Abaroma 14
14
Orakhalachila owashio eshiina
1Ne oyo ouli omuteshele mubusuubili, mumwinjisie, ne khulwa okhuyinganila amapaaroke ta. 2Omundu mulala asuubilanga shinga olwa anyala okhulia ebindu biosi; ne omuteshele aliilanga eliani lionyene. 3Oyo ouliitsanga araleka ulia ouraliitsanga ta; kata ouraliitsanga ta yesi ario, aramukhalachila eshiina ulia ouliitsanga; okhuba Nyasaye amalile okhumufuchiilila. 4Nawe niwe wina oukhalachila omukholi wabeene eshiina? Okhuralilakhwe kata okhukwakhwe namakhuwa komwami wuwe omwene. Ne toto, alaralisibwa; okhuba Omwami ali nobunyali okhumuralisia.
5Omundu mulala achamanga inyanga ndala okhushila eyindi; oundi atsichama tsindaalo tsiosi. Buli mundu amanye bulayi mumwoyokwe aka atinyakhwo shinga olwa kali. 6Oulindanga inyanga, achilinda imbeli wOmwami; khandi ouliitsanga, aliitsanga imbeli wOmwami, okhuba akhupila Nyasaye orio; kata ouraliitsanga ta, imbeli wOmwami shialiitsanga tawe, ne akhupila Nyasaye mbu orio. 7Obulamu bwomundu shibuli obubwe omwene ta; kata okhufwa khwomundu shikhuli okhukhwe omwene ta. 8Shichila kata nikhuli mwoyo, khubeetsanga mwoyo imbeli waNyasaye; kata nikhufwa, khufwitsanga imbeli waNyasaye. Kho kata nikhuba mwoyo, kata nikhufwa, khuli abOmwami. 9Okhuba niko akachila Kristo yafwa nende okhulamukha mbu abe Omwami wabafu nende abali mwoyo bosi. 10Ne iwe, omukhalachilanga omwana weenywe eshiina mbushiina? Kata khandi iwe, olekanga omwana weenywe mbushiina? Okhuba fwesi khulisinjila hashifumbi; shiobuyaasi shiaNyasaye. 11Shichila kahandiikwa mbu
Omwami yasunga ari Shinga olwa endi mwoyo, imbeli wanje buli lisikamo liosi liakhasikame,
khandi buli lulimi lwosi lwakhamwitsoomie Nyasaye.
12Kho buli mundu khwifwe alitoonya akeke khululwe imbeli waNyasaye.
Oreesichilasia owashio
13Khulwako khurakhalachilananga eshiina khandi ta; habula okhukhalaka likhuwa lino, mbu omundu yesi arara eshiisichirasio khunjila yomwana wabwe, kata eshindu shiosi eshinyala okhumukwisia ta. 14Emanyile, khandi muMwami Yesu esuubilanga toto, mbu shibulaho eshili eshiomusilo khubwashio ta; habula khu oyo ouluutsi eshindu mbu neshiomusilo, shibeetsanga eshiomusilo khuye. 15Okhuba ebia oliitsanga nibiba nibichila omwana weenywe nabeelesibwa, shioshichendela mubuheeli ta. Oramwonoonia nende ebiokhuliabio tawe, omundu owa Kristo yafwila. 16Akali amalayi khwiwe kaleshenje okhuboolwa mbu namabii, 17okhuba Obwami bwaNyasaye shibuli khukokhulia nende okhunywa ta, habula nobulunjishi nomulembe nende okhwikhoya, muRoho Omutakatifu. 18Okhuba oukhalabanila Kristo ario achamwa nende Nyasaye, nafuchiililwa nabandu. 19Kho khulondachilile akeenako akaleera omulembe nende akokhuumbakhana. 20Muralikulula omulimo kwaNyasaye khulwa ebiokhulia tawe. Nitoto, mbu ebindu biosi nebisiiyikhu; nebutswa nobubii khumundu oyo ouliitsanga eshinyala okhwisichirasia owashie. 21Nobulayi oburalia inyama, kata okhunywa idivai, kata okhukhola elindi liosi eliakhachila omwana weenywe niyeesichirala tawe. 22Aka obusuubilibwo bukhukhalachilanga, obe ninako omwene imbeli waNyasaye. Noweibaraka oureeyaasinjia mukeenako aka afuchiililanga ta. 23Ne oyo oukanakaninjia akhalachiilwe eshiina naba nalia, shichila shialiitsanga khulwa obusuubili ta; ne biosi ebirarula mubusuubili ta nobwonooni.
