Matsayo 6
6
Aka Yesu yeechesia khukokhukhola aketsimbabasi
1Mwiyile kahala, muleshe okhukholanga akobulunjishi keenywe imbeli wabandu mbu bamulole; muleshe okhubula omukabo okhurula khuSeenywe ouli mwikulu ta.
2Niko akachila, olwa okhola akeshisa orakhupa olwika imbeliwo shinga abeekaatii abo olwa bakholanga musinagogi khandi khumihanda, mbu mana baheebwe oluyali nende abandu, ta. Emuboolela toto, mbu bamalile okhunyoola omurungo kwabwe. 3Nawe olwa okhola akeshisa, orafuchiilila omukhonokwo mukhasi kumanye aka omukhonokwo musaatsa kukhola ta; 4mbu mana akeshisashio kabe akamabiswi; naye So oulolanga mumabiswi alakhurunga.
Aka Yesu yeechesia khubasaayi
(Lk. 11.2-4)
5Ne olwa musaaya, muraba shinga abeekaatii abo tawe; okhuba baheelanga okhusinjila nibasaba musinagogi kata mumasanganjila mbu mana abandu babalole. Emuboolela toto mbu bamalile okhunyoola omurungo kwabwe. 6Ne iwe, olwa osaaya, yinjila mushisikashio eshiomukari, man nomalile okhwikala omuliango, omusabe So ou mumabiswi, naye So oulolanga mumabiswi alakhurunga.
7Khandi, olwa musaaya mureelakalakani butswa shinga abamahanga olwa bakhola, tawe; shichila bo bakaalanga mbu balahulilwa khulwa obunji bwamasungo kabwe. 8Kho inywe mura fwananana ninabo ta; okhuba Seenywe amanyile ebia mutamba shinga olwa bili, nimurashiamusa ta.
9Khulwako, musaayenje muri nanwa, mbu E Seefwe, ouli mwikulu, Eliiralio liriibwe. 10Obwamibwo bwitse. Aka wenya keekhol mushialo, shinga olwa keekholanga mwikuhulu. 11Okhuheelesie leelo ebiliibwa bieefwe bialeelo. 12Nokhuleshela amakobi keefwe, shinga if we olwa khubalesheele abeekobi beefwe. 13Norakhuyila mukhuteemwa ta, ne okhuhonie mububi [Okhuba obwami, nende obunyali, nende oluyali, nebibio, ebisoni nebisoni. Amina.] 14Shichila nimuba nimubaleshela nbandu obuyiiri bwabwe Seenywe owomwikulu naye alamuleshela inywe 15Ne nimuba nimurabaleshela abandu obuyiiri bwabwe ta, kata Seenywe shialamuleshela inywe obuyiiri bweenywe tawe.
Aka Yesu yeechesia khukokhuhonga inzala
16Khandi, olwa muba nimuhonga inzala, murakhuunia mumoni shinga abeekaatii abo ta; okhuba babiiyinjia mumoni mwabwe mbu abandu balole shinga olwa bahonga inzala. Emuboolela toto, mbu bamalile okhunyoola omurungo kwabwe. 17Ne iwe, olwa ohonga inzala, wibashe amafura mumurwe niwiyosia mumoni; 18mbu abandu baleshe okhulola shinga olwa ohonga inzala ta, habula So ouli mumabiswi; naye So oulolanga mumabiswi alakhurunga.
Akobuyinda mwikulu
(Lk. 12.33-34)
19Mureebiishila abeene amabiikho mushialo, aha amatsilili nende tsindebelende bisasinjia naha abeebi bayabanga nibeeba, ta; 20nebutswa mwibiishile amabiikho mwikulu, aha amatsilili kata tsindebelende birasasinjia, kata abeebi okhuyaba nokhwiba ta; 21shichila libiikholio aha lili, niho aha omwoyokwo nakwo kulabeetsanga.
Itaha yomubili
(Lk. 11.34-36)
22Itaha yomubili niyo imoni; kho imoniyo niyiba niyili habwene, omubilikwo kwosi kuleetsulamwo obulafu. 23Ne imoniyo niyiba niyili imbii, omubilikwo kwosi kuleetsulamwo eshiilima Kho obulafu obuli mwiwe nibuba nibuli eshiilima, kho eshiilima eshio shishiakhaba eshikhongo muno?
