Amosi 7
7
Amabisulo kataru kobumululwi.
1. Tsisiche
1Kano niko aka Omwami NYASAYE yamanyia; mbu lola, yali nakasinjia tsisiche, mundaalo olwa omuboka kweshirumbi kwali nikumela; khwali okhumela khweshirumbi, okhulonda khukhukhaaya khwomuruchi. 2Ne olwa tsiali nitsimalile okhulia obunyasi bweshialo, ndasunga mbu
E Omwami NYASAYE, ekhusaaya mbu okhuleshele!
Yakobo alanyala arie okhusinjila? Nomutiiti muno!
3OMWAMI niyeekalukhasia khukano;
OMWAMI nasunga mbu Shikalaba kario ta.
2. Omulilo
4Kano niko aka Omwami NYASAYE yamanyia mbu lola, Omwami NYASAYE yali nalanganga obukhalachi bwomulilo; nakwo kwamala olusiba olukhongo, nikwenya okhulia nende eshialo. 5Mana nisunga mbu
E Omwami NYASAYE, ekhusaaya mbu oleshe!
Yakobo alanyala arie okhusinjila?
Nomutiiti muno!
6OMWAMI niyeekalukhasia khukano;
Omwami NYASAYE nasunga mbu Kata kano shikalaba kario ta.
3. Ipulambu
7Kano niko aka yamanyia; mbu lola, Omwami yali nasinjiile heesiisi lindi elioombakhwa nilipiimungwa neipulambu; naye nali neipulambu mumukhono. 8OMWAMI niyareeba mbu Amosi, eshia olola nishiina? Ningalusia mbu Endola ipulambu. Omwami naboola mbu
Lola, era ipulambu hakari wabandu banje Isiraeli;
shindalabamaayia khandi ta.
9Habundu aheechingu haIsaka halaba ahakhaya,
naho hatakatifu haIsiraeli halakwisibwa likunda;
ne ndalabuukha okhuyinga inzu yaYeroboamu nolukanga.
Amosi nende Amazia
10Mana Amazia omukuhani waBeteli yakhupila Yeroboamu omuruchi waIsiraeli omunwa, ari Amosi asanjilaane nabashie okhukhufukula hakari weinzu yaIsiraeli; eshibala shishinyala okhwisimilisilia amakhuwake kosi ta. 11Okhuba kano niko aka Amosi aboola; mbu
Yeroboamu alafwa khulwa olukanga,
naye Isiraeli alaarwa mushialoshie.
12Khandi Amazia namusunjila Amosi mbu Iwe omunabii, tsia, wilushile mushialo shiaYuda, oliilenjeyo ebiliibwa, nolakulilayo amakhuwai 13ne oralakulila eBeteli khandi ta; okhuba hano nahatakatifu homuruchi; neinzu yeshiruchi.
14Mana Amosi nakalusia nasunjila Amazia mbu Isie shindi omunabii, kata omwana womunabii ta; ne endi omwayi, nomulindi wemikhuyu; 15ne OMWAMI yambinia mukhulonda khubiayo OMWAMI niyasunjila mbu Tsia, orumbulile abandu banje Isiraeli amakhuwa kanje.
16Kho bulaano hulila likhuwa liOMWAMI; mbu Oboolanga mbu Orarumbula akokhufukula Isiraeli,
kata okhwilwatsa amakhuwa akokhufukula inzu yaIsaka ta.
17Khulwako, kano niko aka OMWAMI aboola; mbu
Omukhasiwo alakwa omutamba mwitaala,
nabo abaanabo abasiani nabakhaana balakwisibwa nolukanga;
ne eshialoshie shilakabulwa nishichelwa nomukoye,
nawe omwene olafwila mushialo eshili shiobukaali;
ne toto mwene, Isiraeli alaarwa mushialoshie.
Currently Selected:
Amosi 7: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975