Abaroma 13
13
1Buli mundu ahulilenje aboburuchi; okhuba bubulaho oburuchi bwosi oburarula khuNyasaye ta; nabwo obuliho bwareebwaho nende Nyasaye. 2Kho oukhaya aboburuchi, akhaya obwibaali bwaNyasaye; nabo abakhayanga beeleerela abeene eshiina. 3Shichila abaruchi shibariisinjia abebikhole ebilayi ta, habula abebibii. Nawe, wenyanga okhubula oburii khuwoburuchi? Kholanga akali amalayi, mana oleetsoomibwa ninaye; 4okhuba khwiwe, niye omukhalabani waNyasaye khulwa obulayi. Ne noba nokholanga akali amabii, oriitsenje; shichila shiachinga olukanga butswa ta; okhuba niye omukhalabani waNyasaye, omumali weshikwoli khulwa Oburima obwo, khu oyo oukholanga amabii. 5Niko akachila nimukhoyile okhuba abahulili; shikhuli khulwa Oburima tsana bwonyene ta, habula khulwa akomumwoyo kukwo omwene. 6Khandi niko akachila nimurunga obushuru; shichila nibo abakhalabani baNyasaye, abahonganga khumilimo chienechio tsindaalo tsiosi. 7Runjenje bosi ebibakwanila; mbu obushuru khubakwanila obushuru; oburoosi khubakwanila oburoosii; oburii khubakwanila okhuriibwa; oluyali khubakwanila oluyali.
8Murabeetsanga nelikobi khumundu yesi ta, habula likobi eliokhuheelana; okhuba ouheelanga owashie yoosiye amalako. 9Shichila kano, mbu Oraheya ta, Oreera omundu ta, Oreeba ta, Orakhaaywa ta, kata lilako lindi liosi niliba nililiho, kosi kaliimaasibwa mwikhuwa lino, mbu Oheelenje owashio shinga olwa wiheela omwene. 10Ouheelanga shiakholela owashie obubii bwosi ta; kho obuheeli nibwo obusiibwi bwamalako.
11Ako kosi, shichila mumanyile induukho shinga olwa yili; mbu bulaano eshise shiuliile elala eshiokhusisimushilakhwo mundoolo; shichila bulaano obuhonia bukhusitiile ahambi okhushila olwa khwachaaka okhusuubila. 12Eshilo shiilukhana muno, eshialo shili okhushia; kho khwinaabule ebikhole bieshiilima, nikhwifwala ebimanulwa biobulafu. 13Khwiyilenje mubwatoto, shinga abomushiteere; khuleshe obulangu nobumeesi; khuleshe obuheyi nobwilaasi; khuleshe obusoolo nende okhukhalikha omukongo. 14Nebutswa mwifwale Omwami Yesu Kristo, nimurakasilia omubili obwiyangu bwokhukhola obwikombi bwakwo obubii ta.
Currently Selected:
Abaroma 13: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Abaroma 13
13
1Buli mundu ahulilenje aboburuchi; okhuba bubulaho oburuchi bwosi oburarula khuNyasaye ta; nabwo obuliho bwareebwaho nende Nyasaye. 2Kho oukhaya aboburuchi, akhaya obwibaali bwaNyasaye; nabo abakhayanga beeleerela abeene eshiina. 3Shichila abaruchi shibariisinjia abebikhole ebilayi ta, habula abebibii. Nawe, wenyanga okhubula oburii khuwoburuchi? Kholanga akali amalayi, mana oleetsoomibwa ninaye; 4okhuba khwiwe, niye omukhalabani waNyasaye khulwa obulayi. Ne noba nokholanga akali amabii, oriitsenje; shichila shiachinga olukanga butswa ta; okhuba niye omukhalabani waNyasaye, omumali weshikwoli khulwa Oburima obwo, khu oyo oukholanga amabii. 5Niko akachila nimukhoyile okhuba abahulili; shikhuli khulwa Oburima tsana bwonyene ta, habula khulwa akomumwoyo kukwo omwene. 6Khandi niko akachila nimurunga obushuru; shichila nibo abakhalabani baNyasaye, abahonganga khumilimo chienechio tsindaalo tsiosi. 7Runjenje bosi ebibakwanila; mbu obushuru khubakwanila obushuru; oburoosi khubakwanila oburoosii; oburii khubakwanila okhuriibwa; oluyali khubakwanila oluyali.
8Murabeetsanga nelikobi khumundu yesi ta, habula likobi eliokhuheelana; okhuba ouheelanga owashie yoosiye amalako. 9Shichila kano, mbu Oraheya ta, Oreera omundu ta, Oreeba ta, Orakhaaywa ta, kata lilako lindi liosi niliba nililiho, kosi kaliimaasibwa mwikhuwa lino, mbu Oheelenje owashio shinga olwa wiheela omwene. 10Ouheelanga shiakholela owashie obubii bwosi ta; kho obuheeli nibwo obusiibwi bwamalako.
11Ako kosi, shichila mumanyile induukho shinga olwa yili; mbu bulaano eshise shiuliile elala eshiokhusisimushilakhwo mundoolo; shichila bulaano obuhonia bukhusitiile ahambi okhushila olwa khwachaaka okhusuubila. 12Eshilo shiilukhana muno, eshialo shili okhushia; kho khwinaabule ebikhole bieshiilima, nikhwifwala ebimanulwa biobulafu. 13Khwiyilenje mubwatoto, shinga abomushiteere; khuleshe obulangu nobumeesi; khuleshe obuheyi nobwilaasi; khuleshe obusoolo nende okhukhalikha omukongo. 14Nebutswa mwifwale Omwami Yesu Kristo, nimurakasilia omubili obwiyangu bwokhukhola obwikombi bwakwo obubii ta.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975