Nyasaye nende emiandu
(Lk. 16.30)
24Abulaho ounyala okhukhalabanila abaami babili ta; shichila alachwang'a mulala khubo namuheela oundi, kata mbu alahambaana nende mulala khubo namuchaya oundi. Shimunyala okhukhalabanila Nyasaye khandi nende emiandu ta.
25Niko akachila nimuboolela mbu Murahendelanga akobulamu bweenywe, ebia mwitsa okhuIia, kata ebia mwitsa okhunywa, ta; kata akemibili chieenywe, ebia mwitsa okhwifwala, tawe. Obulamu shibushila ebiliibwa, omubili nakwo shikushila ebiifwalo? 26Lole amanyonyi akokhwikulu, shinga olwa kararaakanga kata okhuchesa, kata okhukhung'aasia mubiachi ta; ne Seenywe owomwikulu akaliisinjia. Inywe shimukashila muno akeenako? 27Ne niwina khwinywe, khulwa obuhendi obwa ahendanga, wakhanyala okhwimeetela kata isaa ndala khubuyindifubwe? 28Kata nishiina eshichila nimuhendelanga ebiifwalo? Mwechele khumataanye akomubulimo, shinga olwa kakhulanga; shikanyakhananga emilimo, kata shikasiiranga obuusi ta; 29nebutswa emuboolela mbu kata Sulemani mung'oonoye yosi shiyayeefwala shinga elala khuko ta. 30Ne Nyasaye olwa afwalanga obunyasi obwomubulimo ebiifwalo biabwo birio, obubaho leelo, ne mukamba busukunwa mumulilo, shialashila okhumufwala inywe, inywe abali nobusuubili obutuutu? 31Khulwako, muleshe okhuhendanga, muri Nakhulie shilna? Kata mbu Nakhunywe shiina? Kata mbu Nakhwifwale shiina? Tawe. 32Okhuba bienebio biosi nibio ebia Abamahanga bakhaabanga; shichila Seenywe owomwikulu yamanye shinga olwa mukhoyile okhuba nebindu ebio biosi. 33Ne ranjilile mukhaabe obwamibwe nende obuIunjishibwe; nebindu bino biosi mulameetelwa. 34Niko akachila, murahendelanga akomukamba tawe; okhuba inyanga yomukamba yilahendela akayo. Buli nyanga yibeetsanga namanyakhano kayo akachihela.
Currently Selected:
Matsayo 6: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Matsayo 6
6
Aka Yesu yeechesia khukokhukhola aketsimbabasi
1Mwiyile kahala, muleshe okhukholanga akobulunjishi keenywe imbeli wabandu mbu bamulole; muleshe okhubula omukabo okhurula khuSeenywe ouli mwikulu ta.
2Niko akachila, olwa okhola akeshisa orakhupa olwika imbeliwo shinga abeekaatii abo olwa bakholanga musinagogi khandi khumihanda, mbu mana baheebwe oluyali nende abandu, ta. Emuboolela toto, mbu bamalile okhunyoola omurungo kwabwe. 3Nawe olwa okhola akeshisa, orafuchiilila omukhonokwo mukhasi kumanye aka omukhonokwo musaatsa kukhola ta; 4mbu mana akeshisashio kabe akamabiswi; naye So oulolanga mumabiswi alakhurunga.
Aka Yesu yeechesia khubasaayi
(Lk. 11.2-4)
5Ne olwa musaaya, muraba shinga abeekaatii abo tawe; okhuba baheelanga okhusinjila nibasaba musinagogi kata mumasanganjila mbu mana abandu babalole. Emuboolela toto mbu bamalile okhunyoola omurungo kwabwe. 6Ne iwe, olwa osaaya, yinjila mushisikashio eshiomukari, man nomalile okhwikala omuliango, omusabe So ou mumabiswi, naye So oulolanga mumabiswi alakhurunga.
7Khandi, olwa musaaya mureelakalakani butswa shinga abamahanga olwa bakhola, tawe; shichila bo bakaalanga mbu balahulilwa khulwa obunji bwamasungo kabwe. 8Kho inywe mura fwananana ninabo ta; okhuba Seenywe amanyile ebia mutamba shinga olwa bili, nimurashiamusa ta.
