Mika 3
3
Abeemilisi balsiraeli bafukulwa
1Ndasunga mbu
Inywe abeemilisi baYakobo, chame mumbulile,
nineenyu abasinjilili beinzu yaIsiraeli;
shimuli inywe abakhoyile okhumanya obuyaasii bwatoto?
2Inywe abakiya amalayi nimuheela amabii;
abakhobolanga likhoba liabandu banje;
nimumaanya inyama yemibili chiabwe okhurula khumakumba;
3abaliitsanga inyama yemibili chiabandu banje;
abababaakanga nibabarusiakhwo likhoba pe,
nibafunaka amakumba kabwe;
ababatonya ebitonye, shinga abakhabara muyamuunyu,
kata shinga inyama eyili munyungu.
4Mana balamuhaabila OMWAMI,
ne shialabakalusiamwo ta;
alababisa tsimonitsie khushise eshio,
khulwa ebikhole ebibii biosi ebia bakhola.
5Kano niko aka OMWAMI aboola khukabanabii abashiaminjia abandu banje;
abarumbula mbu Mulembe,
olwa bali nende eshiokhulia;
nebutswa beenya okhumuseera lihe ourabafundakhwo eshindu ta.
6Niko akachila bulamubeela eshilo, obubisulwi nibubulaho;
bulamubeela eshiilima, obulakusi nibubulaho;
eliuba lilayeelela abanabii;
eshiteere shilaba eshimali ti khubo.
7Tsisoni tsilahamba abanabii,
nabo abafumu nibakoyaasibwa;
balafwimbwa omurwe bosi,
okhuba libulaho likalusia elirula khuNyasaye.
8Nebutswa isie, toto mwene nditsuulemwo obunyali khulwa Roho wOMWAMI,
nobuyaasii, nende amaani,
okhurumbulila Yakobo obukhayibwe,
nende Isiraeli obwonoonibwe.
9Inywe abeemilisi beinzu yaYakobo, chame mumbulile,
nineenyu abasinjilili beinzu yaIsiraeli,
aba obuyaasii bwatoto businyanga,
nimushiamia obuleng'aafu bwosi.
10Muumbashila Sayuni eshitsayi,
naYerusalemu, obumayaanu.
11Abeemilisi balio bayaasilinjia eshiomufuusi;
abakuhani balio beechesilinjia omushaara;
abanabii balio balakulilanga amapeesa;
nebutswa beesetamilia OMWAMI, bari
OMWAMI shiali hakari weefwe?
Eshibii shiosi shishilakhukwila ta.
12Niko akachila khulweenywe Sayuni shilalimwa shinga omukunda,
nalio Yerusalemu lilakwa ebituuli,
neshikulu shieinzu yOMWAMI, shinga omutsuru okwokhushikulu.
Currently Selected:
Mika 3: OUV
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Mika 3
3
Abeemilisi balsiraeli bafukulwa
1Ndasunga mbu
Inywe abeemilisi baYakobo, chame mumbulile,
nineenyu abasinjilili beinzu yaIsiraeli;
shimuli inywe abakhoyile okhumanya obuyaasii bwatoto?
2Inywe abakiya amalayi nimuheela amabii;
abakhobolanga likhoba liabandu banje;
nimumaanya inyama yemibili chiabwe okhurula khumakumba;
3abaliitsanga inyama yemibili chiabandu banje;
abababaakanga nibabarusiakhwo likhoba pe,
nibafunaka amakumba kabwe;
ababatonya ebitonye, shinga abakhabara muyamuunyu,
kata shinga inyama eyili munyungu.
4Mana balamuhaabila OMWAMI,
ne shialabakalusiamwo ta;
alababisa tsimonitsie khushise eshio,
khulwa ebikhole ebibii biosi ebia bakhola.
5Kano niko aka OMWAMI aboola khukabanabii abashiaminjia abandu banje;
abarumbula mbu Mulembe,
olwa bali nende eshiokhulia;
nebutswa beenya okhumuseera lihe ourabafundakhwo eshindu ta.
6Niko akachila bulamubeela eshilo, obubisulwi nibubulaho;
bulamubeela eshiilima, obulakusi nibubulaho;
eliuba lilayeelela abanabii;
eshiteere shilaba eshimali ti khubo.
7Tsisoni tsilahamba abanabii,
nabo abafumu nibakoyaasibwa;
balafwimbwa omurwe bosi,
okhuba libulaho likalusia elirula khuNyasaye.
8Nebutswa isie, toto mwene nditsuulemwo obunyali khulwa Roho wOMWAMI,
nobuyaasii, nende amaani,
okhurumbulila Yakobo obukhayibwe,
nende Isiraeli obwonoonibwe.
9Inywe abeemilisi beinzu yaYakobo, chame mumbulile,
nineenyu abasinjilili beinzu yaIsiraeli,
aba obuyaasii bwatoto businyanga,
nimushiamia obuleng'aafu bwosi.
10Muumbashila Sayuni eshitsayi,
naYerusalemu, obumayaanu.
11Abeemilisi balio bayaasilinjia eshiomufuusi;
abakuhani balio beechesilinjia omushaara;
abanabii balio balakulilanga amapeesa;
nebutswa beesetamilia OMWAMI, bari
OMWAMI shiali hakari weefwe?
Eshibii shiosi shishilakhukwila ta.
12Niko akachila khulweenywe Sayuni shilalimwa shinga omukunda,
nalio Yerusalemu lilakwa ebituuli,
neshikulu shieinzu yOMWAMI, shinga omutsuru okwokhushikulu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975