, nali omukaasu muno; nalelwa emiesi chitaru munzu yasamwana; 21ne olwa yasukunwa, omukhaana waFarao yamutoola, namwola ' abe omwana wuwe omwene. 22Kho Musa yeechesibwa akobuchesi bwosi bwabaMisiri; ne yali owamaani mumasungoke nende ebikholebie.
23Ne olwa yali nali ahambi okhuba owemiyika amakhumi kane, omwoyokwe nikumuchelela okhukoonya abaana babwe, nibo abaana baIsiraeli. 24Ne olwa yalola mulala khubo namiinwa, yamuhabina, namumalila eshikwoli oyo owasandibwa, namuupa omuMisiri oyo. 25Ne yakaala mbu abaluyiabe bamanya shinga Nyasaye olwa yali nabaleerelanga obuhonia mumukhonokwe; ne shibamanya ta. 26Mana mukamba nabafutushila nibakhupananga, niyeenya okhubasaasania, naboola ari Abaami banje, muli aboluyia lulala; musandaninjia murio mbushi? 27Ne oyo owamusandia owashie yamusindikha eyo, ari Niwina owakhukhola iwe omuruchi kata omukhalachi weshiina khwifwe? 28Khane wenya okhunzira, shinga olwa wayeerile omuMisiri oyo eshiabeele? 29Mana khwikhuwa elo Musa yeelukha, naba omumenyibwa mushialo shiaMidiani, ewa yeebulila abaana abasiani babili.
30Ne olwa emiyika amakhumi kane chiali nichihweele, malaika yamuloleshela mushitsiimi shieshikulu shiaSinai mulumemu Iwomulilo mushitsakha shindi. 31Ne olwa Musa yalulola, yachenyela eshilolelo eshio; ne olwa yasita ahambi okhuhenga, omwoyo kwOmwami nikumwitsila, 32kuri Isie nisie Nyasaye wabakuukabo, Nyasaye waAburahamu, naIsaka, nende Yakobo. Musa natechela, kata shiyatsaalikha okhuhengakhwo ta. 33Omwami namusunjila ari Wifwalule ebilaaro mubilenjebio, okhuba liloba elia osinjiilekhwo nahabundu hobutakatifu. 34Toto mwene, ndaluutsinji okhumiinwa khwabandu banje abali eMisiri, khandi embuliile okhubinda khwabwe, ne enzishile okhubahabina; kho bulaano yitsa, ekhurume eMisiri.
35Musa uno owa bafukula, bari Niwina owakhukhola iwe omuruchi kata omukhalachi weshiina? Neniye owa Nyasaye yaruma abe omuruchi khandi omununuli, khulwa omukhono kwamalaika owamuloleshela mushitsakha eshio. 36Omundu uno yabeemilila nabarusia, olwa yali nakholile amangaliimwa nende ebilolelo eMisiri, nende muNyanza Inzakhanyu, nende mushitsiimi, emiyika amakhumi kane. 37Uno niye Musa watsana owasunjila abaana baIsiraeli ari Nyasaye alamubuusilia omunabii okhurula mubaluyia beenywe, owingana isie. 38Uno neniye owali nali mukanisa tsana mushitsiimi, halala nende malaika owasungana ninaye mushikulu shiaSinai, khandi nende abakuuka beefwe; neniye owabukula amasungo amalamu okhukhuheelesia.
39Ne abakuuka beefwe bakhaya okhumuhuila, nibamusindikha ehale, ne mumioyo chiabwe bakalukha eMisiri, 40nibasunjila Haruni bari Okhukholele abanyasaye bakhwimilile; shichila Musa oyo, owakhwimilila nakhurusia mushialo shiaMisiri, shikhumanyile akamwikholilekhwo ta. 41Mana nibakhola eshimoosi mundaalo etsio, nibaleerela eshifwanani tsana omusango, nibeekhoyela emilimo chiamakhono kabwe. 42Ne Nyasaye yabafutarila, nabalekha bakhalabanile amahe kelikulu; shinga olwa kahandiikwa mushitabu shiabanabii, mbu
Shimwayambinilia emiruko echisinzilwe nende emisango
emiyika amakhumi kane mushitsiimi, inywe abeinzu yaIsiraeli?
43Khandi mwabukula liheema liaMoleki,
nende inyininyini yomunyasaye Refani,
ebifwanani tsana ebia mwakhola mbu mubiinamile;
nasi ndalamwatisia ehale okhubira eBabeli.
44Abakuuka beefwe bali nende liheema lioburumbusi mushitsiimi, shinga owasungana nende Musa olwa yalachilisia, mbu alikhole shinga omufwano okwa yali naluutsi. 45Abakuuka beefwe nabo balilaamilwa nibaliinjisia halala nende Yoswa olwa balia obulaame bwamahanga aka Nyasaye yeelusia imbeli wabakuuka beefwe okhuula khundaalo tsiaDaudi. 46Ye yachamwa nende Nyasaye, mana nasaba mbu amunyoolele Nyasaye waYakobo eshimenyo. 47Naye Sulemani yamuumbashila inzu. 48Habula Oyo Ouli Ikulu Muno shiamenyanga munzu etsioombakhwa namakhono ta; shinga omunabii olwa yaboola, 49mbu
Likulu nilio eshifumbi shianje shiobwami,
eshialo nashio nishio eshia enambisinjiakhwo ebilenje;
mwakhanyumbashila inzu yeimbia shi?
Nilwo olwa Omwami areeba;
kata nihabundu shiina ahaba obuhuluushilo bwanje?
50Shikwali omukhono kwanje okwakhola ebindu bino biosi?
51Inywe abamakosi amoomu, ababula eshishebo mumwoyo kata amarwi ta, mukhayanga Roho Omutakatifu; shinga abakuuka beenywe olwa bakhola, nolwa mukholanga murio. 52Ali heena khubanabii owa abakuuka beenywe barasandia ta? Kata babeeranga abo abalakulanga akokhwitsa khwOmulunjishi oyo; owa inywe bulaano mwikholile abakhobi nende abeeribe. 53Inywe ninywe abaheebwa amalako mumakhono kabamalaika, ne shimwakahulila ta.
Sitefano yalaswa namachina
54Haho olwa bahulila amakhuwa ako, bayia munda, nibamulumaasilia ameeno. 55Habula ye, niyeetsuulemwo Roho Omutakatifu, yoomisia tsimoni okhuhenga mwikulu, nalola oluyali lwaNyasaye, nende Yesu nasinjiile khumukhono musaatsa kwaNyasaye, 56naboola mbu Lole, endola likulu niliikuushe, nende Omwana wOmundu nasinjiile khumukhono musaatsa kwaNyasaye! 57Nabo nibayiiba nende omwoyo omukhongo, nibasiba amarwi. Nibamukwakhwo tsimbilo nomwoyo mulala, 58nibamurusia mwitookho nibamulasa namachina. Nabo abaloli nibara tsingubo tsiabwe hamakulu komusooliili undi oulangwa mbu Saulo. 59Nibamulasa Sitefano namachina, nalanjisia Omwami, nasunga ari Omwami Yesu, obukule roho yanje. 60Nasikama hasi, nalanga nomwoyo omukhongo, ari Omwami, orababasiliakhwo eshionoono shino ta.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975