Currently Selected:
Abaroma 14: OUV
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975
Abaroma 14
14
Orakhalachila owashio eshiina
1Ne oyo ouli omuteshele mubusuubili, mumwinjisie, ne khulwa okhuyinganila amapaaroke ta. 2Omundu mulala asuubilanga shinga olwa anyala okhulia ebindu biosi; ne omuteshele aliilanga eliani lionyene. 3Oyo ouliitsanga araleka ulia ouraliitsanga ta; kata ouraliitsanga ta yesi ario, aramukhalachila eshiina ulia ouliitsanga; okhuba Nyasaye amalile okhumufuchiilila. 4Nawe niwe wina oukhalachila omukholi wabeene eshiina? Okhuralilakhwe kata okhukwakhwe namakhuwa komwami wuwe omwene. Ne toto, alaralisibwa; okhuba Omwami ali nobunyali okhumuralisia.
5Omundu mulala achamanga inyanga ndala okhushila eyindi; oundi atsichama tsindaalo tsiosi. Buli mundu amanye bulayi mumwoyokwe aka atinyakhwo shinga olwa kali. 6Oulindanga inyanga, achilinda imbeli wOmwami; khandi ouliitsanga, aliitsanga imbeli wOmwami, okhuba akhupila Nyasaye orio; kata ouraliitsanga ta, imbeli wOmwami shialiitsanga tawe, ne akhupila Nyasaye mbu orio. 7Obulamu bwomundu shibuli obubwe omwene ta; kata okhufwa khwomundu shikhuli okhukhwe omwene ta. 8Shichila kata nikhuli mwoyo, khubeetsanga mwoyo imbeli waNyasaye; kata nikhufwa, khufwitsanga imbeli waNyasaye. Kho kata nikhuba mwoyo, kata nikhufwa, khuli abOmwami. 9Okhuba niko akachila Kristo yafwa nende okhulamukha mbu abe Omwami wabafu nende abali mwoyo bosi. 10Ne iwe, omukhalachilanga omwana weenywe eshiina mbushiina? Kata khandi iwe, olekanga omwana weenywe mbushiina? Okhuba fwesi khulisinjila hashifumbi; shiobuyaasi shiaNyasaye. 11Shichila kahandiikwa mbu
Omwami yasunga ari Shinga olwa endi mwoyo, imbeli wanje buli lisikamo liosi liakhasikame,
khandi buli lulimi lwosi lwakhamwitsoomie Nyasaye.
12Kho buli mundu khwifwe alitoonya akeke khululwe imbeli waNyasaye.
Oreesichilasia owashio
13Khulwako khurakhalachilananga eshiina khandi ta; habula okhukhalaka likhuwa lino, mbu omundu yesi arara eshiisichirasio khunjila yomwana wabwe, kata eshindu shiosi eshinyala okhumukwisia ta. 14Emanyile, khandi muMwami Yesu esuubilanga toto, mbu shibulaho eshili eshiomusilo khubwashio ta; habula khu oyo ouluutsi eshindu mbu neshiomusilo, shibeetsanga eshiomusilo khuye. 15Okhuba ebia oliitsanga nibiba nibichila omwana weenywe nabeelesibwa, shioshichendela mubuheeli ta. Oramwonoonia nende ebiokhuliabio tawe, omundu owa Kristo yafwila. 16Akali amalayi khwiwe kaleshenje okhuboolwa mbu namabii, 17okhuba Obwami bwaNyasaye shibuli khukokhulia nende okhunywa ta, habula nobulunjishi nomulembe nende okhwikhoya, muRoho Omutakatifu. 18Okhuba oukhalabanila Kristo ario achamwa nende Nyasaye, nafuchiililwa nabandu. 19Kho khulondachilile akeenako akaleera omulembe nende akokhuumbakhana. 20Muralikulula omulimo kwaNyasaye khulwa ebiokhulia tawe. Nitoto, mbu ebindu biosi nebisiiyikhu; nebutswa nobubii khumundu oyo ouliitsanga eshinyala okhwisichirasia owashie. 21Nobulayi oburalia inyama, kata okhunywa idivai, kata okhukhola elindi liosi eliakhachila omwana weenywe niyeesichirala tawe. 22Aka obusuubilibwo bukhukhalachilanga, obe ninako omwene imbeli waNyasaye. Noweibaraka oureeyaasinjia mukeenako aka afuchiililanga ta. 23Ne oyo oukanakaninjia akhalachiilwe eshiina naba nalia, shichila shialiitsanga khulwa obusuubili ta; ne biosi ebirarula mubusuubili ta nobwonooni.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Oluluyia Union Version © Bible Society of Kenya 1975