Malaki 3
3
1Lole, erumanga omurume wanje, naye alakasia injila imbeli wanje; naye Omwami owa mukhaabanga aleetsa khuhekaluye meetsukhana; ne omurume weindakano, owa musangaalilanga, lole, yeetsanga; nilwo olwa OMWAMI omwene mahe aboola. 2Ali heena owakhanyala okhwifwila induukho yokhwitsakhwe? Kata ali heena owakheema olwa alalolekha?
Okhuba afwana shinga omulilo kwomuteemi weifeetsa, kata shinga isabuni yomwosii wetsingubo. 3Aleekhala shinga omuteemi nomulabia weifeetsa; alalabinjia abaana baLawi, nabateema shinga itsahaabu neifeetsa olwa bikholungwa; mana balamalanga omusango kwOMWAMI habwene. 4Mana omusango kwaYuda naYerusalemu kulamusangaasia OMWAMI, shinga olwa kali mundaalo etsiabira, mumiyika chiakhale. 5Nasi ndalamusitila ahambi khuiwa obuyaasii; ndalaba omuloli omwangu okhufukula abafumu, nokhufukula abaheyi, nokhufukula abeetsubi bobubeeyi, nokhufukula abo abamiina owomushaara khukomushaarakwe, nomukhasi omulekhwa, nomwana omubisandu, nabasindikhanga omurende elubeka, nibararia ta; nilwo olwa OMWAMI omwene mahe aboola.
Akokhurunga ebitonye bielikhumi
6Okhuba isie OMWAMI shingalukhananga ta; ne niko akachila inywe abaana baYakobo nimuratibibwa ta. 7Okhurula khundaalo tsiabakuuka beenywe, mwashiamile okhurula khuka ndalachilisia, nimurakahulila ta. Mungalushile, nasi ndalamukalushila inywe; nilwo olwa OMWAMI omwene mahe aboola. Neenyu mureebanga mbu Nakhukhakalushe khurie? 8Omundu yakheeba khuNyasaye noho? Nebutswa munzibanga ebindu. Neenyu mureebanga mbu Khukhakhwibanga khurie? Mbu mubitonye bielikhumi nomubihaanwa. 9Muli mushilaamo shiobubii okhuba munzibanga, lihanga lino liosi pe. 10OMWAMI omwene mahe aboola mbu Mundeelele eshitonye shielikhumi shiosi mushiachi shianje, mbu ebiliibwa bibeho munzu yanje, nimundeema murio okhulola nimba nindakhachweya okhumwikulila amatirisha akomwikulu, nimusundulila ikhabi, okhuula olwa yakhatamba obwiyangu. 11Khulweenywe ndalakaya tsisiche, mbu tsileshenje okhulia ebiamo bieliloba lieenywe; kata emitsabibu shichilakumbahala mumukunda ta; nilwo olwa OMWAMI omwene mahe aboola. 12Abamahanga bosi nabo balamulanga mbu abeikhabi; okhuba mulaba eshialo shiobusangaasii; nilwo olwa OMWAMI omwene mahe aboola.
Abalunjishi nababii shinga olwa baahukhaane
13OMWAMI aboola mbu Mwasunganga amakhuwa amakhayikhanu okhufukula. Nebutswa mureebanga mbu Khwakhakhufukuule khurie? 14Mbu nimusunganga muri Okhukhalabanila Nyasaye nibutswa; okhulindanga aka yakhulachilisia, kata okhuchenda shinga abamasika imbeli w omwene mahe khulimwo inganga shi? 15Bulaano khukulikhanga abeechinjimisii mbu abeikhabi; abakholanga obubii nibo abakaasanga; bateemanga Nyasaye, nibeehonokokha.
16Mana abo abariitsanga OMWAMI nibasunganila halala; OMWAMI nabarechela eshirwi nahulila; mana eshitabu shiobwitsulili nishihandiikwa imbeliwe, shiabeenabo abariitsanga OMWAMI nibakanila khuliiralie. 17OMWAMI omwene mahe naboola mbu Balaba abanje, mbu omwandu kwanje omwene, khunduukho eyo eya ndalakhola; ndalababeelelela, shinga omundu olwa abeelelela omwanawe oumukhalabanila. 18Mana shinga olwa mwali khale, mulaahukhasinjia khandi hakari womulunjishi nende omubii, hakari wa oyo oumukhalabanila Nyasaye nende oyo ouramukhalabanila ta.
Currently Selected:
Malaki 3: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975