Matsayo 27
27
Yesu yaleerwa imbeli waPilato
(Mk. 15.1; Lk. 23.1-2; Yoh. 18.28-32)
1Kho olwa bwashia mutsuli abakhulundu babakuhani bosi nende abakofu babandu basanjilana khuYesu, okhumwira; 2nibamu-boha, nibamuyila, nibamuhaana mumakhono kaPilato, owali nali Kafuna.
Okhufwa khwaYuda
3Mana Yuda, owali namukhobile, olwa yalola shinga eshiina olwa shiali nishimufwiliile, niyeekalukhasia, nakalusia tsifeetsa etsio amakhumi kataru ewabakhulundu babakuhani nende abakofu, 4naboola mbu Enzonoonile, olwa ekhobile amabanga koubula eshikha. Nebutswa bakalusia bari Elo nelikhuwa shiina khwifwe? Tsia olikasia omwene. 5Naye nasukuna hasi tsifeetsa etsio muhekalu, natsia; narulayo, niyeemika.
6Mana abakhulundu babakuhani nibabukula tsifeetsa etsio nibaboola mbu Nomusilo okhutsira mwibiishilo liebihaanwa, shichila nobukusi bwamatsayi. 7Kho nibasanga halala, nibatsikula omukunda kwomulonji, mbu kube okwokhuyabilungwamwo abacheni. 8Niko akachila omukunda okwo nikulangwa mbu Omukunda Kwamatsayi okhuula olwa leelo. 9Kho nikoosibwa akaboolwa nende omunabii Yeremia, mbu Nibabukula tsifeetsa etsio amakhumi kataru, obukusi bwoyo owachelelwa obukusi, owa abandi abomubaana baIsiraeli bachelela obukusi; 10nibatsiikhoonyela okhukula omukunda kwomulonji, shinga Omwami olwa yandaka.
Pilato yareeba Yesu amareebo
(Mk. 15.2-5; Lk. 23.3-5; Yoh. 18.33-38)
11Kho Yesu yasinjila imbeli waKafuna; naye Kafuna namureeba mbu Niwe Omuruchi wabaYahudi? Naye Yesu namusunjila, mbu Nolwa oboola iwe. 12Ne olwa abakhulundu babakuhani nende abakofu bamuchonjela shiyakalusia likhuwa ta. 13Mana Pilato namureeba ari Shiohulilanga amakhuwa shinga olwa kali amanji aka barumbulanga khwiwe? 14Naye naramukalusia kata likhuwa elala ta, okhuula olwa Kafuna yahuka muno.
Yesu yakhalachilwa eshiina shiokhufwa
(Mk. 15.6-15; Lk. 23.13-25; Yoh. 18.39—19.16)
15Ne khwisabo elo Kafuna yayinyanga okhulekhuulila abomukanda omubohe mulala, owa beenya. 16Ne bali nibali nende omubohe undi owamanyikhana, owalangwa mbu Baraba. 17Kho olwa bali nibakhung'aaniile halala, Pilato nabareeba ari Niwina owa mwenya mbu emulekhuulile? Baraba, nohomba Yesu oulangwa mbu Kristo? 18Okhuba yali naluutsi mbu imbalikha niyo eyichilile nibamuhaana mumakhonoke.
19Nolwa yali nashiikhaale khushifumbi shiobuyaasii, omukhasiwe yamukhupila omunwa, ari Oramukholakhwo omundu omulunjishi oyo likhuwa liosi ta; shichila inyanga yino enyasiibwe amakhuwa amanji mwilooro khululwe.
20Ne abakhulundu babakuhani nende abakofu batswanzwania abandu mbu bamusabe Baraba, nibamwira Yesu. 21Naye Kafuna nakalusia, nabasunjila mbu Khubano babili, niwina owa mwenya mbu emulekhuulile? Nibaboola bari Baraba. 22Pilato nabareeba ari Kho nemukhole endie Yesu oulangwa mbu Kristo? Bosi nibaboola bari Abambwe khumusalaba. 23Nabareeba ari Ne nibii shiina elia akholile? Nibameeta butswa okhuyiiba, bari Abambwe khumasulaba.
24Kho olwa Pilato yalola shinga olwa aranyala eshindu ta, habula mbu indiri yali niyenya okhwikhola, yabukula amatsi, nasaaba amakhono imbeli wabomukanda, naboola ari Shindikhwo nende eshiina shiamabanga komundu uno omulunjishi ta; tsie mulikasie abeene. 25Abandu bosi nibakalusia, nibasunga mbu Amabangake kabe khwifwe, khandi khubaana beefwe. 26Mana yabalekhuulila Baraba; ne yamunywekha Yesu, namuhaana mbu abambwe khumusalaba.