9Khulwako, musaayenje muri nanwa, mbu E Seefwe, ouli mwikulu, Eliiralio liriibwe. 10Obwamibwo bwitse. Aka wenya keekhol mushialo, shinga olwa keekholanga mwikuhulu. 11Okhuheelesie leelo ebiliibwa bieefwe bialeelo. 12Nokhuleshela amakobi keefwe, shinga if we olwa khubalesheele abeekobi beefwe. 13Norakhuyila mukhuteemwa ta, ne okhuhonie mububi [Okhuba obwami, nende obunyali, nende oluyali, nebibio, ebisoni nebisoni. Amina.] 14Shichila nimuba nimubaleshela nbandu obuyiiri bwabwe Seenywe owomwikulu naye alamuleshela inywe 15Ne nimuba nimurabaleshela abandu obuyiiri bwabwe ta, kata Seenywe shialamuleshela inywe obuyiiri bweenywe tawe.
Aka Yesu yeechesia khukokhuhonga inzala
16Khandi, olwa muba nimuhonga inzala, murakhuunia mumoni shinga abeekaatii abo ta; okhuba babiiyinjia mumoni mwabwe mbu abandu balole shinga olwa bahonga inzala. Emuboolela toto, mbu bamalile okhunyoola omurungo kwabwe. 17Ne iwe, olwa ohonga inzala, wibashe amafura mumurwe niwiyosia mumoni; 18mbu abandu baleshe okhulola shinga olwa ohonga inzala ta, habula So ouli mumabiswi; naye So oulolanga mumabiswi alakhurunga.
Akobuyinda mwikulu
(Lk. 12.33-34)
19Mureebiishila abeene amabiikho mushialo, aha amatsilili nende tsindebelende bisasinjia naha abeebi bayabanga nibeeba, ta; 20nebutswa mwibiishile amabiikho mwikulu, aha amatsilili kata tsindebelende birasasinjia, kata abeebi okhuyaba nokhwiba ta; 21shichila libiikholio aha lili, niho aha omwoyokwo nakwo kulabeetsanga.
Itaha yomubili
(Lk. 11.34-36)
22Itaha yomubili niyo imoni; kho imoniyo niyiba niyili habwene, omubilikwo kwosi kuleetsulamwo obulafu. 23Ne imoniyo niyiba niyili imbii, omubilikwo kwosi kuleetsulamwo eshiilima Kho obulafu obuli mwiwe nibuba nibuli eshiilima, kho eshiilima eshio shishiakhaba eshikhongo muno?
Nyasaye nende emiandu
(Lk. 16.30)
24Abulaho ounyala okhukhalabanila abaami babili ta; shichila alachwang'a mulala khubo namuheela oundi, kata mbu alahambaana nende mulala khubo namuchaya oundi. Shimunyala okhukhalabanila Nyasaye khandi nende emiandu ta.
25Niko akachila nimuboolela mbu Murahendelanga akobulamu bweenywe, ebia mwitsa okhuIia, kata ebia mwitsa okhunywa, ta; kata akemibili chieenywe, ebia mwitsa okhwifwala, tawe. Obulamu shibushila ebiliibwa, omubili nakwo shikushila ebiifwalo? 26Lole amanyonyi akokhwikulu, shinga olwa kararaakanga kata okhuchesa, kata okhukhung'aasia mubiachi ta; ne Seenywe owomwikulu akaliisinjia. Inywe shimukashila muno akeenako? 27Ne niwina khwinywe, khulwa obuhendi obwa ahendanga, wakhanyala okhwimeetela kata isaa ndala khubuyindifubwe? 28Kata nishiina eshichila nimuhendelanga ebiifwalo? Mwechele khumataanye akomubulimo, shinga olwa kakhulanga; shikanyakhananga emilimo, kata shikasiiranga obuusi ta; 29nebutswa emuboolela mbu kata Sulemani mung'oonoye yosi shiyayeefwala shinga elala khuko ta. 30Ne Nyasaye olwa afwalanga obunyasi obwomubulimo ebiifwalo biabwo birio, obubaho leelo, ne mukamba busukunwa mumulilo, shialashila okhumufwala inywe, inywe abali nobusuubili obutuutu? 31Khulwako, muleshe okhuhendanga, muri Nakhulie shilna? Kata mbu Nakhunywe shiina? Kata mbu Nakhwifwale shiina? Tawe. 32Okhuba bienebio biosi nibio ebia Abamahanga bakhaabanga; shichila Seenywe owomwikulu yamanye shinga olwa mukhoyile okhuba nebindu ebio biosi. 33Ne ranjilile mukhaabe obwamibwe nende obuIunjishibwe; nebindu bino biosi mulameetelwa. 34Niko akachila, murahendelanga akomukamba tawe; okhuba inyanga yomukamba yilahendela akayo. Buli nyanga yibeetsanga namanyakhano kayo akachihela.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975