Matsayo 7
7
Akokhukhalachila abandi
(Lk. 6.37-38,41-42)
1Murayaasinjia omundu eshiina ta, mbu mana inywe muleshe okhuyaasibwa. 2Okhuba obuyaasii bwene obwa muyaasilinjia abandi, nibwo obwa mulayaasilibwa; neshichelo shiene eshia muchelelangamwo, nishio eshia mulachelelwamwo. 3Kata mbushiina nohenganga akhakokha akhali mumoni yowashio, noreetsulilakhwo eshirundu eshili mumoni yiyo? 4Kata wakhamuboolela orie owashio, mbu Lekha ekhuyinie akhakokha akhali mumoniyo; ne lola, eshirundu eshio shili mumoni yiyo? 5Omwikaatii iwe, ranjilila oyinie eshirundu eshili mumoni yiyo, mana olalola bulayi okhuyinia akhakokha akhali mumoni yowashio.
6Muraheelesia tsmmbwa bienebio ebili ebitakatifu ta, kata murafuuba tsilulu tsieenywe imbeli wetsimbiitsi tawe; tsiakhatsiseenela hasi mumakulu katsio, mana nitsishiukhana okhumuluma.
Sabe, khaabe, khong'onde
(Lk. 11.9-13)
7Sabe, mulaheebwa; khaabe, mulanyoola; khong'onde, muleekulilwa; 8okhuba buli mundu ousaba aheebwa; noukhaaba, anyoola; noukhong'onda, aleekulilwa. 9Kata niwina khwinywe omwanawe olwa amusaba omukaate, wamuheelesia lichina; 10kata namusaba inyeeni, wamuheelesia inzokha? 11Kho inywe abali ababii olwa mumanyile okhubaheelesia abaana beenywe ebihaanwa ebilayi, Seenywe ouli mwikulu shialashila muno okhubaheelesia ebindu ebilayi abo abamusaba?
12Kho kosi aka mwenya abandu bamukholelenje inywe, nineenywe mubakholelenje murio; shichila okhwenokhwo nikhwo akamalako nende abanabii.
Eshilibwa eshinyelele
(Lk. 13.24)
13Mwinjile nimubirila mushilibwa eshinyelele; shichila eshilibwa neshikhongo khandi injila neimbambalifu ebichooma mukhutiba, nababiriIanga mubio nabanji. 14Habula eshilibwa neshituutu khandi injila neinyelele ebichooma khubulamu, nababinyoolanga shibali abanji ta.
Omusaala kumanyikha khulwa ebiamo hakwo
(Lk. 6.43-44)
15Mwirecheshe khulwa abanabii bobubeeyi abamwitsilanga mubiifwalo biamakondi, ne mukari nebisuutse ebihalaba. 16Mulabamanyila khubiamo biabwe. Abandu banokanga tsinzabibu khubisisia, kata amakhuyu khumarakalu? 17Ne nolwa kali, mbu buli musaala omulayi kwamanga ebiamo ebilayi; nebutswa omusaala omubii kwamanga ebiamo ebibii. 18Omusaala omulayi shikunyala okhwama ebiamo ebibii, kata omusaala omubii okhwama ebiamo ebilayi tawe. 19Buli musaala okuraamanga ebiamo ebilayi ta kuremwa, nikusukunwa mumulilo. 20Kho mulabamanyila khubiamo biabwe.
Shindamumanya tawe
(Lk. 13.25-27)
21Shibali bosi aba'sunjilanga bari Omwami, Omwami, abaliinjila mubwami obwomwikulu ta; habula oyo oukholanga aka Papa ouli mwikulu yeenya. 22Khunduukho eyo abanji balireeba, bari Omwami, Omwami, shikhwalakula muliiralio, nikhurusia amadimoni muliiralio, nikhukhola emilimo eminji emikhongo muliiralio? 23Habwenaho ndilibaboolela habulafu, mbu Shindamumanyakhwo tawe; mu'rulekhwo, inywe abakholanga obumayaanu.
Omuse kwokhulwanda, nomuse kwokhumuyeshe
(Lk. 6.47-49)
24Kho buli mundu ouhulilanga amakhuwa kanje kano nakakhola, afwananibwe nende omundu omuchesi owoombakha inzuye khulwanda 25mana ifula niyikwa, emikhula nichiitsa, imbumbuyeka niyihuutsa, nibirootsa inzu eyo; nayo niyirakwa ta; okhuba yakhupwa omuse khulwanda. 26Ne buli mundu ouhulilanga amakhuwa kanje kano narakakhola tawe, afwananibwe nende omundu omusilu, owoombakha inzuye khumuyeshe; 27mana ifula niyikwa, emikhula nichiitsa, imbumbuyeka niyihuutsa, nibikhupa inzueyo; nayoniyikwa; okhukwakhwayonikhuba okhukali muno.
Obunyeli bwaYesu
(Mk. 1.22)
28Ne olwa Yesu yali namalile okhuboola amakhuwa ako, abemikanda nibahumanila okhwechesiakhwe; 29shichila yabeechesia shinga omwene makhuwa, narabeechesia shinga abahandiichi babwe ta.