Abasikari banyokhoosia Yesu
(Mk. 15.16-20; Yoh. 19.2-3)
27Mana abasikari baKafuna nibamuyila Yesu muPraitorio; nibamukhung'aanila ing'anda yabwe yosi; 28nibamufwalula tsingubotsie, nibamufwala eshiifwalo eshiranzayi. 29Nibalukha olusimbi lwamahwa, nibalura khumurwekwe, nende olusi mumukhonokwe musaatsa; nibasikama hasi imbeliwe, nibamunyokhoosia, bari Mulembe, Omuruchi wabaYahudi! 30Nibamunyilikhakhwo amare, nibabukula olusi olwo nibamunywekha khumurwe. 31Nolwa bali nibamilile okhumunyokhoosia, bamufwalula eshiifwalo eshio, nibamufwala ebiifwalo bibie omwene, nibamurusia nibamuyila okhumubamba khumusalaba.
Yesu yabambwa khumusalaba
(Mk. 15.21-32; Lk. 23.26-43; Yoh. 19.17-27)
32Ne olwa bali nibashirula banyoola omundu weKirene, oulangwa mbu Simoni; nibamuluunyia okhutsia ninabo, achinje omusalabakwe.
33Ne olwa bali niboolile ahalangwa mbu Gologotsa, eshisina mbu Habundu wEshihanganga, 34bamunyweesia idivai eyatsokasibwa induswe; ne olwa ynli nakoonyeeleelekhwo, yaloba okhunywa. 35Ne olwa bali nibamubambile khumusalaba, nibakabana ebiifwalobie, nibabiupila ikha; 36nibeekhalayo nibamuhenga. 37Nibaraho hekulu hamurwekwe obwinjililwibwe, nibuhandiikwa mbu UNO NIYE YESU, OMURUCHI WAEAYAHUDI.
38Khandi abunuuli babili babambwa ninaye halala, mulala khumukhonokwe musaatsa, noundi khumukhono mukhasi.
39Abali nibabirangaho nabo nibamunyeka, nibamuyuyila emirwe, 40nibasunga bari Iwe oulikulula ihekalu nochiumbakha khandi mundaalo tsitaru, wihonie omwene; noba noli Omwana waNyasaye, wishe orule khumusalaba. 41Khandi abakhulundu babakuhani nabo bario nibamunyokhoosia halala nende abahandiichi nende abakofu, nibasunga bari 42Yahonia abandi, ne shianyala okhwihonia omwene ta. Niye Omuruchi waIsiraeli; kho yeeshe bulaano khumusalaba, mana khulamusuubilila. 43Yeesiikanga Nyasaye; amuhonie bulaano, naba namwenyanga; okhuba yasunga ari Nisie Omwana waNyasaye. 44Nabo abanuuli aba yabambwa ninabo halala nibamunyeka bario.
Okhufwa khwaYesu
(Mk. 15.33-41; Lk. 23.44-49; Yoh. 19.28-30)
45Ne okhurula khusaa yakhasasaba eshialo shiosi shieekhola eshiilima okhuula khusaa yashienda. 46Mana shinga khusaa yashienda Yesu yayiiba nende omwoyo omukhongo, ari Eli, Eli, lema sabakutsani? Mbu Nyasaye wanje, Nyasaye wanje, undeshile mbushiina? 47Abandi khubali nibasinjiileho, olwa bahulila, baboola mbu Omundu uno alanganga Eliya. 48Habwenaho oundi khubo natsia tsimbilo, nabukula eshiangwe, nashiitsusia idivai eyiraanyile nara khulusi, namunyweesia. 49Abandi nibaboola mbu Lekha, khulole Eliya naba niyeetsa okhumuhonia.
50Yesu nayiiba khandi nomwoyo omukhongo, nalekhuula omwoyokwe. 51Ne lola, ingubo ishinga eyomuhekalu niyirandukha ebitonye bibili, okhurula ikulu okhuula hasi; eshialo nashio nishirenga; tsinyanda nitsiatikha; 52ebilindwa nibiikukha; khandi emibili eminji chiabatakatifu abali nibakona nachio chialamusibwa; 53nibarula mubilindwa inyuma wokhulamukhakhwe, nibeenjila mwitookho elo litakatifu, nibaloleshela abandu abanji. 54Naye omuseesia nende aba yali ninabo nibamuhenganga Yesu, olwa balola okhurenga khweshialo nende amakhuwa akakholekha, baria muno, nibaboola mbu Toto mwene, uno abeele Omwana waNyasaye.
