Amosi 5
5
Omulango kwokwikalukhasia
1Inywe abeinzu yaIsiraeli, hulile amakhuwa kolwikhuulu luno olwa emwikhuulila, mbu
2Isiraeli yeenga shinga omukhaana omushisila oukwile,
kata shialabuukha khandi ta;
yeebalilwe yaho khwilobalie;
3Okhuba kano niko aka Omwatni NYASAYE aboola;
mbu Iwe inzu yaIsiraeli,
mwitaala elia barulamwo eshikhumila okhutsia mwihe,
balachelela eshikhumi bonyene;
elia barulamwo eshikhumi balachelela ekhumi bonyene.
4Okhuba kano niko aka OMWAMI aboolela inzu yaIsiraeli;
mbu Mukhaabe isie, kho mube mwoyo;
5nebutswa murakhaaba Beteli,
kata okhutsia eGiligali,
kata okhubuusia oluchendo okhutsia eBeerisheba ta;
okhuba abeGiligali balaarwa mushialo,
ne Beteli liafubeela.
6Khaabe Omwami, kho mube mwoyo,
aleshe okhurubushila munzu yaYusufu shinga omulilo
nakwo nikusamba busamba, oubasimilia abeBeteli nabulaho,
7inywe abakalukhasia obuyaasii bukwe obululu nimukwisia obulunjishi hasi!
8Oyo owakasia tsinyininyini tsieInimilo nAmayika,
nakwisia eshiilima eshimali ti okhushia khwomutsuli,
namaliyia eshiteere shibe eshilo;
ourumana okhulanga amatsi aketsinyanza nakatsukha khushialo shiosi;
eliiralie niye OMWAMI;
9ouhenusinjia obutibii shinga oluhenu khubamaani,
okhuula olwa obutibii bukwila olukoba.
10Bakiyanga oyo oukondekha haluyia;
ousinjilanga khubwatoto abasinyanga.
11Kho olwa museenelanga abamanani hasi,
nimubaroosia khumele yabwe;
kho mwoombakha tsinzu tsiamachina amabaatse,
ne shimulamenyamwo ta;
mwaraaka emikunda emikaasu chiemitsabibu,
ne shimulanywa khudivai yachio ta.
12Okhuba emanyile obunji bwobukhayi bweenywe,
nobukhongo bwebionoono bieenywe,
inywe abasandinjia abalunjishi,
ababukulanga ebiomufuusi,
abashiukhasinjia abatakha haluyia.
13Kho ouli omurechelefu alaholeelanga khushise shinga shino,
shichila neshise eshibii.
14Khaabenje amalayi, amabii tawe,
mbu mube mwoyo;
ne nindio OMWAMI, Nyasaye omwene mahe,
alaba nineenyu,
shinga olwa muboolanga.
15Kiyenje amabii, nimuheela amalayi,
nimutinyisia akobwatoto haluyia;
haundi OMWAMI, Nyasaye omwene mahe,
yakhakoosia omusikalo kwaYusufu.
16Khulwako, kano niko aka OMWAMI, Nyasaye omwene mahe, ouli Omwami, aboola; mbu Tsimbungu tsilabaho khumihanda chiosi;
khunjila tsiosi balasunganga mbu Woowe! Woowe!
Balalanga abalimi okhwitsa amasika,
nabo abamanya tsinzikhuulu balalangwa okhwinjila mumbungu.
17Mumikunda chiosi chiemitsabibu tsimbungu tsilabamwo;
okhuba ndalabira hakari weenywe;
nilwo olwa OMWAMI aboola.
18Woowe khwinywe abeekomba induukho yOMWAMI!
Nishiina eshichila nimwenya induukho yOMWAMI?
Yilaba eshiilima, obulafu ta.
19Keenga shinga omundu oweelukha italanyi, niyaakaana neitubu;
kata owinjila munzu, niyeesetamia khwisiisi,
inzokha niyimuluma.
20Induukho yOMWAMI shiyili eshiilima, obulafu ta?
Eshiilima ti, aharali okhwakha khwosi ta?
21Engiyanga amasabo keenywe; engaleka pe;
shinyala okhusangaalila emilukha chieenywe ta.
22Kata nimumalila emisango emisambe nemisango chieimele shindalabifuchiilila ta;
kata emiruko eminulu chiemisango chieenywe chiokhwishia,
shindalabihengakhwo ta.
23Rule hano nobuyoka bwetsinyimbo tsieenywe;
shinzenya okhuhulila amayoosi kamatungu keenywe ta.
24Ne leshe obuyaasii bwatoto bwarilishe shinga amatsi,
nobulunjishi shinga omwalo omukhongo.
25Mwandeerelanga emisango nebihaanwa mushitsiimi emiyika amakhumi kane, inywe abeinzu yaIsiraeli? 26Mulachinga Sakutsi omuruchi weenywe, naKaiwani omunyasaye weenywe oweinyininyini, nibio ebifwanani bieenywe ebia mweekasilia 27ne niko akachila ndalachila nimwarwa nimuyilwa injelekha waDamasiko; nilwo olwa owa eliiralie niye OMWAMI aboola, Nyasaye omwene mahe.
Currently Selected:
Amosi 5: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975