Currently Selected:
Matsayo 7: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Matsayo 7
7
Akokhukhalachila abandi
(Lk. 6.37-38,41-42)
1Murayaasinjia omundu eshiina ta, mbu mana inywe muleshe okhuyaasibwa. 2Okhuba obuyaasii bwene obwa muyaasilinjia abandi, nibwo obwa mulayaasilibwa; neshichelo shiene eshia muchelelangamwo, nishio eshia mulachelelwamwo. 3Kata mbushiina nohenganga akhakokha akhali mumoni yowashio, noreetsulilakhwo eshirundu eshili mumoni yiyo? 4Kata wakhamuboolela orie owashio, mbu Lekha ekhuyinie akhakokha akhali mumoniyo; ne lola, eshirundu eshio shili mumoni yiyo? 5Omwikaatii iwe, ranjilila oyinie eshirundu eshili mumoni yiyo, mana olalola bulayi okhuyinia akhakokha akhali mumoni yowashio.
6Muraheelesia tsmmbwa bienebio ebili ebitakatifu ta, kata murafuuba tsilulu tsieenywe imbeli wetsimbiitsi tawe; tsiakhatsiseenela hasi mumakulu katsio, mana nitsishiukhana okhumuluma.
Sabe, khaabe, khong'onde
(Lk. 11.9-13)
7Sabe, mulaheebwa; khaabe, mulanyoola; khong'onde, muleekulilwa; 8okhuba buli mundu ousaba aheebwa; noukhaaba, anyoola; noukhong'onda, aleekulilwa. 9Kata niwina khwinywe omwanawe olwa amusaba omukaate, wamuheelesia lichina; 10kata namusaba inyeeni, wamuheelesia inzokha? 11Kho inywe abali ababii olwa mumanyile okhubaheelesia abaana beenywe ebihaanwa ebilayi, Seenywe ouli mwikulu shialashila muno okhubaheelesia ebindu ebilayi abo abamusaba?
12Kho kosi aka mwenya abandu bamukholelenje inywe, nineenywe mubakholelenje murio; shichila okhwenokhwo nikhwo akamalako nende abanabii.
Eshilibwa eshinyelele
(Lk. 13.24)
13Mwinjile nimubirila mushilibwa eshinyelele; shichila eshilibwa neshikhongo khandi injila neimbambalifu ebichooma mukhutiba, nababiriIanga mubio nabanji. 14Habula eshilibwa neshituutu khandi injila neinyelele ebichooma khubulamu, nababinyoolanga shibali abanji ta.
Omusaala kumanyikha khulwa ebiamo hakwo
(Lk. 6.43-44)
15Mwirecheshe khulwa abanabii bobubeeyi abamwitsilanga mubiifwalo biamakondi, ne mukari nebisuutse ebihalaba. 16Mulabamanyila khubiamo biabwe. Abandu banokanga tsinzabibu khubisisia, kata amakhuyu khumarakalu? 17Ne nolwa kali, mbu buli musaala omulayi kwamanga ebiamo ebilayi; nebutswa omusaala omubii kwamanga ebiamo ebibii. 18Omusaala omulayi shikunyala okhwama ebiamo ebibii, kata omusaala omubii okhwama ebiamo ebilayi tawe. 19Buli musaala okuraamanga ebiamo ebilayi ta kuremwa, nikusukunwa mumulilo. 20Kho mulabamanyila khubiamo biabwe.
Shindamumanya tawe
(Lk. 13.25-27)
21Shibali bosi aba'sunjilanga bari Omwami, Omwami, abaliinjila mubwami obwomwikulu ta; habula oyo oukholanga aka Papa ouli mwikulu yeenya. 22Khunduukho eyo abanji balireeba, bari Omwami, Omwami, shikhwalakula muliiralio, nikhurusia amadimoni muliiralio, nikhukhola emilimo eminji emikhongo muliiralio? 23Habwenaho ndilibaboolela habulafu, mbu Shindamumanyakhwo tawe; mu'rulekhwo, inywe abakholanga obumayaanu.
Omuse kwokhulwanda, nomuse kwokhumuyeshe
(Lk. 6.47-49)
24Kho buli mundu ouhulilanga amakhuwa kanje kano nakakhola, afwananibwe nende omundu omuchesi owoombakha inzuye khulwanda 25mana ifula niyikwa, emikhula nichiitsa, imbumbuyeka niyihuutsa, nibirootsa inzu eyo; nayo niyirakwa ta; okhuba yakhupwa omuse khulwanda. 26Ne buli mundu ouhulilanga amakhuwa kanje kano narakakhola tawe, afwananibwe nende omundu omusilu, owoombakha inzuye khumuyeshe; 27mana ifula niyikwa, emikhula nichiitsa, imbumbuyeka niyihuutsa, nibikhupa inzueyo; nayoniyikwa; okhukwakhwayonikhuba okhukali muno.
Obunyeli bwaYesu
(Mk. 1.22)
28Ne olwa Yesu yali namalile okhuboola amakhuwa ako, abemikanda nibahumanila okhwechesiakhwe; 29shichila yabeechesia shinga omwene makhuwa, narabeechesia shinga abahandiichi babwe ta.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975