55Khandi abakhasi abanji bali nibaliyo, abali nibasinjiile ehale nibahenganga; abali nibalondaanenje nende Yesu okhurula eGalilaya, nibamukhalabanila; 56ne mubo balimwo Mariamu Magadalene, nende Mariamu nyinabwe Yakobo nende Yusufu, nende nyinabwe abaana baZebadayo.
Yesu yaalisibwa mung'ani
(Mk. 15.42-47; Lk. 23.50-56; Yoh. 19.38-42)
57Ne olwa bwoola mungoloobe, omusaatsa omuyinda owarula eArimatsaya, oweliiralie mbu Yusufu, niyeetsa; naye yali omwechi waYesu; 58omundu uno natsia ewaPilato namusaba omulambo kwaYesu. Mana Pilato nalaka mbu akuheebwe. 59Mana Yusufu nakubukula omulambo, nakufwimba mungubo indafu yeikitani, 60nakwalisia mung'aniyiye imbia, eya yali niyayaba mulwanda; mana naselenjesia lichina likali nalira mumuliango kweing'ani, niyeenyokha. 61Naye Mariamu Magadalene yali naliho, nende Mariamu undi oyo, nibeekhaale ahahengana nende eshilindwa.
Abalindi balinda hashilindwa
62Kho mukamba, niyo inyanga eyalonda khuYokhwikhwanilia, abakhulundu babakuhani halala nende abaFarisayo bali nibakhung'aanile ewa Pilato, 63nibaboola bari Omwami, khwitsuliile mbu omukaatii tsana yaboola, olwa yali nashiliho mwoyo, ari Olunyuma lwetsindaalo tsitaru ndakhalamushe. 64Kho olachilisie mbu eshilindwa shilindwe butinyu okhuula khunyanga yakhataru; abeechibe baleshe okhwitsa nibamwiba, nibaboolela abandu bari Alamuushe narula mubafu; mana obushiamu bwolunyuma bwakhashila obwambeli. 65Pilato nabasunjila ari Abalindi muli ninabo; tsie, mushilinde butinyu shinga olwa munyala. 66Kho mana batsia, nibalinda eshilindwa butinyu, nibabalikha lichina elo eshibalikho, abalindi nibaliho ninabo.
Currently Selected:
Matsayo 27: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Matsayo 27
27
Yesu yaleerwa imbeli waPilato
(Mk. 15.1; Lk. 23.1-2; Yoh. 18.28-32)
1Kho olwa bwashia mutsuli abakhulundu babakuhani bosi nende abakofu babandu basanjilana khuYesu, okhumwira; 2nibamu-boha, nibamuyila, nibamuhaana mumakhono kaPilato, owali nali Kafuna.
Okhufwa khwaYuda
3Mana Yuda, owali namukhobile, olwa yalola shinga eshiina olwa shiali nishimufwiliile, niyeekalukhasia, nakalusia tsifeetsa etsio amakhumi kataru ewabakhulundu babakuhani nende abakofu, 4naboola mbu Enzonoonile, olwa ekhobile amabanga koubula eshikha. Nebutswa bakalusia bari Elo nelikhuwa shiina khwifwe? Tsia olikasia omwene. 5Naye nasukuna hasi tsifeetsa etsio muhekalu, natsia; narulayo, niyeemika.
6Mana abakhulundu babakuhani nibabukula tsifeetsa etsio nibaboola mbu Nomusilo okhutsira mwibiishilo liebihaanwa, shichila nobukusi bwamatsayi. 7Kho nibasanga halala, nibatsikula omukunda kwomulonji, mbu kube okwokhuyabilungwamwo abacheni. 8Niko akachila omukunda okwo nikulangwa mbu Omukunda Kwamatsayi okhuula olwa leelo. 9Kho nikoosibwa akaboolwa nende omunabii Yeremia, mbu Nibabukula tsifeetsa etsio amakhumi kataru, obukusi bwoyo owachelelwa obukusi, owa abandi abomubaana baIsiraeli bachelela obukusi; 10nibatsiikhoonyela okhukula omukunda kwomulonji, shinga Omwami olwa yandaka.
Pilato yareeba Yesu amareebo
(Mk. 15.2-5; Lk. 23.3-5; Yoh. 18.33-38)
11Kho Yesu yasinjila imbeli waKafuna; naye Kafuna namureeba mbu Niwe Omuruchi wabaYahudi? Naye Yesu namusunjila, mbu Nolwa oboola iwe. 12Ne olwa abakhulundu babakuhani nende abakofu bamuchonjela shiyakalusia likhuwa ta. 13Mana Pilato namureeba ari Shiohulilanga amakhuwa shinga olwa kali amanji aka barumbulanga khwiwe? 14Naye naramukalusia kata likhuwa elala ta, okhuula olwa Kafuna yahuka muno.
