Yoeli 1
1
Eshialo shionoonibilibwa elala netsisiche
1Likhuwa liOMWAMI elieetsela Yoeli waPetsueli.
2Hulile, inywe abasaakhulu;
reche amarwi, inywe mwesi abamenya mushialo.
Likhuwa elifwana lirio lieekholakhwo mundaalo tsieenywe,
kata mundaalo tsiabakuuka beenywe noho?
3Boolele abaana beenywe akalio,
abaana beenywe nibaboolela abaana babwe,
abaana babwe nabo nibaboolela abolwibulo olwitsa.
4Ebia tsisiche tsileshile, obwonya buliile;
ebia obwonya buleshile, tsisiche tsiamatongolo tsiliile;
nebia amatongolo kaleshile, amahalang'ang'a kaliile.
5Sisimushe, inywe abameesi, mulile;
khupe tsimbungu, inywe abanywi beidivai, mwesi,
khulwa idivai imilamili,
shichila mukhalaakwe khubuny vi bweenywe.
6Okhuba lihanga litikuluushe okhuseera eshialo shianje,
eliamaani, elirabalikha ta;
ameeno kalio kafwana shinga ameeno keitalanyi;
kafwana shinga amalooka keitalanyi ikhasi.
7Lionooniye emitsabibu chianje,
nilihalula omukhuyu kwanje,
nilikukhobola, nilisukuna amoolal hasi;
tsisaka tsiakwo tsilabile tserelele.
8Yikhuule shinga omushisila owiboyile tsingubo tsiamakunia
khulwa omusaatsa owamukhweetsanga.
9Emisango chieimele nemisango chiokhutsushiilila
chikhalakwa munzu yOMWAMI;
abakuhani beekhuule,
abo abakhalabani bOMWAMI.
10Omukunda kwonooneeshe,
liloba liikhuula;
okhuba imele yonooneeshe,
idivai imbia yichweyile okhunyoolekha,
amafura kahweelelela.
11Fwimbwe emirwe, inywe abalimi,
khupe tsimbungu, inywe abalindi bemitsabibu,
khulwa ingaano neishayiri,
okhuba lichesa liemikunda litibile;
12omutsabibukufululuushe;
omukhuyu kuhweelelela;
omukomamanga, nomushindu, nomupeela,
kata emisaala chiosi echiomumikunda chifululuushe;
obusangaafu buchweyeeshe mubaana babandu.
13Mwifwale tsingubo tsiamakunia nimwikhuula, inywe abakuhani;
khupe tsimbungu, mywe abakhalabani beshimalilo;
tsie mukone eshilo tulu nimwifwalile tsingubo tsiamakunia,
inywe abakhalabani baNyasaye wanje!
Okhuba omusango kweimele, nomusango kwokhutsushiilila, biikalilwa munzu yaNyasaye weenywe.
14Yahule inyanga yokhuhonga inzala;
khupe omulome kwomukhung'aano kwoluyali;
khung'aasie abakofu nende bosi abamenya mushialo
enanzu wOMWAMI Nyasaye weenywe,
nimuhaabila OMWAMI.
15Woowe khunyanga eyo!
Okhuba induukho yOMWAMI yili ahambi;
yileetsa shinga obutibii okhurula khu Oyo Ounyala Biosi.
16Ebiokhulia shibimululusiibwe pe ifwe nikhulola?
Nokhwikhoya nobusangaafu khunzu yaNyasaye weefwa?
17Tsimwo tsibola bubola hasi wamayindi;
amabiishilo kakwile amakunda;
ebiachi bisambaulwe;
okhuba imele yichweyile.
18Mako, emiruko chibinda!
Amatuuli ketsing'ombe kakoyaanile,
shichila tsibula obwayilo;
ne kata amatuuli kamakondi kali mubutinyu.
19E OMWAMI, ekhuhaabila;
okhuba omulilo kuliile pe obwayilo obwomushitsiimi;
tsimemu tsiakwo tsisambile emisaala chiosi echiomumikunda.
20Kata tsisolo tsiomubulimo tsikhuheeselela,
okhuba emichela chiamatsi chikhamile,
ne omulilo kusambile pe obwayilo obwomushitsiimi.
Currently Selected:
Yoeli 1: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975