Yesu yakhalachilwa eshiina shiokhufwa
(Mk. 15.6-15; Lk. 23.13-25; Yoh. 18.39—19.16)
15Ne khwisabo elo Kafuna yayinyanga okhulekhuulila abomukanda omubohe mulala, owa beenya. 16Ne bali nibali nende omubohe undi owamanyikhana, owalangwa mbu Baraba. 17Kho olwa bali nibakhung'aaniile halala, Pilato nabareeba ari Niwina owa mwenya mbu emulekhuulile? Baraba, nohomba Yesu oulangwa mbu Kristo? 18Okhuba yali naluutsi mbu imbalikha niyo eyichilile nibamuhaana mumakhonoke.
19Nolwa yali nashiikhaale khushifumbi shiobuyaasii, omukhasiwe yamukhupila omunwa, ari Oramukholakhwo omundu omulunjishi oyo likhuwa liosi ta; shichila inyanga yino enyasiibwe amakhuwa amanji mwilooro khululwe.
20Ne abakhulundu babakuhani nende abakofu batswanzwania abandu mbu bamusabe Baraba, nibamwira Yesu. 21Naye Kafuna nakalusia, nabasunjila mbu Khubano babili, niwina owa mwenya mbu emulekhuulile? Nibaboola bari Baraba. 22Pilato nabareeba ari Kho nemukhole endie Yesu oulangwa mbu Kristo? Bosi nibaboola bari Abambwe khumusalaba. 23Nabareeba ari Ne nibii shiina elia akholile? Nibameeta butswa okhuyiiba, bari Abambwe khumasulaba.
24Kho olwa Pilato yalola shinga olwa aranyala eshindu ta, habula mbu indiri yali niyenya okhwikhola, yabukula amatsi, nasaaba amakhono imbeli wabomukanda, naboola ari Shindikhwo nende eshiina shiamabanga komundu uno omulunjishi ta; tsie mulikasie abeene. 25Abandu bosi nibakalusia, nibasunga mbu Amabangake kabe khwifwe, khandi khubaana beefwe. 26Mana yabalekhuulila Baraba; ne yamunywekha Yesu, namuhaana mbu abambwe khumusalaba.
Abasikari banyokhoosia Yesu
(Mk. 15.16-20; Yoh. 19.2-3)
27Mana abasikari baKafuna nibamuyila Yesu muPraitorio; nibamukhung'aanila ing'anda yabwe yosi; 28nibamufwalula tsingubotsie, nibamufwala eshiifwalo eshiranzayi. 29Nibalukha olusimbi lwamahwa, nibalura khumurwekwe, nende olusi mumukhonokwe musaatsa; nibasikama hasi imbeliwe, nibamunyokhoosia, bari Mulembe, Omuruchi wabaYahudi! 30Nibamunyilikhakhwo amare, nibabukula olusi olwo nibamunywekha khumurwe. 31Nolwa bali nibamilile okhumunyokhoosia, bamufwalula eshiifwalo eshio, nibamufwala ebiifwalo bibie omwene, nibamurusia nibamuyila okhumubamba khumusalaba.
Yesu yabambwa khumusalaba
(Mk. 15.21-32; Lk. 23.26-43; Yoh. 19.17-27)
32Ne olwa bali nibashirula banyoola omundu weKirene, oulangwa mbu Simoni; nibamuluunyia okhutsia ninabo, achinje omusalabakwe.
33Ne olwa bali niboolile ahalangwa mbu Gologotsa, eshisina mbu Habundu wEshihanganga, 34bamunyweesia idivai eyatsokasibwa induswe; ne olwa ynli nakoonyeeleelekhwo, yaloba okhunywa. 35Ne olwa bali nibamubambile khumusalaba, nibakabana ebiifwalobie, nibabiupila ikha; 36nibeekhalayo nibamuhenga. 37Nibaraho hekulu hamurwekwe obwinjililwibwe, nibuhandiikwa mbu UNO NIYE YESU, OMURUCHI WAEAYAHUDI.
38Khandi abunuuli babili babambwa ninaye halala, mulala khumukhonokwe musaatsa, noundi khumukhono mukhasi.
39Abali nibabirangaho nabo nibamunyeka, nibamuyuyila emirwe, 40nibasunga bari Iwe oulikulula ihekalu nochiumbakha khandi mundaalo tsitaru, wihonie omwene; noba noli Omwana waNyasaye, wishe orule khumusalaba. 41Khandi abakhulundu babakuhani nabo bario nibamunyokhoosia halala nende abahandiichi nende abakofu, nibasunga bari 42Yahonia abandi, ne shianyala okhwihonia omwene ta. Niye Omuruchi waIsiraeli; kho yeeshe bulaano khumusalaba, mana khulamusuubilila. 43Yeesiikanga Nyasaye; amuhonie bulaano, naba namwenyanga; okhuba yasunga ari Nisie Omwana waNyasaye. 44Nabo abanuuli aba yabambwa ninabo halala nibamunyeka bario.
Okhufwa khwaYesu
(Mk. 15.33-41; Lk. 23.44-49; Yoh. 19.28-30)
45Ne okhurula khusaa yakhasasaba eshialo shiosi shieekhola eshiilima okhuula khusaa yashienda. 46Mana shinga khusaa yashienda Yesu yayiiba nende omwoyo omukhongo, ari Eli, Eli, lema sabakutsani? Mbu Nyasaye wanje, Nyasaye wanje, undeshile mbushiina? 47Abandi khubali nibasinjiileho, olwa bahulila, baboola mbu Omundu uno alanganga Eliya. 48Habwenaho oundi khubo natsia tsimbilo, nabukula eshiangwe, nashiitsusia idivai eyiraanyile nara khulusi, namunyweesia. 49Abandi nibaboola mbu Lekha, khulole Eliya naba niyeetsa okhumuhonia.
50Yesu nayiiba khandi nomwoyo omukhongo, nalekhuula omwoyokwe. 51Ne lola, ingubo ishinga eyomuhekalu niyirandukha ebitonye bibili, okhurula ikulu okhuula hasi; eshialo nashio nishirenga; tsinyanda nitsiatikha; 52ebilindwa nibiikukha; khandi emibili eminji chiabatakatifu abali nibakona nachio chialamusibwa; 53nibarula mubilindwa inyuma wokhulamukhakhwe, nibeenjila mwitookho elo litakatifu, nibaloleshela abandu abanji. 54Naye omuseesia nende aba yali ninabo nibamuhenganga Yesu, olwa balola okhurenga khweshialo nende amakhuwa akakholekha, baria muno, nibaboola mbu Toto mwene, uno abeele Omwana waNyasaye.
55Khandi abakhasi abanji bali nibaliyo, abali nibasinjiile ehale nibahenganga; abali nibalondaanenje nende Yesu okhurula eGalilaya, nibamukhalabanila; 56ne mubo balimwo Mariamu Magadalene, nende Mariamu nyinabwe Yakobo nende Yusufu, nende nyinabwe abaana baZebadayo.
Yesu yaalisibwa mung'ani
(Mk. 15.42-47; Lk. 23.50-56; Yoh. 19.38-42)
57Ne olwa bwoola mungoloobe, omusaatsa omuyinda owarula eArimatsaya, oweliiralie mbu Yusufu, niyeetsa; naye yali omwechi waYesu; 58omundu uno natsia ewaPilato namusaba omulambo kwaYesu. Mana Pilato nalaka mbu akuheebwe. 59Mana Yusufu nakubukula omulambo, nakufwimba mungubo indafu yeikitani, 60nakwalisia mung'aniyiye imbia, eya yali niyayaba mulwanda; mana naselenjesia lichina likali nalira mumuliango kweing'ani, niyeenyokha. 61Naye Mariamu Magadalene yali naliho, nende Mariamu undi oyo, nibeekhaale ahahengana nende eshilindwa.
Abalindi balinda hashilindwa
62Kho mukamba, niyo inyanga eyalonda khuYokhwikhwanilia, abakhulundu babakuhani halala nende abaFarisayo bali nibakhung'aanile ewa Pilato, 63nibaboola bari Omwami, khwitsuliile mbu omukaatii tsana yaboola, olwa yali nashiliho mwoyo, ari Olunyuma lwetsindaalo tsitaru ndakhalamushe. 64Kho olachilisie mbu eshilindwa shilindwe butinyu okhuula khunyanga yakhataru; abeechibe baleshe okhwitsa nibamwiba, nibaboolela abandu bari Alamuushe narula mubafu; mana obushiamu bwolunyuma bwakhashila obwambeli. 65Pilato nabasunjila ari Abalindi muli ninabo; tsie, mushilinde butinyu shinga olwa munyala. 66Kho mana batsia, nibalinda eshilindwa butinyu, nibabalikha lichina elo eshibalikho, abalindi nibaliho ninabo.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975